trs government

14:55 - October 23, 2017

ఖమ్మం : జిల్లా కలెక్టరేట్ కార్యాలయాన్ని తరలించవద్దంటూ జరుగుతున్న ఆందోళనలు ఉధృతమౌతున్నాయి. వెంకటాయపాలెంకు తరలించాలని ప్రభుత్వం నిర్ణయించిన సంగతి తెలిసిందే. దీనిని నిరిసిస్తూ వామపక్షాలు..ప్రజాసంఘాల ఆధ్వర్యంలో ఆందోళనలు నిర్వహించారు. కలెక్టరేట్ ధర్నా..సంతకాల సేకరణ..రౌండ్ టేబుల్ సమావేశాలు ఏర్పాటు చేస్తూ ప్రభుత్వంపై వత్తిడి పెంచేందుకు ప్రయత్నిస్తున్నారు. ఎంతో అనుకూలంగా ఉన్న ఈ కలెక్టరేట్ ను తరలించవద్దని కోరుతున్నారు. మరింత సమాచారం కోసం వీడియో క్లిక్ చేయండి. 

13:27 - October 23, 2017

హైదరాబాద్ : ఎంఆర్ వాక్సిన్‌ వేయడంలో తెలంగాణ రాష్ట్రం వంద శాతం సక్సెస్‌ అయిందన్నారు మంత్రి లక్ష్మారెడ్డి. హైదరాబాద్‌లో క్షయ వ్యాధి నిర్మూలనకు రోజు వారి మందులు పంపిణీ చేసే కార్యక్రమంలో ఆయన పాల్గొన్నారు. ఆరోగ్యం విషయంలో కేంద్రం ఇస్తున్న సూచనలను అమలు పరిచే భాద్యత మనందరిపైన ఉందని మంత్రి అన్నారు. 2023 వరకు తెలంగాణ రాష్ట్రంలో క్షయను పూర్తిగా నిర్మూలించే ప్రయత్నం చేయాలన్నారు. ఆరోగ్యానికి సంబంధించి ముఖ్యమంత్రి కేసీఆర్‌ అన్ని సౌకర్యాలు కల్పిస్తున్నారన్నారు. చెస్ట్‌ హాస్పిటల్‌లో రెండు మెడిసన్‌, రెండు సర్జన్‌ విభాగాలను త్వరలో తీసుకువస్తామని తెలిపారు.

11:55 - October 23, 2017

అనంతపురం : జిల్లా కరవుకు శాశ్వత చిరునామా. ఈ జిల్లాలో ఎప్పుడూ కరువు విలయతాండవం చేస్తూనే ఉంటుంది. వర్షాలు పడక, సాగునీరు అందక పంటలు పండవు. తాగడానికి నీరు దొరకక అనేక పల్లెలు అలమటిస్తుంటాయి. కానీ వీటన్నిటికి మొన్న కురిసిన కుండపోత వర్షం చెక్‌పెట్టింది. సాగు,తాగునీటి కష్టాలకు పరిష్కారం చూపింది. ఎడతెరపిలేకుండా కురిసిన వర్షాలతో జిల్లాలో ఎక్కడ చూసినా నీరే కనిపిస్తోంది. కొండలు, గుట్టలు, వ్యవసాయ పొలాలు, బీడు భూముల్లో పచ్చదనం పరుచుకుంది. జలాశయాలు, కుంటలు, వాగులు, కాలువలు, చెరువులు వర్షపునీటితో నిండుకుండలా కళకళలాడుతున్నాయి.

ఒక్కసారిగా పరిస్థితి మారిపోయింది
పది రోజులపాటు జిల్లాలో ఎడతెరపిలేకుండా వర్షాలు కురవడంతో పరిస్థితి ఒక్కసారిగా మారిపోయింది. గుక్కెడు నీటికోసం కిలోమీటర్లు నడిచిపోయే బాధ తప్పింది. ఆరుతడి పంటలసాగుకు సైతం నీరివ్వలేమని క్రాఫ్‌ హాలిడే ప్రకటించిన అధికారుల ప్రకటనలకు కాలం చెల్లిపోయింది. గత కొన్నేళ్లుగా తమ ప్రాంతానికి తాగునీటి కేటాయింపుల్లో తీరని అన్యాయం జరుగుతోందని, ఈసారి తమ ప్రాంతానికి తొలిదశలోనే నీటిని విడుదల చేయకపోతే తన పదవికి రాజీనామా చేస్తానంటూ అనంతపురం ఎంపీ జేసీ దివాకర్‌రెడ్డి సంచలన ప్రకటన చేశారు. ఆ వెనువెంటనే తమ ప్రాంతం నుంచే నీటిని విడుదల చేస్తూ తమకు నీరివ్వకపోతే తీవ్రంగా నష్టపోతామంటూ ప్రభుత్వవిఫ్‌ యామినిబాల ప్రత్యక్ష ఆందోళనకుదిగారు. తమ నియోజకవర్గానికి నీటిని తేలేని పరిస్థితుల్లో రైతుల నుంచి తీవ్ర వ్యతిరేకత తప్పదని గ్రహించిన సింగనమల ఎమ్మెల్యే యామినిబాల అధికారుపై యుద్ధమే ప్రకటించారు. మరోవైపు వారం రోజుల్లో నీరు విడుదల చేయకపోతే మూడు నియోజకవర్గాలకు తాగునీరు లేకుండాపోతుందని వెంటనే నీటిని విడుదల చేయాలని ధర్మవరం, కదిరి ఎమ్మెల్యేలు గోనుగుంట్ల సూర్యనారాయణ, అత్తార్‌ చాంద్‌ బాషా ప్రభుత్వంపై ఒత్తిడి పెంచారు.

నేతల రాజకీయాలు
తామేమి తక్కువకాదన్నట్టు సమాచారాశాఖ మంత్రి కాల్వ శ్రీనివాసులు సైతం రాయదుర్గం నియోజకవర్గానికి నీటిని విడుదల చేయాలంటూ అధికారులపై ఒత్తిడి తీసుకువచ్చారు. నీటికోసం పరిస్థితి పూర్తిగా అదుపుతప్పేలా కనిపించింది. ఈ సమయంలోనే వరుణుడు కరుణించాడు. కుండపోతగా వర్షం కురిపించాడు. తాగునీటి కష్టాలకు , వాటిపై నేతలు చేస్తున్న రాజకీయాలకు చెక్‌ పెట్టాడు. కుండపోతగా కురిసిన వర్షాలతో నీరు పుష్కలంగా ఉండడంతో రైతులు సంతోషం వ్యక్తం చేస్తున్నారు. ఉత్సాహంగా పంటలను సాగు చేసుకుంటున్నారు. మరోవైపు నీటికోసం పాట్లు పడనవసరం లేదని తెలుసుకున్న నేతలు.. నీటి విడుదల అంశాన్ని పూర్తిగా అధికారులకే అప్పగించారు. ప్రాజెక్టుల్లో పెద్ద ఎత్తున నీరు వచ్చి చేరడంతో సమతుల్యత పాటించి నీటిని విడుదల చేయాలని నేతలు కోరుతున్నారు.

07:54 - October 23, 2017

ప్రధాని సమర్ధించుకోవడం తప్ప ఏమి చేయలేరని, జీఎస్టీ సవరించాలని గుజరాత్ లో అన్నారని, జీఎస్టీ ఒక్కడిని తీసుకున్న నిర్ణయం కదని తెలిపారని, గుజరాత్ ఎన్నికలకు తేదీని ప్రకటించకుండా ఇప్పుడు పర్యటనలు చేస్తున్నారని ప్రముఖ విశ్లేషకులు తెలకపల్లి రవి అన్నారు. నరేంద్ర మోడీ గారు పేద ప్రజల కోసం అనేక నిర్ణయాలు తీసుకున్నారని, ఈ రోజు మూడు నాలుగు నెలలకు ఫలితం రాదని బీజేపీ నేత ప్రేమేందర్ రెడ్డి అన్నారు. ప్రభుత్వం వచ్చి 38నెలలు అయిందని, సీఎం గురించి మనకు తెలియంది ఏమి లేదని టీడీపీ నేత దుర్గాప్రసాద్ అన్నారు. 2019 వరకు ఇంటింటి నీరు ఇవ్వకపోతే ఎన్నికలకు వెళ్లమని చెప్పిన దమ్మున్న పార్టీ టీఆర్ఎస్ అని టీఆర్ఎస్ నేత ఎర్రోళ్ల శ్రీనివాస్ అన్నారు. ఎన్నికలు ఎప్పుడు పెట్టిన మేం సిద్ధమని, ఎన్నికలు పార్లమెంట్, అసెంబ్లీలకు ఎలా జరుగుతయే అదేవిధంగా గ్రామపంచాయితీలకు ఎన్నికలు జరపాలని కాంగ్రెస్ నేత మల్లు రవి అన్నారు. పూర్తి వివరాలకు వీడియో చూడండి.

07:53 - October 23, 2017

తొమ్మిది మంది సభ్యులు, 154 రోజులు, 4200 కిలో మీటర్లు, 31 జిల్లాలు, 1520 గ్రామాలు....మహా జన పాదయాత్ర సాగిన క్రమమిది. సామాజిక న్యాయం -సమగ్రాభివృద్ధి అజెండాతో సాగిన మహాజన పాదయాత్ర కొత్తగా ఏర్పడిన తెలంగాణ రాష్ట్రంలో కీలక పాత్ర పోషించిందని చెప్పకతప్పదు. ఆ పాదయత్ర ముగిసి ఏడాది గడిచిన సందర్భంగా నాటి పాదయాత్ర విశేషాలు.. అది తెర మీదకి తీసుకువచ్చిన సమస్యలు, సాధించిన విజయాలపై జనపథం.మహాజనపాదయాత్ర సామాజిక న్యాయం కోసం, భారత దేశంలో స్వాతంత్రం వచ్చిన కూడా మనువాదం కొనసాగుతోందని, వీటి పట్ల అనేక సంఘాలు పోరాటలు చేస్తున్న సమస్యల పరిష్కారం దిశగా పోరాటలు చయలేకపోయాయని కేబీపీఎస్ నాయకులు జాన్ వెస్లీ అన్నారు. పూర్తి వివరాలకు వీడియో చూడండి.

19:26 - October 22, 2017

మహబూబ్ నగర్ : చంద్రబాబు విదేశీ పర్యటన తర్వాతే ఎలాంటి నిర్ణయమైనా తీసుకుంటానని రేవంత్‌ రెడ్డి స్పష్టం చేశారు. వికారాబాద్‌ కొడంగల్‌ నియోజక వర్గ కేంద్రంలోని ఎమ్మెల్యే క్యాంపు కార్యాలయంలో ఆయన మాట్లాడారు. రాబోయే ఎన్నికల్లో కొడంగల్‌ నుండి పోటీ చేస్తానన్నారు. చంద్రబాబుతో భేటీలో తీసుకునే నిర్ణయం మేరకు నడుచుంటానన్నారు రేవంత్ రెడ్డి. 

16:35 - October 22, 2017

హైదరాబాద్ : రేషన్ షాపులను రద్దు చేసిన నగదు బదిలీ పథకాన్ని ప్రవేశ పెట్టాలన్న టీఆర్ఎస్ ప్రభుత్వ ఆలోచనను టి.టిడిపి నేత రావుల తప్పుబట్టారు. ప్రపంచ వ్యాప్తంగా ఆహార సబ్సిడీ పెరుగుతున్న రోజుల్లో రాష్ట్రంలో దీనిని తొలగించాలనడం సరికాదన్నారు. పౌరసరఫరాలో లోపాలున్నాయని పేర్కొంటూ రేషన్ షాపులను రద్దు చేయడం కరెక్టు కాదన్నారు. లోపాలుంటే సరిచేయాలి కానీ వ్యవస్థనే రద్దు చేస్తారా ? అని ప్రశ్నించారు. 

16:09 - October 22, 2017

హైదరాబాద్ : టి.టిడిపిలో జరుగుతున్న రాజకీయ పరిణామాలపై ఆ పార్టీ జాతీయ అధ్యక్షుడు, ఏపీ సీఎం చంద్రబాబు నాయుడు స్పందించారు. దుబాయిలో పర్యటిస్తున్న ఆయన ఇక్కడి నేతలతో టెలిఫోన్ లో మాట్లాడారు. ఎల్.రమణతో ప్రత్యేకంగా మాట్లాడారు. క్రమశిక్షణను ఉల్లంఘిస్తే సహించేది లేదని తేల్చిచెప్పారు. రేవంత్ రెడ్డి వ్యవహార శైలిని బాబు దృష్టికి రమణ తీసుకెళ్లినట్లు తెలుస్తోంది. గత నాలుగు రోజులుగా జరుగుతున్న పరిణామాలతో పార్టీలో గందరగోళ పరిస్థితులు నెలకొనడం..బాబు ఫోన్ తో టి.టిడిపి సీనియర్ నేతలు అప్రమత్తమయ్యారు. వెంటనే ఎల్. రమణ అత్యవసరంగా సమావేశమయ్యారు. బాబుతో జరిపిన సంభాషణలు..చర్చల సారాంశాన్ని ఇతర నేతలతో తెలిపేందుకు ఎల్.రమణ ఈ సమావేశాన్ని ఏర్పాటు చేసినట్లు సమాచారం. 24వ తేదీన జరిగే రాష్ట్ర సమావేశంలో బాబు దిశా..దశ నిర్ధేశం చేస్తారని..అందరూ ధైర్యంగా ఉండాలని రమణ సూచిస్తున్నట్లు తెలుస్తోంది. మరి రేవంత్ రెడ్డి వ్యవహారం ఇంకా ఎలాంటి మలుపులు తిరుగుతుందో చూడాలి. 

12:01 - October 22, 2017

సిద్దిపేట : మల్లన్నసాగర్ ప్రాజెక్టు నిర్మాణానికి వ్యతిరేకంగా 500 రోజులకుపైగా రీలే దీక్షలతో వేములఘాట్‌ వాసులు పోరాడుతున్నారు. ప్రభుత్వ నిర్ణయాన్ని సవాల్‌ చేస్తూ వేములఘాట్‌ గ్రామస్తులు హైకోర్టును ఆశ్రయించడంతో.. అధికారులు గ్రామసభ నిర్వహించారు. పూర్తి వివరాలకు వీడియో క్లిక్ చేయండి.

08:33 - October 22, 2017

హైదరాబాద్ : టీఆర్‌ఎస్ ప్రభుత్వానికి పరిపాలనపై ఎటువంటి అవగాహన లేదని ఎమ్మెల్యే చింతల రామచంద్రారెడ్డి విమర్శించారు. హైదరాబాద్‌లో ఎటు చూసినా సమస్యలే కనిపిస్తుంటే ప్రభుత్వం వాటిని పరిష్కరించే దిశగా ప్రణాళిక రూపొందించట్లేదని ఆరోపించారు. GHMCలో వేలకోట్ల ఆదాయం ఉన్నా ప్రభుత్వం నిమ్మకు నీరెత్తినట్లు ఉందన్నారాయన. సేవ్ హైదరాబాద్‌ పేరుతో బీజేపీ నిర్వహించిన కార్యక్రమంలో చింతల రామచంద్రారెడ్డితో పాటు పలువురు బీజేపీ నేతలు పాల్గొన్నారు. 

Pages

Don't Miss

Subscribe to RSS - trs government