rss

13:09 - November 10, 2018

బెంగళూరు: భారతీయ జనతా పార్టీ చేపట్టిన నిరసనల మధ్య కర్ణాటకలోని సంకీర్ణ సర్కార్ అధికారికంగా టిప్పు సుల్తాన్ జయంతిని అట్టహాసంగా జరిపించింది. అనారోగ్యం కారణంగా ముఖ్యమంత్రి హెచ్‌డీ కుమారస్వామి ఈ వేడుకలకు దూరంగా ఉంటున్నారు. అధికారిక వేడుకలను అడ్డుకుంటున్న బీజేపీ కార్యకర్తలను కొడగు జిల్లాలో పోలీసులు అదుపులోకి తీసుకున్నారు. కపటంతో, కుహానా లౌకికవాదం ముసుగుతో సంకీర్ణ ప్రభుత్వం ఈ వేడుకలను నిర్వహిస్తోందని బీజేపీ నేతలు విమర్శించారు.
18వ శాతాబ్దపు మైసూరు పాలకుడు నాలుగవ బ్రిటీష్-మైసూరు యుద్ధంలో మరణించిన టిప్పు సుల్తాన్‌ను స్వాతంత్ర సమరయోధుడిగా పేర్కొంటూ కాంగ్రెస్ ప్రభుత్వం ఆయన జయంతి వేడుకలను 2015 నుంచి నిర్వహిస్తోంది. సంకీర్ణ ప్రభుత్వం కూడా ఈ సంప్రదాయాన్ని కొనసాగిస్తూ వేడుకలు నిర్వహిస్తోంది. 
అయితే, బీజేపీ, ఆర్ఎస్ఎస్ మరికొన్ని సామాజిక సంస్థలు దీన్ని వ్యతిరేకిస్తున్నాయి. టిప్పు సుల్తాన్‌ను ఒక కరడుగట్టిన రాజుగా.. . ఇస్లాంలోకి మారేందుకు ఇష్టపడని హిందువులను, క్రిష్టియన్లను ఉచకోత కోసిన ప్రజాకంటకుడిగా  అభివర్ణిస్తూ నిరసన తెలియజేస్తున్నాయి. కర్ణాటకలోని పలు జిల్లాల్లో శుక్రవారు నాడు నిరసనలు చోటుచేసుకున్నాయి.

17:47 - October 20, 2018

ఢిల్లీ : అయోధ్యలో రామజన్మ భూమి వివాదం వచ్చే లోక్ సభ ఎన్నికల్లో ప్రచారాస్త్రం కాబోతోందా? ఇటీవల చోటు చేసుకుంటున్న పరిణామాలు చూస్తే ఈ సందేహం  రాక మానదు. తరచుగా బీజేపీ, ఆర్ఎస్ఎస్ నేతలు ప్రకటనలు చూస్తుంటేఅదే నిజమనిపిస్తోంది. రామ జన్మభూమి నిర్మాణానికి అంతా సహకరిస్తామని ఆర్ఎస్ఎస్ చీఫ్ మోహన్ భగవత్ ప్రకటించారు.

Image result for BHAGAVATH rSS AND UDDAV THAKREదేశంలోనే వివాదాస్పదమైన అయోధ్య రామమందిర నిర్మాణ అంశాన్ని మరోసారి తెరపైకి తెచ్చింది బీజేపీ. యూపీలో అధికారంలోకి వస్తే రామ మందిరాన్ని నిర్మిస్తామని ఎన్నికల మేనిఫెస్టోలో ప్రకటించిన విషయం కూడా తెలిసిందే. కానీ ఎన్డీయే ప్రభుత్వం ఏర్పాటు అయిన తరువాత అది ఎటూ తేలలేదు. కానీ ఇప్పుడు తాజాగా రానున్న ఎన్నికల్లో మరోసారి రామజన్మ భూమిని అస్త్రంగా ఉపయోగించటానికి బీజేపీ రెడీ అయిపోయింది. దీనిపై ఎన్ని వివర్శలు వచ్చినా రామ జన్మ భూమిలో అయోధ్యను నిర్మించి తీరతామని ప్రకటిస్తు వచ్చారు. ఇప్పుడు తాజాగా మరోసారి రామజన్మ భూమి వివాదాన్ని తెరపైకి తెచ్చిన భగవత్ ప్రకటనతో కాంగ్రెస్ నేతలు మండిపడుతున్నారు. విమర్శలు చేస్తున్నారు. మహారాష్ట్ర ఎన్నికల్లో బీజేపీకి దూరంగా వున్న శివసేన కూడా ఇదే పంథాను అవలంభిస్తోంది. రామమందిరం నిర్మాణం ఎందుకు ఆలస్యం అవుతోందని ప్రశ్నిస్తోంది. దీనికోసం నవంబర్ 25 అయోధ్యకు వెళతానని శివసేన చీఫ్ ఉద్ధవ్ ఠాక్రే తెలిపారు. 

Image result for supreme court ayodhyaమరోవైపు సుప్రీంకోర్టులో బాబ్రి మసీదు, రామ జన్మభూమి కేసులు ఇంకా పెండింగ్ లోనే వున్నాయి. ఈ అంశంపై పలుమార్లు విచారణ కొనసాగుతున్నా ఇంతవరకూ ఎటూ తేలలేదు. దీంతో బాబ్రి మసీదు, రామ జన్మభూమి వివాదాలపై ఎన్నికల ముందు తీర్పు వెలువరించవద్దనీ..అలా చేస్తే అల్లర్లు చెలరేగుతాయని సుప్రీం కోర్టులో పలు పిటీషన్స్ దాఖలైయ్యాయి. ఈ నేపథ్యంలో రాజకీయ లబ్ది కోసం రామ జన్మభూమి అంశాన్ని మరోసారి తెరపైకి తెచ్చేందుకు బీజేపీ, ఆర్ఎస్ఎస్, శివసేన యత్నిస్తున్నాయి. 

21:18 - October 17, 2018

కేరళ: తీవ్ర ఉద్రిక్తతల నడుమ శబరిమల అయ్యప్ప ఆలయం తెరుచుకుంది. సాయంత్రం 5 గంటకు ఆలయం తలుపులు తెరుచుకున్నాయి. ప్రతి రోజూ రాత్రి 10.30 గంటల వరకు భక్తులు స్వామివారిని దర్శించుకోవచ్చు. అయ్యప్ప స్వామి ఆలయంలోకి అన్ని వయసుల మహిళలను అనుమతించాలని సుప్రీంకోర్టు తీర్పిచ్చిన తర్వాత అయ్యప్ప ఆలయం ఇవాళే తెరుచుకుంది. కాగా ఓవైపు ఆందోళనకారులు మరోవైపు పోలీసులు.. అయ్యప్ప స్వామి ఆలయ పరిసరాల్లో ఉద్రిక్త పరిస్థితులు కనిపించాయి. సుప్రీంకోర్టు తీర్పుతో దేశం నలుమూలల నుంచి అయ్యప్ప స్వామిని దర్శించుకునేందుకు మహిళలు తరలి వచ్చారు. అయితే ఆలయంలోకి మహిళలను వెళ్లనివ్వకుండా ఆందోళనకారులు ఎక్కడికక్కడ అడ్డుకోవడం ఉద్రిక్తతలకు దారితీసింది. ఆందోళనకారులు అడ్డుకోవడంతో మహిళలు ఆలయం వరకు కూడా వెళ్లలేకపోయారు. మహిళలను కనీసం పంబ నది వరకు కూడా రానివ్వలేదు ఆందోళనకారులు. నీలక్కల్‌లో ఆందోళనకారుల మీద పోలీసులు లాఠీచార్జ్‌గా చేయగా, నిరసనకారులు పోలీసుల మీద రాళ్లు రువ్వారు.

ఆలయం తలుపులు తీసిన తర్వాత ప్రధాన పూజారి స్వామివారికి శాస్త్రోక్తంగా పూజలు నిర్వహించారు. ఈనెల 22 వరకు ఆలయం తలుపులు తెరిచి ఉంచుతామని, అయ్యప్ప భక్తులు స్వామిని దర్శించుకోవచ్చని తెలిపారు. 

శబరిమల ఆలయ ద్వారాలు తెరుచుకున్న నేపథ్యంలో నెలకొన్న ఉద్రిక్త పరిస్థితులు కారణంగా పోలీసులు పలు ప్రాంతాల్లో 144 సెక్షన్‌ను విధించారు. ఆలయంలోకి మహిళల ప్రవేశాన్ని అడ్డుకుంటున్న పంబ, నీలక్కల్‌, సన్నిధానం, ఎలవుంగళ్‌ ప్రాంతాల్లో 144 సెక్షన్‌ అమలు చేశారు.

కాగా, ఆందోళనల వెనుక ఆర్‌ఎస్‌ఎస్‌ వాళ్లు ఉన్నారంటూ కేరళ మంత్రి ఈసీ జయరాజన్‌ ఆగ్రహం వ్యక్తం చేశారు. శబరిమల ఆలయం చుట్టుపక్కల అడవిలో దాక్కుని అయ్యప్ప భక్తులపై ఆర్‌ఎస్‌ఎస్‌ కార్యకర్తలు దాడులకు తెగబడుతున్నారని ఆయన ఆరోపించారు. 10మంది మీడియా ప్రతినిధులు, ఐదుగురు భక్తులు, 15మంది పోలీసులపై దాడి చేశారని చెప్పారు. కేఎస్‌ఆర్టీసీ బస్సులు ధ్వంసం చేశారన్నారు. ఇతర రాష్ట్రాల నుంచి శబరిమలను దర్శించుకునేందుకు వచ్చిన భక్తులను కొట్టి వెనక్కి పంపించేశారని.. దీనంతటి వెనుక ఆర్‌ఎస్‌ఎస్‌-బీజేపీ పాత్ర ఉందని మంత్రి జయరాజన్ అన్నారు. సుప్రీంకోర్టు నిబంధనలు అందరికీ వర్తిస్తాయని, సుప్రీం ఆదేశాలను రాష్ట్ర ప్రభుత్వం పాటిస్తూ వాటిని అమలు పరుస్తోందని మంత్రి వివరించారు. మీడియా ప్రతినిధులపై దాడి చేసిన వారిపై నాన్‌బెయిలబుల్‌ వారెంట్‌ను జారీ చేస్తున్నట్లు మంత్రి తెలిపారు. సన్నిధానం వెళ్లే భక్తులకు ప్రభుత్వం భద్రత కల్పిస్తుందని ఆయన హామీ ఇచ్చారు.

మరోవైపు ఆలయంలోకి మహిళల ప్రవేశాన్ని నిరసిస్తూ పలు హిందూ సంఘాలు 24 గంటల పాటు రాష్ట్రవ్యాప్త బంద్‌కు పిలుపునిచ్చాయి. 

ఇక స్వామి వారి దర్శనానికి వస్తున్న మహిళల మీద జరుగుతున్న దాడులకు సంబంధించి జాతీయ మహిళా హక్కుల కమిషన్ స్పందించింది. మహిళలకు భద్రత కల్పించాలని కేరళ డీజీపీని ఆదేశించింది.  పరిస్థితి తీవ్రతను అర్ధం చేసుకుని భక్తులపై దాడులకు దిగుతున్న ఆందోళనకారులను వెంటనే అరెస్టు చేసి.. భక్తులకు ఎటువంటి ఆటంకం కలగకుండా చూడాల్సిందిగా కోరింది.

12:09 - October 17, 2018

కేరళ : శబరిమల ఆలయంలో మహిళల ప్రవేశంపై ఉద్రిక్తత నెలకొంది. అయప్ప దర్శనానికొచ్చిన ఓ మహిళపై బీజేపీ, ఆర్ఎస్ఎస్ కార్యకర్తలు దాడికి పాల్పడ్డారు. అయప్ప మాల ధరించి వచ్చిన మహిళపై పతనంతిట్ట బస్‌స్టాండ్‌లో కార్యకర్తలు దాడి చేశారు. ఇవాళ సాయంత్రం శబరిమల ఆలయ ద్వారాలు తెరుచుకోనున్నాయి. ఆలయ దర్శనానికి మహిళలు పెద్ద ఎత్తున తరలివస్తున్నారు. మహిళలకు శబరిమల ఆలయ ప్రవేశం కల్పిస్తూ సుప్రీంకోర్టు తీర్పు వెల్లడించిన విషయం తెలిసిందే. ఇందులో భాగంగా ఆంధ్రప్రదేశ్ రాష్ట్రంలోని గోదావరి జిల్లాకు చెందిన మాధవి అనే మహిళ భర్త, కూతురితో కలిసి శబరిమలకు వెళ్లింది. అయప్ప మాల ధరించి వచ్చిన మాధవిపై పతనంతిట్ట బస్‌స్టాండ్‌లో బీజేపీ, ఆర్ఎస్ఎస్ కార్యకర్తలు దాడి చేశారు. స్వామియే శరణం అయప్ప అంటూ భక్తుల నినాదాలు చేశారు. పోలీసులు మహిళకు రక్షణ కల్పించారు. 

 

16:35 - September 27, 2018

గోవా : ఆర్ఎస్ఎస్ అంటేనే కాంట్రవర్సీలకు మారుపేరు. ఆ నేతలు ఏం మాట్లాడినా..అదే తీరులో మాట్లాడుతుంటారు. అది వ్యక్తులైనా దేవుడైనా సరే. వారి వాగ్ధాటికి హద్దు పద్దులుండవ్. ఈ నేపథ్యంలో రానున్న ఎన్నికల విషయంలో ఆర్ఎస్ఎస్ నేత  ఎన్నికలకు, రాముడికి ముడిపెడుతు సంచలన వ్యాఖ్యలు చేశారు. ‘ఎన్నికలు వస్తున్నాయి. రాజకీయ నాయకులకు జనాభాలో అధికంగా ఉన్న యువత, మహిళలే ముఖ్యం. వీరిని ఆకట్టుకునేందుకు పార్టీలు ఎంత ఖర్చుకయినా వెనుకాడవు. ఇప్పటి రాజకీయాలు డబ్బు చుట్టే తిరుగుతున్నాయి. డబ్బు లేకుంటే గెలవడం అన్నది చాలా కష్టం.‘ఎన్నికలు వస్తున్నాయి. రాజకీయ నాయకులకు జనాభాలో అధికంగా ఉన్న యువత, మహిళలే ముఖ్యం. వీరిని ఆకట్టుకునేందుకు పార్టీలు ఎంత ఖర్చుకయినా వెనుకాడవు. ఇప్పటి రాజకీయాలు డబ్బు చుట్టే తిరుగుతున్నాయి. డబ్బు లేకుంటే గెలవడం అన్నది చాలా కష్టం. ఈ క్రమంలో ధనబలం లేకుంటే ప్రస్తుతమున్న రాజకీయాల్లో కేడర్ ను కాపాడుకోవడం చాలా కష్టమైపోతుందని రాష్ట్రీయ స్వయం సేవక్ సంఘ్ గోవా మాజీ చీఫ్ సుభాష్ వెలింకర్ సంచలన వ్యాఖ్యలు చేశారు. ప్రస్తుతం జరిగే ఎన్నికల్లో నోట్లు పంచకుంటే సాక్షాత్తూ శ్రీరాముడికి కూడా ఓట్లు రావనీ, గెలవలేడని వ్యాఖ్యానించారు. ఈ సందర్బంగా బీజేపీ నేతలపై తీవ్ర విమర్శలు గుప్పించారు. గోవా సురక్ష మంచ్ కార్యక్రమంలో పాల్గొన్న సుభాష్.. ఈ సభకు హాజరైన యువతను ఉద్దేశించి మాట్లాడారు.  ఇప్పటి పరిస్థితుల్లో స్వయంగా శ్రీరాముడే దిగొచ్చి ఎన్నికల్లో పోటీ చేసినా డబ్బులు పంచకుంటే గెలవడం అసాధ్యం’ అని వ్యాఖ్యానించారు. బీజేపీ తన విలువలకు తిలోదకాలు ఇచ్చి మిగతా పార్టీల మాదిరి దిగజారుడు రాజకీయాలకు పాల్పడుతోందని దుయ్యబట్టారు.

13:18 - August 14, 2018
16:30 - July 21, 2018

రాజస్థాన్ : గోరక్షణ పేరుతో చట్టాన్ని చేతుల్లోకి తీసుకోవద్దని సుప్రీంకోర్టు పలుమార్లు హెచ్చరించినా దాడులు మాత్రం ఆగడం లేదు. రాజస్థాన్‌లోని అల్వార్‌ జిల్లాలోని రామ్‌గఢ్‌లో ఆవులను స్మగ్లింగ్‌ చేస్తున్నారనే నెపంతో గ్రామస్తులు ఓ యువకుడిని కొట్టి చంపారు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు. మృతుడిని హర్యానాకు చెందిన అక్బర్‌ ఖాన్‌గా పోలీసులు గుర్తించారు. ఈ ఘటనకు సంబంధించి పలు సెక్షన్ల కింద పోలీసులు కేసు నమోదు చేశారు. శుక్రవారం రాత్రి అక్బర్‌, అస్లామ్‌ ఆవులను తీసుకెళ్తుండగా.. అల్వార్‌ గ్రామస్తులు అడ్డుకున్నారు. భయాందోళనలకు గురైన ఆ యువకులు ఆవులను వదిలి పారిపోయే ప్రయత్నం చేశారు. గ్రామస్థులు వారిని వెంబడించి అక్బర్‌ను పట్టుకుని చితకబాదారు. అస్లామ్‌ వారి నుంచి తప్పించుకున్నాడు. నిందితులను త్వరలోనే అరెస్ట్‌ చేస్తామని అల్వాల్‌ ఎఎస్‌పి అనిల్‌ బైజల్‌ తెలిపారు. వారు ఆవుల అక్రమ రవాణకు పాల్పడ్డారా... అన్నది ఇంకా స్పష్టత లేదన్నారు.  ఈ ఘటనను రాజస్థాన్‌ ముఖ్యమంత్రి వసుంధరా రాజే ఖండించారు. నిందితులపై తగిన చర్యలు తీసుకుంటామని తెలిపారు. 

 

18:54 - March 6, 2018

ఢిల్లీ : త్రిపురలో కాషాయ శ్రేణులు రెచ్చిపోతున్నాయని సీపీఎం కేంద్రకార్యదర్శివర్గ సభ్యులు వి.శ్రీనివాసరావు విమర్శించారు. త్రిపురలో కాషాయ శ్రేణులు అరాచకం సృష్టిస్తున్నాయని అన్నారు. ఆ రాష్ట్రంలో లెనిన్‌ విగ్రహాన్ని కూల్చడాన్ని ఆయన తప్పుబట్టారు. లెనిన్‌ విగ్రహాన్ని కూల్చి బీజేపీ తమ అరాచక సంస్కృతిని చాటుకుందని ఎద్దేవాచ చేశారు. సీపీఎం ఆఫీసుల మీద దాడులు చేస్తూ.. బీజేపీ, ఆర్‌ఎస్‌ఎస్‌ అరాచకానికి తెరతీశాయని ఆగ్రహం వక్తం చేశారు. బీజేపీ, ఆర్‌ఎస్‌ఎస్‌ దాడులను ప్రజా ఉద్యమాలతో ఎదుర్కొంటామని పేర్కొన్నారు. 

20:15 - March 2, 2018

కరీంనగర్ : చట్టాలు ఎన్ని ఉన్నా దళితులపై దాడుల పరంపర కొనసాగుతూనే ఉంది...  కరీంనగర్ జిల్లా రామడుగు మండలంలోని రామచంద్రాపురంలో ఓ దళిత కుటుంబంపై ఆర్ఎస్‌ఎస్‌ కార్యకర్తలు దాడి చేశారు. మోజేష్‌ కుటుంబంపై జరిగిన దాడి ఘటనలో మన్యాల్ అనే యువకునికి కాలు విరిగింది.  ఆతను కరీంనగర్ ప్రభుత్వ ఆసుపత్రిలో చికిత్స పొందుతున్నాడు.. దాడి విషయం తెలుసుకున్న కుల వివక్ష పోరాట సమితి నాయకులు.. బాధిత కుటుంబాన్ని పరామర్శించారు. దళిత కుటుంబంపై దాడిచేసిన  హిందూత్వ వాదులపై అట్రాసిటీ కేసు నమోదు చేయాలని కేవీపీఎస్ నాయకులు డిమాండ్ చేశారు. 

 

15:47 - February 27, 2018

హైదరాబాద్ : జాతీయ రాజకీయాల్లో చక్రం తిప్పేందుకే  కేసిఆర్ సిద్ధమ‌వుతున్నారా..? దేశంలో మోదీ హవా తగ్గిందని గులాబీ దళపతి భావిస్తున్నారా.. ? సార్వత్రిక ఎన్నికల అనంతరం కేంద్రంలో సంకీర్ణ సర్కార్‌ ఏర్పడుంతుందని అంచానకు వచ్చారా..? బీజేపీపై తెలంగాణ ముఖ్యమంత్రి  ఘాటు విమర్శల ఆంతర్యం ఏంటీ..? రెండు జాతీయ పార్టీల‌పై  ముఖ్యమంత్రి కేసిఆర్  తీవ్ర విమ‌ర్శలు చేయ‌డం.. ఇపుడు  కొత్త చ‌ర్చకు దారితీస్తోంది. 
జాతీయ పార్టీల‌పై స్వరం పెంచిన కేసీఆర్ 
జాతీయ పార్టీల‌పై ముఖ్యమంత్రి కేసీఆర్ ఒక్కసారిగా స్వరం పెంచారు. ముఖ్యంగా బీజేపీ పై విమర్శల ఘాటు పెంచారు. కేంద్రంతో యుద్దానికి సిద్దం  అనే సంకేతాలు ఇచ్చిన ఆయన..ప్రత్యక్ష ఆరోప‌ణ‌ల‌కు దిగారు. రైతు సమన్వయ సమితుల అవగాహన సదస్సులో కేంద్ర ప్రభుత్వ వైఖరి పట్ల గాలాబీబాస్‌ తీవ్ర ఆగ్రహం వ్యక్తం చేయడం ఇపుడు  చర్చనీయాంశం అయింది.  
సాగు సంక్షోభానికి కాంగ్రెస్, బీజేపీ లే కారణం : కేసీఆర్‌ 
రాష్ట్రంలో సాగు సంక్షోభానికి జాతీయ పార్టీలైన కాంగ్రెస్, బీజేపీ లే కారణమంటూ కేసీఆర్‌ మండిపడుతున్నారు.  రైతుల సమస్యలను పరిష్కరించడంలో  జాతీయ పార్టీలు విఫ‌ల‌మ‌య్యాయాని  విమ‌ర్శిస్తున్నారు. ఉపాధి హమీ పనులను వ్యవసాయానికి అనుసంధానం చేయాలని తాము కోరినా కేంద్రం స్పందించక పోవ‌డంపై ఆగ్రహం కేసీఆర్‌  వ్యక్తం చేశారు.  త్వర‌లో మొద‌ల‌య్యే రెండో విడ‌త కేంద్ర బడ్జెట్  సమావేశాల్లో తమ పార్టీ ఎంపీలు పార్లమెంటులో దూకుడు ప్రదర్శిస్తారని రైతు సమన్వయ సమితుల సదస్సు సాక్షిగా ముఖ్యమంత్రి ప్రకటించారు. 
కేంద్రం నుంచి సహాకారం లేదని గుర్రు 
ఇప్పటివరకు తాము కేంద్రంతో సయోధ్యగానే ఉంటున్నా.. రాష్ట్రనాకి మాత్రం సరైన రీతిలో సహకారం అందండం లేదని  ముఖ్యమంత్రి చెబుతున్నారు.  మైనారిటీ , గిరిజన రిజర్వేషన్ల బిల్లులకు మెలిక పెట్టడం... విభ‌జ‌న హామీల‌పై ఆశించిన స్థాయిలో స్పందించ‌క‌పోవ‌డంపై గులాబీపార్టీ గుర్రుగా ఉంది.కేంద్రం తెలంగాణపై చిన్న చూపు చూస్తుందని  అధికార పార్టీ నేత‌లు ప్రచారం అందుకున్నారు.  మరోవైపు నియోజకవర్గాల పున‌ర్విభ‌జ‌న‌కు సానుకూలంగా స్పందించ‌క‌పోవ‌డంపై కూడా  మోదీ సర్కార్‌పై కేసిఆర్ ఆగ్రహానికి కార‌ణ‌మ‌న్న అభిప్రాయం గులాబీపార్టీ  నేత‌ల్లో వ్యక్తం అవుతోంది.   
మోదీ హవా తగ్గుతోందని భావిస్తున్న కేసీఆర్‌
వచ్చే సాధారణ ఎన్నిక‌ల అనంత‌రం  జాతీయ రాజ‌కీయాల్లో చ‌క్రం తిప్పాల‌న్న వ్యూహంలో భాగంగానే గులాబి ద‌ళ‌ప‌తి పాలువు కదుపుతున్నట్టు చర్చలు నడుస్తున్నాయి.  ఈ వ్యూహంలో భాగంగానే  రెండు జాతీయ పార్టీలను టార్గెట్ చేసినట్లు కూడా పొలిటికల్ సర్కిల్ లో చర్చ జరుగుతోంది. దేశంలో మోడీ హ‌వా త‌గ్గుతుంద‌న్న అభిప్రాయంతో ఉన్న ముఖ్యమంత్రి కేసిఆర్.. కేంద్రంలో  ఏర్పడబోయే  సంకీర్ణ ప్రభుత్వంలో కీలకంగా  వ్యవ‌హ‌రించాల‌ని భావిస్తున్నట్లు  పార్టీ వ‌ర్గాల్లో గుస‌గుస‌లు వినిపిస్తున్నాయి. దీనికోసమే కేసీఆర్ జాతీయ పార్టీలపై విమర్శలు ఎక్కుపట్టారన్న చర్చ రాష్ట్ర రాజకీయాల్లో జోరుగా సాగుతోంది. 

Pages

Don't Miss

Subscribe to RSS - rss