students

21:03 - July 14, 2018

తూర్పుగోదావరి : జిల్లాలో విషాదం చోటు చేసుకుంది. పశువుల్లంక వద్ద.. గోదావరి నదిలో నాటుపడవ బోల్తాపడ్డ ఘటనలో ఆరుగురు విద్యార్థులు గల్లంతయ్యారు. వీరి కోసం గాలింపు ముమ్మరం చేశారు. ప్రమాదం నుంచి 24 మందిని రక్షించారని, నదిలో దూకిన మరో ఆరుగురి కోసం గాలింపు చర్యలు చేపట్టి నట్లు ప్రభుత్వం ప్రకటించింది. సలాదివారిపాలెం లంక నుంచి పశువుల్లంకకు సుమారు 30 మందితో బయల్దేరిన ఈ నాటు పడవ మొండిల్లంక రేవు వద్ద నిర్మాణంలో ఉన్న వంతెన పిల్లర్‌కు తగలడంతో...బోల్తా పడింది.

ప్రయాణికుల్లో ఎక్కువ మంది పదో తరగతి లోపు విద్యార్థులే ఉన్నారు. ప్రమాదాన్ని ఊహించిన కొందరు విద్యార్థులు.. అందుబాటులో ఉన్న పిల్లర్‌ ఎక్కి ప్రాణాలు కాపాడుకున్నారు. మరికొంత మందిని స్థానిక మత్స్యకారులు ఒడ్డుకు తీసుకు వచ్చారు. పడవ ప్రమాదం గురించి తెలియగానే.. రెవిన్యూ, పోలీసు అధికారులు హుటాహుటిన ఘటనాస్థలికి చేరుకున్నారు. గల్లంతైన వారి ఆచూకీ కోసం గాలింపు చర్యలు చేపట్టారు.

సముద్రానికి దగ్గరగా ఉండే వృద్ధ గౌతమిపాయ వద్ద.. సలాదివారిపాలెం లంకరేవు నుంచి పశువుల్లంకకు వెళుతుండగా పడవ ప్రమాదం జరిగింది. ఎగువన ఎడతెరిపి లేకుండా వర్షాలు కురుస్తుండడం.. ధవళేశ్వరం నుంచి వస్తున్న వరద నీటి కారణంగా ప్రవాహం ఉధృతంగా ఉంది. వరదనీరు.. ఈ రేవు గుండానే వెళ్లి సముద్రంలో కలుస్తుందని స్థానికులు చెబుతున్నారు. వరద ఉధృతి కారణంగా.. నాటు పడవ సరంగు అదుపు తప్పి.. పిల్లర్‌కు ఢీకొన్నట్లు భావిస్తున్నారు. మరోవైపు.. నాటు పడవ ప్రమాదంపై ముఖ్యమంత్రి చంద్రబాబు తీవ్ర దిగ్భ్రాంతిని వ్యక్తం చేశారు. సహాయక చర్యలు చేపట్టాలని ఉన్నతాధికారులను ఆదేశించారు. ముఖ్యమంత్రి ఆదేశాల మేరకు హోంమంత్రి నిమ్మకాయల చినరాజప్ప, తూర్పుగోదావరి జిల్లా కలెక్టర్‌, ఎస్పీ ప్రమాద స్థలాన్ని చేరుకుని... గాలింపు చర్యలను పర్యవేక్షించారు. మరోవైపు పడవ ప్రమాదంపై వైసీపీ అధినేత జగన్‌, ఏపీసీసీ అధ్యక్షుడు రఘువీరారెడ్డి, వామపక్ష నేతలు దిగ్భ్రాంతి వ్యక్తం చేశారు.  

18:20 - July 14, 2018

తూర్పుగోదావరి : ఆ వంతెన ఉంటే ప్రమాదం జరిగేదా ? దివంగత వైఎస్ రాజశేఖరరెడ్డి హాయంలో వంతెన శంకుస్థాపన జరిగింది..కానీ నిర్మాణం పూర్తి కాలేదు...ప్రస్తుతం అధికారంలోకి వచ్చిన టిడిపి ప్రభుత్వం కొత్తగా శంకుస్థాపన చేసింది. కానీ అదే నిర్లక్ష్యం..పనులను వేగవంతం చేయాలని పాలకులు ఆదేశించారు. నెమ్మదిగానే పనులు జరుగుతున్నాయి. వేసవికాలంలో పూర్తి కావాల్సిన పనులు ఇంకా పూర్తికాలేదు. ఫలితంగా విద్యార్థులు..ఇతరులు...పడవ ప్రయాణం చేయాల్సి వస్తోంది...

ఇలాగే పడవ ప్రయాణం చేసిన విద్యార్థులకు ప్రమాదం జరిగింది. ముమ్మడివరం మండలం తలాబ్ వారి పాలెంలో నాటు పడవ మునిగింది. పడవలో 30 మంది విద్యార్థులున్నారు. 20 మంది సురక్షితంగా ఉన్నారు. 10 మంది కోసం గాలింపులు కొనసాగుతున్నాయి. సమాచారం తెలుసుకున్న అధికారులు సహాయక చర్యలను వేగవంతం చేశారు. మరింత సమాచారం కోసం వీడియో క్లిక్ చేయండి. 

17:14 - July 14, 2018

తూర్పుగోదావరి : మరో పడవ ప్రమాదం చోటు చేసుకుంది. ఎన్ని ప్రమాదాలు చోటు చేసుకుంటున్నా పదే పదే ఘటనలు పునరావృతమౌతున్నాయి. ఇటీవలే జరిగిన ఘటనలో ఎంతో మంది మృత్యువాత పడ్డారు. తాజాగా మరొక ఘటన చోటు చేసుకుంది. కళాశాలకు వెళ్లేందుకు..తిరిగి ఇంటికి చేరుకొనేందుకు వారికి పడవే ప్రయాణం..ఎప్పటిలాగానే శనివారం పలువురు విద్యార్థులు పశువులంక నుండి వలసల తిప్పకు పలువురు విద్యార్థులు పడవలో ప్రయాణిస్తున్నారు. ప్రయాణిస్తున్న సమయంలో ఓ పడవను ఢీకొంది. దీనితో విద్యార్థులున్న పడవ మునిగిపోయింది. సమాచారం తెలుసుకున్న తల్లిదండ్రులు తీవ్ర భయాందోళనలకు గురయ్యారు. ఒక్కసారిగా అధికారులు అప్రమత్తమయ్యారు. సహాయక చర్యలు చేపట్టారు. ప్రమాదం జరిగిన సమయంలో పడవలో 40 మంది ఉన్నట్లు తెలుస్తోంది.

కొంతమంది విద్యార్థులు కిందకు దూకగా...పలువురిని స్థానికులు రక్షించారు. పడవలో పరిమితికి మించిన విద్యార్థులను ఎక్కించుకున్నట్లు సమాచారం. స్థానికులు 12 మందిని రక్షించినట్లు తెలుస్తోంది. సుమారు 20 మంది విద్యార్థులు గల్లంతైనట్లు తెలుస్తోంది. పడవలో మొత్తం ఎంతున్నారనేది తెలియ రావడం లేదు.

ఇక్కడ వంతెన నిర్మించాలని ఎన్నిమార్లు కోరినా అధికారులు స్పందించలేదు. చివరకు వంతెన పనులు ఇటీవలే ప్రారంభమయ్యాయి. కానీ ఇటీవలే పలు రాష్ట్రాల్లో కురిసిన భారీ వర్షాలకు వరదలు పోటెత్తాయి. దీనితో గోదావరికి వరద ప్రవాహం అధికమైంది. విద్యార్థులు ప్రయాణిస్తున్న సమయంలో వరద ఉధృతి ఎక్కువగా ఉందని సమాచారం. 

20:15 - June 29, 2018

కొమరం భీం : ఆసిఫాబాద్ జిల్లా ఎస్సీ ఎస్టీ హాస్టల్ విద్యార్థులు తీవ్ర అస్వస్థతకు గురయ్యారు. హాస్టల్ లో చదువుకుంటున్న విద్యార్థులు శుక్రవారం మధ్యాహ్న భోజనంలో తోటకూర పప్పు తిన్నారు. తిన్న 60 మంది విద్యార్థులు తీవ్ర అస్వస్థతకు గురయ్యారు. వీరిని వాంకిడి ఆసుపత్రికి తరలించగా అక్కడ చికిత్స అందించేందుకు సరియైన ఏర్పాట్లు లేకపోవడంతో ఆసిఫాబాద్ ప్రభుత్వాసుపత్రికి తరలించారు. విద్యార్థులకు వైద్యులు చికిత్స అందించారు. కానీ ప్రకాష్ అనే విద్యార్థి పరిస్థితి విషమంగా ఉండడంతో మంచిర్యాల ఆసుపత్రికి తరలించారు. ఘటన జరిగి గంటలవుతున్నా అధికారులు స్పందించలేదని తెలుస్తోంది. నీటి వల్ల జరిగిందా ? ఫుడ్ పాయిజనింగ్ జరిగిందా ? అనేది తెలియరాలేదు. 

15:55 - April 26, 2018

ఢిల్లీ : స్కూల్‌ వ్యాన్‌ను ఓ ప్రయివేట్‌ పాల ట్యాంకర్‌ ఢీకొన్న ఘటన కన్హయ్యనగర్‌ మెట్రో స్టేషన్‌ వద్ద జరిగింది. ఈ ప్రమాదంలో ఏడేళ్ల బాలిక మృతి చెందగా...మరో 10 మంది చిన్నారులకు తీవ్ర గాయాలయ్యాయి. గాయపడ్డ విద్యార్థులను చికిత్స కోసం ఆసుపత్రికి తరలించారు. స్కూలు వ్యాన్‌ యూ టర్న్‌ తీసుకుంటున్న సమయంలో వెనకాల నుంచి వేగంగా వచ్చిన పాలట్యాంకర్‌ ఢీకొట్టింది. దీంతో స్కూలు వ్యాను 3 పల్టీలు కొట్టింది. ఈ వ్యానులో మొత్తం 18 మంది విద్యార్థులు ఉన్నారు. నిర్లక్ష్యంగా వాహనం నడిపిన పాల ట్యాంకర్‌ డ్రైవర్‌ను పోలీసులు అరెస్ట్‌ చేశారు. ఈ వ్యాన్‌లో కేశవపురంకు చెందిన నెంబర్‌ వన్‌ స్కూలు విద్యార్థులతో పాటు కేంద్రీయ విద్యాలయ విద్యార్థులు ప్రయాణిస్తున్నారు. వ్యానులో ప్రయాణిస్తున్న పిల్లలంతా 15 ఏళ్ల లోపువారే. 

13:43 - April 25, 2018

ఈ భారతదేశం ఖర్మభూమి, వేదభూమి అని అంటుంటారు. కానీ భారతదేశంలో బస్తీకో బాబా, గల్లీకో స్వామీజీ, కాషాయం కడితే చాలు కాళ్లు మొక్కేవారికేమీ కొదువ లేదు. ప్రజల బలహీనతలను ఆసరాచేసుకుని బాబాల అవతారం ఎత్తేసి కోట్లకు పడగలెత్తేస్తుంటారు. భారతదేశంలో గురువులకు ఏమాత్రం తక్కువలేదు. ఫకీరులు, భిక్షగాళ్లు,కనీస అక్షర జ్నానం లేకుండా రోడ్లమ్మటా తిరుగుతు రాత్రికి రాత్రే గురువులు అవతారం ఎత్తేసి అంతకంటే స్పీడ్ గా కోట్లకు పడగలెత్తేస్తుంటారు. వేల ఎకరాలకు వారసులైపోతుంటారు. హైటెక్ ఆశ్రమాలను నిర్మించేసి కలియుగ దైవాలుగా అవతారాలు ఎత్తేసి కోట్లకు కోట్లు కొల్లగొట్టేస్తుంటారు. వారికి ఆయా ప్రభుత్వాలు వత్తాసు పలుకుతు కాపలాకుక్కల్లా వ్యవహరిస్తుంటాయి. వీరి బండారం బైటపెడతామనీ..ప్రజలకు చైతన్య వంతులను చేద్దామనుకునే సామాజిక కార్యకర్తలు..విద్యావంతులపై దాడులకు పాల్పడటం..వారి ప్రాణాలు తీసి ఆశ్రమాలలోనే సమాధి చేసిన వైనాలకు లెక్కేలేదు. ఈ నేథ్యంలో ఆధ్యాత్మిక గురువుగా చెలామణీ అవుతు బాలికలపై అఘాయిత్యాలకు, అత్యాచారాలను పాల్పడి ప్రస్తుతం జైలు జీవితం గడుపుతున్న తరుణంలో ఆశారాం బాపుకు న్యాయం స్థానం ఎట్టకేలకు శిక్షను ఖరారు చేసింది. కాగా డేరా బాబా రాసలీలలు బైటపడి ఊచలు లెక్కిస్తున్నాడు.

పాకిస్థాన్ ప్రాంతం నుండి వలస వచ్చిన ఆశారాం..
ఆశారాం బాపు అసలు పేరు అసుమల్ అని అజ్మీర్ వాసులు చెబుతున్నారు. వీరి కుటుంబం దేశ విభజనకు ముందు ప్రస్తుత పాకిస్థాన్ లోని సింధీ ప్రాంతం నుంచి వలస వచ్చిన అనంతరం గుజరాత్ లో సెటిల్ అయింది. అక్కడి నుంచి అజ్మీర్ కు ఆశారాంబాపు వలస వచ్చాడని సీనియర్ లాయర్ చరణ్ జిత్ సింగ్ తెలిపారు. ఆశారం చిన్నప్పుడు గుర్రపుబగ్గీ నడిపేవాడని టాంగా యూనియన్ సభ్యుడు పన్నాఉస్తాద్ వెల్లడించాడు. అజ్మీర్ రైల్వే స్టేషన్ నుంచి దర్గాకు భక్తులను తీసుకొచ్చేవాడని తెలిపాడు. తన పేద కుటుంబాన్ని ఆదుకునేందుకు గుర్రపుబగ్గీ నడుపుతూ, కష్టపడేవాడని చెప్పాడు ఆ తర్వాత గురువుగా మారి, దైవ బోధనలు చేస్తూ ఆశ్రమాలు నెలకొల్పాడని తెలిపాడు.
దోషిగా నిర్ధారించిన జోధ్ పూర్ కోర్ట్..
వివాదాస్పద ఆధ్యాత్మిక గురువురు ఆశారాం బాపూ దోషి అంటూ జోధ్ పూర్ ప్రత్యేక కోర్టు నిర్ధారించింది. ఈ కేసులో ఆరోపణలు ఎదుర్కొంటున్న ముగ్గురు కూడా దోషులేనని తేల్చింది. కాసేపట్లో ఆశారాంకు శిక్షను ఖరారు చేసింది. ఈ కేసులో ఆయన ఇప్పటికే జైలులో మగ్గుతున్న సంగతి తెలిసిందే. ఓ బాలికను ఆశారాం బాపూఐ రేప్ చేశాడన్న అభియోగాలతో 2013లో అరెస్టు చేసిన పోలీసులు ఆయన్ను జైలుకు తరలించారు. అప్పటి నుండి ఆయన జైలులో ఉన్నాడు. బెయిల్ ఇవ్వాలంటూ పలుమార్లు పిటిషన్ దాఖలు చేశారు. ఐదు రాష్ట్రాల్లో ఆశారాంకి బలమైన నెట్ వర్క్ ఉంది. కోర్టు తీర్పు నేపథ్యంలో ఆయా రాష్ట్రాల్లో పోలీసులు భారీ బందోబస్తు నిర్వహించారు. బాధిత బాలిక ఇంటి వద్ద కూడా పోలీసులు గట్టి నిఘా ఏర్పాటు చేశారు.

16:39 - March 27, 2018

హైదరాబాద్ : నగరంలో మరో ప్రేమోన్మాది రెచ్చిపోయాడు. ప్రేమించలేదనే కోపంతో బాలికపై కిరోసిన్ సోసి నిప్పంటించిన ఘటన నగరంలో కలకలం సృష్టించింది. అంబర్ పేట పీఎస్ పరిధిలోని గంగానగర్ బస్తీలో ఈ ఘటన చోటుచేసుకుంది. గత కొంతకాలంలో బస్తీలోని సొహైల్ అనే యువకుడు సదరు యువతిని ప్రేమించిమంటు వేధిస్తున్నాడు. కాగా ఆమె ఒప్పుకోకపోవటంతో కోపం పెంచుకున్న యువకుడు ఈరోజు సదరు బాలికపై కిరోసిన్ పోసి నిప్పంటించాడు.దీంతో మంటలకు తాళలేక బాధితురాలు వీధిలోకి పరిగెత్తింది. గమనించిన స్థానికులు చికిత్స నిమిత్తం ఉస్మానియా ఆసుపత్రికి తరలించారు. కాగా బాధితురాలి పరిస్థితి విషమంగా వున్నట్లుగా తెలుస్తోంది. కాగా నిందితుడు సొహైల్ పరారీలు వున్నట్లుగా తెలుస్తోంది. 

18:20 - March 20, 2018

ముంబై : రైల్వైలో ఉద్యోగాలను భర్తీ చేయాలని కోరుతూ ముంబైలో నిరుద్యోగులు రైలు రోకో చేపట్టారు. రైలు ట్రాక్ లపై విద్యార్థులు ఆందోళనకు దిగడంతో రైళ్ల రాకపోకలకు అంతరాయం ఏర్పడింది. పోలీసులు లాఠీచార్జ్ జరిపి నిరసనకారులను చెదరగొట్టారు.

20:25 - March 5, 2018

గుంటూరు : దేశానికి ఉపయోగపడే అధికారులుగా విద్యార్థులు ఎదగాలని మహారాష్ట్ర అడిషనల్‌ డీజీపీ లక్ష్మీనారాయణ అన్నారు. గుంటూరులో కృష్ణదేవరాయ ట్రస్ట్‌ ఆధ్వర్యంలో జరిగిన  ప్రతిభపురస్కారాల కార్యక్రమంలో ఆయన పాల్గొన్నారు. పలువురు విద్యార్థులకు స్కాలర్‌ ఫిప్‌లు అందించారు. ఆర్థికంగా వెనుకబడిన వర్గాల విద్యార్థుల చదువులకు తులసీ గ్రూప్‌ అందిస్తున్న చేయూతను లక్ష్మీనారాయణ ప్రశంశించారు. కుల, మతాల ప్రస్థావన లేకుండా గత పదేళ్లుగా విద్యార్థులకు స్కాలర్‌ ఫిప్‌లు అందిస్తున్నామని తులసీ గ్రూప్స్‌ చైర్మన్‌ రామచంద్రప్రభు అన్నారు. భవిష్యత్తులో మరింత మంది విద్యార్థులకు చేయూత అందిస్తామన్నారు. 
 

 

07:31 - February 12, 2018

సిద్దిపేట : ప్రభుత్వ విద్యాలయాలు నేటికీ కనీస వసతులు లేక కునారిల్లుతున్నాయి. సౌకర్యాల లేమి, ఉపాద్యాయుల కొరతతోపాటు.. సరిపడా తరగతి గదులు కూడా లేని దుస్థితిలో విద్యా బోధన కొనసాగుతోంది. మరోవైపు గ్రామీణ ప్రాంతాల్లో పేదరికం వల్ల చాలా మంది విద్యార్థులు పాఠశాల విద్యతోనే చదువుకు స్వస్తి చెబుతున్నారు. ఈ పరిస్థితుల్లో ప్రభుత్వం విద్యార్థులకు అనేక సౌకర్యాలు కల్పిస్తోంది. విద్యార్ధులకు ఉచిత బస్‌పాస్‌లు, మధ్యాహ్న భోజన పథకం అమలు చేయాలని యోచిస్తోంది. విద్యార్థులకు ఉచిత పథకాలను అమలు చేస్తే ఎందరో విద్యార్థులు విద్యావంతులయ్యే అవకాశం ఉంటుంది. ఉమ్మడి మెదక్‌ జిల్లాలో సుమారుగా పన్నెండు వేల మంది విద్యార్థులు లబ్ది పొందుతారు.. సంగారెడ్డి జిల్లాలో ఇరవై కళాశాలల్లో ఐదువేల మంది, మెదక్‌లో పదహారు కళాశాలల్లో మూడు వేల మంది, సిద్దిపేట జిల్లాలో ఇరవై కళాశాలల్లో ఐదు మేలమంది విద్యార్థులు ఉచిత పథకాలతో ఉన్నత విద్య వైపు వెళ్ళగలుగుతారు.

జూనియర్‌ కళాశాలల్లో తగ్గిన చేరికలు
ప్రభుత్వం విద్యార్థులకు చేయూత ఇవ్వకపోతే... ఇప్పటికే ప్రభుత్వ జూనియర్‌ కళాశాలల్లో తగ్గిన చేరికలు మరింత తగ్గుముఖం పడతాయి. పాఠశాల విద్య నుంచే ఇబ్బందులు లేకుండా ఇంటర్‌ విద్యను అందించాలన్న సంకల్పంతో... ప్రభుత్వం ఇప్పటికే ప్రవేశ రుసుము రద్దు చేసింది. ఇదే పరంపరలో బస్‌ పాస్, మధ్యాహ్న భోజన పథకాన్ని కూడా ఆచరణలో పెట్టాలని అద్యాపకులు కూడా కోరుతున్నారు. గతంలో అనేక సమీక్షా సమావేశాల్లో లెక్చరర్లు, ప్రిన్సిపాల్‌లు ఉన్నతాధికారుల దృష్టికి తీసుకెళ్ళారు.ప్రభుత్వం అందించే గోరంత సాయంతో... విద్యార్థులకు కొండంత లాభం కలుగుతుందన్న అభిప్రాయాన్ని ఇటు విద్యార్థులు, అటు లెక్చరర్లు వ్యక్తం చేస్తున్నారు. అందుకే ప్రభుత్వం ఇంటర్‌ విద్యార్థుల మంచి కోసం చేస్తున్న ఆలోచనను అందరూ స్వాగతిస్తున్నారు. 

Pages

Don't Miss

Subscribe to RSS - students