Theen MAAR News

20:22 - January 12, 2018

పవర్ స్టార్ పవన్ కళ్యాణ్.. కత్తి స్టార్ కత్తి మహేష్.. ఇద్దరి పంచాదిలకు ఉస్మానియా యూనివర్సిటీ ఎంటరైపోయింది.. నీది పవనిజం అయితే మాది కత్తిజం అంటున్నరు.. మా దళిత బిడ్డ కత్తి తెర్వొస్తె కారం బెడ్తం అని హెచ్చరిస్తున్నది ఉస్మానియా యూనివర్సిటీ జేఏసీ.. నిన్న ఓయూకు వొయ్యిన కత్తి మహేస్కు ఖతర్నాక్ వెల్కం జెప్పిండ్రు..గీ ముచ్చట చూడాలంటే వీడియో క్లిక్ చేయండి...

20:19 - January 12, 2018

మనకు ఏడనన్న అన్యాయం అయితే.. కోర్టుకు వోతం.. ఆడగూడ న్యాయంగాకపోతె..ఫలితాలు రాకముందుకే ఓటమి పాలైంది టీఆర్ఎస్ పార్టీ కరెంటి ముచ్చట్ల..చెర్వుమీద కొంగ అల్గితె.. చెర్వుదెండుతదా.?? కొంగదెండుతదా..? ఆ నాగం జనార్థన్ రెడ్డి గారు గూడ.. బీజేపీ కమలానికి కాటు వెడ్తున్నట్టే ఉన్నడుగదా? ఏయ్ మా కేటీఆర్ను తిడ్తరా మీరు..? కబడ్దార్ కాంగ్రెస్ నేతల్లారా అని టీఆర్ఎస్ పార్టోళ్లు..పవర్ స్టార్ పవన్ కళ్యాణ్.. కత్తి స్టార్ కత్తి మహేష్.. ఇద్దరి పంచాదిలకు ఉస్మానియా యూనివర్సిటీ ఎంటరైపోయింది...తెలంగాణల గొర్ల పంపిణీ పత్కం తెర్లైంది అనెతందుకు మళ్లొక ముచ్చటొచ్చింది.. ఈ తెలంగాణ రాష్ట్రంల ప్రజలది గాని సంపద ఏదున్నా అది ప్రభుత్వానిదే అంతేనా..? భూములైనా.?మన్సులను వోలిన మన్సులు ఏడ్గురుంటరంటరు.. ఆ ఏడుగుర్ని ఎవ్వడు సూడవొయ్యిండో ఏమో నాకు తెల్వదిగని.. గీ ముచ్చట్లు జూడాలంటే వీడియో క్లిక్ చేయండి. 

20:19 - January 11, 2018

బహుష కాలజ్ఞానం రాశిన బ్రహ్మంగారే .. ఇప్పుడు చంద్రబాబు రూపంల మళ్ల భూమ్మీదికొచ్చిండా ఏంది..? కాకపోతేంది..మరి బ్రహ్మంగారు భవిష్యత్తుల ఏం జర్గుతదో ముందే ఊహించే చెప్పె మన్షి.. అగో చంద్రాలు గూడ అట్లనే జెప్తున్నడు రేపు ఏం జర్గబోతున్నదో ముందే ఆలోచన జేశి ముందు సూపుతోని ముంగటికి వోతున్నడట.. కావాల్నంటే సారే జెప్తడు వీడియోలో ఇనుండ్రి..

19:54 - January 11, 2018

బహుష కాలజ్ఞానం రాశిన బ్రహ్మంగారే .. ఇప్పుడు చంద్రబాబు రూపంల మళ్ల భూమ్మీదికొచ్చిండా ఏంది..? కాకపోతేంది.. ఇన్నొద్దులు ఉల్వశేన్ల వొడగొట్టుకోని కంది చేన్ల ఎంకులాడుకుంటొచ్చిన తెలంగాణ కాంగ్రెస్ పార్టీ.. ఆంధ్ర దేవాదాయ శాఖ మంత్రి, బీజేపీ అణిముత్యం శ్రీ మాణిక్యాల రావు ఏమంటున్నడంటే.. బాప్ ఏక్ నంబర్.. బేటా దస్ నెంబర్ అని అనెతందుకు లోకేశం ముచ్చట్లు సరిపోయినయ్ ఇయ్యాళటికి.. జబర్దస్త్ షోలళ్ల బిజీగుండే.. రోజమ్మ.. జనం బస్తీల పొంట తిర్గుతున్నది..పోలీసోళ్ల దృష్టిల ప్రజలంటే.. దొంగలు దోపిడి దారులు, అనుమానితులు..వారీ ఈ కులాలు మెడలేస్కోని తిర్గే సన్నాశిగాళ్లారా ఒక్క ముచ్చట జెప్పుండ్రి.. ఇంటి దీపమని ముద్దువెట్టుకుంటె మూతిమీసాలు గాలినట్టు.. ఊరును ఉద్దరియ్యివా పటేలా అని ఎంపీటీసీగ గెలిపిస్తె..గీ ముచ్చట్లు జూడాలంటే వీడియో క్లిక్ చేయండి. 

20:54 - January 10, 2018

అయ్యా ఎమ్మెల్యే చింతమనేని ప్రభాకర్ గారూ.. మీకేమన్న శీమునెత్తురు ఇజ్జత్ మానం.. శిగ్గుశరం ఉన్నయా సారూ..? మన్షివేనా నువ్వింతకు..? అది నాల్కెనా తాటిమట్టనా..? ఒక ప్రభుత్వ అధికారిని వట్కొని నీ అమ్మమొగనికి ఫోన్ జేస్తున్నావ్ రా అని తిడ్తవా..? లేదు సారు మీ అమ్మకే ఫోన్ జేస్తున్నా అని ఆ అధికారి సమాధానం ఇస్తె ఏమన్న శిగ్గు ఉంటుండెనా నీది..? నీ బల్పు బండకేశి కొట్ట..గీ ముచ్చట జూడాలంటే వీడియో క్లిక్ చేయండి.

20:39 - January 9, 2018

 

పాపం కోమటిరెడ్డి చిన్నరెడ్డి పెద్ద రెడ్డి ఆశల మీద అఖిల భారత కాంగ్రెస్ పార్టీ కుడ్ది గుమ్మరిచ్చింది.. అగో వస్తున్నది మాకే పీసీసీ.. వచ్చే పాయే.. ఏనుగెల్లింది తోకజిక్కింది అని నిన్నమొన్నటిదాక ఎంటుండె దండుకు చెప్పుకుంటొచ్చిన అన్నదమ్ములకు ఇప్పుడు కార్యకర్తల ముంగట మొఖం చిన్నబుచ్చుకున్నట్టైందట.. మరి మళ్లిప్పుడేం జెప్తరో అని అసక్తిగ జూస్తున్నరు అభిమానులు..

ఓదిక్కు ఎవ్వడన్న లంచం అడ్గితె చెప్పుదీస్కోని కొట్టుండ్రి అని ముఖ్యమంత్రి జెప్తడు.. నిజమే గావొచ్చు ఇద్వర్ సంది లంచాలు ఎవ్వలు దీస్కోరేమో అని అమాయకులు ఆఫీసుల పొంటవోతె.. అప్పటికంతె ఇంత ఎక్వనే అడ్గుతున్నరటగని.. తక్వలేదట.. ఒక పేద బిడ్డ.. ఎమ్మార్వోకు, వీఆర్వోకు లంచం ఇయ్యలేకపోతున్న గావట్టి సస్తాని గ్యాస్ నూనే మీద వోస్కున్నడు..

దరిద్ర్యం ఏందంటే మన దేశంల.. ఐదేండ్ల కొకపారి నాయకుడు అనెటోడు మన ఇంటికొస్తడు.. ఇగ తర్వాత ఐదేండ్లు మనం వాని ఇంటి సుట్టు తిర్గాలే.. సారు మమ్ములను ఆదుకోండ్రి అని.. సరే అదెట్లున్నా.. నిజాం షుగర్ ఫ్యాక్టరీ బాధితులు ఎమ్మెల్యే షకీలును ఇంటి మీద వడ్డరు.. గెల్చినంక వందరోజులళ్లనే ఫ్యాక్టరీని తెర్పిస్తాని చెప్పిన దేవనపల్లి కవిత తప్పిచ్చుక తిర్గుతున్నది నీ సంగతేందంటున్నరు..?

అబ్బా నిన్నియాళ్ల గవర్నర్ నర్సింహాన్ సారును జూస్తె కంట్లె వెట్టుకుంటున్నరుగదా కాంగ్రెసోళ్లు.. ఆయన ముంగట వొర్రి.. వొర్రీ..ఆయన చెవ్వులను కరావు జేశినట్టుండ్రు.. నిన్న రాత్రి చెవ్వులు నొప్పివెడ్తున్నయని గాంధీ దావఖానకు ఉర్కొచ్చి.. బాగ జేపిచ్చుకున్నడట.. గవర్నర్ సారు చెవ్వుల కరావుకు కారణం కాంగ్రెసోళ్లేనా ఏంది అని అనుమాన పడ్తున్నరు నర్సింహాన్ సారు అభిమానులు..

పోశమ్మ పోగేశి పెడ్తె మైసమ్మ మాయం జేశినట్టు.. సర్కారు గొల్లకుర్మోళ్లు బత్కాలే.. అని సబ్సిడీ గొర్లు ఇచ్చుడువెడ్తె.. నడ్మిట్లున్న దళారీగాళ్ల పాలైతున్నది పత్కం.. అడ్డమైన గొర్లు దీస్కొచ్చి అంటగడ్తున్నరు.. లారీల కెళ్లి దిగకముందుకే సచ్చిపోతున్నయ్.. ఇదెక్కడి దిక్కుమాలిన యవ్వారం అని గొల్లకుర్మోళ్లంత గొర్లతోని ధర్నాకు దిగిండ్రు..

ఒక చేతిల పవిత్రమైన భారత రాజ్యాంగం.. ఇంకో చేతిల అశోకుడి ధర్మ చక్రం.. దేశానికి చిహ్నంగ ఉన్న సింహాలు.. బాబా సాహెబ్ అంబేద్కర్ ఆదర్శంగ.. సాగుతున్న జంబూద్వీపం మహాకాళినడక.. మహా ఆదిగలను మహారాజులను చేస్తూ.. సాగుతున్న డీఎస్పీ యాత్ర.. నకిరేకల్ దాటింది.. మాదిగల గత సంస్కృతిని యాదిజేస్కుంట భారత రాజ్యాంగాన్ని బోదిస్తున్న ఈ ఉద్యమం.. తెలంగాణల హాట్ టాపిక్ అయిపోయింది..

ఏతుల పుంజు చంద్రాలు.. ఇగో ఇది నీకు తెల్వవల్చిన ముచ్చటనే.. కొయ్యరా కొయ్యరా పొలిగా అంటే.. గుంటూరు మిరియాలు తాటికాయంత దొడ్డన్నట్టు.. మాటలు జెప్తవ్ చేతలుండయా..? నిన్న పోలవరం దిక్కు వొయ్యి.. ఎవ్వలు ఎన్నికుట్రలు జేశినా పోలవరం గట్టితీర్తాని పొంకనాలు గొడ్తివిగదా..? సరే దాన్నంటే ప్రతిపక్షాలు అడ్డుకుంటున్నయ్ పటేలా..? మరి ఈ వికలాంగుల సంగతేంది..?

కూట్లె రాయిదీయలేనోడు ఏట్లె రాయి ఏరవొయ్యినట్టే అయ్యెతట్టుంది నీళ్లు పంచాది జూస్తుంటే.. మాజీ కరీంనగర్ జిల్లా మంథని అంటే.. మంథనిని ముద్దాడుకుంటనే వోతది.. గోదావరి నది.. ఆ మంథని జనానికే ఈ సలికాలంల నీటి కర్వొచ్చిందంటే.. ఇగ ఆ గోదావరి నీళ్లు తెచ్చి తతిమ జనానికి తాపుడు అయ్యెపనేనా అని అనుమానం రావట్టె జనానికి..

 

21:47 - January 8, 2018

పేపర్ల రాశి జనం మీదికి ఇడ్సిపెట్టెటోడుండాలేగని.. ఈ భూమిని.. దాని మీద మన్సులను నేనే తయ్యారు జేశ్నాని చెప్పుకున్నా చెప్పుకుంటడు.. చంద్రాలు.. ఇప్పుడు జెప్తలేడా..? ప్రపంచంలొస్తున్న ప్రతి మార్పుకు నేనే తల్లిని.. నేనే తండ్రిని అని చెప్కతిర్గవట్టే.. ఇప్పుడు క్రీడారంగం మీద వడ్డడు.. మరి అండ్లేంత గప్పాలు గొడ్తున్నడో సూడుండ్రి..

ఆంధ్రల చంద్రబాబేశిన.. జన్మభూమి కమిటీలు.. తెలంగాణల చంద్రశేఖర్ రావేశిన.. రైతు సమైక్య కమిటీలు.. ఇవ్వి రెండు జనాన్ని ఉద్దరిచ్చె కమిటీలైతె గావు.. ఓట్ల సంఘాలను గట్టి మళ్ల గెల్చెతందుకు నాయకులు ఆడుతున్న నాటకంల పుట్టిన పాత్రలే జన్మభూమి, రైతు సమన్వయ సమితి.. ఇవ్విటిని రద్దు జేయాలె అంటున్నరు సీపీఎం పార్టోళ్లు..

బీసీ నాయకులకు ఇప్పుడిప్పుడు కనువిప్పు అయితున్నట్టుంది.. మరి అధికారం దూరమైనంకొస్తున్న మాటలా ఇవ్విలేకపోతె.. నిజంగనే బీసీలకు అన్యాయం అయ్యింది తెల్గు రాష్ట్రాలళ్ల అన్న సోయా తెల్వదిగని.. మాజీమంత్రి.. చింతా మోహన్ గారు మాత్రం.. మా బీసీ ముఖ్యమంత్రి ఎందుకు అయితలేడని కొత్త చర్చను సుర్వు జేశిండు..

ఒక ప్రభుత్వ అధికారి చెప్పపెట్టకుంట ఆఫీసుకు సక్కగ రాకపోతె సస్పెండు జేస్తరు.. బడిపోరడు బడికి సక్కగరాకపోతె హాజిరి లేదని ఫెయిల్ జేస్తరు.. మరి ప్రభుత్వ పదవిని అనుభవిస్తున్న మార్కెట్ కమిటీ చైర్మన్ గూడ మార్కెటుకు సక్కగ రాకపోతె ఆయనను సస్పెండ్ జేయాలేగదా..? రైతులకు గనిపియ్యని మార్కెట్ కమిటీ ఛైర్మన్ను ఏం జేస్తరో చేయిండ్రిగ..

మన దేశం ఇంకా దరిద్ర్యంలనే ఉన్నదంటే.. కారణం పూజలు మంత్రాలు తాయితుల మహిమనే.. మనుషులను బాగుజేశే శక్తి తాయితలకు లేదన్నది తెల్సుగని.. దేశాన్ని నాశ్నంజేశే శక్తిమాత్రం ఈ మంత్రాలు, పూజలు పునస్కారాలకు మాత్రం ఉన్నది.. బైటిదేశాలపొంటి లేని మంత్రాలు, తాయితలు, బాబాలు.. మనదేశంలనే ఉండుడు మన దరిద్రానికి పరాకాష్ట అన్నట్టే..

ఉశ్కెలారీలు ఏమన్న సప్పుడు ఎట్లున్నది తెలంగాణల.. ఏమన్న అంటే.. డబుల్ బెడ్రూం ఇండ్లు గట్టెతందుకు ఉశ్కెను తీస్కపోతున్నమని లారీలకు బ్యానర్ గట్టుంటది.. ఈ మూడున్నర నాల్గేండ్లళ్ల ఎత్కపోయిన ఉశ్కె లెక్కలు జూస్తె.. తెలంగాణల ఇప్పటికే డబుల్ బెడ్రూం ఇండ్లు గట్టుడు పూర్తి గావాలె.. గంత ఉశ్కెవాగులు దాటుతున్నది.. అంటె చెట్టుపేరు జెప్పి కాయలమ్ముకున్నట్టు.. ప్రభుత్వ పథకాల నిర్మాణం పేరుజెప్పి ఉశ్కెదోస్తున్నరు..

నేటి బాలలే రేపటి పౌరులు.. అని ఒక సామెత ఉంటది.. దానంత బట్టెవాయి సామెత ఇంకోటి లేకుండొచ్చు.. నేటి బాలలే రేపటి పౌరులు అని ఉన్నదిగని.. బాలలు రేపటిదాక గూడ ఆగుతలేరు.. నేటి పౌరులుగ మారిపోతున్నరు.. నిజామాబాద్ జిల్లాల మీసాలు రాని పోరల ఏశాలు ఎట్లున్నయో టెన్ టీవీ కెమేరాకు దొర్కింది సూడుండ్రి..

రోడ్డు మీద ప్రయాణం అంటే.. వస్తుంటె పోతుంటే.. మంచైతది.. చెడైతది.. ఆర్టీసీ బస్సు నా కారుకు తాకింది గావట్టి వాడు నా కాళ్లు మొక్కాలే అట్లైతెనే ఇడ్సిపెడ్తాని ఎల్బీనగర్ దిక్కు ఒక కారు పార్టాయిన కయ్యం దీస్తె.. పోలీసోళ్లు, లీడర్లు అంత దగ్గరుండి ఆ డ్రైవర్ తోని కాళ్లు మొక్కవెట్టిండ్రు.. ఇది అధికార మదం అనకపోతె ఇంకేమంటరు అనేది మీరే జెప్పాలే సూశి..

వారెవ్వ సన్మానం అంటే ఇట్లుండాలే.. డప్పు సప్పుళ్లతోని.. బాజా బజంత్రీలతోని ఊరువాడ తిర్గుకుంట.. బాబు నాకే ఓటేయుండ్రి అంటే.. జనం పులదండలు దీస్కొచ్చి మెడలేస్తరనుకున్నడో ఏమో.. ఒక బీజేపీ లీడరు.. ఓట్ల ప్రచారం కోసం ఒకతాన తిర్గుతుంటే.. వాని మీద మంటతోని ఒక పెద్దాయన ఎంత పనిజేశిండో సూడుండ్రి.. ఆ లీడర్కు ఏమాత్రం ఇజ్జత్ మానం ఉన్నా..? మళ్ల అటెంకాళ్ల గనిపియ్యొద్దు...

20:41 - December 27, 2017

దొంగది గాదు దొడ్లకు రాదన్నట్టు.. ఆ బట్టెవాయి మాటలు ఎందుకు మాట్లాడాలే మళ్ల ఎందుకు మత్పరియ్యాలే జనగామా ఎమ్మెల్యేగారూ..? విద్యల రిజర్వేషన్లు తీశేయాలని కుద్దుగ అంటివి మళ్ల.. డ్యాష్ కథలు వడవడ్తివి నేను అట్ల అనలేదు.. చేయలేదని.. ఒక్కదినంలనే మాటమార్చెటోనివి నువ్వు ఎమ్మెల్యే పదవి శిగ్గుదీస్తున్నవ్ గదా..? ప్రజలారా సూడుండ్రి ముత్తిరెడ్డి యాదగిరి రెడ్డి బాగోతం..

20:40 - December 27, 2017

అబ్బ మొత్తం మీద సర్కారు ఎమ్మార్పీఎస్ ఉద్యమం ముంగట దోషిగ నిలవడక తప్పలేదు సూడుండ్రి.. మంద క్రిష్ణ మాదిగనే అరెస్టు జేశి ఆరు రోజులు వట్టి జైళ్ల వెట్టిన ప్రభుత్వం.. బెయిల్ రాకుంట శాతనైన కాడికి బాగనే తన్లాడింది.. కని ఎట్టకేలకు బెయిల్ మంజూరై బైటికొచ్చిండు.. ఇగ మరి సర్కారు మీదికి యుద్దానికి తయ్యారైతున్నడా..? కేసీఆర్ ప్రభుత్వానికి ఏం జెప్పవోతున్నడనేది సూద్దాం..

తెలంగాణ ముఖ్యమంత్రి కేసీఆర్ పచ్చి అవద్దాలు జెప్తున్నడట.. మశివూశి మారెడు గాయ జేశి.. ఇగో ఇదే చందమామా అని చెప్కతిర్గుతున్నడట.. సీపీఎం రాష్ట్ర కార్యదర్శి తమ్మినేని వీరభద్రం బాగనే సొట్ల వెట్టిండు.. అవద్దాల మీదనే తెలంగాణ ప్రభుత్వం నడుస్తున్నది.. ఈ ప్రభుత్వం ఉండుడు ప్రజాస్వామ్య దేశంల మంచిదిగాదన్కొచ్చిండు..

దొంగది గాదు దొడ్లకు రాదన్నట్టు.. ఆ బట్టెవాయి మాటలు ఎందుకు మాట్లాడాలే మళ్ల ఎందుకు మత్పరియ్యాలే జనగామా ఎమ్మెల్యేగారూ..? విద్యల రిజర్వేషన్లు తీశేయాలని కుద్దుగ అంటివి మళ్ల.. డ్యాష్ కథలు వడవడ్తివి నేను అట్ల అనలేదు.. చేయలేదని.. ఒక్కదినంలనే మాటమార్చెటోనివి నువ్వు ఎమ్మెల్యే పదవి శిగ్గుదీస్తున్నవ్ గదా..? ప్రజలారా సూడుండ్రి ముత్తిరెడ్డి యాదగిరి రెడ్డి బాగోతం..

గురిగింజ నల్పెర్గదన్నట్టు.. తెల్గుదేశమోళ్లు.. వైఎస్ఆర్ కాంగ్రెస్ పార్టీ లీడర్ల తప్పులు ఏరుకుంట తమాష జేస్తున్నరు.. ఈ భూమ్మీద తెల్గుదేశం పార్టీ లీడర్లు మాత్రమే ఆణిముత్యాలు తతిమోళ్లంత దగాకోర్లు, కబ్జాకోర్లు.. కూనికోర్లు అన్నట్టు ముచ్చట జెప్తున్నది అనురాధా మేడం.. ఆ కథ ఏందో జర మీరు గూడ ఇనాలే.. మళ్ల మనం గూడ అనాలే..

పదికిలోల బాటు మీదికి ఇశిరేశి.. బుజానికి తాకిచ్చుకుంటరా..? బొక్కలు సూర సూర అయితయ్.. టీవీలళ్ల అప్పుడప్పుడు వస్తుంటయ్ సూడుండ్రి వాళ్లు టీవీలళ్ల కండలు తిర్గి.. గుండె ధైర్యం తోని జేశే సాహసాలు మాత్రమే జూశ్నంమనంగని.. వాళ్ల బత్కు ఎంత దీనంగుంటదో సూడలే.. అందరికి ఆనందం పంచే ఆ సాహసవీరులు.. ఊర్లె మాత్రం ఎక్కిరింతల పాలైతున్నరు..

కర్నూలు స్థానిక సంస్థల ఎమ్మెల్సీ పోస్టు ఖాళీ అయ్యిందని తెల్వంగనే ఎంటనే తన పార్టీ మన్షితోని నామినేషన్ ఏపిచ్చి.. భర్తీ జేయవోతున్నడు ఆంధ్ర ముఖ్యమంత్రి చంద్రబాబు నాయుడు.. మరి ఎమ్మెల్సీ పోస్టులు భర్తీ జేస్కునెకాడున్న ఆత్రం.. సర్కారు దావఖాండ్లళ్ల డాక్టర్లను భర్తీ జేసెకాడ ఎందుకు లేదు..? చంద్రాలు ఇగో జనం గోసజూడు..

 

21:10 - December 26, 2017

తెలంగాణ, ఆంధ్ర రెండు తెల్గు రాష్ట్రాలళ్ల.. బీసీలు జర్ర హుషారుకొచ్చినట్టే అనిపిస్తున్నది.. ఇద్వరకు ఎవ్వలి కులం వాళ్లకు.. ఎవ్వలి సంఘం వాళ్లకుండేది.. కని ప్రభుత్వాల నిర్ణయాల పుణ్యమాని.. బీసీలంత కులాలను పక్కకు వెట్టి.. మేమంత ఒక్కటే అనేకాడికొచ్చింది.. ఈ వచ్చిన చైతన్యం ఓట్ల పెట్టె దాక ఉంటే.. ఇగ బీసీలను ఆపుడు ఎవ్వలితరం గాదు..

ఏంరా వారీ గట్ల తిర్రి తిర్రి జేస్తున్నవ్.. హౌలెగానివా..? లఫంగ పనులు జేయకు అని పెద్దమన్సులు పోరగాళ్లను అంటుంటరు.. అయితే ఈ మాటలు పెద్దళ్లో చిన్నోళ్లను అనుడు మర్శిపోయిండ్రు ఇప్పుడు రాజకీయనాయకులు సమర్థంగ వాడుకుంటున్నరు.. తెలంగాణల ఈ నడ్మ తిట్ల పంచాది ఎక్వైంది.. మంత్రి లక్ష్మారెడ్డిని అయితే అడ్డగోల్గ తిట్టిండు రేవంత్ రెడ్డి.. ఇగ ఆ తర్వాత గూడ ఈ తిట్లు ఆగుతలేవు..

పోశమ్మ పోగేశి పెడ్తె.. మైసమ్మ మాయం జేశినట్టు..  పాపం గత ప్రభుత్వం పేదలకు ఇండ్లు గట్టుకునెతందుకు జాగలు మంజూరు జేస్తె.. పదేండ్లైతున్నా ఇప్పటికి పట్టాలు చేతులకు రాలేదు.. ఇండ్లు గట్టె ఇగురమే జర్గలేదు.. చంద్రబాబుగారు మీరు హైద్రావాదుల ఇల్లు గూలగొట్టి ఆర్నెళ్లళ్లనే గట్టుకుంటిరిగదా..? మరి పేదోళ్లకు గట్టె ఇండ్లకు ఇన్నేండ్లు ఎందుకు వడ్తున్నట్టు.?

రైతే రాజు... రైతును రాజును జేస్తం.. అన్నదాతను ఆదుకుంట.. ఇవ్వన్ని బట్టవాయి మాటలే మాన రాజకీయ నాయకులు జెప్పేటియి.. ఎవ్వడు ఆదుకోడు రైతును.. ఎవ్వని పొట్టవాడే నింపుకుంటడు.. ఇంకా గమ్మతి ముచ్చటేందంటే.. రైతును రాజును గాదు రాక్షసున్ని జేస్తరు.. తెల్గు రాష్ట్రాలళ్ల రైతుల గోస రాస్తె రామాయణమే అయ్యెతట్టున్నది..

సర్కారు బడి సారు ఊర్లె ఉన్న రాజకీయాలళ్ల కాలు వెట్టి కంపు కంపు జేస్తున్నడట.. ఊర్ల జనానికి నడ్మ తాకులాటలు వెడ్తున్నడట.. ఒక సారు జెయ్యంగ ఊరంత ఆగమైందట.. ఊర్లె పిల్లలకు సద్వు జెప్పి గ్రామానికి వెల్గులు దేవాల్సిన సారు.. పంచాదులు వెట్టి పగలు వెంచుతున్నడట.. ఇగ ఊరిజనమంత ఒక్కటే ఎంత పనిజేశిండ్రో సూడుండ్రి..

అయ్యా గౌరవనీయులైన ఆంధ్రప్రదేశ్ ముఖ్యమంత్రి వర్యులు.. శ్రీ నారాచంద్రబాబునాయుడుగారూ.. మీ కొడ్కుకు తాగుడు అల్వాటుండి.. రోజు తాగొచ్చి మీ కోడలును వేధిస్తుంటె ఒప్పుకుంటరా తమరు..? ఒప్పుకోరు మరి ఆంధ్రప్రదేశ్ రాష్ట్రంల మహిళలు ఎందుకు ఒప్పుకోవాలె సారూ..? మీ ఇంటి ఆడోళ్లకున్నట్టు అక్కడి మహిళలకు ఆత్మగౌరవం లేదా..? 

మేము కొట్టినట్టు జేస్తం మీరు ఏడ్సినట్టు జేయుండ్రి.. ఆపాటికి సంకురాత్రి ఒడ్సిపోతది.. మీ కోడి పందాల కోరిక తీర్తది.. మనమంత గల్సి కోర్టును ఫూల్ జేద్దాం అన్నట్టు జెప్తున్నడు ఆంధ్రా హోంమంత్రి గారు.. కోడి పందాలు ఆడుకోండ్రి.. మేము అడ్డుకోము.. హైకోర్టు జెప్పిన దాని ప్రకారం నడ్సినట్టు యాక్టింగ్ జేస్తమంటున్నడు.. ఒక మంత్రిగారు మాట్లాడవల్సిన మాటనేనా ఇది..?

వారెవ్వ.. పురుషులందు పుణ్యపురుషులు వేరయా అన్నట్టు.. ఖైదీలందు పుణ్య ఖైదీలు వేరయా అనుకుంటున్నరో ఏమో జైళ్ల శాఖోళ్లు.. లాలు ప్రసాద్ యాదవుకు గడ్డి తిన్నడని జైళ్ల ఏశిండ్రుగదా..? అగో ఆ కేసుల జైళ్లున్న లాలు సారుకు ఇంటికాడ లేని వసతులు గూడ జైళ్లనే ఏర్పాటు జేశిండ్రంటే.. దొంగలను మేపుతున్నరా..? ఊపుతున్నరా అర్థంగాదు..

Pages

Don't Miss

Subscribe to RSS - Theen MAAR News