speech

17:07 - September 18, 2018

కర్నూల్ : కాంగ్రెస్ నిర్వహిస్తున్న సత్యమేవ జయతే సభలో కాంగ్రెస్ జాతీయ అధ్యక్షుడు రాహుల్ గాంధీ పాల్గొన్నారు. ఈ సందర్భంగా ఆయన మాట్లాడుతు..భారతదేశంలోనే తొలి దళిత ముఖ్యమంత్రి దామోదరం సంజీవయ్య అనీ..అందుకే ఢిల్లీ నుండి వచ్చిన వెంటనే సంజీవయ్యగారి నివాసానికి వెళ్లానని రాహుల్ గాంధీ తెలిపారు. జవహర్ లాల్ నెహ్రూ ప్రధానిగా వున్న సమయంలో సంజీవయ్యను సీఎంగా చేయాలనే ప్రతిపాదన వచ్చిందని రాహుల్ తెలిపారు. తెలుగు వారైన కోట్ల విజయభాస్కర్ రెడ్డి, నీలం సంజీవరెడ్డి, ప్రధానిగా పీవీ నర్శింహారావులను మీరు గెలిపించారనీ..నిజాయితీపరులైన నాయకులను మీరెప్పుడు గెలిపించారనీ..మాకు అవకాశం ఇస్తే అటువంటి నాయకులను కాంగ్రెస్ పార్టీ తయరు చేస్తుందని హామీ ఇస్తున్నాననీ రాహుల్ పేర్కొన్నారు. దేశానికే ఏపీ దశ, దిశ, నిర్ధేశం చేసిందన్నారు. కాంగ్రెస్ పార్టీకి ఏపీతో సుదీర్ఘమైన అనుబంధం వుందని రాహుల్ గుర్తు చేసుకున్నారు. 

 

18:30 - September 15, 2018

మహబూబ్ నగర్ : టీఆర్ ఎస్ ప్రభుత్వం మైనార్టీలకు 12 శాతం రిజర్వేషన్ ఎందుకు ఇచ్చిందని అమిత్ షా నిలదీశారు. ఎవరికి భయపడి 12 శాతం రిజర్వేషన్ ఇచ్చారని ప్రశ్నించారు. రిజర్వేషన్లు 50 శాతానికి మించి ఇవ్వడానికి వేళ్లేదని స్పష్టం చేశారు. ఎస్సీ, ఎస్టీ, ఓబీసీ రిజర్వేషన్లలో కోత పెట్టి మైనార్టీలకు 12 శాతం రిజర్వేషన్  ఇవ్వాలన్నారు. 2014లో గెలిస్తే దళితుడిని ముఖ్యమంత్రిని చేస్తానని కేసీఆర్ చెప్పారు..కానీ సీఎం సీట్లో ఎవరు ఉన్నారు?  ప్రశ్నించారు. 

 

17:32 - September 14, 2018

కర్నూలు : స్మార్ట్ వాటర్ గ్రిడ్ కు శ్రీకారం చుట్టాలని సీఎం చంద్రబాబు అన్నారు. జిల్లాలో నిర్వహించిన ’జలసిరికి హారతి’ కార్యక్రమంలో ఆయన మాట్లాడుతూ ఈ కార్యక్రమం భావితరాలకు సంబంధించినదన్నారు. నీరు ఉంటే బంగారం పండించే అవకాశం ఉంటుందని తెలిపారు. నీరు ఉంటే పెద్ద ఎత్తున పెట్టుబడులు వస్తయన్నారు. గోదావరి నదికి అఖండ హారతి ఇచ్చామని తెలిపారు. దేశంలో ఎక్కడా లేని విధంగా రెండు నదులు కలిపామని చెప్పారు. గోదావరి, కృష్ణా నదులను అనుసంధానం చేశామన్నారు. కృష్ణమ్మ తల్లికి జల హారతి ఇచ్చామని తెలిపారు. ఇప్పుడు జల హారతికి శ్రీకారం చుట్టామని పేర్కొన్నారు. అనంతపురంకు నీటిని తీసుకెళ్లడానికి లిఫ్టు ద్వారా తప్ప వేరే మార్గంలేదని చెప్పారు. కుప్పం వరకు నీరును తీసుకెళ్తామన్నారు.

వర్షపు నీటిని భూగర్భ జలాలుగా మార్చాలని సూచించారు. కర్నూలు జిల్లాలో 45 గొలుసు కట్టు చెరువులను పునరుద్ధరించామని తెలిపారు. దేశంలో వ్యవసాయరంగంలో ఏపీ నెంబర్ వన్ రాష్ట్రంగా ఉందని చెప్పారు. వేరుశనగ పంట ఎండిపోయి నష్టపోయిన రైతులను పూర్తిగా ఆదుకుంటామని భరోసా ఇచ్చారు. ’మన భవిష్యత్ మన చేతిలోనే ఉంది’ అని పేర్కొన్నారు. ప్రజల్లలో చైతన్యం తీసుకరావాలన్నారు. నీటి పరిశుభ్రతను కాపాడాలని సూచించారు. 

 

21:28 - October 7, 2017

హైదరాబాద్ : నిజాం కాలం నాటి నియంతృత్వ థోరణులు మళ్లీ పునరావృతమవుతున్నాయని సీపీఎం రాష్ట్ర కార్యదర్శి తమ్మినేని వీరభద్రం అన్నారు. . హైదరాబాద్‌ ఎస్వీకేలో మఖ్దూమ్‌ మోహినుద్దీన్‌ జీవితం-కవిత్వం పుస్తకాన్ని ఆవిష్కరించిన ఆయన.. పాలకులను ప్రశ్నించేందుకు అందరూ ఏకం కావాలని పిలుపునిచ్చారు. 

20:44 - October 7, 2017
21:20 - October 6, 2017

హైదరాబాద్ : తెలంగాణ ప్రభుత్వంపై అసత్య ప్రచారాలు మానుకోవాలని ముఖ్యమంత్రి కేసీఆర్‌ ప్రతిపక్షాలకు సూచించారు. ప్రతిచిన్న అంశంపైనా విపక్షాలు చిల్లర రాజకీయం చేస్తున్నాయని మండిపడ్డారు. ప్రభుత్వం చేసే ప్రతి పనిని విమర్శించడమే కాంగ్రెస్‌ లక్ష్యంగా పెట్టుకుందన్నారు. ప్రాజెక్డులకు కాంగ్రెస్‌ నేతలు అడుగడుగునా అడ్డుతగులుతున్నారని ఆరోపించారు. ప్రతి ఎన్నికల్లోనూ ప్రజలు ఛీకొడుతున్నా కాంగ్రెస్‌కు బుద్దిరావడం లేదని మండిపడ్డారు. సింగరేణి ఎన్నికల్లో టీబీజీకేఎస్‌ విజయం పట్ల కేసీఆర్‌ హర్షాన్ని, కార్మికులకు కృతజ్ఞతలనూ తెలిపారు.

సింగరేణి గుర్తింపు సంఘం ఎన్నికల్లో.. పాలక పక్షపు అనుబంధ యూనియన్‌.. టీబీజీకేఎస్ గెలుపొందడంపై.. ముఖ్యమంత్రి కేసీఆర్‌ సంతోషాన్ని వ్యక్తం చేశారు. ఈ సందర్భంగా, ప్రగతి భవన్‌లో మీడియాతో మాట్లాడుతూ.. సింగరేణి ఎన్నికల ఫలితం విపక్షాలకు చెంపపెట్టన్నారు. సింగరేణి ఎన్నికల్లో ఓటమితోనైనా ప్రతిపక్షాలు ప్రభుత్వంపై అసత్య ప్రచారాలు మానుకోవాలన్నారు. ప్రజా సమస్యల పరిష్కారంలో నిర్మాణాత్మక పాత్ర పోషించాలని సూచించారు. కార్మికులకు ఇచ్చిన ప్రతి హామీని తు.చ. తప్పకుండా అమలు చేస్తామన్నారు. కారుణ్య నియామకాల కింద డిపెండెంట్‌ ఉద్యోగాలు కల్పిస్తామన్నారు.

కాంగ్రెస్‌ పార్టీ నాయకులపైన కేసీఆర్‌ తీవ్రస్థాయిలో మండిపడ్డారు. సోషల్‌ మీడియాలో తనపై చిల్లర గ్యాంగ్‌తో విషపురాతలు రాయిస్తున్నారని ఆరోపించారు. తనను దొరంటూ పోస్టులు పెడుతున్నారని ఫైర్‌ అయ్యారు. తెలంగాణకు అసలు దొర ఉత్తమ్‌కుమార్‌రెడ్డేనని విమర్శించారు. ఉత్తమ్‌కుమార్‌రెడ్డిలోనే దొరతనపు ఛాయలు కనిపిస్తున్నాయని ఆరోపించారు. కాంగ్రెస్‌ నేతలు ప్రాజెక్టులకు అడ్డుపడుతున్నారన్న కేసీఆర్‌.. కాలేశ్వరంపై గ్రీన్‌ట్రిబ్యునల్‌లో స్టే తీసుకొచ్చింది దామోదర రాజనర్సింహేనని దుయ్యబట్టారు.

టీజేఏసీ చైర్మన్‌ కోదండరాంపైనా కేసీఆర్‌ తీవ్ర స్థాయిలో మండిపడ్డారు. కోదండరామ్‌ తనను తాను ఎక్కువగా ఊహించుకుంటున్నారని విమర్శించారు. కోదండరాం మొదటి నుంచీ టీఆర్‌ఎస్‌ వ్యతిరేకని, టీఆర్‌ఎస్‌ అధికారంలోకి రావడం ఆయనకు ఇష్టంలేదన్నారు. టీబీజీకేఎస్‌కు ఓట్లేస్తే సింగరేణి నాశనం అవుతుందని కోదండరాం ఎలా అంటారని ప్రశ్నించారు. దమ్ముంటే కోదండరాం ప్రత్యక్ష రాజకీయాల్లోకి రావాలని.. ఆయనకు జేఏసీ ముసుగెందుకని విమర్శించారు.

తన మిత్రుడు, పరిటాల రవీంద్ర తనయుడి వివాహానికి వెళ్లినంత మాత్రాన.. టీడీపీతో సాన్నిహిత్యమన్న ఊహాగానాలు ఎలా చేస్తారని ప్రశ్నించారు. తెలంగాణలో తెలుగుదేశం పార్టీ ఉనికే లేదని, పోతిరెడ్డిపాడు లాంటి అంశాల్లో ఆ పార్టీ స్థానిక నేతలు రాష్ట్రానికి అనుకూలంగా స్పందించడం లేదని కేసీఆర్‌ అన్నారు. ఇక రాష్ట్రంలో కొత్త పార్టీ ప్రస్తావనే లేదని, వ్యక్తులు పార్టీ పెడితే నడిచే పరిస్థితి ఉండదని కేసీఆర్‌ అన్నారు.

కాళేశ్వరంపై గ్రీన్‌ ట్రైబ్యునల్‌ తీర్పుపై సుప్రీంకోర్టును ఆశ్రయిస్తామని ముఖ్యమంత్రి కేసీఆర్‌ తెలిపారు. మూడేళ్లలోనే బంగారు తెలంగాణ సాధ్యంకాదని.. ఆ దిశగా ప్రయత్నాలు చేస్తున్నామని కేసీఆర్‌ స్పష్టం చేశారు. త్వరలోనే లక్షా 12వేల ఉద్యోగాలను భర్తీ చేస్తామని ప్రకటించారు. సింగరేణిని బొగ్గుకే కాకుండా మిగతా రంగాలకు విస్తారిస్తామని చెప్పారు. బయ్యారం గనులను సింగరేణికి అప్పగిస్తామని కేసీఆర్‌ స్పష్టం చేశారు. 

17:08 - October 6, 2017

హైదరాబాద్ : టీజేఏసీ ఛైర్మన్, ప్రొ.కోదండరాంపై తెలంగాణ రాష్ట్ర ముఖ్యమంత్రి కేసీఆర్ తీవ్ర విమర్శలు చేశారు. కోదండరం అందాగున్..పాగల్ కామా కర్రే అంటూ ఎద్దేవా చేశారు. సింగరేణి ఎన్నికల ఫలితాలపై ఆయన ప్రెస్ మీట్ లో మాట్లాడారు. ఈ సందర్భంగా విలేకరులు అడిగిన ప్రశ్నలకు ఆయన సమాధానం ఇచ్చారు. కోదండరాంపై ఓ విలేకరి అడిగిన ప్రశ్నకు తీవ్రంగా స్పందించారు. ‘ఉస్ కే సర్ పై జునూన్ చడావుహై...శత్రువులకు పనిచేస్తున్నాడు'..అంటూ ఆగ్రహం వ్యక్తం చేశారు. ఎవరు ఏం చేస్తున్నారో..ఎందుకు చేస్తున్నారో ప్రజలకు చెప్పాల్సినవసరం ఉందన్నారు. ఎక్స్ ట్రా ఊహించుకుని పరేషాన్..అయితున్నాడని..సింగరేణి నాశనం అయితదా అని మాట్లాడుతడా ? అని ప్రశ్నించారు. టీజేఏసీకి పేరు పెట్టింది తానేనని తెలిపారు. 

రాష్ట్రంలో డబుల్ బెడ్ రూంలు నిర్మాణం చేస్తున్నామని పేర్కొన్నారు. రాజీకయ ముసుగు వేసుకుని జైరాం రమేష్..అందరూ కలిసి మేనిఫెస్టో రాశారని, ఈ చరిత్ర అందరికీ తెలుసన్నారు. టీఆర్ఎస్ అంటే వ్యతిరేకమని, టీఆర్ఎస్ అధికారంలోకి రావద్దని ఆకాంక్షించి కాంగ్రెస్ ను పోగు చేశారని తెలిపారు. అసలు ఈయన బాధ ఏంటీ అని ఏం వంకర పోవట్టే..రాజకీయ బిమారందని విమర్శలు గుప్పించారు. ఇంకా ఏమి మాట్లాడారో వీడియో క్లిక్ చేయండి. 

16:52 - October 6, 2017

హైదరాబాద్ : బయ్యారం గనులను సింగరేణికి అప్పగించే అవకాశాన్ని పరిశీలిస్తామని సీఎం కేసీఆర్ పేర్కొన్నారు. అతి పెద్ద పారిశ్రామిక వేత్త అయిన అదానీ తనతో కొన్ని విషయాలు మాట్లాడడం జరిగిందని, గనుల తవ్వకాల్లో..నిర్వాహణలో కోల్ ఇండియా కంటే ఉత్తమమైనదని సింగరేణి అని తెలిపారు. ప్రముఖ పారిశ్రామిక వేత్త ఆదాని గ్రూపు తన దగ్గరకు వచ్చాడని..కరెంటు ఎందుకు పెట్టరని...ఆస్ట్రేలియాలో మైన్స్ ఉందని..సింగరేణి గ్రేడ్ ఉద్యోగస్తులు పనిచేస్తారని పేర్కొన్నారని తెలిపారు. కానీ ప్రైవేటుకు ఇవ్వమని స్పష్టంగా చెప్పడం జరిగిందని..ప్రభుత్వ రంగ సంస్థలను కాపాడుకుంటామని చెప్పడం జరిగిందన్నారు. ఆర్టీసీ..కరెంటు సంస్థలు..సింగరేణి కానీ ఏదైనా ప్రభుత్వ రంగ సంస్థలను కాపాడుకుంటామని, ఇంకా కంపెనీలను విస్తరిస్తామన్నారు. అరడజను మైన్స్ ను వెంటనే శంకుస్థాపన చేస్తామని తెలిపారు. అండర్ గ్రౌండ్ తో నష్టం వస్తుందని..ఓపెన్ కాస్టుతో లాభం ఎక్కువగా వస్తుందన్నారు. ఓపెన్ కాన్స్ట్ మైన్స్ తో వచ్చే లాభంతో సింగరేణి నడుస్తోందని, ఇది కార్మికులు గుర్తించాలన్నారు. కానీ అండన్ గ్రౌండ్ మూసివేయడం జరగదని..కొత్త అండర్ గ్రౌండ్స్ ను సృష్టిస్తామన్నారు. ఆర్టీసీలో కార్మికులకు బోర్డులో ఎలా భాగం కల్పిస్తున్నామో అలాగే సింగరేణి బోర్డులో కూడా కార్మికులకు అవకాశం కల్పిస్తామని..ఇందుకు చట్టాలు సవరించాల్సి వచ్చినా చేస్తామని సీఎం కేసీఆర్ పేర్కొన్నారు. 

16:42 - October 6, 2017

హైదరాబాద్ : సింగరేణి కార్మికులకు ఇచ్చిన హామీలను అమలు చేసి తీరుతామని తెలంగాణ రాష్ట్ర ముఖ్యమంత్రి కేసీఆర్ స్పష్టం చేశారు. టీజీబీకేఎస్ ను గెలిపించినందుకు సింగరేణి కార్మికులకు ఆయన ధన్యవాదాలు తెలియచేశారు. సింగరేణి ఎన్నికల ఫలితాల అనంతరం శుక్రవారం సీఎం కేసీఆర్ ప్రెస్ మీట్ నిర్వహించారు. ఈసందర్భంగా ప్రతిపక్షాల తీరుపై ఆయన తీవ్రంగా మండిపడ్డారు. సింగరేణి కార్మికులు పాత ఆలోచనల నుండి బయటకు రావాలని, టీఆర్ఎస్ ప్రభుత్వం వచ్చినప్పటి నుండి ప్రతిపక్షాలు అడ్డగోలుగా మాట్లాడుతున్నాయన్నారు. ప్రజాజీవితంలో..రాజకీయాల్లో మాట్లాడిన మాటలు కావన్నారు. సింగరేణి ఎన్నికల్లో ప్రతిపక్షాలు పూర్తి అబద్దాలు చెప్పారని, 1998-2000లో వారసత్వ ఉద్యోగాలు తొలగించడంలో గతంలో ఉన్న సంఘాలే కారణమన్నారు. వీటిని పునరుద్దరించేందుకు తాము ప్రయత్నించినట్లు, ఇచ్చేందుకు ప్రయత్నిస్తున్నట్లు తెలిపారు. తమకు ప్రయత్నామ్నాయమని బీజేపీ నేతలు చంకలు గుద్దుకున్నారని, కానీ సింగరేణిలో ఎన్ని ఓట్లు వచ్చాయో చూసుకోవాలని ఏద్దేవా చేశారు. ప్రతిపక్షాలకు ఏజెండా ఎత్తుకోవాల్సి వస్తలేదన్నారు. ప్రతిపక్షాలు నిర్ణయాత్మకంగా వ్యవహరించాలని సూచించారు.

తాము చేసిన కార్యక్రమాలు..ఎన్నికల్లో గెలవడం చరిత్రలో నిలిచిపోతుందన్నారు. జర్నలిస్టులు కూడా ప్రభుత్వం చేపట్టే మంచి కార్యక్రమానికి మద్దతు తెలియచేయాలని సూచించారు. రైతుల ఆత్మహత్యలు ఆపాలని ఎకరానికి రూ. 8వేలు ఇస్తామని, భూముల రికార్డు తీయాలని ప్రభుత్వం ఆదేశిస్తే ప్రతిపక్షాలు ఇష్టమొచ్చినట్లుగా మాట్లాడాయన్నారు. స్థానిక సంస్థలు నిర్వీర్యం అవుతాయని ప్రతిపక్షాలు విమర్శలు గుప్పిస్తున్నాయని, ఈ విమర్శలకు అర్థం ఉందా అని ప్రశ్నించారు. రైతు సమన్వయ సమితి విషయంలో కోర్టుకు వెళ్లాయని..స్థానిక సంస్థలకు ఈ విషయంలో సంబంధం లేదని కొట్టిపారేశారు.

ఇటీవలే గవర్నర్ దగ్గరకు వెళితే ప్రతిపక్షాలు చేసిన విమర్శలు..ఆరోపణలు తన దృష్టికి తీసుకొచ్చారని తెలిపారు. ఈ విషయంలో గవర్నర్ ఏదైనా జిల్లాలో పర్యటించి వాస్తవ పరిస్థితులు తెలుసుకోవాలని తాను కోరడం జరిగిందన్నారు. వెంటనే రెండు జిల్లాలను ఎంచుకున్న గవర్నర్ పర్యటన అనంతరం ప్రభుత్వాన్ని కొనియాడారన్నారు. కారుణ్య నియామకాల కింద తాము ఉద్యోగం ఇప్పించేందుకు ప్రయత్నిస్తామని, అంతేగాకుండా వీఆర్ఎస్ తీసుకునే విషయంలో డబ్బులు ఇస్తామని, ఇచ్చిన హామీలు తు.చ తప్పకుండా అమలు చేస్తామన్నారు. సింగరేణి 45 శాతానికి పైగా మెజార్టీ సాధించి గెలవడం శుభ పరిణామమన్నారు.

కాళేశ్వరం విషయంలో కూడా కోర్టుకు వెళ్లారని, పనులు ఆపాలని ఎన్జీటీ మధ్యంతర ఆదేశాలు ఇవ్వడం జరిగిందని దీని వెనుక మాజీ డిప్యూటి సీఎం దామోదర రాజనర్సింహ ఉన్నారని..ఇది అందరికీ తెలిసిందేన్నారు. రోజుకు ఆరు లక్షల రూపాయలు ఇచ్చి న్యాయవాదిని పెట్టుకొనే స్థోమత రైతుకు ఉంటుందా అని ప్రశ్నించారు.

ఇక సోషల్ మీడియాలో చిల్లర గ్యాంగ్ పెట్టుకున్నారని, ఎక్కువ వర్షం పడితే అవస్థలు రావా ? హైదరాబాద్ డల్లాస్ అయ్యిందంటూ ఇష్టమొచ్చినట్లుగా పోస్టులు పెడుతున్నారని అక్కసు వెళ్లగక్కారు. అంతేగాకుండా గొర్రెల పంపకంలో గొర్రె..బర్రె..దొర అంటూ ఇష్టమొచ్చినట్లు..కూతలు కూస్తున్నారని..ఇలానే చేస్తే అందర్నీ బుక్ చేస్తామని సీఎం కేసీఆర్ హెచ్చరించారు. తాటిపాముల ఊరులో గడియ ఉందని.. ఉత్తమ్ దొర అని మండిపడ్డారు. నా ఇల్లు గడియ అంటారా ? ఇంత అసహనమా ? అని ప్రశ్నించారు. రాజకీయాల్లో కులాలు ఉంటాయా ? కులం విషయంలో టిపిసిసి అధ్యక్షుడు మాట్లాడవచ్చా ? అని నిలదీశారు. 

21:22 - August 15, 2017

Pages

Don't Miss

Subscribe to RSS - speech