social justice

19:54 - November 21, 2017

తెలుగు రాష్ట్రాల్లో నంది అవార్డుల వివాదంపై దుమారం రేగుతూనే ఉంది. ఇప్పటివరకు అవార్డులు దక్కనివాళ్లు.. అవార్డుల జూరీపైనా, ప్రభుత్వంపైనా విమర్శలు ఎక్కుపెడితే.. తాజాగా, అవార్డు వచ్చిన వారు సైతం విమర్శనాస్త్రాలు సంధిస్తున్నారు. ఇంతకాలం.. అవార్డుల ఎంపికపైనే వివాదం రగులుతూ వచ్చింది. అయితే, ఇప్పుడది ఏపీ మంత్రి నారా లోకేశ్‌ కేంద్రంగా మారింది. ఏపీలో ఆధార్‌ కూడా లేని.. నాన్‌ రెసిడెంట్‌ ఆంధ్రాస్‌ నంది అవార్డులను విమర్శిస్తున్నారంటూ.. లోకేశ్‌ వ్యాఖ్యానించడంపై సినీపరిశ్రమ మండిపడుతోంది. ఈ క్రమంలో.. రచయిత, నటుడు పోసాని కృష్ణమురళి.. టెంపర్‌ సినిమాలో నటనకు గాను, తనకు ప్రకటించిన నంది అవార్డును తీసుకోబోనని స్పష్టం చేశారు. ఈ అంశంపై టెన్ టివిలో జరిగిన చర్చా వేదికలో తెలకపల్లి రవి (విశ్లేషకులు), త్రిపుర నేని చిట్టి (నటుడు, నిర్మాత), కత్తి మహేష్ (సినీ క్రిటిక్), బాబు రాజేంద్ర ప్రసాద్ (టిడిపి ఎమ్మెల్సీ) పాల్గొని అభిప్రాయాలు వ్యక్తం చేశారు. పూర్తి వివరాలకు వీడియో క్లిక్ చేయండి...

19:49 - November 21, 2017

నంది అవార్డుల వివాదం ముదురు పాకానపడుతోంది. విమర్శలు ప్రతివిమర్శలతో హోరెత్తిపోతోంది. ముఖ్యంగా ఏపీలో ఆధార్ కార్డులు లేనివారు నంది అవార్డులను విమర్శిస్తున్నారన్న లోకేష్‌ వ్యాఖ్యలపై సినీ పరిశ్రమ మండిపడుతోంది. లోకేశ్‌ వ్యాఖ్యలకు నిరసనగా.. రచయిత, నటుడు పోసాని కృష్ణమురళి.. తనకు ప్రకటించిన నంది అవార్డును తిరస్కరిస్తున్నట్లు ప్రకటించారు.

తెలుగు రాష్ట్రాల్లో నంది అవార్డుల వివాదంపై దుమారం రేగుతూనే ఉంది. ఇప్పటివరకు అవార్డులు దక్కనివాళ్లు.. అవార్డుల జూరీపైనా, ప్రభుత్వంపైనా విమర్శలు ఎక్కుపెడితే.. తాజాగా, అవార్డు వచ్చిన వారు సైతం విమర్శనాస్త్రాలు సంధిస్తున్నారు. ఇంతకాలం.. అవార్డుల ఎంపికపైనే వివాదం రగులుతూ వచ్చింది. అయితే, ఇప్పుడది ఏపీ మంత్రి నారా లోకేశ్‌ కేంద్రంగా మారింది. ఏపీలో ఆధార్‌ కూడా లేని.. నాన్‌ రెసిడెంట్‌ ఆంధ్రాస్‌ నంది అవార్డులను విమర్శిస్తున్నారంటూ.. లోకేశ్‌ వ్యాఖ్యానించడంపై సినీపరిశ్రమ మండిపడుతోంది. ఈ క్రమంలో.. రచయిత, నటుడు పోసాని కృష్ణమురళి.. టెంపర్‌ సినిమాలో నటనకు గాను, తనకు ప్రకటించిన నంది అవార్డును తీసుకోబోనని స్పష్టం చేశారు. సినిమా అవార్డులకు ప్రాంతీయతను ఆపాదించడం ఏంటని ఆయన ప్రశ్నించారు.

ప్రభుత్వం ప్రస్తుతం ప్రకటించిన నందిఅవార్డులను రద్దు చేయాలని డిమాండ్‌ చేసిన పోసాని కృష్ణమురళి.. నారా లోకేశ్‌పైనా తీవ్రస్థాయిలో విరుచుకుపడ్డారు. లోకేశ్‌ లాంటి మంత్రి ఉండడం తమ ఖర్మ అంటూ దుమ్మెత్తిపోసారు. నిజానికి, నంది అవార్డులు ప్రకటించిన నాటి నుంచే వివాదం రాజుకుంటూ వస్తోంది. జ్యూరీ సభ్యుల వ్యాఖ్యలు అనుమానాస్పదంగా ఉన్నాయంటూ డైరెక్టర్ గుణశేఖర్ తొలుత ధ్వజమెత్తారు. నంది అవార్డుల్లో తీవ్ర అన్యాయం జరిగిందన్న గుణశేఖర్, తన చారిత్రక చిత్రం రుద్రమదేవిని విస్మరించడాన్ని తీవ్రంగా ఆక్షేపించారు. అటు నిర్మాత నల్లమలుపు బుజ్జి, బండ్ల గణేశ్‌, రామ్‌గోపాల్‌వర్మ తదితరులు కూడా నంది అవార్డుల ఎంపిక కమిటీపై తీవ్ర విమర్శలు గుప్పించారు.

నంది అవార్డుల విషయం వివాదాస్పదం కావడంతో ఏపీ ప్రభుత్వం కూడా సంకటంలో పడింది. నంది అవార్డుల ప్రకటనతో పరువు పోయిందని సాక్షాత్తు ముఖ్యమంత్రి చంద్రబాబు ఆవేదన వ్యక్తం చేశారు. ఈ వ్యవహారంలో ఇంత రాద్దాంతం జరుగుతుందనుకుంటే ఐవీఆర్ఎస్‌ ద్వారా సర్వే చేసి అవార్డులు ప్రకటించేవారమని అన్నారు. జ్యూరీ ఎంపిక చేసిన వారికే అవార్డులు ప్రకటించామన్నారు. అయితే, ఇప్పుడు ప్రకటించిన అవార్డులను రద్దు చేసి.. కొత్తగా ఎంపిక చేపడతారా అన్న అంశంపై మాత్రం ప్రభుత్వం స్పష్టతనివ్వలేదు. 

20:49 - October 26, 2017

వరంగల్‌ : ప్రభుత్వం సంక్షేమ పథకాలను ప్రకటిస్తే సరిపోదని.. సామాజిక న్యాయం కల్పించాలన్నారు సీపీఎం తెలంగాణ రాష్ట్ర కార్యదర్శి తమ్మినేని వీరభద్రం. వరంగల్‌లో కొప్పుల ఎల్లయ్య సంస్మరణ సభలో తమ్మినేని పాల్గొన్నారు. ఎల్లయ్యతో తనకున్న అనుబంధాన్ని గుర్తు చేసుకున్నారు. ఎర్రజెండా కోసం ఎల్లయ్య చేసిన కృషి.. పడ్డ తపన ఎప్పటికీ నిలిచిపోతుందన్నారు. తెలంగాణ సామాజిక న్యాయం జరిగినప్పుడే... తెలంగాణ రాష్ట్రం బాగున్నట్లని తమ్మినేని వ్యాఖ్యానించారు. 

 

15:58 - October 24, 2017

'సామాజిక న్యాయం- సమగ్రాభివృద్ధి'కోసం 'మహాజన పాదయాత్ర'గా తెలంగాణ మొత్తం 4200 కి.మీ నడిచిన ఉక్కు మహిళ ఎస్ రమ. మహిళా సమస్యలపై రాజీలేని పోరాటాలు చేస్తూ. కార్మిక సమస్యలపై ప్రజలకోసం కొట్లాడే ధీర వనిత 'రమ'. మహాజన పాదయాత్ర ప్రథమ వార్షికోత్సవం పూర్తి చేసుకున్న సందర్భంగా 10టీవీ 'స్ఫూర్తి' ఆమెను పలకరించింది. మహాజన పాదయాత్ర ముచ్చట్లు.. వాటి ఫలితాలు ప్రజా పోరాటాలపై 'రమ' గారు వెళ్లడించిన ఆసక్తికరమైన విషయాల కోసం వీడియోలో చూడండి.

07:53 - October 23, 2017

తొమ్మిది మంది సభ్యులు, 154 రోజులు, 4200 కిలో మీటర్లు, 31 జిల్లాలు, 1520 గ్రామాలు....మహా జన పాదయాత్ర సాగిన క్రమమిది. సామాజిక న్యాయం -సమగ్రాభివృద్ధి అజెండాతో సాగిన మహాజన పాదయాత్ర కొత్తగా ఏర్పడిన తెలంగాణ రాష్ట్రంలో కీలక పాత్ర పోషించిందని చెప్పకతప్పదు. ఆ పాదయత్ర ముగిసి ఏడాది గడిచిన సందర్భంగా నాటి పాదయాత్ర విశేషాలు.. అది తెర మీదకి తీసుకువచ్చిన సమస్యలు, సాధించిన విజయాలపై జనపథం.మహాజనపాదయాత్ర సామాజిక న్యాయం కోసం, భారత దేశంలో స్వాతంత్రం వచ్చిన కూడా మనువాదం కొనసాగుతోందని, వీటి పట్ల అనేక సంఘాలు పోరాటలు చేస్తున్న సమస్యల పరిష్కారం దిశగా పోరాటలు చయలేకపోయాయని కేబీపీఎస్ నాయకులు జాన్ వెస్లీ అన్నారు. పూర్తి వివరాలకు వీడియో చూడండి.

20:41 - October 17, 2017

హైదరాబాద్ : సామాజిక న్యాయం సాధించేదాక పట్టుదలతో ముందుకు సాగుతామని సీపీఎం తెలంగాణ రాష్ట్ర కార్యదర్శి తమ్మినేని వీరభద్రం పేర్కొన్నారు. సరళీకృత ఆర్థిక విధానాలు..సామాజిక తరగతులపై ప్రభావం అంశంపై సదస్సు జరుగుతోంది. తమ్మినేని, గద్దర్, హరగోపాల్, కాకి మాధవరావులు హాజరయ్యారు. ఈ సందర్భంగా తమ్మినేని వీరభద్రం మాట్లాడారు. మహాజన పాదయాత్ర ఐదు మాసాల పాటు సుదీర్ఘంగా తెలంగాణ రాష్ట్రంలో జరిగిందని గుర్తు చేశారు. ఇచ్చినోడు ఎవరైనా..తెచ్చినోడు ఎవరైనా సరే తెలంగాణ రాష్ట్రం అభివృద్ధి కావాలని, అభివృద్ధే ప్రధాన ధ్యేయమన్నారు. రాబోయే కాలంలో ప్రత్యామ్నాయ అభివృద్ధి నమూనాను ప్రజల ముందు ఆవిష్కరించాలని పాదయాత్ర చేపట్టినట్లు తెలిపారు. సామాజిక న్యాయం - సమగ్రాభివృద్ధి సాధించడం..అందుకు మార్గాలను అన్వేషించడం లక్ష్యమన్నారు. తమ పాదయాత్ర ప్రారంభమయిన అనంతరం ప్రభుత్వంలో కదలిక వచ్చిందన్నారు. పాదయాత్రలో ఎక్కడా సీపీఎం గురించి ప్రచారం చేయలేదని..రాష్ట్ర సమగ్రాభివృద్ధి కోసమే యాత్ర చేపట్టినట్లు పేర్కొన్నారు. దోపిడీ..పీడనకు వ్యతిరేకంగా పోరాటం చేసేదే వర్గపోరాటాలు అని తెలిపారు.

మొత్తం ప్రత్యామ్నాయ విధానాలు కోరుకున్న వారంతా ఐక్యతలో భాగం కలవాలని సూచించారు. 4200 సంఘాలు ఒక తాటిపైకి రావడం జరిగిందని, ఇందులో కుల..వర్గ..ప్రజా..యువకులు..విద్యార్థులు..మహిళలున్నారని తెలిపారు. రాబోయే కాలంలో విస్తృతమైన ఐక్యత చేయాల్సినవసరం ఉందని, ఇందుకు కృషి చేయాలని సూచించారు.

తెలంగాణ రాష్ట్రంలో ఆశించిన విధంగా పనులు జరగడం లేదని, ఒక స్పష్టత ఇవ్వాల్సిన అవసరం ఉందన్నారు. ప్రజల అభివృద్ధి అంటే ఏమిటీ.. అనే దానిపై పాదయాత్రలో వివరంగా చెప్పడం జరిగిందని, తెలంగాణ రాష్ట్ర ప్రభుత్వం ఎన్నో విషయాలు చెబుతోందన్నారు. పీడన కూడా పోవాలన్నదే తమ లక్ష్యమని అదే సామాజిక న్యాయమన్నారు. కులం..వర్గం పై చర్చ జరుగుతోందని, కంచె ఐలయ్యపై సుప్రీంకోర్టు బ్రహ్మాండమైన తీర్పు ఇచ్చిందని గుర్తు చేశారు.

రిజర్వేషన్లు..ప్రాతినిధ్యం..సామయాజిక హోదా..రాజకీయ ప్రాతినిధ్యం హక్కుల కోసం పోరాడే విధం ముఖ్యమైన అంశమన్నారు. సామాజిక న్యాయం సాధించేదాక పట్టుదలతో ముందుకు సాగుతామని తమ్మినేని స్పష్టం చేశారు. ఈ సందర్భంగా తనతో పాదయాత్ర చేసిన వారికి అభినందనలు తెలియచేస్తున్నట్లు..పాదయాత్రకు సహకరించిన వారందరికీ కృతజ్ఞతలు తెలియచేస్తున్నట్లు పేర్కొన్నారు. 

17:28 - October 17, 2017

హైదరాబాద్ : 'సామాజిక న్యాయం - సమగ్రాభివృద్ధి' పేరిట సీపీఎం మహాజన పాదయాత్ర జరిగిన సంగతి తెలిసిందే. అక్టోబర్‌ 17, 2016న ఇబ్రహీంపట్నంలో ప్రారంభమైన.. ఈ యాత్రకు సీపీఎం రాష్ట్ర కార్యదర్శి తమ్మినేని వీరభద్రం నాయకత్వం వహించారు. తొమ్మిది మంది నేతలు యాత్రలో పాల్గొన్నారు. సంవత్సరం పూర్తి చేసుకున్న సందర్భంగా ఎస్వీకేలో సదస్సు ఏర్పాటు చేశారు. ఈ సందర్భంగా పాదయాత్ర బృంద సభ్యుడు నైనాన్ రాజు టెన్ టివితో మాట్లాడారు. ఆదివాసీల తరపున తాను పాల్గొనడం జరిగిందని, కానీ చాలా గ్రామాల్లో రోడ్లు లేవన్నారు. అడవిమార్గంలోనే ప్రసవాలు జరుగుతున్నాయని, విద్య ఇంకా అందుబాటులోకి రాలేదన్నారు. హరితహారం పేరిట పోడు భూములను లాక్కొంటోందని..జయశంకర్ జిల్లాలో జరిగిన సంఘటనే ప్రత్యక్ష నిదర్శనమన్నారు.

వ్యవసాయ కూలీల పరిస్థితి దుర్భంగా మారిపోయిందని తమ పాదయాత్రలో గమనించామని మరో పాదయాత్ర బృంద సభ్యుడు నగేష్ టెన్ టివికి తెలిపారు. లక్షలాది..కోట్లాది రూపాయలు పెండింగ్ లో ఉన్నాయని.. ఉపాధి హామీ పథకాన్ని నిర్వీర్యం చేయాలని కేంద్ర రాష్ట్ర ప్రభుత్వాలు చూస్తున్నాయని తెలిపారు. సమస్యలపై పెద్ద ఎత్తున పోరాటం చేస్తామన్నారు. పూర్తి వివరాలకు వీడియో క్లిక్ చేయండి. 

16:16 - October 17, 2017

హైదరాబాద్ : పల్లె... పల్లెకు వెళ్లింది..! ప్రతి వ్యక్తిని కదిలించింది..! కష్టాలను తెలుసుకుంది..! బడుగు, బలహీన వర్గాల గొంతుకై .. ప్రభుత్వాన్ని నిలదీసింది! పాలకుల గుండెల్లో దడ పుట్టించి... సమస్యల పరిష్కారానికి పోరాటమే మార్గమని ప్రజల్లో చైతన్యం నింపింది.. సరిగ్గా ఏడాది క్రితం ప్రారంభమైన సీపీఎం మహాజన పాదయాత్రకు ప్రజల నుంచి వచ్చిన స్పందనతో... ప్రభుత్వంలోనూ కదలిక వచ్చింది. చూస్తుండగానే సీపీఎం మహాజన పాదయాత్ర జరిగి ఏడాది దాటిపోయింది. ఈ సందర్భంగా ఎస్వీకేలో ప్రథమ వార్షికోత్సవం జరుగుతోంది. సెమినార్ తో పాటు వార్షికోత్సవ సభ కాసేపట్లో జరుగనుంది. పలువురు నాయకులు..కార్యకర్తలతో పాటు పాదయాత్ర బృంద నాయకులు పాల్గొననున్నారు. ఈ సందర్భంగా పాదయాత్ర బృంద సభ్యులతో టెన్ టివి ముచ్చటించింది. వారు ఎలాంటి అభిప్రాయాలు తెలియచేశారో వీడియో క్లిక్ చేయండి. 

07:48 - October 17, 2017

హైదరాబాద్ : పల్లె... పల్లెకు వెళ్లింది..! ప్రతి వ్యక్తిని కదిలించింది..!  కష్టాలను తెలుసుకుంది..! బడుగు, బలహీన వర్గాల గొంతుకై .. ప్రభుత్వాన్ని నిలదీసింది! పాలకుల గుండెల్లో దడ పుట్టించి... సమస్యల పరిష్కారానికి పోరాటమే మార్గమని ప్రజల్లో చైతన్యం నింపింది.. సరిగ్గా ఏడాది క్రితం ప్రారంభమైన సీపీఎం మహాజన పాదయాత్రకు ప్రజల నుంచి వచ్చిన స్పందనతో... ప్రభుత్వంలోనూ కదలిక వచ్చింది. చూస్తుండగానే ఏడాది దాటిన సీపీఎం మహాజన పాదయాత్ర సాఫల్యాలపై 10టీవీ ప్రత్యేక కథనం..
సకల, సబ్బండ వర్గాలను మేల్కొలిపిన పాదయాత్ర
154 రోజులు.. 4,200 కిలోమీటర్లు..చరిత్ర సృష్టించిన సీపీఎం మహాజన పాదయాత్ర..సకల, సబ్బండ వర్గాలను మేల్కొలిపిన పాదయాత్ర, ఏలికల కళ్లు తెరిపించి.. అధికారాన్ని ఉరకలెత్తించిన యాత్ర.. తెలంగాణలో సకల వర్గాలు, సబ్బండ వర్గాలను మేల్కొలిపిన యాత్ర..సీపీఎం ఆధ్వర్యంలో సాగిన మహాజన పాదయాత్ర. సామాజిక న్యాయం, సమగ్రాభివృద్ధే లక్ష్యంగా ముందుకు కదిలింది. అక్టోబర్‌ 17, 2016న ఇబ్రహీంపట్నంలో ప్రారంభమైన.. ఈ యాత్రకు సీపీఎం రాష్ట్ర కార్యదర్శి తమ్మినేని వీరభద్రం నాయకత్వం వహించారు.  తొమ్మిది మంది నేతలు యాత్రలో పాల్గొన్నారు. ప్రారంభ సభకు అంబేద్కర్‌ మనవడు ప్రకాశ్‌ అంబేద్కర్‌తో పాటు...ఆయా సామాజిక, వామపక్షాలకు చెందిన నేతలు పాల్గొన్నారు. 
ప్రజల నుంచి అపూర్వ స్పందన
ఉన్నత లక్ష్యంతో ప్రారంభమైన మహాజన పాదయాత్రకు వాడవాడలా  ప్రజల నుంచి అపూర్వ స్పందన లభించింది.  ప్రతి గ్రామంలోనూ రాజకీయాలు, కుల, వర్గాలకు అతీతంగా  స్వాగతం పలికి.. అక్కున చేర్చుకున్నారు. సామాజిక, కుల, విద్యార్థి, మహిళా, కార్మిక సంఘాలతో పాటు పలు రాజకీయ పార్టీలు ఈ యాత్రకు మద్దతునిచ్చాయి.  దీంతో 154 రోజుల పాటు.. 4 వేల 2 వందల కిలోమీటర్ల పాటు తెలంగాణ వ్యాప్తంగా ఈ యాత్ర సాగింది.  
రెట్టింపు ఉత్సాహంతో ముందుకు సాగిన యాత్ర
ఎప్పటికప్పుడు... రెట్టింపు ఉత్సాహంతో మహాజన పాదయాత్ర ముందుకు సాగింది. ప్రతి పల్లెకు వెళ్తూ.. పేదల గుండె లోతుల్లోకి తొంగి చూసింది. యాత్ర బృంద సభ్యులు  క్షేత్రస్థాయిలో  దళితులు, మహిళలు, నిరుద్యోగులు, విద్యార్థులు, కూలీల కష్ట, నష్టాలను తెలుసుకున్నారు. గ్రామాల్లో నెలకొన్న సమస్యల గురించి.. ఆరా తీశారు.  ఈ మేరకు పాదయాత్ర బృంద సభ్యులకు ... సమస్యలపై వేలాదిపై వినతులు అందాయి.  ప్రజల సమస్యలపై... తమ్మినేని వీరభద్రం పాలకులను నిలదీశారు.. ఆయా వర్గాల సమస్యలపై ప్రభుత్వానికి లేఖలు రాశారు. 
పాదయాత్ర ఫలితంగా కదిలిన ప్రభుత్వం
పాదయాత్ర ఫలితంగా... టీఆర్ఎస్‌ ప్రభుత్వంలో కదలిక వచ్చింది. మూసుకుపోయిన కళ్లు తెరిచి.. సీపీఎం లేఖాస్త్రాలకు బదులుగా అన్నట్లు.. ఆయా సామాజిక వర్గాలకు ప్రత్యేక పథకాలను ప్రకటించింది. ఇది కచ్చితంగా మహాజన పాదయాత్ర సాధించిన ఘనతేననడంలో అతిశయోక్తి లేదు. పథకాలు ప్రకటనకే పరిమితం కాకుండా.. ఆయా వర్గాలకు వాటి ఫలాలు సక్రమంగా అందేలా  చూస్తామని... 93 శాతంగా ఉన్న ఎస్సీ, ఎస్టీ, బీసీ, మైనార్టీ, ఎంబీసీ వర్గాల అభివృద్ధితోనే సామాజిక న్యాయం సాధిస్తామని పాదయాత్ర బృందం చెబుతోంది. సీపీఎం మహాజన పాదయాత్ర  వివిధ వర్గాల ప్రజల సమస్యలను వెలుగులోకి తెచ్చి.. సమాజం ముందు ఉంచింది..! ప్రజా పోరాటాలతోనే సమస్యలు పరిష్కారమవుతాయనే .. చైతన్యాన్ని ప్రజల్లో నింపింది.   

 

08:14 - September 17, 2017

వికారాబాద్ : తెలంగాణలో క్షేత్రస్థాయి నుంచి సమగ్ర అభివృద్ధి జరగాలని టీమాస్‌ నేత , ప్రజాయుద్ధనౌక గద్దర్‌ అన్నారు. మంత్రులు, ఎమ్మెల్యేల మాదిరిగానే...  స్థానిక సంస్థల ప్రజాప్రతినిధులకు కూడా పెన్షన్‌ విధానాన్ని వర్తింపచేయాలని ఆయన డిమాండ్‌ చేశారు. టీమాస్‌ తెలంగాణ సామాజిక సమగ్రాభివృద్ధి కోసం ప్రభుత్వంపై రాజీలేని పోరుచేస్తుందని హెచ్చరించారు. వికారాబాద్‌ జిల్లా కేంద్రంలోని కొండా బాలకిష్టారెడ్డి గార్డెన్‌లో టీమాస్‌ జిల్లా ఆవిర్భావ సభ జరిగింది. ఈ సభలో పాల్గొన్న గద్దర్‌... హక్కుల సాధన కోసం ప్రజలంతా ఐక్యంగా ఉద్యమించాలన్నారు. ఇదే సభలో పాల్గొన్న విమలక్క... కేంద్రంలో ఎన్డీఏ అధికారంలోకి వచ్చాక దళితులపై దాడులు పెరిగాయని ఆరోపించారు. మనుధర్మ శాస్త్రం అమలు చేస్తూ దళితులపై దాడులను కేంద్ర, రాష్ట్ర ప్రభుత్వాలు ప్రోత్సహిస్తున్నాయని మండిపడ్డారు. అనంతరం బహుజన బతుకమ్మ గోడ పత్రికను నేతలు ఆవిష్కరించారు. 

Pages

Don't Miss

Subscribe to RSS - social justice