Roja

21:10 - September 29, 2017

'జబర్దస్త్' టీమ్ తో టెన్ టివి స్పెషల్ చిట్ చాట్ నిర్వహించింది. ఈ సందర్భంగా కార్తీక్, మాస్ అవినాష్, పంచ్ ప్రకాశ్ మాట్లాడారు. జబర్దస్త్ షో అనుభవాలు, సినిమా అనుభవాలను తెలిపారు. పలు డైలాగ్స్ తో అలరించారు. పలు హీరోలను ఇమిటేట్ చేశారు. మరిన్ని వివరాలను వీడియోలో చూద్దాం...

 

20:41 - August 19, 2017

కర్నూలు : నంద్యాల ఉప ఎన్నికలో టీడీపీ అభ్యర్థి భూమా బ్రహ్మానందరెడ్డి 25 వేల ఓట్ల మెజార్టీతో గెలుస్తారని ఏపీ వ్యవవసాయ శాఖ మంత్రి సోమిరెడ్డి చంద్రమోహన్‌రెడ్డి ధీమా వ్యక్తం చేస్తున్నారు. ఈమేరకు ఆయనతో టెన్ టివి ఫేస్‌ టూ ఫేస్‌ నిర్వహించింది. ముఖ్యమంత్రి చంద్రబాబు చేసిన అభివృద్ధిని చూస్తున్న నంద్యాల ఓటర్లు టీడీపీకి అనుకూలంగా ఉన్నారని తెలిపారు. 

20:24 - August 19, 2017

కర్నూలు : తన రాజకీయ జీవితంలో ఏ ప్రభుత్వం ఇంత దౌర్జన్యంగా ఎన్నికలు జరపడం చూడలేదన్నారు వైసిపి సీనియర్ నేత బొత్స సత్యనారాయణ. 3 సంవత్సరాల కాలంలో నంద్యాలలో టీడీపీ ఏ  వర్గానికి  న్యాయం చేయలేదని విమర్శించారు. టీడీపీతో ఎవరు జత కట్టినా వారు ఆత్మహత్య చేసుకున్నట్లేనంటున్న బొత్స సత్యనారాయణతో టెన్ టివి ఫేస్ టు ఫేస్ నిర్వహించింది. నంద్యాల ఉప ఎన్నికలో టీడీపీకి ఓటమి తప్పదన్నారు. 

 

20:19 - August 19, 2017

కర్నూలు : చంద్రబాబుకి తన కొడుకు, మంత్రులపై నమ్మకం లేకే నంద్యాల ఉపఎన్నికల ప్రచారానికి వచ్చారని వైసీపీ ఎమ్మెల్యే రోజా విమర్శించారు. నంద్యాల రోడ్‌షోలో పాల్గొన్న రోజా.. జీహెచ్ఎంసీ ఎన్నికల్లో లోకేష్‌ పర్యటించి టీడీపీని ఖాళీ చేయించారని గుర్తు చేశారు. వైసీపీ అభ్యర్థిని గెలిపిస్తే మిగిలిన రెండేళ్లయినా జాగ్రత్తగా పని చేస్తారని రోజా అన్నారు..

 

16:56 - August 12, 2017

నెల్లూరు : వైసీపీ ఎమ్మెల్యే రోజా వ్యాఖ్యలపై టీడీపీ మహిళా నేతలు వినూత్నంగా నిరసన తెలిపారు.. నెల్లూరులో రోజా వేషధారణలోఉన్న మహిళకు పూలు, గాజులు వేశారు.. ఓ మహిళవై ఉండి ఇలాంటి కామెంట్స్ చేయడం తగదంటూ మొట్టికాయలు వేశారు.

06:39 - August 12, 2017

విజయవాడ : ఏపీలో పొలిటికల్‌వార్‌ పీక్‌ స్టేజ్‌కు చేరుకుంది. సోషల్‌మీడియా వేదికగా అధికార, విపక్ష పార్టీలు హీట్‌ పెంచుతున్నాయి. ఈ విషయంలో వైసీపీ ఓ అడుగు ముందే ఉంది. వరుసగా పోస్టింగ్‌లతో అధికారపార్టీని ఉక్కిరిబిక్కిరి చేస్తోంది. వైసీపీ పొలిటికల్‌ అడ్వయిజర్‌ ప్రశాంత్‌కిషోర్‌ వ్యూహంలో భాగంగా నడుస్తున్న సోషల్‌ మీడియా వార్‌ ఇపుడు హాట్‌టాపిక్‌గా మారింది. సాధారణంగా టెక్నాలజీలో తనకంటే ఘనులు లేరని చెప్పుకునే చంద్రబాబునే ఉక్కిరిబిక్కిరి చేసేలెవల్లో వైసీపీ అభిమానులు పోస్టింగులు పెడుతున్నారు. ప్రశాంత్ కిషోర్‌ వ్యూహంలో భాగంగా సోషల్‌ మీడియాలో వార్‌ మొదలు పెట్టినట్టు సమాచరం. దీనికోసం స్పెషల్‌ టీంను ఏర్పాటు చేసినట్టు చెప్పుకుంటున్నారు. ప్రశాంత్‌కిషోర్‌ వ్యూహంలో భాగంగానే వైసీపీ ప్రజాప్రతినిధులు, కార్యకర్తలను సోషల్‌ మీడియాలో యాక్టివ్‌గా మారినట్టు తెలుస్తోంది. టెక్నాలజీలో ముందుండే చంద్రబాబును అదే టెక్నాలజీతో దెబ్బకొట్టాలన్న ప్లాన్‌ ను వైసీపీ చక్కగా అమలు చేస్తోంది.

జగన్ యాక్టివ్..
మరోవైపు జగన్‌ కూడా ఎన్నడూ లేని విధంగా ట్విటర్‌, ఫేస్‌బుక్‌లలో కామెంట్లతో యాక్టివ్‌గా ఉంటున్నారు. వాస్తవానికి జగన్‌ 2009నుంచి ప్రత్యక్ష రాజకీయాల్లో బిజీగా మారినా.. సోషల్‌ మీడియాను అంతగా పట్టించుకోలేదు. తాజాగా ప్రతి అంశంలోనూ తన అభిప్రాయాలను కార్యకర్తలతో పంచుకుంటున్నారు. ఇదంతా ప్రశాంతకిషోర్‌ వ్యూహంలతో భాగంగానే జరుగుతున్నట్టు రాజకీయవర్గాల్లో చర్చలు నడుస్తున్నాయి.

వేల సంఖ్యలో ఖాతాలు..
వైసీపీ ప్రచార వ్యూహకర్త ప్రశాంత్ కిషోర్‌ ప్లాన్‌లో భాగంగా ట్విటర్‌, ఫేస్‌బుక్‌లో వేల సంఖ్యలో ఖాతాలు ఓపెన్‌ చేశారు. అయితే ఆ అకౌంట్లన్నీ నార్త్ ఇండియా పేర్లతోనే ఉండటంతో పలు అనుమానాలు కలుగుతున్నాయి. ప్రశాంత్‌ కిషోర్‌ టీం మెంబర్లే ఇలా వైసీపీ కార్యకర్తల్లా పోస్టింగులు పెడుతున్నారని టీడీపీ అభిమానులు ఆరోపణలు చేస్తున్నారు. గతంలో కూడా ప్రశాంత్ కిషోర్‌ టీమ్‌ ఇవే పేర్లతో సోషల్‌మీడియాలో కామెంట్లుపెడుతూ తాము వ్యూహకర్తులుగా ఉన్న పార్టీలకు సహకరించినట్టు తెలుస్తోంది. సోషల్‌మీడియా వేదికగా నడుస్తున్న వైసీపీ పొలిటికల్‌ ప్రచారం అంతా బూటకమని టీడీపీ కార్యకర్తలు అంటున్నారు. దీని వెనుక ప్రశాంత్‌కిషోర్‌ టీమ్‌ ఉందంటున్నారు. టీడీపీని, చంద్రబాబును టార్గెట్‌ చేస్తున్న సోషల్‌ మీడియా అకౌంట్లన్నీ నార్త్ ఇండియా పేర్లతో ఉండటమే దీనికి రుజువు అంటున్నారు. మొత్తానికి సోషల్‌ మీడియా వేదికగా టీడీపీ-వైసీపీ మాటల యుద్ధం రాజకీయ వేడిని పీక్‌స్టేజ్‌కి తీసుకెళ్లింది. భవిష్యత్తులో ఈ టెక్నికల్‌ వార్‌ ఏపీ పొలిటిక్స్‌ను ఎటు తీసుకెళతాయో అనే ఉత్కంఠ సర్వత్రా నెలకొంది. 

21:59 - August 11, 2017

కర్నూలు : విపక్ష నేత వైఎస్‌ జగన్‌ చట్టానికి అతీతుడు కాదని... రెచ్చగొట్టే వ్యాఖ్యలు చేసే ఎవరిపైనైనా ఈసీ చర్యలు తీసుకోవాలని ఏపీ మంత్రి సోమిరెడ్డి చంద్రమోహన్‌రెడ్డి అన్నారు. చంద్రబాబుపై జగన్‌ వ్యాఖ్యలకు నిరసనగా నంద్యాలలో టీడీపీ భారీ ర్యాలీ చేపట్టింది. శ్రీనివాస్‌ సెంటర్‌ నుంచి టీడీపీ కార్యాలయం వరకు మౌన ప్రదర్శన నిర్వహంచారు.

19:10 - August 11, 2017

విజయవాడ : ఏపీలో విపక్ష వైసీపీ సోషల్‌మీడియాలో దూసుకుపోతోంది. నంద్యాల ఉప ఎన్నికల నేపథ్యంలో అధికార టీడీపీని టార్గెట్‌ చేస్తూ పెడుతున్న పోస్టింగ్‌లు హీట్‌పెంచుతున్నాయి. వైసీపీ దూకుడుపై టీడీపీ కార్యకర్తలు మండిపడుతున్నారు. సాధారణంగా టెక్నాలజీలో తనకంటే ఘనులు లేరని చెప్పుకునే చంద్రబాబునే ఉక్కిరిబిక్కిరి చేసేలెవల్లో వైసీపీ అభిమానులు పోస్టింగులు పెడుతున్నారు. ప్రశాంతకిషోర్‌ వ్యూహంలో భాగంగా సోషల్‌మీడియాలో వార్‌ మొదలు పెట్టినట్టు సమాచరం. దీనికోసం స్పెషల్‌ టీంను ఏర్పాటు చేసినట్టు చెప్పుకుంటున్నారు. ప్రశాంత్‌కిషోర్‌ వ్యూహంలో భాగంగానే వైసీపీ ప్రజాప్రతినిధులు, కార్యకర్తలను సోషల్‌మీడియాలో యాక్టివ్‌గా మారినట్టు తెలుస్తోంది. టెక్నాలజీలో ముందుండే చంద్రబాబును అదే టెక్నాలజీతో దెబ్బకొట్టాలన్న ప్లాన్‌ ను వైసీపీ చక్కగా అమలు చేస్తోంది. మరోవైపు జగన్‌ కూడా ఎన్నడూ లేని విధంగా ట్విటర్‌, ఫేస్‌బుక్‌లలో కామెంట్లతో యాక్టివ్‌గా ఉంటున్నారు. వాస్తవానికి జగన్‌ 2009నుంచి ప్రత్యక్షరాజకీయాల్లో బిజీగా మారినా.. సోషల్‌ మీడియాను అంతగా పట్టించుకోలేదు. తాజాగా ప్రతి అంశంలోనూ తన అభిప్రాయాలను కార్యకర్తలతో పంచుకుంటున్నారు. ఇదంతా ప్రశాంతకిషోర్‌ వ్యూహంలతో భాగంగానే జరుగుతున్నట్టు రాజకీయవర్గాల్లో చర్చలు నడుస్తున్నాయి.

ప్లాన్‌లో భాగంగా ట్విటర్‌, ఫేస్‌బుక్‌లో వేల సంఖ్యలో ఖాతాలు
వైసీపీ ప్రచార వ్యూహకర్త ప్రశాంతకిషోర్‌ ప్లాన్‌లో భాగంగా ట్విటర్‌, ఫేస్‌బుక్‌లో వేల సంఖ్యలో ఖాతాలు ఓపన్‌ చేశారు. అయితే ఆ అకౌంట్లన్నీ నార్త్‌ఇండియా పేర్లతోనే ఉండటంతో పలు అనుమానాలు కలుగుతున్నాయి. ప్రశాంత్‌కిషోర్‌ టీం మెంబర్లే ఇలా వైసీపీ కార్యకర్తల్లా పోస్టింగులు పెడుతున్నారని టీడీపీ అభిమానులు ఆరోపణలు చేస్తున్నారు. గతంలో కూడా ప్రశాంతకిషోర్‌ టీమ్‌ ఇవేపేర్లతో సోషల్‌మీడియాలో కామెంట్లుపెడుతూ తాము వ్యూహకర్తులుగా ఉన్న పార్టీలకు సహకరించినట్టు తెలుస్తోంది. సోషల్‌మీడియా వేదికగా నడుస్తున్న వైసీపీ పొలిటికల్‌ ప్రచారం అంతా బూటకమని టీడీపీ కార్యకర్తలు అంటున్నారు. దీనివెనుక ప్రశాంత్‌కిషోర్‌ టీమ్‌ ఉందంటున్నారు. టీడీపీని, చంద్రబాబును టార్గెట్‌ చేస్తున్న సోషల్‌మీడియా అకౌంట్లన్నీ నార్త్‌ఇండియా పేర్లతో ఉండటమే దీనికి రుజువు అంటున్నారు. మొత్తానికి సోషల్‌మీడియా వేదికగా టీడీపీ-వైసీపీ మాటల యుద్ధం రాజకీయవేడిని పీక్‌స్టేజ్‌కి తీసుకెళ్లింది. భవిష్యత్తులో ఈ టెక్నికల్‌వార్‌ ఏపీ పొలిటిక్స్‌ను ఎటుతీసుకెళతాయో అనే ఉత్కంఠ సర్వత్రా నెలకొంది. 

19:07 - August 11, 2017

కర్నూలు : సీఎం చంద్రబాబుపై జగన్‌ వ్యాఖ్యలకు నిరసనగా నంద్యాలలో టీడీపీ ఆందోళన చేపట్టింది. శ్రీనివాస్‌ సెంటర్‌ నుంచి టీడీపీ కార్యాలయం వరకు మౌన ప్రదర్శన నిర్వహంచారు. ఇందులో మంత్రి సోమిరెడ్డి చంద్రమోహన్‌రెడ్డి, ఎమ్మెల్సీ ఫరూక్‌తో పాటు పలువురు నేతలు పాల్గొన్నారు. ఎన్నికల కమిషన్‌.. జగన్‌ను కట్టడి చేయాల్సిన అవసరం ఉందని టీడీపీ నేతలు అన్నారు. పూర్తి వివరాలకు వీడియో చూడండి.

19:06 - August 11, 2017

హైదరాబాద్ : రాజధానిలో రైతుల భూములు లాక్కుని వారిని రోడ్డుపై పడేసిన చంద్రబాబుకు ఏం శిక్ష విధించాలో టీడీపీ నేతలు చెప్పాలని రోజా ప్రశ్నించారు. రైతు రుణమాఫీ పేరుతో మోసం చేసి రైతులు ఆత్మహత్యలు చేసుకునేలా చేసిన చంద్రబాబుకు ఏ శిక్ష వేయాలని రోజా మండిపడ్డారు. ఎన్నికల ప్రచారంలో జగన్ చేసిన వ్యాఖ్యలపై టీడీపీ నేతలు కావాలనే రాద్ధాంతం చేస్తున్నారని విమర్శించారు. ఓటమి భయంతోనే టీడీపీ దిగజారుడు రాజకీయాలు చేస్తోందని రోజా అన్నారు.

Pages

Don't Miss

Subscribe to RSS - Roja