Telugu States Government's

16:34 - May 19, 2017

హైదరాబాద్: తెలుగు రాష్ట్రాల్లో ఎండలు భగభగ మండుతున్నాయి. ఉదయం 7 గంటల నుంచే ఎండలు భారీగా ఉండడంతో ప్రజలు బయటకు వచ్చేందుకు భయపడుతున్నారు. ఈరోజు ఆంధ్రప్రదేశ్‌లోని కృష్ణాజిల్లా తిరువూరులో అత్యధికంగా 47.75 డిగ్రీల ఉష్ణోగ్రత నమోదైంది. అదేవిధంగా కృష్ణా, గుంటూరు, ప్రకాశం జిల్లాలోని చాలా ప్రాంతాల్లో 47 డిగ్రీల ఉష్ణోగ్రత నమోదు అయ్యింది. ఇక తెలంగాణలోని మంచిర్యాలలో అత్యధికంగా 47 డిగ్రీల ఉష్ణోగ్రత నమోదు కాగా.. కొత్తగూడెంలో 46 డిగ్రీలు, ఖమ్మంలో 45 డిగ్రీల ఉష్ణోగ్రతలు నమోదు అయ్యాయి. తెలుగు రాష్ట్రాల్లోని అనేక ప్రాంతాల్లోనూ ఎండలు ఇదేవిధంగా మండుతున్నాయి. ఇక హైదరాబాద్‌లో 41 డిగ్రీలు ఉష్ణోగ్రత నమోదయ్యింది. ఎండలు భారీగా ఉండడంతో ప్రజలెవరూ మధ్యాహ్న సమయంలో బయటకు రావద్దని అధికారులు సూచిస్తున్నారు. 

Don't Miss

Subscribe to RSS - Telugu States Government's