sand mafia

07:29 - October 10, 2017

గుంటూరు : ఏపీ రాజధాని ప్రాంతంలో ఇసుక విషయంలో తెలుగు తమ్ముళ్లు రెండు వర్గాలుగా చీలిపోయారు. తాడికొండ ఎమ్మెల్యే తెనాలి శ్రావణ్‌కుమార్‌, ఎంపీ గల్లా జయదేవ్‌ వర్గం పరస్పరం ఆరోపణలకు దిగుతున్నాయి. తుళ్లూరు మండలంలోని అన్ని క్వారీలను ఎమ్మెల్యే తన అనుచరులకు కట్టబెడుతున్నారని ఎంపీ వర్గం ఆరోపిస్తోంది. మొన్నటి వరకు అంతర్గతంగానే ప్రత్యారోపణలు , కుమ్ములాడుకున్న ఈ రెండు వర్గాలు ఇప్పుడు బాహాబాహీకి దిగాయి. రాయపూడి ఇసుక రీచ్‌లో ఇరువర్గాలు గొడవకు దిగాయి. సీఎం నివాసం, ఏపీ పరిపాలన కేంద్రానికి కూతవేటు దూరంలోనే ఇది జరిగింది.

ఎమ్మెల్యే శ్రవణ్‌కుమార్‌ ఇష్టారాజ్యంగా
ఎమ్మెల్యే శ్రవణ్‌కుమార్‌ ఇష్టారాజ్యంగా వ్యవహరిస్తూ, ఉచితంగా ఇవ్వాల్సిన ఇసుకను వేల రూపాయలకు అమ్ముకుంటున్నారని ఎంపీ జయదేవ్‌ వర్గం ఆరోపిస్తోంది. రాజధాని నుంచి ఇతర ప్రాంతాలకు భారీగా ఇసుకను తరలిస్తూ సొమ్ము చేసుకుంటున్నారని చెప్పారు. రాజధాని ప్రాంతంలో ఉంటూకూడా తమ ఇళ్లు నిర్మించుకోవడానికి ఇసుకను తీసుకెళ్లనివ్వకుండా ఎమ్మెల్యేవర్గం అడ్డుకుంటోందని మండిపడ్డారు. వాస్తవానికి ఏపీ రాజధాని ప్రాంతంలో మొత్తంగా 6 ఇసుక క్వారీలు ఉన్నాయి. భవిష్యత్‌ రాజధాని అవసరాలకు ఇక్కడి ఇసుకను ఉపయోగించుకోవాలన్నది ప్రభుత్వ ఆలోచన. రాజధాని అవసరాలకు మాత్రమే ఉపయోగించాల్సిన ఇసుక కాస్తా బయటి ప్రాంతాలకు తరలిపోతోంది. 5 క్వారీలను ఎమ్మెల్యే అనుచరులే నడుపుతూ అక్రమంగా సొమ్ము చేసుకుంటున్నారు.

తెలుగు తమ్ముళ్లు సొమ్ము చేసుకుంటున్నారు...
ప్రభుత్వం ప్రతిష్టాత్మకంగా నిర్వహిస్తున్న ఉచిత ఇసుకలోనూ తెలుగు తమ్ముళ్లు సొమ్ము చేసుకుంటున్నారు. రీచ్‌లపై ఆధిపత్యం కోసం ఒకవర్గంపై మరోవర్గం గొడవకు దిగుతోంది. ఇలా బహిరంగంగానే తెలుగు తమ్ముళ్లు బాహాబాహీకి దిగుతున్నారు. ఉచితంగా ఇవ్వాల్సిన ఇసుకను వేల రూపాయలకు విక్రయిస్తున్నా అధిష్టానం పట్టించుకోవడం లేదు. దీంతో సర్కార్‌పై ప్రజలు ఆగ్రహం వ్యక్తం చేస్తున్నారు. 

15:04 - October 1, 2017

విజయనగరం: జిల్లాలో ఇసుక అక్రమ వ్యాపారం .. బడాబాబులకు కాసులు పండింస్తోంది. రోజు వందలాది లారీల్లో ఇసుక తరలిస్తున్నారు. అయితే ఇదంతా ప్రభుత్వం చెబుతున్న ఉచిత ఇసుక పథకంలో భాగంగా మాత్రం కాదు. ఇసుక రేవుల్లోకి సామాన్యుడు అడుగు పెట్టలేని పరిస్థితి వచ్చింది.

గోస్తని, చంపావతి, స్వర్ణముఖి, నాగావళి పరివాహకంలో భారీగా ఇసుక వ్యాపారం

ఇదిగో ఇక్కడ కనిపిస్తున్నది..ఏ నదికి సంబంధించిన రేవుకాదు. రేవుల నుంచి పెద్దమొత్తంలా ఇసుకను తీసుకొచ్చిన ఇక్కడ డంప్‌చేసి అమ్ముకుంటున్నారు. ప్రభుత్వం ఉచితంగా ఇసుక తీసుకోవచ్చన చెప్పడంతో.. బడాబాబులు ఇలా ఇసుక డంప్‌లను నిర్వహిస్తూ కోట్లరూపాయలు జేబుల్లో వేసుకుంటున్నారు. విజయనగరం జిల్లాలోని గోస్తని, చంపావతి, స్వర్ణముఖి, నాగావళి నదుల పరివాహక ప్రాంతాలనుంచి భారీ ఎత్తున ఇసుకను తరలిస్తున్నారు. జిల్లా వ్యాప్తంగా ఏ రేవులో చూసినా ఇసుక దొంగలే తిష్టవేశారని సామాన్యులు వాపోతున్నారు. ప్రభుత్వం ఉచితంగానే ఇసుకను తీసపుకోవచ్చని చెబుతున్నా.. క్షేత్రస్థాయిలో మాత్రం పరిస్థితి పూర్తి విరుద్ధంగా ఉంది. సామాన్యుడు ఒక్క ట్రాక్టర్‌ ట్రక్కు ఇసుక తీసుకోవాలంటే.. 4 నుంచి 5వేల రూపాయలు చేతిచమురు వదిలించుకోవాల్సి వస్తోంది. దీనిపై గతంలో సీఎం చంద్రబాబు సీరియస్‌గా స్పందించినా.. పరిస్థితిలో మార్పు రాలేదు. చివరికి రాష్ట్ర భూ గర్భ వనరుల శాఖా మంత్రి సుజయకృష్ణా రంగారావు స్వయంగా రేవు ప్రాంతాలను సందర్శించి.. ఇసుక అక్రమ తరలింపుపై చర్యలు తీసుకోవాలని ఆదేశాలు జారీ చేసినా.. అదికారుల్లో ఉలుకూ పలుకూ లేకుండా పోయింది.

అక్రమ ఇసుక వెనుక అధికారపార్టీ నేతలు..!

ఈ అక్రమ ఇసుక తరలింపు వెనుక అధికారపార్టీనేతలు ఉన్నట్టు ఆరోపణలు వస్తున్నాయి. దీనికి అధికారుల అండదండలు కూడా తోడవడంతో ఇసుక దందాకు అడ్డేలేకుండా పోయిందని స్థానికులు అంటున్నారు. గోదావరి జిల్లాలకు చెందిన ఓ బడా కాంట్రాక్టర్‌ కనుసన్నల్లోనే ఇసుక దందా సాగుతున్నట్టు ఆరోపిస్తున్నారు. ఇప్పటికైనా అక్రమ ఇసుక తరలింపును అడ్డుకోవాలని విజయనగరం జిల్లా ప్రజలు కోరుతున్నారు. ఇసుక దొంగలకు చెక్‌పెట్టాలని ప్రభుత్వాన్ని డిమాండ్‌ చేస్తున్నారు.

21:23 - August 22, 2017

విజయవాడ : ఇసుక మాఫియాపై ఉక్కుపాదం మోపామన్నారు ఏపీ సీఎం చంద్రబాబు. ఇసుక ఫ్రీగా ఇస్తున్నామని వ్యాపారం చేస్తే మాత్రం సహించేది లేదన్నారు. ఇసుక ట్రాన్స్‌పోర్ట్‌ పేరిట అధిక చార్జీలు వసూలు చేయడం సరికాదన్నారు. ఇతర రాష్ట్రాలకి ఎవరైనా అక్రమంగా ఇసుక తరలిస్తే అరెస్ట్‌లకు సిద్ధమని హెచ్చరించారు. అలాగే బెల్ట్‌ షాపులపై కఠిన చర్యలు చేపట్టామని దీనిపై ప్రజాభిప్రాయ సేకరణ కూడా చేపట్టగా.. 80శాతంకి పైగా ప్రజలు సంతృప్తిగా ఉన్నారని చంద్రబాబు చెప్పారు. 

16:22 - August 16, 2017

హైదరాబాద్ : నేరెళ్ల ఘటనపై హైకోర్టులో విచారణ సాగింది. ఎంజీఎం వైద్యుల నివేదికను సీల్డ్‌కవర్‌లో హైకోర్టుకు తెలంగాణ ప్రభుత్వం అందజేసింది. బాధితులకు తీవ్రగాయాలైనట్లు నివేదికలో వైద్యులు స్పష్టం చేశారు. అందరికీ ఒకేచోట తీవ్రగాయాలు ఎలా అయ్యాయని కోర్టు ప్రభుత్వ తరపు న్యాయవాదిని ప్రశ్నించింది. అయితే ఈ ఘటనకు బాధ్యుడైన ఎస్ ఐ రవీంద్రను సస్పెండ్‌ చేశామని కోర్టుకు ప్రభుత్వ అడ్వకేట్‌ రామచంద్రరావు తెలిపారు. ఎస్ ఐ పై సస్పెన్షన్‌పై పూర్తి నివేదిక ఇవ్వాలని కరీంనగర్‌ డీఐజీని కోర్టు ఆదేశించింది. బాధితుల మెడికల్‌ రిపోర్ట్‌ను సమర్పించాలని ఆదేశాలు జారీ చేసింది. అలాగే రెండో వారాల్లో నివేదిక సమర్పించాలని కరీంనగర్‌ సూపరింటెండెంట్‌‌ను ఆదేశించింది. కేసును రెండు వారాలపాటు వాయిదా వేసింది.

 

08:00 - August 12, 2017

ట్రాఫిక్ పోలీసాయిన పని ఏందయ్యా..? ఏడ ట్రాఫిక్ జాంగాకుంట జూస్కోవాలె.. ఎవ్వలన్న వీఐపీలొస్తె ట్రాఫిక్ క్లీయర్ జెయ్యాలే..? రోజు సక్కగ డ్యూటీ జేశి ఇంటికి వోవాలె అంతేనా..? మరి తొవ్వొంట వొయ్యెటోళ్లను అమ్మని అక్కని అని తిడ్తె ఎన్కటి కాలమేనా ఇది..? జనం అంత ఒక్కటై.. ట్రాఫిక్ కానిస్టేబుల్ గాని తోలు దీశిండ్రు వీడియోలో సూడుండ్రి..

13:13 - August 7, 2017
07:30 - August 3, 2017

కరీంనగర్ : ఒంటినిండా గాయాలు.. నిలబడలేని పరిస్థితి. ఆపుకున్నా ఉబికి వస్తున్న కన్నీరు. ఇదీ నేరెళ్ల బాధితుల కన్నీటి గాథ. నేరెళ్ల బాధితులు బుధవారం కరీంనగర్‌ జిల్లా జైలు నుంచి బెయిల్‌పై విడుదలయ్యారు. బయటకు వస్తూనే తమ గోడును వెల్లబోసుకున్నారు. లారీలకు నిప్పు పెట్టిన ఘటనలో తమకు ఎలాంటి సంబంధంలేకపోయినా పోలీసులు అక్రమ కేసులు బనాయించారని బాధితులు ఆరోపించారు. స్టేషన్‌లో నాలుగు రోజులపాటు పోలీసులు తమను చిత్ర హింసలకు గురిచేశారని వాపోయారు. మత్తు ఇంజెక్షన్లు, టాబ్లెట్స్‌ ఇస్తూ తమను ఎస్పీ,ఎస్సైసహా ఇతర పోలీసులు చావబాదారని బాధితులు కన్నీటిపర్యంతమయ్యారు. నేరం ఒప్పుకోవాలని ఒత్తిడి తీసుకొచ్చారన్నారు. లేకపోతే తమ కుటుంబ సభ్యులపై గంజాయి కేసు పెడతామని బెదిరింపులకు దిగారన్నారు. మహిళలపై వ్యభిచార కేసులు నమోదు చేస్తామని ఎస్పీనే స్వయంగా బెదిరించినట్టు బాధితులు వెల్లడించారు.

బాధితులు కన్నీరుమున్నీర
బాధితులు కన్నీరుమున్నీరనేరం అంగీకరించనందుకు తమకు కరెంట్‌షాక్‌ పెట్టారని బాధితులు కన్నీరుమున్నీరయ్యారు. థర్డ్‌డిగ్రీ ప్రయోగించి చిత్రహింసలకు గురిచేశారని వాపోయారు. ప్రత్యక్ష నరకం చూపారని ఆవేదన వ్యక్తం చేశారు. పోలీసులు దెబ్బలతో నడవలేని పరిస్థితి ఏర్పడిందన్నారు.దళితులపట్ల కేసీఆర్‌కు చిత్తశుద్ధి వారిని చిత్రహింసలకు గురిచేసిన ఎస్పీసహా ఇతర పోలీసులపై తక్షణం చర్యలు తీసుకోవాలని ప్రజాసంఘాల నేతలు డిమాండ్‌ చేశారు. మనిషి ప్రాణాలకంటే ఇసుక లారీలే ప్రభుత్వానికి ముఖ్యమైపోయాయని మండిపడ్డారు.

వాస్తవాలు బయటకు 
మొత్తానికి నేరెళ్ల బాధితులు జైలు నుంచి విడుదలవ్వడంతో వాస్తవాలు ఒక్కొక్కటిగా బయటపడుతున్నాయి. దళితులపై పోలీసుల దాష్టీకం వెలుగుచూస్తోంది. మరి దళితులకు ప్రభుత్వం అండగా నిలుస్తుందా. పోలీసులపై చర్యలు తీసుకుంటుందా. ప్రభుత్వం ఏం చేస్తుందో వేచి చూడాలి.

18:59 - August 2, 2017

కరీంనగర్ : నేరెళ్ల బాధితులకు కరీంనగర్‌ కోర్టు బెయిల్‌ మంజూరు చేసింది. కాసేపట్లో 8 మంది నిందితులు బయటకు రానున్నారు. 22 రోజుల పాటు శిక్ష అనుభవించిన నిందితులకు.. కోర్టు షరతులతో కూడిన బెయిల్‌ మంజూరు చేయడంతో.. ఇవాళ విడుదలవుతున్నారు. మరిన్ని వివరాలను వీడియోలో చూద్దాం...

 

17:36 - August 2, 2017

హైదరాబాద్ : నేరెళ్ల ఘటనపై సీఎం కేసీఆర్‌ సైలెంట్‌గా ఉండటాన్ని కాంగ్రెస్‌ సీనియర్‌ వి.హన్మంతరావు ఖండించారు. హైదరాబాద్‌లో కూర్చొని స్టేట్‌మెంట్లు ఇవ్వకుండా.. బాధితులను కలుసుకుని అసలేం జరిగిందో తెలుసుకోవాలన్నారు. ఇసుక మాఫీయా మాయలో పడి అమాయకులపై ప్రభుత్వం కక్షగట్టిందని వీహెచ్‌ ఆరోపించారు. ఇసుక కాంట్రాక్టర్లే ముఖ్యమా.. మనుషుల ప్రాణాలు కాదా..? అని ప్రశ్నించారు. ఇది ప్రభుత్వమేనా..? హైదరాబాద్‌లో కుర్చునొ స్టేట్‌మెంట్లిస్తున్నారని ఎద్దేవా చేశారు. రాష్ట్రంలో బడుగు, బలహీనవర్గాలను అణగదొక్కుతున్నారని విమర్శించారు.

07:28 - August 2, 2017

సిరిసిల్ల : నేరేళ్లలో దళితులపై పోలీసుల దాష్టీకం తెలంగాణలో సంచలనం రేపుతోంది. రాష్ట్ర రాజకీయాలు నేరెళ్ల చుట్టూనే తిరుగుతున్నాయి. లెఫ్ట్‌ పార్టీలు నేరేళ్ల దళితులపై పోలీసుల దాడిని నిరసిస్తూ ఆందోళన ప్రారంభించాయి. ప్రజాసంఘాలు, టీమాస్‌ ఫోరం కూడా దళితులకు అండగా నిలిచాయి. దళితులపై పోలీసుల వేధింపులు ఆపాలని, దళిత యువకులపై అక్రమ కేసులను ఉపసంహరించాలని డిమాండ్‌ చేశాయి. దీంతో నేరెళ్ల ఘటన రాష్ట్ర రాజకీయ తెరపైకి చేరింది. నేరేళ్ల దళితుల సమస్యపై ప్రతిపక్ష కాంగ్రెస్‌ పార్టీ కూడా కదలింది. దళితుల ఆందోళనకు మద్దతు ప్రకటించింది. అంతేకాదు... దళితులను వేధిస్తోన్న ప్రభుత్వ తీరును నిరసిస్తూ బహిరంగ జరిపింది. ఈ బహిరంగ సభ కూడా అనేక నాటకీయ పరిణామాల మధ్య జరిగింది. లోక్‌సభ్‌ మాజీ స్పీకర్‌ మీరా కుమార్‌ నేరెళ్ల బాధితులను పరామర్శించారు. వారికి అండగా ఉంటామని హామీనిచ్చారు. ఇలా ప్రతిపక్షాలు నేరెళ్ల దళితులకు అండగా నిలుస్తుండడంతో ప్రభుత్వం ఇరకాటంలో పడింది.

నెలరోజులుగా నేరెళ్ల ఘటన
దాదాపు నెలరోజులుగా నేరెళ్ల ఘటన రాష్ట్రంలో చర్చనీయాంశంగా మారింది. మంత్రి కేటీఆర్‌ ప్రాతినిధ్యం వహిస్తోన్న నియోజకవర్గం కావడంతో విపక్షాలు కూడా దీన్ని ఆసరా చేసుకుని ప్రభుత్వాన్ని ఇరకాటంలోకి నెట్టే ప్రయత్నాలు చేస్తున్నాయి మంత్రి కేటీఆర్‌ సహకారంతోనే ఇసుక అక్రమ వ్యాపారం జరుగుతోందని.. వారిని కాపాడేందుకు ప్రయత్నాలు జరుగుతున్నాయని విపక్షాలు ఆరోపిస్తూ వస్తున్నాయి. నెల రోజులుగా ప్రభుత్వంపై ప్రతిపక్షాలు దుమ్మెత్తి పోస్తుండడంతో ఎట్టకేలకు అధికార టీఆర్‌ఎస్‌లో చలనం వచ్చింది. ప్రభుత్వంపై వస్తున్న ఆరోపణలు తిప్పికొట్టేందుకు గులాబీ బాస్‌ దళిత నేతలను రంగంలోకి దింపారు. ఇసుక వ్యాపారానికి , కేటీఆర్‌కు సంబంధం లేదని అధికార పార్టీ నేతలు స్పష్టం చేశారు. దళితుల గురించి మాట్లాడే అర్హత కాంగ్రెస్‌ లేదంటూ ఎదురుదాడికి దిగారు. మొత్తానికి విపక్షాల వరుస ఆందోళనలతో అధికారపార్టీలో చలనమొచ్చింది. ప్రతిపక్షాలపై ఎదురుదాడికి పూనుకుంటోంది. మరి అధికారపార్టీ విమర్శలను ప్రతిపక్షాలు ఎలా ఎదుర్కొంటాయో, ఈ పరిణామాలు ఎక్కడికి దారి తీస్తాయో వేచిచూడాలి.

Pages

Don't Miss

Subscribe to RSS - sand mafia