sand mafia

18:12 - July 10, 2018

అమరావతి : కేంద్రం సహకరించకపోయినా రాష్ట్రంలో కష్టాలున్నా ఎక్కడా లేని విధంగా అభివృద్ధి కోసం సీఎం చంద్రబాబు నాయుడు కృషి, దూరదృష్టితో రాష్ట్రంలో ముందుకెళుతున్నామని మంత్రి నక్కా ఆనందబాబు తెలిపారు. కానీ కష్టాల్లో వున్న రాష్ట్రాన్ని అభివృద్ధి చేస్తున్న చంద్రబాబుపై విమర్శలు చేయటం తప్ప జగన్ ఏం చేస్తున్నాడని ఆనందబాబు ప్రశ్నించారు. పోలవరం ప్రాజెక్టు ద్వారా కృష్ణా డెల్డాకు నీరిచ్చి లక్షలాది ఎకరాలకు సాగునీరు అందించి..పోలవరం ప్రాజెక్టు కోసం అహర్నిశలు కష్టపడి నిరంతరం పరిశీలిస్తు పోలవరం ప్రాజెక్టు అభివృద్ధి పనులు విపక్ష వైసీపీ నాయకుడికి కనిపించటంలేదనా ప్రశ్నించారు. అనంతపురంలో పెరిగిన భూగర్భ జలాలు పెంచేందుకు తీసుకుంటున్న చర్యలతో అభివృద్ధితో కొనసాగుతున్న ప్రభుత్వానికి సహకరించకుండా అర్థం పర్థం లేని విమర్శలు చేయటం తప్ప జగన్ కు ఇంకేమీ అవగాహ లేదని విమర్శించారు. 

19:40 - July 4, 2018

సిరిసిల్ల : కాలంతోపాటు.. ఒంటిపై తగిలిన దెబ్బలు మానిపోయినా... గుండెలకైన గాయాలు మాత్రం సలుపుతూనే ఉన్నాయి. విచారణ పేరుతో పోలీసులు 8 మందిపై పోలీసులు ప్రదర్శించిన  పైశాచికత్వానికి యేడాది పూర్తయింది. జాతీయ స్థాయిలో నెరేళ్ల బాధితులకు మద్దతు లభించినా.. రాష్ట్ర స్థాయిలో మాత్రం న్యాయం జరగలేదు. మానని గాయంలా సలుపుతున్న నేరెళ్ల దురాగతంపై టెన్‌టీవీ ప్రత్యేక కథనం.
విచారణ పేరుతో పోలీసుల చిత్ర హింసలు
కాలం గడిచే కొద్దీ పోలీసులు ఒంటిపై కొట్టిన దెబ్బలైతే మానాయి గానీ.. గుండెలకు తగిలిన గాయాలు మాత్రం ఇంకా పచ్చి పుండును తలపిస్తూనే ఉన్నాయి. నేరెళ్ళలో పోలీసులు విచారణ పేరుతో నిందితులను చిత్రహింసలు పెట్టిన ఘటన దేశ వ్యాప్తంగా సంచలనం సృష్టించింది. జాతీయ స్థాయిలో దళిత ఉద్యమానికి దారితీసింది.
లారీలకు నిప్పు పెట్టిన  ఘటనలో..12 మంది పై కేసు
నేరెళ్ళ ఘటన జరగడానికి ఏడాది ముందు.. తరచూ ప్రమాదాలకు కారణమవుతున్నాయన్న కారణంతో.. ఐదు లారీలకు నిప్పు పెట్టారు. ఈ ఘటనలో తంగళ్ళపల్లి పోలీసులు 12 మంది పై కేసు నమోదు చేశారు. నేరెళ్ల, జిల్లెల, రామచంద్రాపురం గ్రామాలకు చెందిన పెంట బాణయ్య, హరీష్, బాలరాజు, పసుల ఈశ్వర్, గోపాల్, మహేష్, గణేష్, చీకోటి శ్రీనివాస్‌ను అరెస్టు చేసి చిత్రహింసలు పెట్టారు. ఇంటరాగేషన్‌ చేసిన  జిల్లా ఎస్పీ విశ్వజిత్ కంపాటి, సీసీఎస్ ఎస్సై రవీందర్‌పైనా సరైన చర్యలు తీసుకోలేదని బాధితులు ఆరోపిస్తున్నారు.  
జాతీయ స్థాయిలో ఉద్యమిస్తామన్న ప్రతిపక్షాలు 
గాయపడ్డ బాధితులను చూసిన ప్రతి ఒక్కరూ చలించిపోయారు. దీంతో దళిత సంఘాలు, రాజకీయ పార్టీలు  ఆందోళనకు దిగాయి. కాంగ్రెస్ పార్టీకి చెందిన మాజీ స్పీకర్ మీరా కుమారి నేరెళ్ల ఘటన పై తీవ్ర స్థాయిలో స్పందించారు.  భాదితుల కుటుంబ సభ్యులను కలుసుకున్న మీరా కుమారి తీవ్ర ఉద్వేగానికి లోనయ్యారు. జాతీయ స్థాయిలో ఉద్యమిస్తామని ప్రతిపక్షాలన్నీ ముక్త కంఠంతో హెచ్చరించాయి. 
జూలై 2న కండీషన్‌ బెయిల్ మంజూరు
ఓవైపు న్యాయ పోరాటం జరగుతుండగానే.. నిందితులకు కరీంనగర్‌ కోర్టు జూలై 2న షరతులతో కూడిన బెయిల్ మంజూరు చేసింది.  జైలు నుంచి విడుదలైన నిందితులు తమ కుటుంబ సభ్యులను చూడగానే.. ఉద్వేగానికి లోనయ్యారు. ఆపుకోలేని దు:ఖంతో వెక్కి వెక్కి ఏడ్చారు. తమకు న్యాయం చేయాలంటూ ధీనంగా వేడు కున్నారు. 
పోలీసు చర్యల వెనుక టీ.ప్రభుత్వం : బాధితులు
నేరెళ్ల ఘటనలో పోలీసుల అత్యుత్సాహం స్పష్టంగా తెలుస్తున్నా.. పోలీసు చర్యల వెనుక ఉన్నది మాత్రం టీఆర్ఎస్‌  ప్రభుత్వమే అన్నది మరింత స్పష్టంగా తెలుస్తోందని బాధిత కుటుంబాలు ఆరోపిస్తున్నాయి. ఇంత జరిగినా .. సిరిసిల్లలో ఇసుక లారీల వేగం ఇప్పటికీ తగ్గనేలేదు.. న్యాయ పోరాటం చేస్తున్న భాదిత కుటుంబాలకు పోలీసు వేదింపులు ఆగనూలేదు. 

18:52 - June 8, 2018

కర్నూలు : తెలంగాణ ఎస్సై ఏపీలో గన్‌తో హల్‌చల్‌ చేశారు. సరిహద్దు ఇసుక వివాదంలో ఉండవల్లి ఎస్సై గడ్డం కాశీ  ఓవర్‌ యాక్షన్‌ చేశారు. ఈ వ్యవహారం ఆలస్యంగా  వెలుగులోకి వచ్చింది. తుంగభద్రలో తెలుగు రాష్ర్టాల మధ్య ఇసుక వివాదం నెలకొంది. ఈ నేపథ్యంలో  కర్నూల్‌ జిల్లాలోని నిర్జుర్‌ గ్రామంలో  తెలంగాణ పోలీసులకు పనేంటని ప్రజలు ప్రశ్నిస్తున్నారు. గత రెండు రోజులుగా స్థానికంగా ఘర్షణ వాతావరణం నెలకొన్నా రెవెన్యూ అధికారులు స్పందించలేదని విమర్శిస్తున్నారు. చివరికి ఇరు రాష్ర్టాల పోలీసులు జోక్యంతో ప్రజలు శాంతించారు. 

 

10:52 - June 3, 2018

పశ్చిమగోదావరి : జిల్లాలో ఇసుక మాఫియా రెచ్చిపోతుంది. నిన్నటి వరకు గోదావరి నుంచి ఇసుకను అక్రమంగా తరలించిన టీడీపీ నేతలు... తాజాగా కాలువలపై దృష్టి సారించారు. పోలవరం కుడి కాలువ నుంచి భారీ యంత్రాలతో ఇసుకను తవ్వి తరలిస్తున్నారు. రాత్రిపూట భారీ యంత్రాలతో ఇసుక తవ్వకాలు జరుగుతున్నాయి. ఎలాంటి అనుమతులు లేకపోయినా అధికారుల అండతో ఇసుక పక్క రాష్ట్రాలకు తరలిపోతుంది. 

 

18:28 - April 28, 2018

విజయనగరం : ఇసుక మాఫియా ఆగడాలు మితిమీరాయి. గుర్ల మండలం కోటగండ్రేడులోని చంపావతి నదిలో ఇష్టానుసారంగా ఇసుకు తవ్వకాలు జరుపుతున్నారు. ఉచిత ఇసుక విధానానికి స్థానికనేతలే తూట్లు పొడుస్తున్నారు. మంత్రి జిల్లాలోనే అడ్డూ అదుపు లేకుండా ఇసుక దందా సాగుతోంది.

చంపావతి నదిలో ఇష్టానుసారంగా ఇసుక తవ్వకాలు
విజయనగరం జిల్లాలోని గుర్లపాడు మండలం కోటగండ్రేడు వద్ద చంపావతి నదిలో ఇష్టానుసారంగా ఇసుకను తవ్వకాలు జరుగుతున్నాయి. చంపావతి నది పక్కన ఉన్న పట్టా భూముల్లో ఇసుక మేట్లను తొలగించడానికి అనుమతులు తీసుకొని రాత్రిపగలు అనే తేడా లేకుండా ఇసుకను తవ్వేస్తున్నారు. చెట్లను తొలంగించి నది మధ్యలోనే రోడ్డు వేసి ఇసుక రవాణ చేస్తున్నారు. దొంగ పట్టాలతో అధికారులను బురుడీ కొట్టించి మరీ అనుమతులు పొందారు. రాష్ట్ర భూగర్భ గనుల శాఖ మంత్రి సుజయ కృష్ణ రంగారావు సొంత జిల్లాలోనే ఇసుక అక్రమ రవాణా యథేచ్ఛగా సాగుతోంది. ఇసుక మాఫియాపై చర్యలు తీసుకోవాలని స్థానికులు కోరుతున్నారు.

19:34 - April 25, 2018

రాజన్నసిరిసిల్ల : జిల్లాలోని నేరెళ్ల బాధితులకు న్యాయం చేయడంతో మంత్రి కేటీఆర్‌ విఫలమయ్యారని కాంగ్రెస్‌ నేత వీహెచ్‌ విమర్శించారు. ఇసుక మాఫియా, పోలీసులు ఆగడాలతో ఇబ్బందులు ఎదుర్కొన్న నేరెళ్ల బాధితులను వీహెచ్‌ పరామర్శించారు. మంత్రి కేటీఆర్‌.. బలహీనవర్గాలను అణగదొక్కుతున్నారని ఆగ్రహం వ్యక్తం చేశారు. బాధితులపై పెట్టిన కేసులు వెంటనే ఎత్తివేయాలని డిమాండ్‌ చేశారు. 

 

19:31 - April 25, 2018

పెద్దపల్లి : టీఆర్ఎస్‌ ప్రభుత్వం ఇసుక మాఫియాకు అండగా ఉంటోందని మాజీ మంత్రి దుద్దిళ్ల శ్రీధర్ బాబు అన్నారు. ఈమేరకు ఆయనతో టెన్ టివి ఫేస్ టూ ఫేస్ నిర్వహించింది. సర్కార్ అండతో... తెలంగాణలో ఇసుక మాఫియాకు అడ్డూ అదుపూ లేకుండా పోతోందన్నారు. అతివేగంతో నడిచే ఇసుక లారీలు ఢీకొన్న ఘటనలో ఇప్పటికే పదుల సంఖ్యలో ప్రజలు చనిపోతున్నా.. ప్రభుత్వానికి పట్టనట్లు ఉందని ఆయన ఆరోపించారు. ఇసుకమాఫియాను అడ్డుకునేందుకు ప్రజలతో కలిసి.. పోరాటం ఉధృతం చేస్తామని చెప్పారు. 

 

17:42 - April 23, 2018

పెద్దపల్లి : ఇసుక మాఫియాను అరికట్టాలంటూ.. పెద్దపల్లి జిల్లా రామగిరి మండలం లద్నాపూర్ గ్రామస్థులు ఆందోళనకు దిగారు. ప్రభుత్వ కనుసన్నల్లోనే ఇసుక మాఫియా నడుస్తోందని గ్రామస్థులు ఆరోపించారు. ఆదివారం సాయంత్రం ఇసుక లారీ ఢీ కొన్నఘటనలో ఆదివారంపేట గ్రామ ఉపసర్పంచ్‌ ఏలుక రాజయ్య మృతి చెందారు. దీంతో ఆగ్రహానికి లోనైన మృతుడి బంధువులు, గ్రామస్థులు ఇవాళ ప్రధాన రదహదారిపై ధర్నాకు దిగారు. సుమారు వంద లారీలను ధ్వసం చేశారు.. పరిస్థితి ఉద్రిక్తంగా మారడంతో పోలీసులు భారీ సంఖ్యలో మోహరించారు... తమకు న్యాయం చేసేవరకూ కదలమని ఆందోళనకారులు బైఠాయించారు. చివరికి ఉన్నతాధికారులతో మాట్లాడిన డీసీపీ సుదర్షన్‌ గౌడ్‌ హామీ ఇవ్వడంతో ఆందోళన విరమించారు...

18:38 - April 18, 2018

మహబూబ్ నగర్ : సుదీర్ఘపోరాటం చేసి సాధించుకున్న తెలంగాణ రాష్ట్రంలో పాలకుల పనితీరు సరిగా లేదని జనసమితి పార్టీ అధ్యక్షుడు ప్రొఫెసర్ కోదండరామ్‌ అన్నారు. మహబూబ్‌ నగర్ జిల్లా కేంద్రంలో ఆయన జనసమితి పార్టీ కార్యలయాన్ని ప్రారంభించారు. నిరుద్యోగ సమస్యలను పరిష్కారించే విషయంలో టీఆర్ఎస్ విఫలమైందని విమర్శించారు. రుణమాఫీ విషయంలో ప్రభుత్వం నిర్లక్ష్యం కారణంగా రైతులు ఆత్మహత్య చేసుకుటుంన్నారని అన్నారు. ఈ నెల 29 న జనసమితి పార్టీ అవిర్భావ సభకు పాలమూరు నుంచి పెద్ద ఎత్తున జనం తరలి రావాలని కోదండరామ్‌ పిలుపునిచ్చారు.

09:41 - March 31, 2018

పశ్చిమగోదావరి : జిల్లాలో మట్టి మాఫియా రెచ్చిపోతోంది. అధికార పార్టీ అండతోనే ఈ మాఫియా బరితెగిస్తోందన్న విమర్శలు వినిపిస్తున్నాయి. ఇదేంటని ప్రశ్నిస్తే దాడులకు కుతెగబ డుతున్నారు.. ఈ నేపథ్యంలో జగన్నాధపురం నవాబుపాలెం రహదారి మధ్యలో అక్రమంగా మట్టిని తరలిస్తున్న వాహనాలను గ్రామస్థులు అడ్డుకున్నారు. సమాచారం ఇచ్చినా స్పందించని పోలీసులు చివరినిమిషంలో వచ్చారు. లారీలతోపాటు రికార్డులను స్వాధీనం చేసుకుని కేసు నమోదు చేసుకున్నారు.

 

Pages

Don't Miss

Subscribe to RSS - sand mafia