TDP MLAs

07:25 - February 1, 2018
21:58 - January 20, 2018

గుంటూరు : పాలనలోనే కాదు.. పార్టీ విషయాల్లోనూ నిర్లక్ష్యంగా వ్యవహరిస్తే... చంద్రబాబుకు నచ్చదు. పార్టీని డ్యామేజ్ చేస్తే.. ఆయన అసలు సహించరు. ఇవాళ జరిగిన టీడీపీ సమన్వయ కమిటీ సమావేశంలోనూ ఇదే జరిగింది. పార్టీ వ్యవహారాల్లో నిర్లక్ష్యంగా ఉన్నారంటూ నేతలకు చంద్రబాబు క్లాస్ తీసుకున్నారు. టీడీపీ అధినేత చంద్రబాబు అధ్యక్షతన అమరావతిలోని సచివాలయంలో పార్టీ సమన్వయ కమిటీ సమావేశం మూడు గంటలపాటు హాట్ హాట్‌గా సాగింది. ఈ సమావేశంలో అనేక కీలక అంశాలపై చర్చించారు చంద్రబాబు. 

విభ‌జ‌న సమస్యలపై  కోర్టుకెళ్లే అంశాన్ని సమన్వయ కమిటీ భేటీలో చంద్రబాబు మరోసారి ప్రస్తావించారు. ఇబ్బందులు వస్తే కోర్టుకు వెళ్లడం సహజమని.. దీనిని బీజేపీ వ్యతిరేకంగా భావించకూడదన్నారు. టీడీపీ, బీజేపీల మధ్య ఏదో జరుగుతోందన్న సంకేతాలు వెళ్లేలా కొందరు వార్తలు ప్రచురించారని చంద్రబాబు  అన్నారు.  హైదరాబాద్‌ను ధ్వంసం చేశామనే రీతిలో సీఎం కేసీఆర్ కామెంట్ చేయడం సరికాదని.. భాగ్యనగరాన్ని ఎవరు అభివృద్ధి చేశారో ప్రతి ఒక్కరికి తెలుసునన్నారు చంద్రబాబు. 

ఇక సంక్రాంతి నేపథ్యంలో జరిగిన కోడిపందాల‌పై  సమావేశంలో నేతలకు క్లాస్ తీసుకున్నారు చంద్రబాబు. సంప్రదాయం కోసం కోడిపందాలు నిర్వహించుకోవడంలో తప్పులేదు కానీ.. పందాలు మేమే నిర్వహిస్తామనే రీతిలో మాట్లాడటం సరికాదన్నారు చంద్రబాబు. ఎన్నికల సమయం దగ్గర పడుతున్న నేపథ్యంలో అందరూ జాగ్రత్తగా ఉండాలని సూచించారు. వైసీపీ నుంచి కొందరు వచ్చేందుకు సిద్ధంగా ఉన్నారని పలువురు మంత్రులు చెప్పగా.. స్ధానికంగా ఉన్న సమస్యలు పరిష్కరించుకుంటూ కొత్తవారిని పార్టీలో చేర్చుకోవచ్చని చంద్రబాబు వారికి సూచించారు. ఇటీవల మోడీతో జరిగిన సమావేశం ఫలప్రదమైందని.. నియోజకవర్గాల పెంపుపై కేంద్రం సానుకూలంగా ఉందని చంద్రబాబు చెప్పారు. ప్రతిపక్షాలు ప్రభుత్వంపై చేస్తున్న విమర్శలను సమర్థవంతంగా తిప్పి కొట్టాలని చంద్రబాబు ఈ సమావేశంలో నేతలకు సూచించారు.  ఇక ఆదివారం చంద్రబాబు అధ్యక్షతన పార్టీ ఎమ్మెల్యేలు, ఎమ్మెల్సీలు, నియోజకవర్గ ఇన్‌ఛార్జ్‌లతో వన్ డే వర్క్ షాప్ జరగనుంది. ఈ సమావేశంలో చంద్రబాబు నేతలకు దిశానిర్దేశం చేయనున్నారు. 

 

21:28 - November 27, 2017

గుంటూరు : కడప ఫాతిమా కాలేజీ వైద్య విద్యార్థుల పోరాటంతో ప్రభుత్వంలో చలనం వచ్చింది. రెండు రోజులుగా విజయవాడలో దీక్ష చేస్తున్న నేపథ్యంలో..బాధిత విద్యార్థులు అసెంబ్లీలో సీఎం చంద్రబాబును కలిసి న్యాయం చేయాలని కోరారు. వారి సమస్యపై సానుకూలంగా స్పందించిన చంద్రబాబు విద్యార్థులను ఆదుకుంటామని భరోసా ఇచ్చారు. కేంద్ర ప్రభుత్వం సుప్రీంకోర్టును ఆశ్రయించాలని కోరుతూ శాసనసభలో తీర్మానం చేసింది ఏపీ ప్రభుత్వం. ఫాతిమా మెడికల్‌ కాలేజీ విద్యార్థులతో భేటీ తర్వాత కొన్ని గంటల్లోనే ఈ తీర్మానాన్ని అసెంబ్లీలో ప్రవేశపెట్టారు సీఎం చంద్రబాబు. నీట్‌ అర్హత పొందినవారికి ఫాతిమా కాలేజీ లేదా ఇతర కాలేజీల్లో సీటు వచ్చేలా సుప్రీంకోర్టు అనుమతికి ప్రయత్నాలు చేస్తున్నట్లు తెలిపారు. నీట్‌ అర్హత సాధించని విద్యార్థులకు అవసరమయ్యే కోచింగ్ అందిస్తామని, ఇందుకయ్యే వ్యయాన్ని కూడా భరించడానికి ప్రభుత్వం సిద్ధంగా వుందన్నారు. ప్రభుత్వంతో సంప్రదింపులు జరిపేందుకు వీలుగా కొందరు విద్యార్థులు కమిటీగా ఏర్పడాలని సీఎం సూచించారు.

కాల్ సెంటర్ ద్వారా....
కాల్ సెంటర్ ద్వారా విద్యార్థులకు ఎప్పటికప్పుడు సమాచారం అందించాలని అధికారులను ఆదేశించారు. తన కార్యాలయంలోనూ ఇందుకు సంబంధించి ప్రత్యేక సెల్ ఏర్పాటు చేయాలన్నారు. మంత్రి కామినేని శ్రీనివాస్ ఆధ్వర్యంలో అధికారులు, విద్యార్థులు ఎల్లుండి ఢిల్లీ వెళ్లి సమస్యను మరోమారు కేంద్రం దృష్టికి తీసుకెళ్లాలని ఆదేశించారు. మరోవైపు విద్యార్థులు సెల్‌టవర్ ఎక్కి నిరసన తెలపడంపై సీఎం చంద్రబాబు అసహనం వ్యక్తం చేశారు. సమస్య పరిష్కారానికి ప్రభుత్వం ప్రయత్నిస్తున్న సమయంలో ఇలాంటి చర్యలు సరికావన్నారు. మరోవైపు సీఎం ఇచ్చిన హామీలపై విద్యార్థులు హర్షం వ్యక్తం చేస్తున్నారు. అయితే పూర్తిస్థాయిలో న్యాయం జరిగే వరకు పోరాటం చేస్తామని, దీక్ష కొనసాగించాలా లేదా అన్నది అందరితో చర్చించి నిర్ణయం ప్రకటిస్తామన్నారు. కడప ఫాతిమా కాలేజీ విద్యార్థుల సమస్య పరిష్కారానికి చంద్రబాబు సర్కార్‌ ఇచ్చిన హామీలు నెరవేరుస్తుందా లేక పాతపాటే పాడుతుందో చూడాలి. 

21:25 - November 27, 2017

గుంటూరు : సాంఘిక, గిరిజన, బీసీ, మహిళ, మైనారిటీల సంక్షేమంపై అసెంబ్లీలో విస్తృత చర్చ జరిగింది. చర్చలో పాల్గొన్న అధికార టీడీపీ, మిత్రపక్షమైన బీజేపీ సభ్యులు సంక్షేమ పథకాలను ఆయా వర్గాలకు మరింత చేరువైయేందుకు తీసుకోవాల్సిన చర్యలపై సూచనలు, సలహాలు ఇచ్చారు. చర్చకు మంత్రులు నక్కా ఆనందబాబు, అచ్చెన్నాయుడు, పరిటాల సునీత సమాధానం ఇచ్చారు. ఆ తర్వాత చంద్రబాబు జోక్యం చేసుకుని సంక్షేమ పథకాల అమలుపై కొన్నికీలక నిర్ణయాలు ప్రకటించారు. చేతివృత్తుల వారికి చేయూతనందించే ఆదరణ పథకాన్ని పునరుద్ధరించాలని నిర్ణయించిన విషయాన్ని చంద్రబాబు సభ దృష్టికి తెచ్చారు. చేనేత కార్మికులు ఉపాధి కల్పించేందుకు వీలుగా సగం రేటుకే చీర, ధోవతి పంపిణీ కార్యక్రమాన్ని వచ్చే నెల 25 నుంచి అమలు నిర్ణయించారు. పెళ్లి కానుక పథకాన్ని వచ్చే జనవరి నుంచి అమలు చేస్తామని చంద్రబాబు ప్రకటించారు.

వైశ్యులకు కూడా ఫెడరేషన్‌
బ్రాహ్మణ కార్పొరేషన్‌ తరహాలో వైశ్యులకు కూడా ఫెడరేషన్‌ ఏర్పాటు చేస్తామని చంద్రబాబు సభ దృష్టికి తెచ్చారు. పేదలకు 18 లక్షల ఇళ్ల నిర్మాణాన్ని పూర్తి చేసిన తర్వాతే ఎన్నికలకు వెళ్తామన్నారు. వచ్చే ఏడాది జనవరిలో రాష్ట్ర వ్యాప్తంగా రెండు వందల అన్నా క్యాంటీన్లు ప్రారంభించాలని నిర్ణయించినట్టు చంద్రబాబు సభలో ప్రకటించారు. బీసీ రిజర్వేషన్లకు నష్టం లేకుండా కాపులకు రిజర్వేషన్లు అమలు చేస్తామని మరోసారి స్పష్టం చేశారు. మరోవైపు ఫాతిమా మెడికల్‌ కాలేజీ విద్యార్థులకు న్యాయం చేయాలని కేంద్ర ప్రభుత్వాన్ని కోరుతూ చంద్రబాబు ప్రవేశపెట్టిన తీర్మానాన్ని అసెంబ్లీ ఏకగ్రీవంగా ఆమోదించింది. విద్యార్థులు తల్లిదండ్రులపై కేసులు పెడుతున్న ఫాతిమా మెడికల్‌ కాలేజీ యాజమాన్యానికి చంద్రబాబు గట్టి వార్నింగ్‌ ఇచ్చారు.ఫాతిమా మెడికల్‌ కాలేజీ తీర్మానం తర్వాత స్పీకర్‌ కోడెల శివప్రసాదరావు అసెంబ్లీని మంగళవారానికి వాయిదా వేశారు. 

18:58 - November 27, 2017

అనంతపురం : జిల్లాలో ఎమ్మెల్యే హత్యకు కుట్ర చేసిన నిందితులను పోలీసులు అరెస్ట్ చేశారు. ఎమ్మెల్యే హత్యకు ప్రత్యర్థి వర్గం హంతకుల ముఠాకు సుపారీ ఇచ్చింది. హంతక గ్యాంగ్ కదలికలపై నిఘా ఉంచిన పోలీసులు వారిని అరెస్ట్ చేసినట్టు ధృవీకరించారు. పూర్తి వివరాలకు వీడియో క్లిక్ చేయండి.

18:57 - November 27, 2017

అనంతపురం : మళ్లీ ఫ్యాక్షన్‌ భూతపు ఛాయలు..!సరికొత్త రూపులోకి ఫ్యాక్షనిజం పరకాయ ప్రవేశం..!సుపారీ సంస్కృతి వైపు మొగ్గుతోన్న ఫ్యాక్షనిజం..!ఉలికిపడుతోన్న అనంతపురం జిల్లా జనం..!!ఫ్యాక్షన్‌ రాజకీయాలకు పెట్టింది పేరైన అనంతపురం జిల్లా.. పదేళ్ల సుదీర్ఘ ప్రశాంతత తర్వాత.. ఒక్కసారిగా ఉలిక్కిపడింది. రాజకీయ ప్రత్యర్థుల ఏరివేతకు.. కొందరు ప్రయత్నిస్తున్నారన్న వార్తలు జిల్లాలో తీవ్ర కలకలం రేపుతున్నాయి. టీడీపీకి చెందిన ప్రస్తుత ధర్మవరం ఎమ్మెల్యే గోనుగుంట్ల సూర్యనారాయణ అలియాస్‌ వరదాపురం సూరి హత్యకు పన్నిన కుట్ర బయటకొచ్చింది. సూరి హత్యకు.. బిహారీ గ్యాంగ్‌కు సుపారీ ఇచ్చినట్లు ప్రచారం జరుగుతోంది.

దాదాపు ఓ దశాబ్ద కాలంగా..
అనంతలో ఒకప్పుడు ప్రత్యర్ధులను మట్టుపెట్టేందుకు ఫ్యాక్షన్ నేతలు తమ అనుచర వర్గంతోనే కలిసి పక్కా ప్లాన్‌తో రంగంలోకి దిగేవారు. ఈ ప్రయత్నంలో ఇరువర్గాల వారూ ప్రాణాలు కోల్పోయిన ఉదంతాలున్నాయి. ఆ తర్వాతి రోజుల్లో ప్రత్యర్థి ప్రాణాలు తీయడం కన్నా.. ఆర్థికంగా కోలుకోలేని దెబ్బ తీయాలన్న భావనతో.. ఆస్తులను ధ్వంసం చేసేవారు. ముఖ్యంగా ఏపుగా ఎదిగి కాపుకొచ్చిన పండ్లతోటలను.. సమూలంగా నరికేసేవారు. అయితే.. దాదాపు ఓ దశాబ్ద కాలంగా.. ప్రభుత్వాలు కఠినంగా వ్యవహరిస్తుండడంతో.. ఫ్యాక్షనిజం కొంత తగ్గుముఖం పట్టింది. అయితే.. ఇప్పుడు మళ్లీ ఫ్యాక్షన్‌ ఆనవాళ్లు బయటపడుతున్నాయి.

కొత్త పంథాను ఎంచుకున్న నాయకులు
అనంతపురం జిల్లాలో ఫ్యాక్షనిస్టులు.. ప్రత్యర్ధులను మట్టుబెట్టేందుకు కొత్త పంథాను ఎంచుకున్నట్లు వెల్లడైంది. తమ చేతికి మట్టి అంటకుండా బిహారీ కిల్లర్ గ్యాంగ్‌లకు సుపారీ ఇచ్చి కుట్రలు ప్రత్యర్థులను మట్టుబెట్టేందుకు పన్నాగాలు పన్నుతున్నట్లు వెలుగులోకి వచ్చింది. అధికార పార్టీ ఎమ్మెల్యే గోనుగుంట్ల సూర్యనారాయణ హత్యకు ఇదే తరహాలో కుట్ర చేశారని.. నిఘా వర్గాలు కూడా హెచ్చరించడం.. ఇప్పుడు సంచలనంగా మారింది. ఎమ్మెల్యే సూర్యనారాయణను హత్యకు.. రెండు కోట్ల సుపారీ ఇచ్చారని... తొమ్మిది మంది సభ్యులున్న బిహారీ గ్యాంగ్‌.. అనంతపురం, ధర్మవరం పట్టణాల్లో రెక్కీ నిర్వహించారనీ సమాచారం. 

18:49 - November 27, 2017

కర్నూలు : అవినీతి సొమ్ముతోనే తమపార్టీ ఎమ్మెల్యేలను సీఎం చంద్రబాబు కొనుగోలు చేస్తున్నారని వైసీపీ ఎమ్మెల్యే పెద్దిరెడ్డి రామచంద్రారెడ్డి ఆరోపించారు. కేవలం అభివృద్ధిని చూసి టీడీపీలోకి వెళ్లామని, ప్రలోభాలకు లొంగలేదని ఫిరాయింపు నేతలు గుండెమీద చేతులు వేసుకుని చెప్పగలరా అని ప్రశ్నించారు. ప్రజాస్వామ్యాన్ని అపహాస్యం చేస్తున్న సీఎం చంద్రబాబుపై గవర్నర్‌, కేంద్రం చర్యలు తీసుకోవాలని పెద్దిరెడ్డి డిమాండ్ చేశారు.

18:41 - November 27, 2017

గుంటూరు : రాష్ట్రంలోని గ్రామీణ, పట్టణ పేదలకు 18 లక్షల్ల ఇళ్లు నిర్మించిన తర్వాతే ఎన్నికలకు వెళతామని ముఖ్యమంత్రి చంద్రబాబు శపథం చేశారు. ఇందుకోసం 51 వేల కోట్ల రూపాయలను ఖర్చు చేస్తున్నట్టు సంక్షేమ పథకాలపై అసెంబ్లీలో చర్చకు సమాధానంగా చెప్పారు. 

18:24 - November 27, 2017

గుంటూరు : బలహీనవర్గాల ఆడపిల్లల పెళ్లి కానుక పథకాన్ని వచ్చే ఏడాది జవనరి నుంచి అమలు చేయాలని ఏపీ ప్రభుత్వం నిర్ణయించింది. హిజ్రాలకు నెలకు వెయ్యి రూపాయల పెన్షన్‌ చెల్లించేందుకు విధివిధానాలు రూపొందిస్తున్నామని ముఖ్యమంత్రి చంద్రబాబు అసెంబ్లీలో ప్రకటించారు. సంక్షేమ పథకాలపై అసెంబ్లీలో జరిగిన చర్చకు సమాధానంగా చంద్రబాబు ఈ విషయాలను సభ దృష్టికి తెచ్చారు. 

15:52 - November 27, 2017

Pages

Don't Miss

Subscribe to RSS - TDP MLAs