telangana government

08:26 - August 19, 2018

హైదరాబాద్ : పశుసంవర్థక శాఖ కార్యకలాపాలపై తెలంగాణ రాష్ట్ర సీఎస్ సమీక్షా సమావేశం నిర్వహించారు. వెటర్నరీ డిపార్ట్ మెంట్ పరిధిలోని జిల్లా ఆసుపత్రులతో పాటు అన్ని రకాల వెటర్నరీ సెంటర్లు..అందుతున్న సౌకర్యాల వివరాలను అందచేయాలని సీఎస్ ఆదేశించారు. పశుసంవర్థ శాఖకు రూ. 933 కోట్లు బడ్జెట్ కేటాయించడం జరిగిందని అధికారులకు తెలియచేశారు. రాష్ట్రంలో ప్రస్తుతం 3.68 లక్షల లీటర్ల పాలు సేకరించడం జరుగుతోందని, దీనిని 5 లక్షల లీటర్లకు పెంచే ప్రణాళికలను అమలు చేస్తున్నట్లు సమావేశంలో సీఎస్ పేర్కొన్నారు. 

08:17 - August 19, 2018

నల్గొండ : కళాశాల యాజమాన్యం వేధింపులు..చదువు ఒత్తిడి..కుటుంబ కలహాలు..ప్రేమ వ్యవహారం..ఇతరత్రా కారణాలతో విద్యార్థులు బలవన్మరణాలకు పాల్పడుతూ ఆ కుటుంబాలకు తీరని విషాదాన్ని మిగిలిస్తున్నారు. తాజాగా మరో విద్యార్థిని సూసైడ్ చేసుకుంది. ఈ ఘటన మఠంపల్లి గురుకుల కళాశాలలో చోటు చేసుకుంది. మఠంపల్లి పెదవీడుకు చెందిన నోముల మౌనిక గురుకుల కళాశాలలో ఇంటర్ మొదటి సంవత్సరం చదువుతోంది. శనివారం రాత్రి ఈమె ఉరి వేసుకుని ఆత్మహత్యకు పాల్పడింది. తోటి విద్యార్థులు గమనించి హుజూరాబాద్ ఆసుపత్రికి తరలించారు. అప్పటికే ఆమె మృతి చెందినట్లు తెలుస్తోంది. కుటుంబంలో ఘర్షణలు చోటు చేసుకున్నాయని తెలుస్తోంది. ఆత్మహత్య చేసుకొనే ముందు సూసైడ్ నోట్ రాసినట్లు తోటి విద్యార్థులు పేర్కొంటున్నారు. కానీ సూసైడ్ నోట్ లో మౌనిక ఏం రాసిందనేది పోలీసులు పేర్కొనడం లేదు. దర్యాప్తు జరిపిన అనంతరం వివరాలు తెలియచేస్తామని పోలీసులు తెలియచేస్తున్నారు. ఘటన జరిగిన అనంతరం ఇతర వ్యక్తులతో ఎవరూ మాట్లాడవద్దని పోలీసులు సూచించినట్లు ఆరోపణలు వినిపిస్తున్నాయి. సూసైడ్ నోట్ ఎందుకు చూపించడం లేదనే ప్రశ్నలు వినిపిస్తున్నాయి.

07:56 - August 18, 2018
06:50 - August 18, 2018

హైదరాబాద్ : టీఆర్‌ఎస్‌ ప్రభుత్వం చేపట్టిన రైతుబంధు, రైతు బీమా పథకాలకు ప్రజల నుంచి విశేష స్పందన లభిస్తోందని వ్యవసాయశాఖ మంత్రి పోచారం శ్రీనివాస్‌రెడ్డి అన్నారు. ప్రభుత్వం చేపడుతున్న అభివృద్ధి సంక్షేమ కార్యక్రమాలను ఓర్వలేకే కాంగ్రెస్ నేతలు తమపై ఆరోపణలు చేస్తున్నారని మండిపడ్డారు. కాంగ్రెస్‌ నాయకులు తెలంగాణలో ఒకమాట... ఢిల్లీలో ఒకమాట మాట్లాడుతున్నారని ఎద్దేవా చేశారు. వచ్చే ఎన్నికల్లోనూ తమదే విజయమంటున్న మంత్రి పోచారం శ్రీనివాస్‌రెడ్డితో టెన్ టివి ముచ్చటించింది. మరింత సమాచారం కోసం వీడియో క్లిక్ చేయండి. 

06:38 - August 18, 2018

తిరువనంతపురం : వందేళ్ళలో ఎన్నడూ లేనంతగా వరదలు పోటెత్తడంతో కేరళ తడిసిముద్దయింది. జనజీవనం స్తంభించింది. కేరళ పునర్నిర్మాణానికి విరివిగా విరాళాలు ఇచ్చి ఆదుకోవాలని సీఎం పిలుపునివ్వడంతో దేశవ్యాప్తంగా స్పందించారు. పలు రాష్ట్రాలు ఆర్థిక సహాయాన్ని ప్రకటించాయి. పలువురు సిసీనటులు కూడా ఆర్థిక సాయానికి ముందుకొచ్చారు. వందేళ్లలో ఎప్పుడూ లేనంతగా వరదలు కేరళను ముంచెత్తాయి. 80 డ్యాములు తెరిచి నీటిని దిగువకు వదులుతున్నారు.. పోటెత్తిన వరదలకు 324 మంది మృత్యువాత పడ్డారు. 2,23,139 మంది నిరాశ్రయులయ్యారు. బాధితులకోసం 1500 పైగా శిబిరాలు ఏర్పాటు చేశామన్నారు సీఎం పినరయి విజయన్‌. వరద బాధితుల పునరావాసానికి సాయం చేయాలని పిలుపునిచ్చారు. కేరళ పునర్నిర్మాణానికి విరివిగా విరాళాలు ఇచ్చి ఆదుకోవాలన్నారు.

కేరళ ఆదుకోవాలన్న సీఎం పిలుపునివ్వడంతో.. దేశవ్యాప్తంగా అనూహ్యస్పందన వచ్చింది. పలు రాష్ర్ట ప్రభుత్వాలు ఆర్థిక సాయాన్ని ప్రకటించాయి. వరదలతో అతలాకుతలమైన కేరళలో పర్యటించేందుకు ప్రధాని మోదీ తిరువనంతపురం చేరుకున్నారు. శనివారం విజయన్‌తో కలిసి ప్రధాని మోదీ ఏరియల్ సర్వే చేయనున్నారు. వరద ప్రభావిత ప్రాంతాల్లో పర్యటించి. సహాయక చర్యలు సమీక్షించనున్నారు. కేంద్రం ఇప్పటికే వంద కోట్ల రూపాయలను సాయంగా ప్రకటించింది.

తెలంగాణ సర్కార్‌ 25 కోట్ల రూపాయల తక్షణ సహాయం ప్రకటించింది. ఈ మొత్తాన్ని వెంటనే కేరళకు అందించాలని ప్రభుత్వ ప్రధాన కార్యదర్శిని ఆదేశించారు సీఎం కేసీఆర్. నీటిని శుద్ధి చేసేందుకు రెండున్నర కోట్ల విలువైన ఆర్వో యంత్రాలను కూడా పంపాలని అధికారులకు స్పష్టం చేశారు. ఏపీ సర్కార్‌ కేరళ బాధితులకు 10 కోట్ల రూపాయల విరాళాన్ని ప్రకటించింది. వరదలతో జరిగిన ప్రాణ, ఆస్థి నష్టం పట్ల ముఖ్యమంత్రి చంద్రబాబు తీవ్ర విచారం వ్యక్తం చేశారు. కేరళ త్వరగా కోలుకోవాలని ఆకాంక్షించారు.

వరద బాధితులను ఆదుకునేందుకు ముందుకొచ్చిన పాత్రికేయుడు.. మానవత్వాన్ని చాటి ఎందరికో ఆదర్శంగా నిలిచాడు. మనోజ్‌ అనే విలేకరి తన కూతురి నిశ్చితార్థానికి దాచిన డబ్బును సీఎం సహాయ నిధికి అందించారు. కేరళ వరద బాధితుల ఆకలి తీర్చేందుకు అక్షయపాత్ర ఫౌండేషన్ ముందుకొచ్చింది. కేరళకు సహాయం అందిస్తున్నట్లు ఆ ఫౌండేషన్ అధ్యక్షుడు సత్యగౌరచంద్ర దాస్ ప్రకటించారు. కేరళలోని ఏడుతువు, అలపూజ జిల్లాల్లో కొంత మంది సిబ్బందితో ఈ నెల 13వ తేదీ నుంచి ఆహారాన్ని పంపిణీ చేస్తున్నట్లు ఆయన పేర్కొన్నారు.

ప్రైవేటు రంగ బ్యాంకింగ్‌ దిగ్గజం ఐసీఐసీఐ బ్యాంకు కేరళ వరద బాధితులను ఆదుకునేందుకు ముందుకువచ్చింది. సీఎం సహాయ నిధికి 10కోట్లు విరాళంగా ప్రకటించింది. ఆగస్టు నెలకు సంబంధించిన లేట్‌ ఫీజులన్నీ రద్దు చేస్తున్నట్టు వెల్లడించింది. వాహన, వ్యక్తిగత రుణాల నెలవారీ వాయిదాల చెల్లింపుల లేట్‌ ఫీజు, క్రెడిట్‌కార్డు బిల్లులపై చెల్లింపులపై లేట్‌ ఫీజు రద్దు చేస్తున్నట్టు తెలిపింది.

టాలీవుడ్‌ సైతం తనవంతు సహాయానికి ముందుకొచ్చింది. 'గీత గోవిందం' చిత్రానికి కేరళలో వచ్చిన మొత్తం షేర్‌ని వరద బాధితులకు విరాళంగా ఇస్తున్నట్లు ప్రొడ్యూసర్ బన్నీ వాస్ ప్రకటించారు. హీరోలు అల్లు అర్జున్‌, విజయ్‌ దేవర్‌ కొండ, సింగర్ చిన్మయి విరాళం ప్రకటించారు. డైరెక్టర్ కొరటాల శివ కేరళ సీఎం రిలీఫ్ ఫండ్‌కి 3 లక్షలు అందించారు. ''కేరళ ప్రజలు తమ జీవితాలను.. తమ అందమైన రాష్ట్రాన్ని పునర్నిర్మించుకునేందుకు మనం అండగా నిలబడదాం'' అని ట్వీట్‌లో పేర్కొన్నారు కొరటాల శివ.

తమిళనాట సినీనటులు, మీడియా సంస్థలు వరద బాధితులపై తమ ఔదార్యాన్ని చూపాయి. సన్‌టీవీ కోటి రూపాయలు, విజయ్‌ టీవీ 25లక్షలు ప్రకటించింది. సినీహీరో విశాల్‌ భారీ విరాళం ఇవ్వనున‍్నట్టు ప్రకటించగా.. సిద్దార్థ్‌ ట్విటర్‌లో కేరళ డొనేషన్‌ చాలెంజ్‌ను ప్రారంభించారు. కమల్‌హాసన్‌ రూ. 25లక్షలు, సూర్య, కార్తీ 25లక్షలు విరాళమిచ్చారు. మరోవైపు మలయాళ నటుడు మోహన్‌ లాల్‌, మమ్ముట్టి, దుల్కర్‌ సాల్మన్‌ తమ వంతు సహాయాన్ని ప్రకటించారు. దీంతోపాటు అసోసియేషన్‌ ఆఫ్‌ మలయాల మూవీ ఆర్టిస్ట్స్‌ 10కోట్లు సీఎం సహాయ నిధికి ప్రకటించింది. వరదలతో స్తంభించిపోయిన కేరళను ఆదుకునేందుకు యావద్దేశం కదిలింది. దేశవ్యాప్తంగా బాధితులను ఆదుకునేందుకు తారతమ్యంలేకుండా మానవత్వాన్ని చాటారు. 

06:41 - August 17, 2018

ఆంధ్రప్రదేశ్‌లో వ్యవసాయపరపతి సహకార సంఘాల్లో పనిచేస్తున్న ఉద్యోగులు ఆందోళనపట్టారు. తమకు వెంటనే వేతన సవరణ చేసి వేతనాలు పెంచాలని తమకు ఉద్యోగ భద్రత కల్పించాలని సహకార సంఘాల్లో పనిచేస్తున్న ఉద్యోగులతో.. కేంద్ర సహకార బ్యాంకుల్లో ఉన్న ఖాళీలను నింపాలని తదితర డిమాండ్లతో.. వారు రాష్ట్ర వ్యాప్తంగా ఆందోళన చేస్తున్నారు. వీరి ఆందోళనకు గల కారణాలు, వీరి పట్ల ప్రభుత్వ విధానంపై సహకార సంఘాల ఉద్యోగుల యూనియన్‌ గౌరవ అధ్యక్షులు అజయ్‌కుమార్‌ టెన్ టివి 'జనపథం'లో విశ్లేషించారు. పూర్తి వివరాలకు వీడియో క్లిక్ చేయండి. 

06:33 - August 17, 2018

హైదరాబాద్ : కంటివెలుగు కార్యక్రమం ప్రజావైద్యంలో చారిత్రకమైన ముందడుగు అన్నారు మంత్రి కేటీఆర్. శేరిలింగంపల్లి, చందానగర్‌, హఫీజ్‌పేట్‌లో కంటివెలుగు కార్యక్రమం సెంటర్లను పరిశీలించారు మంత్రి కేటీఆర్‌. ప్రజలందరికీ ఉచిత కంటి పరీక్షలు చేయించాలన్న సదుద్దేశంతోనే కంటివెలుగు కార్యక్రమం చేపట్టడం జరిగిందన్నారు. 

12:07 - August 16, 2018

ఆదిలాబాద్‌ : జిల్లాలో గిరి పల్లెలు మంచం పట్టాయి. గిరిపుత్రులకు సరైన వైద్యం అందక పిట్టల్లా రాలిపోతున్నారు. విషజ్వరాలు, సీజనల్‌ వ్యాధులు ఆదివాసీ పల్లెలను వణికిస్తున్నాయి. పది రోజులుగా తీవ్రమైన చలి జ్వరాలు, డయేరియా, మలేరియా, టైఫాయిడ్‌లాంటి జ్వరాలతో గిరిజనులు అవస్థలు పడుతున్నారు. ఏజెన్సీ పల్లెల్లో విజృంభిస్తున్న విష జ్వరాలపై 10టీవీ ప్రత్యేక కథనం....కుమ్రంభీం ఆసిఫాబాద్‌ జిల్లాలోని మారుమూల పల్లెలను మాయదారి జ్వరాలు పట్టిపీడిసతున్నాయి. వర్షాకాలం కావడంతో సీజనల్‌ వ్యాధులు విజృంభిస్తున్నాయి. మారుమూల గ్రామాల్లో కనీస వైద్యసౌకర్యాలు లేకపోవడంతో విష జ్వరాలతో గిరిపుత్రులు విలవిల్లాడుతున్నారు. జైనూరు, కెరమెరి ఏజెన్సీ ప్రాంతాల్లో విషజ్వరాలు ప్రబలాయి. జ్వరాల బారిన పడిన గిరిజనులు వైద్యం కోసం అష్టకష్టాలు పడుతున్నారు. కొద్దిరోజుల క్రితం జైనూరు మండలంలోని ఊషేగాంలో విషజ్వరాల బారినపడి ఇద్దరు ఆదిలాబాద్‌ రిమ్స్‌లో చికిత్స పొందుతూ చనిపోయారు.

జిల్లా కేంద్రంలోని ధర్మాసుపత్రి విషజ్వరాల బాధితులతో నిండిపోతోంది. రోగుల తాకిడి రోజురోజుకు ఎక్కువవుతోంది. సిర్పూర్‌ సామాజిక సివిల్‌ హాస్పిటల్‌ జ్వరాలతో వచ్చిన బాధితులతో నిండిపోయింది. బెజ్జూర్‌ మండలం కొత్తగూడ, రెబ్బెన గ్రామాలలో రెండు వారాలుగా ప్రతిఇంట్లో ఒక్కరు చొప్పున విష జ్వరంతో బాధపడుతున్నారు. వారికి సరైన వైద్యం అందకపోవడంతో మంచానికే పరిమితం అవుతున్నారు. బెజ్జూర్‌, దహేగాం మండలాల్లోని మారుమూల పల్లెల్లో పరిస్థితి మరీ దారుణంగా ఉంది. ప్రభుత్వ వైద్యం అందకపోవడంతో స్థానిక ఆర్‌ఎంపీలతో చికిత్స చేయించుకుంటున్నారు. ఇదే అదనుగా భావించిన ఆర్‌ఎంపీలు వారి నుంచి అందినకాడికి దండుకుంటున్నారు.

గిరిజన గ్రామాల్లో పారిశుద్యం పడకేసింది. ఇది ప్రజలకు శాపంగా మారింది. ఎక్కడ చూసినా దుర్గంధం వెదజల్లుతోంది. మురికి గుంటల్లో దోమలు, ఈగలు విజృంభిస్తున్నాయి. దీంతో ప్రజలు విషజ్వరాల బారిన పడుతున్నారు. మరోవైపు గ్రామాల్లో ఎక్కడ వేసిన చెత్త అక్కడే కుప్పలుతెప్పలుగా ఉంటోంది. దీంతోనూ ప్రజలు జ్వరాల బారినపడుతున్నారు. మండల కేంద్రాల్లో పీహెచ్‌సీలు ఉన్నా అందులో వైద్యులు, మందుల కొరత వెక్కిరిస్తోంది. వైద్యం చేసేవారు లేక రోగులు ఇబ్బంది పడుతున్నారు. కనీసం మందుబిళ్ల వేసేవారే కరువయ్యారు. ఉన్న ఒక్కరిద్దరు కూడా సరైన సమయంలోరాక... రోగులు అవస్థలు పడుతున్నారు. ప్రస్తుత పరిస్థితుల్లో జిల్లా వైద్యాధికారులు, ఉన్నతాధికారులు మేలుకొని ఏజెన్సీలో ప్రబలుతున్న విషజ్వరాలపై దృష్టి సారించాలి. ప్రతి గ్రామంలో వైద్యశిబిరాలు ఏర్పాటు చేసి ప్రజలకు అవగాహన కల్పించాల్సిన అవసరం ఎంతైనా ఉంది. 

10:21 - August 16, 2018
09:29 - August 16, 2018

Pages

Don't Miss

Subscribe to RSS - telangana government