t congress leaders

19:17 - August 11, 2018

హైదరాబాద్ : ఓయూ ఏమైన్నా నిషేధిత ప్రాంతమా ? అని కాంగ్రెస్ నేతలు ప్రశ్నించారు. ఓయూలో రాహుల్ పర్యటనకు ఓయూ ఉన్నతాధికారులు నిరాకరించిన సంగతి తెలిసిందే. దీనిపై శనివారం టి.కాంగ్రెస్ నేతలు మీడియాతో మాట్లాడారు. రాహుల్ సభకు అనుమతి నిరాకరించడం సబబు కాదని మల్లు భట్టి విక్రమార్క పేర్కొన్నారు. కంచెలు తొలగించుకుని వెళుతామన్నారు. కార్మిక, ఉద్యోగస్తులు, విద్యుత్ శాఖ కార్మికులు..ఇలా ప్రతొక్కరూ కలిసి రావాలని మధు యాష్కి పిలుపునిచ్చారు. రాహుల్ తీసుకుంటన్న చర్యలను విజయవంతం చేయాలని కోరారు. భయం మూలంగా రానీవ్వడం లేదా ? అని గీతారెడ్డి పేర్కొన్నారు. గతంలో రాహుల్ ఓయూకు వెళ్లలేదా అని గుర్తు చేశారు. ఓయూ ఏమన్నా నిషేధిత ప్రాంతమా అని నిలదీశారు. 

21:26 - August 10, 2018

హైదరాబాద్ : ఏఐసీసీ అధ్యక్షుడు రాహుల్‌గాంధీ ఉస్మానియా యూనివర్సిటీ సభపై రగడ జరుగుతోంది. ఈనెల 14న తలపెట్టిన రాహుల్‌ సభకు ఓయూ అధికారులు అనుమతి నిరాకరించడంపై విద్యార్ధి సంఘాల నాయకులు మండిపడుతున్నారు. భద్రతా కారణాలతో అనుమతి నిరాకరించినట్టు అధికారులు చెబుతున్నా... ముఖ్యమంత్రి కేసీఆర్‌ ఒత్తిడికి లొంగిన ఉస్మానియా యూనివర్సిటీ అధికారులు.. రాహుల్‌ సభను అనుమతి ఇవ్వలేదని ఆరోపిస్తున్నారు. ఏఐసీసీ అధ్యక్షుడు రాహుల్‌గాంధీ ఉస్మానియా యూనివర్సిటీ సభసై రాజకీయ దుమారం చెలరేగుతోంది. యూనివర్సిటీలోని ఠాకూర్‌ ఆడిటోరియంలో రాహుల్‌ విధ్యార్థులతో భేటీ కోసం కాంగ్రెస్‌ నాయకులు అనుమతి కోరుతూ తెలంగాణ కాంగ్రెస్‌ నాయకులు లేఖ రాశారు. భద్రతా కారణాలతో అనుమతి నిరాకరించినట్టు ఉస్మానియా యూనివర్సిటీ అధికారులు ప్రకటించడంతో కాంగ్రెస్‌ నాయకులు, విద్యార్థి సంఘాల నాయకులు మండిపడుతున్నారు.

రాహుల్‌ సభకు అనుకూలంగా, వ్యతిరేకగా ఉస్మానియా యూనివర్సిటీ విద్యార్థి సంఘాలు విడిపోయాయి. అడ్డుకుంటామని ఒక వర్గం, సభ నిర్వహించి తీరతామని మరోవర్గం ప్రకటించడంతో వివాదం ముదిరింది. రాహుల్‌ రాకను టీఆర్‌ఎస్వీ వ్యతిరేకిస్తోంది. రాహుల్‌ ఫ్రొపెసర్‌ లేదా శాస్త్రవేత్త కాదన్నది టీఆర్‌ఎస్వీ వాదన. రాజకీయ నాయకులు యూనివర్సిటీకి వస్తే విద్యా వాతావరణం పాడైపోతుందని టీఆర్‌ఎస్వీ కార్యకర్తలు అంటున్నారు. తెలంగాణ ఇవ్వడంతో కాంగ్రెస్‌ జాప్యం చేయడంతోనే వందలాది మంది విద్యార్థులు ఆత్మబలిదానాలు చేసుకున్నారని ఆరోపిస్తున్నారు. 2019లో కాంగ్రెస్‌ అధికారంలోకి వస్తే ఏపీకి ప్రత్యేక హోదా ఇస్తామని సీడబ్ల్యూసీ తీర్మానం చేయడాన్ని టీఆర్ఎస్వీ నాయకులు తప్పుపడుతున్నారు. దీనివలన తెలంగాణ నుంచి ఏపీకి పెట్టుబడులు తరలిపోయే ప్రమాదం ఉందని ఆందోళన వ్యక్తం చేస్తున్న టీఆర్‌ఎస్వీ కార్యకర్తలు రాహుల్‌ పర్యటనను వ్యతిరేకిస్తున్నారు.

మరోవైపు ఓయూ నిధుల కొరత ఎదుర్కొంటోందని... ఎస్సీ, ఎస్టీ విద్యార్థులుకు ఉపకారవేతనాలు రావడంలేదన్న వాదాన్ని రాహుల్‌ అనుకూలవర్గం విద్యార్థి సంఘాలు వినిపిస్తున్నాయి. దళితులపై దాడులు, రైతుల ఆత్మహత్యలు, తెలంగాణలో తాండవిస్తున్న నిరుద్యోగ సమస్య వంటి అంశాలను రాహుల్‌ దృష్టికి తీసుకెళ్లాలని భావిస్తున్నారు. రాహుల్‌ ఎక్కడైనా పర్యటించే హక్కు ఉందని..ఆయన పర్యటనను రాజకీయం చేయడం తగదని అంటున్నారు. ఏఐసీసీ అధ్యక్షుడి సభకు అనుమతి ఇవ్వాలంటూ ఉస్మానియా యూనివర్సిటీ వైస్‌ చాన్సలర్‌ ప్రత్యేకాధికారి ప్రొఫెసర్‌ కృష్ణారావు కార్యాయంలో విద్యార్థి నాయకులు బైఠాయించారు. సదస్సుకు అనుమతి కోరుతూ రూ.25 వేల డీడీ చెల్లించి... ఈనెల 4న దరఖాస్తు చేసుకున్నా...పర్మిషన్‌ ఇవ్వకపోవడాన్ని తప్పుపడుతున్నారు. రాహుల్‌ పర్యటనపై విద్యార్థి సంఘాలు రెండుగా చీలిపోయిన నేపథ్యంలో ఆయన వస్తే శాంతిభద్రతల సమస్యలు తలెత్తవచ్చన్న అనుమానంతో ఏఐసీసీ అధ్యక్షుడి సభకు అనుమతి నిరాకరించడం ఇప్పుడు పెద్ద వివాదానికి దారితీస్తోంది.

రాహుల్‌ ఓయూ సభకు అనుమతి నిరాకరించిన నేపథ్యంలో ఈనెల 14న హైదరాబాద్‌ సరూర్‌నగర్‌ స్టేడియంలో జరిగే రాహుల్‌ సభ ఏర్పాట్లను తెలంగాణ కాంగ్రెస్‌ నాయకులు పరిశీలించారు.నిరుద్యోగ గర్జన పేరుతో నిర్వహించే ఈ సభకు భారీగా విద్యార్థులను తరలించేందుకు సన్నాహాలు చేస్తున్నారు. రెండు రోజుల రాహుల్‌ పర్యటనను విజయవంతం చేసేందుకు తెలంగాణ కాంగ్రెస్‌ నాయకులు ఏర్పాట్లు చేస్తున్నారు.

16:34 - August 10, 2018

హైదరాబాద్ : కాంగ్రెస్ ఎమ్మెల్యేల కోర్టు ధిక్కరణ కేసుపై హైకోర్టులో విచారణ జరిగింది. ప్రభుత్వ న్యాయవాది సమయం కోరడం పట్ల కోర్టు ఆగ్రహం వ్యక్తం చేసిందని న్యాయవాది జంధ్యాల పేర్కొన్నారు. ఆయన టెన్ టివితో ముచ్చటించారు. అసెంబ్లీ లా సెక్రటరీ కోర్టుకు డైరెక్ట్ గా హాజరు కావాలని ఆదేశాలు జారీ చేసిందని పేర్కొన్నారు. అభ్యంతరాలు తెలపాలని కోర్టు ప్రభుత్వ న్యాయవాది స్పష్టం చేసిందని తెలిపారు. మరింత సమాచారం కోసం వీడియో క్లిక్ చేయండి. 

16:08 - August 10, 2018

హైదరాబాద్ : తెలంగాణ రాష్ట్రంలో..హైదరాబాద్ లో 'రాహుల్' అడుగు పెట్టకముందే వేడి రాజుకుంది. ఓయూలో రాహుల్ పర్యటనకు నిరాకరించడంతో మళ్లీ కాంగ్రెస్..టీఆర్ఎస్ మధ్య మాటలతూటాలు పేలే అవకాశం ఉంది. ఏఐసీసీ అధ్యక్షుడు 'రాహుల్ గాంధీ' హైదరాబాద్ పర్యటన ఖరారైన సంగతి తెలిసిందే. ఈనెల 14వ తేదీన ఓయూలో ఓ సదస్సులో ఆయన పాల్గొనేందుకు కాంగ్రెస్ అనుబంధ విద్యార్థి సంఘం ఏర్పాట్లు చేస్తోంది. కానీ రాహుల్ ను ఓయూలోకి అనుమతినివ్వొద్దంటూ కొన్ని విద్యార్థి సంఘాలు హోం మంత్రి నాయినీని కలిసి వినతిపత్రం సమర్పించిన సంగతి తెలిసిందే. ఠాగూర్ ఆడిటోరియంలో నిర్వహించే సదస్సుకు అనుమతినివ్వాలంటూ పలువురు విద్యార్థులు శుక్రవారం ఓయూ అధికారులను కోరారు. కానీ భద్రతా కారణాల దృష్ట్యా యూనివర్సిటీ అధికారులు అనుమతిని నిరాకరించారు. దీనిపై విద్యార్థులు తీవ్ర ఆగ్రహం వ్యక్తం చేస్తున్నాయి. సభకు అనుమతిని నిరాకరించడంపై హైకోర్టుకు వెళ్తామని పేర్కొంటున్నారు. సీఎం కేసీఆర్ ఒత్తిడి వల్లే అనుమతిని నిరాకరించారని పేర్కొంటున్నారు. పూర్తి వివరాలకు వీడియో క్లిక్ చేయండి. 

17:28 - August 6, 2018

వరంగల్ : హన్మకొండలోని ప్రెస్ క్లబ్ వద్ద ఓ యువకుడు సెల్ టవర్ ఎక్కి హల్ చల్ చేశాడు. కాంగ్రెస్ నేత గండ్ర వెంకటరమణారెడ్డిపై తప్పుడు ఆరోపణలు చేసిన విజయలక్ష్మీ అనే మహిళను తక్షణమే అరెస్ట్ చేయాలని వెంకటాచారి అనే యువకుడు డిమాండ్ చేశాడు. కాగా గండ్ర వెంకటరమణారెడ్డి తనను లైంగికంగా వేధించాడని, తనతో ఆయన శారీరక సంబంధం పెట్టుకున్నాడన్న దానికి తన వద్ద పక్కా ఆధారాలు ఉన్నాయని బాధిత మహిళ విజయలక్ష్మీ రెడ్డి ఆరోపించింది. తాను మదర్ అనే ఎన్జీవోగా పనిచేస్తున్న సమయంలో సండ్రతో తనకు ఏర్పడి పరిచయంతో ఐదేళ్ల నుండి సండ్రతో తనకు సంబంధం వుందని కానీ ఇటీవల తనపై బెదిరింపులకు పాల్పడుతున్నాడనీ..దీంతో తనకు గండ్ర వెంకటరమణారెడ్డి వల్ల తనకు ప్రాణానికి ముప్పు వుందని విజయలక్ష్మీ ఆరోపిస్తోంది. ఈ వ్యాఖ్యలతో కాంగ్రెస్ నేతలకు కొత్త తలనొప్పులు తెచ్చిపెడుతున్నాయి. ఇదంతా రాజకీయ కుట్ర అని గండ్ర ఆరోపిస్తున్నారు. కాగా సెల్ టవర్ ఎక్కిన యువకుడిని క్షేమంగా కిందకు దింపేందుకు కాంగ్రెస్ నేతలు యత్నిస్తున్నారు. 

19:39 - July 21, 2018

హైదరాబాద్ : పార్లమెంట్‌లో బీజేపీ టీఆర్‌ఎస్‌ దోస్తీ బయటపడిందని టీపీసీసీ అధ్యక్షుడు ఉత్తమ్‌కుమార్‌రెడ్డి అన్నారు. సభలో తెలంగాణకు రావల్సిన నిధులపై పోరాడకుండా నామమాత్రంగా మాట్లాడి.. అవిశ్వాస తీర్మాన సమయంలో గైర్హాజరు కావడం బీజేపీకి మద్దతు ఇవ్వడమేనని ఉత్తమ్‌ అన్నారు. బయ్యారం ఉక్కు ప్యాక్టరీ, ఖాజీపేటలో రైల్వే కోచ్‌ ప్యాక్టరీ, గిరిజన యూనివర్సిటీ, తెలంగాణకు రావల్సిన నిధులు, ఎన్ టీపీసీ నాలుగు వేల పవర్‌ ప్లాంట్‌ విషయంలో టీఆర్‌ఎస్‌ ఏమాత్రం మాట్లాడలేదన్నారు. అలాగే ముస్లింలకు 12 శాతం రిజర్వేషన్లపై నిలదీయకపోవడాన్ని ఉత్తమ్‌ తప్పుపట్టారు. బీజేపీకి టీఆర్‌ఎస్‌ ఏజెంట్‌గా పనిచేస్తుందన్నారు. రాష్ట్రపతి, ఉపరాష్ట్రపతి ఎన్నికల్లో మద్దతు ఇస్తారు..రాష్ట్ర ప్రయోజనాల గురించి మాత్రం మోదీని ప్రశ్నించరని అన్నారు. తెలంగాణకు కేంద్రం అన్యాయం చేసినా టీఆర్‌ఎస్‌ ఎంపీలు నిలదీయరు అని నిలదీశారు. ఓటింగ్‌కు దూరంగా ఉండటంతో టీఆర్‌ఎస్‌ నైజం బయటపడిందన్నారు.

 

14:00 - July 16, 2018

హైదరాబాద్ : గాంధీభవన్‌లో జరుగుతున్న గ్రేటర్‌ కాంగ్రెస్‌ నాయకుల సమావేశంలో అజారుద్దీన్‌ వ్యవహారంపై గందరగోళం నెలకొంది. ఇటీవల సికింద్రాబాద్‌ నుంచి ఎంపీగా పోటీ చేస్తానని అజారుద్దీన్‌ ప్రకటించారు. దీంతో గ్రేటర్‌ కాంగ్రెస్‌ కార్యకర్తలు ఆందోళన వ్యక్తం చేశారు. అజారుద్దీన్‌కు వ్యతిరేకంగా కార్యకర్తలు నినాదాలు చేశారు. 

 

18:52 - July 14, 2018
11:31 - July 13, 2018

హైదరాబాద్ : నాలుగేళ్లుగా అధికారానికి దూరంగా ఉన్న తెలంగాణ కాంగ్రెస్‌ నాయకులు వచ్చే ఎన్నికల్లో అధికారం తమదే అన్న ధీమాతో ఉన్నారు. సర్వేలన్నీ కాంగ్రెస్‌కు అనుకూలంగా ఉన్నాయని ఢంకా భజాయించి చెబుతున్నారు. ఎన్నికల హామీలపై స్వరం పెంచుతున్నారు. వ్యవసాయ ఉత్పత్తులకు కేంద్ర ప్రభుత్వం ప్రకటించిన కనీస మద్దతు ధరలకు అదనంగా బోనస్‌, రైతులకు ఏకకాలంలో రెండు లక్షల రూపాయాల రుణమాఫీ వంటి అంశాలను విస్తృతంగా ప్రజల్లోకి తీసుకెళ్లేందుకు పార్టీ శ్రేణులను సిద్ధం చేస్తోంది.

వ్యూహాలకు పదును పెడుతున్న పార్టీలు..
తెలంగాణలో ఎన్నికల హడావుడి మొదలైంది. పార్టీలన్నీ తమ తమ వ్యూహాలకు పదును పెడుతున్నాయి. ఓటర్లను ఆకర్షించేందుకు హామీలు గుప్పిస్తున్నాయి. అన్ని పార్టీల నాయకులు ఒకరి తప్పులను మరొకరు ఎత్తి చూపుకుంటున్నారు. పరస్పర విమర్శలు, ఆరోపణలతో ఎన్నికల రాజకీయాలను రక్తికట్టిస్తున్నారు.

టీఆర్‌ఎస్‌కు దీటైన వ్యూహంతో కాంగ్రెస్‌
అధికార టీఆర్‌ఎస్‌ రైతుబంధు, రైతు బీమా పథకాలను ఎన్నికల వేగం పెంచగా... ప్రధాన ప్రతిపక్షం కాంగ్రెస్ కూడా తామేమీ తక్కువ కాదన్నట్టు గులాబీ పార్టీకి దీటుగా తమ వ్యూహానికి పదును పెడుతోంది. ఓ వైపు టీఆర్‌ఎస్‌ ప్రభుత్వ విధానాలపై పోరాటం చేస్తూనే మరోవైపు కేసీఆర్‌ హామీలకు కౌంటర్‌ ఇస్తూ.. అన్నదాతలను ఆకట్టుకునేందుకు ప్రయత్నిస్తోంది.

పోలింగ్‌ బూత్‌ స్థాయి నుంచి పార్టీ బలోపేతం,నాయకులు నిత్యం ప్రజల్లో ఉండేలా ప్రణాళికలు
ఎన్నికలు ఎప్పుడు వచ్చినా సిద్ధమంటూ కాంగ్రెస్‌ శ్రేణులను సమాయత్తం చేసే పనిలో టీపీసీసీ అధ్యక్షుడు ఉత్తమ్‌కుమార్‌రెడ్డి బిజీగా ఉన్నారు. పోలింగ్‌ బూత్‌ స్థాయి నుంచి పార్టీని బలోపేతం చేస్తూనే.. కాంగ్రెస్‌ నాయకులు నిత్యం జనంలో ఉంచే ప్రణాళికలతో దూకుడు పెంచారు. కేసీఆర్‌ ప్రారంభించిన రైతుబంధు, రైతు బీమా పథకాలపై జనం నాడి ఎలా ఉందో తెలుసుకునే ప్రయత్నం చేస్తున్నారు. ఈ రెండింటి కంటే.. కాంగ్రెస్‌ ఇస్తున్న ఏకకాలంలో రెండు లక్షల రూపాయల రుణమాఫీ హామీ వైపే మొగ్గు చూపుతున్నారన్న ధీమాతో ఉన్నారు. రాష్ట్ర ప్రభుత్వ నిఘా వర్గాలు కూడా ముఖ్యమంత్రి కేసీఆర్‌కు ఇదే అంశాన్ని వివేదించడంతో టీఆర్‌ఎస్‌లో కలవరం మొదలైందన్న భావంతో ఉత్తమ్‌కుమార్‌రెడ్డి ఉన్నారు.

క్వింటాలు వరికి రూ.2 వేలు, సోయాబీన్‌కు రూ.3,500 చెల్లిస్తాం
వ్యవసాయ ఉత్పత్తులకు కేంద్ర ప్రభుత్వం ప్రకటించిన మద్దతు ధరలకు అదనంగా బోనస్‌ ఇచ్చే అంశాన్ని టీపీసీసీ ముందుకు తెచ్చింది. వరి ధాన్యం క్వింటాలుకు రెండు వేల రూపాయలకు, సోయాబీన్‌ 3,500 రూపాయలకు, కందులు 7 వేలకు కొంటామని ప్రచారం చేస్తోంది. పసుపు పంటకు క్వింటాలుకు 10 వేల రూపాయలు, మిర్చికి 10 వేలు, ఎర్రజొన్నకు 3 వేలు, పత్తికి 6 వేల రూపాయలు కాంగ్రెస్‌ ప్రభుత్వం ఇస్తుందన్న అంశాన్ని ప్రజల్లోకి తీసుకెళ్తోంది.

పంచాయతీరాజ్‌ ఎన్నికల్లో బీసీ రిజర్వేషన్లపై కేసీఆర్‌ రెండు నాల్కల ధోరణి
వీటికి తోడు దళితులకు టీఆర్‌ఎస్‌ ప్రభుత్వం ద్రోహం చేసిందన్న వాదాన్ని బలంగా జనంలోకి తీసుకెళ్లాలని టీపీసీసీ నాయకత్వం చూస్తోంది. ప్రతి కుటుంబానికి మూడెకరాల భూమి ఇస్తామన్న హామీని నెరవేర్చని విషయాన్ని గుర్తు చేస్తోంది. ప్రభుత్వ శాఖల్లో ఖాళీగా ఉన్న ఎస్సీ, ఎస్టీ బ్యాక్‌ లాగ్‌ పోస్టులను భర్తీ చేయని అంశాన్ని ప్రస్తావిస్తోంది. ముఖ్యమంత్రి కేసీఆర్‌ నిరుద్యోగులను మోసం చేశారన్న వాదాన్ని ముందుకు తెచ్చింది. 2019లో కాంగ్రెస్‌ అధికారంలోకి వచ్చిన తర్వాత నిరుద్యోలకు భృతి కల్పిస్తామని యువతను ఆకట్టుకునే పనిచేస్తోంది. పంచాయతీరాజ్‌ సంస్థల ఎన్నికల్లో బీసీ రిజర్వేషన్లపై కేసీఆర్‌ రెండు నాల్కల ధోరణి అవలంభిస్తున్నారని విమర్శలు గుప్తిస్తోంది. జనాభా ప్రాతిపదికన రిజర్వేషన్లు కల్పించాలన్న డిమాండ్‌ను కాంగ్రెస్‌ ముందుకు తెచ్చింది. మొత్తంమీద హామీల పై హామీలు ఇస్తూ...అన్ని వర్గాల ప్రజలను ఆకర్షించేందుకు ప్రయత్నిస్తున్న టీపీసీసీ నాయకత్వం అధికారంపై పెట్టుకున్న ఆశలు ఎంతవరకు నెవరేరతాయో వేచిచూడాలి.

 

21:29 - July 10, 2018

నల్లగొండ : కాంగ్రెస్‌ పాలనలో ఉమ్మడి నల్గొండ జిల్లా సర్వనాశమైందని మున్సిపల్‌ పరిపాలన శాఖ మంత్రి కేటీఆర్‌ విమర్శించారు. కనీసం రోడ్లను కూడా అభివృద్ధి చేయలేకపోయారని మండిపడ్డారు. నల్గొండ జిల్లా నుంచి వచ్చిన వివిధ పార్టీల కార్యకర్తలు తెలంగాణ భవన్‌లో మంత్రి కేటీఆర్‌ సమక్షంలో టీఆర్‌ఎస్‌లో చేరారు. పార్టీలో చేరిన అందరికీ మంత్రి కేటీఆర్‌ గులాబీ కండువాలు కప్పి టీఆర్‌ఎస్‌లోకి ఆహ్వానించారు. ఈ సందర్భంగా ఆయన నల్గొండ జిల్లా అభివృద్ధికి టీఆర్‌ఎస్‌ ప్రభుత్వం నిధులు విడుదల చేస్తున్న విషయాన్ని ప్రస్తావించారు. ఎన్నికల ఏడాదితో కాంగ్రెస్‌ నేతలు మాటల గారడీతో మరోసారి ప్రజలను మభ్యపెడుతున్నారని మండిపడ్డారు. టీపీసీసీ అధ్యక్షుడు ఉత్తమ్‌కుమార్‌రెడ్డి ఇస్తున్న రైతు రుణమాఫీ అంశాన్ని కేటీఆర్ ప్రధానంగా ప్రస్తావించారు. 

Pages

Don't Miss

Subscribe to RSS - t congress leaders