samantha stick fighting

11:07 - April 21, 2017

ఒక సినిమా కోసం హీరో..హీరోయిన్లు ఎంతో కష్టపడుతుంటారు. పాత్రలో లీనమై పోవాలని వారు భావిస్తుంటారు. అందుకనుగుణంగా శిక్షణలను సైతం తీసుకుంటుంటారు. అందులో హీరోయిన్లు కూడా శిక్షణలను పొందుతుండడం గమనార్హం. ఇటీవలే వచ్చిన 'బాహుబలి', ‘రుద్రమదేవి' చిత్రాల్లో 'అనుష్క' యుద్ధ విద్యలలో శిక్షణ పొందిన సంగతి తెలిసిందే. తరువాత 'సంఘమిత్ర' కోసం 'శృతి హాసన్' ఏకంగా కత్తి విన్యాసాలు నేర్చుకొంటోంది. తాజాగా 'సమంత' ఇందులో చేరింది. ఈమె కర్రసాము నేర్చుకొంటోంది. ‘సమంత' చేస్తున్న కర్రసాము వీడియో సోషల్ మీడియాలో వైరల అవుతోంది. ప్రస్తుతం 'రాజు గారి గది -2’ సినిమాలో నటిస్తున్న సంగతి తెలిసిందే. అంతేగాకుండా 'రామ్ చరణ్' - ‘సుకుమార్' కాంబినేషన్ లో రూపొందుతున్న చిత్రంలో కూడా 'సమంత' నటిస్తోంది. కర్రసాము ఏ చిత్రంలో ఉండనుందో తెలియరావడం లేదు. ‘నాకు సవాళ్లంటే ఇష్టం..కర్రసాము నేర్చుకోవడం ఓ సవాల్ గా తీసుకున్నా..ఇప్పుడు దీనితోనే నా సహవాసం' అంటూ సమంత పేర్కొంది. మరి ఆమె సమంత కర్రసాము ఎలా చేసిందో..ఏ చిత్రంలో చేసిందో చూడాలంటే కొద్ది రోజులు ఓపిక పట్టాల్సిందే.

Don't Miss

Subscribe to RSS - samantha stick fighting