tamilnadu government

21:23 - May 24, 2018

తమిళనాడులో స్టెరిలైడ్ రాగి కర్మాగార విస్తరణ పనులతో తీవ్రమైన ఆందోళనలు జరుగుతున్నాయి. దాని విస్తరణ పనులు ఆపాలి..తమ ప్రాణాలకు ముప్పుగా ఉందని అక్కడి ప్రజలంత ఏకంగా పోరాటం చేస్తున్నారు. వారిపై పోలీసులు అమానుషంగా వ్యవహరించారు. కాల్పులు జరిపారు. కాల్పుల్లో 13 మంది చనిపోయారు. విస్తరణ పనులు ఆపాలి.. మా ప్రాణాలు నిలబెట్టాలనే పోరాటం అక్కడ జరుగుతుంది. తూత్తుకూడిలో ఏం జరుగుతోంది..? 
అనే అంశంపై నిర్వహించిన విశ్లేషణ కార్యక్రమంలో మాజీ ఎమ్మెల్సీ కేఎస్.లక్ష్మణ్ రావు పాల్గొని, మాట్లాడారు.
ఆయన మాటల్లోనే..
'కాల్చిపోరేయండి..ఒక్కరైనా చచ్చిపోవాలి.'. అని ఒక పోలీస్ అధికారి అన్న మాటలతో కూడిన వీడియో సోషల్ మీడియాలో హల్ చల్ చేస్తోంది. తమిళనాడులో రాగి విస్తరణ పనులు వేగంగా జరుగుతున్నాయి. పనులు ఆపాలని కోరుతూ ప్రజలు పోరాటం చేస్తున్నారు. అయితే పోలీసులు ప్రీప్లాన్డ్ గా కాల్పులు జరిపారు. తూత్తుకూడిలో ప్రజలు హత్య చేయబడ్డారు. ట్యూటీకోరన్ జిల్లాలో తూత్తుకూడి అనే ప్రాంతం ఉంది. పరిశ్రమలు వస్తే ఉపాధి అవకాశాలు పెరుగుతాయి. పరిశ్రమలు కావాలి... పర్యావరణం కావాలి'. అని అన్నారు. మరిన్ని వివరాలను వీడియోలో చూద్దాం...  

17:45 - May 22, 2018

చిత్తూరు : తమిళనాడులోని తూత్తుకుడిలో నిరసననకారుల ఆందోళన ఉద్రిక్తతకు దారి తీసింది. ఆందోళన కారులపై పోలీసులు కాల్పులు జరిపారు. ఈ ఘటనలో 9మంది ఆందోళనకారులు మృతి చెందారు. కాగా స్టెరిలైట్ కర్మాగారం మూసివేయాలంటూ గ్రామస్తులు మరోసారి ఆందోళనలకు దిగారు. గడిచిన నాలుగేళ్లుగా పెద్ద ఎత్తున ఆందోళనలు కొనసాగుతున్న సంగతి తెలిసిందే. కంపెనీ నుండి వెలువడుతున్న వ్యర్థాలు..కాలుష్యంతో తీవ్ర ఇబ్బందులు పడుతున్నామని ప్రజలు పేర్కొంటున్నారు. వెంటనే కంపెనీని మూసివేయాలని, కాపర్ ప్లాంట్ కారణంగా తాము శ్వాససంబంధిత ఇబ్బందులు, ఇతర ఆరోగ్య సమస్యలు ఎదుర్కొంటున్నట్టు గ్రామస్థులు ఆవేదన వ్యక్తం చేస్తున్నారు. కానీ ప్రభుత్వం..అధికారులు ఎలాంటి స్పందన వ్యక్తం చేయకపోతుండడంపై ప్రజలు తీవ్ర ఆగ్రహం వ్యక్తం చేశారు. మంగళవారం గ్రామప్రజలు పెద్ద ఎత్తున కలెక్టరేట్ కార్యాలయానికి చేరుకున్నారు. పెద్ద పెట్టున నినాదాలు చేస్తూ కలెక్టరేట్ ముట్టడికి ప్రయత్నించారు. పోలీసులు రంగ ప్రవేశం చేసి వారిని అడ్డుకొనేందుకు ప్రయత్నించారు. దీనితో ఇరువర్గాల మధ్య వాగ్వాదం..తోపులాట చోటు చేసుకుంది. ఆందోళనకారులను నియంత్రించేందుకు పోలీసులు లాఠీఛార్జీ, బాష్పవాయు ప్రయోగించారు. ఇందులో కొంతమంది ఆందోళనకారులకు గాయాలైనట్లు సమాచారం. 

21:07 - February 10, 2018

చెన్నై : తమిళనాడు దివంగత ముఖ్యమంత్రి జయలలిత మేనకోడలు దీపా జయకుమార్‌ నివాసంలో నకిలీ ఐటి అధికారి కలకలం సృష్టించాడు. ఉదయం టినగర్‌లోని దీప నివాసానికి వచ్చిన ఓ వ్యక్తి తాను ఆదాయపు పన్నుశాఖ అధికారినని...సోదాలు చేయాలని బెదిరించాడు. దీపా ఆయనకు సంబంధించి ఐడి వివరాలు అడిగారు. ఇంతలోనే పోలీసులు అక్కడికి చేరుకోవడంతో నకిలీ అధికారి అక్కడి నుంచి ఉడాయించాడు. దీప అతని ఐడి కార్డు ఫొటో తీయగా...దానిపై మితేష్‌ కుమార్‌ అని ఉంది. పోలీసులు అతడి కోసం గాలింపు చర్యలు చేపట్టారు.

19:46 - September 20, 2017

చెన్నై : తమిళనాడు ముఖ్యమంత్రి పళనిస్వామికి మద్రాసు హైకోర్టు ఊరటనిచ్చింది. ఇప్పటికిప్పుడు అసెంబ్లీలో బలనిరూపణ చేయాల్సిన అవసరం లేదని న్యాయస్థానం వెల్లడించింది. తన వర్గం ఎమ్మెల్యేలపై బహిష్కరణను రద్దు చేయాలని, పళనిస్వామిని బలపరీక్షకు ఆదేశించాలని కోరుతూ అన్నాడిఎంకే బహిష్కృత నేత దినకరన్‌ వేసిన పిటిషన్‌ను న్యాయస్థానం విచారించింది. దినకరన్‌, పళనిస్వామి వర్గాల వాదనలు విన్న న్యాయస్థానం... తదుపరి ఉత్తర్వులు ఇచ్చేంత వరకు విశ్వాస పరీక్ష నిర్వహించవద్దంటూ స్పీకర్‌కు సూచించింది.

హైకోర్టు తోసిపుచ్చింది
దినకరన్‌ వర్గానికి చెందిన 18 మంది ఎమ్మెల్యేలపై తమిళనాడు స్పీకర్‌ ధన్‌పాల్‌ వేసిన అనర్హత వేటుపైనా న్యాయస్థానం సుదీర్ఘ వాదనలు వింది. స్పీకర్‌ నిర్ణయంపై స్టే ఇవ్వాలన్న దినకరన్‌ వర్గం వాదాన్ని మద్రాసు హైకోర్టు తోసిపుచ్చింది. అయితే కేసు విచారణ పూర్తయ్యేంత వరకు అనర్హత వేటు పడిన ఎమ్మెల్యేల నియోజకవర్గాల్లో ఎన్నికలు నిర్వహించరాదని ఎన్నికల సంఘాన్ని ఆదేశించింది. ఈ కేసు తదుపరి విచారణను వచ్చే నెల 4 కు వాయిదా వేసింది. జయలలిత మరణం తర్వాత రెండుగా విడిపోయిన ముఖ్యమంత్రి పళనిస్వామి, పన్నీరు సెల్వం వర్గాలు ఒకటయ్యాయి.దీనిని వ్యతిరేకిస్తూ దినకరన్‌ వర్గం తిరుగుబాటు చేసింది. తదనంతర పరిణామాల్లో దినకరన్‌తోపాటు, శశికళను పార్టీ నుంచి బహిష్కరిస్తూ అన్నా డీఎంకే నాయకత్వం నిర్ణయం తీసుకుంది. ఆ తర్వాత దినకరన్‌ వర్గానికి చెందిన 18 మంది ఎమ్మెల్యేలపై స్పీకర్‌ ధన్‌పాల్‌ అనర్హత వేటు వేశారు. దీనిని సవాల్‌ చేస్తూ దినకరన్‌ వర్గం హైకోర్టును ఆశ్రయించింది. 

14:08 - September 20, 2017

చెన్నై : తమిళ రాజకీయాలు మలుపుల మీద మలుపులు తిరుగుతున్నాయి. అసెంబ్లీలో బలపరీక్షపై చెనన్నై హైకోర్టు స్టే విధించింది. తదుపరి ఆదేశౄలు ఇచ్చేవరకు బలపరీక్ష నిర్వహించొద్దని హై కోర్టు ఆదేశించింది. తదుపరి విచారణను అక్టోబర్ 4కు వాయిదా వేసింది. దినకరన్ వర్గం చెందిన 18 మంది ఎమ్మెల్యేలపై స్పీకర్ వేటు వేయడంపై హైకోర్టులో సవాల్ చేసిన విషయం తెలిసిందే. పూర్తి వివరాలకు వీడియో క్లిక్ చేయండి.

10:44 - June 4, 2017

చెన్నై : టి. నగర్ ఉస్మాన్ రోడ్డులో ఉన్న చెన్నై సిల్క్ భవనంలో ఇటీవలే అగ్నిప్రమాదం జరిగి కాలి బూడిదైన సంగతి తెలిసిందే. ఈ భవనాన్ని కూల్చివేయాలని తమిళనాడు రాష్ట్ర ప్రభుత్వం నిర్ణయించింది. కూల్చివేతల కోసం ఓ ప్రత్యేక బృందాన్ని నియమించింది. కూల్చివేతలకయ్యే ఖర్చును తొలుత ప్రభుత్వం భరించి తరువాత యాజమాన్యం నుండి వసూలు చేయాలని నిర్ణయించినట్లు మంత్రి జయకుమార్ వెల్లడించారు. అగ్నిప్రమాదం వల్ల రూ. 300 కోట్ల నష్టం వాటిల్లిందని పోలీసులు వెల్లడించారు.

07:59 - May 20, 2017

చెన్నై : చెన్నైలోని రాఘవేంద్ర కళ్యాణమంటపంలో అభిమానులతో సూపర్‌ స్టార్‌ రజనీకాంత్‌ భేటి చివరి రోజున కూడా కొనసాగింది. ఈ సందర్భంగా రాష్ట్ర రాజకీయాలపై తనదైన శైలిలో విరుచుకుపడ్డారు. తమిళనాడులో మంచి నేతలున్నా వ్యవస్థలో మార్పు రావడంలేదని మండిపడ్డారు. ప్రస్తుత రాజకీయ వ్యవస్థ అధ్వానంగా తయారైందని రజనీ ఆవేదన వ్యక్తం చేశారు. రాజకీయాల్లో మార్పు రావాల్సిన అవసరం ఉందని... ప్రజల ఆలోచనల్లో మార్పు వచ్చినప్పుడే దేశం సరైన మార్గంలో పయనిస్తుందని రజనీకాంత్‌ చెప్పారు. యుద్ధం ఆరంభమయ్యేనాటికి మనమంతా సిద్ధంగా ఉందామని అభిమానులకు పిలుపునివ్వడం ద్వారా తాను రాజకీయాల్లోకి వస్తున్నట్లు చెప్పకనే చెప్పారు.

పక్కా తమిళుణ్ణే...
తన స్థానికతపై వస్తున్న విమర్శలను రజనీకాంత్‌ తిప్పికొట్టారు. తాను పక్కా తమిళుణ్ణేనని స్పష్టతనిచ్చారు. ఇరవైమూడేళ్లపాటు కర్నాటకలో ఉన్నా, 43 ఏళ్లుగా తమిళనాడులో నివసిస్తున్న విషయాన్ని రజనీకాంత్‌ గుర్తు చేశారు. కర్నాటక నుంచి వచ్చిన తనను తమిళుడిగానే ప్రజలు ఆదరించారని చెప్పారు. తాను ఉంటే మంచిమనసులున్న తమిళనాడులో ఉంటానని, లేకుంటే రుషులు సంచరించే హిమాలయాల్లో ఉంటానని చెప్పుకొచ్చారాయన. దాదాపు ఎనిమిదేళ్ల విరామం తర్వాత అభిమానులతో రజనీకాంత్‌ భేటీ అయ్యారు. చెన్నైలో గత ఐదురోజులుగా అభిమానులను కలుసుకున్నారు. తనతో కలిసి ఫోటోలు దిగేందుకు అభిమానులకు అవకాశం ఇచ్చారు. 

16:45 - May 19, 2017
16:44 - May 19, 2017
11:36 - April 25, 2017

చెన్నై: రైతుల కోసం డీఎంకే సహా ప్రతిపక్షాలు చేపట్టిన రాష్ట్రవ్యాప్త బంద్‌ తమిళనాడులో కొనసాగుతోంది. దీన్ని అఖిలపక్ష బంద్‌గా ప్రకటించినప్పటికీ రాష్ట్ర ప్రభుత్వం, మరికొన్ని పార్టీలు బంద్‌కు మద్దతు ఇవ్వడం లేదు. కాంగ్రెస్‌, సీపీఎం, సీపీఐ, వీసీకే తదితర పార్టీలు బంద్‌కు మద్దతు పలికాయి. తమిళనాడు వర్తకుల సమాఖ్య, వ్యాపారుల సమాఖ్య, రవాణా కార్మికుల సంఘాలు మద్దతు ప్రకటించాయి. దీంతో రాష్ట్రవ్యాప్తంగా ఆటోలు, లారీలు నిలిచిపోయాయి. 10వేల పెద్ద, చిన్న హోటళ్లు మూతపడ్డాయి. పౌరసరఫరాలు, ప్రజా రవాణా దెబ్బతినకుండా ఉండేందుకు ప్రభుత్వం చర్యలు తీసుకుంటోంది. ఆర్టీసీ బస్సులను ప్రతిపక్షాలు అడ్డుకుంటాయన్న కారణంతో భారీ బందోబస్తు నడుమ వాటిని తిప్పుతున్నారు. బస్టాండ్లలోనూ భారీ భద్రత ఏర్పాటుచేశారు. చెన్నైలో 13వేల మంది..రాష్ట్రవ్యాప్తంగా లక్ష మంది బందోబస్తు విధుల్లో పాల్గొంటున్నారు.

Pages

Don't Miss

Subscribe to RSS - tamilnadu government