tdp government

10:52 - August 14, 2018

అమరావతి : ఒకప్పుడు ఆయన నుంచి సహాయం పొందాలంటే కాళ్లరిగేలా తిరగాల్సి వచ్చేది. ఆయనను కలిసి సహాయం పొందాలంటే ప్రజలు అష్టకష్టాలు పడాల్సి వచ్చేది. అంత చేసినా వారికి అరకొర సాయమే దక్కేంది. కానీ నేడు ఆ వ్యక్తిలో పూర్తిగా మార్పు వచ్చింది. అడిగిందే తడవుగా సాయం అందిస్తున్నారు. ఇంతకీ ఎవరా వ్యక్తి.. ఏమా సాయం.. లెట్స్‌ వాచ్‌దిస్‌ స్టోరీ...

పేదల బాధలను తీర్చడమే లక్ష్యంగా సీఎంఆర్‌ ఏర్పాటు
ప్రజలు అన్నాక కష్టాలు వస్తూ ఉంటాయి. పెద్ద కష్టం వచ్చినప్పుడు ప్రభుత్వ సాయం కోరుతారు. ఇందుకోసమే ప్రభుత్వాలు కూడా ముఖ్యమంత్రి సహాయ నిధిని ఏర్పాటు చేశాయి. సీఎంఆర్‌ఎఫ్‌కు దరఖాస్తు చేసుకుంటే అధికారులు పరిశీలించి సాయం చేస్తారు. చంద్రబాబు హయాంలో ఉమ్మడి ఆంధ్రప్రదేశ్‌లో సీఎంఆర్‌ఎఫ్‌ తొలిసారి ఏర్పాటైంది. నాడు ముఖ్యమంత్రి సహాయ నిధి కింద సాయం పొందాలంటే ప్రజలు అష్టకష్టాలు పడాల్సి వచ్చేది. రాష్ట్రంలోని వివిధ ప్రాంతాల నుంచి సచివాలయానికి వచ్చినా వారికి అరకొర సాయమే దక్కేది. ఎమ్మెల్యేలు సైతం ఒకటికి పదిసార్లు కలిసి కోరితేనే పది వేల నుంచి 20వేల సాయం అందేది.

ఏపీలో నేడు పూర్తిగా పరిస్థితి మార్పు..సీఎంఆర్‌ఎఫ్‌ కింది లక్షల్లో సాయం
ఏపీలో ఇప్పుడు పరిస్థితి పూర్తిగా మారిపోయింది. సహాయం అర్ధించిన వారికి ఇప్పుడు సీఎంఆర్‌ఎఫ్‌ నుంచి లక్షలు అందుతున్నాయి. ఒకప్పుడు కఠినంగా వ్యవహరించిన చంద్రబాబు ఇప్పుడు పూర్తిగా మారారు. నాడు అరకొర సాయం అందించిన చంద్రబాబు.. ఇప్పుడు ఎవరు దరఖాస్తు చేసుకున్నా ఎక్కువ మొత్తంలో సాయం అందిస్తున్నారు. కాలయాపన చేయకుండా కొన్ని సమస్యలు 24 గంటల్లోనే పరిష్కారం అవుతున్నాయి. రోగం వచ్చిందంటే చాలు ముందస్తు లేఖలు ఎల్‌ఓసీ రూపంలో ఇస్తుంటే... గంటల వ్యవధిలోనే అవి పరిష్కారం అవుతున్నాయి. లక్షలు రూపాయలు వెచ్చింది వైద్యం చేయించుకుంటున్నామని వేడుకుంటుంటే వారికి ఎంతో కొంత రీఎంబర్స్‌మెంట్‌ చేస్తున్నారు. చంద్రబాబులో ఇంతమార్పా అని చాలా మంది ఆశ్చర్యపోతున్నారు. ఒకప్పుడు సీఎంగా పనిచేసిన దానికి... నేటికీ చంద్రబాబులో ఎంతో మార్పు వచ్చిందని, చాలా తేడా కనిపిస్తోందని ప్రజలు చర్చించుకుంటున్నారు. ముఖ్యమంత్రిలో వచ్చిన మార్పు ప్రభుత్వ ప్రతిష్టను కూడా పెంచుతోంది. ఇప్పటి వరకు దాదాపు లక్షన్నర కుటుంబాలకు వెయ్యికోట్ల రూపాయల మేర నిధులు మంజూరు చేశారు. ఒక్క వైద్యానికే సంబంధంలేకుండా ఆర్థికంగా వివిధ కారణాలతో చికితిపోయిన కుటుంబాలకు తన చేయూత అందించారు. ఇవేకాదు.. రాష్ట్రంలో వివిధ వర్గాల ఉద్యోగులకు గణనీయంగా జీతాలు పెంచారు. గతంలో ఎంతమొరపెట్టుకున్నా స్పందించని చంద్రబాబులో స్పష్టంగా కనిపిస్తున్న మార్పును చూసి అంతా ఆశ్చర్యంలో మునిగిపోతున్నారు.

07:12 - August 14, 2018

గుంటూరు : గురజాలలో అక్రమ గనుల పరిశీలనకు వెళ్తున్న వైసీపీ నేతలను పోలీసులు అడ్డుకున్నారు. గురజాలలో నాలుగేళ్లుగా అక్రమ మైనింగ్‌ జరుగుతున్నా టీడీపీ ప్రభుత్వం పట్టించుకోవడంలేదని వైసీపీ నేతలు ఆగ్రహం వ్యక్తం చేశారు. అక్రమ మైనింగ్‌ అడ్డుకోలేక అమాయకులపై కేసులు పెట్టి టీడీపీ ప్రభుత్వం తప్పించుకునే ప్రయత్నం చేస్తోందని ఆరోపించారు.

భారీగా మోహరించిన పోలీసులు..
గుంటూరు జిల్లా నరసరావు పేటలో ఉద్రిక్తత నెలకొంది. గురజాలలో అక్రమ మైనింగ్‌ పరిశీలనకు వెళ్తున్న వైసీపీ నేతలను పోలీసులు అడ్డుకున్నారు. వైసీపీ నేత కాసు మహేశ్‌ రెడ్డి ఇంటి వద్ద భారీగా మోహరించిన పోలీసులు ఆయనను హౌస్‌ అరెస్ట్‌ చేశారు. గురజాల నియోజకవర్గ ఎమ్మెల్యే యరపతినేని శ్రీనివాసరావుపై హై కోర్టు మైనింగ్‌ ఆరోపణలు చేసింది. దీంతో రాష్ట్ర వ్యాప్తంగా మైనింగ్‌ అధికారులు గురజాలలో ఉన్న మైనింగ్‌ విలువను పరిశీలిస్తున్నారు. ఈ క్రమంలోనే మైనింగ్‌ ప్రాంతాన్ని వైసీపీ నిజనిర్దారణ కమిటీ సందర్శించి బహిరంగ సభను నిర్వహించాలని వైసీపీ నిర్ణయించుకుంది. దీనికి పోలీసులు అనుమతి కోరగా వారు నిరాకరించారు.

వైసీపీ నేతలను అడ్డుకున్న పోలీసులు
మైనింగ్‌ ప్రాంతాన్ని పరిశీలించేందుకు వైసీపీ నేతలు ఉమ్మారెడ్డి వెంకటేశ్వర్లు, అంబటి రాంబాబు, గోపిరెడ్డి శ్రీనివాస్ రెడ్డి, మర్రి రాజశేఖర్‌లు దాచేపల్లికి వెళ్తుండగా పోలీసులు అడ్డుకున్నారు. ఒక్కసారిగా పోలీసులు లోపలికి దూసుకు రావడంతో కాసు మహేష్ రెడ్డి పోలీసులకు మధ్య ఘర్షణ వాతావరణం నెలకొంది. అక్రమాలకు పాల్పడుతున్న టీడీపీ నేతలను అడ్డుకోవాల్సింది పోయి అక్రమాలను అడ్డుకుంటున్నవారిని రాష్ట్ర ప్రభుత్వం అణచివేస్తుందని కాసు మహేశ్‌ రెడ్డి ఆరోపించారు.

బొత్స సత్యనారాయణ అరెస్ట్
అక్రమ మైనింగ్‌ వ్యవహారంలో నిజాలునిగ్గు తేల్చేందుకు గుంటూరు జిల్లా గురజాల వెళ్తున్న వైఎస్సార్‌ కాంగ్రెస్‌ పార్టీ సీనియర్‌ నేత బొత్స సత్యనారాయణను కాజా టోల్‌గేట్‌ వద్ద పోలీసులు అడ్డుకొని పోలీస్‌స్టేషన్‌కు తరలించారు. అక్రమ మైనింగ్‌ వెనుక సీఎం చంద్రబాబు, మంత్రి లోకేశ్‌ ప్రమేయం ఉందని వైసీపీ నేత బొత్స సత్యనారాయణ ఆరోపించారు. నాలుగున్నరేళ్ల పాలనలో తెలుగుదేశం ప్రభుత్వం వ్యవస్థలన్నింటినీ నిర్వీర్యం చేసిందని మండిపడ్డారు. అక్రమ మైనింగ్‌ ప్రతిపక్షాలు పోరాటం చేస్తుంటే అడ్డుకోవడం ఏంటని వైసీపీ నేతలు ప్రశ్నించారు. ఇప్పటికైనా అక్రమ మైనింగ్‌ను ఆపకపోతే భవిష్యత్‌లో తమ పోరాటాన్ని మరింత ఉధృతం చేస్తామని హెచ్చరించారు. 

07:07 - August 14, 2018

అమరావతి : ఆంధ్రప్రదేశ్‌లో మొత్తం 2 కోట్ల ఎకరాలకు నీరందించడమే లక్ష్యమన్నారు ముఖ్యమంత్రి చంద్రబాబు నాయుడు. ఇందుకోసం భూగర్భ జలాలు, జలాశయాలు, చెరువులలో ఉన్న నీటిని సమర్ధవంతంగా వినియోగించుకోవాలని అధికారులను ఆదేశించారు.

అందుబాటులో ఉన్న జలాలను సమర్థవంతంగా వినియోగించుకోవాలి :చంద్రబాబు
రాష్ట్రంలోని వివిధ దశల్లో ఉన్న సాగునీటి ప్రాజెక్టులతో పాటు పోలవరం ప్రాజెక్టు పని తీరుని సచివాలయంలో ముఖ్యమంత్రి చంద్రబాబు సమీక్షించారు. ప్రస్తుతం రాష్ట్రంలో వివిధ వనరుల కింద అందుబాటులో ఉన్న జలాలను సమర్థవంతంగా వినియోగించుకోవడంలో అధికారులు వ్యూహాలను రూపొందించుకోవాలని సీఎం సూచించారు.

25 సాగునీటి ప్రాజెక్టు పనులు వేగంగా పూర్తి చేయాలని ఆదేశం..
వర్షాభావ పరిస్థితులు ఉన్న ప్రాంతాల్లో ఎక్కువ శ్రద్ధ పెట్టాలని ముఖ్యమంత్రి అధికారులకు సూచించారు. మొత్తం రాష్ట్రంలో 86 జలాశయాల్లో 380.68 టీఎంసీలు, మిగిలిన చెరువులు భూగర్భ జలాలు ఇతర వనరులలో మొత్తం 867 టీఎంసీల నీరు అందుబాటులో ఉందని ముఖ్యమంత్రి వివరించారు. 2 కోట్ల ఎకరాలకు, పరిశ్రమలకు అందించేందుకు నీటిని ఎలా వినియోగించాలన్న దానిపై లోతుగా పరిశీలన చేయాలన్నారు. వివిధ దశల్లో ఉన్న 25 సాగునీటి ప్రాజెక్టులను డిసెంబర్‌ కల్లా పూర్తి చేసే లక్ష్యంతో పనులు వేగవంతం చేయాలని ఆదేశించారు. ప్రస్తుతం వర్షాలు పడుతున్నందున వివిధ ప్రాజెక్టుల కింద ఉన్న కట్టడాలు, నిర్మాణాలు జాగ్రత్తగా పరిశీలించాలని అధికారులకు సూచించారు సీఎం.

జెట్ గ్రౌటింగ్ పనులు 94.20 శాతం, కాంక్రీట్ పనులు 33.70 శాతం పూర్తి..
పోలవరానికి సంబంధించి ఇప్పటివరకు మొత్తం 57.41 శాతం పనులు పూర్తయ్యాయని, వర్షాలు పడుతున్నప్పటికీ పనులు అనుకున్న మేర పూర్తి చేసే ప్రయత్నం చేస్తున్నామని అధికారులు ముఖ్యమంత్రికి వివరించారు. ప్రధాన డ్యామ్ పనులు 44.23 శాతం, ఎడమ కాలువ పనులు 62.74 శాతం, కుడి కాలువ పనులు 90 శాతం పూర్తయ్యాయని... గేలరీ వాక్‌కి స్పిల్ వే సిద్ధం అవుతోందని అధికారులు వివరించారు. స్పిల్ వే, స్పిల్ ఛానల్, ఇతర తవ్వకం పనులు 77 శాతం పూర్తయ్యాయన్నారు. జెట్ గ్రౌటింగ్ పనులు 94.20 శాతం పూర్తయ్యాయని, కాంక్రీట్ పనులు 33.70 శాతం పూర్తయ్యాయని అధికారులు వివరించారు.

ప్రాజెక్టు సందర్శనకు ప్రజలను ప్రోత్సహించాలన్న సీఎం
ఇప్పటి వరకు పోలవరం ప్రాజెక్టును లక్ష మంది సందర్శించారని ముఖ్యమంత్రి తెలిపారు. అయితే అన్ని జిల్లాల నుంచి ప్రాజెక్టు సందర్శనకు ప్రజలను ప్రోత్సహించాలని, వారికి పూర్తి వివరాలు తెలియజేసి అవహగాహన కల్పించాలని అధికారులకు సూచించారు. పునరావాస పనులు వచ్చే డిసెంబర్‌ నాటికి పూర్తి చేయాలని అధికారులను ఆదేశించారు. పనులు నిర్ణీత గడువులో పూర్తికావాలన్నారు. వచ్చే వారం సమావేశానికి పూర్తి కార్యాచరణతో రావాలని ముఖ్యమంత్రి సూచించారు. ఈ పనులకు చెల్లించే బిల్లులపై జీఎస్టీ గురించి కూడా చీఫ్ ఇంజినీర్ల బోర్డు సమావేశం అవుతోందని, ఆ అంశాలను కూడా త్వరలోనే పరిష్కారం అవుతాయని ముఖ్యమంత్రి చెప్పారు.

06:29 - August 6, 2018

విజయవాడ : ఏపీ ప్రభుత్వం ప్రకటించిన నిరుద్యోగ భృతిపై మిశ్రమ స్పందన వ్యక్తమవుతోంది. నిరుద్యోగ భృతి ప్రకటనతో టీడీపీ శ్రేణులు సంబరాల్లో మునిగిపోతే... వైసీపీ విద్యార్థి నేతలు మాత్రం విశాఖలో ఆందోళనకు దిగారు. ఎన్నికల వేళ చంద్రబాబు మరోమోసానికి పాల్పడుతున్నారని ఆరోపిస్తున్నారు. కొద్దిమందికి నిరుద్యోగ భృతి ఇవ్వడంకాదు... రాష్ట్రంలోని కోటిమంది నిరుద్యోగులకూ భృతి ఇవ్వాలని వారు డిమాండ్‌ చేస్తున్నారు.

ఆంధ్రప్రదేశ్‌ ప్రభుత్వం ప్రకటించిన నిరుద్యోగ భృతిపై నిరుద్యోగుల్లో మిశ్రమ స్పందన వ్యక్తమవుతోంది. కొంతమంది ప్రభుత్వ నిర్ణయాన్ని స్వాగతిస్తే.. మరికొందరు వ్యతిరేకిస్తున్నారు. విశాఖలో టీడీపీ శ్రేణులయితే సంబరాలు జరుపుకున్నాయి. కేక్‌ కట్‌చేసి హర్షం వ్యక్తం చేశాయి. రాష్ట్రంలోని 12 లక్షల మందికి నిరుద్యోగ భృతి ఇవ్వనున్నట్టు సంతోషం వ్యక్తం చేశాయి. అంతేకాదు.. కొత్త కంపెనీలను ఏర్పాటుచేసి యువతకు చంద్రబాబు ఉద్యోగాలు కల్పిస్తున్నారని అన్నారు.

మరోవైపు చంద్రబాబు ప్రకటించిన నిరుద్యోగ భృతిపై వైసీసీ విద్యార్ధి నేతలు మండిపడుతున్నారు..నిరుద్యోగ భృతి డిగ్రీ, పాలిటెక్నిక్ చదివిన నిరుద్యోగులకు మాత్రమే ఇస్తానని చెప్పడాన్ని వారు తప్పు పడుతున్నారు. రాష్ట్రంలోని నిరుద్యోగులందరికీ భృతి ఇవ్వాలని కోరుతున్నారు. గత ఎన్నికల్లో నిరుద్యోగ భృతి ఇస్తానని హామీ ఇచ్చిన చంద్రబాబు నాలుగేళ్లు ఎందుకు ఇవ్వలేదని ప్రశ్నించారు. ఇప్పుడు మరోసారి యువతను మోసం చేయడానికే నిరుద్యోగ భృతి ఇస్తామంటున్నారని వారు మండిపడుతున్నారు. అయితే ఎన్నికల ముందు రెండు వేలు నిరుద్యోగ భృతి ఇస్తామని చేప్పి.. ఇప్పుడు కేవలం వెయ్యి రూపాయలు మాత్రమే ఇస్తానని చెప్పడాన్ని వైసీపీ విద్యార్థినేతలు తప్పుపడుతున్నారు. రాష్ట్రంలోని కోటిమంది నిరుద్యోగులందరికీ రెండువేల చొప్పున భృతి ఇవ్వాలని లేదంటే... ఆందోళన ఉధృతం చేస్తామని వారు హెచ్చరిస్తున్నారు.

21:39 - July 31, 2018

ఢిల్లీ : విశాఖ రైల్వేజోన్ ఇక లాంఛనమేనని.. త్వరలోనే రైల్వే జోన్‌పై అధికారిక ప్రకటన వస్తుందని బీజేపీ ఎమ్మెల్యే విష్ణుకుమార్‌రాజు తెలిపారు. రైల్వే జోన్‌పై స్వలాభం కోసం దీక్షలు, కాగడాల ప్రదర్శన వంటి కార్యక్రమాలు చేయవద్దని రాజకీయ పార్టీలను కోరారు. ప్రజల్లో లేని పోని అనుమానాలు కల్పించవద్దని.. రైల్వేజోన్‌ బీజేపీ తీసుకువస్తుందని విష్ణుకుమార్‌రాజు స్పష్టం చేశారు. రైల్వే జోన్ కోసం అన్నీ విధాలా తాము ప్రయత్నిస్తున్నామని.. రైల్వేజోన్‌ పై పియూష్‌గోయాల్‌ హామీ ఇచ్చారని పీవీయన్‌ మాధవ్‌ అన్నారు. 

 

19:08 - July 31, 2018

శ్రీకాకుళం : సిక్కోలు జిల్లాలో ప్రభుత్వంపై అధికార పార్టీ ఎమ్మెల్యే ఆగ్రహం వ్యక్తం చేస్తున్నారు. హామీ నెరవేర్చని ప్రభుత్వానికి వ్యతిరేకంగా రేపు మౌన దీక్ష చేస్తానన్న ఎమ్మెల్యే గౌతు శ్యాంసుందర్‌ శివాజీ ప్రకటించారు. ఆఫ్‌షోర్‌ జలాశయం పనుల్లో జాప్యానికి నిరసనగా ఎమ్మెల్యే నిర్ణయం తీసుకున్నారు. జులై 31 నాటికి ప్రాజెక్టు పూర్తి చేస్తామని ప్రభుత్వం హామీ ఇచ్చి మాట మార్చిందన్నారు. గతంలో హామీ నెరవేర్చలేదంటూ.. గౌతు శ్యాంసుందర్‌ శివాజీ తలనీలాలు గడ్డం కత్తిరించుకోనని భీష్మించారు. అయితే అప్పట్లో శివాజీని ఒప్పించి తిరుపతిలో తలనీలాలు తీయించారు టీడీపీ నేతలు. ఇప్పుడు మౌన దీక్షకు మరోసారి సిద్ధమయ్యారు ఎమ్మెల్యే శివాజీ. ఆఫ్‌షోర్‌ జలాశయం పనులు 50శాతమైనా పూర్తి కాలేదని శివాజీ ఆగ్రహం వ్యక్తం చేశారు. శివాజీ నిర్ణయంతో టీడీపీ శ్రేణుల్లో కలకలం మొదలైంది. 

09:49 - July 31, 2018

అమరావతి : కడప జిల్లా టీడీపీలో కలకలం రేగుతోంది. తాను పార్టీని వీడనున్నట్టు వస్తున్న వార్తలు అవాస్తవమని, ఆ వదంతులు నమ్మొద్దని కడప జిల్లా రాజంపేట టీడీపీ ఎమ్మెల్యే మేడా మల్లికార్జునరెడ్డి స్ఫష్టం చేశారు. అన్నారు. కొందరు కావాలనే తనపై ఈ విధంగా దుష్ప్రచారం చేస్తున్నారని చెప్పారు. ఈ వదంతుల నేపథ్యంలో సీఎం చంద్రబాబు నుంచి మల్లికార్జునరెడ్డికి ఫోన్ కాల్ వెళ్లింది. దీంతో, మల్లికార్జునరెడ్డి, కడప జిల్లా టీడీపీ అధ్యక్షుడు శ్రీనివాసులురెడ్డి, ఇతర నేతలు ఈ రోజు చంద్రబాబును కలిశారు. అనంతరం మల్లికార్జునరెడ్డి మీడియాతో మాట్లాడుతూ, టీడీపీలోనే కొనసాగుతానని..తనకు పదవులు ముఖ్యం కాదనీ పార్టీయే ముఖ్యమని తెలిపారు. ఇదే విషయాన్ని చంద్రబాబుకు చెప్పానని అన్నారు. టీడీపీ నుంచి తాను వెళ్లిపోవడం లేదని, కొందరు కావాలని చెప్పే దుష్ప్రచారం చేస్తున్నారని మండిపడ్డారు. చిన్నచిన్న సమస్యలు ఉన్నంత మాత్రాన పార్టీని వీడాల్సిన అవసరం లేదని మల్లికార్జున రెడ్డి స్పష్టంచేశారు.  

20:23 - July 28, 2018

ప్రకాశం : ఆంధ్రప్రదేశ్‌ రాష్ట్ర విభజన హామీల కోసం రాజీలేని పోరాటం చేస్తున్నామన్నారు ముఖ్యమంత్రి చంద్రబాబు. ప్రకాశం జిల్లా ఒంగోలులో టీడీపీ ధర్మపోరాటం సభలో ఆయన పాల్గొన్నారు. విభజన చట్టం హామీల విషయంలో కేంద్రమే యూటర్న్‌ తీసుకుందని చంద్రబాబు మండిపడ్డారు. విపక్షాలు సైతం రాష్ట్రానికి అన్యాయం చేస్తున్నాయంటూ విరుచుకుపడ్డారు. ప్రకాశం జిల్లా ఒంగోలులో జరిగిన టీడీపీ ధర్మ పోరాటం సభలో ముఖ్యమంత్రి చంద్రబాబు పాల్గొన్నారు. ప్రత్యేక హోదా విషయంలో కేంద్రం అనుసరిస్తున్న తీరుపై మండిపడ్డారు. తాము గొంతెమ్మ కోరికల కోరడం లేదని.. ఇచ్చిన హామీలు అమలు చేయమంటే ఎందుకు చేయడం లేదో సమాధానం చెప్పాలని కేంద్రాన్ని డిమాండ్ చేశారు.

కేంద్రంపై అవిశ్వాసం పెట్టినప్పుడు దేశంలోని అన్ని పార్టీలు టీడీపీతో కలిసి వచ్చాయని, వైసీపీ అవిశ్వాసానికి మాత్రం ఎవరూ మద్దతు ఇవ్వలేదని గుర్తు చేశారు. కేసుల మాఫీ కోసం రాష్ట్ర హక్కుల్ని తాకట్టు పెట్టిన పార్టీ వైసీపీ అని చంద్రబాబు విమర్శించారు. జీవిత ఆశయంగా పోలవరాన్ని ఎంచుకున్నామన్నారు సీఎం చంద్రబాబు. 2019 కల్లా ప్రాజెక్టును పూర్తి చేసి జాతికి అంకితం చేసే బాధ్యత తీసుకుంటామన్నారు.

ప్రత్యేక హోదా విషయంలో బీజేపీ వెన్నుపోటు పొడిచిందని మంత్రి నారా లోకేశ్‌ ఆరోపించారు. 2019 ఎన్నికల్లో బీజేపీకి తెలుగు ప్రజలు బుద్ధి చెబుతారన్నారు. రాష్ట్రం అభివృద్ధి విషయంలో రాజీపడే ప్రసక్తే లేదన్నారు సీఎం చంద్రబాబు. వెనుకబడిన వర్గాల అభివృద్ధి కోసం బుల్లెట్‌లా దూసుకుపోతానని వెనుదిరిగే సమస్యేలేదని స్పష్టం చేశారు. విభజన హామీలపై పార్లమెంట్‌లో కేంద్రాన్ని నిలదీసిన టీడీపీ ఎంపీలను సీఎం సన్మానించారు.

19:05 - July 28, 2018

విశాఖపట్టణం : దశాబ్దాలుగా పెండింగ్‌లో ఉన్న విశాఖ రైల్వేను రైల్వే జోన్‌గా కేంద్ర ప్రభుత్వం ప్రకటించడం పై ఆనందాన్ని వ్యక్తం చేశారు బీజేపీ శాసనసభపక్ష నేత విష్ణుకుమార్‌ రాజు. ఈ సందర్భంగా ఏపీ ఎక్స్‌ప్రెస్‌లో తొమ్మిది మంది బీజేపీనేతల బృందం ఢిల్లీ బయలు దేరింది. వెళ్లిన బృందానికి ఎమ్మెల్యే విష్ణుకుమార్‌ రాజు జండా ఊపి ప్రయాణాన్ని ప్రారంభించారు. తొమ్మిది మందితో కలిసిన బృందం పీయూష్‌ గోయల్‌ను కలిసి తిరిగి విశాఖ నగరానికి ఆగస్టు 2న చేరుకుంటుదని విష్ణుకుమార్‌ తెలిపారు.

18:08 - July 28, 2018

ప్రకాశం : బిజెపి అంటే మంత్రి లోకేష్ కొత్త నిర్వాచనం చెప్పారు. బిజెపి అంటే భారతీయ జనతా పార్టీ..జే అంటే జగన్..పి అంటే పవన్ అని పేర్కొన్నారు. ఒంగోలులో సీఎం చంద్రబాబు నాయుడు ధర్మపోరాటం దీక్ష చేపట్టారు. ఈ సందర్భంగా ఆయన మాట్లాడుతూ...ప్రత్యేక హోదా ఇస్తామని చెప్పి బీజేపీ వెన్నుపోటు పొడించిందన్నారు. భారతదేశంలోనే ప్రదాన మంత్రిని నిలదీసిన ఏకైక పార్టీ టిడిపి అని తెలిపారు. తెలుగు ప్రజలేంటో బిజెపికి 2019 ఎన్నికల్లో తెలుస్తుందన్నారు. 

Pages

Don't Miss

Subscribe to RSS - tdp government