Savitri

08:00 - August 12, 2017

ట్రాఫిక్ పోలీసాయిన పని ఏందయ్యా..? ఏడ ట్రాఫిక్ జాంగాకుంట జూస్కోవాలె.. ఎవ్వలన్న వీఐపీలొస్తె ట్రాఫిక్ క్లీయర్ జెయ్యాలే..? రోజు సక్కగ డ్యూటీ జేశి ఇంటికి వోవాలె అంతేనా..? మరి తొవ్వొంట వొయ్యెటోళ్లను అమ్మని అక్కని అని తిడ్తె ఎన్కటి కాలమేనా ఇది..? జనం అంత ఒక్కటై.. ట్రాఫిక్ కానిస్టేబుల్ గాని తోలు దీశిండ్రు వీడియోలో సూడుండ్రి..

20:35 - August 11, 2017

మన నిజాంబాదు పోలీసోళ్లు ఎంత తెల్వికల్లోళ్లమ్మా..? అడ్డంబడెటోన్ని ఇడ్సిపెట్టి.. ఆపదలున్నోన్ని అరెస్టు జేశిండ్రంటే.. వాళ్ల ప్రతిభా పాఠవాలు మామూల్యేంగాదు.. తెలంగాణ జేఏసోళ్లు స్పూర్తి యాత్ర పేరు మీద నిజాంబాదుకు వోతుంటే.. టీఆర్ఎస్ కార్యకర్తలు నడ్మిట్ల అడ్డం బడి ఆగమాగం జేయవోయిండ్రు.. మరి ఆడనే ఉన్న పోలీసోళ్లు ఏం జెయ్యాలే.. అడ్డంబడెటోన్ని అరెస్టు జేయాల్నా..? జేఏసోళ్లను అరెస్టు జెయ్యాల్నా మీరే జెప్పుండ్రి..

ఆ నంద్యాల ఉపఎన్నికలళ్ల గెల్చెటోళ్లు ఎవ్వలో పొయ్యెటోళ్లు ఎవ్వలోగని.. రామచంద్రా.. తెల్గుదేశమోళ్లు అట్లనే మోపైండ్రు.. అటు జగన్ పార్టోళ్లు అట్లనే మోపైండ్రు.. ఎల్లిమీద మల్లి మల్లి మీద ఎల్లి.. వీళ్లు వాళ్లను తిట్ట వాళ్లు వీళ్లను తిట్ట.. నంద్యాల ఓటర్లే నోరెళ్ల వెట్టె పరిస్థితొచ్చింది.. అటు ఎన్నికల సంఘమోళ్లు ఫిర్యాదుల మీద ఫిర్యాదులు దీస్కుంటున్నరు..

సిరిసిల్ల జిల్లా నేరెళ్ల పంచాదిల కొండను దొవ్వి ఎల్కను వట్టిండ్రుగదా ప్రభుత్వమోళ్లు.. మోకాళ్లు వల్గెతట్టు.. సంసారానికి పన్కిరానట్టు దళితులను గొట్టిన కేసుల తప్పంత ఎస్ఐ రవీందరుదేనటనుల్లా.. ఆ ఒక్కడు గొడ్తెనే ఎన్మిది మంది ఎందుకు పన్కిరాకుంటైండ్రట.. మరి అంత ధమ్మున్న ఎస్ఐని ఇండియా పాకిస్తాన్ బార్డర్ పొంట నిలవడ్తె ఒక్కడన్న బత్కుతడా పాకిస్తాన్ ఉగ్రవాది..? ఏం తమాషనో పోండ్రి..

హురక మనం చాల మిస్సైపోయినయ్ నిన్నటి శ్రీరాంసాగర్ నీళ్ల సభకాడి ముచ్చట్లు.. అంటే ఇవ్వి సర్కారు కెమేరాల గనిపియ్యయ్ గదా..? ఏదో ప్రైవేటు కెమేరాలకే దొర్కుతయ్ గావట్టి ఆల్చంగొస్తున్నట్టున్నయ్.. అయితే నిన్న ఓదిక్కు ముఖ్యమంత్రి మాట్లాడుతుంటే.. సభ సంతోషంగున్నదనుకున్నంగని.. లోపటతం గంద్రగోళమే అయ్యిందట.. సూడుండ్రి..

ఓ తెలంగాణ ముఖ్యమంత్రి కల్వకుంట్ల చంద్రశేఖర్ రావుగారూ.. ఎంత మందున్నరు మీ కులపోళ్లు తెలంగాణల..? అంత తింపికొడ్తె.. అరశాతానికి ఎక్వలేరు.. మీరు గంత మంది ఎమ్మెల్యేలా..? గజ్వెల్లి కెళ్లి మొదలు వెడ్తె.. సిద్దిపేట మీరేనాయే.. సిరిసిల్ల మీరేనాయే.. వేములవాడ మీరేనాయే.. కోరుట్ల మీరేనాయే.? ఏంది తమాష మరి మా బీసీలంత ఎటువోవాలె అంటున్నడు అంబర్ పేట అన్మంతన్న... ఏందో మళ్లొకపారి జెప్పు..?

మహాత్మా జ్యోతి బాపూలే బడుల పొంట సద్వుతున్న పోరగాళ్లు సద్వుళ్ల సారం నేర్చుకోని ఎట్ల బత్కాలె అని నేర్చుకునుడు కంటే.. మన్షి అనెటోడు ఏ విధంగ బత్కొద్దు అనేదే నేర్చుకుంటున్నట్టున్నరు ఎక్వ.. ఎందుకంటె హాస్టళ్లు గట్టిండ్రు పయ్యాకన బాతురూములు మర్శిండ్రు.. రూములు నిర్మించిండ్రు.. కిటికీలు మర్శిండ్రు.. ఇన్ని అవస్థల నడ్మ వాడు వ్యవస్థ మీద ఏడపట్టుసాధిస్తడు చెప్పుండ్రి..

ట్రాఫిక్ పోలీసాయిన పని ఏందయ్యా..? ఏడ ట్రాఫిక్ జాంగాకుంట జూస్కోవాలె.. ఎవ్వలన్న వీఐపీలొస్తె ట్రాఫిక్ క్లీయర్ జెయ్యాలే..? రోజు సక్కగ డ్యూటీ జేశి ఇంటికి వోవాలె అంతేనా..? మరి తొవ్వొంట వొయ్యెటోళ్లను అమ్మని అక్కని అని తిడ్తె ఎన్కటి కాలమేనా ఇది..? జనం అంత ఒక్కటై.. ట్రాఫిక్ కానిస్టేబుల్ గాని తోలు దీశిండ్రు సూడుండ్రి..

కాలే ధన్ వాపస్ లాయెంగే.. యా నహి లాయెంగే... చేతులు ఇంత పొడ్గువెట్టి చెప్పిండు అప్పటి అభ్యర్థి.. ఇప్పటి ప్రధానమంత్రి మోడీ.. నల్లధనం వాపసు దెస్తాన్న మొనగాడు.. ఉన్నధనం విదేశాల పాలు జేశే పనిజేస్తున్నడట.. ఇన్నొద్దులు సర్కారు చేతులున్న రైల్వే సంస్థ.. ఇప్పుడు విదేశాలోళ్లకు అప్పజెప్పె కుట్రలు జేస్తున్నడట.. ఇగ రైల్వే కార్మికులు.. కండ్లెర్ర జేయవట్టిరి..

 

19:27 - August 8, 2017

మేడ్చల్ జిల్లా మూడు చింతల పల్లి ఊరి జనం.. ఇయ్యాళ బువ్వదింటరో.. లేకపోతె అట్లనే నిద్రవోతరో.. ఎందుకంటె ముఖ్యమంత్రి కేసీఆరొచ్చిండు వాళ్ల ఊరికి.. మామూల్గ ప్రజలు కోరిక కోరితె నాయకుడు నెరవేరుస్తడు.. కని మన ముఖ్యమంత్రి ప్రజలకు ఆ ఛాన్సు ఇయ్యడు.. ఆయనకే కోరుతడు.. ఆయనే మంజూరు జేస్తరు జనం సప్పట్లు గొట్టాలే.. వీలైతె పోట్వమీద పాలు వొయ్యాలె గంతే..

నరరూప రాక్షసుడు నయింగానితోని ఏఏ రాజకీయ నాయకుడు సోపతి గట్టిండో.. వాడు ఎన్ని వందల వేల కోట్లు కూడవెట్టిండో.. వాని ఎన్క ఎవ్వలెవ్వలున్నరో.. వాని భూములు ఏడేడున్నయో.. ఇండ్లు ఏడున్నయ్ ఇవ్వన్ని తెల్సుకోవాలన్న ఆసక్తి ఉన్నదా..? ఎవ్వలికన్నా..? ఉంటే అవ్విటిని మర్శిపోండ్రి.. ఆ ముచ్చటనే మీకు తెల్వదని సప్పుడు జేక ఊకోండ్రి.. ఎందుకంటె సారు సచ్చి యాడాదైంది.. ఇంత మాస్కం బెట్టుకోని ఉండుండ్రి..

నేరెళ్ల దళితులను చావగొట్టి నెలనర్దమైంది.. ఇప్పటికి తీరిందమ్మా.. ఎంపీ వినోద్ కుమార్కు.. ఇగ కేటీఆర్కైతె మొఖమే లేదు అటెంకళ్ల వొయ్యెతందుకు.. ముఖ్యమంత్రి సంగతి మీకు ఎర్కున్నదేనాయే.. జనం ఏడ గెదుముతరో అని ఆ ముచ్చటనే ఎత్తుతలేడు.. ఇగ ప్రతిపక్షాలోళ్లకు పండుగైంది ఈ యవ్వారం.. ఎవ్వలొచ్చినా ఎవ్వలు వొయ్యినా.. రాజకీయ నాయకులకే లాభమున్నదిగని.. దళిత బహుజనులకు ఒర్గింది ఏం లేదు..

కరీంనగర్ కాడ మెడికల్ కాలేజీ కోసం మాజీ ఎంపీ పొన్నం ప్రభాకర్ సారు జేస్తున్న దీక్షను ఆగం జేశిండ్రు పోలీసోళ్లు.. ఆయన ఆరోగ్యం కరావైతున్నదటాని.. రాత్రి పూట ఒక్కటేపారి ఆయన టెంట్లకు జొర్రి అవుతలికి ఎత్తుకొచ్చి.. సక్కగ అంబులెన్సు ఎక్కిచ్చిండ్రు.. పాపం గాడ నిద్రలున్నడో.. నీరసంగున్నదో.. ఇది అంత అయితుంటే పొన్నం సారు నిద్రవొయ్యే ఉన్నడు..

తెలంగాణ ప్రజలారా.. మళ్లొక కుందనం సుర్వైతున్నది మీ ఊర్లపొంటి.. ఇన్నొద్దులు పడావు వడ్డట్టున్న మీ భూముల లెక్కలు అన్ని పక్కాగ దీస్తరట ప్రభుత్వమోళ్లు.. ఎవ్వలి భూమి ఎంత..? ఏడేడున్నది..? అది ఎవ్వలి పేరు మీదున్నది అంత లెక్కలు బైటికి దీస్తరట.. మళ్ల అవ్విటికి కొత్త పాస్ బుక్కులు ఇస్తరట.. భూములకు మళ్ల కొత్త నెంబర్లు ఇస్తరట..

ఆకలైతున్నది అన్నం బెట్టుండ్రి సారూ అని బుడ్డ బుడ్డ పోరగాళ్లకు ఫ్లకార్డులు వట్కోని కడప కలెక్టరేట్ ముంగట ధర్నాకు దిగిండ్రు.. మా ఒంట్లె రక్తం లేదు.. మాకు పౌష్టికాహారం లేదు.. మాకు ఆటబొమ్మలు గావాలె.. మేమేం పాపం జేశ్నమని..? పోరగాళ్లు జేశ్న ధర్నా అందర్ని ఆకర్శించింది జర్రశేపట్ల.. మరి ఆ పోరగాళ్ల ఆకలికి కలెక్టర్ ఏమన్న కదిలిండా ఏమైంది పాండ్రి సూద్దాం..

తేలు గరిస్తె ఎట్లుంటది కథ.. మంటో మంటని ఉర్కం దావఖాండ్ల పొంట.. అయితే ఒకతాన తేళ్లు మన్సులను గార్సుడుగాదు.. మన్సులే తేళ్లను గరుస్తున్నరు.. మామూల్గనైతె తెళ్లను జూశి మన్సులు భయపడ్తె.. ఆడ మట్టుకు మన్సులను జూశి తేల్లు భయపడ్తున్నయ్.. శ్రావనమాసంలొచ్చె మూడు సోమారం నాడు ఒక గుడికాడ అయ్యే ఈ పండుగ గమ్మతనిపిస్తున్నది..

నోట్లు రద్దుగాకముందుకు పిల్లికి గూడ బిచ్చమెయ్యలే ఒకడొకడు.. ఇగ రద్దైపోయి ఎక్కడ చెల్లువాటు కాకుంట అయ్యెవర్కళ్ల.. ఒకడు పెంటకుప్పల వడేస్తున్నడు.. ఒకడు ఏడదాయాల్నో తెల్వక దొర్కిపోతున్నడు.. పైకం లేకగాదు.. ఉండిపరేషాన్ అయితున్నరు చాలమంది.. అవ్వి చలామణిలున్నప్పుడు పేదోళ్లకో రూపాయి దాణం జేయలనిపియ్యలే.. సూడుండ్రి విశాఖపట్నంల ఎంత పైకం దొర్కిందో..

 

21:39 - August 7, 2017

ఊరువాడల జోరుగ రాఖీ పండుగ..ఉశ్కెదంద అపకుంటే పాతరవెడ్తం, డబుల్ బెడ్రూం పిల్లర్లకు పర్రెలు, స్కూటరుంటే సర్కార్ పత్కాలు కట్, మాయ మాటలు నమ్మొద్దన్న నాసా.. ఈ అంశాలపై మల్లన్నముచ్చట్లను వీడియోలో చూద్దాం...

 

20:29 - July 31, 2017

ప్రతిపక్షాలకు ప్రభుత్వం చుక్కలు జూపెడ్తున్నది గదా..? సిరిసిల్ల నేరళ్ల పంచాదిల కాంగ్రెసోళ్లకు.. ఇటు అమరవీరుల స్పూర్తి యాత్రల జేఏసోళ్లకు రాజ్యాధికారం ఉంటే ఎట్లుంటదో ఆ రుచి జూపెడ్తున్నది.. అయినా ప్రభుత్వం గిచ్చుడు ఎక్వనేఉన్నది గావట్టి అటో మెటిగ్గ ప్రభుత్వానికి రావాల్సిన నష్టం వస్తనే ఉన్నట్టు అనిపిస్తున్నది..

కూలిచ్చి ఈపు వలగొట్టిచ్చుకునుడంటే ఇదే గావొచ్చు.. మన తెలంగాణ మంత్రి జూపల్లి కిష్ణయ్య ఏం జేశిండో తెల్సా..? కల్వకుర్తి కాడున్న వైఆర్ఎం కాలేజీలకు వొయ్యిండు.. పొయ్యినోడు శాతనైనయ్ నాల్గు ముచ్చట్లు జెప్పి అవుతల వడక..? విద్యార్థులు మమ్ములను ప్రశ్నించొచ్చు.. మీకు హక్కులున్నయ్ అవ్వి ఇవ్వని చెప్పిండు.. ఇగ ఎన్నొద్దుల సందో కడ్పుల దాస్కున్న కశినంత గక్కిండ్రు.. పోరలు జూపల్లి మొఖం చిన్నవొయ్యింది..

కాపుల ప్రత్యేక రిజర్వేషన్ లడాయిలకు బుడ్డపోరగాళ్లు గూడ దిగిండ్రుగదా..? బడి గుడి ఏది ఇడ్సిపెడ్తలేరు.. ఏడ అవకాశం ఉంటే ఆడనే నినాదాలు జేస్తున్నరు నిరసనలు జెప్తున్నరు.. ఆంధ్రరాష్ట్రంల ఒకతాన.. బుడ్డ బుడ్డ పోరగాళ్లు.. వాళ్లకు నిండ ఏడెన్మిదేండ్లు గూడ లేనట్టున్నయ్ ఆ పిల్లలు కాపు రిజర్వేషన్ ఉద్యమం ఎట్ల జేస్తున్నరో సూడుండ్రి..

తెలంగాణ ప్రజల ఆశాదీపం.. నిర్లక్ష్యాన్ని సహించని సింహబలుడు.. భారతదేశంలనే ఆదర్శవంతమైన హోమంత్రి శ్రీ నాయిని నర్సింహారెడ్డి సారు తిరుపతికి వొయ్యినట్టుండుగదా..? నడక దారిల వొయ్యిండో.. లేకపోతె మీదికి కార్ల వొయ్యిండో.. నడ్కంటే ఏడైతది నర్సన్నతోని.. మొకాళ్లు సమ్మెకు దిగి చాలా రోజుతైంది గావట్టి కార్లనే

వోవొచ్చు.. మరి కొండమీద ఏం జేస్తున్నడో జర్ర వాండ్రి అర్సుకొద్దాం..

ఉస్మానియి యూనివర్సిటీల ప్రత్యేక రాష్ట్ర ఉద్యమం సుర్వైంది.. అగో తెలంగాణ రాష్ట్రం వచ్చే అయిపాయే.. ఎవ్వలి పావుశేరు వాళ్లు వండుకోని తినవట్టిరి.. మళ్ల ప్రత్యేక రాష్ట్ర ఉద్యమం ఏందనుకుంటున్నరా..? అయ్యో నిన్న ఎన్సీసీ గేటుకాడికెళ్లి.. ఆర్ట్స్ కాలేజీ దాక పెద్ద ర్యాలే దీశిండ్రు.. రాష్ట్రం సాధించి తీర్తమంటున్నరు.. మరి ఇదెక్కడి రాష్ట్రం ఏం కథ అనేది సూపెడ్త పాండ్రి..

నిజంగ తెలంగాణ పోరగాళ్లు తాగే నీళ్లళ్లనే ఉండెతట్టుంది పౌరుషం.. రోశం అంత.. అరే గింత గింత పోరగాళ్లు గూడ.. ధైర్యంగ ప్రశ్నించుడు సుర్వు జేశిండ్రు.. ఎద్గ తెలంగాణ ఉద్యమంల పోరాటం కండ్లార జూశినోళ్లైతె.. ఇగ వాళ్ల మాటలకు సమాధానం జెప్పుడు ఎవ్వలితరం గాదు.. మా ఊరికి బస్సు సక్కగొస్తలేదు.. వచ్చినా బస్సు సరిపోతలేదని బడిపోరగాళ్లు జూడుండ్రి..

ఈ గుడ్డెల్గులు సల్లగుండ.. అడ్వి అధికారుల మీద పగవట్టినయా ఏంది..? వీళ్లకు చేతినిండ పనిలేదు.. మేము బావులళ్ల దుంకుతం.. రక్షించుమంటం అని సూస్తున్నట్టున్నయ్.. మళ్లొక గుడ్డేల్గు బాయిల దుంకింది.. బచావో బచావో అంటున్నది లోపటికెళ్లి.. దాని అయ్య సుట్టాలెవ్వలన్న ఉన్నరా మీదికి గుంజెతందుకు.. భళే తమాష జేస్తున్నవ్ వా..

వారెవ్వ ఏన్గులు గూడ మన్సులను జూశి నేర్చుకుంటున్నట్టున్నయ్ గదా..? ఎట్ల బత్కాలే ఈ భూమ్మీద.. ఆహారం దొర్కనప్పుడు ఏం జెయ్యాలే అని.. మనం అప్పుడప్పుడు సూస్తుంటంగదా..? వాహనాన్ని ఆపి దోచుకున్న దొంగలు.. అని.. అగో అట్లనే ఒక లారీని ఆపి.. ఏన్గుగూడ ఏం జేశిందో మీరే సూడుండ్రి.. అమ్మో.. దొంగ ఏన్గు..

ఉత్తరప్రదేశ్ రాష్ట్రంల న్యాయం నాల్గు పాదల మీద నడుస్తున్నది.. అన్యాయం పీకె విస్కేశ్నం.. అని పొంకనాలు గొడ్తున్న పువ్వుగుర్తు పరందామయ్యలు జూడవల్సిన ముచ్చట ఇది.. కమలం కామెర్లొచ్చినోనికి లోకమంత కమలం రంగే గనిపిచ్చినట్టు.. వీళ్లకు గూడ ఉత్తరప్రదేశ్ రాష్ట్రం అట్లగనిపిస్తున్నదో ఏమో... సూడుండ్రి అవినీతి ఎంత గొప్పగ తులతూగుతున్నదో.. అక్కడ పూర్తి సమాచారం కోసం వీడియో క్లిక్ చేయండి.

 

 

 

 

21:03 - July 22, 2017

డ్రగ్స్ సినిమాల నటిస్తున్న తెలుగు నటులు..ఆఖిరికి అకున్ సారే విలన్ గ తేల్తడేమో..? సర్కారు మీద నిరుద్యోగి అక్షర యుద్ధం..ఫేస్ బుక్ ల చక్కర్లుగొడుతున్న ముచ్చట, గవర్నమెంటు జాబులు అమ్మబడును..విశాఖపట్నంల నిరుద్యోగులకు టోకరా, బాయిలకు దుంకిన టెక్కలి ఎస్ ఐ... సిక్కోలు జిల్లాల రియల్ హీరో రాజేశ్, ఆర్మూర్ మండలంల దళితుల ఘోస..మంథనికాడ ఊర్ల నుంచి ఎలేసిండ్రంట నొస, ఏటీఎంలో పైకం పెట్టి తాళం మరిసిండ్రు.. కస్టమర్ కబురుతోటి కదిలిన బ్యాంకొళ్లు...ఈ అంశాలపై మల్లన్నముచ్చట్లను వీడియోలో చూద్దాం...

 

21:01 - July 20, 2017

రాష్ట్రపతి ఓట్లల రామ్ నాథ్ సార్ గెలుపు....వెంకయ్యసారు ఇక మీవంతే దులుపు, తుందుర్రు జనాన్ని కొట్టిచ్చిన చంద్రాలు.. పోలీసోళ్ల మీదికి సల్లిండ్రు జనం కారాలు, గాలికిపోయే కంప నెత్తికిసుట్టుకున్నది... పొన్నం, రసమయి కయ్యం గమ్మత్తున్నది, కరీంనగర్ అలియాస్ లండన్ కాడా పత్తాలాట....బందైందని చెప్పిన వారానికే దొరికిన లీడర్లు, మంచిగున్న ఆస్పత్రిని సందర్శించిన గవర్నర్.. మరి నీమ్స్ పరిస్థితి ఎన్నడుచూస్తవు సారు..గోవులను చంపేసిన గోసంరక్షకులు.. ఇప్పుడు బాధ్యులెవరో చెప్పాలె మరి... ఈ అంశాలపై మల్లన్నముచ్చట్లను వీడియోలో చూద్దాం...

 

20:20 - July 13, 2017

 

ఎక్కడ నెగ్గాలో గాదు.. ఎక్కడ తగ్గాల్నో తెల్సినోడు లీడర్ అంటరు సూడు.. అగో ఈ పదానికి పర్ఫెక్టుగ సరిపోతడు మన మహబూబాబాద్ ఎమ్మెల్యే శంకర్ నాయక్ సారూ..?ఎక్కడ నెగ్గాలో గాదు.. ఎక్కడ తగ్గాల్నో తెల్సినోడు లీడర్ అంటరు సూడు.. అగో ఈ పదానికి పర్ఫెక్టుగ సరిపోతడు మన మహబూబాబాద్ ఎమ్మెల్యే శంకర్ నాయక్ సారూ..?ఒక ఆడివిల్ల మీద యాసిడ్ వోశినోళ్లను అప్పట్ల వరంగల్ కాడ ఎన్ కౌంటర్ జేశిండ్రు.. మరి అదే పిల్లమీద గాకుంట ఏకంగ పల్లెమీదనే విషం జల్లితె వాళ్లను ఎన్ కౌంటర్ జేయాల్నా..? గోర్ల కథ ఉత్తదే ఉన్నట్టుందిగదా..? వాళ్లపైకం బెట్టి వాళ్లకు గొనిచ్చుడు దప్ప.. సర్కారు ఒర్గవెడ్తున్నది ఏం లేదని ఫీలైతున్నరు కొంతమంది గొల్లకుర్మోళ్లు..అరే నాయనా.. తెలంగాణ రాష్ట్రంల ప్యాకాట బందు వెట్టిన సంగతి..? తమిళంల, కన్నడల, ఒడియాల గూడ ప్రచారం జేయుండ్రొసు.. వాళ్లకు మన భాష అర్థంగాక.. మనతానికొచ్చి పత్తాలాటలాడుతున్నరు..హురక మహాత్మగాంధీ తాత గూడ టీఆర్ఎస్ పార్టీల జేరిండా..? అగో ఎప్పుడు జేరిండు ఏం కథ..? మిర్యాల గూడ పట్నంల పబ్లీకంత ఇదే ఆలోచన జేస్తున్నరట.. గాంధీతాత కారెప్పుడెక్కిండు..? అసలు తెలంగాణ రాష్ట్రమొచ్చినం ఓపెన్ కాస్టింగులే ఉండయ్.. అన్ని భూగర్భ బావులే అన్నరు టీఆర్ఎస్ పార్టోళ్లు.. ఏ మేమెప్పుడు అన్నం అంటె.. 2014 ఎన్నికల మేనిఫెస్టో బుక్కున్నదిగదా.? తల్లి కాన్పంటె ఇట్లుండాలే.. ఒక్కటే కాన్పుల ఇద్దరు గాదు ముగ్గురు గాదు.. ఏకంగ నల్గురు పిల్లలు వుట్టిండ్రు.. ఏడనో బైటిదేశంగాదు.. మన ఖమ్మం జిల్లాలనే ఇయ్యాళ పొద్దుగాళ్ల తొమ్మిదిన్నరకు డెలివరీ... పూర్తి వివరాలకు వీడియో చూడండి.

21:19 - July 12, 2017

కరీంనగర్ పట్నాన్ని లండన్ లెక్కచేస్తా.. అంతకంటే ముందుగాల అడవిలెక్కచేస్తా, పిలిచి తిట్టిపిచ్చుకున్న పిలగాడు లోకేష్.. కడప జిల్లాల మొఖం మీదనే అన్న జనం, గరగపర్రు కాడ మళ్ల రగిలిన ఉద్యమం.. అమ్మాయి నడుముపట్టిన పోలీసోడు, బడి పిల్లలను ధర్నాలకు తీస్కపోతే కేసులు.... మరి సర్కార్ సభకు తీస్కబోతే ఏం చేస్తరు సారు, పాత బంగ్లాకే గులాబీ రంగులు... బోనగిరి కడా కేంద్రీయ బడి కథ, తాటి చెట్టు మీద తనువు చాలించిన గౌడు...నివారణ చర్యకు సర్కారు తియ్యాలే దౌడు... ఈ అంశాలపై మల్లన్నముచ్చట్లను వీడియోలో చూద్దాం...

 

20:16 - July 11, 2017

అబ్బా ఈ రెవెన్యూ శాఖోళ్లు ఉన్నతాన ఉండరమ్మా.? సర్కారు భూమి కబ్జావెడ్తున్నరంటే పెడ్తరు మరి..? వాళ్ల రాజ్యం నడుస్తున్నప్పుడు అన్ని వెడ్తరు.. ఓ ఇగ మన సర్కారు కొండంత రాగం దీశి ఏదో పాటవాడినట్టు.. గురుకులాలు.. కస్తూర్బాలు.. వచ్చే పాయే.. అగజూడుండ్రి.. నేను జెప్పలేదా..? నాయిని నర్సన్న బోనాల పండుగ ఏర్పాట్లళ్ల మున్గినప్పుడు.. ఏడ గింత తక్లీవు గానియ్యడు.. అవుసరమైతె ఆయననే రంగంలకు దిగుతడని..? ప్రైవేటు బడికి పిల్లలను తోలుతున్న పబ్లీకు ఇగో మీరు బాగ జూడాలే ఈ ముచ్చట.. ఇయ్యాళ రేపు ఊర్లె వార్డు నెంబర్ కొడ్కును గూడ.. సర్కారు బడికి వంపితే నామూషి అని.. అప్పు సప్పు జేశి ప్రైవేటు బడికి వంపుతున్న కాలం ఇది.. ఇసొంటి యాళ్లకు.. ఒక జిల్లా కలెక్టరు తన బిడ్డెను సర్కారు బడికి తోలిచ్చిండంటే..సచ్చినోని ఆస్తి పంచాదుంటే..? సావు కార్యం జేశినంక మెల్లెగ దినాల నాడో.. ఆ మర్నాడో ఎల్లవెట్టుకుంటరా..? లేకపోతె పీన్గె ఆకిట్లుండంగనే కొట్టుకుంటరా..?ఇంటి దీపమని ముద్దువెట్టుకుంటె మూతి మీసాలు గాలినట్టు.. మన తెలంగాణ మన ప్రభుత్వమని ఓట్లేశి గెలిపిచ్చుకుంటే మా నోట్లె మన్నువొశిండ్రు అంటున్నరు యాదగిరి గుట్టకాడ ఆటోలు నడ్పె అన్నదమ్ములు..హైద్రావాద్ల బిర్యానీ ఎంత ఫేమసో ఒక్కొక్క ఏరియాల ఒక్కొక్క జాగ అంతే ఫేమస్ ఈ పట్నంల.. ట్యాంకు బండున్నది.. బుద్దుని బొమ్మ.. పక్కకు విగ్రహాలు.. పోట్వలు దిగే స్పాట్.. చార్మినార్, గోల్కొండలు టూరిస్టు స్పాట్లు..కుక్కకాటుకు చెప్పుదెబ్బాని రాశిండ్రు గని.. మన్షి కాటుకు ఏందెబ్బ అనేది ఏ కవిగూడ రాశిపెట్టకపాయే చెప్పుకుందామంటే.. కావట్టి కుక్కలే కంటిన్యూ జేద్దాం మన్షికి గూడ...పూర్తి వివరాలకు వీడియో చూడండి.

Pages

Don't Miss

Subscribe to RSS - Savitri