trs

14:02 - December 18, 2018

హైదరాబాద్: టీఆర్ఎస్ వర్కింగ్ ప్రెసిడెంట్‌గా బాధ్యతలు స్వీకరించిన కేటీఆర్ అప్పుడే మిషన్ బిగిన్ చేశారు. తెలంగాణ భవన్‌లో టీఆర్ఎస్ కార్యదర్శులతో కేటీఆర్ భేటీ అయ్యారు. పంచాయతీ, పార్లమెంటు ఎన్నికల్లో అనుసరించాల్సిన వ్యూహంపై చర్చిస్తున్నారు. నేతలకు కేటీఆర్ దిశానిర్దేశం చేస్తున్నారు. పార్లమెంటు ఎన్నికల్లో 16 స్థానాలు మనమే గెలవాలని అలాగే పార్టీ బలోపేతంపైనా కేటీఆర్ ఫోకస్ చేశారు. వర్కింగ్ ప్రెసిడెంట్ గా బాధ్యతలు తీసుకున్నాక కేటీఆర్ నిర్వహిస్తున్న తొలి సమావేశం ఇదే. దీంతో ఈ భేటీ ప్రాధాన్యత సంతరించుకుంది. పార్లమెంటు నియోజకవర్గాల వారీగా ఇంచార్జీల నియామకంపైనా ఈ సమావేశంలో చర్చిస్తున్నారని సమాచారం.

14:01 - December 18, 2018

వరంగల్ : తెలంగాణా రాష్ట్ర సమితి వర్కింగ్ ప్రెసిడెంట్ గా బాధ్యతలు చేపట్టిన తర్వాత కేటీఆర్ 2018 డిసెంబర్ 20న వరంగల్ , జనగామ జిల్లాల పర్యటనకు వస్తున్నారు.  కేటీఆర్ వరంగల్  పర్యటనకు సంబంధించి కార్యక్రమం ఖరారు చేయటానికి మాజీ ఉప ముఖ్యమంత్రి కడియం శ్రీహరి హైదరబాద్ లో  పార్టీకి చెందిన సీనియర్ నాయకులతో భేటీ అయ్యారు. 
20వతేదీ ఉదయం 11 గంటలకు జనగామ జిల్లాకి చేరుకునే కేటీఆర్ ప్రెస్టెన్ గ్రౌండ్స్ లో పాలకుర్తి, స్టేషన్ ఘనపూర్ జనగామ నియోజక వర్గాల కార్యకర్తల సమావేశంలో పాల్గొంటారు. అక్కడినుంచి బయలుదేరి మధ్యాహ్నం 2గంటలకు వరంగల్ చేరుకుని హన్మకొండ ప్రెస్ క్లబ్ సమీపంలో నిర్మించనున్న టీఆర్ఎస్ అర్బన్ జిల్లా పార్టీ కార్యాలయ భవనానికి శంకుస్ధాపన చేస్తారు. ఈస్ధలానికి పార్టీ 30 లక్షల రూపాయలు సహాయం అందిస్తుండగా, నామినల్ ధర ప్రభుత్వానికి చెల్లించి ఇప్పటికే స్ధలాన్ని స్వాధీనం చేసుకున్నారు.  అనంతరం అదే సభాస్ధలి నుంచి వరంగల్‌ తూర్పు, పశ్చిమ, వర్ధన్నపేట, పరకాల, నర్సంపేట నియోజకవర్గాల కార్యకర్తల ఉమ్మడి సమావేశంలో పాల్గోంటారు. రెండు సభల్లోనూ కేటీఆర్ ....త్వరలో జరగబోయే పంచాయతీ, పార్లమెంట్ ఎన్నికల్లో విజయం సాధించేందుకు కార్యకర్తలకు దిశానిర్ధేశం చేయనున్నారు. 

11:14 - December 18, 2018

ఢిల్లీ : పార్లమెంట్ ఎన్నికలు సమీపిస్తున్న క్రమంలో జాతీయ స్థాయిలో రాజకీయ సమీకరణలు మారుతున్నాయి.బీజేపీ యేతర ఫంట్ అంటున్న కొందరు నేతలు సరికొత్త ఫ్రంట్ కు తెర తీస్తున్నట్లుగా రాజకీయ సమీకరణల్లో మార్పులొస్తున్నాయి. ఈ మార్పులకు జాతీయ  కాంగ్రెస్ అధినేత రాహుల్ గాంధీనే కీలకంగా మారబోతున్నట్లుగా తెలుస్తోంది.
ఫిబ్రవరి 15 తరువాత ఎన్నికల నోటిఫికేషన్..
పార్లమెంట్ ఎన్నికలు సమీపిస్తున్నాయి..అనుకున్నది అనుకున్నట్లుగా జరిగితే పార్లమెంట్ ఎన్నికలతో పాటు మరికొన్ని రాష్ట్రాలలో అసెంబ్లీ ఎన్నికలు  కూడా ఏప్రిల్ రెండో వారంలో జరగనున్నాయి. దీంతో ఫిబ్రవరి 15 తరువాత ఏ క్షణంలోనైనా ఎన్నికల నోటిఫికేషన్ ప్రకటించేలా ఎన్నికల సంఘం సంకేతాలిస్తోంది. దీంతో పార్లమెంట్ ఎన్నికలకు తెరమీదికి సరికొత్త ఫ్రంట్ రానుంది. 
ఈ ఫ్రంట్ లో ఎవరెవరు వుంటారు? ఏఏ పార్టీలు భాగస్వామ్యం కానున్నాయి? అనే ప్రశ్నలు తలెత్తున్న క్రమంలో కొత్త కదలికలు..ప్రతిపాదనలు తెరపైకి వస్తున్నాయి. ఇప్పటికే బీజేపీ యేతర ఫ్రంట్ కోసం అటు ఏపీ సీఎం చంద్రబాబు పలు రాష్ట్రాల సీఎంలతోను..పార్టీల అధినేతలతోను భేటీ అయిన పలు అంశాలపై చర్చలు కూడా కొనసాగిస్తున్నారు. దీని కోసం ఇప్పటికే చంద్రబాబు తృణముల్ కాంగ్రెైస్ అధినేత..పశ్చిమ బెంగాల్ సీఎం మమతా బెనర్జీ..డీఎంకే పార్టీ అధినేత స్టాలిన్ వంటి అధినేతలతో భేటీ అయిన విషయం తెలిసిందే. 
పార్టీ వర్కింగ్ ప్రెసిడెంట్ గా కేటీఆర్ బాధ్యతలు..
మరోపక్క తెలంగాణ సీఎం కేసీఆర్ కూడా రాష్ట్ర బాధ్యతలను కుమారుడు..సిరిసిల్ల ఎమ్మెల్యే కేటీఆర్ కు బాధ్యతలను అప్పగించి జాతీయ రాజీయాలపై దృష్టి పెట్టిన క్రమంలో టీఆర్ఎస్, టీఎంసీ, బిజూ జనతాదళ్, ఎస్పీ,బీఎస్పీ,ఏపీ పార్టీ అయిన వైసీపీ జట్టు కట్టే అవకాశాలు కనపిస్తున్నాయి. 
ప్రధాని అభ్యర్థి ఎవరు?..
కాగా అటు చంద్రబాబు, ఇటు కేసీఆర్ థర్డ్ ఫ్రంట్ అని..ఫెడరల్ ఫ్రంట్ అని భేటీలు కొనసాగుతున్నా..ఈ ఫ్రంట్ లకు సంబంధించి ప్రధాని అభ్యర్థుల విషయంపై ఇప్పటి వరకూ చర్చించలేదు ఈ సోకార్డ్ పార్టీల నేతలు. కాగా డీఎంకే అధినేత స్టాలిన్ ప్రధాని అభ్యర్థిపై స్పందిస్తు కాంగ్రెస్ అధ్యక్షుడు రాహుల్ గాంధీనే ప్రకటిస్తున్నానని కొన్ని రోజుల క్రితం ప్రటించి కొత్త చర్చకు తెర లేపారు. మరోపక్క ఏపీ సీఎం చంద్రబాబు కూడా రాహుల్ గాంధీనే ప్రధాని అభ్యర్థుల్లో ఒకరని ప్రకటించారు. కాగా కూటమిలో భాగస్వామ్యం అవుతాటమంటున్న అఖిలేశ్ యాదవ్, మమతా బెనర్జీ, మాయావతి వంటి దిగ్గజాలు మాత్రం రాహుల్ గాంధీ ప్రధాని అభ్యర్థిత్వాన్ని వ్యతిరేకిస్తున్నట్లుగా తెలుస్తోంది. 
 ఈ క్రమంలో వీరిద్దరి నిర్ణయాన్నే కూటమి నిర్ణయంగా ఖాయమవుతుందా? లేదా ప్రధాని అభ్యర్థి విషయంలో అభిప్రాయాలు మారనున్నాయా? అనే విషయం తేలాల్సి వుంది. ఈ విషయంపై క్లారిటీ రావాలంటే ఈ ఫ్రంట్ ను ఖరారు కావాలి..అధికారంగా ప్రకటించాలి..ఇవన్నీ పూర్తి అయిన తరువాత భావి ప్రధాని అభ్యర్థి విషయం తేలనుంది. 

19:16 - December 17, 2018

హైదరాబాద్ : టీఆర్ఎస్ వర్కింగ్ ప్రెసిడెంట్‌గా పదవీ బాధ్యతలు చేపట్టిన కేటీఆర్..అప్పుడే పనిలో పడిపోయారు. పార్టీని మరింత ఇనుమడింప చేయడం...కార్యకర్తలకు..నేతలకు దిశా..నిర్దేశం చేయాలని డిసైడ్ అయిపోయారు. డిసెంబర్ 17వ తేదీన కేటీఆర్..వర్కింగ్ ప్రెసిడెంట్‌గా బాధ్యతలు చేపట్టారు. తెలంగాణ భవన్ మొత్తం గులాబీ మయం అయిపోయింది. ఈ సందర్భంగా కేటీఆర్..టీఆర్ఎస్..కు కొత్త అర్థం చెప్పారు. ‘తిరుగులేని రాజకీయ శక్తి’గా మారుస్తానని ప్రకటించారు. 
డిసెంబర్ 20న వరంగల్‌కు...
ఇదిలా ఉంటే జిల్లాల పర్యటనకు కేటీఆర్ శ్రీకారం చుట్టనున్నారు. డిసెంబర్ 20వ తేదీన వరంగల్ జిల్లాకు వెళ్లనున్నారు. కార్యనిర్వాహక అధ్యక్షుడి హోదాలో తొలిసారి వరంగల్ జిల్లాకు విచ్చేయనున్నారు. ఇక్కడ టీఆర్ఎస్ పార్టీ కార్యాలయానికి శంకుస్థాపన...ఉమ్మడి వరంగల్ జిల్లా ఎమ్మెల్సీ, ఎమ్మెల్యేలు, ఛైర్మన్‌లతో కేటీఆర్ భేటీ కానున్నారు. పంచాయతీ, పార్లమెంట్ ఎన్నికలపై ప్రజాప్రతినిధులకు దిశా..నిర్దేశం చేయనున్నారు. వరంగల్‌లో పది స్థానాల్లో విజయం సాధించిన గులాబీ దళం కేవలం...రెండు స్థానాల్లో పరాజయం చెందింది. పంచాయతీ ఎన్నికలు..లోక్ సభ ఎన్నికల నేపథ్యంలో ఆయన జిల్లాల పర్యటన చేయనున్నట్లు తెలుస్తోంది. 

16:02 - December 17, 2018

హైదరాబాద్ : ఎంత జాగ్రత్తగా వున్నా కొన్ని తప్పులు దొర్లుతుంటాయి. సోషల్ మీడియాలో ఈ తప్పులు వస్తే..ఏం చేస్తాం? సవరించుకునేందుకు వీలు లేకపోతే? సోషల్ మీడియా యాప్స్ వాట్సాప్, ట్విట్టర్ వంటి షోషల్ మీడియా మాధ్యమాలలో పొరపాటున గానీ...మిస్టేక్స్ వస్తే..ఒక్కసారి మెసేజ్ పోస్ట్ అయ్యింది అంటే..దాంట్లో మిస్టేక్స్ వస్తే? ఏం చేస్తాం? అదే చేసారు టీఆర్ఎస్ ఎంపీ కవిత. ఎంపీ కవిత పెట్టిన ఓ పోస్ట్ లో మిస్టేక్ వచ్చింది. దీంతో ట్విట్టర్ విన్నపాన్ని పెట్టుకున్నారు కవిత.
బీడబ్ల్యూఎఫ్ వరల్డ్ టోర్నీలో పీవీ సింధు విజేతగా నిలిచిన విషయం తెలిసిందే. ఈ సందర్భంగా సింధూకి కవిత శుభాకాంక్షలు తెలిపారు. తన ట్వీట్ లో 'బీడబ్ల్యూఎఫ్ వరల్డ్ ఫైనల్స్ లో స్వర్ణం దక్కించుకున్న ఫస్ట్ ఇండియా అయినందుకు శుభాకాంక్షలు' అని తెలిపారు. ఆ తర్వాత తన తప్పును ఆమె సవరించుకున్నారు. 'ప్లీజ్.. నా తప్పును సవరించు ట్విట్టర్. ఫస్ట్ ఇండియాను ఫస్ట్ ఇండియన్ గా మార్చు' అంటూ మరో ట్వీట్ చేశారు. కవిత చేసిన ఈ ట్వీట్ నెటిజన్లను ఆకర్షిస్తోంది.
 

14:38 - December 17, 2018

ఢిల్లీ : నూత రాష్ట్రంగా ఏర్పడిన తెలంగాణ రాష్ట్ర విభజన హామీలను నెరవేరాలని ప్రధాని నరేంద్రమోదీ ప్రభుత్వాన్ని పార్లమెంట్ లో నిలదీస్తామని టీఆర్ఎస్ ఎంపీ జితేందర్ రెడ్డి తెలిపారు. మోదీ ప్రభుత్వం మాటలతో కాలక్షేపం చేస్తు తెలంగాణ రాష్ట్రానికి రావాల్సిన నిధుల విషయంలో మోదీ ప్రభుత్వాన్ని నిలదీస్తామని ఎంపీ జితేందర్ రెడ్డి పేర్కొన్నారు. దీని కోసం కేంద్ర మంత్రులను కలిసి హామీలు అమలు చేయాలని కోరతామన్నారు. మోదీ పాలనలో దేశంలో విపత్తు కొనసాగుతోందని..కేసీఆర్‌ హయాంలో తెలంగాణ రాష్ట్రంలో 29.9 శాతం వృద్ధి నమోదైందని గుర్తు చేశారు. టీఆర్‌ఎస్‌ ప్రభుత్వం అమలు చేసిన సంక్షేమ పథకాలే తిరిగి టీఆర్ఎస్ కు అధికారాన్ని ఇచ్చాయని టీఆర్ఎస్ ఎంపీ జితేందర్ రెడ్డి అన్నారు. 
 

 

10:59 - December 17, 2018

హైదరాబాద్: తెలంగాణ భవన్‌లో కోలాహలం. టీఆర్ఎస్ నాయకులు, కార్యకర్తల్లో ఉత్సాహం. టీఆర్ఎస్ వర్కింగ్ ప్రెసిడెంట్‌గా నియమితులైన కేటీఆర్‌.. 2018, డిసెంబర్ 17వ తేదీన ఉదయం 11.56 గంటలకు బాధ్యతలు స్వీకరించనున్నారు. ఈ మేరకు తెలంగాణ భవన్‌లో ఏర్పాట్లు చేశారు. ఈ కార్యక్రమానికి మంత్రులు, ఎమ్మెల్యేలు, ఎమ్మెల్సీలు, కార్పొరేటర్లు, కార్పొరేషన్ల చైర్మన్లతోపాటు పెద్దఎత్తున టీఆర్‌ఎస్‌ నేతలు రానున్నారు. నగరంతోపాటు జిల్లాల నుంచి కార్యకర్తలు భారీ సంఖ్యలో వచ్చే అవకాశం ఉందని పార్టీ వర్గాలు భావిస్తున్నాయి. సుమారు 20వేల మంది వరకు రావొచ్చని అంచనా వేస్తున్నారు.
ర్యాలీగా తెలంగాణ భవన్‌కు:
బసవతారకం కేన్సర్‌ ఆస్పత్రి సమీపంలోని రౌండ్‌ టేబుల్‌ స్కూల్‌ నుంచి కేటీఆర్‌ ర్యాలీగా తెలంగాణ భవన్‌కు చేరుకుంటారు. అక్కడి ప్రధాన గేటు వద్దే కార్యకర్తలను ఉద్దేశించి మాట్లాడతారు. కేటీఆర్ ర్యాలీ కారణంగా తెలంగాణ భవన్‌కు వచ్చే వాహనాలను దారి మళ్లించనున్నారు. రోడ్‌ నంబర్‌ 10 నుంచి వచ్చే వాహనాలను బసవతారకం కేన్సర్‌ ఆసుపత్రి మీదుగా ఎన్టీఆర్‌ ట్రస్ట్‌ భవన్‌ వైపు, రోడ్‌ నంబర్‌ 12 నుంచి వచ్చే వాహనాలను జర్నలిస్టు కాలనీ మీదుగా మళ్లించనున్నారు. తెలంగాణ భవన్‌కు వచ్చే రోడ్డును దాదాపు గంటన్నరపాటు మూసి వేస్తారు.
జాతీయ రాజకీయాలపై కేసీఆర్ ఫోకస్:
ముఖ్యమంత్రిగా కేసీఆర్ రెండో సారి ప్రమాణస్వీకారం చేసిన తర్వాత కేటీఆర్‌ను వర్కింగ్ ప్రెసిడెంట్‌గా నియమిస్తూ కీలక నిర్ణయం తీసుకున్నారు. జాతీయ రాజకీయాలపై ఫోకస్ చేస్తానని చెప్పిన కేసీఆర్ అందులో భాగంగా కేటీఆర్‌కు పార్టీ పగ్గాలు అప్పగించారు. ఇక ఫుల్ టైమ్ జాతీయ రాజకీయాలపై కేసీఆర్ దృష్టి పెట్టనున్నారు. టీఆర్ఎస్ వ్యవహారాలన్ని కేటీఆర్ చూసుకుంటారు. ప్రతి రోజు తెలంగాణ భవన్‌కు వస్తానని, పార్టీ శ్రేణులకు అందుబాటులో ఉంటానని కేటీఆర్ ఇదివరకే చెప్పిన సంగతి తెలిసిందే. టీఆర్ఎస్ వర్కింగ్ ప్రెసిడెంట్‌గా కేటీఆర్‌ను నియమించడం పార్టీ శ్రేణుల్లో ఆనందం నింపింది.

09:01 - December 17, 2018

హైదరాబాద్: పంచాయతీ ఎన్నికల్లో రిజర్వేషన్లపై తెలంగాణ ప్రభుత్వం కీలక నిర్ణయం తీసుకుంది. రిజర్వేషన్లు 50 శాతంగా ఖరారు చేసింది. ఎస్సీ, ఎస్టీ, బీసీ వర్గాలను కలుపుకుని మొత్తంగా 50శాతం రిజర్వేషన్లు అమలు చేయాలని నిర్ణయించింది. దీనికి అనుగుణంగా పంచాయతీరాజ్ చట్టానికి సవరణ చేస్తూ ప్రభుత్వం ఆర్డినెన్స్ తీసుకొచ్చింది. సుప్రీంకోర్టు ఆదేశాల మేరకు రిజర్వేషన్ల పరిమితి మించకుండా ప్రభుత్వం చర్యలు తీసుకుంది.
64శాతం రిజర్వేషన్లపై అభ్యంతరం:
పెరిగిన బీసీ జనాభాకు అనుగుణంగా రిజర్వేషన్లు పెంచాలని ప్రభుత్వం గతంలో భావించింది. 64శాతం రిజర్వేషన్లు అమలు చేయాలని నిర్ణయించింది. అయితే దీనిపై న్యాయస్థానాల్లో పిటిషన్లు దాఖలు కావడంతో.. ఎన్నికలు వాయిదాపడుతూ వచ్చాయి. రిజర్వేషన్లు 50శాతానికి మించకూడదని న్యాయస్థానాలు స్పష్టం చేయడంతో.. అందుకు తగినట్టే చట్టసవరణ చేసింది ప్రభుత్వం. అన్ని స్థానిక సంస్థల ఎన్నికల్లో ఎస్సీ, ఎస్టీ, బీసీల రిజర్వేషన్లు 50 శాతంగా ఉండేలా చట్టసవరణ చేస్తూ ఆర్డినెన్స్ తీసుకొచ్చింది.
సుప్రీంకోర్టు ఆదేశాల మేరకు:
జనవరి 10లోగా పంచాయతీ ఎన్నికలు జరపాలని హైకోర్టు ఆదేశాలిచ్చిన విషయం తెలిసిందే. సుప్రీంతీర్పు ప్రకారం 50శాతం వరకు రిజర్వేషన్లు చేయాల్సి ఉండటంతో రాష్ట్రంలో చట్ట సవరణకు నిర్ణయం తీసుకున్నారు. గ్రామాల అభివృద్ధిని దృష్టిలో పెట్టుకుని సుప్రీం తీర్పును గౌరవిస్తూ ఆర్డినెన్స్ జారీచేశారు. ప్రస్తుతం రాష్ట్రంలో 1,326 ఏజెన్సీ గ్రామాలు, 1,308 గ్రామాలు 100 శాతం ఎస్టీలున్నవి ఉన్నాయి. వాటిని మినహాయించి మైదాన పంచాయతీల్లో 5.73 శాతం ఎస్టీలకు, 20.46 శాతం ఎస్సీలకు, మిగిలింది బీసీలకు కేటాయించనున్నారు.
పంచాయతీరాజ్‌ చట్టంలో బీసీల రిజర్వేషన్లు 34శాతానికి తగ్గకుండా అని పేర్కొని ఉంది. దీంతో చట్ట సవరణ అనివార్యమైంది. ఈ మేరకు ఆర్డినెన్స్‌ తెచ్చారు. దీంతో ఎస్సీ, ఎస్టీలకు జనాభా దామాషా మేరకు రిజర్వేషన్లు అమలు చేయనున్నారు. 50 సీట్లలో ఎస్సీ, ఎస్టీలకు మినహా మిగిలిన సీట్లను బీసీలకు కేటాయించనున్నారు. బీసీలకు 34శాతానికి తగ్గకుండా రిజర్వేషన్లను అమలు చేస్తామంటూ పంచాయతీరాజ్‌ చట్టంలో పేర్కొన్న నిబంధనను సవరించేందుకు ఆర్డినెన్స్‌ ద్వారా ప్రత్యేక క్లాజును రూపొందించారు.
27న పంచాతీయరాజ్ అవగాహన సదస్సు:
పంచాయతీ ఎన్నికల నిర్వహణపై ఉన్నతాధికారులతో సమీక్ష నిర్వహించిన ముఖ్యమంత్రి కేసీఆర్ ఎలాంటి అవాంఛనీయ ఘటనలు జరగకుండా ఎన్నికలు నిర్వహించాలని సూచించారు. కొత్తగా ఏర్పడిన పంచాయతీలకు వెంటనే కార్యదర్శులను నియమించాలని ఆదేశించారు. 2018, డిసెంబర్ 27న ఎల్బీ స్టేడియంలో పంచాయతీరాజ్ అవగాహన సదస్సు నిర్వహించనున్నారు. ఇప్పుడున్న 9355 గ్రామకార్యదర్శులతో పాటు కొత్తగా నియమితులయ్యేవారితో కలిపి మొత్తం 12751 గ్రామ కార్యదర్శులు, ఎంపీడీఓలు, ఇవోపిఆర్డిలు, డిపిఓలు, డిఎల్పీఓలు ఈ సదస్సులో పాల్గొనాలని ఆదేశించారు. గ్రామాల అభివృద్ధిపై తీసుకోవాల్సిన చర్యలపై ముఖ్యమంత్రి కేసీఆర్ సూచనలు చేయనున్నారు.

07:39 - December 17, 2018

శ్రీకాకుళం: ముఖ్యమంత్రి చంద్రబాబు నాయుడు రాజకీయాలను భ్రష్టుపట్టిస్తున్నారని వైసీపీ అధినేత జగన్ మోహన్ రెడ్డి మండిపడ్డారు. అనైతిక పొత్తులు పెట్టుకోవడంలో, అనైతిక రాజకీయాలు చేయడంలో చంద్రబాబు దిట్ట అని విమర్శించారు. నందమూరి హరికృష్ణ మృతదేహం పక్కనే పెట్టుకుని టీఆర్ఎస్‌తో చంద్రబాబు పొత్తుకు ప్రయత్నించడం దారుణం అన్నారు. టీఆర్ఎస్‌తో టీడీపీ పొత్తును కేటీఆర్ వ్యతిరేకించడంతోనే.. చంద్రబాబు సిగ్గు లేకుండా కాంగ్రెస్‌తో సీట్ల సర్దుబాటు చేసుకున్నారని ధ్వజమెత్తారు. శ్రీకాకుళం జిల్లాలో ప్రజా సంకల్ప యాత్రలో భాగంగా నరసన్నపేట బహిరగం సభలో జగన్ మాట్లాడారు. చంద్రబాబు తీరుపై తీవ్ర ఆగ్రహం వ్యక్తం చేశారు. చంద్రబాబు ఊసరవెల్లి రాజకీయాలు చేస్తున్నారని మండిపడ్డారు.

21:27 - December 16, 2018

హైదరాబాద్: ఇటీవల జరిగిన శాసనసభ ఎన్నికల్లో  ఖమ్మంజిల్లా సత్తుపల్లి నియోజక వర్గంనుంచి పోటీచేసి ఓడిపోయిన అధికార టీఆర్ఎస్ పార్టీ అభ్యర్ధి పిడమర్తిరవి వివాదాస్పద వ్యాఖ్యలు చేశారు. సత్తుపల్లిలో ఓడిపోయినా తానే ఎమ్మెల్యేనని, ఇక నుంచి ఏ పనులు కావని, సత్తుపల్లిలో ఏ పని జరగాలన్న తన ద్వారానే అవుతాయని,  స్పష్టం చేశారు. 
తెలంగాణా ఉద్యమ సమయంలో ఓయూ విద్యార్ధి నాయకుడుగా ఉన్న రవి  అప్పట్లో సంక్రాంతికి ఆంధ్రాకు వెళ్ళిన  పెట్టుబడి దారులు తెలంగాణాకు తిరిగి రావద్దని చేసిన వ్యాఖ్యలు సంచలనం రేపాయి. రాష్ట్రం ఏర్పడి టీఆర్ఎస్ ప్రభుత్వం అధికారంలోకి వచ్చాక రవి టీఆర్ఎస్ పార్టీలో చేరారు. మొదటిసారి తెలంగాణ ప్రభుత్వం ఏర్పడిన తర్వాత ఎస్సీ కార్పొరేషన్ చైర్మన్‌గా భాధ్యతలు నిర్వహించారు.ఇటీవలి ఎన్నికల్లో టీడీపీ అభ్యర్ధి సండ్ర వెంకట వీరయ్య చేతిలో ఓడిపోయారు. 

Pages

Don't Miss

Subscribe to RSS - trs