sai dharam tej

09:50 - December 2, 2018

అందాల తార రాశీఖన్నా రూటే సెపరేటు. ఆమె ఏం చేసినా అందులో ప్రత్యేకత ఉండేలా చూసుకుంటుంది. పుట్టినరోజు విషయంలోనూ అంతే. ప్రతి బర్త్‌డేని ఒక థీమ్‌తో జరుపుకోవడం రాశీఖన్నా ప్రత్యేకత. ఈ ఏడాది కూడా అదే ఫాలో అయ్యింది. ఈసారి ఆమె పార్టీ థీమ్‌ రెట్రో. అంటే పాత కాలంలో ఎలా ఉండేదో అలా అన్నమాట. పాత క్యాసెట్లు, టెలిఫోన్, టీవీలు డెకరేట్‌ చేసి పుట్టిన రోజు వేడుకలను జరుపుకుంది. డిసెంబర్ 29న స్కూల్ ఫ్రెండ్స్‌తో ఇండస్డ్రీకి చెందిన స్నేహితులతో కలిసి తన పుట్టిన రోజు వేడుకలను గ్రాండ్‌గా సెలబ్రేట్ చేసుకుంది రాశీఖన్నా. బర్త్‌డే పార్టీలో కొన్ని ఫోటోలు సోషల్ మీడియాలో హల్‌చల్ చేస్తున్నాయి. ఈ పార్టీలో హీరోలు రామ్, సాయిధరమ్ తేజ్, అల్లు శిరీష్, వైష్ణవ్ తేజ్, హీరోయిన్ రకుల్, మంచు లక్ష్మీ తదితరులు పాల్గొన్నారు.

18:56 - November 19, 2018

సుప్రీంహీరో సాయి ధరమ్ తేజ్, నివేదా పేతురాజ్, కళ్యాణి ప్రియదర్శిని హీరో, హీరోయిన్లుగా, కిషోర్ తిరుమల డైరెక్షన్‌లో, మైత్రి మూవీ మేకర్స్ సంస్థ నిర్మిస్తున్న మూవీ, చిత్ర లహరి. ఈరోజు నుండి ఈ సినిమా రెగ్యులర్ షూటింగ్ స్టార్ట్ అయింది. షూటింగ్ స్పాట్‌లో తీసిన ఫోటోని తేజు ట్విట్టర్‌లో పోస్ట్ చేసాడు. డైరెక్టర్.. సీన్ ఎక్స్‌ప్లెయిన్ చేస్తుంటే, తేజు, నివేదా అండ్ కళ్యాణి శ్రద్ధగా వింటున్నారు ఆ ఫోటోలో. గెడ్డం పెంచి సరికొత్త లుక్‌లోకి మారిపోయాడు తేజ్. చిత్ర, లహరి, అనేవి హీరోయిన్ల పేర్లట. వారి పేర్లతో టైటిల్ పెట్టడం విశేషం.. రాక్‌స్టార్ దేవిశ్రీ ప్రసాద్ ఈ మూవీకి మ్యూజిక్ కంపోజ్ చేస్తున్నాడు. తేజ్ ఐ లవ్ యూ తర్వాత తేజ్ చేస్తున్న సినిమా ఇదే. ఈ సినిమా హిట్ కొట్టడం టీమ్ అందరికీ తప్పనిసరిగా మారింది. గత కొంతకాలంగా వరస ఫ్లాప్‌లతో సతమతమవుతున్నాడు తేజ్.. ఈ సినిమా ద్వారా ఖచ్చితంగా హిట్ కొడితేనే తన ఉనికిని కాపాడుకోగలడు. అలాగే దర్శకుడు కిషోర్, బిఫోర్ మూవీ, ఉన్నది ఒకటే జిందగీ ఝలక్ ఇచ్చింది. మెంటల్ మదిలో సినిమాతో తెలుగు తెరకి పరిచయం అయింది, నివేదా పేతురాజ్.. రీసెంట్‌గా డబ్బింగ్ మూవీ రోషగాడుతో ఆడియన్స్‌ని అలరించింది. తనకి తెలుగులో  సరైన బ్రేక్ రావాలంటే, ఈ సినిమా హిట్ కావాలి.. హలోతో ఇంట్రడ్యూస్ అయిన కళ్యాణి ప్రియదర్శన్‌ది కూడా ఇదే పరిస్ధితి.. వరసగా మూడు సూపర్ హిట్స్ ఇచ్చిన మైత్రి మూవీ మేకర్స్‌కి, ఒకే దెబ్బకి రెండు పిట్టలు అన్నట్టు, ఒకే నెలలో, సవ్యసాచి, అమర్ అక్బర్ ఆంటొని రూపంలో రెండు గట్టి దెబ్బలు తగిలాయి.. కాబట్టి, వీళ్ళందరికీ చిత్ర లహరి హిట్ కొట్టడం చాలా అవసరం.  

11:23 - October 16, 2018

సుప్రీం హీరో సాయి ధరమ్ తేజ్.. తేజ్ ఐ లవ్ యూ తర్వాత నటిస్తున్న కొత్త సినిమా, తేజ్ బర్త్‌డే..సందర్భంగా నిన్న లాంచ్ అయింది.. నేను శైలజ, ఉన్నది ఒకటే జిందగీ సినిమాలతో గుర్తింపు తెచ్చుకున్న కిషోర్ తిరుమల డైరెక్షన్‌లో, శ్రీమంతుడు, జనతా‌ గ్యారేజ్, రంగస్ధలం వంటి హ్యాట్రిక్ హిట్స్ ఇచ్చిన మైత్రీ మూవీ మేకర్స్ బ్యానర్‌పై, నవీన్, మోహన్, రవిశంకర్ నిర్మిస్తున్నారు.
'హలో' ఫేమ్ కళ్యాణి ప్రియదర్శన్ హీరోయిన్‌గా చేస్తుంది.. చిత్రలహరి అనే టైటిల్ అనుకుంటున్నారు.. దర్శకుడు కొరటాల శివ చేతులమీదగా పూజా కార్యక్రమాలు జరిగాయి.. ఈ సినిమా కోసం గెడ్డం పెంచి కొత్త లుక్‌లోకి మారిపోయాడు తేజ్.. నవంబర్ 2నుండి రెగ్యులర్ షూటింగ్ స్టార్ట్ అవనుంది.. ఈ మూవీకి సంగీతం : దేవిశ్రీ ప్రసాద్, కెమెరా :కార్తీక్ ఘట్టమనేని.. 

 

 

 

 

 

 

13:34 - October 14, 2018

సుప్రీంహీరో సాయి ధరమ్ తేజ్.. వరస ఫ్లాప్‌లతో వర్రీ అవుతున్నాడు.. తేజ్ ఐ లవ్ యూ తర్వాత తేజ్ కొత్త సినిమా ఏదీ ఇంతవరకు మొదలుకాలేదు.. అక్టోబర్ 15న తేజ్ బర్త్‌డే.. ఈ సందర్భంగా మెగాభిమానులకు ఒక లెటర్ వ్రాసాడు.. అత్యంత ప్రియమైన  మెగాభిమానులకు ప్రేమతో అని స్టార్ట్ చేసి, గెలిచినప్పుడు వేలకుపైగా చేతులు చప్పట్లు కొడతాయి.. ఓడిపోయినా, మీ చేతుల చప్పట్ల చప్పుడు తగ్గకుండా, జయాపజయాలకు అతీతంగా నన్ను ప్రోత్సహిస్తూ, వెన్నంటి ఉన్న అభిమానులందరికీ కృతజ్ఞతలు.. ఈ మధ్య కాలంలో మీ అంచనాలను అందుకోలేకపోయానన్నది వాస్తవం, దానికిగల కారణాలను విశ్లేషించుకుంటాను.. మీ సలహాలు, సూచనలతో తప్పులను సరిదిద్దుకుంటాను.. మీకు నా నుండి చిన్న విన్నపం.. నా పుట్టినరోజు నాడు బ్యానర్లు కట్టడాలు, కేక్ కట్ చెయ్యడాలు చేస్తున్నామని చెప్పారు.. వాటికి ఖర్చు పెట్టే డబ్బుని ఎవరైనా చిన్నారి చదువులకు ఉపయోగించండి, అలా చేస్తే నేను ఇంకా ఆనందిస్తాను.. అని లెటర్‌లో పేర్కొన్నాడు.. ఏదేమైనా తేజ్ తీసుకున్న ఈ నిర్ణయానికి అతణ్ణి ప్రశంసించాల్సిందే.. హ్యాపీ బర్త్‌డే టు.. సుప్రీంహీరో సాయి ధరమ్ తేజ్..  

11:49 - June 13, 2018

గురు చిత్రంలో తన నటనతో విమర్శకులు ప్రశంసల్ని అందుకున్న నటి రితికాసింగ్. చిత్రం ప్రారంభంలో అల్లరి, ఆకతాయి పిల్లగా..తరువాత పరిణితి సాధించిన యువతిగా రితికాసింగ్ నటన ప్రేక్షకులను ఆకట్టుకుంది. వెంకటేశ్ పై కోపం, అసహనం అనంతరం ప్రేమ వంటి పలు కోణాల్లో రితికా సింగ్ చక్కగా నటించింది. అంతేకాదు అచ్చమైన బస్తీ అమ్మాయిగా రితికా నటన, బాడీ లాంగ్వేజ్ తో ఆకట్టుకుంది. అక్కను బాక్సర్ ను చేసేందుకు శ్రమించిన యువతిగా..తరువాత తానే బాక్సర్ అయిన నేపథ్యంలో రితికా నటన ప్రేక్షకులను ఆకట్టుకుంది. ఈ నేపథ్యంలో 'గురు' చిత్రం ద్వారా టాలీవుడ్ కి పరిచయమైన రితికా సింగ్ త్వరలో సాయి ధరం తేజ్ సరసన నటించనుంది. కిషోర్ తిరుమల దర్శకత్వంలో సాయి ధరంతేజ్ నటించే చిత్రంలో నాయికగా రితికాను తీసుకున్నట్టు సమాచారం. ఈ చిత్రం కామెడీ మరియు ఎమోషన్స్ తో కూడుకున్న రొమాంటిక్ ఎంటర్ టైనర్ అని సినిమా పరిశ్రమ వర్గాల సమాచారం. 

12:03 - February 28, 2018

స్టార్ హీరోలతో సినిమాలు తీసి టాప్ ప్రొడ్యూసర్ గా ప్లేస్ సంపాదించిన ఈ ప్రొడ్యూసర్ ఇప్పుడు మరో సినిమా కోసం వెయిట్ చేస్తున్నాడు. తన ప్రీవియస్ ఫిలిం ఆశించినంత సక్సెస్ అందించకపోవడంతో ఇప్పుడు తనకు కలిసి వచ్చిన కాంబినేషన్ ని కంటిన్యూ చెయ్యాలని థాట్ లో ఉన్న ఓ ప్రొడ్యూసర్ ఉన్నాడంట. ఎన్నో సంవత్సరాల నుండి ఇండస్ట్రీ లో ఉంటూ హిట్ సినిమాలను అందించిన ప్రొడ్యూసర్ సి కళ్యాణ్. స్టార్ హీరోలతో సినిమాలు చేసి టాప్ ప్రొడ్యూసర్ గా కూడా కంటిన్యూ అయ్యాడు సి కళ్యాణ్. బాలకృష్ణ హీరోగా నటించిన 'జై సింహ' సినిమా మాస్ లోను క్లాస్ లోను మంచి టాక్ సాధించి హిట్ సినిమా గా నిలిచి సి కళ్యాణ్ కి లాభాలు రాబట్టింది. 'జై సింహ' ఇచ్చిన బూస్టింగ్ తో మరో సినిమా చేసాడు సి కళ్యాణ్.

సి కళ్యాణ్ ప్రీవియస్ సినిమా 'ఇంటెలిజెంట్’. మెగా హీరో సాయిధరమ్ తేజ్ నటించిన ఈ సినిమా ఘోరంగా ఫ్లాప్ అయింది అని ఆడియన్స్ కి తెలుసు. సి కళ్యాణ్ కూడా నిర్మాతగా నష్టపోయాడు. దర్శకుడు వివి.వినాయక్ మీద నమ్మకం ఉంచి సాయి ధరమ్ తేజ్ తో నిర్మించిన ఆ సినిమా ఏ మాత్రం లాభాలని ఇవ్వలేకపోయింది. కనీసం సినిమా బడ్జెట్ లో సగం వసూళ్లు కూడా వెనక్కి రాలేదు అనే టాక్. ఇప్పుడు బాలకృష్ణ, వి వి వినాయక్ సి కళ్యాణ్ తో సినిమా చెయ్యడానికి సుముఖంగా ఉన్నారని తెలుస్తోంది. ఈ కాంబినేషన్ వర్క్ అవుట్ అవుతుందో లేదో చూడాలి.

18:47 - February 9, 2018

మెగా స్టార్ మేనాల్లుడు సాయి ధరంతేజ్ హీరోగా వీ.వీ. వినాయక్ దర్శకత్వంలో వచ్చి మూవీ ఇంటలిజెంట్ ఈ సినిమాలో హీరోయిన్ గా లావణ్య త్రిపాఠి చేశారు. ఇక కథ విషయానికొస్తే...

చిన్నతనం నుంచి తన ఇంటిజెన్స్ తో చిన్న చిన్న సమస్యలను పరిష్కారిస్తూ ఇంటలిజెంట్ అనిపించుకుంటాడు తేజ. అలాంటి ఇంటలిజెంట్ పెరిగి పెద్దైయ్యాక సాప్ట్ వేర్ ఎప్లాయి అవుతాడు. అయితే సాప్ట్ వేర్ తో పాటు అన్ని రంగాల్లో భయాన్ని క్రియోట్ చేస్తూ ఆస్తులను ఆక్రమించుకుంటున్న విక్కీ భాయ్ తేజ పని చేస్తున్న కపెంనీ ఓనర్ నందకిషోర్ ను బెదిరించి కంపెనీని తనకు హాండోవార్ చేయాని బెదిరిస్తాడు. అందుకు నంద కిషోర్ విక్కీ భాయ్ మాటలను తిరస్కరించడంతో బలవంతంగా ఆ కంపెనీని తన పేరునా రాయించుకొని నందకిషోర్ ను చంపేస్తాడు. అప్పుడు తేజ తన ఇంటిజెన్స్ తో తను పనిచేస్తున్న కంపెనీని తిరిగి ఎలా దక్కించుకున్నాడు. విక్కీ భాయ్ ఎలా ఎదుర్కొన్నాడనేది సినిమా చూసి తెలుసుకోవాల్సిందే....

19:26 - December 1, 2017

మొదట హిట్స్ మీద హిట్స్ కొట్టి తరువాత స్క్రిప్ట్స్ ఎంపికలో కన్ ఫ్యూజ్ అయిన సాయిధరమ్ తేజ్ కొంచెం గ్యాప్ తీసుకుని కమర్షియాలిటీ తో పాటు దేశభక్తి కూడా మిక్స్ చేస్తూ జవాన్ అనే సినిమా చేసాడు.రైటర్ BVS రవి డైరెక్షన్ లో ప్రెసెంట్ టైం లో లక్కీ గర్ల్ గా పేరుతెచ్చుకున్న మెహ్రీన్
హీరోయిన్ గా తెరకెక్కిన ఈ సినిమా ఈ రోజే ఆడియన్స్ ముందుకు వచ్చింది.ఇంతకీ ఈ సినిమా ఎలా ఉంది ?

సినిమా కథ...
ఈ సినిమా కథ విషయానికి వస్తే.....చిన్నపటినుండి క్రమశిక్షణ అంటూ పెరిగిన జై.. DRDO లో జాబ్ సంపాదించడమే టార్గెట్ గా ఫిక్స్ అవుతాడు.చిన్నతనం నుండి వైల్డ్ నేచర్ అలవాటయిన కేశవ్ ఎలాగయినా ఎదగాలని అడ్డదాదారులు తొక్కి క్రిమినల్ గా మారతాడు.అయితే DRDO రూపొందించిన ఆక్టోపస్ అనే మిస్సైల్ లాంచర్ కోసం 5oo కోట్ల భారీ డీల్ ఒప్పుకుంటాడు కేశవ.అయితే ఆక్టోపస్ ని ఎవరో దొంగిలించబోతున్నారు అని తెలుసుకుని వాళ్ళ నుండి ఆక్టోపస్ ని రక్షించి DRDO లో ఉద్యోగం కూడా సంపాదించుకుంటాడు జై.దాంతో జై పై పగబట్టి అతనితోనే ఆక్టోపస్ ని తెప్పించడానికి అతని ఫామిలీ ని టార్గెట్ చేస్తాడు కేశవ్. ఈ విషయం తెలుసుకున్న జై కేశవ నుండి ఎలా తన ఫ్యామిలీ ని రక్షించుకున్నాడు, ఆక్టోపస్ కేశవ్ కి దక్కకుండా ఎలా అడ్డుకున్నాడు అన్నది మిగతా కథ.

నటీ నటుల ప్రతిభ...
నటీనటుల విషయానికి వస్తే.... ఈ సినిమా విజయం తన కెరీర్ కి కీలకంగా మారడంతో లుక్ నుండి యాక్టింగ్ వరకు చాలా కేర్ తీసుకున్నాడు తేజు.చాలా స్టైలిష్ గా కనిపించిన తేజు నటనపరంగా కూడా బాగా ఇంప్రూవ్ అయ్యాడు.జై క్యారెక్టర్ లో ఒదిగిపోయి నటించాడు.ఎమోషన్స్ పండించడంలో,డైలాగ్స్ చెప్పేటప్పడు డిక్షన్ లో గాని చాలా మెచ్యూరిటీ చూపించాడు.ఇక విలన్ గా తెలుగు తెరకు పరిచయమయిన హీరోయిన్ స్నేహ భర్త ప్రసన్న కూడా స్టైలిష్ విలన్ గా ఆకట్టుకున్నాడు. అతనికి హేమ చంద్ర చెప్ప్పిన డబ్బింగ్ బాగా హెల్ప్ అయింది. ప్రసన్న రూపంలో టాలీవుడ్ కి మరో విలన్ దొరికాడు. ఇక హీరోయిన్ మెహ్రీన్ ఈ సినిమాలో మునుపెన్నడూ లేనంత గ్లామరస్ గా కనిపించింది. ముఖ్యంగా పాటల్లో ఆమె లుక్స్ యూత్ ని, మాస్ ని బాగా ఆకట్టుకుంటాయి. నటన పరంగా పెద్దగా స్కోప్ లేదు,ఉన్నంతలో కూడా ఆమె పెద్దగా ఎఫర్ట్ పెట్టలేదు. మిగతా నటీనటులంతా తమ పరిధిమేర పరవాలేదనిపించారు.

టెక్నిషీయన్స్...
టెక్నీషియన్స్ విషయానికి వస్తే.... మొదటి సినిమా వాంటెడ్ తో దారుణమయిన డిజాస్టర్ అందుకున్న BVS రవి ఈ సారి పేట్రియాటిక్ టచ్ తో ఉండే యాక్షన్ కథ రాసుకున్నాడు. అయితే సినిమాలో చాలా సన్ని వేశాలు మాత్రం రొటీన్ గా ఉన్నాయి. లవ్ ట్రాక్ కూడా చాలా లైటర్ గా ఉండడంతో అస్సలు ఫీల్ లేదు. హీరో, విలన్ లింక్ అప్, ఆక్టోపస్ సేవింగ్, ఇంటర్వెల్ బ్యాంగ్స్ లో తన రైటర్ గా తన ప్రతిభ చూపించాడు రవి. క్లయిమాక్స్ కూడా బాగానే డీల్ చేసాడు. కానీ హడావిడిగా ముగించినట్టు అనిపించింది. పేట్రియాటిక్ టచ్ తో ఉండే డైలాగ్స్ బాగున్నాయి. ఇక మ్యూజిక్ డైరెక్టర్ థమన్ చాలా ఎఫర్ట్ పెట్టి మ్యూజిక్ చేసాడు. పాటలు పరవాలేదనిపించేలా ఉన్నాయి. ఆర్.ఆర్ మాత్రం సీన్స్ ఎలివేషన్ లో బాగా ఉపయోగపడింది. కెమెరా వర్క్ కూడా బాగుంది. ఎడిటింగ్ చాలా స్టైలిష్ గా ఉంది. గ్రాఫిక్స్ క్వాలిటీ వల్ల విజువల్స్ కి రిచ్ లుక్ వచ్చింది. నిర్మాణ విలువలు బావున్నాయి.

ఓవర్ ఆల్ గా చెప్పాలంటే.... హీరో, విలన్ బ్రెయిన్ గేమ్ హైలైట్ గా తెరకెక్కిన జవాన్ అన్ని వర్గాలకు రీచ్ అయ్యే కంటెంట్ తో వచ్చింది. అయితే అక్కడక్కడా రొటీన్ టచెస్ ఉండడంవల్ల కొంచెం డిజప్పాయింట్ గా అనిపిస్తుంది. అయితే బాక్స్ ఆఫీస్ దగ్గర మంచి మార్కులు వేయించుకునే లక్షణాలున్న, ఈ సినిమా ఫైనల్ గా ఎలాంటి రిజల్ట్ అందుకుంటుందోచూడాలి.

ప్లస్ పాయింట్స్:
సాయిధరమ్ తేజ్ నటన
బ్యాక్ గ్రౌండ్ మ్యూజిక్
ఫైట్స్,కెమెరా వర్క్
ప్రొడక్షన్ వాల్యూస్
మైనస్ పాయింట్స్ :
కధలో రొటీన్ టచెస్
ఫార్ములా స్క్రీన్ ప్లే
వీక్ గా ఉన్న ఎమోషన్స్
నాటకీయత ఎక్కువైన బ్రెయిన్ గేమ్
రేటింగ్ గురించి తెలుసుకోవాలంటే వీడియో క్లిక్ చేయండి.....

10:56 - October 3, 2017

తెలుగు ఆడియన్స్ కి మాస్ సినిమాలను ఇచ్చిన కమర్షియల్ డైరెక్టర్ మరో సినిమా తో రాబోతున్నాడు. మెగా ఫామిలీ హీరోతో పక్కా ప్లానింగ్ తో రెడీ అవుతున్నాడు. టాలీవుడ్ లో మాస్ పల్స్ తెలిసిన డైరెక్టర్ గా పేరు తెచ్చుకున్న వినాయక్ మరో చిత్రంతో ముందుకు రాబోతున్నారు. పెద్ద స్టార్స్ ని డైరెక్ట్ చెయ్యడం లో వి వి వినాయక్ స్పెసలిస్ట్ అని చెప్పొచ్చు. ప్రెజెంట్ ట్రెండ్ లో ఫిలిం మేకింగ్ లో స్పీడ్ పెంచారు సీనియర్ హీరోలు. యంగ్ హీరోల తాకిడి తట్టుకోవాలి అంటే డిఫెరెంట్ స్టోరీ లను ఎంచుకోవాలనుకున్న థాట్ తో ప్లానింగ్ తో వెళ్తున్నారు సీనియర్స్. మరి సేనియర్స్ ని డైరెక్ట్ చేసి హిట్ ఇచ్చేది మాత్రం సీనియర్ డైరెక్టర్స్ ఏ అనడంలో సందేహం లేదు అంటున్నారు ఫిలిం వర్గాలు. తమిళ్ సినిమా 'కత్తి'కి రీమేక్ గా వచ్చిన 'ఖైదీ నెంబర్ 150’ కి చిరు ఫాన్స్ కలక్షన్స్ తో వెల్కమ్ చెప్పారు.

ఆఫ్టర్ లాంగ్ టైం అయినా 'చిరు'లో గ్రేస్ తగ్గలేదని అమ్మడు లెట్స్ డు కుమ్ముడు అంటూ బాక్స్ ఆఫీస్ ని షేక్ చేసాడు. ఇంతకు ముందులా సంవత్సరానికి ఒక సినిమా తియ్యకుండా ఫిలిం మేకింగ్ లో స్పీడ్ పెంచాడు మెగాస్టార్. ది బెస్ట్ కలెక్షన్ ఇచ్చిన ఈ సినిమా కి డైరెక్షన్ చేసింది వి వి వినాయక్. మాస్ కి నచ్చే అంశాలను బాగా ప్రెజెంట్ చేసే ఈ డైరెక్టర్ టాలీవుడ్ కి మంచి కమర్షియల్ హిట్స్ ఇచ్చాడు. ఈ ఇయర్ వి వి వినాయక్ 'ఖైదీ నంబర్ 150'తో భారీ బ్లాక్ బస్టర్ కొట్టేశాడు.

కెరీర్ మొదట్లోనే కొంచెం తడబడ్డ మెగాహీరో 'సాయి ధరమ్ తేజ్' ఆ తర్వాత వరుస విజయాలతో మెగా ఫ్యాన్స్ కి చాలా దగ్గరయ్యడు. 'విన్నర్' సినిమా ఫ్లాప్ అవ్వడంతో 'కృష్ణ వంశి' సినిమా 'నక్షత్రం' మీద హోప్స్ పెట్టుకొని అది కూడా ఆడియన్స్ ని రీచ్ అవ్వకపోవడం తో సెలెక్టెడ్ గాసినిమాలు చేస్తున్నాడు 'సాయి ధరమ్ తేజ్'. అయితే ప్రెజెంట్ సాయి ధరమ్ తేజ్ సినిమా 'జవాన్' విడుదల అవ్వకముందే వి వి వినాయక్ సినిమాని ఒకే చేశాడు.

రీసెంట్ గా వి వి వినాయక్ డైరెక్షన్ లో సాయి ధరమ్ తేజ్ సినిమా రెడీ అవుతుంది. ఆ చిత్రం పూజా కార్యక్రమాలతో స్టార్ట్ అయ్యింది. మొన్నటి వరకు సినిమాకి సంబందించిన టైటిల్ విషయంలో తడబడ్డా చిత్ర యూనిట్ మొత్తానికి 'ఇంటిలిజెంట్' అని టైటిల్ ఫిక్స్ చేసినట్లు టాక్. అలాగే హీరోయిన్ విషయంలో కూడా కొన్ని రూమర్స్ వచ్చాయి. దీంతో దానికి కూడా చిత్ర యూనిట్ చెక్ పెట్టింది. 'ఇంటిలిజెంట్' బాబుకు జోడీగా అందాల రాక్షసి 'లావణ్య త్రిపాఠి'ని ఫైనల్ చేశారు.

11:14 - September 23, 2017

మెగాస్టార్ కాంపౌండ్ నుండి వచ్చి తనదైన స్టైల్లో సినిమాలు చేస్తున్న 'సాయి ధరమ్ తేజ్'...మరో చిత్రంలో నటిస్తున్నాడు. ప్రస్తుతం ఇతను బీవీఎస్ రవి దర్శకత్వంలో 'దిల్' రాజు సమర్పణలో తెరకెక్కుతున్న 'జవాన్' సినిమాలో నటిస్తున్నాడు. 'మెహ్రీన్ ఫిర్జాదా' హీరోయిన్ గా నటిస్తోంది. ఆయన నటించిన 'నక్షత్రం' సినిమా అనుకున్న స్థాయిలో ఆడలేదు. దీనితో హిట్ కొట్టాలని 'సాయి ధరమ్ తేజ' భావిస్తున్నాడు.

ఇదిలా ఉంటే మెగాస్టార్ చిరంజీవి రీ ఎంట్రీ ఇచ్చిన 'ఖైదీ నెంబర్ 150' సినిమాకు వినాయక్ దర్శకత్వం వహించిన సంగతి తెలిసిందే. ఈ సినిమా ఘన విజయం సాధిచడంతో మెగా కుటుంబం నుండి వచ్చిన హీరోలతో సినిమా చేయాలని 'వినాయక్' యోచించినట్లు తెలుస్తోంది. ప్రధానంగా 'సాయి ధరమ్ తేజ'తో సినిమా తీయాలని..అందుకు 'ఖైదీ నెంబర్ 150' ముందుగానే కథ సిద్ధం చేసుకున్నట్లు అప్పట్లో వార్తలు వచ్చాయి. కథ నచ్చడంతో సాయి ధరమ్ తేజ గ్రీన్ సిగ్నల్ ఇచ్చేశాడు.

ఈ సినిమా షూటింగ్ ప్రారంభమై పోయింది. వినాయక్ తో దిగిన ఫొటోను సాయి ధరమ్ తేజ ట్విట్టర్ లో అభిమానులతో పంచుకున్నాడు. 'వినాయ‌క్ గారితో తొలి రోజు ప‌ని చేస్తున్నాను.. క‌ల నిజ‌మైంది.. గొప్ప అవ‌కాశం ఇచ్చినందుకు ధ‌న్య‌వాదాలు' అని ట్వీట్ చేశాడు. తేజ స‌ర‌స‌న 'లావ‌ణ్య త్రిపాఠి' నటించనుందని తెలుస్తోంది. ఈ మూవికి సంబంధించిన వివరాలు త్వరలో తెలియనున్నాయి. 

Pages

Don't Miss

Subscribe to RSS - sai dharam tej