state government

06:46 - February 13, 2018

రైతుకి సంబంధించి కేంద్ర రాష్ట్ర ప్రభుత్వాలు ఎన్ని హామీలు గుప్పిస్తున్నా అవి మాటల్లోనే ఉంటున్నాయి తప్ప రైతు పండించిన పంటకు కనీస మద్దతు ధర కూడా దక్కడం లేదు. తాజాగా పసుపు, ఎర్రజొన్న రైతులు మద్దతు ధర కోసం తెలంగాణలో ఆందోళనకు దిగారు. వాస్తవానికి ఏ పంట చేతికివచ్చినా మద్దతు ధర కోసం ఆందోళన చేయడం గత కొన్నాళ్లుగా చూస్తూనే ఉన్నాం. మరి రైతుకి ఈ కష్టం ఎందుకు దాపురించింది. పాలకులు చెబుతోన్న మాటలు ఏమవుతున్నాయి. ఈ విషయాలపై టెన్ టివి జనపథంలో రైతు సంఘం తెలంగాణ ప్రధాన కార్యదర్శి సాగర్‌ విశ్లేషించారు. పూర్తి వివరాలకు వీడియో క్లిక్ చేయండి. 

13:52 - December 29, 2017

కృష్ణా : విజయవాడ కేంద్రంగా గుట్కా మాఫియా చెలరేగిపోతుంది. రాష్ట్రంలోని అన్ని నగరాలు,.. గ్రామీణ ప్రాంతాలకు యధేచ్చగా గుట్కా, పాన్‌ మసాలాల దందా కొనసాగుతోంది. అక్రమంగా కోట్ల రూపాయల క్రయవిక్రయాలను జరుగుతున్నాయి.
మాదకద్రవ్యాల అడ్డాగా బెజవాడ
మాదక ద్రవ్యాలకు బెజవాడ అడ్డాగా మారుతోంది. నిఘా వ్యవస్థకే సవాల్ విసురుతూ బెజవాడ కేంద్రంగా ప్రజలకు హాని కల్గించే వాటిని గుట్టుచప్పుడు కాకుండా.. గుట్కా మాఫియా తరలిస్తోంది. ఒకటి కాదు రెండు కాదు ఏకంగా టన్నులకొద్ది గుట్కా, గంజాయి, మాదక ద్రవ్యాలను విచ్చలవిడిగా.. సరఫరా చేస్తున్నారు. ఈ మధ్యనే భారీ ఎత్తున గుట్కా పట్టుబడడమే దీనికి నిదర్శనం. 
నిద్రావస్థలో నిఘా వ్యవస్థ
గత మూడేళ్లుగా గుట్కా, గంజాయి, మాదక ద్రవ్యాలను వ్యాన్లు, మినీ ఆటోలు, ట్రక్కులు, లారీల్లో అక్రమంగా జిల్లాలు, రాష్ట్రాలకు సరఫరా చేస్తున్నారు. నగరాన్ని టార్గెట్ చేసుకుని తమ వ్యాపార సామ్రాజ్యాన్ని విస్తరించుకుంటూపోతుంది గుట్కా మాఫియా. పగలు, రాత్రి తేడా లేకుండా గుట్కాల తరలింపు అడ్డగోలుగా జరుగుతోంది. అయితే.. ఇంత జరుగుతున్నా పసిగట్టి పట్టుకోవాల్సి నిఘా వ్యవస్థ నిద్రావ్యవస్థలో మునిగిపోయింది. 
ఒడిశా నుండి విజయవాడకు సరఫరా
ఒడిశాలోని బరంపురం, రాయగడ, నవరంగపూర్ తదితర ప్రాంతాల నుంచి.. విజయనగరం, శ్రీకాకుళం జిల్లాల మీదుగా విశాఖపట్నం, రాజమహేంద్రవరం, విజయవాడకు పోలీసుల కళ్లుగప్పి గుట్కా లోడ్‌లను తీసుకువస్తున్నారు. తమిళనాడులోని చెన్నై పరిసర ప్రాంతాల నుంచి నెల్లూరు, ఒంగోలు, గుంటూరు, కృష్ణాజిల్లాకు తరలి వస్తోంది.  అటు బెంగళూరు నుంచి అనంతపురం, బళ్లారి నుంచి కర్నూలు జిల్లాకు, ఈశాన్య రాష్ట్రాలు, ఢిల్లీ తదితర ప్రాంతాల నుంచి విజయవాడ, గుంటూరుకు సరుకు యథేచ్ఛగా  సరఫరా అవుతోంది. 
గుట్కాపై కేంద్ర ప్రభుత్వం నిషేధం
ప్రాణాంతక గుట్కాపై ఐదారేళ్ల క్రితమే కేంద్ర ప్రభుత్వం నిషేధం విధించింది. ఏపీలో గుట్కా, పాన్‌ మసాలాలను నిషేధిస్తూ 2013 జనవరిలో రాష్ట్ర ప్రభుత్వం ఉత్తర్వులు జారీ చేసింది. నిషేధం అమలు బాధ్యత వైద్య ఆరోగ్యం, విజిలెన్స్ అండ్‌ ఎన్‌ఫోర్స్‌ మెంట్‌, వాణిజ్య పన్నులు, పోలీస్, రవాణా శాఖలు తీసుకోవాల్సి ఉంది. ఆరోగ్యాన్ని పాడుచేసే విషపూరిత గుట్కాలను అమ్మినా, కొనుగోలు చేసినా సెక్షన్‌270, 273 కింద నేరంగా పరిగణించబడుతోంది.
గుట్కా విక్రయాలపై మండిపడుతున్న స్థానికులు
గుట్కాలు యధేచ్చగా విక్రయించడం ద్వారా.. ప్రజలు క్యాన్సర్‌ బారిన పడుతున్నారని స్థానికులు మండిపడుతున్నారు. గుట్కాలపై నిషేధం ఉన్నప్పటికీ... విజయవాడలో యదేచ్చగా విక్రయాలు కొనసాగడంపై ప్రజలు ఆగ్రహం వ్యక్తం చేస్తున్నారు. 
మాఫియా భారీ ఎత్తున వ్యాపారం 
పోలీస్ వ్యవస్థకు, నిఘా వ్యవస్థకు సవాల్ విసురుతు.. మాఫియా భారీ ఎత్తున వ్యాపారం కొనసాగిస్తోంది. దేశంలో ఇప్పటికే క్రైమ్‌రేటులో విజయవాడ పేరుండగా... తాజాగా గుట్కా, గంజాయి, మాదక ద్రవ్యాల సిటీగా మారుతోంది. ఇప్పటికైనా అధికారులు గుట్కా మాఫియను అరికట్టి... ప్రజల ఆరోగ్యాలతో పాటు.. నగర ప్రతిష్టను  కాపాడాలని పలువురు కోరుతున్నారు. 

21:34 - December 27, 2017

హైదరాబాద్ : ముస్లిం మైనార్టీల పట్ల అటు కేంద్రంలోని మోడీ సర్కార్.. తెలంగాణలోని కేసీఆర్ ప్రభుత్వం నిర్లక్ష్యం వహిస్తున్నాయని ఆవాజ్ తెలంగాణ రాష్ట్ర కార్యదర్శి ఎండీ అబ్బాస్ విమర్శించారు. హైదరాబాద్ పాతబస్తీలో ఆవాజ్ తెలంగాణ రాష్ట్ర మొదటి మహాసభ నిర్వహించారు. ఈ కార్యక్రమంలో ప్రొ.విశ్వేశ్వరరావు, సీపీఎం రాష్ట్ర కార్యదర్శివర్గ సభ్యులు డీజీ నర్సింగరావు, ఆవాజ్ నేతలు హాజరయ్యారు. తెలంగాణలో పేదరికంలో ఉన్న ముస్లిం మైనార్టీలను కేసీఆర్ ప్రభుత్వం ఆదుకోవాలని అబ్బాస్ కోరారు. లేదంటే భవిష్యత్‌లో పోరాటాలు చేస్తామని ఆయన హెచ్చరించారు. 

08:59 - December 18, 2017

ఇంధన వనరులను పొదుపు చేయాలని ఎనర్జీ ప్రోఫెషనల్‌ ఎక్సిక్యూటివ్‌ ఇంజనీర్‌ ఇనుగుర్తి శ్రీనివాసాచారి అన్నారు. డిసెంబర్‌ 14 జాతీయ ఇంధన వనరుల పొదుపు దినోత్సవం నుండి నడుస్తున్న ఇంధన వనరుల పొదుపు వారోత్సవాల సందర్భంగా ఇదే అంశంపై నిర్వహించిన జనపధం ప్రత్యేక చర్చలో ఆయన పాల్గొని, మాట్లాడారు. ఇంధన వనరులు తరిగిపోతున్నాయా.. వాటిని కాపాడుకోవాల్సిన తక్షణ బాద్యత మనమీద ఉందా... ఏ రకంగా సహజ వనరుల్ని కాపాడుకుంటే భవిష్యత్‌ తరాలకు మంచి చేసిన వాళ్లమవుతాం. ఈ ప్రశ్నలు ఇప్పడు తన చర్చ పరిధిని పెంచుకుంటున్నాయి. మరిన్ని వివరాలను వీడియోలో చూద్దాం....

 

07:53 - December 18, 2017

మంచిర్యాల : జిల్లా కేంద్రంలో కామ్రెడ్స్‌ కదం తొక్కారు. జిల్లా ప్రధమ మహాసభలకు సీపీఎం శ్రేణులు పెద్ద ఎత్తున హాజరైయ్యాయి. తెలంగాణ సీపీఎం రాష్ట్ర కార్యదర్శి తమ్మినేని వీరభద్రం మహాసభలకు హాజరై ప్రసంగించారు. కేంద్ర, రాష్ట్ర ప్రజావ్యతిరేక విధానాలపై పోరాడతామని తమ్మినేని అన్నారు. జీఎస్టీ రూపంలో మధ్య తరగతి ప్రజలపై మోయలేని భారం వేశారని తమ్మినేని విమర్శించారు. 70ఏళ్లుగా అధికారంలో ఉన్న కాంగ్రెస్‌ ప్రజలను ఆర్థికంగా ముందుకు నడపలేక పోయిందన్నారు. దేశ ప్రగతికి వామపక్షాలే ప్రత్యామ్నా యమని తమ్మినేని అన్నారు. 

 

18:48 - November 20, 2017

హైదరాబాద్ : కాంగ్రెస్‌ను భూస్థాపితం చేస్తామన్న మంత్రి కేటీఆర్ వ్యాఖ్యలపై మండలి ప్రతిపక్ష నేత షబ్బీర్ ఆలి మండిపడ్డారు. కేటీఆర్ స్థాయికి మించిన మాటలు మానుకోవాలని ఆయన హితువు పలికారు. మోదీ పాలనతో విసిగిన జనాలు.. కాంగ్రెస్‌ వైపు చూస్తున్నారని.. ఈ తరుణంలో రాహుల్ పార్టీ అధ్యక్ష పదవి చేపట్టడం ఎంతో శుభపరిణామని షబ్బీర్ ఆలీ అన్నారు.

18:47 - November 20, 2017

హైదరాబాద్ : కాంగ్రెస్‌ సీనియర్‌ నేత వి. హనుమంతరావు కేంద్ర, రాష్ట్ర ప్రభుత్వాలపై విమర్శలు ఎక్కుపెట్టారు. ఇందిరాగాంధీ శతజయంతి ఉత్సవాలు జరపకుండా ఆమెను అవమానపరుస్తున్నారని మండిపడ్డారు. ఇందిరమ్మను అవమానపరిచిన మోదీ, కేసీఆర్‌కు ప్రజలే బుద్ది చెబుతారన్నారు. కాంగ్రెస్‌ను భూస్థాపితం చేస్తానంటున్న కేటీఆర్‌...నోరును అదుపులో పెట్టుకోవాలని హెచ్చరించారు. 

08:20 - November 6, 2017

గ్యాస్ సిలిండర్ ధర తగ్గించాలని ఐద్వా ఏపీ రాష్ట్ర నాయకురాలు గాదె ఆదిలక్ష్మి డిమాండ్ చేశారు. గ్యాస్ పై సబ్సిడీ ఎత్తివేత ఆలోచన విరమించుకోవాలన్నారు. ఇదే అంశంపై నిర్వహించిన చర్చా కార్యక్రమంలో ఆమె పాల్గొని, మాట్లాడారు. 'కేంద్రం మరోసారి సామాన్యుని వీపుపై గ్యాస్‌ బండ ను మోపింది. గ్యాస్‌ మీద ఉన్న సబ్సిడీని క్రమంగా ఎత్తివేయాలని గత సంవత్సరం జూలైలో కేంద్రం తీసుకున్న విషయం తెలిసిందే.. అప్పటినుండి తాజాగా పెరుగుదల వరకూ గ్యాస్‌ సిలిండర్‌ ధర 19సార్లు పెరిగింది. తాజాగా పెంచిన రూ.4.50తో నాన్‌ సబ్సిడీ సిలిండరు ధర రూ.742 గానూ, సబ్సిడీ సిలిండరు ధర రూ.495కు గానూ చేరింది. పెరిగిన ధరలు సామాన్యుని గుండెల్లో భయాన్ని పుట్టిస్తున్నాయి'. ఈ అంశాలపై ఆదిలక్ష్మి మాట్లాడారు. మరిన్ని వివరాలను వీడియోలో చూద్దాం...

 

08:12 - November 6, 2017

వరంగల్ : భూమి పుత్రులు దగా పడుతున్నారు. కష్టాల కాలం అన్నదాతను వెంటాడుతోంది. అన్నదాతకు మార్కెట్‌లో దోపిడీ తప్పడం లేదు. నాణ్యత పేరుతో అరాచకం రాజ్యమేలుతోంది. సీసీఐ కేంద్రాల్లో దళారుల చేతిలో రైతులు నిలువునా మోసపోతున్నారు. వారికి మద్దతు మచ్చుకైనా కనిపించడం లేదు.  తెల్ల బంగారమంటూ మురిసిపోతున్న రైతును కదిలిస్తే కన్నీటి సుడులు తిరుగుతున్నాయి.  మార్కెట్లోకొచ్చి తెల్లబోతున్న కాటన్‌ రైతుపై 10టీవీ ప్రత్యే కథనం..
పత్తికి దక్కని మద్దతు ధర
ఉమ్మడి వరంగల్‌ జిల్లాలో  తెల్ల బంగారాన్ని పండించిన రైతన్నల ముఖాలు ధరలు లేక తెల్లబోతున్నాయి. సీసీఐ కేంద్రాలు ఏర్పాటు చేశామని గొప్పలు చెబుతున్నా.. అవి నామమాత్రంగానే పనిచేస్తున్నాయి. వరంగల్‌లోని ఎనుమాముల మార్కెట్‌కు వచ్చిన వందలాది మంది కర్షకులకు క్వింటాకు కేవలం  3000 లోపే ధర దక్కుతోంది. మరికొందరి పరిస్థితి మరీ అధ్వానం. పత్తి నాసిరకంగా ఉందని చెప్పి కేవలం  1800 మాత్రమే చెల్లిస్తున్నారు. 4320 మద్దతు ధర దక్కుతుందనే ఆశతో వచ్చిన అన్నదాతలకు మార్కెట్‌లో నిరాశే మిగులుతోంది.  నాణ్యతను సాకుగా చూపి సరకును తిరస్కరిస్తుండడంతో హలధారులు కన్నీళ్లు పెట్టుకుంటున్నారు.
పత్తికొనుగోళ్లలో అక్రమాలకు పాల్పడుతున్న దళారులు
వరంగల్ జిల్లాలో 15 వ్యవసాయ మార్కెట్‌ కమిటీలున్నాయి. ఇక్కడ సీసీఐ కొనుగోలు కేంద్రాలున్నా ఇప్పటి వరకు ఎక్కడా పత్తి కొనుగోళ్లు పూర్తి స్థాయిలో ప్రారంభం కాలేదు. దీంతో దళారుల రాజ్యం నడుస్తోంది.  రైతులు దళారులను ఆశ్రయించక తప్పడం లేదు. దళారులు ఇష్టారాజ్యంగా తూకంలోనూ, ధర చెల్లింపులోనూ, తేమ శాతం కోతలోనూ అక్రమాలకు పాల్పడుతున్నారు. డబ్బులు ఇవ్వడంలోనూ జాప్యం చేస్తున్నారు. పెద్దగా పెట్టుబడి, శ్రమ లేకుండా రైతులను  నిలువునా దోచుకుంటున్నారు.
ఎనుమాముల మార్కెట్‌కు లక్ష క్వింటాళ్ల పత్తి
వరంగల్‌ అర్బన్‌, రూరల్‌, జనగామ, జయశంకర్‌, మహబూబాబాద్‌... జిల్లాల్లోని ప్రధాన పత్తి మార్కెట్లలోనూ 'మద్దతు' జాడ లేదు. కేసముద్రం లాంటి ప్రధాన మార్కెట్ లో కేవలం 3000లోపే ధర పలికింది. మిగతా చోట్ల కూడా పరిస్థితి ఇలాగే ఉంది. ఎనుమాములకు ఇప్పటి వరకు లక్ష క్వింటాళ్లకు పైగానే పత్తి వచ్చింది. ఇందులో సీసీఐ కేవలం 23,000 క్వింటాళ్లే కొనుగోలు చేసింది. అంటే వచ్చిన దాంట్లో పావు శాతం కూడా కొనడం లేదనేది స్పష్టమవుతోంది. ఇటీవల జనగామ జిల్లా స్టేషన్‌ఘన్‌పూర్‌లో కేంద్రం ప్రారంభమైనా కొన్నది కేవలం 30 క్వింటాళ్లే.
ఇతర రాష్ట్రాలకన్నా తెలంగాణలో తక్కువగా మద్దతు ధర
దేశంలో పత్తి ధరలతో పోలిస్తే... తెలంగాణలోనే మద్దతు ధర అతి తక్కువగా రైతులుకు దక్కుతోందని ఇండస్ట్రీ బాడీ కాటన్‌ అసోసియేషన్‌ ఆఫ్‌ ఇండియా నివేదిక స్పష్టం చేసింది. పంజాబ్‌లో క్వింటాకు 5000  మద్దతు ధర లభిస్తుండగా... కర్ణాటక, మహారాష్ట్ర లో 4500 పైబడి కొనుగోలు చేస్తున్నారు. కానీ మన రాష్ట్రంలో పత్తికొనుగోళ్లలో దళారులదే రాజ్యం. రైతులను అందినకాడికి అడ్డంగా దోచుకుంటున్నారు. తేమ, నాసిరకమనే సాకులు చూపుతూ తక్కువ ధరకు కొనుగోలు చేస్తూ సొమ్ము చేసుకుంటున్నారు. 
స్వరాష్ట్రంలోనూ మాకు న్యాయం : అన్నదాతలు  
స్వరాష్ట్రంలోనూ తమకు న్యాయం జరుగడం లేదని అన్నదాతలు ఆవేదన చెందుతున్నారు. పంటకు పెట్టిన పెట్టుబడులు రావడంలేదని వాపోతున్నారు. చేసిన అప్పులు తీర్చే దారి తెలియడం లేదని విలపిస్తున్నారు. ఇప్పటికైనా ప్రభుత్వం కేంద్రం ప్రకటించిన మద్దతు ధర ప్రకారం పత్తికొనుగోలు చేయాలని కోరుతున్నారు.
 

12:32 - April 11, 2017

హైదరాబాద్: 'గర్భనిరోధక ఇంజక్షన్లు' ఎంత వరకు సేఫ్ ఇదే అంశం పై మానవి 'వేదిక'లో చర్చను చేపట్టింది. ఈ చర్చలో జనవిజ్ఞానవేదిక నేత డాక్టర్ రమ, బఠీపడావో..భేటీ బచావో స్టేట్ కన్వీనర్ గీతామూర్తి పాల్గొన్నారు. పూర్తి వివరాల కోసం ఈ వీడియోను క్లిక్ చేయండి..

Pages

Don't Miss

Subscribe to RSS - state government