sankranthi

06:30 - January 31, 2018

విజయవాడ : జన్మభూమి కమిటీలతో పార్టీకి చెడ్డపేరు వస్తోందని టీడీపీ అధినేత చంద్రబాబు అన్నారు. ఇక నుంచి జన్మభూమి కమిటీల పేరుతో చెడ్డపేరు వస్తే సహించేది లేదని హెచ్చరించారు. కమిటీలోని సభ్యులు తప్పుచేస్తే వారిని వెంటనే మార్చి... కొత్తవారితో కమిటీలు వేయాలని సూచించారు. సెక్రటేరియట్‌లో టీడీపీ సమన్వయ కమిటీ భేటీలో పాల్గొన్న చంద్రబాబు... నాయకుల మధ్య విభేదాలు సమసిపోవాలని ఆల్టిమేటం జరిచేశారు.

ఏపీ సచివాలయంలో చంద్రబాబు అధ్యక్షతన టీడీపీ సమన్వయ కమిటీ సమావేశం జరిగింది. మూడు గంటల పాటు సుదీర్ఘంగా సాగిన ఈ సమావేశంలో చంద్రబాబు పార్టీ నేతలకు దిశానిర్దేశం చేశారు. జన్మభూమి కమిటీల్లో అవినీతి జరుగుతోందని కొంతకాలంగా విపక్షాలు చేస్తున్న విమర్శలపై ఈ సమావేశంలో చర్చ జరిగింది. కమిటీ సభ్యులు తప్పుచేస్తే ఎట్టి పరిస్థితిలో సహించే ప్రసక్తే లేదని చంద్రబాబు అన్నారు. వెంటనే జన్మభూమి కమిటీలను మార్చాలని ఆదేశించారు. ప్రభుత్వంపట్ల రాష్ట్ర ప్రజలు 60శాతం సంతృప్తిగా ఉన్నారని.. వచ్చే రోజుల్లో దీన్ని 80శాతం వరకు తీసుకెళ్లేలా కృషి చేయాలన్నారు. ఇంటింటికి తెలుగుదేశం కార్యక్రమం విజయవంతం చేసినట్టుగానే..... దళిత తేజం కార్యక్రమాన్ని విజయంతం చేయాలన్నారు. అందరూ దళితవాడలకు వెళ్లి వారితో మమేకం కావాలని సూచించారు. ఆర్థిక సర్వేలో ఏపీకి మంచి మార్కులు వచ్చాయని... పర్యాటకరంగంలో దేశంలోనే మూడోస్థానంలో మన రాష్ట్రం ఉండడం టీడీపీ ప్రభుత్వ ప్రగతికి నిదర్శమన్నారు.

ఫిబ్రవరి నెలనుంచి పార్టీపై పూర్తిస్థాయిలో దృష్టి సారించనున్నట్టు చంద్రబాబు ఈ సందర్భంగా నాయకులకు తెలిపారు. అన్ని నియోజకవర్గ నేతలతో ప్రతిరోజూ సమావేశం నిర్వహిస్తానని చెప్పారు. పార్టీ క్రమశిక్షణ ఉల్లంఘించే వారిని ఉపేక్షించబోనని హెచ్చరికలు జారీ చేశారు. ప్రతి నియోజకవర్గంలో మనదే గెలుపుకావాలన్న సంకల్పంతో అందరూ పనిచేయాలని సూచించారు. ఇందుకోసం ఇప్పటి నుంచే ప్రణాళికలు రచించుకుని ముందుకెళ్లాలన్నారు. ఫిబ్రవరి రెండున మరోసారి టీడీపీ సమన్వయ కమిటీ భేటీ కానుంది. ఆ రోజు జరిగే సమన్వయ కమిటీలో బీజేపీతో పొత్తుపై చర్చించే అవకాశముంది.

07:34 - January 30, 2018

హైరదాబాద్ : ఏపీ ప్రభుత్వానికి హైకోర్టు మరోసారి చీవాట్లు పెట్టింది. సంక్రాంతి సందర్భంగా నిర్వహించిన కోడి పందేలపై న్యాయస్థానం సీరియస్‌ అయ్యింది. కోర్టు స్పష్టమైన ఆదేశాలు ఇచ్చినా... ఏపీలో కోడి పందేలు యథేచ్చగా సాగడంపై ఉమ్మడి హైకోర్టు ఆగ్రహం వ్యక్తం చేసింది. ఈ కేసులో వ్యక్తిగతంగా కోర్టుకు హాజరైన ఏపీ సీఎస్‌, లా సెక్రెటరీలకు చీవాట్లు పెట్టింది. కోడి పందేలను ఎందుకు కట్టడి చేయలేదని హైకోర్టు ప్రశ్నించింది.

దినేష్‌కుమార్‌ వ్యక్తిగతంగా కోర్టుకు
హైకోర్టు తాత్కాలిక ప్రధాన న్యాయమూర్తి జస్టిస్‌ రమేష్‌ రంగనాథన్‌, జస్టిస్‌ ఎంఎస్‌కే జైశ్వాల్‌తో కూడిన ధర్మాసనం సోమవారం కోడిపందేలపై విచారణ జరిపింది. ఉన్నత న్యాయస్థానం ఆదేశాల మేరకు సీఎస్‌ దినేష్‌కుమార్‌ వ్యక్తిగతంగా కోర్టుకు హాజరయ్యారు. ఈ సందర్భంగా ఉభయ గోదావరి జిల్లాల్లో కోడిపందేలకు సంబంధించి ఎన్ని కేసులు నమోదు చేశారో చెప్పాలని కోర్టు కోరింది. నిందితులు ఎవరు, కోడి పందేలను ఎవరు నిర్వహించారన్నదానిపై వివరాలు సమర్పించాలని స్పష్టం చేసింది. కోడిపందేలను నిర్వహించిన నాయకుల పేర్లు , వివరాలు, వారి అడ్రస్‌లతో సహా ఇవ్వాలని.. సీఎస్‌, డీజీపీలను కోర్టు ఆదేశించింది. లేకపోతే టీవీల ఫుటేజీ తెప్పించుకుని కోడిపందేలు ఆడిన నేతలపై చర్యలకు శ్రీకారం చుట్టాల్సి వస్తుందని హైకోర్టు తీవ్రంగా హెచ్చరించింది. పశ్చిమ గోదావరి జిల్లాలో కోడి పందేలను అడ్డుకోవడంలో విఫలమైన తహసీల్దార్లు, ఎస్‌ఐలపై ఏం చర్యలు తీసుకున్నారో తెలపాలని కోర్టు ఆదేశించింది. కోడిపందేల నిర్వహణలో ప్రజాప్రతినిధులు వ్యవహరిస్తున్న తీరుపై ధర్మాసనం ఆగ్రహం వ్యక్తం చేసింది. బహిరంగంగా పందేలను ప్రజాప్రతినిధులే ప్రోత్సహిస్తోంటే ఏం చేస్తున్నారని ప్రశ్నించింది. కోడి పందేలపై పూర్తి వివరాలు సమర్పించాలని ఆదేశించింది.

కొంత సమయం కావాలి
హైకోర్టు అడిగిన వివరాలు సమర్పించేందుకు కొంత సమయం కావాలని సీఎస్‌ కోరడంతో అందుకు ధర్మాసనం అంగీకరించింది. తదుపరి విచారణను నాలుగు వారాలకు వాయిదా వేసింది. ఇక తదుపరి విచారణకు వ్యక్తిగత హాజరు నుంచి మినహాయింపు ఇవ్వాలని సీఎస్‌ కోరగా.. అందుకు హైకోర్టు అనుమతించింది. మొత్తానికి కోడి పందేలను హైకోర్టు సీరియస్‌గా తీసుకోవడం ఒక ఎత్తైతే.. కోడిపందేలను ప్రోత్సహిస్తున్న నాయకులపై ఎలాంటి చర్యలు తీసుకుంటుందన్నది మరోఎత్తు. తదుపరి విచారణలో ఏం జరుగుతుందో వేచిచూడాలి మరి.

08:13 - January 29, 2018

హైదరాబాద్ : ఏపీలో కోడిపందేలపై హైకోర్టు ఇచ్చిన ఆదేశాలు అమలుకాలేదు. ఉన్నత న్యాయస్థానం  స్పష్టమైన ఆదేశాలు ఇచ్చినా.. పందేలు నియంత్రించడంలో అధికారులు విఫలం అయ్యారు. అధికారపార్టీ నేతలు, ఇతర ప్రజాప్రతినిధులు దగ్గరుండి మరీ పందేలు నిర్వహించారు. దీంతో ఏపీ సర్కార్‌పై హైకోర్టు ఆగ్రహం వ్యక్తం చేసింది. సమగ్ర నివేదిక ఇవ్వాలని ఏపీ సీఎస్‌, డీజీపీలను ఆదేశించింది. ఇవాళ  హైకోర్టు కోడి పందేలపై విచారణ చేపట్టనుండడంతో ఏం జరుగుతుందన్న ఆసక్తి నెలకొంది.
కోర్టు ఆదేశాలకు విరుద్ధంగా కోడి పందేలు
కోడి పందేలపై హైకోర్టు స్పష్టమైన ఆదేశాలు జారీచేసినా వాటిని పట్టించుకున్న నాథుడే లేడు. సంక్రాంతి పండుగకు ఎప్పటిలాగే ఈ ఏడాది కూడా ఏపీలో కోడిపందేలు జోరుగా సాగాయి. బరుల్లో కోట్లాది రూపాయల బెట్టింగ్‌లు జరిగాయి. గుండాట, పేకాటతోపాటు ఇతర ఆటలు కొనసాగాయి. మద్యం ఏరులైపారింది. హైకోర్టు, సుప్రీంకోర్టు తీర్పులకు విరుద్ధంగా కోడి పందేలు యథేచ్చగా జరిగాయి. వీటిని కట్టడి చేయాల్సిన పోలీసులు.. కేవలం ప్రకటనలకే పరిమితమయ్యారు. బరుల్లో కోడిపందేలు జరుగుతున్నా అడ్డుకున్న దాఖలాలు లేవు. ఉభయగోదావరి జిల్లాలతోపాటు కృష్ణా, గుంటూరు జిల్లాలో కోడిపందేలు జోరుగా సాగాయి. కోళ్ల కాళ్లకు కత్తులుకట్టి నిర్వాహకులు పందేలు నిర్వహించారు. ఈ పందేల్లో కోట్లాది రూపాయలు చేతులు మారాయి. పందేలకు దూరంగా ఉండాలన్న టీడీపీ అధినేత చంద్రబాబు సూచనలను తెలుగు తమ్ముళ్లు పట్టించుకోలేదు. అధికారపార్టీకి చెందిన నేతలే స్వయంగా పందేలు నిర్వహించారు. 
కోడిపందేలపై హైకోర్టు అసహనం
సంక్రాంతి సమయంలో ఏపీలో యథేచ్చగా కోడిపందేలు జరగడంపై హైకోర్టు అసహనం వ్యక్తం చేసింది. తాము సూచించిన  సూచనలు, ఆదేశాలను అధికారులు అవహేళన చేశారని కూడా హైకోర్టు ఘాటు వ్యాఖ్యలు చేసింది. స్పష్టమైన ఆదేశాలు ఇచ్చినా విచ్చలవిడిగా కోడిపందేలు జరిగాయని... అధికారులు ఎక్కడా అడ్డుకున్న దాఖలాలు కూడా లేవని మండిపడింది.  కోడిపందేలకు ప్రజాప్రతినిధులే హాజరయ్యారని కోర్టు వ్యాఖ్యానించింది.  కోడిపందేల విషయంలో సరైన చర్యలు చేపట్టలేమని కోర్టుకు వివరిస్తే బాగుండేదంటూ ఏపీ సీఎస్‌, డీజీపీలను ఉద్దేశించి న్యాయమూర్తి వ్యాఖ్యానించారు.  తమ ఆదేశాలను అమలుచేయకపోగా.. నివేదికలు ఇవ్వకపోవడాన్ని న్యాయస్థానం తప్పుపట్టింది. తమ ఆదేశాల మేరకు నివేదికలు సమర్పించనందుకు సీఎస్‌, డీజీపీలను స్వయంగా కోర్టుముందు హాజరుకావాలని ఆదేశించింది. జనవరి 29కి విచారణను వాయిదా వేస్తూ ఈనెల 22న ఆదేశాలిచ్చింది.
కోర్టుముందు హాజరుకు డీజీపీకి మినహాయింపు
29న డీజీపీల అంతరాష్ట్ర సమావేశం ఉండడంతో తనకు కోర్టు హాజరుకు మినహాయింపు ఇవ్వాలని డీజీపీ అభ్యర్థించారు. దీంతో డీజీపీ అభ్యర్థనను కోర్టు మన్నించి మినహాయింపు ఇచ్చింది. సీఎస్‌ మాత్రం 29న తప్పనిసరిగా హాజరుకావాల్సిందేనంటూ స్పష్టమైన ఆదేశాలు జారీ చేసింది. దీంతో 29న ఏం జరుగుతుందన్న ఆసక్తి నెలకొంది. హైకోర్టు ఎలాంటి ఆదేశాలు ఇస్తుందన్న ఉత్కంఠ నెలకొంది.

 

13:10 - January 16, 2018

తమిళనాడు : రాష్ట్రంలో మరో పార్టీ పురుడు పోసుకోనుంది. జయలలిత మృతి అనంతరం ఎన్నో అనూహ్య పరిణామాలు చోటు చేసుకున్న సంగతి తెలిసిందే. ప్రధానంగా శశికళకు ప్రధాన అనుచరుడిగా ఉన్న దినకరన్..పన్నీర్ సెల్వం..పళనీ సెల్వం వర్గాల మధ్య తీవ్రమైన విబేధాలు నెలకొన్నాయి. అనంతరం వివిధ పరిణామాల మధ్య పన్నీర్ సెల్వం..పళనీ సెల్వంలు ప్రభుత్వం ఏర్పాటు చేశాయి. అనంతరం దినకరన్ ఆర్కే నగర్ ఉప ఎన్నికల్లో ఘన విజయం సాధించారు.

తాజాగా నూతనంగా ఓ పార్టీని స్థాపించనున్నట్లు మంగళవారం దినకరన్ కీలక ప్రకటన వెల్లడించారు. ఇప్పటికే రజనీకాంత్..కమల్ హాసన్ లు పార్టీలు స్థాపించనున్నారని ప్రచారం జరుగుతున్న సంగతి తెలిసిందే. పార్టీ ఏర్పాటుపై బుధవారం దినకరన్ కీలక ప్రకటన చేసే అవకాశం ఉంది. ఎంజీఆర్ జయంతి సందర్భంగా పార్టీ ఏర్పాటుపై ఎలాంటి ప్రకటన చేయనున్నారో దానిపై ఉత్కంఠ నెలకొంది. 

13:00 - January 16, 2018

తమిళనాడు : రాష్ట్రంలో మూడో రోజు జల్లికట్టు కొనసాగుతోంది. మధురై జిల్లా అళంగనల్లూరులో జల్లికట్టు పోటీలను ముఖ్యమంత్రి పళనిస్వామి, డిప్యూటీ సీఎం పన్నీర్‌ సెల్వం ప్రారంభించారు. ఉత్సవాల్లో యువకులు ఉత్సాహంగా పాల్గొన్నారు. 

11:09 - January 15, 2018

పశ్చిమ గోదావరి : జిల్లాలో సంక్రాంతి సంబరాలు మిన్నంటుతున్నాయి. స్నేహితులు, బంధువులతో అందరి ఇళ్లలో సందడి మొదలైంది. పిండి వంటలు, కొత్త అల్లుళ్లు, పంట పొలాలు, లేగదూడల మధ్య డాన్సులు చేస్తూ ప్రతి ఒక్కరూ సంబరాలు జరుపుకుంటున్నారు. జిల్లాలో సంక్రాంతి సంబరాలపై మరిన్ని వివరాలను వీడియోలో చూద్దాం.... 
 

15:32 - January 14, 2018
17:23 - July 25, 2017

మెగా ఫ్యామిలీ కుటుంబం నుండి వెండితెరకు పరిచయమై బిజీ బిజీగా మారిపోతున్నారు. అందులో మెగా స్టార్ 'చిరంజీవి' తనయుడు 'రామ్ చరణ్' ఒకరు. ఇప్పటికే యువతో ఎంతో క్రేజ్ తెచ్చుకుని తనకంటూ ఓ ఇమేజ్ సృష్టించుకున్న నటుల్లో 'పవన్ కళ్యాణ్' ఒకరు. ప్రస్తుతం వీరిద్దరి సినిమాలు షూటింగ్ దశలో కొనసాగుతున్నాయి.

సుకుమార్ దర్వకత్వంలో 'రామ్ చరణ్ తేజ' నటిస్తున్నాడు. పూర్తిగా గ్రామీణ నేపథ్యంలో చిత్రం ఉండనుందంట. ఈ సినిమాలో 'రామ్ చరణ్' వైవిధ్యమైన పాత్రను పోషించనున్నారని..పల్లెటూరి యువకుడిగా కనిపిస్తాడని సమాచారం. ఇందులో 'చెర్రీ' సరసన 'సమంత' హీరోయిన్ గా నటిస్తోంది. రాజమండ్రి పరిసర ప్రాంతాల్లో షూటింగ్ జరుపుకున్న ఈ సినిమా ప్రస్తుతం హైదరాబాద్ లో కొనసాగుతోంది. గ్రామీణ నేపథ్యం ఉట్టిపడేలా భారీ సెట్టింగ్ లో షూటింగ్ కొనసాగుతోంది. ఇదిలా ఉంటే ఈ సినిమాను సంక్రాంతికి విడుదల చేయాలని చిత్ర యూనిట్ భావించింది.

కానీ నవంబర్ బరిలో నిలిచిన 'పవన్'..’త్రివిక్రమ్' సినిమా సంక్రాంతికి మార్చినట్లు తెలుస్తోంది. ప్రస్తుతం శరవేగంగా షూటింగ్ కొనసాగుతోంది. ‘పవన్ కళ్యాణ్' సైతం వేగంగా షూటింగ్ కొనసాగిస్తున్నారు. ఈ సినిమానే కాకుండా ఇతర సినిమాలకు సైతం సైన్ చేస్తున్నారు. సంక్రాంతి పండుగ సందర్భంగా రిలీజ్ చేయాలని త్రివిక్రమ్..పవన్ యోచిస్తున్నట్లు టాక్.

మరి సంక్రాంతి బరిలో 'రామ్ చరణ్' నిలుస్తారా ? బాబాయ్ 'పవన్ కళ్యాణ్' సినిమాతో ముందే రిలీజ్ చేయాలని 'చెర్రీ' నిర్ణయిస్తారా ? అనేది రానున్న రోజుల్లో చూడాలి.

11:35 - March 5, 2017

పండుగలు..పలు వివాదాలను సృష్టిస్తుంటాయి. తేదీల విషయంలో గందరగోళాన్ని సృష్టిస్తుంటాయి. గతంలో పండుగల విషయంలో..గోదావరి పుష్కరాలు, నిన్నటి కృష్ణాపుష్కరాల తేదీల్లో కూడా ఇలాంటి తేడాలు వచ్చాయి. తాజాగా 'ఉగాది' పండుగపై గందరగోళ పరిస్థితులు నెలకొన్నాయి. పండితులు, పంచాంగకర్తల మధ్య విభేదాలు తలెత్తాయి. ఒక్కొక్కరు ఒక్కో రీతిలో పంచాంగం రూపొందించారు. దీంతో పండగల తేదీల్లో తేడాలొచ్చాయి. కొన్ని పంచాంగాలు, క్యాలెండర్లు మార్చి 28న శ్రీహేవళంబి నామ సంవత్సర ఉగాది అని..మరికొన్ని మార్చి 29 ఉగాది అని పేర్కొన్నాయి. తెలుగు రాష్ట్రాల్లోని రెండు ప్రభుత్వాలు మార్చి 29న ఉగాది సెలవు ప్రకటించాయి. అయితే పలు పంచాంగాలు, క్యాలండర్లలో మార్చి 28న ఉగాది అని పేర్కొన్నాయి. తాజాగా శ్రీనివాస గార్గేయ కూడా 28నే ఉగాది అని ప్రకటించారు. దీంతో ఏ తేదీన ఉగాది జరుపుకోవాలనే అంశంపై ప్రజల్లో అయోమయం నెలకొంది. పాడ్యమి తిథి సూర్యోదయం తరువాత కనీసం 144 నిముషాలు ఉండాలని..కానీ, 29వ తేదీ కేవలం 58 నిముషాలే ఉంటుందని..అందుకే, 28వ తేదీనే ఉగాది జరుపుకోవాలి అని పలువురు పేర్కొంటున్నారు. పూర్వ సిద్ధాంతాన్ని అనుసరించి పంచాంగాన్ని రూపొందించే సిద్ధాంతులు, ఛాయార్క, కరణార్క దృక్‌ సిద్ధాంత పద్ధతిని అనుసరించాలని పండితులు స్పష్టం చేస్తున్నారు. మరి తెలుగు రాష్ట్రాల ప్రభుత్వాలు సెలవు తేదీని మారుస్తుందా ? లేదా ? చూడాలి.

18:42 - January 20, 2017

హైదరాబాద్ : కొమ్ములు తిరిగిన ఎద్దులు, దుమ్ము రేపే దున్నపోతులు, పాలిచ్చే పాడి ఆవులు, డప్పుల దరువులు ఇలా ఒకటి కాదు రెండు కాదు ఏకంగా వేల సంఖ్యలో వివిధ రాష్ట్రాల నుండి తరలి వచ్చిన మేలు రకం పశువులు. ఇవన్నీ ఎక్కడ అనుకుంటున్నారా...? మన హైటెక్‌ నగర శివారు ప్రాంతమైన నార్సింగిలోనే. అట్టహాసంగా జరుగుతున్న పశు సంక్రాంతిపై ప్రత్యేక కథనం...
పశువుల సంత
ప్రతి ఏడాది సంక్రాంతి తర్వాత వచ్చే మొదటి శుక్రవారం జరిగే పశువుల సంతను పశు సంక్రాంతిగా పిలుచుకుంటారు. ఈ వేడుకలు దాదాపు 150 ఏళ్ళ నుండి కొనసాగుతున్నాయంటే అతిశయోక్తి కాదు. పశువుల అమ్మకాలు, కొనుగోళ్ల కోసం దేశం నలుమూలల నుంచి రైతులు తరలివస్తారు. ఇక్కడ అన్ని రకాల జాతుల గేదెలు, గిత్తలు అందుబాటులో ఉంటాయి. 
ఒక్కో గేదె ధర 50వేల నుంచి రూ.3లక్షలు 
సంతలో చూసేందుకు, అమ్మకాలు-కొనుగోళ్లు జరిపేందుకు... వివిధ ప్రాంతాల నుంచి రైతులు భారీగా తరలివచ్చారు. ఒక్కో గేదె ధర 50వేల నుంచి 3లక్షల రూపాయల వరకు పలుకుతోంది. సంతను చూసేందుకు అటు రైతులతో పాటు శాసన మండలి చైర్మన్ స్వామి గౌడ్ తో పాటు రాజేంద్రనగర్ ఎమ్మెల్యే ప్రకాష్ గౌడ్ వచ్చారు. వివిధ రకాల పశువుల వివరాలను అడిగి తెలుసుకున్నారు. నార్సింగ్ పశువుల సంతకు ప్రపంచ స్థాయిలో గుర్తింపు తీసుకువచ్చేందుకు ప్రయత్నం చేస్తానని మండలి చైర్మన్ అన్నారు. ప్రభుత్వంతో చర్చించి మార్కెట్ అభివృద్ధికి సహకరిస్తానని ఎమ్మెల్యే పేర్కొన్నారు.
సంతపై పాత నోట్ల రద్దు ప్రభావం  
పాత నోట్ల రద్దు ప్రభావం సంతపై స్పష్టంగా కనిపిస్తోంది. ఈ సంతలో పశువులకు అవసరమైన సామాగ్రిని అమ్మేందుకు దుకాణాలు వెలిశాయి. అయితే సరైన సౌకర్యాలు లేక... వ్యాపారులు ఇబ్బందులు పడుతున్నారు. దూరప్రాంతం నుంచి పశువులను విక్రయించేందుకు వచ్చిన తమకు సరైన సౌకర్యాలు కల్పించాలని వ్యాపారులు కోరుతున్నారు. 
నార్సింగిలో పశు సంక్రాంతి కల 
వివిధ రాష్ట్రాల నుంచి ఇక్కడకు పశువులు రావడంతో నార్సింగిలో పశు సంక్రాంతి కల ఉట్టిపడుతోంది. ప్రభుత్వం చొరవ తీసుకొని ప్రత్యేక దృష్టి పెడితే పశు సంక్రాంతి ఇంకా బాగా నిర్వహిస్తామని నిర్వహకులు చెబుతున్నారు.

 

Pages

Don't Miss

Subscribe to RSS - sankranthi