TRS party

13:45 - November 22, 2017

హైదరాబాద్ : టీఆర్ ఎస్ నేత శ్రీనివాస్ రెడ్డి భార్య సంగీత ఆందోళన నాలుగో రోజు కొనసాగుతోంది. సంగీత పోరాటానికి ప్రజా గాయకురాలు విమలక్క సంపూర్ణ మద్దతు తెలుపుతున్నామని చెప్పారు. ఈమేరకు సంగీతను కలిసిన ఆమె మనో ధైర్యాన్ని ఇచ్చారు. నాలుగు రోజులుగా సంగీత ఆందోళన చేస్తుంటే ప్రభుత్వం, పోలీసులు ఏ రకమైన చర్యలు తీసుకుంటుందో అర్థం అవుతుందన్నారు. సంగీతకు న్యాయం చేయాలన్నారు. శ్రీనివాస్ రెడ్డి క్షమాపణ చెప్పాలని డిమాండ్ చేశారు. ప్రభుత్వం బాధ్యత వహించాలన్నారు. సంగీత పాప తల్లడిల్లుతుందని చెప్పారు. ఇందుకు కారణమైన వారిని కఠినంగా శిక్షించాలని డిమాండ్ చేశారు. మరిన్ని వివరాలను వీడియోలో చూద్దాం...

 

13:08 - November 22, 2017

హైదరాబాద్ : శ్రీనివాస్ రెడ్డి భార్య సంగీత ఆందోళన నాలుగో రోజు కొనసాగుతోంది. తన తరపున మాట్లాడటానికి వచ్చిన వారి ముందే తనకు న్యాయం జరగాలన్నారు. తనకు, తన పాపకు రక్షణ కల్పిస్తామని వాళ్లు లిఖిత పూర్వకంగా రాసివ్వాలన్నారు. తనను చంపేస్తామంటూ భర్త, అత్తమామలు తనను బెదిరించారని చెప్పారు. తనకు, తన పాపకు రక్షణ కావాలని కోరారు. అత్తమామలు రాజీకొస్తే.. వారిపై పెట్టిన కేసును వెంటనే ఉపసంహరించుకోనని... తనకు నమ్మకం కల్గినప్పుడే కేసు ఉససంహరించుకుంటానని చెప్పారు. కాంప్రమైజ్ కావడానికి ఇన్ని రోజులు రానిది.. ఈరోజే ఎందుకొస్తున్నారని పేర్కొన్నారు. ఈ కేసు నుంచి తప్పించుకునేందుకు మాత్రమే అత్తమామలు కాంప్రమైజ్ అయ్యేందుకు వస్తున్నారని తెలిపారు. 
సీపీఎం నేత 
'సంగీత, ఆమె పాపకు న్యాయం జరగాలి. అత్తమామలు, భర్త లిఖిత పూర్వకమైన హామీ ఇవ్వాలి. సంగీతకు చట్టం పరంగా రక్షణ కల్పించాలి. బంగారు తెలంగాణ అని చెబుతున్న టీసర్కార్ సంగీతను కనీసం పట్టించుకున్న పాపాన పోలేదని' అన్నారు. అయితే రాత్రి సంగీత అత్తమామలను పోలీసులు అదుపులోకి తీసుకున్నట్లు తెలుస్తోంది.

 

07:25 - November 22, 2017

హైదరాబాద్ : న్యాయం కోసం ఉప్పల్‌లో సంగీత చేస్తున్న పోరాటం నాలుగో రోజుకు చేరింది. అత్త, మామలను తన దగ్గరకు తీసుకువచ్చి ఏ రకమైన న్యాయం చేస్తారో చెప్పేదాకా... తన దీక్ష ముగించేది లేదని సంగీత అంటోంది. చలిలో కూతురితో కలిసి ఆమె చేస్తున్న పోరాటం అందరినీ కలిచివేస్తోంది. సంగీత దీక్షకు మహిళా సంఘాలు అండగా నిలుస్తున్నాయి. సంగీతకు న్యాయం జరిగే వరకు పోరాటం ఆగదని మహిళా సంఘాల నేతలు తేల్చి చెబుతున్నారు. మరిన్ని వివరాలను వీడియోలో చూద్దాం...

 

11:26 - November 21, 2017

హైదరాబాద్ : టీఆర్‌ఎస్‌ పార్టీ యువజన నేత శ్రీనివాస రెడ్డి అరాచకాలపై అతని భార్య సంగీత న్యాయ పోరాటం మూడవ రోజుకు చేరుకుంది. ఇప్పటికే పోలీసులు శ్రీనివాస రెడ్డిని రిమాండ్‌కు తరలించగా .. అత్తామామలు పరారీలో ఉన్నట్టు తెలుస్తోంది. తనకు న్యాయం జరిగేవరకూ పోరాటం ఆపేది లేదని మూడోరోజు కూడా సంగీత ఆందోళన కొనసాగిస్తోంది. 
నాకు న్యాయం చేయండి : సంగీత 
'నా అత్తమామల నుంచి ఎలాంటి స్పందన లేదు. ఎలాంటి ఇన్ఫర్మేషన్ లేదు. నా కూతరుతో చలిలో పోరాటం చేస్తున్నాను. నా కూతురిపై కూడా వారికి కనికరం రావడం లేదు. వారి ఇంటి వారసురాలన్న కనికరం లేదు. అత్తమాములు, నా భర్త, మూడో భార్య కలిసి డబుల్ గేమ్ ఆడుతున్నారు. ఆమె లీగల్ భార్య అయినట్లు వ్యవహరిస్తోంది. పోలీసుల తరపు నుంచి నాకు ఎలాంటి మద్దతు లేదు. హైదరాబాద్ నగర సీపీ న్యాయం చేయాలని కోరుకుంటున్నాను. అత్తమామలు పరారీలో ఉన్నారు. అత్తమామలను అరెస్టు చేయాలి. నాకు న్యాయం చేయాలి'. కోరుకుంటుంది.   
మహిళా సంఘం ప్రతినిధి 
'సంగీత కుటుంబం కట్నం కింద శ్రీనివాస్ రెడ్డికి రూ.45 లక్షలు ఇచ్చారు. ఆ డబ్బులు సంగీత, ఆమె కూతురుకు చెందాలి. అత్తమామలు రావాలి..సంగీతకు న్యాయం చేయాలి' అని అన్నారు.
టీఆర్ ఎస్ మహిళా అధ్యక్షురాలు
సంగీతకు న్యాయం చేయాలి. శ్రీనివాస్ రెడ్డికి టీఆర్ ఎస్ సాధారణ సభ్యత్వం మాత్రమే ఉంది. ప్రెసిడెంట్ గా తను  చెప్పుకుంటున్నాడు. పలు పెళ్ళిళ్లు చేసుకుంటూ మహిళలను మోసం చేస్తున్నాడు. అతనికి కఠిన శిక్ష పడాలి. సంగీతకు అండగా ఉంటామని' భరోసా ఇచ్చారు. మరిన్ని వివరాలను వీడియోలో చూద్దాం...

09:52 - November 21, 2017

హైదరాబాద్ : టీఆర్‌ఎస్‌ పార్టీ యువజన నేత శ్రీనివాస రెడ్డి అరాచకాలపై అతని భార్య సంగీత న్యాయ పోరాటం మూడవ రోజుకు చేరుకుంది. ఇప్పటికే పోలీసులు శ్రీనివాస రెడ్డిని రిమాండ్‌కు తరలించగా .. అత్తామామలు పరారీలో ఉన్నట్టు తెలుస్తోంది. తనకు  న్యాయం జరిగేవరకూ పోరాటం ఆపేది లేదని మూడోరోజు కూడా సంగీత ఆందోళన కొనసాగిస్తోంది. 

07:08 - November 21, 2017

హైదరాబాద్ : అధికారపార్టీ యువజన నేత శ్రీనివాసరెడ్డి అరాచకాలపై పోరాటం చేస్తున్న రెండో భార్య సంగీత ఆందోళనకు మూడో భార్య తల్లి అండగా నిలిచింది..ఊహించని రీతిలో మలుపు తిరిగిన కేసులో ఇప్పటికే పోలీసులు శ్రీనివాసరెడ్డిని రిమాండ్ తరలించారు..అయితే న్యాయం జరిగేవరకు పోరాటం ఆపేది లేదని రెండోరోజు సంగీత ఆందోళన కొనసాగిస్తుంది...ఆందోళన ఉధృతం కావడంతో పోలీసులు బందోబస్తు ఏర్పాటు చేశారు..

అధికారపార్టీ యువజన నాయకుడు శ్రీనివాసరెడ్డిపై పోరాటం చేస్తున్న రెండో భార్య సంగీతకు మూడో భార్య దేవీ జగదీశ్వరి తల్లి శిరీష మద్దతుగా నిలిచింది...సంగీత ఆందోళన చేస్తున్న విషయాన్ని తెలుసుకున్న శిరీష బోడుప్పల్‌లోని శ్రీనివాసరెడ్డి ఇంటికి చేరింది...రెండో భార్య సంగీతను ఓదార్చిన ఆమె తమకు అన్యాయం చేశాంటూ ఆమెతో పాటు కలిసి న్యాయపోరాటం చేస్తుంది.. ఈ కేసులో అనుకోని మలుపు తిరగడంతో పోలీసులు...అటు శ్రీనివాసరెడ్డి కుటుంబం కూడా ఖంగుతింది..

పులకండ్ల శ్రీనివాసరెడ్డి....36 ఏళ్ల శ్రీనివాస్‌రెడ్డి రియల్‌ఎస్టేట్‌ బిజినెస్ చేస్తుంటాడు..ముందునుంచే దూకుడు స్వభావం ఉన్న శ్రీనివాస్‌రెడ్డి అధికారిక పార్టీ టీఆర్‌ఎస్‌ కండువా కప్పుకుని యువజన నాయకుడయ్యాడు...ఇక ఖద్దరు ముసుగులో ఎన్నో అరాచకాలు చేస్తున్న శ్రీనివాస్‌రెడ్డి నట్టింట్లో కూడా కట్టుకున్న భార్యలకు నరకం చూపించాడు...

ఇక వరంగల్ చెందిన యువతిని పెళ్లి చేసుకున్న శ్రీనివాసరెడ్డి ఎంతోకాలం కాపురం చేయలేదు..భార్యకు నరకం చూపించడంతో ఆమె దూరమైంది...ఆ తర్వాత శేరిలింగంపల్లి చెందిన సంగీతను రెండో పెళ్లి చేసుకున్నాడు...రెండేళ్ల కాపురంలో కూతురు పుట్టింది...ఆడపిల్ల పుట్టిందంటూ వేధించడంతో పుట్టింటికి వెళ్లిపోయిన సంగీత అక్కడే ఉంది...న్యాయం చేయాలంటూ సంగీత చందానగర్‌, మేడిపల్లి పోలీసుస్టేషన్లలో ఫిర్యాదు చేసింది. మేడిపల్లి పోలీసులు శ్రీనివాస్‌రెడ్డిని అప్పట్లో రిమాండ్‌కు తరలించారు. 


ఇక మూడో పెళ్లి చేసుకున్న శ్రీనివాసరెడ్డి అరాచకాలు ఆగలేదు...మూడో భార్య కుటుంబం వారి పెళ్లిని నిరాకరిస్తే తనకున్న అధికార బలంతో వారిని బెదిరించాడు..కేసులు పెట్టించాడు..చివరకు కాలనీ నుంచి పారిపోయేలా చేశాడు..చివరకు వారు కేసు పెడితే భార్యతో తాను మేజర్‌నంటూ సంతకాలు పెట్టించాడు...ఇలా అరాచకాలు సృష్టిస్తున్న శ్రీనివాసరెడ్డి నుంచి న్యాయం కావాలంటూ రెండో భార్య సంగీత నేరుగా అత్తారింటికి చేరడంతో ఒక్కసారిగా దాడికి తెగబడ్డాడు.. స్థానికుల సమాచారంతో పారిపోయిన శ్రీనివాసరెడ్డిని పోలీసులు ఎట్టకేలకు పట్టుకుని రిమాండ్ తరలించారు...


మరోవైపు సంగీత రెండోరోజు కూడా భర్త ఇంటి ఎదుట తన ఆందోళనను కొనసాగిస్తోంది. తనకు, తన కూతురికి న్యాయం జరిగే వరకు పోరాటం చేస్తానని స్పష్టం చేసింది. సంగీత  అంతకు ముందు శ్రీనిసవారెడ్డి ఇంటి గేటుకు వేసిన తాళాన్ని పగులగొట్టి లోనికి ప్రవేశించింది.  మరో వైపు ఆమె ఆందోళనకు మహిళా సంఘాలు అండగా నిలవడంతో ఆందోళన ఉధృతంగా మారింది. తనకు,తన కూతురికి న్యాయం జరిగేవరకు కదలనంటోంది సంగీత... ఆందోళన పెరగడంతో పోలీసులు బందోబస్తు ఏర్పాటు చేశారు...                           

18:04 - November 19, 2017

కరీంనగర్ : శివారు మల్కపూర్‌ వద్ద జరిగిన రోడ్డు ప్రమాదంలో ప్రాణాలు కోల్పోయిన వ్యవసాయ కూలీల కుటుంబాలను ఆర్థిక మంత్రి ఈటల రాజేందర్‌ TRS ఎంపీ వినోద్‌కుమార్‌ పరామర్శించారు. బాధిత కుటుంబాల స్వగ్రామం చామనపల్లి వెళ్లి దుఖఃసాగరలో మునిగిన మృతుల పిల్లలను ఓదార్చారు. తల్లులను పోగొట్టుకున్న పిల్లల రోధనలను చూసి చలించిపోయిన ఈటల రాజేందర్‌ కన్నీటిపర్యంతం అయ్యారు. బాధిత కుటుంబాలను అన్ని విధాల ఆదుకుంటామని హామీ ఇచ్చారు. 

22:08 - November 12, 2017

తెలంగాణ టీడీపీ అధ్యక్షులు ఎల్.రమణతో టెన్ టివి వన్ టు వన్ నిర్వహించింది. ఈ సందర్భంగా ఆయన మాట్లాడారు. టీసర్కార్ పాలనపై తీవ్రస్థాయిలో ధ్వజమెత్తారు. కేసీఆర్ అనుసరిస్తున్న ప్రజా వ్యతిరేక విధానాలను ఎండగట్టారు. తెలంగాణ రాష్ట్రంలో కుటుంబ పాలన సాగుతుందన్నారు. టీడీపీ నుంచి వెళ్లి కాంగ్రెస్ లో చేరిన రేవంత్ రెడ్డిపై విమర్శలు వర్షం కురిపించారు. రేవంత్ కు చురకలంటించారు. మరిన్ని వివరాలను వీడియోలో చూద్దాం..

 

13:26 - November 6, 2017

వరంగల్‌ : జిల్లాలోని ఎనుమాముల మార్కెట్‌లో పత్తి రైతులు నిలువు దోపిడికి గురవుతున్నారు. సిసిఐ కేంద్రాల్లో దళారులు రాజ్యమేలుతున్నారు. మార్కెట్‌ ధర చూసి తెల్లబోతున్నారు పత్తి రైతులు. రైతుల ఆవేదనపై ప్రభుత్వం స్పందించడం లేదంటున్న పత్తి రైతులు టెన్ టివితో మాట్లాడారు. 

 

09:37 - November 6, 2017

హైదరాబాద్ : రెండు రోజుల అనంతరం తెలంగాణ అసెంబ్లీ సమావేశాలు ప్రారంభం కానున్నాయి. అసెంబ్లీలో విపక్షాలు పలు వాయిదా తీర్మానాలు ఇవ్వనున్నాయి. ఎస్సీ వర్గీకరణ చేయాలని కాంగ్రెస్, బీజేపీ వాయిదా తీర్మానం ఇవ్వనున్నాయి.  ఎస్సీ వర్గీకరణపై అఖిలపక్షాన్ని ఢిల్లీకి తీసుకెళ్లాలని వాయిదా తీర్మానంలో పేర్కొన్నాయి. ప్రభుత్వం చేపట్టిన భూసర్వేపై సభలో చర్చ జరుగనుంది. మరిన్ని వివరాలను వీడియోలో చూద్దాం...

 

Pages

Don't Miss

Subscribe to RSS - TRS party