social justice

21:53 - April 14, 2018

అగ్రరాజ్యపు వైఖరిని ప్రధాని నరేంద్ర మోదీ అవలంభిస్తున్నారని పేర్కొన్నారు. భారతదేశపు సార్వభౌమాధికారాన్ని మోదీ విదేశీయులకు తాకట్టు పెట్టారని విమర్శించారు. ట్రంప్ కు అత్యంత సన్నిహితుడు ప్రధాని మోదీ అని ఎంసీపీఐ అఖిల భారత ప్రధాన కార్యదర్శి ఎండీ గౌస్ విమర్శించారు. ప్రపంచ సామ్రాజ్య వాదానికి నిలువెత్తు నిరద్శనంగా వున్న అమెరికాకు మోదీ మోకరిల్లుతున్నారని గౌస్ పేర్కొన్నారు. నాలుగేళ్ళ ప్రధాని మోదీ పాలన ఎలా వుంది? దేశంలో ప్రస్తుత రాజకీయ సామాజిక పరిస్థితులు ఎలా వున్నాయి? వంటి వివిధ అంశాలపై ఎంసీపీఐ అఖిల భారత ప్రధాన కార్యదర్శి ఎండీ గౌస్ ఫేస్ టూ ఫేస్..

09:44 - April 14, 2018

హైదరాబాద్ : గొర్రెనో..బర్రెనో..ఇస్తే సామాజిక న్యాయం కల్పించినట్లు కాదని సీపీఎం తెలంగాణ రాష్ట్ర కార్యదర్శి తమ్మినేని వీరభద్రం పేర్కొన్నారు. ట్యాంక్ బండ్ పై అంబేద్కర్ విగ్రహానికి పూలమాలలు వేసి ఘనంగా నివాళులర్పించారు. అనంతరం మీడియాతో మాట్లాడుతూ...ఇవి కేవలం సామాజిక సహాయాలు సంక్షేమాలు మాత్రమేనని, గత ప్రభుత్వాలు అన్ని సంక్షేమ పథకాలు అమలు పరిచాయన్నారు. కొంత లబ్ధి జరిగినా అవి బతుకులు మార్చిన స్కీంలు కాదని, బతుకులు మారాలంటే సామాజిక న్యాయం జరగాలన్నారు. చట్టబద్ధమైన అధికారాలు...రక్షణలు ఉండాలని, రాజ్యాంగపరమైన రక్షణాలుండాలన్నారచు. దేశంలో దళితులపై జరుగుతున్న దాడులు అరికట్టాలని పేర్కొన్నారు. అంతిమంగా అసెంబ్లీలో..పార్లమెంట్ లో బహుజనులందరికీ వారి వారి జనాభాను బట్టి వాటాలు లభించాయని, ఇది నెరవేరినప్పుడే సామాజిక న్యాయం అమలైనట్లు భావించాలన్నారు. సామాజిక న్యాయం అంటూ పెద్ద పెద్ద మాటలు చెబుతున్నారని, 119 అసెంబ్లీ సీట్లలో బీసీలకు ఎన్ని సీట్లు కేటాయిస్తారనే దానిపై చెప్పడం లేదన్నారు. 65-70 తక్కువ కాకుండా బీసీలకు సీట్లు కేటాయిస్తామని ఇప్పటికే ప్రకటించామన్నారు. బీఎల్ఎఫ్ చేస్తున్న పని తీరును గమనించి మద్దతివ్వాలని కోరారు. 

06:51 - February 24, 2018

మహబూబ్ నగర్ : సామాజిక న్యాయం, తెలంగాణ సమగ్రాభివృద్ధి కోసం బహుజన లెఫ్ట్ ఫ్రంట్ ఆధ్వర్యంలో.. ఈనెల 25న మహబూబ్‌నగర్ జిల్లాలో భారీ బహిరంగ సభ జరగనుంది. స్థానిక జడ్పీ మైదానంలో ఇందుకు సంబంధించిన ఏర్పాట్లు జరుగుతున్నాయి. ఏర్పాట్లను బీఎల్‌ఎఫ్‌ వైస్ ఛైర్మన్ జలజం సత్యనారాయణ, సీపీఎం నేతలు పరిశీలించారు. సమావేశానికి ఉమ్మడి మహబూబ్‌నగర్ జిల్లా నుంచి భారీ ఎత్తున కార్యకర్తలు, ప్రజలు హాజరు కానున్నారు. బహుజనుల్లో చైతన్యం తీసుకొచ్చేందుకు ఈ సభ ఉపయోగపడుతుందని నేతలు తెలిపారు.

20:53 - January 28, 2018

హైదరాబాద్ : అట్టడుగు కులాలను అణచివేసే విధంగా రాజ్యాంగాన్ని నడిపించే ప్రయత్నాలు జరుగుతున్నాయని సీపీఎం తెలంగాణ రాష్ట్ర కార్యదర్శి తమ్మినేని వీరభద్రం ఆరోపించారు. రాజ్యాంగం మార్చాలన్న ఆర్‌ఎస్‌ఎస్‌, బీజేపీ ప్రచారాన్ని తిప్పికొట్టాలన్నారు ప్రజాగాయకుడు గద్దర్. హైదరాబాద్ సుందరయ్య విజ్ఞాన కేంద్రంలో రాజ్యాంగంపై దాడి ఎవరి కోసం? అనే అంశంపై చర్చా గోష్టి జరిగింది. ఈ కార్యక్రమంలో సీపీఎం తెలంగాణ రాష్ట్ర కార్యదర్శి తమ్మినేని వీరభద్రం, ప్రజాగాయకుడు గద్దర్, హైకోర్టు సీనియర్ న్యాయవాది మహమూద్ అలీ, కేయూ ప్రొఫెసర్ మురళి మనోహర్ పాల్గొన్నారు.

రాజ్యాంగంలో పేర్కొన్న విధంగా పౌరుల మధ్య ఆర్థిక సమానత్వం సాధించాలంటే.. అంబేద్కర్‌ చూపిన మార్గంలో సాగాలన్నారు.. సీపీఎం తెలంగాణ రాష్ట్ర కార్యదర్శి తమ్మినేని వీరభద్రం. ప్రజల మధ్య సమానత్వానికి అడ్డుగోడగా ఉన్న కులవ్యవస్థను తొలగించాలంటే.. ముందుగా ఆర్థిక సమానత్వం రావాలన్న అంబేద్కర్‌ మాటలను గుర్తుచేశారు. అట్టడుగు కులాలను అణచివేసే విధంగా రాజ్యాంగాన్ని నడిపించే ప్రయత్నాలు జరుగుతున్నాయని ఆయన ఆందోళన వ్యక్తం చేశారు. రాజ్యాంగాన్ని మార్చాలన్న ఆర్‌ఎస్‌ఎస్‌, బీజేపీ శక్తుల ప్రచారాన్ని తిప్పికొట్టడానికి అంబేద్కర్‌ చూపిన మార్గంలో సాగాల్సిన అవసరం ఉందన్నారు తమ్మినేని.

భారత రాజ్యాంగాన్ని కాపాడుకోవాల్సిన బాధ్యత దేశంలో ప్రతి పౌరుడిపై ఉందన్నారు.. ప్రజా గాయకుడు గద్దర్‌. రాజ్యాంగం మార్చాలన్న ఆర్‌ఎస్‌ఎస్‌, బీజేపీ ప్రచారాన్ని తిప్పికొట్టాలన్నారు. రాజ్యాంగంపై సామాన్య ప్రజల్లో అవగాహన కల్పించేందుకు బహుజన లెఫ్ట్‌ ఫ్రంట్‌ ఆధ్వర్యంలో ఊరూరా ప్రచారం నిర్వహిస్తామన్నారు గద్దర్‌. ప్రజా ఉద్యమాల ద్వారా అంబేడ్కర్ ఆశయాలను.. ఆయన రాసిన రాజ్యాంగాన్ని కాపాడుకోవాల్సిన అవసరం ఉందని ఈ సందర్భంగా నేతలు అభిప్రాయపడ్డారు. రాజ్యాంగాన్ని కాపాడుకునేందుకు మేధావులు అందరూ పోరుబాట పట్టాలని పిలుపునిచ్చారు. 

15:27 - January 28, 2018

హైదరాబాద్ : పార్లమెంట్ లో కోటీశ్వరుల సంఖ్య పెరుగుతోందని..2014 సంవత్సరానికి 82 శాతం ఎంపీలు శతకోటీశ్వరులున్నారని...484 మంది శతకోటీశ్వర్లుంటే పేద..మహిళలు..ఇతర చట్టాల గురించి ఆలోచిస్తారా ? అంటూ సీపీఎం తెలంగాణ రాష్ట్ర కార్యదర్శి తమ్మినేని వీరభద్రం ప్రశ్నించారు. ఎస్వీకేలో రాజ్యాంగంపై దాడి...ఎవరి కోసం జరిగిన చర్చా గోష్టిలో ఆయన మాట్లాడుతూ...రాజ్యాంగంలో పేర్కొన్న విధంగా పౌరుల మధ్య ఆర్థిక సమానత్వం సాధించాలంటే అంబేద్కర్ చూపిన మార్గంలో సాగాలని పిలుపునిచ్చారు. ప్రజల మధ్య సమానత్వానికి అడ్డుగోడగా ఉన్న కుల వ్యవస్థ ను తొలగించాలంటే ముందుగా ఆర్థిక సమానత్వం రావాలని పేర్కొన్నారు. రాజ్యాంగాన్ని మార్చాలన్న ఆర్ఎస్ఎస్ ...బిజెపి శక్తుల ప్రచారాన్ని తిప్పికొట్టడానికి అంబేద్కర్ చూపిన మార్గంలో సాగాల్సినవసరం ఉందన్నారు.  

12:52 - January 28, 2018

హైదరాబాద్ : ఆర్థిక, సామాజిక సమానత్వం సాధించాలని సీపీఎం రాష్ట్ర కార్యదర్శి తమ్మినేని వీరభద్రం అన్నారు. ఎస్ వీకే లో ఏర్పాటు చేసిన సమావేశంలో ఆయన మాట్లాడారు. రాజకీయ సమానత్వం మ్రాతమే కాదు...ఆర్థిక, సామాజిక సమానత్వాలు సాధించాలని అంబేద్కర్ చెప్పారని గుర్తు చేశారు. ఆర్థిక, సామాజిక సమానత్వాలు రాకుండా రాజకీయ సమానత్వం మాత్రమే కొనసాగితే..చివరికి రాజకీయ సమానత్వం కూడా మిగలదని చెప్పారని తెలిపారు.  
ఆర్థిక, సామాజిక సమానత్వాలు రాకుంటే రాజకీయ సమానత్వం కొల్లగొట్టబడుతుందన్నారు. ఓటు హక్కు వక్రీకరించబడుతుందన్నారు. ప్రజాస్వామ్యం అపహాస్యం పాలవుతుందని వాపోయారు. 'రాజ్యాంగం ద్వారా కొన్ని హక్కులు సంక్రమించడతాయి..కొత్త దేశాన్ని చూడబోతున్నాం.. ఆ దేశంలో ప్రతి మనిషికి ఓటు ఉంటుంది..ప్రతి ఓటుకు సమాన విలువు ఉంటుంది.. కానీ మనుషుల మధ్య మాత్రం సమాన విలువులుండవని అంబేద్కర్ చెప్పారని గుర్తు చేశారు. ఓటుకు మాత్రం సమాన విలువు ఉంది...ఆ ఓటున్న మనుషులు మాత్రం సమానం కాదన్నారు. అందరికీ ఒకటే ఓటని అంబానీకి, అదానికి, రిక్షా కార్మికుడికి ఒకటే ఓటు ఉంటుందని చెప్పారు. ఓడించడంలో, గెలిపించడంలో అంబానీకి, రిక్షా కార్మికుడికి సమానమైన విలువ ఉందన్నారు. కానీ అంబానీని, రిక్షా కార్మికుడిని సమాజం సమానంగా గౌరవించదన్నారు. ప్రైవేట్ ప్రాపర్టీ పెరగడానికి ఉన్న అవకాశాలన్ని రాజ్యాంగంలో ఉన్నాయన్నారు. మన రాజ్యాంగం ప్రైవేట్ ప్రాపర్టీని అదుపు చేసే రాజ్యాంగం కాదన్నారు. రాజ్యాంగంలో ఆర్థిక, సామాజిక సమానత్వాలకు అవకాశం లేదని తెలిపారు. 

 

10:23 - January 25, 2018

హైదరాబాద్ : ఇవాళ బహుజన లెఫ్ట ఫ్రంట్ ఆవిర్భావ సభ జరగనుంది. వనస్థలిపురంలోని ఎంవీఆర్ గార్డెన్ లో ఈ సభ జరగనుంది. బీఎల్ఎఫ్ అణగారిన వర్గాలకు గొంతుకగా నిలువనుందని, పూలే, అంబేద్కర్, మార్క్స్ ఆలోచనలే బీఎల్ఎఫ్ సిద్ధాంతాలుగా ఉంటాయని తెలుస్తోంది. మరింత సమాచారం కోసం వీడియో క్లిక్ చేయండి. 

07:30 - January 25, 2018

హైదరాబాద్: తెలంగాణలో కొత్త రాజకీయ వేదిక ఆవిర్భానికి రంగం సిద్ధమైంది. వామపక్ష, సామాజిక శక్తుల కలయికతో రాజ్యాధికారమే లక్ష్యంగా బహుజన లెఫ్ట్‌ ఫ్రంట్‌ ప్రజల ముందుకు వస్తోంది. హైదరాబాద్‌ వనస్థలిపురంలోని ఎంవీఆర్‌ గార్డెన్‌లో గురువారం జరిగే బహుజన లెఫ్ట్‌ ఫ్రంట్ ఆవిర్భావ సభకు సీపీఎం జాతీయ ప్రధాన కార్యదర్శి సీతారాం ఏచూరి, ప్రకాశ్‌ అంబేద్కర్‌, ఎంసీపీఐ జాతీయ కార్యదర్శి గౌస్‌ ముఖ్య అతిథులుగా హాజరుకానున్నారు. టీ మాస్‌ ఫోరం చైర్మన్‌ కంచ ఐలయ్య, గద్దర్‌, వామపక్ష, సామాజిక, దళిత సంఘాల నేతలు పాల్గొంటారు. రాష్ట్రం నలుమూలల నుంచి ప్రజలు, ప్రజా సంఘాల నేతలు, కార్యకర్తలు భారీగా పాల్గోనున్నారు.

బహుజనులను ఐక్యం చేయడం
బహుజనులను ఐక్యం చేయడం ద్వారా రాజకీయాల్లో అగ్రకుల ఆధిపత్యానికి అంతంపలికే లక్ష్యంతో బహుజన లెఫ్ట్‌ ఫ్రంట్‌ పనిచేస్తుందని బీఎల్‌ఎఫ్‌ నేతలు చెబుతున్నారు. పూలే, అంబేడ్కర్‌, మార్క్స్‌ ఆలోచనా విధానాలకు అనుగుణంగా బీఎల్‌ఎఫ్‌ సిద్ధాంతాలను రూపొందిస్తున్నారు. 21 వామపక్షాలు బహుజన లెఫ్ట్ ఫ్రంట్‌లో భాగస్వామ్యం అవుతున్నాయి. సీపీఐతోపాటు కోదండరామ్‌ నేతృత్వంలోని టీ జేఏసీని కూడా కలుపుకుపోయేందుకు చర్చలు జరుపుతున్నారు. రాజ్యాధికారమే లక్ష్యంగా తెలంగాణలోని అన్ని అసెంబ్లీ స్థానాలకు పోటీచేసే విధంగా ఇప్పటి నుంచే కసరత్తు చేస్తున్నారు.

బీఎల్‌ఎఫ్‌ విధివిధానాలు
ఆవిర్భావ సభ తర్వాత రాష్ట్రంలోని అన్ని అసెంబ్లీ నియోజకవర్గాలకు పర్యటించి సభలు, సమావేశాలు నిర్వహించాలని బీఎల్‌ఎఫ్‌ నాయకులు నిర్ణయించారు. ఆరు నెలల్లో ప్రభిప్రాయాన్ని బహుజన లెఫ్ట్‌ ఫ్రంట్‌కు అనుకూంగా మలిచే విధంగా ప్రణాళికులు రూపొదిస్తున్నారు. బహుజన లెఫ్ట్‌ ఫ్రంట్ ఆవిర్భావ సభలో బీఎల్‌ఎఫ్‌ విధివిధానాలు, సిద్ధాంతాలను ప్రకటించాలని నాయకులు నిర్ణయించారు. 

19:54 - November 21, 2017

తెలుగు రాష్ట్రాల్లో నంది అవార్డుల వివాదంపై దుమారం రేగుతూనే ఉంది. ఇప్పటివరకు అవార్డులు దక్కనివాళ్లు.. అవార్డుల జూరీపైనా, ప్రభుత్వంపైనా విమర్శలు ఎక్కుపెడితే.. తాజాగా, అవార్డు వచ్చిన వారు సైతం విమర్శనాస్త్రాలు సంధిస్తున్నారు. ఇంతకాలం.. అవార్డుల ఎంపికపైనే వివాదం రగులుతూ వచ్చింది. అయితే, ఇప్పుడది ఏపీ మంత్రి నారా లోకేశ్‌ కేంద్రంగా మారింది. ఏపీలో ఆధార్‌ కూడా లేని.. నాన్‌ రెసిడెంట్‌ ఆంధ్రాస్‌ నంది అవార్డులను విమర్శిస్తున్నారంటూ.. లోకేశ్‌ వ్యాఖ్యానించడంపై సినీపరిశ్రమ మండిపడుతోంది. ఈ క్రమంలో.. రచయిత, నటుడు పోసాని కృష్ణమురళి.. టెంపర్‌ సినిమాలో నటనకు గాను, తనకు ప్రకటించిన నంది అవార్డును తీసుకోబోనని స్పష్టం చేశారు. ఈ అంశంపై టెన్ టివిలో జరిగిన చర్చా వేదికలో తెలకపల్లి రవి (విశ్లేషకులు), త్రిపుర నేని చిట్టి (నటుడు, నిర్మాత), కత్తి మహేష్ (సినీ క్రిటిక్), బాబు రాజేంద్ర ప్రసాద్ (టిడిపి ఎమ్మెల్సీ) పాల్గొని అభిప్రాయాలు వ్యక్తం చేశారు. పూర్తి వివరాలకు వీడియో క్లిక్ చేయండి...

19:49 - November 21, 2017

నంది అవార్డుల వివాదం ముదురు పాకానపడుతోంది. విమర్శలు ప్రతివిమర్శలతో హోరెత్తిపోతోంది. ముఖ్యంగా ఏపీలో ఆధార్ కార్డులు లేనివారు నంది అవార్డులను విమర్శిస్తున్నారన్న లోకేష్‌ వ్యాఖ్యలపై సినీ పరిశ్రమ మండిపడుతోంది. లోకేశ్‌ వ్యాఖ్యలకు నిరసనగా.. రచయిత, నటుడు పోసాని కృష్ణమురళి.. తనకు ప్రకటించిన నంది అవార్డును తిరస్కరిస్తున్నట్లు ప్రకటించారు.

తెలుగు రాష్ట్రాల్లో నంది అవార్డుల వివాదంపై దుమారం రేగుతూనే ఉంది. ఇప్పటివరకు అవార్డులు దక్కనివాళ్లు.. అవార్డుల జూరీపైనా, ప్రభుత్వంపైనా విమర్శలు ఎక్కుపెడితే.. తాజాగా, అవార్డు వచ్చిన వారు సైతం విమర్శనాస్త్రాలు సంధిస్తున్నారు. ఇంతకాలం.. అవార్డుల ఎంపికపైనే వివాదం రగులుతూ వచ్చింది. అయితే, ఇప్పుడది ఏపీ మంత్రి నారా లోకేశ్‌ కేంద్రంగా మారింది. ఏపీలో ఆధార్‌ కూడా లేని.. నాన్‌ రెసిడెంట్‌ ఆంధ్రాస్‌ నంది అవార్డులను విమర్శిస్తున్నారంటూ.. లోకేశ్‌ వ్యాఖ్యానించడంపై సినీపరిశ్రమ మండిపడుతోంది. ఈ క్రమంలో.. రచయిత, నటుడు పోసాని కృష్ణమురళి.. టెంపర్‌ సినిమాలో నటనకు గాను, తనకు ప్రకటించిన నంది అవార్డును తీసుకోబోనని స్పష్టం చేశారు. సినిమా అవార్డులకు ప్రాంతీయతను ఆపాదించడం ఏంటని ఆయన ప్రశ్నించారు.

ప్రభుత్వం ప్రస్తుతం ప్రకటించిన నందిఅవార్డులను రద్దు చేయాలని డిమాండ్‌ చేసిన పోసాని కృష్ణమురళి.. నారా లోకేశ్‌పైనా తీవ్రస్థాయిలో విరుచుకుపడ్డారు. లోకేశ్‌ లాంటి మంత్రి ఉండడం తమ ఖర్మ అంటూ దుమ్మెత్తిపోసారు. నిజానికి, నంది అవార్డులు ప్రకటించిన నాటి నుంచే వివాదం రాజుకుంటూ వస్తోంది. జ్యూరీ సభ్యుల వ్యాఖ్యలు అనుమానాస్పదంగా ఉన్నాయంటూ డైరెక్టర్ గుణశేఖర్ తొలుత ధ్వజమెత్తారు. నంది అవార్డుల్లో తీవ్ర అన్యాయం జరిగిందన్న గుణశేఖర్, తన చారిత్రక చిత్రం రుద్రమదేవిని విస్మరించడాన్ని తీవ్రంగా ఆక్షేపించారు. అటు నిర్మాత నల్లమలుపు బుజ్జి, బండ్ల గణేశ్‌, రామ్‌గోపాల్‌వర్మ తదితరులు కూడా నంది అవార్డుల ఎంపిక కమిటీపై తీవ్ర విమర్శలు గుప్పించారు.

నంది అవార్డుల విషయం వివాదాస్పదం కావడంతో ఏపీ ప్రభుత్వం కూడా సంకటంలో పడింది. నంది అవార్డుల ప్రకటనతో పరువు పోయిందని సాక్షాత్తు ముఖ్యమంత్రి చంద్రబాబు ఆవేదన వ్యక్తం చేశారు. ఈ వ్యవహారంలో ఇంత రాద్దాంతం జరుగుతుందనుకుంటే ఐవీఆర్ఎస్‌ ద్వారా సర్వే చేసి అవార్డులు ప్రకటించేవారమని అన్నారు. జ్యూరీ ఎంపిక చేసిన వారికే అవార్డులు ప్రకటించామన్నారు. అయితే, ఇప్పుడు ప్రకటించిన అవార్డులను రద్దు చేసి.. కొత్తగా ఎంపిక చేపడతారా అన్న అంశంపై మాత్రం ప్రభుత్వం స్పష్టతనివ్వలేదు. 

Pages

Don't Miss

Subscribe to RSS - social justice