school students

18:39 - June 6, 2018

కడప : కేంద్ర ప్రభుత్వం నమ్మించి మోసం చేసిందని సీఎం చంద్రబాబు ఆగ్రహం వ్యక్తం చేశారు. ప్రత్యేకహోదా ఇవ్వకుండా కేంద్రం ఏపీకి అన్యాయం చేసిందన్నారు. ఐదో రోజు జరిగిన నవ నిర్మాణదీక్షలో ఆయన మాట్లాడారు. ప్రత్యేకహోదా ఇస్తామని అన్ని మీటింగ్ లలో ప్రధాని మోడీ చెప్పారని...హామీని నిలబెట్టుకోలేదని విమర్శించారు. 11 రాష్ట్రాలకు హోదాతో సమానమైనవన్ని ఇచ్చారని..ఏపీకి ఎందుకు ఇవ్వరని ప్రశ్నించానని తెలిపారు. బీజేపీపై తాను పోరాటానికి సిద్ధమయ్యానని చెప్పారు.
వైసీపీ ఎంపీలు డ్రామాలు 
వైసీపీ ఎంపీలు రాజీనామాల డ్రామాలు ఆడారని విమర్శించారు. ఎన్నికలు పెడితే వైసీపీకి భయం అన్నారు. బీజేపీతో వైసీపీ లాలూచీ పడుతూ డ్రామాలు ఆడుతున్నారని మండిపడ్డారు. ఒకవైపు రాజీనామాలు చేస్తున్నామని చెబుతూ మరోవైపు వైసీపీ ఎంపీలు జీతాలు తీసుకున్నారని ఆరోపించారు. లాలూచీ రాజకీయాల చేసే వారిని చిత్తుచిత్తుగా ఓడించాలని పిలుపునిచ్చారు. ప్రత్యేకహోదా రాష్ట్రానికి జీవన్మరణ సమస్య అన్నారు.

 

18:01 - June 6, 2018

కడప : విద్యార్థులు వినూత్నంగా ముందుకు పోవాలని సీఎం చంద్రబాబు అన్నారు. ఏపీ నాలెడ్జ్ హబ్ కావాలని చెప్పారు. కడపలో ఐదో రోజు నవనిర్మాణ దీక్షలో ఆయన మాట్లాడారు. అమెరికాలో సిలికాన్ వ్యాలీ ఇన్నోవేషన్ కు నాంది అని.. భారతదేశంలో ఇన్నోవేషన్ కు ఏపీ నాంది కావాలన్నారు. ప్రపంచం నాలెడ్జ్ వైపు ముందుకు వెళ్తుందన్నారు. ప్రపంచం మొత్తంలో ఇన్ఫర్మేషన్ టెక్నాలజీలో ఏపీ ముందుందని తెలిపారు. నీట్ లో పాస్ అయిన ఫాతిమా కాలేజీ విద్యార్థులకు ఇక్కడే అడ్మిషన్స్ ఇప్పిస్తామని....ఫెయిల్ అయినవారికి డబ్బులు ఇప్పిస్తామని చెప్పారు. పిల్లలను కళాశాల మేనేజ్ మెంట్ మోసం చేస్తే కఠినంగా వ్యవహరిస్తామన్నారు. ఇటీవల విడుదలైన ఎంసెట్ ఫలితాల్లో 69 శాతం మంది విద్యార్థులు పాస్ అయ్యారని తెలిపారు. జేఈఈలో 12 శాతం పాస్ అయ్యారని పేర్కొన్నారు. టాప్ పది ర్యాంకుల్లో టాప్ 3 ఏపీ నుంచి, తెలంగాణ నుంచి టాప్ 2 ర్యాంకులు వచ్చాయన్నారు. నీట్ కు 100 మంది సెలెక్ట్ అయ్యారని తెలిపారు. 
టెక్నాలజీని ఉపయోగించుకోవాలి..
పుస్తకాలను బట్టిపట్టవద్దు... ఆడుకుంటూ పాడుకుంటూ చదువు కోవాలని సూచించారు. జీవితంలో ఆటలు, కల్చరల్ ప్రోగామ్ లు భాగంగా కావాలని పేర్కొన్నారు. ప్రశాతంగా చదువుకోవాలని.. టెక్నాలజీని ఉపయోగించుకోవాలన్నారు. 'మీరు చదువుకున్న నాలెడ్జ్ ను మీ ప్రాంతంలోని సమస్యల పరిష్కారానికి ఉపయోగించాలి' అని అన్నారు. ఇప్పుడు చేసే పనిని విభిన్నంగా చేయడమే ఇన్నోవేషన్ అని అన్నారు. విద్యాలయాలు ప్రయోగశాలలుగా తయారు కావాలన్నారు. వినూత్నమైన ఆలోచనలకు చాలా అవకాశాలుంటాయని తెలిపారు. ఐటీనే కాదు..నాలెడ్జ్ ను కూడా ఉపయోగించుకోవాలని సూచించారు. ఇప్పటికే పది వేల మంది టీచర్స్ ను రిక్రూట్ చేశామని.. మరో పది వేల మందిని రిక్రూట్ మెంట్ చేస్తామని చెప్పారు.
తల్లికి వందనం.. 
స్కూల్ లో తల్లికి వందనం కార్యక్రమం తీసుకొచ్చామని తెలిపారు. బడికొస్తా కార్యక్రమాన్ని ఏర్పాటు చేసి... ఆడపిల్లలకు సైకిల్స్ ఇప్పించామని తెలిపారు. కాలేజీల్లో 33 శాతం రిజర్వేషన్లు పెట్టామన్నారు. డిజిటల్ క్లాస్ రూమ్ లు, వర్చువల్ క్లాస్ రూమ్ లు ఏర్పాటు చేశామని తెలిపారు. గురువు చాలా ముఖ్యమని..గురువు లేకుండా విద్య లేదన్నారు. గురువుకు చాలా ప్రాధాన్యత ఉంటుంది. టీచర్ ను విద్యార్థులు, సమాజం గౌరవించాలన్నారు. విద్యార్థులకు స్కాలర్ షిప్స్ ఇస్తున్నామని.. 22 లక్షల మందికి 3582 కోట్లు ఖర్చు పెడుతున్నామని తెలిపారు. రాష్ట్రంలో 409 రెసిడెన్షియల్ స్కూల్స్ ఉన్నాయని తెలిపారు. ఓపెన్ యూనివర్సిటీల ద్వారా అందరూ చదువుకోవాలన్నారు. వయస్సుతో సంబంధం లేకుండా నిరంతరం విద్య నేర్చుకోవాలని పేర్కొన్నారు. 
వెయ్యి రూపాయల నిరుద్యోగ భృతి 
డిగ్రీ పాస్ అయిన ప్రతి ఒక్కరికి వెయ్యి రూపాయల నిరుద్యోగ భృతి ఇస్తామన్నారు. రాష్ట్రంలో కొత్తగా 50 జూనియర్ కళాశాలలు, 15 డిగ్రీ కాళాశాలలను మంజూరు చేస్తామన్నారు. విద్యకు ఎనలేని ప్రాముఖ్యత ఇవ్వాలన్నారు. 284 ఎంవోయూలు చేశామని..వీటిని పూర్తి చేస్తే రాష్ట్రానికి 16 లక్షల కోట్ల పెట్టుబడులు వస్తాయన్నారు. రాష్ట్ర ప్రయోజనాల కోసమే బీజేపీతో పొత్తు పెట్టుకున్నామని తెలిపారు. కేంద్ర ప్రభుత్వం రాష్ట్రానికి 11 యూనివర్సిటీలను ఇస్తామని ప్రకటించిందని..కానీ ఎక్కడ వేసిన గొంగలి అక్కడే ఉందన్నారు. 11 వేల కోట్లు విలువ చేసే భూములు ఇస్తే..యూనివర్సిటీలను మంజూరు చేయలేదని..పోరాడి యూనివర్సిటీలను సాధించుకోవాలన్నారు. 

 

15:55 - April 26, 2018

ఢిల్లీ : స్కూల్‌ వ్యాన్‌ను ఓ ప్రయివేట్‌ పాల ట్యాంకర్‌ ఢీకొన్న ఘటన కన్హయ్యనగర్‌ మెట్రో స్టేషన్‌ వద్ద జరిగింది. ఈ ప్రమాదంలో ఏడేళ్ల బాలిక మృతి చెందగా...మరో 10 మంది చిన్నారులకు తీవ్ర గాయాలయ్యాయి. గాయపడ్డ విద్యార్థులను చికిత్స కోసం ఆసుపత్రికి తరలించారు. స్కూలు వ్యాన్‌ యూ టర్న్‌ తీసుకుంటున్న సమయంలో వెనకాల నుంచి వేగంగా వచ్చిన పాలట్యాంకర్‌ ఢీకొట్టింది. దీంతో స్కూలు వ్యాను 3 పల్టీలు కొట్టింది. ఈ వ్యానులో మొత్తం 18 మంది విద్యార్థులు ఉన్నారు. నిర్లక్ష్యంగా వాహనం నడిపిన పాల ట్యాంకర్‌ డ్రైవర్‌ను పోలీసులు అరెస్ట్‌ చేశారు. ఈ వ్యాన్‌లో కేశవపురంకు చెందిన నెంబర్‌ వన్‌ స్కూలు విద్యార్థులతో పాటు కేంద్రీయ విద్యాలయ విద్యార్థులు ప్రయాణిస్తున్నారు. వ్యానులో ప్రయాణిస్తున్న పిల్లలంతా 15 ఏళ్ల లోపువారే. 

16:27 - April 12, 2018

ప్రకాశం : ఒంగోలులో విషాదం చోటుచేసుకుంది. నిర్మాణంలో ఉన్న గోడ కూలిన ఘటనలో ముగ్గురు చిన్నారులు మృతి చెందారు. స్థానిక మంగమూరు రోడ్డులోని కొత్తడొంకలో గుడిమెట్ల 8 ఏళ్ల నవదీప్, కట్టామణి, 9ఏళ్ల సింధే ప్రేమచంద్, మరియు సింధే ప్రేమ్ జ్యోతి మృతి చెందారు. పాఠశాలకు వెళ్లి తిరిగి తిరిగి ఇంటికి వచ్చి కలిసి ఆడుకుంటున్న సమయంలో నిర్మాణంలో ఉన్న గోడ కూలి వీరిపై పడింది. ఈ ప్రమాదంలో నవదీప్ అక్కడికక్కడే మృతి చెందగా, మిగిలిన ముగ్గురు తీవ్రంగా గాయపడ్డారు. స్థానికులు వారిని రిమ్స్ ఆసుపత్రికి తరలిస్తుండగా మణి, ప్రేమ్ చంద్ ప్రాణాలు విడిచారు. ప్రేమ్ జ్యోతికి మెరుగైన చికిత్స నిమిత్తం ఓ ప్రైవేటు ఆసుపత్రికి తరలించారు. ఈ సంఘటనపై పోలీసులు కేసు నమోదు చేసి దర్యాప్తు చేస్తున్నారు.

17:39 - February 15, 2018

హైదరాబాద్ : షంగా ఆకట్టుకున్నాయి. విద్యార్థుల్లో దాగి ఉన్న నైపుణ్యాన్ని వెలికి తీసేందుకు ఈ ఎగ్జిబిషన్‌ ఏర్పాటు చేసినట్లు స్కూల్‌ ప్రిన్సిపల్‌ కూచీపూడి సునితా తెలిపారు. ఎగ్జిబిషన్‌తో అనేక విషయాలు తెలుసుకున్నామని విద్యార్థులు చెప్పారు.  

19:48 - February 3, 2018

భద్రాద్రి : జిల్లాలోని పాల్వంచలో మధ్యాహ్నం భోజనం లేదని విద్యార్థులు ఆందోళనకు దిగారు. అన్నం సరిగా ఉడకకపోవడంతో చిన్నారులు... తినకుండా వదిలేయాల్సి వచ్చింది. మూడురోజులుగా ఇదే తంతు జరుగుతున్నా... ఉపాధ్యాయులు పట్టించుకోలేదు. పిల్లలకు పౌష్టికాహారం అందించాలని.. ఇటీవలే మధ్యాహ్నం భోజనం కాంట్రాక్ట్‌ను అక్షయపాత్ర అనే స్వచ్ఛంద సంస్థకు అప్పగించారు. అప్పటి నుంచి ఆహారం సరిగా ఉండటం లేదని స్థానిక విద్యార్థి సంఘాల నాయకులు ఆరోపిస్తున్నారు.

 

14:04 - January 17, 2018

హైదరాబాద్ : కాచిగూడలోని వెంకటేశ్వర నగర్ లో నడి రోడ్డు పై రెండు గ్యాంగ్ లు కొట్టుకున్నాయి. ఒకరిపై ఒకరు తీవ్రంగా వారు దాడి చేసుకున్నారు. ఇరువర్గాలు కాచిగూడ పీఎస్ లో ఫిర్యాదు చేశారు. ఈ ఘర్షణలో అంబర్ పేటకు చెందిన ముగ్గురు రౌడీ షీటర్లు ఉన్నట్టు సమాచారం ఉంది. పోలీసులు కేవలం పిటి కేసు నమోదు చేసి వదిలేశారు. పూర్తి వివరాలకు వీడియో క్లిక్ చేయండి.

11:40 - January 12, 2018

అనంతపురం : తాడిపత్రిలోని పాఠశాలల్లో సంక్రాంతి వేడుకలు ఘనంగా నిర్వహించారు. అలనాటి పండుగల ఆచారాలు ఉట్టిపడేలా వేడుకలను నిర్వహించారు. పాఠశాలలో ముగ్గులు వేసి.. రంగురంగుల బొమ్మల కొలువులను ఏర్పాటు చేశారు. అష్టలక్ష్మి దేవతల రూపంలో పిల్లలు అలరించారు. హరిదాసు వేషాలతో పిల్లలు.. నృత్యాలు చేస్తూ సందడి చేశారు.

 

17:46 - January 8, 2018

భద్రాద్రి కొత్తగూడెం : జిల్లాలోని అశ్వారావుపేట వ్యవసాయ పాలిటెక్నికల్‌ కాలేజీలో విద్యార్థులు, అధ్యాపకుల మధ్య తలెత్తిన వివాదం తారాస్థాయికి చేరింది. అధ్యాపకురాలు రేణుక తమ పట్ల అమానుషంగా ప్రవర్తిస్తున్నారని విద్యార్థులు ఆరోపిస్తున్నారు. రేణుక వేధింపులతో మనస్తాపానికి గురైన డిప్లొమా రెండో సంవత్సరం విద్యార్థిని రోహిణి ఆత్మహత్యాయత్నం చేసుకుంది. ఈ వ్యవహారంపై విద్యార్థులు, అధ్యాపకులు పరస్పరం పోలీసు స్టేషన్‌లో ఫిర్యాదు చేసుకున్నారు. 
భద్రాద్రి జిల్లా అశ్వారావుపేట వ్యవసాయ పాలిటెక్నికల్‌ కాలేజీలో విద్యార్థిని ఆత్మహత్యాయత్నం 

 

17:58 - January 4, 2018

పెద్దపల్లి : నిర్భయ లాంటి కఠిన చట్టాలొచ్చినా ఆడపిల్లలకు రక్షణ లేకుండా పోతోంది. ఏ మాత్రం అవకాశం దొరికినా మృగాళ్లు చెలరేగిపోతున్నారు. పెద్దపల్లి జిల్లా సుల్తానాబాద్‌కు చెందిన 16 ఏళ్ల బాలికపై.. కడంబాపూర్‌కు చెందిన పెద్ది నగేష్‌ లైంగికదాడికి తెగబడ్డాడు. కనుకుల అటవీ ప్రాంతంలో కట్టెలు ఏరేందుకు వెళ్లిన మైనర్‌కు కూల్‌డ్రింక్‌లో మత్తుమందు ఇచ్చిన నగేష్‌ అత్యాచారం చేశాడు. ఆ దృశ్యాలను వీడియో తీసి సోషల్‌ మీడియాలో పోస్ట్‌ చేశాడు. అయితే రాజీ కుదిర్చేందుకు స్థానికంగా ఉన్న పెద్దమనుషులు విఫలయత్నం చేశారు. నెల రోజుల తర్వాత బాధితురాలు పోలీసులను ఆశ్రయించడంతో దారుణం వెలుగులోకి వచ్చింది. రంగంలోకి దిగిన పోలీసులు కేసు నమోదు చేసి దర్యాప్తు చేపట్టారు. 

Pages

Don't Miss

Subscribe to RSS - school students