telangana government

21:32 - June 24, 2017
17:00 - June 24, 2017

యాదాద్రి భువనగిరి : తెలంగాణ ప్రభుత్వం చేనేత, జౌళి కార్మికుల సంక్షేమానికి పాటుపడుతుందని మంత్రి కేటీఆర్ హామీ ఇచ్చారు. భూదాన్‌ పోచంపల్లిలో నేతన్నకు చేయూత పథకాన్ని మంత్రి ప్రారంభించారు. త్వరలో భూదాన్‌ పోచంపల్లిలో నాలుగు ఎకరాల స్థలంలో అద్భుతమైన నేతబజార్‌ను ఏర్పాటు చేస్తామని కేటీఆర్ చెప్పారు. ఎట్టి పరిస్థితుల్లో చేనేత,  జౌళి మీద జిఎస్‌టిని ఉప సంహరించుకోవాలని కేంద్రాన్ని కోరినట్లు కేటీఆర్ స్పష్టం చేశారు. ప్రభుత్వం పెద్ద ఎత్తున బలహీన వర్గాలకు పెద్దపీట వేస్తుంటే అభినందించాల్సింది పోయి కొంతమంది నేతలు, పార్టీలు గొంతెత్తి అరుస్తున్నారని విమర్శించారు. 

13:01 - June 24, 2017

హైదరాబాద్ : ఎస్ వీకే  పోడుభూముల సమస్యపై వామపక్షాలు, ప్రజాసంఘాల ఆధ్వర్యంలో రాష్ట్ర సదస్సు కొనసాగుతోంది.. వామపక్షాలు, ప్రజాసంఘాల ఆధ్వర్యంలో ఈ సదస్సు ఏర్పాటైంది.. అటవీ హక్కుల చట్టాన్ని పటిష్టంగా అమలు చేయాలి..... పోడు సాగుదారులకు హక్కు పత్రాలు ఇవ్వాలి... ఫారెస్ట్ అధికారుల వేధింపులు ఆపాలన్న డిమాండ్ల పై చర్చ జరుగుతోంది. పూర్తి వివరాలకు వీడియో చూడండి. 

 

 

 

07:16 - June 24, 2017

హైదరాబాద్ : రైతు సమస్యలపై చర్చించేందుకు బ్యాంకర్లతో సమావేశమయ్యారు తెలంగాణ ఆర్ధిక శాఖ మంత్రి ఈటెల రాజేందర్. పని వేగాన్ని పెంచుతూ రైతులకు రుణాలివ్వాల్సిందిగా బ్యాంకులకు ఆదేశాలు జారీ చేశామన్నారాయన. ప్రభుత్వం నాలుగు శాతం వడ్డీ చెల్లించనందుకే బ్యాంకులు రుణాలు ఇవ్వట్లేదన్న మాట ఈటెల రాజేందర్‌ అవాస్తవమంటున్నారు. పూర్తి వివరాలకు వీడియో చూడండి. 

07:12 - June 24, 2017

హైదరాబాద్ :తెలంగాణ ముఖ్యమంత్రి కేసీఆర్‌ మరో రికార్డ్‌కు సిద్ధమవుతున్నారు. ఇప్పటికే దేశంలో అత్యంత ఖరీదైన కాన్వాయ్‌ను ఉపయోగిస్తున్న సీఎంగా ఉన్న కేసీఆర్‌.. మరోసారి ఆ రికార్డ్‌ను తిరగరాయబోతున్నారు. తాజాగా తన కాన్వాయ్‌లో బెంజ్‌ వాహనాలను చేర్చుకోబోతున్నారు. ఈ శ్రావణమాసం నుంచే సీఎం కాన్వాయ్‌లో కొత్త వాహనాలు చేరనున్నాయి. అనుకున్నది చేస్తున్నారు..ధనిక రాష్ట్రంగా చెప్పుకుంటున్న తెలంగాణలో ముఖ్యమంత్రి కేసీఆర్‌ కూడా అందుకనుగుణంగా వ్యవహరిస్తున్నారు. ప్రతిపక్షాల ఆరోపణలు ఎలా ఉన్నా.. తాను అనుకున్నది చేసి చూపిస్తున్నారు. ఇప్పటివరకు కేసీఆర్‌ తీసుకున్న అనేక నిర్ణయాలు వివాదాస్పదమైనా.. ఎక్కడా వెనకడుగు వేయకుండా ముందుకు సాగుతూనే ఉన్నారు. మరోవైపు ప్రతిపక్షాలు సంధిస్తున్న ఆరోపణలకు తన స్టైల్‌లో సమాధానమిస్తున్నారు.

కొత్త క్యాంప్‌ కార్యాలయం
ఇప్పటికే భారీగా నిధులు వెచ్చించి కొత్త క్యాంప్‌ కార్యాలయాన్ని నిర్మించుకోవడం.. తన సెంటిమెంట్‌ ప్రకారం ఏర్పాట్లు చేసుకోవడం అనేక వివాదాలకు తావైంది. అయితే.. తాజాగా కేసీఆర్‌ ఇలాంటి నిర్ణయమే మరొకటి తీసుకున్నట్లు సమాచారం. ముఖ్యమంత్రిగా పదవీ బాధ్యతలు చేపట్టిన తర్వాత.. తన పాత వాహనశ్రేణిని తెలుపురంగుగా మార్చుకున్న కేసీఆర్‌.. ఆ తర్వాత వాటి స్థానంలో ఖరీదైన వాహనాలను చేర్చారు. ఇక ఇప్పుడు మరింత ఖరీదైన వాహనాలను కేసీఆర్‌ కొనుగోలు చేస్తున్నట్లు తెలుస్తోంది. బెంజ్‌ కంపెనీకి చెందిన 9 వాహనాలు త్వరలో ముఖ్యమంత్రి కాన్వాయ్‌లో చేరనున్నట్లు పార్టీ వర్గాల సమాచారం. సెంటిమెంట్‌కు ప్రాధాన్యమిచ్చే కేసీఆర్‌.. ఈ శ్రావణమాసం నుంచి కొత్త వాహనాలను వాడుతారని సమాచారం. ఇక ముఖ్యమంత్రితో పాటు.. మంత్రివర్గానికి, ఇటీవలే నియమితులైన కార్పొరేషన్‌ చైర్మన్లకు కూడా కొత్తవాహనాలను సమకూర్చాలని ప్రభుత్వం ఆలోచిస్తోంది. 

22:08 - June 23, 2017

హైదరాబాద్ : స్టార్టప్‌ల విధానాన్ని మరింతగా ప్రోత్సహించాలని తెలంగాణ ప్రభుత్వం నిర్ణయించింది. టీఎస్ ఐపాస్‌ మంచి ఫలితాలు ఇస్తోందని తెలంగాణ ఐటీ శాఖ మంత్రి కేటీఆర్‌ చెప్పారు. ఈ విధానంలో రాష్ట్రంలో భారీగా స్టార్టప్‌లు నమోదయ్యాయన్నారు. హైదరాబాద్‌లో వెస్ట్రన్‌ ఇన్ఫ్రా సంస్థ నిర్మిస్తున్న డాలస్‌ టవర్స్‌కు మంత్రి కేటీఆర్ శంకుస్థాపన చేశారు.

20:46 - June 23, 2017

నిర్మల్ : పోచంపాడు ప్రాజెక్టు ముంపుతో పొట్ట చేతబట్టుకుని వచ్చిన ఓ గ్రామం నిర్మల్‌ జిల్లాలో ఆదర్శ్‌నగర్‌గా స్థిరపడింది. ఇప్పుడిప్పుడే స్థిరపడుతున్న ఆ గ్రామం సదర్మట్‌ బ్యారేజ్‌ నిర్మాణం కారణంగా మరోసారి ముంపుకు గురి కాబోతోంది. ఈ కష్టం తట్టుకోవడం మావల్ల కాదంటున్నారు ఆదర్శనగర్ గ్రామస్తులు. దీనిపై మరింత సమాచారాన్ని వీడియోలో చూడండి. 

 

20:15 - June 23, 2017

హైదరాబాద్ : సింగరేణి కార్మికుల డిమాండ్లపై డిప్యూటీ చీఫ్ లేబర్ కమిషన్ కార్యాలయంలో కార్మిక సంఘాలతో చర్చలు జరుగుతున్నాయి. వారసత్వ ఉద్యోగాలు కల్పించాలనీ డిమాండ్ చేస్తూ నెల 15 నుంచి సింగరేణి కార్మికులు సమ్మె బాట పట్టారు. పోలీసుల చేత బలవంతంగా విధులకు హాజరు కావాలనీ బెదిరిస్తున్నారని, విధులకు కార్మికులు తక్కువగా హాజరవుతున్నారని.. గోదావరి ఖనిలో డంపర్ ఢీకొని కార్మికుడు మృతి చెందాడని నేతలు తెలిపారు. కార్మికుని మృతికి యాజమాన్యం, ప్రభుత్వం బాధ్యత వహించాలని డిమాండ్ చేశారు. డిమాండ్లు నెరవేర్చే వరకు సమ్మె కొనసాగుతుందని నేతలు అధికారులకు స్పష్టం చేశారు. 

 

19:43 - June 23, 2017

హైదరాబాద్ : నీరు ఉన్న సాగు నీటి ప్రాజెక్టుల నుంచి.. ఖరీఫ్‌కు నీటిని విడుదల చేయాలని ఇరిగేషన్‌ శాఖా మంత్రి హరీశ్‌ రావు ఆదేశించారు. ఖరీఫ్‌ సీజన్‌ సాగునీటి కార్యాచరణ ప్రణాళికపై.. సెక్రటరియేట్‌లో వీడియో కాన్ఫరెన్స్‌ జరిగింది. ప్రాజెక్టుల నుంచి ఖరీఫ్‌కు ముందస్తు నీటి విడుదలకు చర్యలు తీసుకోవాలని మంత్రి హరీశ్‌ సూచించారు. సాగు నీటి ప్రాజెక్ట్‌ల నుంచి ఖరీఫ్‌ పంటకు నీటిని విడుదల చేసేందుకు రంగం సిద్ధమైంది. ఇందుకవసరమైన సన్నాహాలను ముమ్మరం చేయాలని.. మంత్రి హరీశ్‌రావు అధికారులను ఆదేశించారు. 
రైతు అవగాహన సదస్సులు నిర్వహణ 
నీరున్న ప్రాజెక్ట్‌లలో సింగూరు నుంచి.. 40 వేల ఎకరాలు, ఘనపురం నుంచి 20 వేల ఎకరాలు, కడెం నుంచి 50 వేల ఎకరాలు, గొల్లవాగు నుంచి 6 వేల ఎకరాలు, కొమురం భీం నుంచి 21 వేల ఎకరాలు, మత్తడి వాగు నుంచి 6 వేల ఎకరాలు, గొల్లవాగు నుంచి 6 వేల ఎకరాలు, కొమురం భీం నుంచి 21 వేల ఎకరాలు, మత్తడి వాగు నుంచి 6 వేల ఎకరాల ఆయకట్టుకు.. సాగు నీటిని అందించాలని మంత్రి హరీశ్‌రావు ఆదేశించారు. ఇందుకు గానూ ఎస్ఆర్‌ఎస్‌పి, నాగార్జున సాగర్‌, ఏఎమ్‌ఆర్‌పి, నిజాం సాగర్‌, తదితర ప్రాజెక్టుల పరిధిలో వెంటనే ఇరిగేషన్‌, వ్యవసాయ, రెవెన్యూ శాఖల అధికారులతో రైతు అవగాహన సదస్సులు నిర్వహించాలని మంత్రి ఆదేశించారు. 
మరమ్మత్తు పనులను వెంటనే పూర్తి చేయాలి : హరీశ్‌రావు 
వివిధ ప్రాజెక్టులు, డ్యాంల గేట్లను పటిష్టం చేయాలని, మరమ్మత్తు పనులను వెంటనే పూర్తి చేయాలని హరీశ్‌రావు కోరారు. ఖరీఫ్ సీజన్‌ను ముందస్తుగా ప్రారంభించడం వలన యాసంగిలో ఎక్కువ ఆయకట్టుకు నీరందించే వీలవుతుందని మంత్రి చెప్పారు. గతేడాది వివిధ ప్రాజెక్టుల కింద జరిగిన ఆయకట్టు వివరాలను రెవెన్యూ, ఇరిగేషన్‌ శాఖలు సంయుక్తంగా పర్యవేక్షించి రూపొందించిన నివేదికలతో పోల్చాలని కోరారు. ఖరీఫ్‌ యాక్షన్ ప్లాన్‌పై మరో వారంలో జిల్లా కలెక్టర్‌లతో వీడియో కాన్ఫరెన్స్‌ నిర్వహించనున్నట్టు హరీశ్‌ తెలిపారు. పెద్దపల్లి ప్రాంతంలో గతేడాది అమలు చేసిన టెయిల్‌ టు హెడ్‌ విధానం విజయవంతం అవడంతో.. ఇదే ప్రయోగాన్ని వీలైనన్ని ప్రాజెక్టుల ప్రధాన కాలువలు, డిస్ట్రి బ్యూటరీలలో ప్రవేశ పెట్టాలని సూచించారు. నిజాం సాగర్‌ కింద గతేడాది సమర్థంగా.. సాగు జరిగిందని మంత్రి అన్నారు. అదే స్ఫూర్తిని మిగతా ప్రాజెక్ట్‌లలోనూ కొనసాగించాలని కోరారు. ప్రతీ ప్రాజెక్ట్‌ కింద నిర్ధారిత ఆయకట్టు లక్ష్యాల సాధనకు పకడ్బందీగా ప్రణాళికలు రచించి.. అమలు చేయాలని హరీశ్‌రావు ఆదేశించారు. ఇరిగేషన్‌ ప్రాజెక్ట్‌ల నిర్మాణంలో భాగంగా నిర్వాసితులైన ప్రజల కోసం ఏర్పాటు చేసిన ఆర్‌ అండ్‌ ఆర్‌ కాలనీలను.. గ్రామ పంచాయతీలుగా మార్చడానికి అవసరమైన చర్యలు తీసుకోవాలని సంబంధిత ప్రాజెక్ట్‌ చీఫ్‌ ఇంజనీర్లను ఆదేశించారు. 
కాల్‌ సెంటర్‌ను ఏర్పాటు చేయాలని ఆదేశం 
మిషన్ కాకతీయ మూడో దశ పనులు జరుగుతుండటంతో.. కింది స్థాయి ఇంజనీరింగ్‌ సిబ్బంది ఆయా మండల కేంద్రాల్లోనే ఉండాలని మంత్రి ఆదేశించారు. భారీ వర్షాలు కురిసినప్పుడు తలెత్తే పరిస్థితులను ఎప్పటికప్పుడు సమీక్షించి.. ఉన్నతాధికారులకు, ప్రభుత్వానికి సమాచారం ఇవ్వాలని కోరారు. వర్షాకాలంలో చెరువుల పరిస్థితిని తెలుసుకుంటూ, ప్రజల నుంచి ఫిర్యాదులను స్వీకరించడానికి ఒక కాల్ సెంటర్‌ను ఏర్పాటు చేయాలని మైనర్‌ ఇరిగేషన్‌ సీఈలను  హరీశ్‌రావు ఆదేశించారు.
కలెక్టర్‌లతో మంత్రి హరీశ్‌రావు వీడియో కాన్ఫరెన్స్‌ 
ఖరీఫ్‌ ఇరిగేషన్‌ యాక్షన్‌ ప్లాన్‌పై సంగారెడ్డి, మెదక్‌ జిల్లాల.. కలెక్టర్‌లతోనూ మంత్రి హరీశ్‌రావు వీడియో కాన్ఫరెన్స్‌లో మాట్లాడారు. ఆయకట్టులో ఎక్కడెక్కడ లీకేజీలున్నాయో గుర్తించి వాటిని యుద్ధ ప్రాతిపదికన పూర్తి చేయాలన్నారు. లీకేజీలపై ఎమ్మెల్యేల నుంచి తరచూ ఫిర్యాదులు వస్తున్నాయని హరీశ్‌రావు గుర్తు చేశారు. బాటిల్ నెక్స్‌ సమస్యలు ఎక్కడున్నాయో, ఏ ప్రాంతంలో శాశ్వత ప్రాతిపదికన మరమ్మత్తులు ఎలా చేపట్టాలో గుర్తించాలన్నారు. కాలువలలో క్యారీయింగ్ కెపాసిటీ సవ్యంగా ఉండేలా చూడాలని.. సాగునీటి క్రమబద్ధీకరణ సమర్ధంగా జరగాలన్నారు. 

 

09:11 - June 22, 2017

వనపర్తి : జిల్లాలోని కొత్తకోట ఎక్సైజ్ శాఖ అధికారుల దైర్జన్యానికి పాల్పడ్డారు. రామకృష్ణాపురం, పామాపురం గ్రామాల్లో అర్ధరాత్రి తనిఖీలు చేస్తూ కల్లులో కలిపే మత్తు పదార్థాలు విక్రయిస్తున్నారనే నెపంతో ఇద్దరిపై కిరాతకంగా దాడి చేశారు. అధికారుల దాడిలో గీత కార్మికులు తీవ్రంగా గాయపడ్డారు. మాముళ్లు ఇవ్వలేదనే దాడులు చేశారని తెలుస్తోంది. అధికారులను వెంటనే సస్పెండ్ చేయాలని గౌడ సంఘం నాయకులు డిమాండ్ చేశారు. 

Pages

Don't Miss

Subscribe to RSS - telangana government