supreme court

22:11 - December 15, 2017

ఢిల్లీ : ప్రభుత్వ సంక్షేమ పథకాలు, వివిధ సేవలకు ఆధార్‌ అనుసంధానం చేసుకునే గడువును పొడిగించేందుకు సుప్రీంకోర్టు అంగీకరించింది. ఆధార్‌ను అనుసంధానం చేసుకునేందుకు ఈ ఏడాది డిసెంబరు 31 చివరి తేదీ కాగా...ఇప్పుడు ఆ గడువును వచ్చే ఏడాది మార్చి 31 వరకు పొడిగించారు. మొబైల్‌ ఫోన్‌కు ఆధార్‌ అనుసంధానం చేసుకునేందుకు కూడా మార్చి 31వరకు పెంచుతున్నట్లు కేంద్రం ప్రకటించింది. కేంద్రం వివిధ పథకాలకు ఆధార్‌తో ముడిపెట్టడాన్ని సవాల్‌ చేస్తూ దాఖలైన పిటిషన్లపై సుప్రీంకోర్టు రాజ్యాంగ ధర్మాసనం గురువారం విచారణ చేపట్టింది. దీనిపై తుది విచారణ వచ్చే ఏడాది జనవరి 17 నుంచి చేపట్టనుంది. ఆధార్‌ తప్పనిసరి చేయాలన్న కేంద్రం తీసుకున్న నిర్ణయంపై స్టే విధించాలని పిటిషన్లు కోరారు.

07:21 - December 15, 2017
16:11 - December 14, 2017

ఢిల్లీ : ప్రజా ప్రతినిధులపై కేసుల విచారణకు హైకోర్టులతో చర్చించి 2018 మార్చి 1నాటికి ఫాస్ట్ ట్రాక్ కోర్టులు ఏర్పాటు చేయాలని సుప్రీం కేంద్రాన్ని ఆదేశించింది. అలాగే ప్రజాప్రతినిధులపై కేసుల వివరాలు తెలుసుకునేందుకు కేంద్రానికి 2 నెలల సమయం ఇచ్చింది. ప్రజాప్రతినిధులపై కేసుల విచారణకు 12 ప్రత్యేక కోర్టులు ఏర్పాటు చేస్తామని సుప్రీం కోర్టుకు కేంద్రం తెలిపింది. మరింత సమాచారం కోసం వీడియో క్లిక్ చేయండి. 

13:17 - December 7, 2017

ఢిల్లీ : ఆధార్ అనుసంధానంపై సుప్రీంలో విచారణ జరిగింది. మార్చి 31 వరకు పొడిగించేందుకు సిద్ధంగా ఉన్నట్లు కేంద్రం పేర్కొంది. ప్రస్తుతం ఆధార్ అనుసంధానికి ఆఖరి గడువు డిసెంబర్ 31గా ఉన్న సంగతి తెలిసిందే. మొబైల్, బ్యాకింగ్ సేవలు..సంక్షేమ పథకాలకు ఆధార్ అనుసంధానం చేయడంపై పలువురు కోర్టును ఆశ్రయించిన సంగతి తెలిసిందే. తమ వ్యక్తిగత వివరాలు బయటకు పొక్కే అవకాశం ఉందని వారు పేర్కొంటున్నారు. దీనిపై సుప్రీం గురువారం విచారణ చేపట్టింది. దీనిపై కేంద్రం తరపు న్యాయవాది వాదనలు వినిపించారు. ఇప్పటి వరకు ఆధార్ లేని వారికి మాత్రమే ఇది వర్తింప చేసే విధంగా చూస్తామన్నారు. మొబైల్ సేవలకు ఆధార్ అనుసంధానానికి ఆఖరి గడువు ఫిబ్రవరి 6గా నిర్ణయించినట్లు తెలుస్తోంది. తదుపరి విచారణను వచ్చే వారానికి వాయిదా వేసింది. ఐదుగురు సభ్యులతో కూడిన ధర్మాసనం విచారణ చేపట్టనుంది. 

19:56 - December 4, 2017

హైదరాబాద్ : హైకోర్టు ఆదేశాలకు లోబడి 10 జిల్లాలకు నోటిఫికేషన్ విడుదల చేస్తామని, కొంత మంది కావాలని ప్రతీ దానికి కోర్టుకు వెళ్తున్నారని విద్య శాఖ మంత్రి కడియం అన్నారు. కొలువులకై కొట్లాట ఎవరు చేస్తున్నారో, ఆ నాయకులు ఎవరో మాకు తెలుసు అని ఆయన అన్నారు. సిద్దాంత విభేదలున్నా వాళ్లంతా కలిసి పని చేస్తున్నారని అన్నారు. 

21:35 - November 20, 2017

ఢిల్లీ :ఐఎన్‌ఎక్స్ మీడియా కేసులో అభియోగాలు ఎదుర్కొంటున్న మాజీ కేంద్ర ఆర్థికశాఖ మాజీ మంత్రి చిదంబరం కుమారుడు కార్తీ చిదంబరానికి సుప్రీంకోర్టులో స్వల్ప ఊరట లభించింది. డిసెంబర్ 1 నుంచి 10 వరకు యూకే వెళ్లేందుకు కార్తీ చిదంబరానికి కోర్టు అనుమతించింది. డిసెంబర్‌ 11 కల్లా నిర్దేశించిన గడువులోపు ఇండియాకు తిరిగిరావాలని కోర్టు షరతు విధించింది. అలా కాని పక్షంలో కోర్టు ధిక్కార చర్యలు ఉంటాయని స్పష్టం చేసింది. తన కుమార్తెను కేంబ్రిడ్జి యూనివర్సిటీలో చేర్పించాల్సి ఉన్నందున విదేశాలకు వెళ్లేందుకు అనుమతి ఇవ్వాలని కార్తీ చిదంబరం సుప్రీంకోర్టుకు విజ్ఞప్తి చేశారు.  

 

07:17 - November 17, 2017

ఢిల్లీ : అగస్టా వెస్ట్‌ల్యాండ్‌ హెలిక్యాప్టర్ల స్కాంపై సుప్రీంకోర్టు విచారణ జరిపింది. అగస్టా హెలిక్యాప్టర్లనే ఎందుకు కొనాలనుకుంటున్నారని ...ఈ నిర్ణయం ఎవరు తీసుకున్నారని సుప్రీంకోర్టు ఛత్తీస్‌గఢ్‌ ప్రభుత్వాన్ని ప్రశ్నించింది. దీనికి సంబంధించిన ఫైలును వారం రోజుల్లో కోర్టుకు సమర్పించాలని ఆదేశించింది. చీఫ్‌ సెక్రెటరీ రాసిన నోట్‌లో హెలిక్యాప్టర్‌ కొనుగోలుపై ప్రత్యేకంగా ఏ కంపెనీ పేరు సూచించలేదని... టెండర్‌ మాత్రం అగస్టా వెస్ట్‌ల్యాండ్‌కే జారీ చేయడం వెనక మతలబేంటని కోర్టు నిలదీసింది. అగస్టా వెస్ట్‌ల్యాండ్‌ కంపెనీ నిర్ణయించిన ధర కన్నా...ఛత్తీస్‌గఢ్‌ ప్రభుత్వం హెలిక్యాప్టర్‌ను ఎక్కువ డబ్బులిచ్చి కొనుగోలు చేసిందని...అందుకే టెండర్‌లో వేరే కంపెనీల ప్రస్తావన లేదని పిటిషనర్‌ తరపు న్యాయవాది ప్రశాంత్‌ భూషణ్ కోర్టుకు తెలిపారు. ఛత్తీస్‌గఢ్, రాజస్థాన్‌, జార్ఖండ్, జమ్ముకశ్మీర్‌, పంజాబ్‌ రాష్ట్రాలు అగస్టా హెలిక్యాప్టర్ల కొనుగోలులో కుంభకోణానికి పాల్పడ్డాయని ఆరోపిస్తూ... స్వరాజ్‌ అభియాన్‌ సంస్థ కోర్టులో ప్రజాప్రయోజన వ్యాజ్యాన్ని దాఖలు చేసింది. దీనిపై సిబిఐతో విచారణ జరపాలని డిమాండ్‌ చేసింది.

20:17 - November 7, 2017

ఢిల్లీ : పోలవరం కేసులో కేంద్రానికి చుక్కెదురైంది. కౌంటర్‌ దాఖలు చేయక పోవడంతో సీరియస్‌ అయిన సుప్రీం కోర్టు కేంద్రానికి 25 వేల జరిమానా విధించింది. పోలవరంపై ఒడిశా ప్రభుత్వం దాఖలు చేసిన పిటిషన్‌లో తెలంగాణ, చత్తీస్‌గఢ్‌ రాష్ట్రాలను చేరుస్తూ అభ్యంతరాలు తెలపవచ్చని సుప్రీం స్పష్టం చేసింది.  

పోలవరం ప్రాజెక్టు నిర్మాణంపై అభ్యంతరాలు వ్యక్తం చేస్తూ ఒడిశా ప్రభుత్వం దాఖలు చేసిన కేసులో తమకు కూడా అవకాశం కల్పించాలని కోరుతూ తెలంగాణ, ఛత్తీస్‌గఢ్‌ రాష్ట్రాలు సుప్రీంకోర్టులో ఇంప్లీడ్‌ పిటిషన్లు దాఖలు చేశాయి. అయితే తెలంగాణ పిటిషన్‌పై అభ్యంతరం వ్యక్తం చేసిన ఏపీ సర్కార్‌.. విభజన చట్టంలోని సెక్షన్‌ 90 ప్రకారం తెలంగాణకు పోలవరం ప్రాజెక్టుతో సంబంధం లేదని వాదించింది. ఏపీ అభ్యంతరాలను నమోదు చేసిన జస్టిస్‌ మదన్‌ బి.లోకూర్‌, జస్టిస్‌ దీపక్‌ మిశ్రా.. కేసు విచారణ సందర్భంలో తెలంగాణ, చత్తీస్‌గఢ్‌ రాష్ట్రాల అభ్యంతరాలను కోర్టుకు తెలిపే స్వేచ్ఛ ఇచ్చినట్లు తెలిపారు. అనంతరం తెలంగాణ, ఛత్తీస్‌గఢ్‌ ఇంప్లీడ్‌ పిటిషన్లను స్వీకరించారు.

ఈ కేసులో ఇప్పటివరకు కౌంటర్‌ దాఖలు చేయకపోవడంతో కేంద్ర ప్రభుత్వంపై సుప్రీంకోర్టు ఆగ్రహం వ్యక్తం చేసింది. ఇందుకుగాను 25వేల రూపాయల జరిమానా విధించింది. జరిమానా ఉపసంహరించాలని కేంద్రం చేసిన విజ్ఞప్తిని సుప్రీంకోర్టు తోసిపుచ్చింది. దీనిపై రెండు వారాల్లోగా సమాధానం చెప్పాలని ఆదేశిస్తూ విచారణను వాయిదా వేసింది.

 


 

15:58 - November 7, 2017

ఢిల్లీ : పోలవరం ప్రాజెక్ట్‌ నిర్మాణంపై సుప్రీంకోర్టులో విచారణ కొనసాగింది. ప్రాజెక్ట్‌ నిర్మాణంపై అభ్యంతరాలు వ్యక్తం చేస్తూ ఒడిశా ప్రభుత్వం వేసిన కేసులో తమకు కూడా  అవకాశమివ్వాలని తెలంగాణ, చత్తీస్‌గడ్‌ రాష్ట్రాలు ఇంప్లీడ్‌ పిటిషన్‌ దాఖలు చేశాయి. అయితే.. తెలంగాణ పిటిషన్‌పై ఏపీ ప్రభుత్వం అభ్యంతరం తెలిపింది. విభజన చట్టంలో సెక్షన్‌ 90 ప్రకారం తెలంగాణకు ఈ ప్రాజెక్టుతో ఎలాంటి సంబంధం లేదన్న ఏపీ తరపు న్యాయవాదులు వాదించారు. అయినా... ఇంప్లీడ్‌ పిటిషన్‌లను సుప్రీంకోర్టు విచారణకు స్వీకరించింది. మరోవైపు ఈ కేసులో ఇప్పటివరకు స్పందించనందుకు కేంద్రానికి సుప్రీంకోర్టు 25 వేలు జరిమానా విధించింది. ఈ జరిమానాను ఉపసంహరించుకోవాలని కేంద్రం కోర్టుకు విజ్ఞప్తి చేసింది. అయితే.. కేంద్రం విజ్ఞప్తిని సుప్రీంకోర్టు తిరస్కరించింది. ఇక తదుపరి విచారణను కోర్టు రెండు వారాలకు వాయిదా వేసింది. 

21:31 - November 3, 2017

ఢిల్లీ : ఆధార్‌ను తమ ఖాతాలతో అనుసంధానం చేసుకోకుంటే అకౌంట్లు నిలిపివేస్తామని బ్యాంకులు, మొబైల్‌ కంపెనీలు వినియోగదారులకు ఎస్‌ఎంఎస్‌లు పంపుతూ ఒత్తిడి పెంచడం పట్ల సుప్రీంకోర్టు ఆగ్రహం వ్యక్తం చేసింది. బ్యాంకులు, టెలికాం సంస్థలు ఆధార్ లింకింగ్ సందేశాలు పంపితే అందులో కచ్చితంగా చివరి తేదీ ఉండేలా చర్యలు తీసుకోవాలని సుప్రీంకోర్టు స్పష్టం చేసింది. బ్యాంక్‌ ఖాతాలు, మొబైల్‌ నెంబర్లతో ఆధార్‌ అనుసంధానాన్ని సవాల్‌ చేస్తూ దాఖలైన పిటిషన్లపై విచారిస్తూ సుప్రీం కోర్టు ఈ వ్యాఖ్యలు చేసింది. ఈ పిటిషన్లపై బదులివ్వాలని కేంద్రానికి నోటీసులు జారీ చేసింది. బ్యాంకు ఖాతాలకు ఆధార్ లింకేజీ కోసం డిసెంబర్‌ 31, మొబైల్‌ నెంబర్‌కు ఆధార్‌తో లింకేజీ కోసం ఫిబ్రవరి 6 గడువు విధించినట్లు కేంద్రం కోర్టుకు తెలిపింది.

Pages

Don't Miss

Subscribe to RSS - supreme court