tamil nadu

20:40 - October 3, 2016

జయలలితకు ఏమయింది? ఉత్కంఠ ఎందుకు వీడటం లేదు?పార్టీ వర్గాల్లో, సగటు కార్యకర్తల్లో ఉత్కంఠ ఎందుకు వీడటం లేదు..?జయ తీవ్ర ఆరోగ్య సమస్యలతో బాధపడుతున్నారా? శశికళ అత్యవసర సమావేశం దేన్ని సూచిస్తోంది? తమిళనాట రాజకీయాలు ఏ మలుపుతిరగనున్నాయి? ఇదే అంశంపై ఈ రోజు వైడాంగిల్ స్టోరీ చూద్దాం..ఒంటిచేత్తో రాష్ట్ర రాజకీయాలను చక్రంతిప్పే మహిళ ఆస్పత్రి పాలవటంతో తమిళనాడు అంతటా అయోమయం..గందరగోళం.. అందరిలో అనేక ప్రశ్నలు. అత్యున్నత స్థాయిలో నిజాలు తెలిసినప్పటికీ బయటకి వివరాలు రాకపోవటంతో ప్రజల్లో, కార్యకర్తల్లో ఆందోళన నెలకొంది.

జయలలిత ఆరోగ్యంపై నెట్లింట్లో రకరకాల పుకార్లు కొనసాగుతున్నాయి. సోషల్ మీడియాలో జయ ఆరోగ్యంపై పెద్ద ఎత్తున చర్చ జరుగుతోంది. ఈ క్రమంలోనే అమ్మకు సంబంధించిన ఒక ఫొటో వైరల్‌గా మారింది. జయలలిత ఆసుపత్రి బెడ్‌పైన ఆక్సిజన్‌ మాస్క్‌ పెట్టుకుని చికిత్స తీసుకుంటున్నట్లు ఉన్న ఫొటో ఒకటి నెట్లో చక్కర్లు కొడుతోంది. దీనిని చూసిన అభిమానులు, కార్యకర్తలు తీవ్ర ఆందోళన చెందుతున్నారు. తమిళ నాట ఆమె ఓ వ్యక్తి కాదు.. ఓ శక్తి. ఆమె రూటే సెపరేటు..

ఆమె సింగిల్ హ్యాండ్ తో పాలిటిక్స్ ని నడిపించగల సత్తా ఉన్న ఉక్కు మహిళ..కంటిచూపుతో పార్టీని శాసించగల నేర్పు..అవరోధాలను, ప్రతికూలతలను ఎదుర్కొనే సత్తా...ఒక్కమాటలో చెప్పాలంటే జయ అంటే తమిళనాట ఓ వ్యక్తి కాదు.. ఓ శక్తి.. అలాంటి జయలలిత ఆస్పత్రి పాలైతే సగటు అభిమాని జీర్ణించుకోవటం అంత తేలిక కాదు..

నమ్మిన బంటు పన్నీరు సెల్వంకు సీఎం పగ్గాలు అప్పగించి, తన కనుసన్నల్లో ప్రభుత్వాన్ని నడిపించిన ఘనత ఆమెది. తన ఆజ్ఞల్ని ధిక్కరించిన ఉద్యోగుల్ని రాత్రికి రాత్రే తొలగించినా, డీఎంకే అధినేత కరుణానిధిని అరెస్టు చేయించినా, కక్ష సాధింపు ధోరణి అనుసరించే రీతిలో డీఎంకే మాజీ మంత్రుల్ని కట కటాల్లోకి నెట్టినా జయలలిత రూటే సెపరేటు.

ఇప్పుడు తమిళనాడు మాత్రమే కాదు.. దేశమంతటా ఉత్కంఠగా చూస్తోంది. జయ ఆరోగ్యం కోసం ఆమె అభిమానులు, అన్నాడీఎంకె కార్యకర్తలు ఆందోళన చెందుతూ ఎదురు చూస్తున్నారు. అమ్మ ఎప్పుడు బయటికి వస్తుందా అని పడిగాపులు కాస్తున్నారు. తమిళనాట రాజకీయాలను శాసిస్తున్న జయలాంటి మహిళ ఆస్పత్రి పాలైతే ఇలాంటి పరిస్థితి ఏర్పడటంలో ఆశ్చర్యం లేదు. మరో పక్క పార్టీలో తానే తిరుగులేని శక్తిగా ఉండి.. నంబర్ టూ అంటూ ఎవరూ లేని తరుణంలో భవిష్యత్తుపై ఆసక్తి, ఆందోళన ఉండటం కూడా సహజమే.

21:26 - September 18, 2017

గుంటూరు : సదావర్తి సత్రం భూముల వ్యవహారంలో టీడీపీ సర్కార్‌కు షాక్‌ తగిలింది. చౌకగా భూములను తన అనుయాయులకు కట్టబెట్టాలనుకున్న సీఎం చంద్రబాబు కుట్రలకు బ్రేక్‌ పడింది. సుమారు గంటపాటు పోటాపోటీగా సాగిన బహిరంగ వేలంలో సదావర్తి సత్రం భూములకు మూడింతల ఎక్కువ ధర పలికింది. 83 ఎకరాల భూమిని 60 కోట్ల 30 లక్షల రూపాయలకు కడప జిల్లాకు చెందిన బిల్డర్‌ సత్యనారాయణ రెడ్డి సొంతం చేసుకున్నారు. 

సదావర్తి భూములకు న్యాయం జరిగింది. కారు చౌకగా భూములను సొంతం చేసుకుందామనుకున్న అధికార పార్టీ నేతలకు ఎదురుదెబ్బ తగిలింది. సుప్రీం కోర్టు ఆదేశాలతో చెన్నైలో సదావర్తి భూములకు వేలం నిర్వహించారు. 83.11 ఎకరాల భూమిని 60 కోట్ల 30 లక్షలకు కడప జిల్లాకు చెందిన సత్యనారాయణ బిల్డర్స్‌ కంపెనీకి చెందిన సత్యనారాయరెడ్డి వేలంలో దక్కించుకున్నారు. సత్యనారాయణ రెడ్డి ప్రొద్దుటూరు మాజీ ఎమ్మెల్యే, టీడీపీ నేత వరదరాజులరెడ్డి కుమారుడు.

చెన్నైలోని టీ-నగర్‌లో నిర్వహించిన వేలంలో 27కోట్ల 45 లక్షల రూపాయల నుంచి పాట మొదలైంది. తర్వాత పోటాపోటీగా సాగింది. ఈ-టెండర్లలో 54 కోట్లకు బ్రహ్మనంద కోట్ చేశారు. అయితే బహిరంగ వేలంలో మాత్రం 60 కోట్ల 30 లక్షలకు సత్యనారాయరెడ్డి దక్కించుకున్నారు. గతంతో పోలిస్తే దాదాపు మూడు రెట్లు అంటే...37 కోట్ల 90 లక్షల అధిక ధర పలికింది. బహిరంగ వేలానికి వైసీపీ ఎమ్మెల్యే ఆర్కే కూడా హాజరయ్యారు.

కాగా సదావర్తి సత్రం పేరిట ఉన్న 83.11 ఎకరాల భూముల అమ్మకానికి ఆంధ్రప్రదేశ్‌ ప్రభుత్వం గత ఏడాది మార్చి 28న చెన్నైలో బహిరంగ వేలం నిర్వహించింది. అప్పుడు జరిగిన వేలం ప్రక్రియ లోపభూయిష్టంగా జరిగిందని, సర్కారు పెద్దలు ఆ భూములు దక్కించుకోవడానికి ప్రయత్నాలు చేశారని వైసీపీ ఎమ్మెల్యే ఆళ్ల రామకృష్ణారెడ్డి హైకోర్టుకు వెళ్లారు. 10టీవీ సైతం సదావర్తి భూముల వేలంలో లోపాలున్నాయని కథనాలను ప్రసారం చేసింది. అయితే సదావర్తి సత్రం భూములుగా పేర్కొంటున్నవి తమ ఆస్తులని, ఏపీ ప్రభుత్వం నిర్వహించే వేలం ప్రక్రియను నిలుపుదల చేయాలంటూ తమిళనాడు ప్రభుత్వం సుప్రీంకోర్టును ఆశ్రయించింది. దీంతో ఏడాదిన్నరగా దీనిపై వివాదం కొనసాగింది. గతంలో 83.11 ఎకరాలను రూ.22.40 కోట్లకే సీఎం తన అనుయాయులకు కట్టబెట్టారు. అయితే తిరిగి మళ్లీ నిర్వహించిన వేలం పాటలో సదావర్తి భూముల ధరలు మూడు రెట్లు అధికంగా పలికాయి. వేలం పాట ప్రక్రియ మొత్తాన్ని సుప్రీం కోర్టుకు నివేదిస్తామని దేవదాయ శాఖ కమిషనర్ అనురాధ ప్రకటించారు.

13:09 - September 18, 2017

చెన్నై : సదావర్తి భూములకు భారీ ధర పలికింది. గతంలో రూ.37 కోట్లు పలికిన ధర తాజా వేలంతో రూ.60.3కోట్ల పలికింది. కడప జిల్లాకు చెందిన సత్యనారాయణ రెడ్డి సదావర్తి భూములను స్వంతం చేసుకున్నాడు. ఆంధ్రప్రదేశ్ ప్రభుత్వం గతలంలో సదావర్తి భూములను తక్కువ ధరకు కట్టబెట్టింది. మరింత సమాచారం కోసం వీడియో చూడండి.

10:10 - September 18, 2017

చెన్నై : మరికాసేపట్లో చెన్నై టీనగర్ లో సదావర్తి భూమల వేలం ప్రారంభం కానుంది. దేవాదాయ శాఖ కమిషనర్ అనురాధ నేతృత్వంలో వేలం ప్రక్రియ జరగునుంది. అధికారులు 83.11ఎకరాల భూమిని రూ. 27.45కోట్ల కనీస ధరతో వేలం వేయనున్నారు. ఇప్పటికే దేవాదాయశాఖకు 6 సీల్డ్ కవర్ టెండరల్లు, 2 ఈ ప్రొక్యూర్ మెంట్ టెండర్లు చేరాయి. వైసీపీ ఎమ్మెల్యే రామకృష్ణా రెడ్డి టెండర్ దాఖలు చేశారు. మరింత సమాచారం కోసం వీడియో చూడండి.

20:17 - September 16, 2017

చెన్నై : తమిళనాడు తిరునల్వేలిలో జరిగిన రోడ్డు ప్రమాదంలో మరణించిన గుంటూరు జిల్లా వాసుల్ని వారి స్వస్థలానికి చేర్చేలా అధికారులు ఏర్పాట్లు చేస్తున్నారు. ఆగి ఉన్న బస్సును సిమెంట్ లారీ ఢీకొన్న ఘటనలో గుంటూరు జిల్లాకు చెందిన ఐదుగురు చనిపోయారు. 14 మందికి తీవ్ర గాయాలయ్యాయి. క్షతగాత్రులకు ఆసుపత్రిలో చికిత్స అందిస్తున్నారు. 

 

15:39 - September 15, 2017

ఢిల్లీ : సదావర్తి భూములపై తమిళనాడు ప్రభుత్వం సుప్రీంకోర్టును ఆశ్రయించింది. మద్రాస్ హైకోర్టులో సదావర్తి భూములపై కేసులు పెండింగ్‌లో ఉన్నాయని ప్రభుత్వం పిటిషన్‌లో ప్రస్తావించింది. భూముల వేలంపై స్టే ఇవ్వాలని కోరింది. సదావర్తి భూముల విషయంలో ఏపీకి సంబంధం లేదని.. తమిళనాడు పిటిషన్‌లో వెల్లడించింది. 

 

12:17 - September 12, 2017

చెన్నై : అన్నాడీఎంకే శాశ్వత ప్రధాన కార్యదర్శిగా జయలిలత అంటూ పార్టీ సర్వసభ్య సమావేశం తీర్మానించింది. రెండాకుల గుర్తు తమదేనంటూ కూడా తీర్మానం చేశారు. సమావేశం శశికళ, దినకరన్ పై వేటు పార్టీ ప్రధాన కార్యదర్శి పదవి నుంచి శశికళను తొలగించారు. దినకరన్ ను పార్టీ పదవుల నుంచి దినకరన్ తప్పించారు. మొత్తం 2 తీర్మానాలకు సర్వసభ్య సమావేశం ఆమోదం తెలిపింది. పూర్తి వివరాలకు వీడియో చూడండి.

11:32 - September 12, 2017

చెన్నై : అన్నాడీఎంకే సర్వసభ్య సమావేశం ప్రారంభమైంది. శశికళ, దినకరన్ లపై పార్టీ సస్పెండ్ చేసేందుకు రంగం సిద్ధమైంది. మరోవైపు సమావేశం నిలిపివేయాలంటూ చెన్నై హైకోర్టును ఆశ్రయించారు. దినకరన్ పిటిషన్ పై కోర్టు తీవ్రస్థాయిలో మండిపడింది. అనవసరంగా తమ టైమ్ వృథా చేస్తున్నరని పిటిషన్ కొట్టివేసింది. పళనిస్వామి రాజీనామాకు దినకరన్ డిమాండ్ చేస్తున్నారు. మరింత సమాచారం కసం వీడియో చూడండి.

 

09:36 - September 11, 2017

చెన్నై : తమిళనాడు రాజకీయలు రసకందాయంలో పడ్డాయి. ముఖ్యమంత్రి పళనిస్వామి నేతృత్వంలోని అన్నా డీఎంకే ప్రభుత్వం విశ్వాస పరీక్షకు మొగ్గు చూపకపోడతంతో, ఈ అంశంపై కోర్టును ఆశ్రయించాలని ప్రతిపక్ష డీఎంకే నిర్ణయించింది. తమిళనాడు ముఖ్యమంత్రి పళనిస్వామి నేతృత్వంలోని అన్నా డీఎంకే ప్రభుత్వం అసెంబ్లీలో బలం నిరూపించుకోవాలన్న విపక్షాల విజ్ఞప్తిపై  ఆ రాష్ట్ర ఇన్‌చార్జ్‌ గవర్నర్‌ విద్యాసాగర్‌రావు సానుకూలంగా స్పందించకపోవడం ఇప్పుడు రాజకీయంగా పెద్ద చర్చనీయాంశంగా మారింది. అసెంబ్లీలో ప్రతిపక్ష నేత, డీఎంకే నాయకుడు స్టాలిన్‌...  ఇన్‌చార్జ్‌ గవర్నర్‌  విద్యాసాగర్‌రావును రెండు సార్లు కలిసి... పళనిస్వామి ప్రభుత్వ  బలనిరూపణకు ఆదేశించాలని కోరారు. దీనికి విద్యాసాగర్‌రావు సానుకూలంగా స్పందించకపోవడంతో ఇకపై హైకోర్టును ఆశ్రయించాలని డీఎంకే నిర్ణయించింది. 
మైనారిటీ ప్రభుత్వం నడుపుతున్న సీఎం పళనిస్వామి   
ముఖ్యమంత్రి పళనిస్వామి మైనారిటీ ప్రభుత్వం నడుపుతున్నారు. అన్నా డీఎంకేకి అసెంబ్లీలో తనిగన సంఖ్యాబలం లేకపోవడంతోనే బలనిరూపణకు పళనిస్వామి భయపడుతున్నారన్నది విపక్ష డీఎంకే వాదన. తమిళనాడు అసెంబ్లీలో 238 మంది సభ్యులు ఉన్నారు. పళనిస్వామి ప్రభుత్వానికి 114 మంది ఎమ్మెల్యేల మద్దతు మాత్రమే ఉంది. డీఎంకేకి 89 మంది సభ్యులు ఉన్నారు. కాంగ్రెస్‌కు 8 మంది ఎమ్మెల్యేలు, ఐయూఎంఎల్‌కు ఒక సభ్యుడు ఉన్నారు.  అన్నా డీఎంకే చీలికవర్గం దినకరన్‌కు 21 మంది ఎమ్మెల్యేలు ఉన్నారని చెబుతున్నారు. దినకరన్‌ వర్గం కూడా పళనిస్వామి మంత్రివర్గం బలపరీక్ష కోరుతోంది. గవర్నర్‌ను రెండుసార్లు కలిసి తన వాదాన్ని వినిపించారు. బలపరీక్ష కోరుతున్న డీఎంకే, అన్నా డీఎంకే చీలికవర్గం ఎమ్మెల్యేల సంఖ్య 119 ఉందని చెబుతున్నారు. పళనిస్వామి మంత్రివర్గాన్ని పడగొట్టే ఉద్దేశం తమకులేదని దినకరన్‌ చెబుతున్నా... ప్రభుత్వ బలపరీక్షకు ఇన్‌చార్జ్‌ గవర్నర్‌ విద్యాసాగర్‌రావు అంగీకరించకపోవడంతో... దినకరన్‌ కూడా ఇప్పుడు ప్రత్యామ్నాయాలు గురించి ఆలోచిస్తున్నారు. మరోవైపు ముఖ్యమంత్రి పళనిస్వామి తకు 124 మంది ఎమ్మెల్యే మద్దతు ఉందని చెబుతున్నారు. దినకరన్‌ వర్గం నుంచి తొమ్మిది మంది ఎమ్మెల్యేలు తమవైపు తిరిగిరావడంతో తమ బలం 124కు పెరిగిందని, ఈ పరిస్థితుల్లో మెజారిటీ తమకే ఉందని పళనిస్వామి  వర్గం వాదిస్తోంది. తమిళనాడు రాజకీయాలు ఏ  మలుపు తిరుగుతా చూడాలి. 

21:18 - September 3, 2017

Pages

Don't Miss

Subscribe to RSS - tamil nadu