TRS party

09:37 - May 21, 2018

హైదరాబాద్ : ఎస్వీకేలో వున్న ఐలమ్మ ఆర్ట్ గ్యాలరీలో ప్రముఖులు వేసిన అరుదైన చిత్రాలు ఆహుతులను అలరిస్తున్నాయి. ఈ నేపథ్యంలో కర్ణాటక ఆర్టిస్ట్ సంతోష్ రాథోడ్‌ గీసిన పెయింటింగ్స్‌ను సుందరయ్య విజ్ఞాన కేంద్రంలో ప్రదర్శనకు ఉంచారు. తాను గీసిన చిత్రాలను తొలిసారిగా హైదరాబాద్‌లో ప్రదర్శనకు ఉంచడం ఆనందంగా ఉందని ఆయన అన్నారు. సరికొత్త కాన్సెప్ట్‌తో వివిధ రకాల రంగులను ఉపయోగించి చిత్రాలను గీసినట్లు సంతోష్‌ రాథోడ్‌ తెలిపారు.

07:56 - May 8, 2018

2015లో తెలుగు రాష్ట్రాల్లో సంచనం సృష్టించిన ఓటుకు నోటు కేసు మళ్లీ తెరపైకి వచ్చింది. ముఖ్యమంత్రి కేసీఆర్‌ ఈ కేసు దర్యాప్తు పురోగతిపై నిన్న సమీక్షించారు. ఏపీ ముఖ్యమంత్రి చంద్రబాబు, టీడీపీని వీడి కాంగ్రెస్‌లో చేరిన రేవంత్‌రెడ్డి ఈ కేసులో నిందారోపణలు ఎదుర్కొంటున్నారు. ఈ అంశంపై టెన్ టివిలో జరిగిన చర్చా వేదికలో మల్లయ్య యాదవ్ (టిడిపి), లక్ష్మీ పార్వతి (వైసిపి), రాజమోహన్ (టీఆర్ఎస్) పాల్గొని అభిప్రాయాలు వ్యక్తం చేశారు. పూర్తి వివరాలకు వీడియో క్లిక్ చేయండి. 

06:30 - May 8, 2018

హైదరాబాద్ : 2015లో తెలుగు రాష్ట్రాల్లో సంచనం సృష్టించిన ఓటుకు నోటు కేసు మళ్లీ తెరపైకి వచ్చింది. ముఖ్యమంత్రి కేసీఆర్‌ ఈ కేసు దర్యాప్తు పురోగతిపై నిన్న సమీక్షించారు. ఇవాళ కూడా మరోసారి సమీక్షించాలని నిర్ణయించారు. ఏపీ ముఖ్యమంత్రి చంద్రబాబు, టీడీపీని వీడి కాంగ్రెస్‌లో చేరిన రేవంత్‌రెడ్డి ఈ కేసులో నిందారోపణలు ఎదుర్కొంటున్నారు. ఆడియో టేపుల్లోని సంభాషణలపై ఫోరెన్సిక్‌ విభాగం ఇచ్చిన నివేదికపై కేసీఆర్‌ సమీక్షించారు. ఓటుకు నోటు కేసులో కీలక పరిణామం చోటు చేసుకుంది. ఈ కేసు దర్యాప్తు పురోగతిపై ముఖ్యమంత్రి కేసీఆర్‌ ఉన్నత స్థాయి సమీక్షా సమావేశం నిర్వహించారు. డీజీపీ మహేందర్‌రెడ్డి, ఏసీబీ డైరెక్టర్‌ జనరల్‌ పూర్ణచంద్రరావు, ఈ కేసు జరిగిన సమయంలో ఏసీబీ డీజీగా పనిచేసిన ఏకే ఖాన్‌, పోలీసు ఉన్నతాధికారులు, న్యాయనిపుణులు సమీక్షలో పాల్గొన్నారు.

2015లో ఓటుకు నోటు కేసు తెలుగు రాష్ట్రాల్లో తీవ్ర సంచనం సృష్టించింది. రాజకీయ దుమారం రేపింది.ఎమ్మెల్సీ ఎన్నికలకు తెలంగాణలో నామినేటెడ్‌ ఎమ్మెల్యేను కొనుగోలు చేయబోయినట్టు ముఖ్యమంత్రి చంద్రబాబు, అప్పట్లో టీడీపీ ఎమ్మెల్యేగా ఉన్న రేవంత్‌రెడ్డిపై ఆరోపణలు వచ్చాయి. నామినేటెడ్‌ ఎమ్మెల్యే స్టీఫెన్‌సన్‌ ఓటు కోసం రేవంత్‌రెడ్డి 50 లక్షల రూపాయలు ఎరచూపి, అడ్డంగా బుక్‌ అయ్యారు. అరెస్టై జైలుకు వెళ్లి, బెయిల్‌పై విడుదలయ్యారు. నామినేటెడ్‌ ఎమ్మెల్యే స్టీఫెన్‌సన్‌తో చంద్రబాబు ఫోన్‌లో మాట్లాడినట్టు చెబుతున్న ఆడియో టేపులను ఫోరెన్సిక్‌ పరీక్షలకు పంపించారు. ఫోరెన్సిక్‌ నిపుణులు ఇచ్చిన నివేదికను ఏసీబీ అధికారులు ముఖ్యమంత్రి కేసీఆర్‌కు అందజేశారు.

2019 సాధారణ ఎన్నికలను దృష్టిలో పెట్టుకుని ప్రత్యర్థులను దెబ్బ తీసేందుకు కేసీఆర్‌ ఓటుకు నోటు కేసును దర్యాప్తును మరింత వేగవంతం చేయాలి కేసీఆర్‌ నిర్ణయించారు. దీనిపై న్యాయ నిపుణలు అభిప్రాయాన్ని కూడా ముఖ్యమంత్రి తీసుకున్నారు. ఈ కేసులో ఏయే కోర్టుల్లో ఎన్ని కేసులు ఉన్నాయి.. ఎవరెరు పిటిషన్లు వేశారు... వీటి పురోగతి ఏంటి.. అన్న అంశాలపై కేసీఆర్‌ సమీక్షించారు. ఇవాళ మరోసారి క్షణ్ణంగా సమీక్షించాలని నిర్ణయించారు. దీంతో ఈ కేసులో నిందితుల గుండెల్లో గుబులు మొదలైంది.

09:31 - May 2, 2018

హైదరాబాద్ : మూడో ప్రత్యామ్నాయం అంటూ హడావిడి చేస్తున్న కేసీఆర్‌.. కర్నాటక ఎన్నికలపై ప్రత్యేక దృష్టిపెట్టారా..?  పొరుగు రాష్ట్రం  ఎన్నికల ఫలితాలతో దేశరాజకీయాల్లో గణనీయమైన మార్పులు వస్తాయని  భావిస్తున్నారా..?  కర్నాటక ఫలితాలను అనుసరించే  ఫెడరల్ ఫ్రంట్ విషయంలో తన వ్యూహాన్ని మార్చుకోనున్నారా..?  ఇదే విషయంపై ఇపుడు గులాబీపార్టీనేతల్లో  జోరుగా చర్చలు నడుస్తున్నాయి.
జాతీయపార్టీలకు ప్రతిష్టాత్మకంగా కర్నాటక ఎన్నికలు 
జాతీయ పార్టీలకు ప్రతిష్టాత్మకంగా మారిన కర్నాటక అసెంబ్లీ  ఎన్నికలపై ప్రాంతీయ పార్టీలు సీరియస్ గా దృష్టి పెట్టాయి.  కాంగ్రెస్, బిజెపిలు నువ్వా....నేనా అన్నట్లు తలపడుతున్న కర్నాటకలో ప్రాంతీయ పార్టీ అయిన జెడిఎస్ కూడా తన పట్టు నిరూపించుకునేందుకు సిద్ధమవుతోంది. ఇప్పటి వరకు వస్తున్న సర్వే ఫలితాలు  ఏ పార్టీకి పూర్తి మెజార్టీ ఇవ్వకపోవడంతో.. ఈ ఎన్నికలు  అందరి దృష్టిని ఆకర్షిస్తున్నాయి. ప్రధానంగా  తెలంగాణాకు పొరుగున ఉన్న రాష్ట్రం కావడంతో....ఆ ఫలితాల ప్రభావం అంతో ఇంతో తెలంగాణాపై కూడా ఉండే అవకాశాలున్నాయన్న వాదన కూడా వినిపిస్తోంది.
జేడీఎస్‌కు మద్దతు తెలిపిన కేసీఆర్‌
మూడో ప్రత్యామ్నాయం ప్రయత్నాల్లో భాగంగా కర్నాటకలో పర్యటించిన కేసీఆర్‌.. అక్కడ ఎన్నికల్లో  కీలక పాత్ర పోషించే అవకాశం ఉన్న జెడిఎస్ కు మద్దతు తెలిపారు. అవసరమైతే   కర్నాటకలో ప్రచారంలో కూడా పాల్గొంటానన్నారు.  ఎన్నికల్లో సర్వశక్తులు ఒడ్డుతున్న కాంగ్రెస్‌, బీజేపీలకు సంపూర్ణ మెజార్టీ రాకుంటే  తమ వ్యూహం ఫలించినట్లే అని  గులాబీదళపతి భావిస్తున్నారు. జేడీఎస్‌ బలం పెరిగి.. హస్తం, కమలం పార్టీలకు మెజారిటీ రాని పరిస్థితి.. అటు  జాతీయ స్థాయిలో ప్రభావం చూపెట్టే అవకాశం ఉంటుంది. ఇలాంటి పరిస్థితిని ఉపయోగించుకుని తాను తలపెట్టిన ఫెడరల్‌ ఫ్రంట్‌వైపు మరిన్ని  ప్రాంతీయ పార్టీలను ఆకర్షించవచ్చని కేసీఆర్‌ భావిస్తున్నట్టు తెలుస్తోంది. 
కర్నాటక ఫలితాలను అనుసరించి వ్యూహం మార్చనున్న కేసీఆర్‌ ! 
అయితే తాను ఆశించిన విధంగా కర్నాకటలో ఫలితాలు ఉండకపోతే.. గులాబి దళపతి తన రాజకీయ వ్యూహాన్ని మార్చుకునేందుకు అవకాశాలున్నట్లు తెలుస్తోంది. మొత్తానికి కర్నాటక ఎన్నికల ఫలితాల అనంతరం మే కేసీఆర్‌  ఫ్రంట్ కు  ఓ రూపు వచ్చే అవకాశాలున్నాయని రాజకీయవర్గాలు విశ్లేషిస్తున్నాయి. 

 

11:53 - May 1, 2018

హైదరాబాద్ : గులాబీపార్టీ ప్రజాక్షేత్రంలో దూకుడు పెంచింది. ఎన్నికల ఏడాది కావడంతో ప్రతిపక్షాలపై విమర్శల దాడిని పెంచారు. ప్రతిపక్ష పార్టీలపై ఓ వైపు  విమర్శలు  గుప్పిస్తూనే....మరోవైపు  కేసిఆర్ పిలుపుతో యువ నేతలు  రంగంలోకి దిగి ఆందోళనలు చేపడుతున్నారు. 

ఎన్నికల ఏడాది కావడంతో రాజకీయ పార్టీలు క్రమంగా విమర్శల దాడిని పెంచుతున్నాయి. కాంగ్రెస్‌ పార్టీ ఆరోపణల పర్వానికి తెరతీయడంతో....అందుకు గులాబి నేతలు కూడా అంతే సీరియస్ గా  కౌంటర్ ఇచ్చేందుకు రెడీ అవుతున్నారు.   ఇటీవల జరిగిన పార్టీ ప్రతినిధుల సభలో ముఖ్యమంత్రి కేసిఆర్ ప్రతిపక్ష పార్టీలకు ధీటైన సమాధానం ఇవ్వాలన్న పిలుపుతో గులాబి నేతలు  మరింత ఉత్సాహంగా రంగంలోకి దిగుతున్నారు.

వచ్చే ఎన్నికల్లో  కాంగ్రెస్ పార్టీనే  ప్రధాన శత్రువుగా భావిస్తున్నామని టీఆర్‌ఎస్‌ లీడర్లు అంటున్నారు. అధికాపార్టీ నేతల తీరు చూస్తోంటే .. హస్తం పార్టీపై మానసికంగా వత్తిడి పెంచేలా  వ్యూహాలను  అమలు చేయాలని భావిస్తున్నట్లు కనిపిస్తోంది. ప్రతిపక్ష పార్టీలు రాష్ట్ర ప్రగతిని అడ్డుకుంటున్నాయన్న విమర్శలను గులాబీపార్టీ యువనేతలు  మరోసారి ఎక్కుపెడుతున్నారు.  ఈ వ్యూహలోం భాగంగానే పిసీసీ చీఫ్ ఉత్తమ్ కుమార్ రెడ్డి దిష్టి బొమ్మలను తగులబెట్టారని టీఆర్‌ఎస్‌ కార్యకర్తలు చెప్పుకుంటున్నారు.  రాష్ట్ర వ్యాప్తంగా ఈ కార్యక్రమాన్ని నిర్వహించారు. ఇక మంత్రులు మరో అడుగు ముందుకు వేసి దమ్ముంటే ప్రధాన ప్రతిపక్ష పార్టీకి చెందిన సిట్టింగ్ ఎమ్మెల్యేలు ఎవరైనా రాజీనామా చేసి  ఉప ఎన్నికలకు సిద్ధం కావాలని మంత్రి తలసానిలాంటి వాళ్లు సవాళ్లు విసురు తున్నారు. 

అటు  నల్గొండ జిల్లాకు చెందిన మంత్రి జగదీశ్ రెడ్డి మరో అడుగు ముందుకు వేశారు.  వచ్చే ఎన్నికల్లో కాంగ్రెస్ పార్టీ నేతలు ఇప్పుడున్న స్థానాలను కూడా నిలబెట్టుకోలేరన్నారు.  ఇపుడున్నవాటికంటే ఎక్కువ స్థానాలు హస్తంపార్టీకి  వస్తే .. తాను అసెంబ్లీలో అడుగు కూడా పెట్టనని జగదీశ్‌రెడ్డి కాంగ్రెస్‌పార్టీ నేతలను టార్గెట్‌ చేశారు. 

ప్రతిపక్ష కాంగ్రెస్‌పార్టీ విమర్శలను ఎదుర్కోడానికి గులాబీనేతలు దూకుడు పెంచడంతో రాష్ట్రంలో రాజకీయ వాతావరణం హీటెక్కుతోంది. అయితే హస్తంపార్టీ విమర్శలకు ప్రతివిమర్శలు చేసే క్రమంలో టీఆర్‌ఎస్‌ నేతలు  అత్యుత్సాహాన్ని ప్రదర్శిస్తున్నారన్న అభిప్రాయం కూడా రాజకీయ వర్గాల్లో వ్యక్తం అవుతోంది. కేసీఆర్‌ చెప్పారుకదా అని కొందరు నేతలు నోటికి ఏదొస్తే అదే మాట్లాడేస్తున్నారన్న గులాబీపార్టీలోనే గుసగులసలు వినిపిస్తున్నాయి. 

07:38 - April 17, 2018

హైదరాబాద్ : తెలంగాణలో అనధికారికంగా మిత్రపక్షంగా కొనసాగుతున్న టీఆర్‌ఎస్‌, ఎంఐఎం ఒకే దారిలో నడుస్తున్నాయి. బీజేపీకి వ్యతిరేకంగా జట్టుకట్టేందుకు సిద్ధమవుతున్నాయి. టీఆర్‌ఎస్‌కు మొదటి నుంచి సహకరిస్తున్న ఓవైసీ బ్రదర్స్‌... జాతీయ రాజకీయాల్లోనూ గులాబీ పార్టీని సమర్ధించేలా నిర్ణయాలు తీసుకుంటున్నారు.

బలపడుతున్న టీఆర్‌ఎస్‌, ఎంఐఎం బంధం
టీఆర్‌ఎస్‌, ఎంఐఎం బంధం మరింత బలపడనుంది. టీఆర్‌ఎస్‌కు ఎంఐఎం పూర్తి సహకారం అందించేందుకు రెడీ అయ్యింది. ఫెడరల్‌ ఫ్రంట్‌తో టీఆర్‌ఎస్‌ తీసుకునే నిర్ణయాలకు సంపూర్ణ సహకారం అందించేందుకు ఓవైసీ బ్రదర్స్‌ రెడీ అయ్యారు. దీంతో నిన్న మొన్నటి వరకు తెలంగాణ పొరుగు రాష్ట్రాల్లో ఎన్నికలు ఎక్కడ జరిగినా స్వతంత్రంగా అభ్యర్థులను రంగంలోకి దించిన ఎంఐఎం పార్టీ... ఇప్పుడు వెనకడుగు వేస్తోంది. ఒంటరిగా కొన్ని స్థానాల్లో పోటీచేసినా... గెలుపోటములపై ఆ ప్రభావం స్పష్టంగా కనిపిస్తుందన్న ప్రచారం రాజకీయ వర్గాల్లో ఉంది. ఈ నేపథ్యంలో త్వరలో జరిగే కర్నాటక ఎన్నికల్లో తమ పార్టీ 40 స్థానాల్లో పోటీ చేస్తుందని అసదుద్దీన్‌ ఓవైసీ గతంలో ప్రకటించారు. ఇందుకు సంబంధించిన కసరత్తు కూడా జరుగుతుందన్న సంకేతాలను ఇచ్చారు.

దేవెగౌడతో భేటీ అయిన కేసీఆర్
కేసీఆర్‌ ఇటీవలే కర్నాటకలో పర్యటించి జేడీఎస్‌ అధినేత దేవెగౌడతో భేటీ అయ్యారు. ఫెడరల్‌ ఫ్రంట్‌లోకి రావాలని ఆహ్వానించారు. ఈ చర్చల అనంతరం కర్నాటక ఎన్నికల్లో జేడీఎస్‌ తరపున ప్రచారం చేస్తానని కేసీఆర్‌ వెల్లడించారు. దీంతో తెలంగాణలో గులాబీ పార్టీకి పూర్తి స్థాయి అండదండలు అందిస్తున్న ఎంఐఎం కూడా తమ నిర్ణయాన్ని మార్చుకుంది. కర్నాటక ఎన్నికల్లో తామ పోటీచేసేది లేదని స్పష్టం చూస్తూనే.. తమ పార్టీ మద్దతు దేవెగౌడకు ఉంటుందని అసదుద్దీన్‌ ప్రకటించారు. తానుకూడా కర్నాటకలో బహిరంగ సభలు నిర్వహించి కాంగ్రెస్‌, బీజేపీలను ఓడించాలని ముస్లింలకు పిలుపునివ్వనున్నట్టు అసదుద్దీన్‌ వెల్లడించారు.

దేశరాజకీయాలపై ఇరుపార్టీల దృష్టి
రాజకీయంగా పాతనగరంలో పట్టున్న పార్టీగా గుర్తింపు పొందినా... పొరుగురాష్ట్రాల్లో కూడా తమ పట్టు నిరూపించుకునేందుకు ఎంఐఎం పావులు కదుపుతోంది. జాతీయ స్థాయిలో ఫెడరల్‌ ఫ్రంట్‌ ఏర్పడితే ఎంఐఎం కూడా కీలకపాత్ర పోషించే అవకాశం ఉందని గులాబీనేతలు అంటున్నారు. కర్నాటక ఎన్నికల ఫలితాల అనంతరం కొత్తకూటమిపై మరింత స్పష్టత వచ్చే అవకాశాలు ఉన్నాయన్న అభిప్రాయాలు వ్యక్తమవుతున్నాయి.

12:47 - March 31, 2018

ఢిల్లీ : జాతీయ రాజకీయాల్లో కీలక పాత్ర పోషించాలనుకొంటున్న ముఖ్యమంత్రి కేసిఆర్.... అందుకు అనుగుణంగా ప్రణాళికలను సిద్ధం చేసుకున్నారు. వచ్చే నెల 4న ఢిల్లీ వెళ్లి పలు పార్టీల నేతలతో భేటీ కావాలని నిర్ణయించుకున్నారు. జాతీయ స్థాయి సమస్యలపై జెండా రూపొందించే పనిలో కేసీఆర్ నిమగ్నమయ్యారు.

పీపుల్స్ ఫ్రంట్‌ ఆఫ్ ఇండియా ఏర్పాటుపై కేసీఆర్‌ ప్రకటన కూడా చేశారు. ఫ్రంట్‌కు మద్దతు కూడగట్టే పనిలో భాగంగా ఇప్పటికే పశ్చిమ బెంగాల్‌ ముఖ్యమంత్రి మమతా బెనర్జీతో భేటీ అయ్యారు. ఛత్తీస్‌గఢ్‌ మాజీ ముఖ్యమంత్రి అజిత్‌ జోగి కేసీఆర్‌ ప్రతిపాదనను స్వాగతించారు. అలాగే జార్ఖండ్‌ మాజీ ముఖ్యమంత్రి, జేఎంఎం నేత హేమంత్‌ సోరెన్‌ కేసీఆర్‌ను కలిసి ప్రత్యామ్నాయ ఫ్రంట్‌కు మద్దతు ప్రకటించారు. ఇప్పుడు దీనిని మరింత ముందుకు తీసుకెళ్లాలని కేసీఆర్‌ నిర్ణయించారు. ముఖ్యమంత్రితో భేటీ అయిన టాలీవుడ్‌ నటుడు ప్రకాశ్‌ రాజ్‌ కూడా కాంగ్రెస్‌, బీజేపీలకు వ్యతిరేకంగా ఏర్పాటు చేసే ప్రత్యామ్నాయ కూటమిపై చర్చించారు.

తెలంగాణ నుంచి రాజ్యసభకు ఎన్నికైన ముగ్గురు టీఆర్‌ఎస్‌ ఎంపీలు వచ్చే నెల 4న ప్రమాణ స్వీకారం చేయనున్నారు. ఈ కార్యక్రమంలో పాల్గొనేందుకు ఢిల్లీ వెళ్లనున్న ముఖ్యమంత్రి... ఆరోజు పలు జాతీయ పార్టీల నేతలతో భేటీ కావాలని నిర్ణయించారు. ఫెడరల్‌ ఫ్రంట్‌ ఏర్పాటుపై చర్చిస్తారు. ఈ విషయంలో సీనియర్ల అభిప్రాయాలు తెలుసుకుంటారు. జాతీయ రాజకీయాలను ప్రభావితం చేసే అంశాలను కూడా కేసీఆర్‌ సిద్ధం చేసుకున్నారు. రైతు సమస్యలపై ప్రధానంగా దృష్టి పెట్టనున్నట్టు సమాచారం. 2019 ఎన్నికల్లో రాష్ట్ర రాజకీయాల్లో కీలక పాత్ర పోషిస్తూనే... జాతీయ స్థాయిలో కూడా తనదైన రాజకీయ ముద్ర వేసేందుకు కేసీఆర్‌ ప్రయత్నిస్తున్నారు. 

16:29 - March 23, 2018

హైదరాబాద్ : రాజ్యసభ స్థానాలకు పోలింగ్ జరిగింది. కాసేపట్లో ఎన్నికల పోలింగ్ నిర్వహించనున్నారు. పది రాష్ట్రాల్లో 33 మంది అభ్యర్థులు ఏకగ్రీవం కాగా ఆరు రాష్ట్రాల్లో ఓటింగ్ జరుగనుంది. తెలంగాణ రాష్ట్రానికి సంబంధించి వస్తే మూడు స్థానాలకు నలుగురు అభ్యర్థులు బరిలో నిలిచారు. ఉదయం 9 నుంచి సాయంత్రం 4 గంటల వరకు పోలింగ్‌ జరుగగా 5 గంటలకు ఓట్ల లెక్కింపు నిర్వహిస్తారు. ముగ్గురు టీఆర్‌ఎస్‌ నుంచి ఒకరు కాంగ్రెస్‌ నుంచి పోటీ చేశారు. దీంతో ఎన్నిక అనివార్యమైంది. టీఆర్‌ఎస్‌కు ఉన్న ఎమ్మెల్యే సంఖ్యాబలంను బట్టి మూడు స్థానాలు సునాయసంగా గెలిచే అవకాశం ఉంది. అయితే... కాంగ్రెస్‌ కూడా అభ్యర్థిని నిలపడంతో పోలింగ్‌ అనివార్యమైంది. 108 మంది సభ్యులు ఓటింగ్ వేసినట్లు సమాచారం. టీఆర్‌ఎస్‌ సొంతంగా 65 మంది ఎమ్మెల్యేలున్నారు. ఇక ఇతర పార్టీల నుంచి చేరినవారిని కలుపుకుంటే మొత్తం 90 మంది ఎమ్మెల్యేలు ఉన్నారు. మరోవైపు ఎంఐఎం కూడా టీఆర్‌ఎస్‌కు మద్దతిస్తున్నట్లు ప్రకటించింది. దీంతో మొత్తం టీఆర్‌ఎస్‌ బలం 97. 

10:38 - March 23, 2018

ఢిల్లీ : రాజ్యసభ ఎన్నికలు ప్రారంభమయ్యాయి. ఉదయం 9 గంటల నుంచి సాయంత్రం 4 గంటల వరకు పోలింగ్ జరుగనుంది. దేశవ్యాప్తంగా 58 స్థానాలకు ఎన్నికలు జరుగుతున్నాయి. 10 రాష్ట్రాల్లో 33 మంది సభ్యులు ఏకగ్రీవంగా ఎన్నికయ్యారు. 6 రాష్ట్రాల్లో పోలింగ్ కొనసాగనుంది. సాయంత్రం 5 గంటలకు ఓట్ల లెక్కింపు జరుగనుంది. తెలంగాణలో మూడు స్థానాలకు నలుగురు అభ్యర్థులు బరిలో ఉన్నారు. ఎన్నికలకు అన్ని ఏర్పాట్లు పూర్తి చేసినట్లు అధికారులు తెలిపారు. 

09:35 - March 23, 2018

ఢిల్లీ : రాజ్యసభ ఎన్నికలు ప్రారంభమయ్యాయి. ఉదయం 9 గంటల నుంచి సాయంత్రం 4 గంటల వరకు పోలింగ్ జరుగనుంది. దేశవ్యాప్తంగా 58 స్థానాలకు ఎన్నికలు జరుగుతున్నాయి. 10 రాష్ట్రాల్లో 33 మంది సభ్యులు ఏకగ్రీవంగా ఎన్నికయ్యారు. 6 రాష్ట్రాల్లో పోలింగ్ కొనసాగనుంది. సాయంత్రం 5 గంటలకు ఓట్ల లెక్కింపు జరుగనుంది. తెలంగాణలో మూడు స్థానాలకు నలుగురు అభ్యర్థులు బరిలో ఉన్నారు. 

Pages

Don't Miss

Subscribe to RSS - TRS party