Tollywood Updates

09:45 - July 14, 2018

హైదరాబాద్ : టాలీవుడ్ లో విషాదం నెలకొంది. తెలుగు చిత్ర పరిశ్రమ మరో సీనియర్ నటుడిని కోల్పోయింది. సీనియర్ సినీనటుడు వినోద్ కన్నుమూశారు. హైదరాబాద్ లోని తన నివాసంలో ఆయన మృతి చెందారు. బ్రెయిన్ స్ట్రోక్ తో తెల్లవారుజామున 2 గంటలకు వినోద్ మృతి చెందారు. గత కొంతకాలంగా ఆయన అనార్యోగంతో బాధపడుతున్నారు. హీరోగా ప్రస్తానం మొదలు పెట్టిన వినోద్ 300 పైగా చిత్రాల్లో నటించారు. పలు సినిమాల్లో విలన్, క్యారెక్టర్ ఆర్టిస్టుగా నటించి, ఆకట్టుకున్నారు. తెనాలికి చెందిన వినోద్ అసలు పేరు ఆరిశెట్టి నాగేశ్వరరావు. 1980లో విశ్వేశ్వరావు దర్శకత్వంలో వచ్చిన కీర్తి కాంతాయ కనకం సినిమాతో హీరోగా వినోద్ సినీ రంగ ప్రవేశం చేశారు. చంటి సినిమాతో బాగా ఫేమస్ అయిన వినోద్.. లారీడ్రైవర్, ఇంద్ర వంటి చిత్రాల్లో నటించి ప్రేక్షకులను ఆకట్టుకున్నారు. తమిళ్ లో 28, హిందీలో 2 సినిమాల్లో వినోద్ నటించారు. ఆయన మృతి పట్ల సినీ ప్రముఖులు సంతాపం వ్యక్తం చేస్తున్నారు. 'మా' అధ్యక్షులు శివాజీరాజీ, కార్యదర్శి సురేష్ కొండేటితోపాటు పలువురు భౌతికకాయాన్ని సందర్శించారు. మరిన్ని వివరాలను వీడియోలో చూద్దాం...

11:02 - June 1, 2018

తెలుగు సినిమా పరిశ్రమకు అంతర్జాతీయ ఖ్యాతి తెచ్చి పెట్టిన దర్శకుడాయన. తాను డైరెక్షన్ చేసిన సినిమాలలో అన్నీ సూపర్ హిట్సే. ఒక్కటంటే ఒక్కటి కూడా ప్లాప్ కాలేదు. అతని డైరెక్షన్ లో చేయాలని స్టార్ హీరోలు కూడా పడిగాపులు కాస్తారు. ఆయనే సినిమా పరిశ్రమలో జక్కన్నగా పేరొందిని రాజమౌళి. తన ప్రాజెక్టును ఎక్కువ కాలంగా చిత్రీకరించినా..అంతకు మించిన క్రేజ్ ను హీరోలకు అందించే ఏకైక దర్శకుడు రాజమౌళి. ఆయన డెరెక్షన్ లో వచ్చిన బాహుబలి స్వీక్వెల్స్ తెలుగు సినిమా పరిశ్రమను అంతర్జాతీయ చిత్రపటంలో నిలిపాయి. మరి ఆయన సినిమా అంటేనే భారీ బడ్జెట్టే కాదు భారీ తారాగణం కూడా వుంటారు. అటువంటి జక్కన్న భారీ మల్టీ స్టారర్ సినిమాకు సన్నాహాలు చేస్తున్నాడు. ఈ విషయంపై పలు వార్తలు చక్కర్లు కొట్టినా ఆ హీరోల గురించి కూడా కొంతగా ఊహాగాలు కూడా వచ్చాయి.

చరణ్, ఎన్టీఆర్ కాంబినేషన్ లో మల్టీస్టార్ మూవీ..
మెగా పవర్ స్టార్ చరణ్, ఎన్టీఆర్ ల కాంబినేషన్ లో ఓ భారీ చిత్రం రాబోతోందనే విషయం పూర్తిగా కాకపోయినా సినీ అభిమానులకు అర్థం అయింది. మరి భారీ మల్టీ స్టారర్ అంటే మాటలు కాదు. ఎవరి క్రేజ్ తగ్గకుండా చూడాలి. ఇద్దరి అభిమానులను మెప్పించాలి. ఇద్దరికీ సమాన రేంజ్ ను అందించాలి. అందులోను మన తెలుగు సినిమాలో ఎవరి అభిమానుల మనోభావాలకు భంగం వాటిల్లకూడదు..అందుకు ఓ స్థాయి స్ర్కీప్లే చాలా ముఖ్యం.
పోలీస్ ఆఫీసర్ గా చరణ్..గ్యాంగ్ స్టర్ గా ఎన్టీఆర్..
రాజమౌళి దర్శకత్వంలో ఒక భారీ మల్టీ స్టారర్ రూపొందనుంది. ప్రస్తుతం అందుకు సంబంధించిన సన్నాహాలు జరుగుతున్నాయి. అక్టోబర్ నుంచి ఈ సినిమా రెగ్యులర్ షూటింగును ఆరంభించనున్నారు. ఈ నేపథ్యంలో ఈ సినిమాలో చరణ్ పవర్ ఫుల్ పోలీస్ ఆఫీసర్ గా కనిపించనున్నాడనే టాక్ వచ్చింది. దాంతో అందరిలో ఎన్టీఆర్ పాత్ర ఎలా వుండనుందనే ఆసక్తిని తలెత్తింది.

అన్నదమ్ములుగా చరణ్, ఎన్టీఆర్..
ఈ సినిమాలో ఎన్టీఆర్ గ్యాంగ్ స్టర్ పాత్రలో కనిపించనున్నాడనేది తాజా సమాచారం. ఇద్దరూ సోదరులే అయినప్పటికీ వాళ్లు ఎంచుకున్న మార్గాలు వేరు. ఈ పరిస్థితుల్లో చోటుచేసుకునే పరిణామాలతో కథ చాలా ఉత్కంఠభరితంగా కొనసాగుతుందని అంటున్నారు. ఇందులో వాస్తవమెంతన్నది చూడాలి మరి. భారీ బడ్జెట్ తో డీవీవీ దానయ్య నిర్మించే ఈ సినిమా కోసం త్వరలోనే కథానాయికలను ఎంపిక చేయనున్నారు.  

15:51 - April 9, 2018

అర్జున్ రెడ్డి' సినిమాతో షాలినీ పాండేకి విపరీతమైన క్రేజ్ వచ్చింది. మొదటిసినిమాతోనే మంచి మార్కులు కొట్టేసింది. మెచ్యూరిటీగా నటించి విమర్శకుల ప్రశంసలను అందుకుంది. దీంతో షాలిలీ పాండేకు ఆఫర్లు వస్తున్నా ఆచి తూచి వ్యవహరిస్తున్న ఈ మధ్యప్రదేశ్ భామకు ప్రిన్స్ మహేశ్ బాబు సినిమా ఆఫర్ వచ్చినట్లుగా సమాచారం. ఇంజనీరింగ్ ద్వితీయ సంవత్సరం నుండి నాటకాలు వేసిన నటనలో ప్రావీణ్యం పొందిన షాలిని తన మొదటి సినిమాలోనే తనే స్వయంగా డబ్బింగ్ చెప్పుకుంది. అది కూడా తెలుగు రాకపోయినా తనదైన స్లైల్ లో డబ్డింగ్ చెప్పుకుంది. ఆ వచ్చీరానీ స్లాంగ్ సినిమాకు కూడా హైలెట్అయింది.

ఆచి తూచి సినిమాలు ఒప్పుకుంటున్న షాలినీ..
నిదానంగా ఆలోచిస్తు ఒక్కొక్కటిగా ఈ అమ్మాయి అవకాశాలను అందిపుచ్చుకుంటోంది. ఈ క్రమంలోనే మహేశ్ బాబు 25వ సినిమాలో ఛాన్స్ కొట్టేసిందని అంటున్నారు. ప్రస్తుతం 'భరత్ అనే నేను' సినిమాతో ఈ నెల 20వ తేదీన ప్రేక్షకుల ముందుకు రావడానికి మహేశ్ బాబు రెడీ అవుతున్నాడు. తన 25వ సినిమాను ఆయన వంశీ పైడిపల్లితో చేయనున్నాడు. ఈ సినిమాలో కథానాయికగా పూజా హెగ్డేను ఎంపిక చేసుకున్నారు. భారీ బడ్జెట్ తో రూపొందనున్న ఈ సినిమాలో ఒక ముఖ్యమైన పాత్రను షాలినీ పాండేతో చేయిస్తే బాగుంటుందనే ఉద్దేశంతో, ఆమెను ఎంపిక చేసినట్టుగా సమాచారం. ఈ సినిమా షూటింగ్ ఎప్పుడు మొదలవుతుందా అనే ఆసక్తితో ఆమె ఉందని అంటున్నారు. దిల్ రాజు .. అశ్వనీదత్ సంయుక్తంగా ఈ సినిమాను నిర్మిస్తోన్న సంగతి తెలిసిందే.   

07:32 - December 17, 2017

హైదరాబాద్ : హాస్యనటుడు విజయ్‌సాయి ఆత్మహత్య వెనుక ట్విస్టుల మీద ట్విస్టులు బయటకు వస్తున్నాయి. విజయ్‌కు వివాహేతర సంబంధాలు ఉన్నాయంటూ ఆయన భార్య వనితారెడ్డి ఆరోపించారు. విజయ్‌ మరో అమ్మాయితో సన్నిహితంగా ఉన్న ఫోటోలను బయటపెట్టారు. మరోవైపు తన కుమారుడికి ఎలాంటి సంబంధాలు లేవని.. ఆ ఫోటోలు షార్ట్‌ ఫిలింలోనివని విజయ్‌ తండ్రి సుబ్బారావు తెలిపారు.
రీలు రీలుకో ట్విస్టు 
కమెడియన్‌ విజయ్‌ సాయి ఆత్మహత్య కేసులో రీలు రీలుకో ట్విస్టు వెలుగు చూస్తోంది.  విజయ్‌ ఓ మహిళతో సన్నిహితంగా ఉన్న ఫొటోలను ఆయన భార్య వనితారెడ్డి మీడియాకు విడుదల చేశారు. విజయ్‌సాయి ఆత్మహత్యకు తాను కారణం కాదని తెలిపారు. త్వరలోనే మరికొన్ని వీడియోలు, ఆడియోలతో వచ్చి పోలీసులకు లొంగిపోతానని వనిత వెల్లడించారు. విజయ్‌ నిజ స్వరూపం ఏమిటో అందరికీ తెలియాల్సిన అవసరం ఉందని అందుకే వీటిని బయటపెడుతున్నట్లు చెప్పారు. తాను ఎక్కడికీ పారిపోలేదని, పోలీసులు తనను క్షమించాలని విజ్ఞప్తి చేస్తూ ఓ సెల్ఫీ వీడియోను వనిత మీడియాకు పంపారు. 
మోడల్‌తో విజయ్‌కి రెండో పెళ్లి జరిగింది : రామచంద్రారెడ్డి 
ఓ మోడల్‌తో విజయ్‌కి రెండో పెళ్లి జరిగిందని వనితారెడ్డి సోదరుడు రామచంద్రారెడ్డి ఆరోపించారు. అందుకు సంబంధించిన ఆధారాలు వనిత దగ్గర ఉన్నాయని చెప్పారు. 
నా కుమారున్ని వనితారెడ్డి బ్లాక్‌మెయిల్‌ చేసింది : విజయ్‌ తండ్రి సుబ్బారావు 
మరోవైపు తన కుమారుడిని వనితారెడ్డి బ్లాక్‌మెయిల్‌ చేసిందని విజయ్‌ తండ్రి సుబ్బారావు ఆరోపించారు. తన కుమారుడికి ఎలాంటి వివాహేతర సంబంధాలు లేవని.. ప్రస్తుతం బయటకు వచ్చిన ఫోటోలు షార్ట్‌ఫిలింలోనివని ఆయన చెప్పారు. విజయ్‌తో సన్నిహితంగా ఉన్న అమ్మాయి బయటకు వస్తే అన్ని విషయాలు తెలుస్తాయన్నారు. విజయ్‌ ఆత్మహత్యలో ఇప్పటి వరకు రెండు కుటుంబాల మధ్య నెలకొన్న రచ్చ.. కొత్త ఫోటోలతో మరిన్ని మలుపులు తిరుగబోతోంది. 

 

10:57 - November 11, 2017

నువ్వు నాకు నచ్చావ్‌. ఎప్పుడు పెళ్లి చేసుకుంటావ్‌ అంటూ 'సాయి పల్లవి' అంటోంది. రియల్ లైఫ్ లో కాదు లెండి..రీల్ లైఫ్ లో. ఇటీవలే శేఖర్ కమ్ముల దర్శకత్వంలో వచ్చిన 'ఫిదా'లో 'సాయి పల్లవి' నటనతో దుమ్మురేపింది. ఆమె పలికిన డైలాగ్స్..హావభావాలతో అందర్నీ ఆకట్టుకుంది. దీనితో ఆమెను తమ చిత్రాల్లో నటింప చేయాలని పలువురు దర్శకులు..నిర్మాతలు ప్రయత్నిస్తున్నారు. అందులో భాగంగా వేణు దర్శకత్వంలో శ్రీ వెంకటేశ్వర క్రియేషన్స్ బ్యానర్ పై 'దిల్' రాజు నిర్మాణంలో 'ఎంసీఏ (మిడిల్ క్లాస్ అబ్బాయి) చిత్రం రూపొందుతోంది. ఈ సినిమాలో ‘నాని’ హీరోగా..'సాయి పల్లవి' హీరోయిన్ గా నటిస్తోంది. ఇటీవలే ఈ చిత్రానికి సంబంధించి టీజర్ విడుదలైంది. ఈ టీజర్ కు మంచి స్పందనే వస్తోంది. ఎంసీఏ అంటే 'మిడిల్‌ క్లాస్‌ అబ్బాయని' అంటూ నాని చెప్పిన డైలాగ్‌ ఆకట్టుకుంది. కథానాయిక సాయి పల్లవి 'నువ్వు నాకు నచ్చావ్‌. ఎప్పుడు పెళ్లిచేసుకుంటావ్‌' అని నానిని అడిగిన మాట కూడా హైలైట్‌గా నిలిచింది. ఈ సినిమా డిసెంబర్‌లో ప్రేక్షకుల ముందుకు రానుంది.

13:02 - October 31, 2017

సినిమా : సూపర్ స్టార్ మహేశ్ బాబు వరుస సినిమాలతో ప్రేక్షకుల ముందుకు రానున్నాడు. ప్రస్తుతం మహేశ్ కోరటాల శివ దర్శకత్వంలో '’భరత్ అనే నేను' సినిమా చేస్తున్నాడు. ఈ సినిమా వచ్చే ఏడాది ఏప్రిల్ 27ను ఈ సినిమా ప్రేక్షకుల ముందుకు వస్తోంది. ఈ మూవీ తర్వాత మహేశ్ 25వ సినిమా వంశీ పైడిపల్లి దర్శకత్వంలో ఓ చిత్రం చేయనున్నాడు. ఈ చిత్రం 2018 చివర్లో విడుదల అవుతుంది. ఆ మధ్య కాలంలోనే మహేశ్ త్రివిక్రమ్ తో ఓ సినిమా చేస్తున్నాడు. ఈ మూవీ 2019 అర్ధసంవత్సరంలో విడుదల చేయనున్నాట్టు తెలుస్తోంది.  

10:33 - October 12, 2017

ఎన్టీఆర్ బయోపిక్..ప్రస్తుతం టాలీవుడ్ లో హాట్ టాపిక్ అయి కూర్చొంది. ఎన్టీఆర్ బయోపిక్ ను తీయాలని ఆయన కుమారుడు 'బాలకృష్ణ' ప్రయత్నాలు మొదలు పెట్టిన సంగతి తెలిసిందే. ఎప్పుడూ వివాదంలో ఉండే 'రాంగోపాల్ వర్మ' కూడా 'లక్ష్మీస్ ఎన్టీఆర్' పేరిట ఓ చిత్రాన్ని రూపొందించనున్నట్లు ప్రకటించిన సంగతి తెలిసిందే. ఇందుకు సంబంధించిన ఓ పోస్టర్ ను కూడా విడుదల చేశారు. ఇదిలా ఉంటే 'ఎన్టీఆర్' బయోపిక్ నిర్మించే దర్శకుడి కోసం 'బాలయ్య' వెయిట్ చేశారని తెలుస్తోంది.

తొలుత 'క్రిష్'..లేదా 'తేజ'కు ఈ సినిమా బాధ్యతలను అప్పగించాలని 'బాలయ్య' యోచించారని టాక్. కానీ 'క్రిష్' మణికర్ణిక ప్రాజెక్టుతో బిజీగా ఉండడంతో 'ఎన్టీఆర్' బయోపిక్ పై దృష్టి పెట్టే టైం లేదని ప్రచారం జరిగింది. ఆ బాధ్యతలను తాజాగా 'తేజ' స్వీకరించినట్లు టాలీవుడ్ లో గుస గుసలు వినిపిస్తున్నాయి. ఇటీవలే ఆయన దర్శకత్వంలో వచ్చిన 'నేనే రాజు నేనే మంత్రి' సినిమా మంచి విజయాన్ని నమోదు చేసుకుంది. త్వరలోనే ఎన్టీఆర్ బయోపిక్ షూటింగ్ ప్రారంభించేందుకు అన్ని సన్నాహాలు చేస్తున్నట్లు సమాచారం. ఈ చిత్రంతో బాలకృష్ణ నిర్మాతగా మారనున్నారని మరో టాక్. ఎన్టీఆర్ బయోపిక్ కు సంబంధించిన పూర్తి వివరాలు తెలియాలంటే కొద్ది రోజులు ఆగాల్సిందే. 

13:10 - October 10, 2017

కేఎస్ రవికుమార్ డైరెక్షన్ లో సంక్రాతికి రిలీజ్‌కు ప్లాన్ చేస్తున్న హీరో నందమూరి బాలకృష్ణ 102వ సినిమా పేరు 'కర్ణ' అనే టైటిల్ దాదాపు ఖరారయినట్లు తెలుస్తోంది. అయితే దీన్ని ఆ చిత్ర యూనిట్ నిర్ధారించాల్సిన అవసరం ఉంది. తమిళనాడు కుంభకోణం‌లో ఇటీవల మేజర్ షెడ్యూల్ జరగ్గా.. ఇపుడు హైదరాబాద్‌లో క్లైమాక్స్ సీన్స్ షూట్‌ చేస్తున్నారట.ఈ ప్రాజెక్టుకి ‘కర్ణ’ అనే తొలుత జయసింహ, రెడ్డిగారు లాంటి టైటిల్స్ అనుకున్నా స్టోరీకి తగ్గట్టుగా కర్ణ అయితే బాగుంటుందని యూనిట్ ఫిక్స్ అయినట్టు తెలుస్తోంది. ఈ మూవీ అన్నివర్గాల ఆడియన్స్‌కు ఆకట్టుకునేలా స్టోరీ వుంటుందని యూనిట్ టాక్ మాట. నయనతార, నటాషా, ప్రకాష్‌రాజ్, జగపతిబాబు, మురళీ‌మోహన్, బ్రహ్మానందం తదితరులు ముఖ్యపాత్రల్లో నటిస్తున్నారు.

 

10:38 - August 28, 2017

వికెఎ ఫిలిమ్స్ నిర్మాణ సంస్థ తన ద్వితీయ చిత్రంగా నిర్మిస్తున్న చిత్రం "ఇగో". విజయ్ కరణ్-కౌసల్ కరణ్-అనిల్ కరణ్ లు సంయుక్తంగా నిర్మిస్తున్నారు. ఈ చిత్రంలో ఆశిష్ రాజ్-సిమ్రాన్ లు జంటగా నటిస్తున్నారు. ఈ చిత్రానికి సుబ్రమణ్యం దర్శకత్వం వహిస్తున్నారు. ఇటీవలె రెండు షెడ్యూల్స్ పూర్తి చేసుకొన్న ఈ చిత్రం మూడో షెడ్యూల్ను గోదావరి పరిసర ప్రాంతాల్లో తీయనున్నారు. ఈ సందర్భంగా చిత్ర నిర్మాతలు మాట్లాడుతూ.. "ఫ్యామిలీతో కలిసి చూడదగ్గ రోమాంటిక్ సస్పెన్స్ ఎంటర్ టైనర్ గా రూపొందుతున్న "ఇగో" రెండు షెడ్యూల్స్ పూర్తయ్యిందని తెలిపారు. . భారీ తారాగణంతో తెరకెక్కుతున్న ఈ చిత్రంలో కథానాయకుడి క్యారెక్టరైజేషన్ సరికొత్తగా ఉంటుందన్నారు. అనుకొన్నదానికంటే ముందుగానే షూటింగ్ పూర్తి చేసి.. పోస్ట్ ప్రొడక్షన్ పనుల్లో ఎక్కడా రాజీపడకుండా ప్రేక్షకులకు క్వాలిటీ ఔట్ పుట్ ఇచ్చేందుకు సర్వ సన్నాహాలు చేస్తున్నారు. త్వరలోనే ఫస్ట్ లుక్ పోస్టర్స్ ను విడుదల చేయనున్నట్లు సమాచారం.. ఆశిష్ రాజ్, సిమ్రాన్, దీక్షాపంత్, రావురమేష్, పోసాని కృష్ణమురళి, పృధ్వి, గౌతంరాజు, షకలక శంకర్, చంద్ర, వేణు, శివన్నారాయణ, భద్రం, రైజింగ్ రాజు, గుండు మురళిలు ముఖ్యపాత్రల్లో నటిస్తున్న ఈ చిత్రానికి సంగీతం: సాయికార్తీక్, సినిమాటోగ్రఫీ: ప్రసాద్ జి.కె, ఆర్ట్: ఆర్.కె, ఫైట్స్: నందు, పి.ఆర్.ఓ: వంశీ-శేఖర్, పబ్లిసిటీ డిజైనర్: ధని ఏలే, నిర్మాతలు: విజయ్ కరణ్-కౌసల్ కరణ్-అనిల్ కరణ్, రచన-దర్శకత్వం: సుబ్రమణ్యం. 

12:06 - August 2, 2017

మెగాస్టార్ కుటుంబం నుండి వచ్చిన 'వరుణ్ తేజ్' మంచి జోష్ లో ఉన్నాడు. ఆయన నటించిన సినిమా 'ఫిదా'పై ప్రశంసల వర్షం కురుస్తోంది. శేఖర్ కమ్ముల తెరకెక్కించిన సినిమా మంచి టాక్ తెచ్చుకుంది. తెలంగాణ భాష..నిజామాబాద్ లోని బాన్సువాడ ప్రాంతాన్ని అందంగా తెరకెక్కించిన తీరు..చిత్రంలో నటీ నటుల ప్రతిభను మెచ్చుకుంటున్నారు. శేఖర్‌ కమ్ముల తెరకెక్కించిన విధానం, సాయి పల్లవి యాక్టింగ్‌, వరుణ్‌ తేజ్‌, సాయి పల్లవిల మధ్య సన్నివేశాలు, సంగీతం ఇలా అన్ని అంశాలు అందరినీ ఆకట్టుకోవడంతో సినిమాకు కలెక్షన్లు కూడా బాగానే వస్తున్నాయి.

తొలి కమర్షియల్ సక్సెస్ అందుకున్న 'వరుణ్ తేజ్' రికార్డుల వేట మొదలు పెట్టాడనే చెప్పవచ్చు. సినిమా విడుదలై రెండు వారాలు గడుస్తున్నా మంచి వసూళ్లు సాధిస్తోంది. ఇప్పటికే ప్రపంచ వ్యాప్తంగా రూ. 53 కోట్లు గ్రాస్ కలెక్షన్ చేసినట్లు..ఓవర్సీస్ లో రూ. 1.62 మిలియన్ల వసూళ్లు సాధించినట్లు తెలుస్తోంది. రూ. 2మిలియన్ మార్క్ సాధించడం ఖాయమని విశ్లేషకులు అంచనా వేస్తున్నారు. మెగాస్టార్ 'చిరంజీవి' నటించిన 'ఖైదీ నంబర్ 150' సినిమాతో రూ. 2.45 మిలియన్ల వసూళ్లు సాధించి రికార్డు నెలకొల్పిన సంగతి తెలిసిందే. 'అత్తారింటికి దారేది' సినిమాతో 'పవన్ కళ్యాణ్' 1.90 మిలియన్లు సాధించాడు. ఈ వారాంతానికే 'పవన్' కలెక్షన్లను 'వరుణ్' దాటేస్తాడని భావిస్తున్నారు. చూడాలి మరి..

Pages

Don't Miss

Subscribe to RSS - Tollywood Updates