telangana congress

16:42 - June 14, 2018

హైదరాబాద్ : ఢిల్లీ పర్యటనలో ముఖ్యమంత్రి కేసీఆర్‌... ప్రధాని మోదీతో మాట్లాడి ముస్లింలు, గిరిజన రిజర్వేషన్ల పెంపు బిల్లులకు ఆమోదం సాధించాలని కాంగ్రెస్‌ డిమాండ్‌ చేసింది. లేకపోతే ఢిల్లీ నుంచి క్షమాపణ చెప్పాలని కాంగ్రెస్‌ ఎమ్మెల్సీ షబ్బీర్‌ అలీ డిమాండ్‌ చేశారు. మరోవైపు ప్రతిపాదిత బయ్యారం స్టీల్‌ ప్లాంట్‌ నిర్మాణంపై కేంద్రం వెనక్క తగ్గడంపై ఎమ్మెల్సీ పొంగులేటి సుధాకర్‌రెడ్డి మండిపడ్డారు. ఈ ప్లాంట్‌ను ప్రైవేటీకరించే విషయంలో ముఖ్యమంత్రి కేసీఆర్‌.. ప్రధాని మోదీతో రహస్య ఒప్పందం కుదుర్చుకున్నారేమోన్న అనుమాన్ని పొంగులేటి వ్యక్తం చేశారు. 

19:10 - May 16, 2018

హైదరాబాద్ : నరేంద్రమోదీ, అమిత్‌షాపై కాంగ్రెస్‌ నేత రేవంత్‌ రెడ్డి తీవ్రంగా విరుచుకుపడ్డారు. నైతిక విలువలను పాతాళానికి తొక్కుతున్నారని విమర్శించారు. అఖండ భారతావనిని రక్షించే సైనికులమని చెప్పుకునే కమలనాథులు.. కర్నాటకలో ఎమ్మెల్యేలను కొనే నీఛ సంస్కృతికి ఎందుకు ఒడిగట్టారని మండిపడ్డారు. కాగా కన్నడ రాజకీయాలలో తలెత్తుతున్న ఉత్కంఠభరిత రాజకీయ నేపథ్యంలో రేవంత్ రెడ్డి ప్రధాని మోదీ, అధ్యక్షులు అమిత్ షాలపై విరుచుకుపడ్డారు.

16:17 - May 7, 2018

హైదరాబాద్ : టి.కాంగ్రెస్ ఎమ్మెల్యేలు కోమటిరెడ్డి, సంపత్ సభ్యత్వ రద్దుపై టి.కాంగ్రెస్ ఇంకా పోరాటం కొనసాగిస్తోంది. దీనిపై కోర్టులో కేసు నడుస్తున్న సంగతి తెలిసిందే. ఈ సందర్భంగా ఉభయ రాష్ట్రాల గవర్నర్ నరసింహన్ ను టి.కాంగ్రెస్ చీఫ్ ఉత్తమ్, ఇతర నేతలు కలిశారు. ఎమ్మెల్యేల సభ్యత్వం రద్దుపై హైకోర్టు ఆదేశం ప్రభుత్వం అమలు చేసేలా చూడాలని కోరారు. కోర్టు ఆదేశాల కాపీలను గవర్నర్ కు అందచేయడం జరిగిందన్నారు. 

11:45 - May 6, 2018

హైదరాబాద్ : ఎంఎల్ ఏల స‌భ్యత్వ ర‌ద్దు అంశంపై హ‌స్తం పార్టీలో ర‌గ‌డ మొదలైందా..? న్యాయపోరాటం చేస్తున్న  కోమటిరెడ్డి, సంపత్‌కుమార్‌కు సొంతపార్టీలోనే ఆధరణ కరువయిందా..? పార్టీ అధిష్ఠానం నుంచి పూర్తిస్థాయిలో సపోర్ట్‌ రావడంలేదని ఆ ఇద్దరూ భావిస్తున్నారా..? టీపీసీసీకి ఆ ఇద్దరు ఎమ్మెల్యేలకు మధ్య చిటపటలు మొదలయ్యాయా..? ఇపుడు దీనిపైనే రాజకీయవర్గాల్లో చర్చలు నడుస్తున్నాయి. 
చిచ్చు రాజేస్తోన్న ఎంఎల్ ఏల స‌భ్యత్వ ర‌ద్దు  
తెలంగాణ కాంగ్రెస్ పార్టీలో ఇద్దరు ఎంఎల్ ఏల స‌భ్యత్వ ర‌ద్దు అంశం చిచ్చు రాజేస్తోంది. కోమటిరెడ్డి వెంకటరెడ్డి, సంపత్‌కుమార్‌లు పార్టీ నుంచి తమకు అనుకున్న స్థాయిలో సహకారం లభించడంలేదని గుర్రుగా ఉన్నట్టు తెలుస్తోంది. సభ్యరద్దు నిర్ణయం జరిగి నెలరోజులు గడిచినా టీపీసీసీ అంటీ ముట్టనట్టే వ్యవహరిస్తోందని పార్టీ సీనియర్‌నేతల వద్ద ఇద్దరు ఎమ్మెల్యేలు వాపోతున్నట్టు సమాచారం.  
న్యాయపోరాటం చేయడంలో టీపీసీపీ విఫలం : కాంగ్రెస్ నేతల అంతర్గత విమర్శలు 
పార్టీ ఫిరాయించిన ఎమ్మెల్యేలపైకూడా న్యాయపోరాటం చేయడంలో టీపీసీపీ విఫలమయిందని హస్తంనేతల్లో అంతర్గత విమర్శలు నడుస్తున్నాయి. ఎమ్మెల్యేల సభ్యత్వ రద్దుపై స్పీకర్‌ తీరును న్యాయస్థానం ప్రశ్నించినా.. ఇదే అంశాన్ని ప్రజల్లో ప్రచారం చేసి పార్టీకి మైలేజి తీసుకురావడంలోకూడా ఉత్తమ్‌కుమార్‌ రెడ్డి విఫలం అయ్యారని కోమటిరెడ్డి, సంపత్‌లు పార్టీనేతల వద్ద బహిరంగంగానే వ్యాఖ్యానిస్తున్నట్టు సమాచారం.  ఇదే విషయాన్ని సీఎల్‌పీ భేటీలో సీనియర్‌ నేత జానారెడ్డి వద్ద కోమటిరెడ్డి, సంపత్‌లు ఏకరువుపెట్టినట్టు సమాచారం. రాష్ట్ర ప్రజల్లో టీఆర్‌ఎస్‌ కుట్రరాజకీయాన్ని ఎండగట్టకుండా.. సభ్యయత్వరద్దు అంశాన్ని దేశవ్యాప్తంగా ప్రచారం చేస్తే ప్రయోజనం ఏంటని హస్తంనేతుల కొందరు ప్రశ్నిస్తున్నారు. మొత్తానికి 2019 ఎన్నిక‌ల్లే టార్గెట్ గా  టి.పి.సిసి ముందుకు  వెళ్లుతున్న స‌మ‌యంలో ఇద్దరు ఎమ్మెల్యేల స‌భ్యత్వ ర‌ద్దు అంశం పార్టీ నేత‌ల మ‌ధ్య చిటపటలు రాజేస్తోంది. 
 

 

08:02 - May 6, 2018

హైదరాబాద్ : కోమటిరెడ్డి వెంకటరెడ్డి, సంపత్‌ కుమార్‌ శాసనసభ్యత్వ రద్దు అంశాన్ని జాతీయ స్థాయికి తీసుకెళ్లాలని తెలంగాణ సీఎల్‌పీ నిర్ణయించింది. దీనిలో భాగంగా రాష్ట్రపతి రామ్‌నాథ్‌ కోవింద్‌, గవర్నర్‌ నరసింహన్‌కు వినతిపత్రాలు సమర్పించాలని ప్రతిపాదించారు. వీరి సభ్యత్వం పునరుద్ధరించే విషయంలో హైకోర్టు తీర్పును అమలు చేయాలని జానారెడ్డి అధ్యక్షతన జరిగిన సీఎల్‌పీ సమావేశం టీఆర్‌ఎస్‌ ప్రభుత్వాన్ని డిమాండ్‌ చేసింది. 
తెలంగాణ సీఎల్‌పీ భేటీ
జానారెడ్డి అధ్యక్షతన జరిగిన తెలంగాణ సీఎల్‌పీ భేటీలో పార్టీ సంస్థాగత వ్యవహారాలతోపాటు అకాల వర్షాలతో పంట నష్టపోయిన రైతుల సమస్యలపై చర్చించారు. ప్రధానంగా కోమటిరెడ్డి వెంకటరెడ్డి, సంపత్‌కుమార్‌ శాసనసభ్యత్వం పునరుద్ధరించాలంటూ హైకోర్టు ఇచ్చిన తీర్పును అమలు చేసిన టీఆర్‌ఎస్‌ ప్రభుత్వ వైఖరిపై సమీక్షించారు. ఈ వ్యవహారంపై అరగంటకు పైగా వాడీవేడి చర్చ జరిగింది.
రాష్ట్రపతి, గవర్నర్‌ లకు వినతిపత్రాలు అందజేయాలని తీర్మానం 
కోమటిరెడ్డి వెంకటరెడ్డి, సంపత్‌కుమార్‌ శాసనసభ్యత్వం పునరుద్ధరణపై హైకోర్టు తీర్పును గౌరవించకుండా నిర్లక్ష్యం చేస్తున్న టీఆర్‌ఎస్‌ ప్రభుత్వ వ్యవహారాన్ని జాతీయ స్థాయికి తీసుకెళ్లాలని సీఎల్‌పీ నిర్ణయించింది. రాష్ట్రపతి రామ్‌నాథ్‌ కోవింద్‌, గవర్నర్‌ నరసింహన్‌ను కలిసి దీనిపై వినతిపత్రాలు అందజేయాలని తీర్మానించారు. హైకోర్టు తీర్పును అమలు చేయకపోవడం కోర్టు ధిక్కారం కిందకు వస్తుందన్న అంశంపై చర్చించారు. కోమటిరెడ్డి వెంకటరెడ్డి, సంపత్‌కుమార్‌ శాసససభ్యత్వం పునరుద్ధరణపై హైకోర్టు సింగిల్‌ జడ్జి ఇచ్చిన తీర్పుపై అసెంబ్లీ స్పీకర్‌, కార్యదర్శి, ప్రభుత్వం అప్పీల్‌కు వెళ్లకుండా 12 మంది టీఆర్‌ఎస్‌ ఎమ్మెల్యేలతో పిటిషన్‌ వేయించడాన్ని సీఎల్‌పీ తప్పుపట్టింది.
సొంత పార్టీ నేతలు సహాయ నిరాకరణ చేస్తున్నారన్న సంపత్‌కుమార్‌.. 
అయితే శాసనసభ్యత్వం రద్దుపై న్యాయపోరాటం చేస్తుంటే.. సొంత పార్టీ నేతలు సహాయ నిరాకరణ చేస్తున్నారని సంపత్‌కుమార్‌.. కాంగ్రెస్ నేతల తీరుపై విరుచుకుపడినట్టు సమాచారం.  దీంతో జానారెడ్డి జోక్యం చేసుకుని, ఈ విషయాన్ని రాహుల్‌గాంధీ దృష్టికి తీసుకెళ్లామని సంపత్‌కు సర్దిచెప్పినట్టు సీఎల్‌పీ వర్గాల్లో వినిపిస్తోంది. 
రైతులకు పూర్తి పరిహారం చెల్లించాలి  
మరోవైపు అకాల వర్షాలతో రైతులకు జరిగిన నష్టాన్ని క్షేత్ర స్థాయి పర్యటనల్లో అంచనావేసి, అన్ని వివరాలను అధికారుల దృష్టికి తీసుకెళ్లాలని కాంగ్రెస్‌ శ్రేణులకు సీఎల్‌పీ విజ్ఞప్తి చేసింది. అన్నదాతలకు పరిహారం చెల్లించే విషయంలో టీఆర్‌ఎస్‌ ప్రభుత్వం మీనమేషాలు లెక్కిస్తోందని విమర్శించింది. పంట నష్టపోయిన రైతులకు పూర్తి పరిహారం చెల్లించాలని  సీఎల్‌పీ డిమాండ్‌ చేసింది.

 

16:35 - May 5, 2018

హైదరాబాద్ : సీఎం కేసీఆర్‌ ప్రతిపక్షాన్ని తొక్కేయాలని చూస్తున్నారని తీవ్రంగా విమర్శించారు సీఎల్పీ ప్రెసిడెంట్‌ ఉత్తమ్‌కుమార్. సీఎల్పీ సమావేశంలో చర్చించిన పలువిషయాలను ఆయన మీడియా ముందు వివరించారు.. హైకోర్టు తీర్పును ప్రభుత్వం, అసెంబ్లీ స్పీకర్‌ గౌరవిస్తూ వెంటనే అమలు చేయాలన్నారు ఉత్తమ్‌కుమార్‌. వడగండ్ల వర్షానికి నష్టపోయిన రైతాంగాన్ని ప్రభుత్వం వెంటనే ఆదుకోవాలని డిమాండ్‌ చేశారు. 

21:18 - April 30, 2018

హైదరాబాద్ : ఎన్నికల ప్రణాళికలో పొందుపరిచిన హామీలను అమలు చేయడంతో టీఆర్‌ఎస్‌ ప్రభుత్వం ఘోరంగా విఫలమైందని టీపీసీసీ విమర్శించింది. ఈ విషయంలో ఎలాంటి చర్చకైనా సిద్ధమని టీపీసీసీ అధికార ప్రతినిధి శ్రవణ్‌... టీఆర్‌ఎస్‌ నేతలకు సవాల్‌ విసిరారు. బూటకపు వాగ్ధానాలతో ప్రజలను వంచించారని మండిపడ్డారు. ఎన్నికల హామీల అమలును టీఆర్‌ఎస్‌ విస్మరించిందని శ్రవణ్‌ అన్నారు. డబుల్‌ బెడ్‌రూము ఇళ్లు నిర్మాణంలో విఫలమైందని విమర్శించారు. దళితులకు మూడెకరాల భూమి ఇవ్వలేదని.. సంక్షేమ పథకాలు సక్రమంగా అమలు చేయలేదని పేర్కొన్నారు. బయ్యారం స్టీల్ ప్లాంట్‌ సాధించలేదని చెప్పారు. మూతపడ్డ సిర్పూర్‌ పేపర్‌ మిల్లును తెరిపించలేదని...నిజాం సుగర్స్‌ను తెరిపించడంలో టీఆర్‌ఎస్‌ విఫలం అయిందని తెలిపారు. 

 

16:18 - April 30, 2018

హైదరాబాదద్ : కాంగ్రెస్ నేతలు ఊర కక్కులు అంటూ టీఆర్ ఎస్ నేతలు చేసిన వ్యాఖ్యలను కాంగ్రెస్ నేత దాసోజు శ్రవణ్ కుమార్ తీవ్రంగా ఖండించారు. కేసీఆర్ కంపెనీకి హిస్టీరియా వచ్చిందని ఎద్దేవా చేశారు. మంత్రి జగదీష్ రెడ్డి ఇష్టానురీతిగా మాట్లాడుతున్నారని మండిపడ్డారు. సినిమాలో బాలకృష్ణ, మహేష్ బాబు, ఎన్ టీఆర్ లాగా టీఆర్ ఎస్ నేతలు డైలాగ్ లు కొడుతున్నారని.. ఇది రాజకీయమా, సినిమానా అని ప్రశ్నించారు. ప్రజాస్వామ్యంలో ఛాలెంజ్ లు ఉండవు.. చర్చలు ఉంటవని.. దమ్ముంటే చర్చకు రండి సవాల్ విసిరారు. మ్యానిఫెస్టోలో పేర్కొన్న ఏ ఒక్క అంశాన్ని టీఆర్ ఎస్ ప్రభుత్వం అమలు చేయలేదని విమర్శించారు. ఏ హామీని అమలు చేశారో.. చర్చించేందుకు రావాలని సవాల్ విసిరారు. టీఆర్ ఎస్ నేతలు చిల్లర మాటలు మాట్లాడుతున్నారని మండిపడ్డారు. కేవలం 1900 మందికి మాత్రమే డబుల్ బెడ్ రూం ఇళ్లు ఇచ్చారని అన్నారు.  

 

20:05 - April 25, 2018

హైదరాబాద్ : బీజేపీని వీడిన సీనియర్‌ నాయకులు నాగం జనార్దన్‌రెడ్డి, ఆది శ్రీనివాస్‌ కాంగ్రెస్‌లో చేశారు. అలాగే ప్రజా గాయకుడు గద్దర్‌ కుమారుడు సూర్య కూడా కాంగ్రెస్ తీర్థం పుచ్చుకున్నారు. కాంగ్రెస్‌ అధ్యక్షుడు రాహుల్‌గాంధీ సమక్షంలో వీరంతా  పార్టీలో చేరారు. దీంతో తెలంగాణలో కాంగ్రెస్‌కు కొత్త ఊపు వచ్చే అవకాశం ఉందని భావిస్తున్నారు. 
కాంగ్రెస్‌లో చేరిన నాగం జనార్దన్‌రెడ్డి
మాజీ మంత్రి నాగం జనార్దన్‌రెడ్డి కాంగ్రెస్‌లో చేశారు. తెలంగాణ ఉద్యమ సమయంలో టీడీపీతో విభేదించిన నాగం, ఆ పార్టీకి రాజీనామాచేసి, బీజేపీలో తీర్థం పుచ్చుకున్నారు. ముఖ్యమంత్రి కేసీఆర్‌  ప్రభుత్వం సాగునీటి నీటి ప్రాజెక్టుల డిజైన్ల మార్పులో అవినీతికి పాల్పడిందని ఆరోపిస్తూ హైకోర్టులో కేసు వేశారు. అలాంటి నాగం.. కొంతకాలంగా బీజేపీకి దూరంగా ఉంటూ, ఇటీవల  ఆ పార్టీకి రాజీనామా చేశారు. ఇప్పుడు రాహుల్‌ సమక్షంలో కాంగ్రెస్‌ తీర్థం పుచ్చుకున్నారు. ఢిల్లీలోని ఏఐసీసీ కార్యాలయంలో జరిగిన కార్యక్రమంలో రాహుల్‌గాంధీ... నాగంకు కాంగ్రెస్‌ కండువా కప్పి పార్టీలోకి ఆహ్వానించారు. 
కాంగ్రెస్ లోకి ఆది శ్రీనివాస్‌, గద్దర్‌ కుమారుడు సూర్య
వేములవాడ బీజేపీ ఇన్‌చార్జ్‌ పదవికి రాజీనామాచేసి, రాహల్‌ సమక్షంలో కాంగ్రెస్‌లో చేరిన ఆది శ్రీనివాస్‌, ప్రజా గాయకుడు గద్దర్‌ కుమారుడు సూర్యతోపాటు  ఇతర నాయకులకు పీసీసీ అధ్యక్షుడు ఉత్తమ్‌కుమార్‌రెడ్డి కాంగ్రెస్‌ కండువా కప్పి పార్టీలోకి ఆహ్వానించారు.  కాంగ్రెస్‌ రాష్ట్ర వ్యవహారాల ఇన్‌చార్జ్‌ రామచంద్ర కుంతియా తదితరులు ఈ కార్యక్రమంలో పాల్గొన్నారు. 
కుంతియా ఆహ్వానం
వివిధ కారణాలతో కాంగ్రెస్‌ను వీడినవారంతా తిరిగి పార్టీలోకి రావాలని ఈ సందర్భంగా కుంతియా ఆహ్వానించారు. కాంగ్రెస్‌లో చేరే వారికి తగిన గుర్తింపు ఇస్తామని హామీ ఇచ్చారు. నాగం, ఆది శ్రీనివాస్‌, సూర్య కిరణ్‌ కాంగ్రెస్‌లో చేరడం మంచి పరిణామంగా టీపీసీసీ చీఫ్‌ ఉత్తమ్‌కుమార్‌రెడ్డి భావిస్తున్నారు. తెలంగాణలో టీఆర్‌ఎస్‌ అప్రజాస్వామిక పాలనకు అంతం పలికి, కాంగ్రెస్‌కు పూర్వ వైభవం తీసుకొచ్చే ఉద్దేశంతో కాంగ్రెస్‌లో చేరినట్టు నాగం చెప్పారు. 
కాంగ్రెస్‌ విధానాల పట్ల ఆకర్షితమై పార్టీలో చేరా : సూర్య
వేములవాడకు చెందిన ఆది శ్రీనివాస్‌.. 2011లో కాంగ్రెస్‌ను వీడి, బీజేపీలో చేశారు. 2014 ఎన్నికల్లో వేములవాడ నుంచి బీజేపీ అభ్యర్థిగా పోటీచేసి సల్వ ఓట్ల తేడాతో ఓడిపోయారు. ఇప్పుడు కమలదళంలో ఇమడలేక తిరిగి సొంత గూటికి చేరారు. రాహుల్‌గాంధీ నాయకత్వం, కాంగ్రెస్‌ విధానాల పట్ల ఆకర్షితమై పార్టీలో చేరినట్టు గద్దర్‌ కుమారుడు సూర్య చెప్పారు. టీఆర్‌ఎస్‌పై అసంతృప్తితో ఉన్న నేతలు మరికొందరు... కూడా కాంగ్రెస్‌లో చేరే అవకాశం ఉందని హస్తం నేతలు భావిస్తున్నారు. 

 

16:27 - April 25, 2018

ఢిల్లీ : ప్రజా గాయకుడు గద్దర్‌ తనయుడు సూర్యకిరణ్‌ కాంగ్రెస్‌ పార్టీలో చేరారు. కుటుంబసభ్యుల సహకారంతోనే కాంగ్రెస్‌ పార్టీలో చేరానని ప్రజా గాయకుడు గద్దర్‌ తనయుడు సూర్యకిరణ్‌ తెలిపారు. భావి పౌరులకు రాజ్యాంగాన్ని అందించాలనే ఉద్దేశంతో రాహుల్‌ గాంధీ చేపట్టిన పోరాటంలో భాగస్వామ్యం అయ్యేందుకే కాంగ్రెస్‌లో చేరానన్నారు. పార్టీ ఎలాంటి పని అప్పగించినా చేయడానికి సిద్ధంగా ఉన్నానంటున్న సూర్యకిరణ్‌తో టెన్ టివి ఫేస్‌ టు ఫేస్‌ నిర్వహించింది. మరిన్ని వివరాలను వీడియోలో చూద్దాం... 

 

Pages

Don't Miss

Subscribe to RSS - telangana congress