tamilnadu

13:53 - October 11, 2017
08:44 - October 8, 2017

చెన్నై : తమిళనాడులో ఘోర రోడ్డు ప్రమాదం జరిగింది. ఈ ప్రమాదంలో ఒకే కుంటుబానికి చెందిన ఏడుగురు మృతి చెందారు. ఉలుందూరుపేట సమీపంలో రోడ్డుకు ఎడవైపు ఆపి ఉన్న లారీని కారు అదుపు తప్పి ఢీకొట్టింది. దీంతో కారులో ప్రయాణిస్తున్న ఒకే కుటుంబానికి చెందిన ఏడుగురు మృతి చెందారు. అయితే డ్రైవర్ నిద్రమత్తులో ఉండడం వల్లనే ప్రమాదం జరిగినట్లు తెలుస్తోంది. మరిన్ని వివరాలను వీడియోలో చూద్దాం..

07:32 - October 2, 2017

చెన్నై : రాజకీయాల్లో గెలవాలంటే స్టార్‌డమ్‌, పేరు ప్రఖ్యాతులు, డబ్బు మాత్రమే సరిపోవరన్నారు తలైవా రజనీకాంత్. వీటన్నింటికన్నా అతీతమైనది ఏదో కావాలన్నారు. చెన్నైలో జరిగిన శివాజీ గణేశన్‌ స్మారక మందిరం ప్రారంభోత్సవ కార్యక్రమంలో రజనీకాంత్‌ చెప్పిన ఈ విషయాలపై ఇప్పుడు తమిళ రాజకీయాల్లో ఆసక్తికరమైన చర్చ జరుగుతోంది. వేదికపై కోలీవుడ్ అగ్రనటులు రజనీకాంత్, కమల్‌ హాసన్‌ కనిపించారు. వీరితో పాటు కోలీవుడ్ నటులు ప్రభు, విశాల్, కార్తీ, రాధిక ఈ కార్యక్రమానికి హాజరయ్యారు. తమిళనాడు ఉప ముఖ్యమంత్రి పన్నీరు సెల్వం స్మారక మందిరాన్ని ప్రారంభించారు. తమిళ సినీ రంగానికి శివాజీ గణేశన్‌ చేసిన సేవలను ప్రస్తావించిన రజనీకాంత్‌.. స్మారక మందిరం నిర్మించిన ప్రభుత్వానికి కృతజ్ఞతలు తెలిపారు.

ఈ సందర్భంగా రజనీకాంత్‌ చేసిన కొన్ని వ్యాఖ్యలు ఆసక్తికరంగా మారాయి. శివాజీ గణేశన్‌ ఎన్నికల్లో పోటీ చేసిన తన సొంత నియకవర్గంలో ఓడిపోయిన విషయాన్ని గుర్తు చేశారు. రాజకీయ పార్టీల పెట్టాలని నిర్ణయించుకున్న తన సహరుడు కమల్‌హాసన్‌ను ఉద్దేశించిన చేసిన వ్యాఖ్యలు కూడా చర్చనీయాశంగా మారాయి. రాజకీయ నాయకుడిగా విజయం సాధించాలంటే కీర్తి ప్రతిష్ఠలు, డబ్బు మాత్రమే సరిపోవన్నారు. ఇంకా ఎక్కువ కావాలని, ఈ రహస్యం తనకు తెలియదని, బహుశా కమల్‌కు తెలుసని భావిస్తున్నానని రజనీకాంత్‌ వ్యాఖ్యానించడంతో సభలో చప్పట్లు మార్మోగాయి. రెండు నెలల క్రితమే కమల్‌ తనతో కలిసి పనిచేయాలని అడిగి ఉండాల్సిందన్నారు. జయలలిత మరణం తర్వాత తమిళనాడు రాజకీయాలు తీవ్ర సంక్షోభం ఎదుర్కొంటున్నాయి. ప్రస్తుతం ఈ స్టార్‌ నటులిద్దరూ రాజకీయాల్లోకి వచ్చేందుకు చేస్తున్న ప్రయత్నాలపై రాజకీయ నాయకులు, ప్రజల్లో తీవ్ర ఉత్కంఠ నెలకొంది. 

11:42 - September 18, 2017

చెన్నై : తమిళ రాజకీయంలో కీలక మలుపు చోటుచేసుకుంది. శశికళ, దినకరన్ వర్గానికి పళనిస్వామి వర్గం షాక్ ఇచ్చింది. శాసనసభ శాభ స్పీకర్ దన్ పాల్ దినకరన్ మద్దతు ఇస్తున్న 18 మంది ఎమ్మెల్యేలపై అనర్హత వేటు వేశారు. బలపరీక్షకు వెళ్లేందుకు దినకరన్ వర్గంపై వేటు వేసినట్టు తెలుస్తోంది. పార్టీ విప్ ను ధిక్కరించారన్న కారణంతో స్పీకర్ ఆ ఎమ్మెల్యేలపై వేటు వేశారు. మరో వైపూ ఈ రోజు తమిళనాడు ఇనా చార్జ్ గవర్నర్ విద్యాసాగర్ చెన్నైకి రానున్నారు. పూర్తి వివరాలకు వీడియో చూడండి.

 

13:36 - September 16, 2017

చెన్నై : తమిళనాడు తిరునల్వేలిలో ఘోర రోడ్డు ప్రమాదం జరిగింది. ఆగి ఉన్న బస్సును సిమెంట్‌ లారీ ఢీకొనడంతో ప్రమాదం జరిగింది. ఈ ప్రమాదంలో గుంటూరు జిల్లాకు చెందిన ఐదుగురు మృతి చెందగా, 14మందికి గాయాలయ్యాయి. క్షతగాత్రులను ఆస్పత్రికి తరలించారు. మృతులు పొన్నూరు మండలం కొల్లూరువాసులుగా గుర్తించారు. ఈ ప్రమాదంలపై మంత్రి నక్కా ఆనంద్ బాబు తిరునల్వేలి జిల్లా కలెక్టర్ తో ఫోన్లో మాట్లాడారు.

12:14 - September 16, 2017
11:38 - September 16, 2017

చెన్నై : తిమిళనాడులోని తిరునల్వేలిలో ఘోర రోడ్డు ప్రమాదం జరిగింది. ఆగి ఉన్న ఓ ట్రావేల్స్ బస్సును సిమెంట్ లారీ ఢీకొట్టింది. ఈ ప్రమాదంలో గుంటూరు జిల్లాకు చెందిన ఐదుగురు మృతి చెందారు. 14 మందికి గాయాలయ్యాయి వారిని ఆసుపత్రికి తరలించారు. మృతులు పొన్నూరు మండలం కొల్లూరువాసలుగా అక్కడి పోలీసులు గుర్తించారు. పూర్తి వివరాలకు వీడియో చూడండి.

18:53 - September 15, 2017

తమిళనాడు : రాజకీయాలపై కమల్‌హాసల్‌ మళ్లీ స్పందించారు. త్వరలోనే రాజకీయాల్లోకి రావడమే కాకుండా.. ఏకంగా సొంత పార్టీనే పెడతానని ట్వీటారు. రోజుకో వార్తను ట్వీట్ చేస్తూ ప్రజల్లో ఆసక్తిని రేకెత్తిస్తున్నారు. ఓటు వేసే అధికారంతో పాటు.. తిరస్కరించే హక్కు మీకే అంటోన్న లోకనాయకుడి రాజకీయ అరంగేట్రంపై ఓ స్టోరీ. 
తమిళ రాజకీయాల్లో సినీ గ్లామర్ 
తమిళ రాజకీయాల్లో సినీ గ్లామర్ ఏళ్ల తరబడి నడుస్తున్న చరిత్రే. అయితే ఎంజీఆర్‌, కరుణానిధి, జయలలితల తర్వాత.. సినీ గ్లామర్ ద్రవిడ పార్టీల్లో పెద్దగా పని చేయలేదు. ద్రవిడ సిద్ధాంతాలు, తమిళ భాష, స్థానికతపైనే గత 40 ఏళ్లుగా తమిళ రాజకీయాలు ముందుకు సాగుతున్నాయి. అయితే జయలలిత మరణం, కరుణానిధి వయోభారం ప్రస్తుతం తమిళ రాజకీయాల్లో అస్థిరత ఏర్పడేలా చేసింది. 
రాజకీయ రంగ ప్రవేశానికి సినీ గ్లామర్ కారణం 
సినీ గ్లామర్ రాజకీయ రంగ ప్రవేశానికి కారణమవుతోంది. నిశ్శబ్ధంగా మారిన తమిళ రాజకీయాల్లో సినీ గ్లామర్‌ రాజకీయ రంగ ప్రవేశానికి కారణమవుతోంది.  ప్రస్తుత పరిస్థితుల్లో సినీ గ్లామర్ ఎంతవరకు పని చేస్తుందో తెలుసుకునేందుకు.. బడా తారలు దారులు వెతుకుతున్నారు. నిన్న రజనీకాంత్, నేడు కమల్ హాసన్.. అదృష్టాన్ని పరీక్షించుకునేందుకు సిద్ధమవుతున్నారు. 
ఈ తారలకు అది సాధ్యమేనా? 
ఒకరు మాస్‌, మరొకరు క్లాస్‌. ఇద్దరూ ఏసీ గదుల్లో జీవించేవాళ్లే. మరి రాజకీయాల్లోకి వస్తే.. గ్రామీణ ప్రాతాలకు తిరగాలి. మట్టివాసన తెలియాలి. ప్రజల కష్టాలను అడిగి తెలుసుకోవాలి. అట్టడుగు వర్గాలతో మమేకం కావాలనే వాస్తవికత తెలియాలి. మరి ఈ తారలకు అది సాధ్యమేనా? అనే ప్రశ్నలు తలెత్తుతున్నాయి. 
పార్టీ పెట్టబోతున్నానని ట్వీట్  
జయలలిత మృతి చెందినప్పటి నుంచి కమల్‌హాసన్‌ అధికార పార్టీ, ప్రతిపక్షాలపై సెటైర్లు వేస్తూ.. చివరకు రాజకీయాల్లోకి తాను వస్తున్నానేమో అనేశాడు. ఇక డిఎంకెనా, కమ్యూనిస్టు పార్టీలోకా అని వస్తున్న వార్తలకు కమల్‌ ఫుల్‌ స్టాప్ పెట్టారు. ఏకంగా పార్టీనే పెట్టబోతున్నానని ట్వీట్టర్‌లో తెలిపారు. రాజకీయాల్లోకి వస్తున్నా అంటూ హడావిడి చేసి సైలెంట్ అయిన రజనీకాంత్‌ని పక్కన పెడితే.. సొంత పార్టీ పెడతా.. మార్పునకు సిద్ధంగా ఉండండంటూ ట్వీట్లు చేస్తున్న కమల్‌హాసన్.. నిజంగానే రాజకీయాల్లోకి దిగుతారా అనేది ఆసక్తికరంగా మారింది. 

 

13:10 - September 15, 2017

చెన్నై : తమిళ ఎమ్మెల్యేల తీరుపై కమల్ హస్ ఆగ్రహం వ్యక్తం చేశారు. ఎమ్మెల్యేలు రిసార్టుల్లో ఉండడంపై కమల్ పెదవి విరిచారు. ఎమ్మెల్యేలు అమ్ముడుపోయి రిసార్టుల్లో కూర్చుంటే పాలన ఎలా అని ట్వీట్ చేశారు. పని చేయకపోతే జీతం లేదనే సూత్రం ఉద్యోగులకేనా..? అని కమల్ ప్రశ్నించారు. మరి బేరసారాలు సాగిస్తూ రిసార్టుల్లో కూర్చనే రాజకీయా నేతల సంగతేంటి, సమ్మె చేస్తున్న ఉపాధ్యాయులను హెచ్చరించిన కోర్టు ఎమ్మెల్యేలను కూడా హెచ్చరించాలని కమల్ అభప్రాయపడ్డారు. కమల్ హసన్ ట్వీట్ తమిళ రాజకీయంలో సంచలనం రేపుతున్నాయి. మరింత సమాచారం కోసం వీడియో క్లిక్ చేయండి.

21:52 - September 12, 2017

చెన్నై : అన్నాడిఎంకేలో చిన్నమ్మ శశికళ శకం ముగిసినట్లేనా? తాజాగా పార్టీ ప్రధాన కార్యదర్శి పదవి నుంచి శశికళను తొలగిస్తూ అన్నాడిఎంకె నిర్ణయం తీసుకుంది. మరోవైపు పళనిస్వామి ప్రభుత్వం అసెంబ్లీలో బలాన్ని నిరూపించుకోవాలని ప్రధాన ప్రతిపక్ష పార్టీ డిఎంకే మద్రాస్‌ హైకోర్టులో పిటిషన్ వేసింది.

తమిళనాడు దివంగత ముఖ్యమంత్రి జయలలిత మరణం తర్వాత పార్టీలో ప్రభుత్వంలో చక్రం తిప్పాలని భావించిన చిన్నమ్మ
శశికళ ఆశలన్నీ అడియాసలవుతున్నాయి. ఇప్పటికే అక్రమ ఆస్తుల కేసులో జైలు శిక్ష అనుభవిస్తున్న శశికళను పార్టీ ప్రధాన కార్యదర్శి పదవి నుంచి తొలగించారు. పళనిస్వామి, పన్నీర్‌ సెల్వం నేతృత్వంలో చెన్నైలో జరిగిన పార్టీ సర్వసభ్య సమావేశంలో ఈ మేరకు ఏకగ్రీవంగా నిర్ణయం తీసుకున్నారు.

అన్నాడీఎంకే ప్రధాన కార్యదర్శి పదవి ఎప్పటికీ జయలలితదేనని జనరల్‌ కౌన్సిల్‌ తీర్మానించింది. ఆ బాధ్యతలను తాత్కాలికంగా చేపట్టిన శశికళను పదవి నుంచి తొలగిస్తూ కార్యవర్గం నిర్ణయం తీసుకుంది. పార్టీ చీఫ్‌ కో ఆర్డినేటర్‌గా పన్నీర్‌ సెల్వం, అసిస్టెంట్‌ చీఫ్‌ కో ఆర్డినేటర్‌గా పళనిస్వామి ఉంటారని కార్యవర్గం పేర్కొంది. శశికళ మేనల్లుడు దినకరన్‌ చేపట్టిన నియామకాలు, ప్రకటనలను ఆమోదించమని స్పష్టం చేసింది. పార్టీ రెండాకుల గుర్తును తిరిగి కైవసం చేసుకోవడానికి ప్రయత్నించాలని సమావేశం నిర్ణయించింది.

మరోవైపు త‌మిళ‌నాడు సీఎం ప‌ళ‌నిస్వామి ప‌ళ‌ని ప్రభుత్వం బ‌ల‌నిరూప‌ణ నిర్వహించాల‌ని డీఎంకే నేత స్టాలిన్ మద్రాస్‌ కోర్టుకు వెళ్లారు. స్టాలిన్‌తో పాటు పీఎంకే పార్టీకి చెందిన బాలు కూడా పిటిష‌న్ వేశారు. ఈ పిటిషన్‌పై అక్టోబ‌ర్ 10వ తేదీన  మద్రాస్ హై కోర్టు విచారణ చేపట్టనుంది. 

తమిళనాడు ప్రజలను, పార్టీ కార్యకర్తలను పన్నీర్‌సెల్వం, పళనిస్వామి మోసం చేశారని దినకరన్‌ మండిపడ్డారు. పళనిస్వామి ప్రభుత్వాన్ని ఇంటికి పంపిస్తానని హెచ్చరించారు. అన్నాడిఎంకెకు చెందిన 19 మంది ఎమ్మెల్యేలు దినకరన్‌ వెంట ఉండడంతో పళనిస్వామి ప్రభుత్వం మైనారిటీలో పడింది. 

శశికళకు  కాలం కలిసి రాలేదు. జయలలిత మరణానంతరం శశికళ పార్టీ ప్రధాన కార్యదర్శిగా పగ్గాలు చేపట్టడం....పన్నీర్‌ సెల్వంను సిఎంను పదవి నుంచి తొలగించడం జరిగిపోయాయి. తదనంతరం జరిగిన పరిణామాల్లో పార్టీ రెండుగా చీలిపోయింది. సిఎంగా బాధ్యతలు చేపడతారు అనుకునే సందర్భంలో అక్రమ ఆస్తుల కేసులో శశికళ జైలుపాలయ్యారు. దీంతో ఆమె మేనల్లుడు దినకరన్‌కు ఉప ప్రధాన కార్యదర్శి బాధ్యతలు అప్పగించడం పార్టీలో కొందరికి నచ్చలేదు. ఈ నేపథ్యంలో పళనిస్వామి, పన్నీర్‌ సెల్వం వర్గాలు ఏకమయ్యాయి. శశికళ, దినకరన్‌కు  అన్ని పదవుల నుంచి తొలగిస్తున్నట్లు  తాజాగా తీర్మానం చేశాయి. తాజా పరిణామాల నేపథ్యంలో శశికళ ఎలాంటి వ్యూహం పన్నుతారో  వేచి చూడాల్సిందే.

Pages

Don't Miss

Subscribe to RSS - tamilnadu