TRS Government Development

22:00 - June 9, 2018

ఇఫ్తార్ దావతు మాలయ ముస్లీంలు..దశాబ్దాలుగా ముస్లింలకు మోసమే, బారాపర్సెంట్ రిజర్వేషనేదంటున్న ఉత్తం..మీరు ఎన్ని సీట్లిచ్చిండ్రయ్యా నాలుగేగా ??, నీరుగారి పోతున్నటీడీపీ నిర్మాణ దీక్షలు..బాబు ప్రసంగాన్ని ఎక్కిరిస్తున్న కుర్చీలు, జనంలకు వోలేకపోతున్న జన సమితి పార్టీ..దూకుడు వెంచకుంటే కష్టమే అంటున్నరు, ఆర్మూరు నియోజకవర్గంలో బీసీల గోస.. ఓట్లు బీసీలయి.. సీట్లు మాత్రం ఓసీలయి, తెల్గు రాష్ట్రాలను పల్కరిస్తున్న తొలకరి.. ఈసారి బాగ వానలు వడ్తయంటున్నరు.. ఈ అంశాలపై మల్లన్నముచ్చట్లను వీడియోలో చూద్దాం.. 

15:25 - June 7, 2018

కామారెడ్డి : రాష్ట్ర ప్రభుత్వం అమలు చేస్తున్న రైతుబంధు పథకం అన్నదాతలందరికీ అందడంలేదని సీపీఎం తెలంగాణ కార్యదర్శి తమ్మినేని వీరభద్రం విమర్శించారు. కౌలు, పోడు రైతులకు ఈ పథకాన్ని వర్తింపచేయకపోవడాన్ని తమ్మినేని తప్పుపట్టారు. కామారెడ్డి జిల్లా జుక్కల్‌ మండలంలోని 15 గ్రామాలకు చెందిన వేలాది మంది రైతులకు ఈ పథకం కింద సాయం అందలేదు. దీనిని నిరసిస్తూ సీపీఎం పాదయాత్ర నిర్వహించింది. దీనిపై మరింత సమాచారాన్ని వీడియోలో చూద్దాం... 

15:22 - June 7, 2018

హైదరాబాద్ : ఉపాధ్యాయ బదిలీలపై వెబ్‌సైట్‌ను మంత్రి కడియం ప్రారంభించారు. 2018..19 విద్యా సంవత్సరంలో 475 కస్తూరిబా గాంధీ బాలికల విద్యాలయాల్లో 84 విద్యాలయాలను జూనియర్‌ కళాశాలలుగా మార్చబోతున్నామని తెలంగాణ విద్యాశాఖ మంత్రి కడియం శ్రీహరి అన్నారు. ప్రతి జిల్లాకి మూడు కేజీబీవీలను జూనియర్‌ కళాశాలలుగా అప్‌గ్రేడ్ చేశామని.. వాటికి ఇవాళ నోటిఫికేషన్‌ ఇచ్చామనిన్నారు. ఈ సంవత్సరం నుంచి గురుకుల పాఠశాలతో పాటు మోడల్‌ స్కూల్స్‌, కేజీబీవీ, జెడ్ పీహెచ్ ఎస్, గవర్నమెంట్‌, ఎయిడెడ్‌ పాఠశాలల్లో చదువుతున్న బాలికలకు.. 12 మాసాల పాటు హెల్త్‌ అండ్‌ హైజిన్‌ కిట్స్‌ను ఇవ్వనున్నట్లు కడియం తెలిపారు.  

15:10 - June 7, 2018

హైదరాబాద్ : చింతల్‌ కుంట అండర్‌పాస్‌ పనుల్లో నాణ్యత లోపం బయట పడింది. రాత్రి కురిసిన రెండు సెంటిమీటర్ల వర్షాపాతాలనికే అండర్‌ పాస్‌లో భారీగా నీరు నిలిచిపోయాయి. దీంతో అధికారులు మోటర్లు పెట్టి నీటిని బయటకు పంప్‌ చేస్తున్నారు.  ప్రాజెక్టు పూర్తి స్థాయిలో నిర్మాణం పట్టిష్టం కాకుండానే ట్రాఫిక్‌ వలదలడంతో రోడ్డు కుంగిపోయిందని అధికారులు చెప్తున్నారు.  20 కోట్లతో నిర్మించిన ఈ ప్రాజెటక్ట్‌ను రెండు నెలల క్రితం మంత్రి కేటీఆర్‌ ప్రారంభిచారు. 

20:28 - June 5, 2018

రైతు బీమా పత్కం ఎన్క కొన్ని నిజాలు..అక్కెరకొస్తదా..? జీవి దీస్తదా తెల్వదాయే, తెలంగాణ కాంగ్రెస్ల పుట్టిన రెడ్ల పంచాది..పదవుల కోసం మళ్లొక డ్రామాలెక్కుంది, పవన్ కళ్యాణ్ ఎందుకు తిడ్తుండో తెల్వది..తిట్టకపోతె మెచ్చుకుంటరా చంద్రాలు నిన్ను, ఆర్టీసీ సమ్మె అసలైన న్యాయం కోసమేనా?..టీఆర్ఎస్ సంఘం మీద కొందరి అనుమానం, అంబేద్కర్ను అవమానించిన చౌదరి గారు..అరెస్టు జేయాలని బహుజనుల డిమాండ్, ఐటీఐ సద్విండు తుపాకి తయ్యారు జేశిండు.. టెస్టు జేశిండని పోలీసోళ్లు అరెస్టు జేశిండ్రు..ఈ అంశాలపై మల్లన్నముచ్చట్లను వీడియోలో చూద్దాం... 

13:58 - June 1, 2018

హైదరాబాద్ : సార్వత్రిక ఎన్నికల్లో తమ బలం... బలగం నిరూపించుకునేందుకు తెలంగాణ జనసమితి సన్నద్ధం అవుతోంది. ఇందుకోసం జూన్‌లో జరిగే లోకల్‌బాడీ ఎన్నికలను ప్రతిష్టాత్మకంగా తీసుకుంటోంది. తమ పార్టీ బలాన్ని చూపించేందుకు ఆ పార్టీ సిద్ధం అవుతోంది. ఇప్పటికే క్యాడర్‌ను పెంచుకునే పనిలో బిజీబిజీగా ఉన్న జేఎస్‌పీ... పంచాయతీ ఎన్నికల్లో గెలుపుగుర్రాలను బరిలో నిలబెట్టి సత్తాచాటేందుకు రెడీ అవుతోంది. 

లోకల్‌బాడీ ఎన్నికలను తెలంగాణ జన సమితి పార్టీ ప్రతిష్టాత్మకంగా తీసుకుంటోంది. పంచాయతీ ఎన్నికల్లో తమ క్యాడర్‌ను నిలబెట్టేందుకు ప్రయత్నాలు ముమ్మరం చేస్తోంది. ఆవిర్భావ సభ నుంచే పార్టీని గ్రామీణ స్థాయి నుంచి బలోపేతం చేసేందుకు తెరవెనుకు ప్రయత్నాలు షురూ చేసింది. ఓ వైపు గ్రౌండ్‌ లెవల్‌లో పార్టీ క్యాడర్‌ను సమకూర్చుకుంటూనే.... మరోవైపు పార్టీ అనుబంధ సంఘాల ఏర్పాటుపై ప్రత్యేకదృష్టి సారించింది. తెలంగాణలోని కొత్త జిల్లాల్లో పార్టీ వ్యవస్థాపక అధ్యక్షుడితోపాటు రాష్ట్ర నాయకత్వం విస్తృత పర్యటనలు చేస్తూ పార్టీ సభ్యత్వంపై ప్రత్యేకంగా ఫోకస్‌ పెట్టింది. ఇప్పటికే గ్రామీణ, మండల స్థాయిల్లో క్యాడర్‌ను పార్టీకి ఆహ్వానిస్తూనే... గ్రామీణ, మండల, జిల్లా స్థాయి సారథులను నియమించుకుంటూ క్యాడర్‌ను పెంచుకునే పనిలో జనసమితి నేతలు ముమ్మరప్రయత్నాలు చేస్తున్నారు.

జూన్‌ మొదటివారంలోగానీ... రెండో వారంలోగానీ తెలంగాణలో పంచాయతీ ఎన్నికల నోటిఫికేషన్‌ విడుదల కావొచ్చన్న ప్రచారం జరుగుతోంది. దీంతో లోకల్‌బాడీ ఫైట్‌కు టీజేఎస్‌ కసరత్తు చేస్తోంది. ఆ బాధ్యతలను ఇప్పటికే పార్టీ నియమించిన వారికి అప్పగించినట్లు తెలుస్తోంది. పంచాయతీ పోరులో నిలబడే అభ్యర్థుల జాబితాను సైతం తయారు చేశారని పార్టీవర్గాలు చెబుతున్నాయి. పార్టీ ఏర్పడిన అనతికాలంలోనే తమ బలం నిరూపించుకునేందుకు లోకల్‌బాడీ రూపంలో వచ్చిన ఈ అవకాశాన్ని సద్వినియోగం చేసుకోవాలని పార్టీ నేతలు భావిస్తున్నారు. ఇప్పటికే జనసమితిపై ప్రజల్లో పెరుగుతున్న ఆదరణను ఇంటెలీజెన్స్‌ బ్యూరో ఓ రిపోర్టు తయారు చేసింది.  దీంతో ఎలాగైనా లోకల్‌బాడీ ఎన్నికల్లో అందివచ్చిన అవకాశాన్ని ఉపయోగించుకుని తమ బలాన్ని నిరూపించుకోవాలని టీజేఎస్‌ భావిస్తోంది.

సార్వత్రిక ఎన్నికలకు ఇంకా ఏడాది సమయం కూడా లేదు. ఈలోపు గ్రామీణ స్థాయి నుంచి మండల స్థాయి నియోజకవర్గ స్థాయిలో పార్టీని బలోపేతం చేసుకుని.. సార్వత్రిక ఎన్నికలకు సిద్ధం అయ్యేందుకు ఈ లోకల్‌బాడీ ఎన్నికలు ఉపయోగపడుతాయని ఆ పార్టీనేతలు భావిస్తున్నారు. లోకల్‌బాడీ ఎన్నికల ద్వారా పార్టీ క్యాడర్‌, లీడర్‌షిప్‌ను అంచనావేయవచ్చని, పార్టీ శ్రేణులు భావిస్తున్నాయి. ఏది ఏమైనా లోకల్‌బాడీ ఎన్నికలతో పార్టీ బలాన్ని బేరీజు వేసుకోవచ్చని నేతలు  చూస్తున్నారు.

06:26 - May 11, 2018

నిజామాబాద్‌ : జిల్లాలో కాంగ్రెస్‌ బలోపేతంపై పార్టీ నేతలు దృష్టి పెట్టారు. వచ్చే ఎన్నికల్లో అధికారమే లక్ష్యంగా పనిచేస్తున్న టీపీసీసీ నాయకత్వం... కాంగ్రెస్‌ నాయకులు, కార్యకర్తల మధ్య సమన్వయం సాధించేందుకు కృషి చేస్తోంది. నియోజకవర్గాల వారీగా సమన్వయ సమావేశాలు నిర్వహిస్తూ... కాంగ్రెస్‌ శ్రేణులను ఎన్నికలకు సమాయత్తం చేస్తోంది. 2019 సాధారణ ఎన్నికల్లో గెలుపే పరమావధిగా పెట్టుకని పనిచేస్తున్న టీపీసీసీ నాయకత్వం.. నిజామాబాద్‌ జిల్లాలో పార్టీని పటిష్టం చేసేందుకు చర్యలు చేపట్టింది. పార్టీ నాయకులు, కార్యకర్తలు కలిసిపనిచేసే విధంగా సమన్వయ సమావేశాలు నిర్వహిస్తోంది.

ఉమ్మడి నిజామాబాద్‌ జిల్లాలోని తొమ్మిది అసెంబ్లీ నియోజకవర్గాల పరిధిలో పార్టీ సమావేశాలు నిర్వహించారు. వచ్చే ఎన్నికల్లో ఎవరికి టికెట్‌ వచ్చినా అందరూ సమిష్టిగా పనిచేసే విధంగా సమన్వయం సాధించేందుకు నేతలు, కార్యకర్తలను ఒప్పించారు. వర్గ విభేదాలు విస్మరించి అందరూ ఏకతాటిపైకి వచ్చే ఏర్పాటు చేశారు. టీఆర్‌ఎస్‌ను టార్గెట్‌ చేయడమే లక్ష్యంగా పనిచేయాలని హితబోధ చేశారు.
టీపీసీసీ నాయకుల బస్సు యాత్ర తర్వాత నిజామాబాద్‌ జిల్లాలో కాంగ్రెస్‌ పరిస్థితి కొంత మెరుగుపడింది. టీఆర్‌ఎస్‌ ప్రభుత్వంపై ప్రజల్లో వ్యతిరేకత ఉందంటూ, దీనిని కాంగ్రెస్‌కు అకూలంగా మలచుకోవాలని నేతలు చేసిన ఉపదేశాన్ని పార్టీ శ్రేణులు ప్రజల్లోకి తీసుకెళ్తున్నాయి. నియోజకవర్గాల వారీగా ప్రజా సమస్యలపై ఉద్యమాలు చేస్తున్న కాంగ్రెస్ నాయకులు.. ఈ పోరును మరింత ఉధృతం చేయాలని నిర్ణయించారు.

వచ్చే ఎన్నికల్లో టికెట్లు ఆశిస్తున్నకాంగ్రెస్‌ నాయకులు కూడా ఎక్కువగానే ఉన్నారు. నిజామాబాద్‌ అర్బన్‌, రూరల్‌, బల్కొండ, ఎల్లారెడ్డి, జుక్కల్‌, బాన్సువాడ అసెంబ్లీ నియోజకవర్గాల్లో కాంగ్రెస్‌ నాయకులు మధ్య టికెట్ల పోటీ ఎక్కువగా ఉంది. బోధన్‌, ఆర్మూర్‌, కామారెడ్డి సెగ్మెంట్లలో పోటీ అంతగా లేకపోయినా.. ఈ స్థానాల్లో సీనియర్లు ఎక్కువ మంది ఉన్నారు. దీంతో ఇతరులు ఈ సీట్లపై దృష్టి పెట్టడంలేదు. కాంగ్రెస్‌ అధిష్టానం వద్ద పలుకుబడి ఉన్న నేతలు ఈ నియోజకవర్గాల్లో ఉండటంతో ఇతరు ఆసక్తిచూపడంలేదు. ఎవరికి టికెట్‌ ఇచ్చినా అందరూ కలిసి పనిచేయాలన్న టీపీసీసీ నాయకులు హితబోధతో ప్రస్తుతం నిజామాబాద్‌ జిల్లా కాంగ్రెస్‌ శ్రేణులు సమన్వయంతో పనిచేస్తున్నా... భవిష్యత్‌లో పరిస్థితి ఎలా ఉంటుందో చూడాలి.

07:38 - April 27, 2018

తెలంగాణ రాష్ట్ర స‌మితి 17వ వార్షికోత్సవాలు నేడు జరుగనున్నాయి. నగ‌ర శివారుల్లోని కొంప‌ల్లిలో ప్రతినిధుల స‌భ‌కు ఏర్పాట్లు పూర్తయ్యాయి. జాతీయ స్థాయిలో కూడా చ‌క్రం తిప్పాల‌ని భావిస్తున్న కేసీఆర్.....జాతీయ రాజ‌కీయాల‌పై ప్లీన‌రీ వేదిక‌గానే మ‌రింత స్పష్టత ఇచ్చే అవ‌కాశం ఉంది. రాష్ట్రంలో ప‌ట్టు నిలుపుకుంటూనే జాతీయ స్థాయిలో పార్టీ వ్యూహంపై నేత‌ల‌కు ప్లీన‌రీలో వివ‌రించనున్నట్లు తెలుస్తోంది. ఈ అంశాలపై టెన్ టివిలో జరిగిన చర్చా వేదికలో వీరయ్య (టీఆర్ఎస్), ఇందిరా శోభన్ (టి.కాంగ్రెస్), కాశం సత్యనారాయణ గుప్తా (టీఆర్ఎస్) పాల్గొని అభిప్రాయాలు వ్యక్తం చేశారు. పూర్తి వివరాలకు వీడియో క్లిక్ చేయండి. 

11:12 - April 26, 2018

ఢిల్లీ : టీఆర్ఎస్ ప్రభుత్వం..కేసీఆర్ పై టి.కాంగ్రెస్ నేత పొన్నం పలు విమర్శలు గుప్పించారు. ఢిల్లీలో ఆయన విలేకరులతో మాట్లాడుతూ...హైదరాబాద్ లో ట్యాంక్ బండ్ లో రూపాయి బిల్ల వేస్తే కనబడాలని..ట్యాంక్ బండ్ వద్ద ఆకాశ హార్మ్యాలు కడుతామని...ఫ్లై ఓవర్లు నిర్మిస్తామని..125 అడుగుల డా.అంబేద్కర్ విగ్రహం ఏర్పాటు..చేస్తామని ఇలా ఎన్నో చెప్పారని గుర్తు చేశారు. అంతేగాకుండా యాదాద్రి, వేములవాడ...దేవాలయాలకు శఠగోపాలు పెట్టారని, కేసీఆర్ మాటల గారడి అంటూ ఎద్దేవా చేశారర. విభజన సమయంలో రూ. 60 వేల కోట్ల అప్పు ఉంటే ప్రస్తుతం రూ. 1.70 కోట్ల అప్పు దాటిపోయిందని ఆరోపించారు.

తెలంగాణలో రైతులు ఇబ్బందులు పడుతుంటే..భూగర్భ జలాలు తక్కువ అవుతున్నా ఆయన ఫెడరల్ ఫ్రంట్ అంటూ రాష్ట్రాలకు వెళుతున్నారని విమర్శించారు. ఒక్కమాటలో చెప్పాలంటే శిఖండి పాత్ర పోషిస్తున్నారని, కాళేశ్వరం ప్రాజెక్టు ఒక టూరిజం ప్రాజెక్టుగా తయారై పోయిందని విమర్శించారు. 

07:17 - April 25, 2018

కుమ్రం భీమ్ : జిల్లాలో విషాదం చోటుచేసుకుంది. ఆసిఫాబాద్‌ మండలం చోప్పల్లి గ్రామానికి చెందిన బాపు అనే రైతు అప్పుల బాధతో ఆత్మహత్య చేసుకున్నాడు. సాగు చేసిన పంట చేతికి అందక పోవడంతో అప్పు చెల్లించలేక పోయాడు. అప్పుకింద రుణదాత భూమి స్వాధీనం చేసుకున్నాడు. దీంతో తీవ్ర మనస్తాపానికి గురైన బాపు... పురుగుల మందు తాగి ఆత్మహత్య చేసుకున్నాడు.

Don't Miss

Subscribe to RSS - TRS Government Development