Sangareddy News Updates

19:21 - August 30, 2018

హైదరాబాద్ : స్వాతంత్ర్యం వచ్చి 70 ఏళ్లు పూర్తవుతున్నా.. ఎవరూ చేయని అభివృద్ధి టీఆర్‌ఎస్‌ ప్రభుత్వం చేసిందన్నారు మంత్రి హరీష్‌రావు. సంగారెడ్డి జిల్లా జహీరాబాద్‌ నియోజకవర్గంలో పలు అభివృద్ధి కార్యక్రమాలకు శంకుస్థాపన చేసిన హరీష్‌రావు... త్వరలో వెయ్యి డాక్టర్ల పోస్టులను భర్తీ చేస్తామన్నారు. కాంగ్రెస్‌ హయాంలో నెలకు రెండు ప్రైవేట్‌ ఆస్పత్రులు నెలకొల్పేవారని... కానీ తమ ప్రభుత్వం ప్రభుత్వ ఆస్పత్రుల్లో సమస్యలు తీరుస్తున్నాయన్నారు హరీష్‌రావు. 

13:16 - August 22, 2018

ఉమ్మడి మెదక్‌ : జిల్లాలో ఉన్న ఏకైక సాగునీటి ప్రాజెక్ట్‌ సింగూర్‌ ప్రాజెక్ట్‌. ప్రతి ఏడాది రైతులకు సాగునీరు అందించే ఈ ప్రాజెక్ట్‌ ఈ సారి రైతులకు కన్నీళ్లను మిగిల్చింది. రాష్ట్రంలోని అన్ని ప్రాజెక్ట్‌లు జలకళ సంతరించుకుంటే.. ఈ ప్రాజెక్ట్‌ మాత్రం నీళ్లు లేక బోసిపోయింది. 
ప్రాజెక్ట్‌లో ప్రస్తుతం ఉన్న నీరు 7.5 టీఎంసీలు
సింగూర్‌ ప్రాజెక్టు నీరులేక వెలవెలబోతోంది. ఎడతెరపి లేకుండా కురుస్తున్న వర్షాలతో అన్ని జలాశయాలు నిండుకుండలా మారితే... సింగూర్‌ జలాశయం మాత్రం నీరులేక వెలవెలబోతోంది. 29.9 టీఎంసీ నీటి సామర్థ్యం గల ఈ ప్రాజెక్ట్‌లో ప్రస్తుతం ఏడున్నర టీఎంసీల నీరు మాత్రమే ఉంది.ఎగువనున్న  మహారాష్ట్రలో వర్షాలు పడితే ఈ ప్రాజెక్ట్‌లోకి నీరు వచ్చేది. కానీ మహారాష్ట్రలో వర్షాలు పడకపోవటంతో ప్రాజెక్ట్‌ డెత్‌స్టోరేకి చేరువవుతోంది. 
70 ఎకరాల భూమి బీడువారే పరిస్థితి 
ఇక ప్రాజెక్ట్‌ డెత్‌స్టోరేజికి చేరువవుతుండటంతో ప్రాజెక్ట్‌ కింద భూములున్న రైతన్నల ఆశలు గల్లంతయ్యాయి. ప్రాజెక్ట్‌లో సరిపడ నీరు లేకపోవటంతో ఖరీఫ్‌ నీళ్లు వదలలేమని అధికారులు తేల్చిచెప్పారు. 12 టీఎంసీలకు పైగా నీరు ఉంటేనే సాగునీరు ఇవ్వటం జరుగుతుందని చెప్పారు. వర్షాలు పడినా పడకున్నా.. సాగునీరుకు ఇబ్బంది లేకుండేదని.. కానీ ఈ ఏడాది సాగునీళ్ల కోసం ఇబ్బంది పడాల్సి వస్తోందని ఊహించలేదని రైతులు చెబుతున్నారు. సాగునీరు ఇబ్బందితో 70 ఎకరాలకు పైగా భూమి బీడువారే పరిస్థితి ఏర్పడిందని రైతులు వాపోతున్నారు. జూలైలో అధికారులు నీరు విడుదల చేస్తామన్నారు.. కానీ నీళ్లు రాకపోవటంతో విడుదల చేయలేమని అధికారులు చెప్పారని రైతులు తెలిపారు. అధికారులు చెప్పటంతో చాలా వరకు వరినాట్లు వేయలేదని రైతులు అంటున్నారు. తమను ప్రభుత్వం ఆదుకోవాలని ప్రాజెక్ట్‌ కింద ఉన్న రైతుల కోరుతున్నారు. ఇప్పుటికైనా వర్షాలు పడి ప్రాజెక్ట్‌కు నీరు రావాలని.. పంటలు పండాలని రైతులు కోరుకుంటున్నారు. మరి రైతుల ఆవేదన చూసి వరుణుడు కరుణిస్తాడో లేదో చూడాలి. 

 

13:50 - August 9, 2018

సంగారెడ్డి : అంతర్జాతీయ మెట్ట పంటల పరిశోధనా సంస్థ ఇక్రిశాట్‌ పరిశోధనా ఫలితాలను సంగారెడ్డి జిల్లా అందిపుచ్చుకోనుంది. ఈ మేరకు రైతాంగాన్ని ప్రోత్సహించేందుకు కలెక్టర్‌ వాసం వెంకటేశ్వర్లు ఈ నిర్ణయం తీసుకున్నారు. వ్యవసాయంలో ఆధునిక మెళకువల కోసం ఇక్రిశాట్‌ను ఉపయోగిస్తామంటనున్న జిల్లా కలెక్టర్‌తో ఫేస్‌ టు ఫేస్‌ నిర్వహించారు. తెలంగాణ ప్రాంతంలో అధికంగా మెట్ట పంటలే సాగవుతున్నాయని తెలిపారు.

 

12:28 - August 5, 2018
15:17 - August 3, 2018

సంగారెడ్డి : సదాశివపేట ఎమ్ ఆర్ ఎఫ్ పరిశ్రమ ఎదుట కార్మికులు ఆందోళన చేపట్టారు. యాజమాన్యం తీరుకు నిరసనగా 600 మంది కార్మికులు ఆందోళనకు దిగారు. యాజమాన్యం, కార్మిక సంఘం నాయకుల చీకటి ఒప్పందాన్ని రద్దు చేయాలని డిమాండ్ చేశారు. యాజమాన్యం కార్మిక వ్యతిరేక ఒప్పందం కుదుర్చుకొని హామీలను విస్మరించిందని ఆరోపిస్తున్నారు. న్యాయం చేయాలని డిమాండ్ చేస్తూ కార్మికులు ఆందోళనకు దిగారు. కార్మికుల ఆందోళనకు సీఐటీయూ మద్దతు తెలిపింది. మరిన్ని వివరాలను వీడియోలో చూద్దాం... 

19:48 - July 19, 2018

సంగారెడ్డి : జిల్లా కేంద్రంలో రోడ్ల వెడల్పు, సెంట్రల్‌ లైటింగ్‌ పనులు నత్తనడకన సాగుతున్నాయి. ఈ మేరకు స్వయంగా అధికారులతో కలిసి ఎమ్మెల్యే చింతా ప్రభాకర్‌, కలెక్టర్‌ వాసం వెంకటేశ్వర్లు ద్విచక్ర వాహనంపై పట్టణంలో తిరిగి పనుల పురోగతిని పరిశీలించారు. నిర్ణీత గడువు ముగుస్తున్నా పనుల్లో జాప్యం జరగడంపై కలెక్టర్‌, ఎమ్మెల్యేలు హెచ్ ఎండీఏ అధికారులపై ఆగ్రహం వ్యక్తం చేశారు. పనుల్లో వేగం పెంచాలని అధికారులను కోరారు. 

 

19:14 - July 17, 2018

సంగారెడ్డి : జిల్లా ఆరూర్‌లో ఎవరెస్ట్‌ ఆర్గానిక్స్‌ కంపెనీ విస్తరణకోసం చేపట్టిన ప్రజాభిప్రాయ సేకరణ ఉద్రిక్తతకు దారితీసింది.  ముందస్తు సమాచారం లేకుండా ప్రజాభిప్రాయసేకరణ చేస్తున్నారంటూ గ్రామస్తులు ఆందోళనకు దిగారు. రెండు గ్రామాలకు చెందిన లక్షా 18 వేల మందిమి ఇబ్బందులకు గురవుతున్నామని గ్రామస్తులు ఆరోపిస్తున్నారు.

 

13:43 - July 17, 2018

సంగారెడ్డి : సదాశివపేట మండలం ఆరూరులో ఉద్రిక్తత నెలకొంది. ఎవరెస్ట్ ఆర్గానిక్ పరిశ్రమ ఏర్పాటు విషయంలో స్థానికులు ఆందోళనకు దిగారు. ఎవరెస్ట్ ఆర్గానిక్ పరిశ్రమ వల్ల 52 గ్రామాలు ప్రభావితం అవుతాయని స్థానికులు పేర్కొంటున్నారు. స్థానికులకు సమచారం ఇవ్వకుండా ప్రజాభిప్రాయ సేకరణ నేపథ్యంలో 50 గ్రామాల ప్రజలకు సమాచారం లేకుండా ప్రజాభిప్రాయసేకరణ చేపట్టమేమిటని ప్రజలు ప్రశ్నించారు. ప్రజాభిప్రాయ సేకరణ రద్దు చేయాలని ప్రజలు నినాదాలు చేస్తున్న నేపథ్యంలో పోలీసులు భారీగా మోహరించటంతో ఆరూరులో ఉద్రిక్తతల నెలకొంది. 

17:47 - July 11, 2018

సంగారెడ్డి : జిల్లా ముత్తంగి జాతీయ రహదారిపై T.N.S.F ఆధ్వర్యంలో ఆర్.ఆర్.ఎస్ ఇంజనీరింగ్ కళాశాల విద్యార్ధులు రాస్తారోకో చేపట్టారు. తమ సమస్యలను వెంటనే పరిష్కరించి... తరగతులు నిర్వహించాలని విద్యార్ధులు డిమాండ్ చేశారు. అక్కడికి చేరుకున్న పోలీసులు విద్యార్ధులను అదుపులో తీసుకున్నారు.

 

17:45 - July 11, 2018

సంగారెడ్డి : జిల్లా జహీరాబాద్‌ నియోజకవర్గంలో సీపీఎం, బీఎల్‌ఎఫ్‌ ఆధ్వర్యంలో దళితులు పాదయాత్ర చేపట్టారు. నాలుగు దశాబ్ధాల క్రితం దళితులకు కేటాయించిన ఇళ్ల స్థలాలను ప్రభుత్వం.. వేరే నిర్మాణాలకు కేటాయించడంతో దళితులు ఆందోళన చేపట్టారు. మొగుడంపల్లి మండల కేంద్రం నుండి ఆర్డీవో కార్యాలయం వరకు పాదయాత్ర చేపట్టారు. ప్రభుత్వం స్పందించకపోతే ఆ స్థలాల్లో గుడిసెలు వేసుకుంటామని దళితులంటున్నారు. వారి ఆందోళనపై మరింత సమాచారం కోసం వీడియో క్లిక్ చేయండి. 

Pages

Don't Miss

Subscribe to RSS - Sangareddy News Updates