ten tv live

13:08 - July 24, 2017

హైదరాబాద్ : సిట్‌ కార్యాలయంలో నవదీప్‌ విచారణ కొనసాగుతోంది. 10.30 గంటల నుంచి సిట్‌ అధికారులు నవదీప్‌ను విచారిస్తున్నారు. కెల్విన్‌ కాల్‌డేటాలో నవదీప్‌ అగ్రస్థానంలో ఉన్నట్లు సిట్‌ అధికారులు గుర్తించారు. ఈ కేసులో నవదీప్‌ కీలకంగా సిట్‌ భావిస్తోంది. నవదీప్‌కు చెందిన బీపీఎం పబ్బులో డ్రగ్స్‌ సరఫరా చేస్తున్నట్లు ఆరోపణలున్నాయి. డ్రగ్స్‌ ముఠాతో ఫోన్‌కాల్స్‌, ఫొటోలు, వీడియోల సాక్ష్యం ఆధారంగా నవదీప్‌ను సిట్‌ విచారిస్తున్నారు. ఎవరెవరు ఈ పబ్‌కు వచ్చేవారు... ఏ డ్రగ్స్‌ను కొనుగోలు చేశారనే అంశాలపై సిట్‌ అధికారులు ఆరా తీస్తున్నారు. మరింత సమాచారం కోసం వీడియో క్లిక్ చేయండి.

20:39 - July 23, 2017

ఇంగ్లండ్ : మహిళల క్రికెట్‌ ప్రపంచకప్‌లో భారత్‌ బ్యాటింగ్‌ ప్రారంభించింది. 229 పరుగుల లక్ష్యంతో భారత్ బరిలోకి దిగింది. గెలుపే లక్ష్యంగా భారత్‌ బ్యాటింగ్‌ చేస్తోంది. అయితే 2వ ఓవర్లలోనే భారత్‌  ఓపెనర్‌ స్మృతి మందాన వికెట్‌ కోల్పోయింది.  అంతకుముందు భారత బౌలర్లు విజృంభించడంతో ఇంగ్లాండ్‌ 228 పరుగులే చేయగలిగింది. జులన్‌ గోస్వామి కీలక వికెట్లు పడగొట్టి ఇంగ్లాండ్‌ను దెబ్బతీసింది. 

19:22 - July 22, 2017

కరీంనగర్ : రాష్ట్రవ్యాప్తంగా సంచలనం సృష్టించిన కుకునూరుపల్లి ఎస్సై ప్రభాకర్‌రెడ్డి ఆత్మహత్య కేసులో డీజీపీకి... అదనపు డీజీ గోపికృష్ణ నివేదిక సమర్పించారు. బ్యూటిషియన్‌ శిరీష ఆత్మహత్య చేసుకున్న తర్వాత ప్రభాకర్‌రెడ్డి ఆత్మహత్య చేసుకున్నట్లుగా రిపోర్ట్‌లో పేర్కొన్నారు. ప్రభాకర్‌రెడ్డి ఆత్మహత్య చేసుకునే ముందు బంజారాహిల్స్‌ ఎస్‌ఐ హరీందర్‌కు ఫోన్‌ చేశాడు. ఉదయం 11 గంటలకు ప్రభాకర్‌రెడ్డి ఆత్మహత్య చేసుకున్నాడు. ప్రభాకర్‌రెడ్డి ఆత్మహత్య కేసులో 27 మందిని విచారించినట్లు నివేదికలో పేర్కొన్నారు. అదేవిధంగా ప్రభాకర్‌రెడ్డిని ఏసీపీ గిరిధర్‌ వేధించిన మాట వాస్తవమేనని రిపోర్ట్‌లో పేర్కొన్నారు. మరిన్ని వివరాలను వీడియోలో చూద్దాం...

 

15:58 - July 22, 2017

చిత్తూరు : జిల్లాలో ఏనుగులు బీభత్సం సృష్టించాయి. పలమనేరు మండలం కాలువపల్లిలో పంట పొలాలపై ఏనుగులు దాడి చేశాయి. ఈ ఘటనలో చిన్నబ్బ అనే రైతు మృతి చెందాడు. ఏనుగుల దాడితో గ్రామస్తులు భయాందోళనకు గురవుతున్నారు. మరిన్ని వివరాలను వీడియోలో చూద్దాం..

 

17:17 - July 19, 2017

కొహిమా : నాగాలాండ్‌ నూతన ముఖ్యమంత్రిగా జెలియాంగ్‌ బాధ్యతలు చేపట్టనున్నారు. ప్రభుత్వాన్ని ఏర్పాటుచేయాలని కోరుతూ..టీఆర్‌ జెలియాంగ్‌ను గవర్నర్‌ పీబీ ఆచార్య ఆహ్వానించారు. అసెంబ్లీలో బలపరీక్షకు ప్రస్తుత సీఎం లీజిత్సు హాజరుకాకపోవడంతో జెలియాంగ్‌ను ప్రభుత్వ ఏర్పాటుకు ఆహ్వానిస్తూ గవర్నర్‌ సంచలన నిర్ణయం తీసుకున్నారు. లిజిత్సు గత 5 నెల‌లుగా అధికారంలో ఉన్నారు. మధ్యాహ్నం 3 గం.ల‌కు రాజ్ భ‌వ‌న్‌లో జెలియాంగ్‌ ప్రమాణ‌ స్వీకారం చేశారు. టీఆర్ జెలియాంగ్‌ను జూలై 22లోగా అసెంబ్లీలో బ‌లాన్ని నిరూపించుకోవాల‌ని గ‌వ‌ర్నర్ ఆదేశించారు. గ‌త ఫిబ్రవ‌రిలో ఆదివాసీల నిర‌స‌న‌ల కార‌ణంగా జెలియాంగ్‌ ముఖ్యమంత్రి ప‌ద‌వి నుంచి వైదొల‌గడంతో లిజిత్సు సిఎం అయ్యారు. మొత్తం 47 మంది ఎమ్మెల్యేలలో ఎక్కువ మంది తనకే మద్దతిస్తున్నారని...తనకు ప్రభుత్వం ఏర్పాటు చేసే అవకాశం ఇవ్వాలని జెలియాంగ్‌ గవర్నర్‌కు లేఖ రాశారు. దీంతో అసెంబ్లీలో తన బలం నిరూపించుకోవాలని గవర్నర్‌ ఆచార్య ప్రస్తుత సీఎం లీజిత్సుకు సూచించగా...అసెంబ్లీకి హాజరు కాకుండా డుమ్మా కొట్టారు.

21:24 - July 16, 2017

హైదరాబాద్ : డ్రగ్స్, కల్తీలను నియంత్రించడంలో అధికారులు చిత్తశుద్ధితో పనిచేయాలన్నారు సీఎం కేసీఆర్. వీటిని అరికట్టేవరకు ఎవరూ విశ్రమించవద్దని సూచించారు. ప్రగతి భవన్‌లో జరిగిన సమీక్షా సమావేశంలో కేసీఆర్ అధికారులకూ- ప్రజా ప్రతినిధులకు పలు బాధ్యతలు అప్పగించారు. గుడుంబా తయారీదారులకు ప్రత్యామ్నాయ జీవనోపాధి అందించడానికి చేపట్టాల్సిన చర్యలను సిఎంఓ అధికారులు ఎస్.నర్సింగ్ రావు, శాంతి కుమారికి బాధ్యతలను కేసీఆర్‌ అప్పగించారు. కల్తీలు, డ్రగ్స్ దందాల్లో నేరాల అదుపునకు చట్టాల్లో ఎలాంటి సవరణలు తేవాలనే అంశాన్ని అధ్యయనం చేసి.. ప్రభుత్వానికి సిఫారసు చేసే బాధ్యతను హైదరాబాద్ సిపి మహేందర్‌ రెడ్డికి అప్పగించారు. వ్యవస్థీకృత నేరాలను అదుపుచేయడానికి ప్రత్యేక విభాగాన్ని నెలకొల్పే బాధ్యతలను ఇంటెలిజెన్స్ చీఫ్ నవీన్ చంద్‌కు ఇచ్చారు.

బాధ్యతలు..
కల్తీ విత్తనాలు , ఆహార కేంద్రాలు తయారు చేసే కేంద్రాలపై ఆకస్మిక దాడులు చేయడంతో పాటు, ఇతర వ్యూహాల అమలు చేసే బాధ్యతను డిజిపి అనురాగ్ శర్మకు అప్పగించారు. డ్రగ్స్ విషయంలో పూర్తి స్థాయి దర్యాప్తు జరిపి, అందులో భాగస్వాములైన ప్రతి ఒక్కరికి కఠిన శిక్షలు పడే దాకా చర్యలు తీసుకునే బాధ్యతను ఎక్సైజ్ కమిషనర్ చంద్రవదన్, ఎక్సైజ్ ఎన్ ఫోర్స్ మెంట్ డైరెక్టర్ అకున్ సభర్వాల్ కు అప్పగించారు. హైదరాబాద్‌లోనే కాకుండా రాష్ట్రంలోని ఇతర నగరాలు, పట్టణాల్లో జరుగుతున్న దందాలు, వాటిని ఆదిలోనే అరికట్టాల్సిన వ్యూహాలను రూపొందించే బాధ్యతలను హైదరాబాద్, వరంగల్ ఐజిలు స్టీఫెన్ రవీంద్ర, నాగిరెడ్డిలకు అప్పగించారు.

కలెక్టర్ల సహాయం..
హైదరాబాద్ చుట్టు పక్కల విత్తనాలు, ఆహార కల్తీ జరిగే ప్రాంతాలను గుర్తించి, కలెక్టర్ల సహకారంతో తగిన చర్యలు తీసుకునే బాధ్యతను ప్రభుత్వ ప్రధాన కార్యదర్శి ఎస్.పి.సింగ్ కు అప్పగించారు. అవినీతి అధికారుల చిట్టా తయారు చేసే బాధ్యతను ఎసిబి డిజి పూర్ణచందర్ రావుకు అప్పగించారు. కొత్త పోలీసు కార్యాలయాలు, పోలీస్ స్టేషన్లు, ఎక్సైజ్ స్టేషన్లు, సిబ్బంది క్వార్టర్ల నిర్మాణ పనులను పర్యవేక్షించే బాధ్యతను పోలీస్ హౌసింగ్ కార్పొరేషన్ చైర్మన్ దామోదర్ గుప్త, ఎండి మల్లారెడ్డిలకు అప్పగించారు సీఎం కేసీఆర్.

పలు సూచనలు..సలహాలు..
డ్రగ్స్, గుడుంబా, గంజాయి తదితర విషయాల్లో కఠినంగా వ్యవహరించాల్సి ఉన్నందున ఎక్సైజ్ శాఖను బలోపేతం చేసే చర్యలు తీసుకునే బాధ్యతను ప్రభుత్వ ప్రధాన సలహాదారు రాజీవ్ శర్మకు అప్పగించారు. విత్తనాల నాణ్యత పరీక్షల ఫలితాలు వెంట వెంటనే వచ్చే విధంగా చర్యలు తీసుకునే బాధ్యతను వ్యవసాయ శాఖ కమిషనర్ జగన్మోహన్ కు అప్పగించారు. హైదరాబాద్ లో కావాల్సినంత మంది ఫుడ్ ఇన్స్ పెక్టర్లను నియమించి, ఆహార పదార్ధాల పరీక్షలు వెంటవెంటనే నిర్వహించి, కేసుల్లో సహకరించే బాధ్యతను జిహెచ్ఎంసి కమీషనర్ జనార్దన్ రెడ్డికి అప్పగించారు. దూల్ పేటలో గుడుండా నివారణకు తీసుకోవాల్సిన చర్యలు, తయారీదారులకు ప్రత్యామ్నాయ జీవనోపాధి కల్పించే బాధ్యతలను హోమంత్రి నాయిని నర్సింహారెడ్డి, ఎక్సైజ్ శాఖ మంత్రి పద్మారావుకు అప్పగించారు. తెలంగాణ రాష్ట్రంలో అక్రమ దందాలను అరికట్టే దిశగా ప్రభుత్వం చేస్తున్న ప్రయత్నంలో అధికారులు అంకితభావంతో పనిచేయాలని సీఎం కేసీఆర్ అధికారులను కోరారు.

20:20 - July 13, 2017

 

ఎక్కడ నెగ్గాలో గాదు.. ఎక్కడ తగ్గాల్నో తెల్సినోడు లీడర్ అంటరు సూడు.. అగో ఈ పదానికి పర్ఫెక్టుగ సరిపోతడు మన మహబూబాబాద్ ఎమ్మెల్యే శంకర్ నాయక్ సారూ..?ఎక్కడ నెగ్గాలో గాదు.. ఎక్కడ తగ్గాల్నో తెల్సినోడు లీడర్ అంటరు సూడు.. అగో ఈ పదానికి పర్ఫెక్టుగ సరిపోతడు మన మహబూబాబాద్ ఎమ్మెల్యే శంకర్ నాయక్ సారూ..?ఒక ఆడివిల్ల మీద యాసిడ్ వోశినోళ్లను అప్పట్ల వరంగల్ కాడ ఎన్ కౌంటర్ జేశిండ్రు.. మరి అదే పిల్లమీద గాకుంట ఏకంగ పల్లెమీదనే విషం జల్లితె వాళ్లను ఎన్ కౌంటర్ జేయాల్నా..? గోర్ల కథ ఉత్తదే ఉన్నట్టుందిగదా..? వాళ్లపైకం బెట్టి వాళ్లకు గొనిచ్చుడు దప్ప.. సర్కారు ఒర్గవెడ్తున్నది ఏం లేదని ఫీలైతున్నరు కొంతమంది గొల్లకుర్మోళ్లు..అరే నాయనా.. తెలంగాణ రాష్ట్రంల ప్యాకాట బందు వెట్టిన సంగతి..? తమిళంల, కన్నడల, ఒడియాల గూడ ప్రచారం జేయుండ్రొసు.. వాళ్లకు మన భాష అర్థంగాక.. మనతానికొచ్చి పత్తాలాటలాడుతున్నరు..హురక మహాత్మగాంధీ తాత గూడ టీఆర్ఎస్ పార్టీల జేరిండా..? అగో ఎప్పుడు జేరిండు ఏం కథ..? మిర్యాల గూడ పట్నంల పబ్లీకంత ఇదే ఆలోచన జేస్తున్నరట.. గాంధీతాత కారెప్పుడెక్కిండు..? అసలు తెలంగాణ రాష్ట్రమొచ్చినం ఓపెన్ కాస్టింగులే ఉండయ్.. అన్ని భూగర్భ బావులే అన్నరు టీఆర్ఎస్ పార్టోళ్లు.. ఏ మేమెప్పుడు అన్నం అంటె.. 2014 ఎన్నికల మేనిఫెస్టో బుక్కున్నదిగదా.? తల్లి కాన్పంటె ఇట్లుండాలే.. ఒక్కటే కాన్పుల ఇద్దరు గాదు ముగ్గురు గాదు.. ఏకంగ నల్గురు పిల్లలు వుట్టిండ్రు.. ఏడనో బైటిదేశంగాదు.. మన ఖమ్మం జిల్లాలనే ఇయ్యాళ పొద్దుగాళ్ల తొమ్మిదిన్నరకు డెలివరీ... పూర్తి వివరాలకు వీడియో చూడండి.

18:42 - July 13, 2017

అనంతపురం : అనంతపురం జిల్లాలో మహిళా ప్రజా ప్రతినిధులపై చిన్నచూపు చూస్తున్నారు. స్థానిక సంస్థల మహిళౄ ప్రతినిధులకు అడుగడుగునా అవమానం జరుగుతుండడంతో డి.హీరేహాళ్ జెడ్పీటీసీ పద్మావతి అధికారుల తీరును బహిర్గతం చేశారు. అభివృద్ధి పనుల్లో పద్మావతికి మొండిచేయి చూపడంతో ఆమె ఆత్మగౌరవం నిలుపని పదవి ఎందుకంటూ నిర్వేదం వ్యక్తం చేస్తూ జెడ్పీ సమావేశంలో మంత్రి సునీతకు రాజీనామా సమర్పించింది. పద్మావతిని మంత్రి సునీత సముదాయించారు. విచారణ జరిపి న్యాయం చేస్తామని మంత్రి హామీ ఇవ్వడంతో పద్మావతి రాజీనామా వెనక్కు తీసుకున్నారు. మరింత సమాచారం కోసం వీడియో చూడండి.

18:41 - July 13, 2017

విజయనగరం : జిల్లా డెంకాడ మండలం జొన్నాడలో రోడ్డు ప్రమాదం జరిగింది. ఓ ప్రైవేట్ అంబులెన్స్ ను లెండి ఇంజనీరింగ్ బస్సు ఢీకొంది. ఈ ప్రమాదంలో అంబులెన్స్ ఉన్న ముగ్గురు మృతి చెందారు. మరొకరి పరిస్థితి విషమంగా ఉంది. మరింత సమాచారం కోసం వీడియో చూడండి.

14:38 - July 13, 2017

Pages

Don't Miss

Subscribe to RSS - ten tv live