TRS party

11:35 - February 19, 2018
15:52 - February 18, 2018
14:13 - February 18, 2018

కరీంనగర్ : కార్పొషన్ లో టీఆర్ఎస్ మహిళా కార్పొరేట్ల రాజీనామాలు కొనసాగుతున్నాయి. తాజాగా శ్రీలత అనే కార్పొరేటర్ ఎమ్మెల్యే గంగుల వేధిస్తున్నారంటూ ఆరోపిస్తూ కార్పొరేటర్ పదవికి, పార్టీకి రాజీనామా చేశారు. ఎమ్మెల్యే వేధింపులు ఆపకుంటే ఆత్మహత్య చేసుకుంటానాని శ్రీలత హెచ్చరించారు. గతంలో ఓ మహిళా కార్పొరేటర్ కూడా ఎమ్మెల్యే తీరుకు వ్యతిరేకంగా రాజీనామా చేశారు. మరింత సమాచారం కోసం వీడియో క్లిక్ చేయండి. 

13:12 - January 24, 2018

హైదరాబాద్ : కాంగ్రెస్‌కు గుడ్‌బై చెప్పేందుకు మాజీ మంత్రి ముఖేష్‌గౌడ్‌ సిద్దమవుతున్నారా ? వచ్చే ఎన్నికల్లో గెలవాలంటే కారెక్కడం తప్పనిసరా ? ముఖేష్‌గౌడ్‌ గులాబీ తీర్థం పుచ్చుకునేందుకు ఎంఐఎం కారణమా ? ముఖేష్‌ పార్టీ మారేందుకు ఒవైసీకి సంబంధం ఏంటి అనుకుంటున్నారు. లెట్స్‌ వాచ్‌ దిస్‌ స్టోరీ.. 
ముఖేష్‌గౌడ్‌ వ్యవహారం కాంగ్రెస్ లో చర్చనీయాంశం 
కాంగ్రెస్‌ పార్టీకి దూరంగా ఉంటున్న మాజీమంత్రి ముఖేష్‌గౌడ్‌ వ్యవహారం ఇప్పుడు పార్టీలో చర్చనీయాంశంగా మారింది. 2014 ఎన్నికల్లో ఓటమి చవిచూసిన నాటి నుంచి ఇప్పటివరకు గాంధీభవన్‌ మెట్లు ఎక్కని ముఖేష్‌గౌడ్‌... ఆ పార్టీని వీడుతారా అంటే అవుననే అంటున్నారు ఆయన సన్నిహితులు. 
వారి బాటలోనే ముఖేష్‌గౌడ్‌ ?
ఇప్పటికే ఎంతోమంది నేతలు టీఆర్‌ఎస్‌లో చేరగా... వారి బాటలోనే ముఖేష్‌గౌడ్‌ కారెక్కనున్నట్లు ప్రచారం జరుగుతోంది. ఇప్పటికే గులాబీ నేతలతో చర్చలు పూర్తయ్యాయని... పార్టీలో చేరే ముహూర్తం మిగిలివుందని ముఖేష్‌గౌడ్‌ సన్నిహితులంటున్నారు. అంతా ఓకే అయితే... వచ్చే నెలలో ముఖేష్‌ గులాబీ తీర్థం పుచ్చుకోవడం ఖాయంగా కనిపిస్తోంది. 
ముఖేష్ టీఆర్‌ఎస్‌లో ఎందుకు చేరాలనుకుంటున్నారు ?  
అయితే.. ముఖేష్‌ కాంగ్రెస్‌ పార్టీ ఎందుకు మారాలనుకుంటున్నా రనేది ఇప్పుడు హాట్‌టాపిక్‌గా మారింది. ఉత్తమ్‌, భట్టి విక్రమార్క, జానారెడ్డిలతో పాటు ఎవరితో విభేదాలు లేని ముఖేష్‌.. మూడున్నరేళ్ల తర్వాత టీఆర్‌ఎస్‌లో ఎందుకు చేరాలనుకుంటున్నారనేది పార్టీలో చర్చ జరుగుతోంది. అయితే.. పీసీసీ నాయకత్వంతో మంచి రిలేషన్‌ ఉన్న ముఖేష్‌గౌడ్‌ పార్టీ మారేందుకు ఎంఐఎం కారణమని తెలుస్తోంది. ఎంఐఎం అధినేత అసదుద్దీన్‌ ఒవైసీ సలహాతోనే ముఖేష్‌ కారెక్కనున్నట్లు సమాచారం. వచ్చే ఎన్నికల్లో గోషామహల్‌ నుంచి పోటీ చేయనున్న ముఖేష్‌.. అక్కడ గెలవాలంటే మైనారిటీల ఓట్లు కీలకం. గతంలో కాంగ్రెస్‌-ఎంఐఎం పొత్తుతో ముఖేష్‌గౌడ్‌ ఈజీగా గెలిచారు. కానీ... ఇప్పుడు పరిస్థితులు మారాయి. తాజాగా టీఆర్‌ఎస్‌-ఎంఐఎంల దోస్తీ కొనసాగుతుండడంతో.. ముఖేష్‌కు గడ్డు పరిస్థితి ఏర్పడే అవకాశం ఉంది. అయితే... టీఆర్‌ఎస్‌లో చేరితే గెలుపునకు సహకరిస్తానని అసదుద్దీన్‌ ముఖేష్‌గౌడ్‌కు మాటిచ్చినట్లు సమాచారం. అలాగే ముఖేష్‌ కారెక్కెందుకు కేసీఆర్‌తో అసదుద్దీన్‌ మంత్రాంగం నడిపినట్లుగా తెలుస్తోంది. 
వచ్చే ఎన్నికల్లో గెలవాలంటే ఎంఐఎం మద్దతు తప్పనిసరి
అయితే... టీఆర్‌ఎస్‌లో చేరేందుకు ముఖేష్‌గౌడ్‌ అయిష్టంగానే ఉన్నప్పటికీ... వచ్చే ఎన్నికల్లో గెలవాలంటే ఎంఐఎం మద్దతు తప్పనిసరి. ఈ నేపథ్యంలోనే... కారెక్కాలని నిర్ణయించుకున్నట్లు తెలుస్తోంది. ఇప్పటికే దీనిపై నిర్ణయం తీసుకున్న ముఖేష్‌గౌడ్‌ ముహూర్తం చూసుకొని గులాబీ తీర్థం పుచ్చుకోనున్నారు. ఇదిలావుంటే... ఎంఐఎం ఆపరేషన్‌లో ముఖేష్‌ ఒక్కరే ఉన్నారా ? లేక ఇంకేవరైనా ఉన్నారా ? అన్నది ఇప్పుడు హస్తం పార్టీలో చర్చనీయాంశంగా మారింది. 

 

16:15 - January 12, 2018
06:26 - January 5, 2018

హైదరాబాద్ : ముఖ్యమంత్రి కేసీఆర్‌ చేయిస్తున్న సర్వేలు అధికార పార్టీ నేతలను కలవరానికి గురి చేస్తున్నాయి. రాష్ట్రంలో పార్టీ పరిస్థితి అంతా బాగానే ఉందన్న సంకేతాలు ఇస్తున్న ముఖ్యమంత్రి..నియోజకవర్గల్లో టీఆర్‌ఎస్‌ పరిస్థితి పై మాత్రం స్పష్టత ఇవ్వడంలేదు. దీంతో నేతల్లో ఆందోళన పెరుగుతోంది. ఏడాది క్రితం సర్వేలను నియోజకవర్గాల వారీగా వెల్లడించిన సిఎం కేసీఆర్..తాజా సర్వేలను బహిర్గతం చేయకపోవడంపై నేతల్లో అనుమానాలు పెరుగుతున్నాయి. ప్రభుత్వ పాలన, పార్టీ ఎమ్మెల్యేల పనితీరుపై ముఖ్యమంత్రి కేసీఆర్‌ చేయిస్తున్న సర్వేలు టీఆర్‌ఎస్‌ ప్రజాప్రతినిధులను అయోమయానికి గురిచేస్తున్నాయి. సర్వే నివేదికలతో నేతలను అప్రమత్తం చేస్తూ ప్రజల్లో ఉన్నఅసంతృప్తిని చల్లార్చేందుకు తీసుకోవాల్సిన చర్యలపైనా సూచనలు చేస్తున్నారు. కానీ ప్రభుత్వ నిర్ణయాలు ఎలా ఉన్నా పార్టీ పరంగా, నియోజకవర్గాల వారీగా వస్తున్న ఫలితాలు మాత్రం గులాబీ నేతలను కలవరానికి గురి చేస్తున్నాయి.

ఇటీవలే ఓ సర్వే పూర్తయిందన్న సమాచారం నేతలకు అందడంతో వివరాలను తెలుసుకునే ప్రపయత్నిస్తున్నారు. పార్టీకి సానుకూల పవనాలు కనిపిస్తున్నా.... ప్రస్తుత శాసనసభ్యులపై మాత్రం వ్యతిరేకత పెరుగుతోందన్న అభిప్రాయం తాజా సర్వేలో తేలిందన్న సమాచారం టీఆర్‌ఎస్‌ నేతలను ఆందోళనకు గురి చేస్తోంది. తనను కలిసిన ఎమ్మెల్యేలతో పరిస్థితులు బాగానే ఉన్నాయంటూ... ధీమా నింపే ప్రయత్నాలను ముఖ్యమంత్రి కేసీఆర్‌ చేస్తున్నప్పటికీ వీరిలో అనుమానాలు మాత్రం తగ్గడంలేదు. వచ్చే ఎన్నికల్లో ప్రస్తుత ఎమ్మెల్యేల్లో 30 శాతం మందికి టికెట్ల దక్కే అవకాశం లేదన్న ప్రచారం పార్టీలో ఊపందుకుంది. ఈ పరిస్థితుల్లో సర్వే వివరాలు వెల్లడించకుండా అందరినీ సంతృప్తి పరిచే పనిలో ముఖ్యమంత్రి ఉన్నారని పార్టీ నేతలు చెబుతున్నారు.

శాసనసభ్యులతోపాటు ప్రభుత్వ పనితీరుపై ప్రజల్లో సానుకూలత ఉంటే.. గతంలో మాదిరిగా సర్వే ఫలితాలను బహిర్గతం చేసి ఉండేవారన్న అభిప్రాయం వ్యక్తం మవుతోంది. కేసిఆర్ అనుకున్న విధంగా సర్వే ఫలితాలు లేకపోవడంతోనే రహస్యంగా ఉంచుతున్నారన్న ప్రచారం జరుగుతోంది. మొత్తానికి కేసీఆర్‌ సర్వేలు అటు టీఆర్‌ఎస్‌ ఎమ్మెల్యేలతోపాటు ఇటు మంత్రులను ఆందోళనకు గురి చేస్తున్నాయి. 

07:38 - December 30, 2017

మహబూబ్ నగర్ : కాంగ్రెస్‌ ఫైర్‌బ్రాండ్‌ రేవంత్‌రెడ్డి మంత్రి కేటీఆర్‌పై విమర్శలతో విరుచుకు పడ్డారు. కేటీఆర్‌ అహంకారపూరితంగా వ్యవహరిస్తున్నారని మండిపడ్డారు. మహబూబ్‌నగర్‌ జిల్లా జడ్జర్ల నియోజకవర్గంలోని మిడ్జిల్‌ లో ఆయన పర్యటించారు. రేవంత్‌రెడ్డి రాక సందర్భంగా కాంగ్రెస్‌ కార్యకర్తలు భారీ ర్యాలీ నిర్వహించారు.  ఈ ర్యాలీని అడ్డుకోడానికి టీఆర్‌ఎస్‌ కార్యకర్తలు యత్నించడంపై రేవంత్‌ ఆగ్రహం వ్యక్తం చేశారు. టీఆర్‌ఎస్‌ కార్యకర్తలను పోలీసులు 
అదుపులోకి తీసుకున్నారు. 

 

19:13 - December 24, 2017
15:47 - December 19, 2017

హైదరాబాద్ : టీఆర్‌ఎస్‌కు ఉప ఎన్నిక తప్పేటట్టు లేదా ! నల్లగొండ ఉప ఎన్నికను దాట వేసుకుంటూ వస్తున్న గులాబీ పార్టీకి మరోచోట అది తప్పదా ? అంటే ప్రస్తుత పరిణామాలు చూస్తుంటే అది అవుననే అనిపిస్తోంది. ఇంతకు ఎక్కడ ఉప ఎన్నిక? ఏంటా పరిణామాలు... వాచ్‌ దిస్‌ స్టోరీ. 
టీఆర్‌ఎస్‌కు ఉప ఎన్నిక ఎదుర్కోవడం అనివార్యం  
టీఆర్‌ఎస్‌కు ఉప ఎన్నిక ఎదుర్కోవడం అనివార్యంగా కనిపిస్తోంది. వేములవాడ ఎమ్మెల్యే చెన్నమనేని రమేష్‌కు భారత పౌరసత్వం లేదని కేంద్ర హోంశాఖ తేల్చడంతో... ఉప ఎన్నిక తప్పేటట్లు కనిపించడం లేదు. చెన్నమనేని రమేష్‌ 2009లో ఎన్నికల్లో పోటీ చేసి గెలుపొందారు. అయితే ఆయన ప్రత్యర్థి.. రమేష్‌కు భారత పౌరసత్వం లేదని ఫిర్యాదు చేశాడు. దీంతో ఈ వివాదం అప్పటినుంచి కొనసాగుతోంది. అయితే అప్పటినుంచి విచారణ ఎదుర్కొంటున్న రమేష్‌కు ఎక్కడా కూడా అనుకూలమైన తీర్పు రాలేదు. ఇక 2014 ఎన్నికల్లో మూడోసారి ఎన్నికైన చెన్నమనేనిపై.. మరోసారి ప్రత్యర్ధి అభ్యర్థి ఫిర్యాదు చేశాడు. 
రమేష్‌కు భారత పౌరసత్వం లేదని వెల్లడించిన కేంద్ర హోంశాఖ  
రమేష్‌కు భారత పౌరసత్వం లేదని కేంద్ర హోంశాఖ గతంలోనే తన నిర్ణయాన్ని వెల్లడించింది. అయితే... దీనిపై రమేష్‌ రివ్యూ పిటిషన్‌ వేయగా మరోసారి విచారణ చేపట్టింది. అనేక అంశాలు పరిశీలించి... రమేష్‌కు భారత పౌరసత్వం లేదని కేంద్ర హోంశాఖ తేల్చింది. అయితే విచారణ ఏకపక్షంగా సాగిందంటూ రమేష్‌ ఆరోపిస్తున్నారు. కేవలం సాంకేతిక అంశాలనే పరిగణనలోకి తీసుకున్నారంటున్నారు. తనకు 2009 ఫిబ్రవరి 3వ తేదీనే భారత పౌరసత్వం లభించిందని... 2009 ఫిబ్రవరి 25వ తేదీ నుంచి అమలు చేస్తున్న నిబంధనలు తనకు వర్తించవంటున్నారు చెన్నమనేని రమేష్‌. దీంతో కేంద్ర హోంశాఖ నిర్ణయంపై మరోసారి హైకోర్టులో తేల్చుకునేందుకు చెన్నమనేని సిద్ధమవుతున్నారు. అయితే... ఒకవేళ చెన్నమనేనికి వ్యతిరేకంగా కోర్టు తీర్పు వస్తే... వేములవాడలో ఉప ఎన్నిక జరిగే అవకాశం కనిపిస్తోంది. నల్లగొండ ఉప ఎన్నికను దాట వేస్తూ వస్తున్న గులాబీ పార్టీకి... వేములవాడలో తప్పేటట్లు కనిపించడం లేదని పలువురు అభిప్రాయపడుతున్నారు. 

 

13:37 - December 19, 2017

హైదరాబాద్ : తెలంగాణ రాష్ట్రంలో హవా కొనసాగించిన అన్ని ప్రధాన రాజకీయపార్టీలకు హైదరాబాద్ జిల్లా ప్రత్యేకమే. ఇక్కడ పాగా వేయాలని రాజకీయ పార్టీలు ఎన్ని ప్రయత్నాలు చేసినా సక్సెస్ కాలేకపోతున్నాయి. ఈ ప్రాంతం MIM కనుసన్నల్లో ఉండటమే అందుకు కారణం. మైనార్టీలు మెజార్టీగా ఉండే నియోజకవర్గాల్లో పట్టు సాధించేందుకు నేరుగా రంగంలోకి దిగినా ఫలితం ఉండదనే ఇప్పటి వరకు సీఎం కేసీఆర్‌ అంటి ముట్టనట్లుగానే వ్యవహరించారు. తాజాగా హైదరాబాద్‌లో మొదలైన మెట్రో రైలు వ్యవహారం ఓల్డ్‌సిటీని తాకడంతో అదే అస్త్రంగా వాడుకునేందుకు అధికార పార్టీ సిద్ధమవుతోంది. ఓల్డ్‌సిటీలో కూడా మెట్రో పనులు మొదలు పెట్టాలని అన్ని రాజకీయ పార్టీలను ఏకం చేస్తోంది

ఎంఐఎం మినహా అన్ని రాజకీయపార్టీలు..
ఎంఐఎం మినహా అన్ని రాజకీయపార్టీలు, స్ధానిక ప్రజా సంఘాలు మెట్రోను ఓల్డ్ సిటీకి విస్తరించాలని డిమాండ్ చేస్తున్నాయి. తాజాగా ఓల్డ్ సిటీలో మెట్రో రైల్ జాక్ చేపట్టిన ఆందోళనల్లో టీఆర్‌ఎస్ నేతలు ఎక్కువగా కనిపించారు. రాజకీయాలకు అతీతంగా మెట్రో ఉద్యమం జరుగుతోందని ప్రచారం జరుగుతున్నా.. మెట్రో రైలుకు ఎంఐఎం మద్దతు ఇవ్వడం లేదన్న సంకేతాలు ప్రజల్లోకి తీసుకెళ్లాలని టీఆర్‌ఎస్ పావులు కదుపుతున్నట్లు తెలుస్తోంది. ఎన్నికలకు ఇంకా ఏడాదిన్నర సమయం ఉండటంతో మెట్రో ఉద్యమాన్ని మరింత ఉధృతం చేస్తామని మెట్రో జాక్ ప్రకటనలు కూడా చేస్తోంది. ఓవైపు ఎంఐఎంతో దోస్తీగా ఉంటూనే టీఆర్‌ఎస్ మరోవైపు కుర్చీ కోసం ప్రయత్నాలు మొదలుపెట్టడం ఇప్పుడు రాజకీయ వర్గాల్లో హాట్ టాపిక్‌గా మారింది. 

Pages

Don't Miss

Subscribe to RSS - TRS party