supreme court

11:11 - December 13, 2018

హైదరాబాద్ : తెలంగాణ అసెంబ్లీ ఎన్నికలు ముగిశాయి. చాలామంది రాజకీయ నాయకుల చరిత్ర మారిపోయింది. పెద్ద పెద్ద స్థాయి నేతలు చాలామంది ఓటమి చవిచూశారు. గతంలోఓడినవారు ఇప్పుడు గెలుపుగుర్రాలయ్యారు. కానీ గెలిచిన వారు రేపు చట్టసభల్లో కూర్చుంటారు. కొత్త కొత్త చట్టాలను తీసుకొస్తారు. కానీ ఎన్నికల్లో గెలిచిన వీరంత సఛ్చీలురే అనటానికి వీల్లేదు. ఎన్నికల్లో గెలిచిన వీరు ప్రమాణస్వీకారం చేసి చట్టసభల్లో పెద్ద పెద్ద ఉపన్యాసాలు దంచేస్తారు. కానీ వీరిలో సగంమందికి పైగా నేరస్థులే కావటం గమనించాల్సిన విషయం. తెలంగాణ ఎన్నికల్లో గెలిచిన సగంమందికి పైగా క్రిమినల్ కేసులు వున్నవారే. క్రిమినల్ కేసులు వున్నవాంతా చట్టసభల్లో న్యాయం గురించి..నిజాయితీల గురించి మాట్లాడేయం ఎంతటి హాస్యాస్పదమో కదా. చట్టం చేసేవారే నేరచరిత వున్నవారే కావటం ఎంతటి సిగ్గుచేటు? 
తెలంగాణ ఎన్నికల్లోని  119 నియోజకవర్గాల్లో పోటీలో నిలిచి గెలిచినవారిలో 67మందిపై క్రిమినల్ కేసులు నమోదు కాబడ్డాయి. వీరిప్పుడు ప్రజాస్వామ్యంగా గెలిచి ఎమ్మెల్యేలు అయినప్పటికీ వీరి నేరచరిత్ర మరిచిపోవాల్సిన పనిలేదు. వీరిలో చాలామంది గత శాసనసభలో ఉన్నవారే కావటం గమనించాలి. ఇప్పుడు ఎన్నికల్లో గెలిచిన మొత్తం 119 మంది శాసనసభ్యుల్లో వివిధ పార్టీలకు చెందిన 67 మంది నేరచరితులేనని ఫోరమ్ ఫర్‌ గుడ్‌ గవర్నెన్స్‌ సంస్థ వెల్లడించింది. ఈ 67 మందిపై సివిల్, క్రిమినల్‌ కేసులు పెండింగ్‌ లో ఉన్నాయని ఫోరమ్ ఫర్‌ గుడ్‌ గవర్నెన్స్‌ కన్వీనర్‌ పద్మనాభరెడ్డి తెలిపారు. 
ముఖ్యంగా అన్ని పార్టీలను చావుదెబ్బ తీసి అధికారం చేపట్టబోయే టీఆర్‌ఎస్‌ నుండి గెలిచినవారిలో  88 మంది ఎమ్మెల్యేల్లో 44 మందిపై ఎన్నో కేసులు నమోదయి వున్నాయి. బీజేపీ నుంచి ఎన్నికైన ఒకేఒక్కడు గోషామహల్ ఎమ్మెల్యే రాజాసింగ్ పై చాలా కేసులున్నాయని పద్మనాభరెడ్డి  తెలిపారు. ఇక మహాకూటమి నుంచి గెలిచిన 21 మందిలో 16 మందిపైనా,ఎంఐఎం గెలిచిన 7గురు ఎమ్మెల్యేల్లో ఆరుగురిపై పెండింగ్ కేసులు ఉన్నాయన్నారు. 
సుప్రీంకోర్టు తీర్పును బేఖాతరు..
ఎన్నికల్లో పోటీచేసే అభ్యర్థులు తమపై ఉన్న కేసుల గురించి ప్రధాన పత్రికలు, టీవీ చానళ్లలో కనీసం మూడు సార్లు ప్రసారం చేయాలని సుప్రీంకోర్టు చెప్పిన తీర్పును అత్యధికులు పాటించలేదని పద్మనాభరెడ్డి ఆరోపించారు. కాగా ఇటువంటి నేరస్థులకు ఓటు వేసేముందుకు ప్రతీ ఓటరు ఆలోచించి వుండాల్సింది. ఓట్ల పండుగ వచ్చిందంటే చాలు పార్టీలు..అభ్యర్థులపైనే పెట్టే ఫోకస్ వారి గత చరిత్ర గురించి కూడా మీడియాపై చెప్పాల్సింది. దీనిపై దేశ అత్యున్నత న్యాయస్థాయం అయిన సుప్రీంకోర్టు పదే పదే తీర్పునిచ్చినా మీడియా కనీసం వారి నేర చరిత్ర గురించి కనీస మాత్రంగా కూడా చెప్పకపోవటం గమనించాలి.
 

15:25 - December 10, 2018

హైకోర్ట్ : పంచాయితీ ఎన్నికల్లో రిజర్వేషన్లు 50 శాతానికి మించరాదని రెండు రోజుల కిందట సుప్రీంకోర్టు స్పష్టం చేయడంతో మరోసారి తెలంగాణ ప్రభుత్వం హైకోర్టులో పిటీషన్ వేసింది. పంచాయితీ ఎన్నికలు నిర్వహించేందుకు తాము సిద్ధంగా ఉన్నామని తెలుపుతు తెలంగాణ ప్రభుత్వం వేసిన పిటీషన్ పై విచారణ  హైకోర్టు డిసెంబర్ 10న విచారణ చేపట్టింది. ప్రభుత్వం సహకరిస్తేనే తాము ఎన్నికలు నిర్వహించగలమని రాష్ట్ర ఎన్నికల సంఘం కూడా తెలిపింది. ఈ వాదనలు విన్న రాష్ట్రధర్మాసనం తదుపరి విచారణను మూడు వారాలకు వాయిదా వేసింది. జనవరి 10లోగా ఎన్నికలు నిర్వహించాలని ఇది వరకే హైకోర్టు స్పష్టంచేసిన సంగతి తెలిసిందే. వాస్తవానికి పంచాయతీ పాలక వర్గాల గడువు ఈ ఏడాది ఆగస్టుతోనే ముగియడంతో ప్రస్తుతం ప్రత్యేక అధికారుల పాలన సాగుతోంది. 
పంచాయితీ ఎన్నికల్లో ఎస్సీ, ఎస్టీ, ఓబీసీల రిజర్వేషన్ల కేటాయింపు గరిష్ఠంగా 50 శాతానికి మించడానికి వీల్లేదని ఉమ్మడి హైకోర్టు ఇచ్చిన మధ్యంతర ఉత్తర్వులను సవాల్‌ చేస్తూ తెలంగాణ ప్రభుత్వం సుప్రీం కోర్టులో పిటిషన్‌ దాఖలు చేసింది. అయితే, రిజర్వేషన్లు 50 శాతానికి మించరాదనిగతంలో రిజర్వేషన్లు ఉండకూడదని ఇటీవలే సుప్రీం కోర్టు స్పష్టంచేసింది. ఈ నేపథ్యంలో ప్రభుత్వం మళ్లీ హైకోర్టును ఆశ్రయించింది. అయితే ఇప్పటికే గ్రామపంచాయతీలు, వార్డుల వారీగా ఓటర్ల జాబితాలు సిద్ధమయ్యాయి. 
సెప్టెంబర్‌లో పంచాయతీ ఎన్నికలు నిర్వహణకు ప్రయత్నించినా, ఓటర్ల జాబితా, బీసీ రిజర్వేషన్ల అంశాలను సవాల్ చేస్తూ కొందరు హైకోర్టులో పిటిషన్ దాఖలు చేయడంతో నిలిచిపోయాయి. వీటిపై విచారణ చేపట్టిన హైకోర్టు మధ్యంతర ఉత్తర్వులిచ్చింది. మూడునెలల్లో పంచాయతీ ఎన్నికలు నిర్వహించాలని స్పష్టంచేస్తూ ప్రభుత్వాన్ని ఆదేశించింది. జనవరి 10లోగా పంచాయతీ ఎన్నికలను పూర్తిచేసి, పాలకవర్గాలకు బాధ్యతలను అప్పగించాలని స్పష్టంచేసింది. ఈ నేపథ్యంలో డిసెంబరు 13 నుంచి 14 వరకు గ్రామాల్లో బీసీ ఓటర్ల జాబితాను ప్రచురించాలని పంచాయతీరాజ్‌శాఖ నిర్ణయించింది.

 

14:48 - December 7, 2018

ఢిల్లీ : తెలంగాణ  ప్రభుత్వానికి సుప్రీంకోర్టు షాక్ ఇచ్చింది. ముస్లింలు, గిరిజనులకు 12 శాతం రిజర్వేషన్లు కల్పించాలని కోరుతు సుప్రీంకోర్టులో ఆనాడు పూర్తిస్థాయి అధికారంతో వున్న టీఆర్ఎస్ ప్రభుత్వానికి (అసెంబ్లీని రద్దు చేసిన ప్రస్తుతం ఆపద్ధర్మ ప్రభుత్వంగా వున్న టీఆర్ఎస్ ప్రభుత్వం) దేశ అత్యున్నత ధర్మాసం అయిన సుప్రీంకోర్టు ముస్లింలు, గిరిజనులకు 12 శాతం రిజర్వేషన్లు కల్పించాలని కోరుతు వేసిన పిటీషన్స్ 50శాతం మించరాదని స్పష్టం చేసింది. 
రిజర్వేషన్ల పెంపుకు సంబంధించిన పిటిషన్ ను సుప్రీంకోర్టు ఈరోజు విచారించింది. ఈ సందర్భంగా తెలంగాణ ప్రభుత్వం తరపు న్యాయవాది వాదిస్తూ... రాష్ట్రంలో బీసీల జనాభా అధికంగా ఉందని, ఈ ప్రత్యేక పరిస్థితుల కారణంగా ముస్లిం, గిరిజనుల రిజర్వేషన్లను పెంచాల్సి ఉందని తెలిపారు. స్థానిక సంస్థల ఎన్నికల్లో రిజర్వేషన్లను 67 శాతం ఇవ్వాలని కోరారు. వాదనలను విన్న ధర్మాసనం... రిజర్వేషన్లను పెంచడం కుదరదని, రిజర్వేషన్లు 50 శాతానికి మించరాదని తీర్పును వెలువరించింది. కాగా ముస్లింలకు, గిరిజనులకు 12 శాతం రిజర్వేషన్స్ డిమాండ్ తో టీఆర్ఎస్ ఎంపీలు పార్లమెంట్ లో ఆందోళన చేపట్టిన విషయం తెలిసిందే. ఈ క్రమంలో టీఆర్ఎస్ ప్రభుత్వం పూర్తిస్థాయి అధికారంలో వున్న సమయంలో ముస్లింలకు, గిరిజనులకు 12 శాతం రిజర్వేషన్లు కల్పించాలని కోరుతు సుప్రీంకోర్టులో పిటీషన్ వేసిన సంగతి తెలిసిందే. 
 

16:43 - December 6, 2018

ఢిల్లీ  : ఆధార్ కార్డుతో దేశంలో పలు మార్పులొచ్చాయి. ఏ గుర్తింపుకైనా ఆధార్ కార్డే ఆధారం. ఇప్పుడు ప్రస్తుతం కొన్ని రాష్ట్రాలలో ఎన్నికలు జరుగుతున్న నేపథ్యంలో ఓటు వేయాలంటే ఆధార్ వుండాల్సిందే. ఇక ఆయా రాష్ట్రాల ప్రభుత్వాలు ప్రవేశ పెట్టే సంక్షేమ పథకాలు పొందాలంటే ఆధారే ఆధారంగా వుంది. కాగా విద్యార్ధులకు ఫీజ్ రీయింబర్స్ మెంట్ వర్తించాలంటే ఈ ఆధార్ కార్డే ఆధారం. 
ఇటీవ‌ల ఆధార్‌ చట్టబద్దతపై సెప్టెంబరులో సుప్రీంకోర్టు కీల‌క తీర్పు వెలువరించిన నేప‌థ్యంలో ప్ర‌భుత్వం ఈ మార్పుల‌కు శ్రీకారం చుట్టింది. ఆధార్ చ‌ట్టంలోని 57వ సెక్ష‌న్‌ను రాజ్యాంగ ధ‌ర్మాస‌నం కొట్టివేసింది. పౌరుల ఆధార్ డేటా వివరాలను ప్రైవేటు సంస్థ‌లు వినియోగించుకోరాద‌ని త‌న ఆదేశంలో పేర్కొన్న విష‌యం తెలిసిందే. బ్యాంకు ఖాతాలు, సిమ్ కార్డుల‌కు ఆధార్‌ను తప్పనిసరి చేయడాన్ని కూడా ధ‌ర్మాస‌నం వ్య‌తిరేకించింది. 
కేంద్ర ప్రభుత్వం కొత్త ప్రతిపాదనలు..
దీంతో ఆధార్ చ‌ట్టంలో మార్పులు తీసుకొచ్చేందుకు కేంద్ర ప్ర‌భుత్వం ప్ర‌య‌త్నిస్తోంది. చ‌ట్టంలో కొత్త ప్ర‌తిపాద‌న‌లు తుది ద‌శ‌కు చేరుకున్నాయి కూడా. దీంతో దేశ పౌరులు త‌మ ఆధార్ నెంబ‌ర్‌ను విత్‌డ్రా చేసుకునే అవ‌కాశం క‌ల్పించ‌నుంది కేంద్ర ప్రభుత్వం. అంతేకాదు బ‌యోమెట్రిక్స్‌తోపాటు డేటాను కూడా వెన‌క్కి తీసుకునే వెసులుబాటును క‌ల్పించాల‌ని కేంద్రం భావిస్తోంది. 
18 ఏళ్లు పూర్తయిన వ్య‌క్తులు ఆధార్‌ను విత్‌డ్రా చేసుకునే అవకాశం..
దీంతో ఆధార్ విత్‌డ్రా చేసుకునే విషయమై యూడీఏఐ కొత్త ప్ర‌తిపాద‌నలు చేసింది. 18 ఏళ్లు పూర్తయిన వ్య‌క్తులు ఎవ‌రైనా త‌మ ఆధార్‌ను విత్‌డ్రా చేసుకునేందుకు ఆరు నెల‌ల స‌మ‌యాన్ని కేటాయించ‌నున్న‌ట్లు ఓ అధికారి వెల్ల‌డించారు. అయితే ఈ ప్ర‌తిపాద‌న‌ను ప‌రిశీలించిన న్యాయ‌శాఖ‌.. దీన్ని ప్ర‌తి పౌరుడికి వ‌ర్తించేలా చ‌ర్య‌లు తీసుకోవాల‌ని సూచించింది. 
పాన్ కార్డు లేని వారికి కొత్త నిబంధ‌న ఉప‌యోగం..
అయితే ఇప్ప‌టి వ‌ర‌కు పాన్ కార్డు లేని వారికి మాత్రం ఈ కొత్త నిబంధ‌న ఉప‌యోగ‌ప‌డుతుంద‌ని భావిస్తున్నారు. ఈ ప్రతిపాదనలను కేంద్ర క్యాబినెట్ ఆమోదానికి పంపనున్నారు. దేశవ్యాప్తంగా 2018 మార్చి 12 వరకు 37.50 కోట్లు పాన్ కార్డులు జారీచేయగా, వీటిలో వ్యక్తిగత కార్డలు 36.54 కోట్లు. ఇప్పటి వరకు 16.84 కోట్ల పాన్ కార్డులను ఆధార్‌తో అనుసంధానం చేశారు. సుప్రీంకోర్టు తీర్పునకు అనుగుణంగా ఆధార్ విషయంలో ఒక న్యాయనిర్ణేత అధికారిని నియమించాలని కేంద్రం భావించింది. జాతీయ భద్రత దృష్ట్యా పౌరుల వివరాలను బహిర్గతం చేసే ఆధార్ చట్టంలోని సెక్షన్ 33(2)ను సైతం సుప్రీంకోర్టు రద్దుచేసింది. 

15:15 - December 6, 2018

ఢిల్లీ: అన్ని వాహనాలకు ‘హైసెక్యూరిటీ రిజిస్ట్రేషన్‌ నెంబర్ ప్లేట్ల(హెచ్‌ఎ్‌సఆర్‌పీ)ను అమర్చాలని సుప్రీంకోర్టు ఆదేశించిన సంగతి తెలిసిందే. దీన్ని అమలు చేసేందుకు కేంద్ర రోడ్డు రవాణా శాఖ అధికారులు అన్ని చర్యలు తీసుకుంటున్నారు. తాజాగా కస్టమర్లకు మరో శుభవార్త వినిపించారు. ఇకపై హైసెక్యూరిటీ నెంబర్ ప్లేట్ కోసం ఇబ్బందులు పడాల్సిన పని లేదు. అక్కడ ఇక్కడ తిరగాల్సిన బాధ ఉండదు. వాహనాలు తయారు చేసే కంపెనీలే హైసెక్యూరిటీ నెంబర్ ప్లేట్లు తయారు చేస్తాయి. డీలర్లు వాటిని వాహనానికి బిగించి విక్రయిస్తారు. కేంద్ర రోడ్డు రవాణ శాఖ ఈ మేరకు ఆటోమొబైల్ తయారీదారులకు ఆదేశాలు జారీ చేసింది. 2019 ఏప్రిల్ నుంచి ఈ నిబంధన అమల్లోకి వస్తుంది.
ట్యాంపరింగ్ చేయడం అసాధ్యం:
హైసెక్యూరిటీ ప్లేట్లకు 5 ఏళ్ల గ్యారంటీ ఇస్తారు. వాహనం ధరతో పాటు హైసెక్యూరిటీ నెంబర్ ప్లేట్ ధర కలుపుతారు. ప్రత్యేకంగా చెల్లించాల్సిన అవసరం లేదు. ప్రభుత్వ వాహన్ డేటా బేస్‌తో ఈ నెంబర్ ప్లేట్లను అనుసంధానం చేస్తారు. హై సెక్యూరిటీ నెంబర్ ప్లేట్లు అత్యాధునిక ఫీచర్లు కలిగి ఉంటుంది. ట్యాంపరింగ్ చేయడం అసాధ్యం.
పార్లమెంటుపై దాడి తర్వాత:
2005 కల్లా హైసెక్యూరిటీ నెంబర్ ప్లేట్లు అమర్చాలని గతంలో సుప్రీంకోర్టు ఆదేశాలు ఇచ్చింది. ఇంకా 12 రాస్ట్రాల్లో ఈ విధానం పూర్తిగా అమలు చేయాల్సి ఉంది. 2002లో పార్లమెంటుపై దాడి ఘటన తర్వాత కోర్టు ఈ ఆదేశాలు ఇచ్చింది. నెంబర్ ప్లేట్‌ను ట్యాంపరింగ్ చేసిన వాహనంపై వచ్చి ఉగ్రవాదులు పార్లమెంటుపై దాడి చేసిన సంగతి తెలిసిందే.
చోరీలకు చెక్:
ఇక హైసెక్యూరిటీ నెంబర్ ప్లేట్‌తో పాటు థర్డ్ రిజస్ట్రేషన్ మార్క్‌ కూడా ముఖ్యం. దీన్ని కూడా వాహనాలు తయారు చేసే కంపెనీలే డిజైన్ చేస్తాయి. దీనికి కలర్ కోడింగ్ ఉంటుంది. వాహనంలో వాడే ఇంధనాన్ని ఇది సూచిస్తుంది. దీన్ని డీలర్లు వాహనాలకు బిగిస్తారు. క్రోమియమ్ బేస్డ్ హోలోగ్రామ్ స్టికర్ రూపంలో ఈ మార్క్ ఇస్తారు. ట్యాంపరింగ్ జరక్కుండా ఇది ఉపయోగపడుతుంది. ఈ స్టికర్‌లో రిజిస్ట్రేషన్ నెంబర్, పర్మినెంట్ నెంబర్, ఇంజిన్-చాసిస్ నెంబర్ ఉంటాయి. వాహన చోరీలు జరక్కుండా ఈ ఫీచర్ అడ్డుకుంటుంది. కాలుష్యం వెదజల్లే వాహనాలను కనుక్కోవడం కూడా సులభం అవుతుంది.

17:01 - December 4, 2018

ఢిల్లీ : రాజకీయాల్లో క్రిమినల్ నేతలు వుండకూదు. రాజ్యాంగాన్ని రక్షించాల్సిన వారే రాజ్యాంగానికి భంగం కలిగించేలా క్రిమినల్ చర్యలకు పాల్పడితే ఇక చట్టసభలకు అర్థం వుందదు. ఈ నేపథ్యంలో సుప్రీంకోర్టులో క్రిమినల్ కేసులు వున్న రాజకీయ నేతలపై దాఖలైన పిటీషన్ పై దేశ అత్యున్నత న్యాయంస్థానం సుప్రీంకోర్టు విచారణ చేట్టింది. 

క్రిమినల్‌ కేసుల్లో దోషులుగా తేలిన రాజకీయ నాయకులు ఎన్నికల్లో పోటీ చేయకుండా వారిపై జీవితకాల నిషేధం విధించాలని, ప్రజాప్రతినిధులపై నమోదైన కేసులను విచారించేందుకు ప్రత్యేక కోర్టులను ఏర్పాటు చేయాలని కోరుతూ భాజపా నేత అశ్వినీ ఉపాధ్యాయ ఇటీవల సుప్రీంకోర్టులో పిటిషన్‌ దాఖలు చేశారు. దీనిపై విచారణ చేపట్టిన న్యాయస్థానం.. ప్రత్యేక కోర్టులు ఏర్పాటుచేయాలంటే ఎంపీలు, ఎమ్మెల్యేలపై ఎన్ని కేసులు పెండింగ్‌లో ఉన్నాయో తెలియాలని పేర్కొంది. దీనిపై డేటా ఇవ్వాలని కేంద్రాన్ని కోరింది. ఈ విచారణలో న్యాయస్థానానికి సాయం చేసేందుకు సీనియర్‌ న్యాయవాదులు విజయ్‌ హన్సరియా, స్నేహా కలితను అమికర్‌ క్యూరీలుగా నియమించింది. 

ఈ నేపథ్యంలో కేసుల విచారణను వేగవంతం చేయాలని సుప్రీంకోర్టు ఆయా రాష్ట్రాల హైకోర్టులను ఆదేశించింది. ప్రస్తుతం మాజా రాజకీయ ప్రతినిథులపై 4,122 కేసులు పెండింగ్ లో వున్నట్లుగా తెలుస్తోంది. వీటిలో ఎంపీలపై 2,324 కేసులు న్నాయి. 1991 కేసుల్లో ఇంకా చార్జ్ షీట్లు నమోదు కావాల్సి వుంది. 

ఈ క్రమంలో కర్ణాటక మాజీ ముఖ్యమంత్రి, భాజపా నేత బీఎస్‌ యడ్యూరప్పపై 18 కేసులుండగా..వీటిల్లో 10 కేసులు గరిష్ఠంగా యావజ్జీవ కారాగార శిక్ష పడేవే కావటం విశేషం. అయితే ఇంతవరకూ ఏ ఒక్క కేసులోనూ ఆయనపై ఛార్జ్‌షీటు నమోదుకాలేదు. ఒక్క యడ్యూరప్పే కాదు దేశవ్యాప్తంగా ప్రస్తుత, మాజీ ఎంపీలు, ఎమ్మెల్యేలపై ఏకంగా 4,122 క్రిమినల్‌ కేసులు పెండింగ్‌లో ఉన్నాయి. ఈ మేరకు ఎంపీ, ఎమ్మెల్యేలపై పెండింగ్‌ కేసుల అంశంపై అమికస్‌ క్యూరీగా ఉన్న సీనియర్‌ న్యాయవాదులు ఇద్దరు సుప్రీంకోర్టుకు మంగళవారం నివేదిక సమర్పించారు.

ఈ న్యాయవాదులు రాష్ట్ర ప్రభుత్వాలు, అక్కడి హైకోర్టుల నుంచి పెండింగ్‌ కేసుల వివరాలను తీసుకుని మంగళవారం కోర్టుకు నివేదిక సమర్పించారు. దీని ప్రకారం.. దేశవ్యాప్తంగా ప్రస్తుత, మాజీ ఎంపీలు, ఎమ్మెల్యేలపై మొత్తం 4,122 క్రిమినల్‌ కేసులు పెండింగ్‌లో ఉన్నాయి. వీటిల్లో చాలా కేసుల్లో కనీసం ఛార్జ్‌షీటు కూడా నమోదు కాలేదని తేలింది. ఇక 264 కేసుల్లో హైకోర్టులే స్టే విధించినట్లు నివేదికలో పేర్కొన్నారు. ఈ నివేదికను చీఫ్‌ జస్టిస్‌ రంజన్‌ గొగొయ్‌ నేతృత్వంలోని ధర్మాసనం నేడు పరిశీలించింది. 
 

17:44 - November 29, 2018

ఢిల్లీ : ఆంధ్రప్రదేశ్ జీవనాడి అయిన పోలవరం ప్రాజెక్ట్ పై వివాదాలు కొనసాగుతునే వున్నాయి. ఈ నేపథ్యంలో పోలవరం ప్రాజెక్ట్ పై దేశ అత్యున్నత న్యాయస్థానం కీలక వ్యాఖ్యలు చేసింది. ఈ అంశంపై విచారణ చేపట్టిన సుప్రీంకోర్టు ప్రజాభిప్రాయ సేకరణ లేకుండా నిర్మాణం వుండకూడదనీ..ప్రాజెక్టు ఆపితే ప్రభుత్వంపై ఎంత భారం పడుతుంది? నిర్మాణం ఆపితే కలిగే నష్టం కంటే..నిర్మాణం వల్ల జరిగే నష్టమే ఎక్కవని ఒడిషా ప్రభు్త్వం పేర్కొన్న నేపథ్యంలో సుప్రీంకోర్టు ఈ వ్యాఖ్యలు చేసింది. ప్రజాస్వామ్యంలో ప్రజాభిప్రాయానికి ప్రాధాన్యత వుండాలని సుప్రీంకోర్టు అభిప్రాయపడింది. అనంతరం తదుపరి విచారణను డిసెంబర్ 2వ తేదీ సోమవారం నాటికి వాయిదా వేసింది. 
 

13:35 - November 29, 2018

మెడిసిన్ చదవటానికి అర్హత కోసం రాసే నీట్ మెడికల్ ఎంట్రన్స్ టెస్ట్ ను ఇక నుంచి 25 ఏళ్ల వయస్సు దాటిన వారూ రాసుకోవచ్చు. వయస్సు అనేది అర్హతకు ప్రామాణికంగా తీసుకోవాల్సిన అవసరం లేదంటూ కీలక తీర్పు ఇచ్చింది సుప్రీంకోర్టు. 25 ఏళ్లు దాటిన అండర్ గ్రాడ్యుయేట్స్ నీట్ మెడికల్ ఎంట్రన్స్ టెస్ట్ కు అర్హులే అని స్పష్టం చేసిన కోర్టు.. అడ్మిషన్స్ విషయంలో మాత్రం CBSE నిబంధనలకు లోబడి మాత్రమే ఉంటాయని స్పష్టం చేసింది. వచ్చే ఏడాది నుంచి ఈ రూల్ అమల్లోకి రాబోన్నది. అదే విధంగా నవంబర్ 30వ తేదీ ముగియనున్న ఎంట్రన్స్ టెస్ట్ దరఖాస్తు తేదీని మరో వారం పొడిగించాలని నేషనల్ టెస్టింగ్ ఏజెన్సీని కూడా ఆదేశించింది కోర్టు.
ఫ్రెషర్స్ అభ్యంతరం :
ఇంటర్ పూర్తి చేసిన ఫ్రెషర్స్ మాత్రం దీనిపై అభ్యంతరం వ్యక్తం చేస్తున్నారు. 25ఏళ్లు నిండిన అండర్ గ్రాడ్యుయేట్స్ ఎంట్రన్స్ రాయటం వల్ల కాంపిటీషన్ పెరుగుతుందని.. వారి సీనియారిటీ వల్ల నష్టం వస్తుందంటూ ఆందోళన వ్యక్తం చేస్తున్నారు. మెడిసిన్ సీట్లకు కాంపిటీషన్ ఎక్కువగా ఉంటుందని.. ఏజ్ లిమిట్ ఉండాల్సిందే అని డిమాండ్ చేస్తున్నారు ఫ్రెషర్స్. అడ్మిషన్ ప్రక్రియలో మాత్రం CBSE నిబంధనలు అనుగుణంగా ఉన్నప్పుడు.. ఎంట్రన్స్ టెస్ట్ రాసి క్వాలిఫై అయితే ఏం ప్రయోజనం అని కూడా ఫ్రెషర్స్ ప్రశ్నిస్తున్నారు.

11:45 - November 29, 2018

ఢిల్లీ : కొండంత భరోసాతో తమకు ఒక అండ..ఒక ధైర్యం, ఒక భద్రతో కూడిన ఆశ్రయం దొరుకుతుందనే ఆశతో వచ్చినవారికి షెల్టర్‌ హోం మరింతగా జరుగుతున్న అకృత్యాలతో తల్లడిల్లిపోతున్నారు బాలికలు. ముజఫర్‌పూర్‌ షెల్టర్‌ హోంలో జరిగిన లైంగిక వేధింపుల అకృత్యాలు వెలుగుచూడటంతో బిహార్‌ ప్రభుత్వం అలర్ట్‌ అయింది. అయినాసరే తగిన  చర్యలు తీసుకోవడంలో నిర్లక్ష్యం వహించింది.  దీంతో 110 షెల్టర్‌ హోంలలో 17 హోంలలో మైనర్లపై జరుగుతున్న అరాచకాలు, లైంగిక వేధింపులపై విచారణ చేపట్టే బాధ్యతలను సర్వోన్నత న్యాయస్థానం సుప్రీంకోర్టు సీబీఐకి అప్పగించింది. కాగా ఈ కేసుల కేసుల దర్యాప్తును సీబీఐకి గానీ ఏ ఇతర విచారణ సంస్థలకు , ఇతర విచారణ సంస్థలకు బదలాయించవద్దన్న బిహార్‌ ప్రభుత్వ విజ్ఞప్తిని సుప్రీంకోర్టు కొట్టిపారేసింది. 

షెల్టర్‌ హోంలలో జరుగుతున్న దారుణాలపై విచారణను బిహార్‌ పోలీసుల నుంచి సీబీఐకి సుప్రీంకోర్టు బుధవారం  అంటే నవంబర్ 28న తేదీన బదలాయించింది. జస్టిస్‌ మదన్‌ బీ లోకుర్‌ నేతృత్వంలోని జస్టిస్‌ ఎస్‌ఏ నజీర్‌, జస్టిస్‌ దీపక్‌ గుప్తాలతో కూడిన ధర్మాసనం తీర్పు వెలువరించింది. మరో 10 రోజులు సమయం అడిగిన బిహార్‌ ప్రభుత్వ విజ్ఞప్తిని ధర్మాసనం తోసిపుచ్చింది. డిసెంబర్‌ 7 నాటికి సీబీఐ తమ చార్జిషీట్‌ సమర్పిస్తుందని కోర్టు అభిప్రాయపడింది. 
17 షెల్టర్‌ హోంలలో మైనర్లపై లైంగిక దాడులు జరుగుతున్నాయని టాటా ఇనిస్టిట్యూట్‌ ఆఫ్‌ సోషల్‌ సైన్సెస్‌ నివేదికతో ఈ అకృత్యాలు వెలుగులోకొచ్చాయి.  దీంతో ఒక్కసారిగా ముజఫర్‌పూర్‌ షెల్టర్‌ హోంలో జరిగిన దారుణాలపై కేసు నమోదు చేసి విచారణ చేపట్టిన బిహార్‌ పోలీసుల పనితీరు నచ్చని కారణంగా సీబీఐ లాంటి దర్యాప్తు సంస్థకు కేసు అప్పగించాలని సుప్రీంకోర్టు భావించింది. ముజఫర్‌పూర్‌తో పాటు ఆరోపపణలు వచ్చిన మరో 16 షెల్టర్‌ హోంలలో దారుణాలపై సీబీఐని విచారణ చేపట్టాలని ఆదేశించింది. మరి ఇకనైనా..బాధితులకు న్యాయం జరిగేనా? నిందితులకు, బాధ్యలకు శిక్ష పడేనా అనే అంశం స్పష్టం కావాలంటే ముజఫర్ షెల్డర్ హోమ్స్ లో జరుగుతున్న అరాచకాలపై పూర్తిస్థాయి విచారణ జరిగాల్సిన అవసరముంది. 
 

16:22 - November 27, 2018

న్యూఢిల్లీ: వసతి గృహాల్లో చిన్నారి బాలికలపై లైంగిక వేధింపులు జరుగుతుంటే నిమ్మకు నీరెత్తినట్టు ఉంటారా.. చర్యలు తీసుకోవడంలో ఇంత నిర్లక్ష్యమా అంటూ బీహార్ పోలీసులపై సుప్రీంకోర్టు ఆగ్రహం వ్యక్తం చేసింది. ముజఫూర్‌నగర్ వసతిగృహంలో షెల్టర్ తీసుకుంటున్న బాలికలపై  లైంగికవేధింపుల కేసును విచారిస్తున్న సుప్రీంకోర్టు మదన్ బి లోకూర్ ఆద్వర్యంలోని ప్రత్యేక బెంచి బీహార్‌లోని వసతి గృహాల్లో ఘోరాలు జరుగుతున్నా ప్రభుత్వం నిర్లక్ష్యంగా వ్యవహరిస్తోందని వ్యాఖ్యానించింది. అన్ని కేసులు సీబీఐకే అప్పజెపితే బాధితులకు సత్వర న్యాయం ఎక్కడ జరుగుతుందని ప్రశ్నించింది. పోలీసుల కేసు నమోదు చేసి విచారణ చేయకపోతే ఇటువంటి దారుణమైన ఘటనల్లో నిజాలు బయటకు రావని కోర్టు వ్యాఖ్యానించింది.
ఐపీసీ సెక్షన్ 377ను ఉపయోగించి ఎన్ని కేసులు నమోదు చేశారో తెలపాలని తూర్పారపట్టింది. రాష్ట్రంలో ఉన్న అన్ని వసతిగృహాల్లో జరిగే అకృత్యాలను మీరు టేకప్ చేస్తారా అంటూ సీబీఐ కౌన్సెల్‌ను కోర్టు ప్రశ్నించింది. 
 

 

Pages

Don't Miss

Subscribe to RSS - supreme court