t congress leaders

17:40 - January 19, 2018
14:37 - January 19, 2018

సంగారెడ్డి : నగరంలో కాంగ్రెస్ పార్టీ రైతు మహాధర్నా జరిగింది. రైతు మహాధర్నాకు రైతులు భారీగా తరలి వచ్చారు. కాంగ్రెస్ నేత జగ్గారెడ్డి ఆధ్వర్యంలో కాంగ్రెస్ రైతు మహాధర్నా నిర్వహించారు. మరింత సమాచారం కోసం వీడియో క్లిక్ చేయండి. 

18:06 - January 18, 2018

హైదరాబాద్ : పంచాయితీ రాజ్ చట్టంలో మార్పులపై ప్రభుత్వం వెంటనే అఖిలపక్ష సమావేశం ఏర్పాటు చేయాలని కాంగ్రెస్ పార్టీ డిమాండ్ చేసింది. కేసీఆర్ ప్రభుత్వం ఇష్టం వచ్చినట్లుగా మార్పులు చేస్తే.. ఊరుకునేది లేదని టీపీసీసీ చీఫ్ ఉత్తమ్ కుమార్‌ రెడ్డి స్పష్టం చేశారు. అసలు తెలంగాణలో లోకల్ బాడీ వ్యవస్థను కేసీఆర్ ప్రభుత్వం నిర్వీర్యం చేసిందని ఆయన ఆరోపించారు. సబ్ కమిటీ రిపోర్టుపై వెంటన్ ఆల్‌ పార్టీ మీటింగ్ నిర్వహించి అన్ని విషయాలు స్పష్టం చేయాలని ఉత్తమ్ డిమాండ్ చేశారు.

21:28 - January 12, 2018

హైదరాబాద్ : టీఆర్‌ఎస్‌ నేతల్లో రోజురోజుకు అసంతృప్తి పెరిగిపోతుంది. తెలంగాణ ఉద్యమంతో సంబంధం లేని వారు మంత్రివర్గంలో ఉన్నారని ఈ మధ్యే నాయిని వ్యాఖ్యానించగా.. ఆ వ్యాఖ్యలను ఎమ్మెల్యే శ్రీనివాస్‌గౌడ్‌ సమర్దించారు. యాదాద్రి భువనగిరి జిల్లా తెలంగాణ గెజిటెడ్‌ అధికారుల సంఘం డైరీ ఆవిష్కరించిన శ్రీనివాస్‌గౌడ్‌... తెలంగాణ ఉద్యమ సమయంలో ఉద్యమ నాయకులను అవమానించిన వారే కేబినెట్‌లో మంత్రులుగా కొనసాగడం చాలా బాధాకరమన్నారు. ఇవి తలచుకుంటే... కళ్ల వెంట నీళ్లొస్తున్నారు. అయితే... కేసీఆర్‌ ఏ నిర్ణయం తీసుకున్నా... దాని వెనక బలమైన కారణం ఉంటుందన్నారు శ్రీనివాస్‌గౌడ్‌.

కొద్దిసేపటికే ఎమ్మెల్యే శ్రీనివాస్‌గౌడ్‌ తన మాట మార్చారు. తాను చేయని వ్యాఖ్యలను చేసినట్లుగా మీడియా ప్రసారం చేస్తుందన్నారు. తనపై తప్పుడు ప్రచారం చేసినవారికి లీగల్‌ నోటీసులు పంపిస్తామన్నారు. మంత్రి నాయిని ఏ ఉద్దేశంతో వ్యాఖ్యలు చేశారో తెలియదు గానీ... నాపై ఇలాంటి ప్రచారం చేయడం సరైనది కాదన్నారు శ్రీనివాస్‌గౌడ్‌.

21:12 - January 12, 2018

హైదరాబాద్ : విద్యుత్‌ ప్రాజెక్టు కాంట్రాక్టుల అవినీతి ఆరోపణలపై సీబీఐ లేదా సీవీసీ విచారణ జరిపించాలని కాంగ్రెస్‌ నేత రేవంత్‌రెడ్డి డిమాండ్‌ చేశారు. ఈ అంశంపై బహిరంగ చర్చకు వెనక్కతగ్గిన టీఆర్‌ఎస్‌ నేతల వైఖరిపై కాంగ్రెస్‌ నాయకుడు రేవంత్‌ రెడ్డి మండిప్డడారు. విద్యుత్‌ ప్రాజెక్టు టెండర్ల కాంట్రాక్టుల్లో ముఖ్యంత్రి కేసీఆర్‌కు భారీగా ముడుపులు ముట్టాయని ఆరోపించారు. ఈ విషయాన్ని తాను నిరూపించకపోతే హైదరాబాద్‌ అబిడ్స్‌ చౌరాస్తాలో ముక్కు నేలకు రాస్తానని రేవంత్‌ మరోసారి సవాల్‌ విసిరారు. యాదాద్రి, భద్రాద్రి, కొత్తగూడెం విద్యుత్‌ ప్రాజెక్టు నిర్మాణ టెండర్లలో భారీ ఎత్తున అవినీతి జరిగిందని కాంగ్రెస్‌ నేత రేవంత్‌ చేసిన ఆరోపణలపై బహిరంగ చర్చకు రావాలని టీఆర్‌ఎస్‌ ఎంపీ బాల్క సుమన్‌ సవాల్‌ విసిరారు. దీనిని రేవంత్‌ స్వీకరించడంతో ఆత్మరక్షణలో పడ్డ టీఆర్‌ఎస్‌ నేతలు.. ఆ తర్వాత వెనక్కి తగ్గారు. రేవంత్‌కు విశ్వసనీయతలేదంటూ.. టీపీసీసీ అధ్యక్షుడు ఉత్తమ్‌కుమార్‌రెడ్డి, సీఎల్‌పీ నేత జానారెడ్డి, ఎమ్మెల్సీ షబ్బీర్‌ అలీ చర్చకు రావాలని మెలిక పెట్టారు. అయినా రేవంత్‌రెడ్డి వెనక్కితగ్గకుండా బహిరంగ చర్చకు సిద్ధమై, తన అనుచరులతో కలిసి అసెంబ్లీ సమీపంలోని గన్‌ పార్క్‌ వద్దకు వచ్చారు. విద్యుత్‌ ప్రాజెక్టుల టెండర్లలో అవినీతి బయటపడుతుందనే భయంతోనే బహిరంగ చర్చకు రాకుండా టీఆర్‌ఎస్‌ నేతలు తోక ముడిచారని రేవంత్‌ మండిపడ్డారు. టెండర్లు పిలువకుండా 30,400 కోట్ల పనులను బీహెచ్‌ఈఎల్‌కు ఎలా అప్పగించారాలో టీఆర్‌ఎస్‌ నేతలు సమాధానం చెప్పాలని రేవంత్‌రెడ్డి డిమాండ్‌ చేశారు. ఈ మొత్తం వ్యవహారంపై సీబీఐ లేదా సీవీసీతో విచారణ జరిపించాలని డిమాండ్‌ చేశారు. కేసీఆర్‌ పాలనలో జరిగిన అవినీతి చిట్టా తన దగ్గర ఉందన్న రేవంత్‌రెడ్డి, వీటిని ప్రజల ముందువుంచి, ముఖ్యమంత్రిని ప్రగతి భవన్‌ నుంచి చర్లపల్లి జైలుకు పంపిస్తాని హెచ్చరించారు. 

14:14 - January 12, 2018
22:13 - January 6, 2018

నిజామాబాద్ : కేసీఆర్ పాలన తెలంగాణ రైతులకు శాపంగా మారిందని టీపీసీసీ చీఫ్ ఉత్తమ్‌ కుమార్ రెడ్డి అన్నారు. ఎన్నికల సమయంలో రైతులకు రుణమాఫీ చేస్తామని చెప్పిన కేసీఆర్‌...  అధికారంలోకి రాగానే రుణమాఫీని నాలుగు విడతలు చేశారన్నారు. దీనిపై అసెంబ్లీలో నిలదీసినా ప్రభుత్వం స్పందించలేదని మండిపడ్డారు. నిజామాబాద్ జిల్లా ఆర్మూర్ మండలం ఆలూరులో కాంగ్రెస్‌ ఏర్పాటు చేసిన ఎర్రజొన్న, పసుపు రైతుల సదస్సులో ఉత్తమ్‌ పాల్గొన్నారు. నాలుగేళ్ల కేసీఆర్‌ పాలనలో 3వేల 500 మంది రైతులు ఆత్మహత్య చేసుకున్నారని.. దీనికి టీఆర్‌ఎస్‌ సర్కార్‌ బాధ్యత వహించాలన్నారు. 

 

22:10 - January 6, 2018

ఢిల్లీ : అన్ని రాష్ట్రాల పీసీసీ అధ్యక్షులు, ఇతర కమిటీలను కొనసాగిస్తూ ఏఐసీసీ కీలక ప్రకటన చేసింది. తదుపరి ఆదేశాలు వచ్చేవరకు కొనసాగుతారని వెల్లడించింది. ఏఐసీసీ ప్రకటనతో ఆశావహుల్లో నిరుత్సాహం నెలకొంది. రాహుల్ అధ్యక్ష పగ్గాలు చేపట్టిన తర్వాత చాలా వరకు కాంగ్రెస్ పార్టీలో కీలక మార్పులు చోటుచేసుకుంటాయని సీనియర్లు భావించారు. అంతే కాదు కేంద్రంలో అధికారంలో లేనందున రాష్ట్రాల్లోనూ మార్పులు చేర్పులు ఉంటాయని భావించారు. అయితే ఈ విషయంపై రాహుల్ గాంధీ క్లారిటీ ఇచ్చేశారు. అన్నిరాష్ట్రాల పీసీసీ అధ్యక్షులు, కమిటీలు కొనసాగించాలని రాహుల్ నిర్ణయించారు. 

 

20:13 - January 6, 2018

హైదరాబాద్ : జంప్‌ జిలానీలతో కాంగ్రెస్‌ పార్టీ బాగా కుదేలైనట్లే కనిపిస్తోంది.. టీఆర్‌ఎస్‌ చేసిన ఆపరేషన్‌ ఆకర్ష్‌తో... హస్తం పార్టీకి హ్యాండిచ్చిన ఏడుగురు ఎమ్మెల్యేలు.. కారెక్కేశారు. ఆ లోటును భర్తీ చేసుకునేందుకు కాంగ్రెస్‌ ఏంచేస్తోంది... ఇంతకూ గెలుపు గుర్రాలను ఎంచుకుందా...? లేదా....? వాచ్‌ ది స్టోరీ.. ఆపరేషన్‌ ఆకర్ష్‌తో అధికార టీఆర్‌ఎస్‌ పార్టీ కాంగ్రెస్‌ లోని ఏడుగురు ఎమ్మెల్యేలను కారులోకి ఎక్కించుంది. విడతలవారీగా జరిపిన ఈ ఆపరేషన్‌తో కాంగ్రెస్‌ పార్టీ వణికిపోయింది. ఆ షాక్‌నుంచి తేరుకోవడానికి  కాంగ్రెస్‌కు చాలా సమయమే పట్టింది. దీనిపై సమీక్షించుకున్న  నేతలు జరిగిన లోటును భర్తీ చేయడంపై దృష్టి సారించారు.
గెలుపు గుర్రాల వేటలో కాంగ్రెస్‌
గోడమీది పిల్లుల్లా పార్టీ మారిన ఎమ్మెల్యేల స్థానాల్లో... ప్రత్యామ్నాయ మార్గాల అన్వేషణలో కాంగ్రెస్‌ పార్టీ ఉన్నట్లు  సమాచారం. మిర్యాలగూడ నుంచి కాంగ్రెస్ ఎమ్మెల్యేగా గెలిచిన భాస్కర్‌ రావు టీఆర్‌ఎస్‌ కండువా కప్పుకున్నారు.  కానీ.. జానారెడ్డి ప్రభావంతో  క్యాడర్‌ పెద్దగా వెళ్ళలేదు. ఇక్కడ ప్రత్యామ్నాయంగా జానారెడ్డి కుమారుడు రఘువీర్‌ రెడ్డిని బరిలో దించేందుకు రంగం సిద్ధం చేస్తున్నట్లు తెలుస్తోంది.   
మక్తల్‌ బరిలో డీకే అరుణ కూతురు! 
మక్తల్‌లో రాజకీయం మరింత రంజుగా మారింది.  ఇక్కడి నుంచి గెలిచిన డీకే అరుణ సోదరుడు చిట్టెం రామ్మోహన్‌ రెడ్డి టీఆర్‌ఎస్‌లోకి జంప్‌ చేశారు. దీంతో తమ్ముడిపై ప్రతీకారంతో రగిలిపోతున్న డీకే అరుణ... తన కూతురు స్నిగ్దారెడ్డిని బరిలో దించే యోచనలో ఉన్నట్లు సమాచారం. డీకే అరుణ ప్రభావంతో స్నిగ్దారెడ్డి  గెలుపు మరింత సులువన్న భావనలో ఉన్నారు కాంగ్రెస్‌ నేతలు.
పోటీకి సిద్ధపడుతున్న పొంగులేటి సుధాకర్‌రెడ్డి
కాంగ్రెస్‌కు ఖమ్మంలో కూడా  ఇబ్బందిగానే ఉన్నట్లు కనిపిస్తోంది.. రూరల్‌ నియోజకవర్గాలకు చెందిన కోరం కనకయ్య, పువ్వాడ అజయ్‌లు కారెక్కేశారు. ఇల్లందు ఎస్టీ రిజర్వుడు కావడంతో అభ్యర్థి ఎంపిక కాంగ్రెస్‌కు  కష్టంగా మారింది.. ఇక్కడ ప్రత్యామ్నాయం ఎవరన్న క్లారిటీ లేదు.  ఖమ్మం రూరల్‌ నుంచి ఎమ్మెల్సీ పొంగులేటి సుధాకర్‌ రెడ్డి టికెట్‌ ఆశిస్తున్నారు. సో... పువ్వాడ విజయ్‌తో పోటీకి పొంగులేటి ఇప్పటినుంచే సిద్ధపడుతున్నారు.
కాంగ్రెస్‌ టికెట్‌ రేసులో మాజీ ఎమ్మెల్యే నారాయణరావ్
అటు ఆదిలాబాద్‌ జిల్లాలో.. ముధోల్ నుంచి గెలిచిన విఠల్‌రెడ్డి కాంగ్రెస్‌కు ఆదిలోనే ఝలక్‌ ఇచ్చారు. దీంతో అక్కడ మాజీ ఎమ్మెల్యే నారాయణ్ రావ్ పాటిల్‌ పార్టీ బాధ్యతలు మోస్తున్నారు. ఆయన తనకు టికెట్‌ ఇస్తే వచ్చే ఎన్నికల్లో  విఠల్‌ రెడ్డికి గుణపాఠం చెబుతామన్న ధీమా వ్యక్తం చేస్తున్నారు.
చేవెళ్ళ కాంగ్రెస్‌ టికెట్‌కు పోటాపోటీ
ఇక రంగారెడ్డి జిల్లాలోనూ అదే పరిస్థితి. చేవెళ్ళలో యాదయ్య కాషాయ కండువా కప్పుకున్నారు... ఆస్థానం నుంచి   డీసీసీ మాజీ అధ్యక్షుడు వెంకటస్వామి టికెట్‌ ఆశిస్తున్నారు. కాగా.. ఇటీవల రేవంత్‌ రెడ్డితో కలిసి కాంగ్రెస్‌లో చేరిన సతీష్‌ మాదిగ సైతం టికెట్‌ పోటీలో ఉన్నారు..  వెంకటస్వామికి సబితా ఇంద్రారెడ్డి ఆశీస్సులు ఉండగా... సతీష్‌ మాదిగకు రేవంత్‌రెడ్డి అండ ఉంది.  
డోర్నకల్‌లో కాంగ్రెస్‌ టికెట్‌ ముగ్గురు లీడర్ల ఆసక్తి
ఆపరేషన్‌ ఆకర్ష్‌ ప్రభావం వరంగల్‌ జిల్లా కాంగ్రెస్‌పైనా తీవ్రంగానే పడింది. డోర్నకల్‌ నుంచి కాంగ్రెస్ ఎమ్మెల్యేగా గెలిచిన రెడ్యానాయక్‌ టీఆర్‌ఎస్‌ తీర్థం పుచ్చుకున్నారు... ఆ స్థానం నుంచి మాజీ మంత్రి రవీంద్ర నాయక్‌, బెల్లయ్య నాయక్‌లు టికెట్‌ కోసం ముమ్మరంగా ప్రయత్నిస్తున్నారు.  టీడీపీ నుంచి  కాంగ్రెస్‌లో చేరిన డాక్టర్‌ రామచంద్ర నాయక్‌ కూడా టికెట్‌  రేస్‌లో ఉన్నారు..  అభ్యర్థి ఎవరన్నదీ కాంగ్రెస్‌ స్పష్టం చేయలేదు. దీంతో సంధిగ్దం నెలకొంది. హస్తం పార్టీకి హ్యాండిచ్చిన ఎమ్మెల్యేలకు.. ప్రజాక్షేత్రంలో చెక్‌ పెట్టేందుకు  కాంగ్రెస్‌ వ్యూహాత్మకంగా అడుగులేస్తోంది. అందుకోసం గెలుపు గుర్రాల ఎంపికలో నిమగ్నమైంది.  ఇంతకీ ప్రజలు కాంగ్రెస్‌ను బలపరుస్తారో.. లేక వలస నేతలకే జై కొడతారో వేచి చూడాలి.

 

09:00 - December 28, 2017

హైదరాబాద్ : 2019 ఎన్నికల కోసం కాంగ్రెస్‌ కసరత్తు మొదలుపెట్టింది. ఎలాగైనా గెలుపు సాధించాలనే లక్ష్యంతో వ్యూహాలు రచిస్తోంది. ఈ ఎన్నికల్లో గెలుపు గుర్రాలకే టికెట్లు ఇచ్చేందుకు రంగం సిద్ధం చేస్తోంది. అయితే... గెలుపు గుర్రాలను పట్టుకునేందుకు హస్తం అధిష్టానం రచిస్తున్న ప్లాన్‌ ఏంటి ? ఢిల్లీ పెద్దల ఆలోచనలపై రాష్ట్ర నేతలు ఏమంటున్నారు. ఈ ప్లాన్‌ పార్టీకి ఎంతవరకు లాభం చేకూరనుంది? వాచ్‌ దిస్‌ స్టోరీ.. తెలంగాణ రాష్ట్రం ఇచ్చినా.. ఎన్నికల్లో ఓటమికి గురైంది కాంగ్రెస్‌ పార్టీ. ఆ తర్వాత వచ్చిన ప్రతి ఉప ఎన్నికల్లోనూ ఓటమి చవి చూసింది. దీంతో కేడర్‌ అంతా నిరూత్సాహంలో కొట్టుమిట్టాడుతోంది. అయితే... వాటన్నింటిని నుంచి ఇప్పుడిప్పుడే కోలుకుంటున్న హస్తం పార్టీ... 
తెలంగాణపై అధిష్టానం ప్రత్యేక దృష్టి 
దేశంలో కాంగ్రెస్‌ అధికారంలోకి వచ్చే అవకాశం ఉన్న రాష్ట్రాల్లో తెలంగాణ కూడా ఒకటి అని పార్టీ భావిస్తోంది. అందుకోసం రాష్ట్రంపై ప్రత్యేక దృష్టి సారించింది. రాష్ట్ర నేతలకు దిశానిర్దేశం చేస్తూనే... రాష్ట్రంలోని పరిస్థితులు... నియోజకవర్గాల వారీగా గెలుపు-ఓటముల పరిస్థితిని అంచానా వేస్తోంది. అలాగే క్షేత్రస్థాయిలో నేతల పనితీరును పరిశీలిస్తోంది. పార్టీ కేడర్‌లో నేతలపై ఉన్న అభిప్రాయాలను అధిష్టానం నేరుగా సేకరిస్తోంది. 
గెలుపు గుర్రాలే లక్ష్యంగా ప్రణాళికలు 
అయితే.. గెలుపు గుర్రాలే లక్ష్యంగా ప్రణాళికలు సిద్ధం చేసుకుంటున్న అధిష్టానం.. అందుకు ఒక కొత్త ఫార్ములాను తెరపైకి తెచ్చినట్లు సమాచారం. నియోజకవర్గంలో రెండుసార్లు వరుసగా ఓటమికి గురైన వారికి టికెట్‌ ఇవ్వకూడదని ప్రాథమికంగా నిర్ణయించినట్లు తెలుస్తోంది. అది ఎంపీ అభ్యర్థి అయినా.. ఎమ్మెల్యే అభ్యర్థి అయినా సరే ఇదే విధానం అమలు చేయాలని భావిస్తోంది. మరోవైపు భారీ తేడాతో ఓటమికి గురైన అభ్యర్థులను సైతం దూరం పెట్టాలని యెచిస్తోంది.  అయితే... అధిష్టానం జరిపిన సర్వే ప్రకారం... రాష్ట్రంలో 30 మందికి టికెట్లు దక్కే అవకాశం కనిపించడం లేదని తెలుస్తోంది. సిట్టింగ్‌ ఎమ్మెల్యేలకు, మాజీ మంత్రులకు డోకా లేకపోయినప్పటికీ.. కొందరు మాజీలకు టికెట్లు కట్ చేసే అవకాశం ఉన్నట్లు తెలుస్తోంది. అందుకే పీసీసీ చీఫ్‌ ఉత్తమ్‌ ప్రమేయం లేకుండా... నియోజకవర్గ అభ్యర్థి పేరును ఎవరూ ప్రకటించవద్దని అధిష్టానం సంకేతాలు పంపింది. 
అధిష్టానం నిర్ణయంపై రాష్ట్ర నేతల్లో ఆసక్తికర చర్చ 
అయితే... అధిష్టానం నిర్ణయంపై రాష్ట్ర నేతల్లో ఆసక్తికర చర్చ జరుగుతోంది. ఢిల్లీ పెద్దల నిర్ణయంతో పార్టీకి నష్టం జరిగే అవకాశం ఉందని నేతలు అభిప్రాయపడుతున్నారు. ఓటమి ప్రాతిపదికను చాలా కోణాల్లో విశ్లేషించుకోవాల్సి వస్తుందని చెబుతున్నారు. గతంలో రెండుసార్లు వరుసగా ఓడిన నేతలు.. ఆ తర్వాత ఎన్నికల్లో గెలిచారన్న విషయాన్ని గుర్తు చేస్తున్నారు. అధిష్టానం ఈ ఫార్ములాను పక్కనపెట్టి... 2019 ఎన్నికల్లో గెలుపే ప్రాతిపదికన అభ్యర్థుల ఎంపిక చేయాలని సీనియర్లు సూచిస్తున్నారు. 
ఫార్ములాపై మిశ్రమ స్పందన 
మొత్తానికి హైకమాండ్‌ అనుసరిస్తున్న ఫార్ములాపై మిశ్రమ స్పందన కనిపిస్తోంది. కొత్తగా టికెట్లు ఆశిస్తున్న వారిలో జోష్‌ నింపుతుంటే... గతంలో ఓటమి చవిచూసిన వారికి ఆందోళన కలిగిస్తోంది.  ఇప్పటికే కొంతమంది సీనియర్లు దీనిపై పెదవి విరుస్తున్నారు. మరి... వీటన్నింటిని దృష్టిలో ఉంచుకుని అధిష్టానం ఎలా ముందుకె వెళ్తుందో చూడాలి. 

Pages

Don't Miss

Subscribe to RSS - t congress leaders