ts government

15:33 - August 21, 2018

హైదరాబాద్ : తెలంగాణ ఎక్స్ ప్రెస్ కు ఘోర ప్రమాదం తప్పింది. లోకో పైలెట్ అప్రమత్తంతో తెలంగాణ ఎక్స్ ప్రెస్ కు ఘోర ప్రమాదం నుండి బైటపడింది. మహారాష్ట్రలోని బాలార్షా వద్ద రైలు పట్టాల లింక్ తొలగిపోయింది. ఈ విషయాన్ని గమనించిన రైల్వే సిబ్బంది లోకో పైలెట్ ను హెచ్చరించారు. దీంతో లోకో పైలెట్ ట్రైన్ కు సడెన్ బ్రేక్స్ వేయటంతో ఘెర ప్రమాదం తప్పిపోయింది. అనంతరం పట్టాలు రిపేర్ చేసిన అనంతరం బాలార్షా నుండి తెలంగాణ ఎక్స్ ప్రెస్ తిరిగి బయలుదేరింది. 

16:40 - August 6, 2018

నిజామాబాద్ : ఎస్సారెస్పీ పరిధిలోని పలు గ్రామాల్లో 144 సెక్షన్ విధించారు. రైతుల ఆందోళనలు, పోలీసుల మోహరింపుతో తీవ్ర ఉద్రిక్తత పరిస్థితి నెలకొంది. కుమ్మర్ పల్లి మండలం ఉఫ్లూర్ లో పోలీసులు భారీగా మోహరించారు. ఈ సందర్భంగా కమిషనర్ కార్తికేయ 10టీవీతో మాట్లాడుతు..ఎస్సారెస్పీ గ్రామాల్లో పరిస్థితి పూర్తిగా అదుపులోకి వచ్చేంత వరకూ 144 సెక్షన్ కొనసాగిస్తామని తెలిపారు. రైతుల ఉసంయమనం పాటించాలని..ప్రజాస్వామ్యబద్దంగా వారు నిరసన తెలిపితే తాము సహకరిస్తామని..కానీ హింసాత్మక ఘటనలకు పాల్పడితే కఠిన చర్యలు తీసుకుంటామని తెలిపారు. కాగా ఎస్సారెస్పీ నుంచి కాకతీయ కాలువకు నీరు విడుదల చేయాలని ఆ ప్రాంత రైతులు ఆందోళన చేపట్టటంతో పోలీసులు భారీగా మోహరించారు. నీరు విడుదల లేదని ప్రభుత్వ కమిటీ స్పష్టం చేయటంతో ప్రస్తుత పరిస్థితుల్లో నీరు విడుదల చేయకపోతే పంటలు ఎండిపోతాయని రైతన్నలు ఆందోళన వ్యక్తం చేస్తు నీరు విడుదల చేయాలని డిమాండ్ చేస్తు రైతులు ఆందోళన చేపట్టారు. దీంతో తీవ్ర ఉద్రిక్త పరిస్థితులు నెలకొన్నాయి. ఈ నేపత్యంలో ఆప్రాంతంలో ఉద్రిక్తత నెలకొంది. 

06:34 - August 6, 2018

తూర్పుగోదావరి : అది గోదావరి గలగలలతో అలారారే ప్రాంతం.. చుట్టూ ఎటు చూసినా నీళ్లే.. కానీ తాగడానికి గుక్కెడు నీరు కూడా పనికిరాని పరిస్థితి. పుష్కలంగా గోదావరి పారుతున్నా.. నీటి యుద్ధాలు తప్పడంలేదంటే.. ఒకింత ఆశ్చర్యమేసినా అది పచ్చి నిజం. రాజమహేంద్రవరంలో నెలకొన్న నీటి కష్టాలపై 10టీవీ కథనం.. అఖండ గోదావరికి కేరాఫ్‌ అడ్రస్‌ వంటిది రాజమహేంద్రవరం. అక్కడ కూడా నీటి కష్టాలు తప్పడం లేదు. వినడానికి వింతగా ఉన్నా.. ఇది వాస్తవం. ఎన్ని ప్రణాళికలు వేసినా, కోట్లాది రూపాయలు ఖర్చు చేసినా.. మారు మూల ప్రాంతాల్లో నీటి కష్టాలు తీరడంలేదు. నీటి యుద్ధాలు ఆగడంలేదు.

రాజీవ్ స్వగృహ వంటి నగర శివారు ప్రాంతాల్లో వాటర్‌ ట్యాంక్ వస్తే చాలు.. పోరాటానికి నడుం బిగించాల్సిందే. గుక్కెడు నీళ్ల కోసం గుండెలవిసేలా, గొంతు ఎండేలా అరవాల్సిందే. రెండు రోజులకోసారి వచ్చే వాటర్‌ ట్యాంకర్‌ కోసం పడిగాపులు కాసి.. పట్టుకున్నా.. అవి తాగేందుకు పనికిరావడం లేదని ప్రజలు ఆవేదన వ్యక్తం చేస్తున్నారు.

నగరంలో ఎటు చూసినా కలుషిత నీరే. ఆరు నెలలుగా ఇదే పరిస్థితి నెలకొన్నా.. పాలకుల్లో చలనం లేదు. మున్సిపల్ అధికారుల అలసత్వంతో నీరంతా బురదమయమవుతోందని స్థానికులు మండిపడుతున్నారు. కలుషిత నీటితో అనారోగ్యాల పాలవుతున్నామని రాజీవ్ స్వగృహలోని ప్రజానీకం ఆవేదన చెందుతున్నారు. నీరొస్తే చాలని ఎదురు చూస్తున్న జనానికి.. వాటర్‌ ట్యాంకులో వస్తున్న బురదనీరు చూసి ఎవరికి చెప్పుకోవాలో తెలియక కుమిలిపోతున్నారు.

వైకేసీ కాలేజీ రోడ్, తిలక్ రోడ్‌, ఏవీ అప్పారావు రోడ్, క్రిష్ణానగర్, లలితానగర్, క్వారీ రోడ్, సుభాష్ నగర్, కోటి లింగాలపేట, సీతంపేట, కోర్లంపేట, జాంపేటతోపాటు నగరంలో ఏ మూల చూసినా బురద నీరే వస్తోంది. పాలకుల నిర్లక్ష్యం వల్లే తాము రోగాల బారిన పడుతున్నామని ఆగ్రహం వ్యక్తం చేస్తున్నారు ప్రజలు. చిన్నా పెద్దా తేడాలేకుండా.. డయేరియా, కడుపునొప్పితో బాధపడుతున్నామని ఆవేదన వ్యక్తం చేస్తున్నారు. ముక్కు పిండి పన్నులు వసూలు చేసే కార్పొరేషన్ అధికారులు.. మంచి నీటిని ఎందుకు అందించడం లేదంటూ ప్రశ్నిస్తున్నారు.

ఆరు లక్షలకుపైగా జనాభా ఉన్న రాజమహేంద్రవరంలో.. అందుకు తగ్గట్టు మౌళిక వసతులు మాత్రం లేవు. దీనికి తోడు.. మురుగునీటి వ్యవస్థ అస్తవ్యవస్తంగా ఉంది. గడిచిన మూడేళ్లలో పలు అభివృద్ధి పనులకు 400 కోట్లకు పైగా ఖర్చుచేస్తే... అందులో సింహభాగం తాగు నీటి పైప్‌ లైన్ల కోసమే వ్యయం చేశారు. పాత పైపులైన్లు లీకవుతుండడంతో కొత్తవి వేశారు. నాసిరకపు పనుల వల్ల కొత్త పైపులైన్లు అప్పుడే పగిలిపోయాయి. వాటికి మరమ్మత్తులు చేస్తున్న క్రమంలోనే తాగునీరు కలుషితం అవుతోంది.

నగరవాసులకు నీటికష్టాలు తగ్గించేందుకు కార్పొరేషన్ చేసిన ప్రయత్నాలు కేవలం కంటి తుడుపు చర్యగా ఉందని ప్రజలు పెదవి విరుస్తున్నారు. మూడు రిజర్వాయర్లు కట్టి 50 వార్డులకు 45ఎంఎల్డీ నీటిని అందిస్తున్నా చాలడంలేదు. దీనికి తోడు నీటిని సరిగా ప్యూరిఫికేషన్ చేయకపోవడంతో ప్రజలకు కష్టాలు తప్పడం లేదు. నిండు గోదావరి చెంతనే ఉన్నా గుక్కెడు నీటికి జనం అర్రులు చాస్తున్న దుస్థితి నెలకొంది. నగరంలో అసలు నీరే దొరక్క కొందరు ఇబ్బంది పడుతుంటే.. నీరు దొరికినా తాగలేని అవస్థ మరికొందరిది. అధికారులు, కాంట్రాక్టర్లు కుమ్మక్కై ప్రజలను అనారోగ్యానికి గురి చేస్తున్నారన్న విమర్శలు సర్వత్రా వినిపిస్తున్నాయి. ఇప్పటికైనా పాలకులు నిర్లక్ష్యం వీడాలని ప్రజానీకం కోరుతున్నారు. 

21:48 - August 5, 2018

మేడ్చల్‌ : జిల్లాలోని చర్లపల్లి జైలు సూపరింటెండెంట్‌పై వేధింపుల ఆరోపణలు వచ్చాయి. చింతల దశరథం తనను వేధిస్తున్నాడంటూ వార్డర్‌ శ్రీనివాస్‌ సూసైడ్‌ నోట్‌ రాశాడు. నిజాయితీగా ఉన్నందుకు తనను వేధిస్తున్నాడని శ్రీనివాస్‌ సెల్ఫీ వీడియో తీసి కనిపించకుండా పోయాడు. దీంతో ఆందోళన నెలకొంది. దశరథం అవినీతి, అక్రమాలకు పాల్పడుతున్నాడని శ్రీనివాస్‌ తన సూసైడ్‌ లేఖలో పేర్కొన్నాడు. 

20:01 - August 2, 2018

రాజన్న సిరిసిల్ల : జిల్లా గంభీరావుపేట మండలం ధమ్మన్నపేటలో విద్యుత్‌ షాక్‌తో నాలుగు గేదెలు మృతి చెందాయి. ప్రమాదంలో రెండు లక్షల రూపాయల నష్టం వాటిల్లిందని గ్రామస్తులు ఆవేదన వ్యక్తం చేశారు. విద్యుత్‌ అధికారుల నిర్లక్ష్యం వల్లే వైర్లు తెగి పోయాయని గ్రామస్తులు ఆరోపించారు. ధమ్మన్న పేట రహదారి వెంట స్కూల్‌ పిల్లలు వస్తుంటారని గ్రామస్తులు చెబుతున్నారు. నష్టపోయిన రైతులకు నష్టపరిహారం చెల్లించాలని గ్రామస్తులు కోరారు.

 

19:45 - August 2, 2018

మెదక్‌ : జిల్లాలోని అల్లదుర్గం మండలం చిల్వర గ్రామంలో విషాదం నెలకొంది. విద్యుత్‌ వైర్లు తెగిపడి ఇద్దరు వ్యక్తులు మృతి చెందారు. గీత కార్మికుడు సంగమేశ్వర్‌ గౌడ్‌, మహమ్మద్‌ పాషా పొలంలో పనులు చేస్తుండగా ఈ ప్రమాదం జరిగింది. అధికారుల నిర్లక్ష్యం వల్లే ఈ ప్రమాదం జరిగిందని స్థానికులు ఆరోపించారు. హై టెన్షన్‌ వైర్ల ప్రమాదం ఉందని ఎన్నిసార్లు ఫిర్యాదు చేసిన అధికారులు పట్టించుకోలేదని స్థానికులు ఆగ్రహం వ్యక్తం చేశారు. మృతుల కుటుంబాలను ప్రభుత్వం అదుకోవాలని, వారి కుటుంబంలో ఒకరికి ఉద్యోగం ఇవ్వాలని గ్రామస్తులు డిమాండ్‌ చేశారు. 

 

13:34 - July 29, 2018
15:31 - July 27, 2018

హైదరాబాద్ : కాసేపట్లో సీఎం కేసీఆర్ అధ్యక్షతన ప్రగతి భవన్ లో టీ.కేబినెట్ భేటీ కానుంది. ఈ భేటీలో 42 అంశాలపై మంత్రులతో కేసీఆర్ చర్చించనున్నారు. హరితహారం, రైతు బీమా, కంటి వెలుగు, బీసీలకు వంద శాతం రిజర్వేషన్లు, సబ్సిడీ పథకాలు, కొత్త మున్సిపాలిటీ కార్పొరేషన్లకు ఆమోదం, 9,200ల కొత్త గ్రామదర్శుల నియామకం వంటి 42 అంశాలపై కేసీఆర్ విస్తృతంగా చర్చించనున్నారు. 

17:51 - July 26, 2018

హైదరాబాద్ : ఇందిరా పార్క్‌ ధర్నా చౌక్‌ను పునరుద్ధరించాలని ఏఐసీసీ కార్యదర్శి వి.హనుమంతరావు డిమాండ్‌ చేశారు. ముఖ్యమంత్రి కేసీఆర్‌, గవర్నర్‌ నరసింహన్‌ ప్రజా సమస్యలను పట్టించుకోవడంలేదని విమర్శించారు. ఇలాంటి సమయంలో ప్రజావాణి వినిపించేందుకు ధర్నా చౌక్‌ ఒక్కటే మార్గమన్నారు. ఢిల్లీలోని జంతర్‌ మంతర్‌ వద్ద ధర్నాలు, బోట్స్ క్లబ్‌లో సభలు నిర్వహించుకునేందుకు సుప్రీంకోర్టు అనుమతి ఇచ్చిన విషయాన్ని వీహెచ్‌ గుర్తు చేశారు.

15:53 - July 25, 2018

సంగారెడ్డి : అక్కడి పల్లెల్ని, పచ్చని పంట పొలాలను కాలుష్యం కాటేస్తోంది. అక్కడి వాతావరణాన్ని, పరిశ్రమలు విధ్వంసం చేస్తున్నాయి. దశాబ్దాల క్రితం ఏర్పాటైన పరిశ్రమలు ఇప్పుడు.. విస్తరణ బాట పట్టాయి. అంటే అక్కడి ప్రజలు మరింత కాలుష్య కోరల్లో చిక్కుకోబోతున్నారు. వందలాది గ్రామాలు లక్షలాది మంది ప్రజల జీవితాలను అతలాకుతలం చేస్తున్న కాలుష్య భూతంపై 10టీవీ కథనం..
పచ్చని పంట పొలాలతో కళకళలాడే మెతుకుసీమ
వరి ప్రధాన పంటగా ఉండి... ఎటు చూసినా పచ్చని పొలాలతో మెతుకుసీమగా పేరొందిన ఉమ్మడి మెదక్‌ జిల్లా ఇప్పుడు కాలుష్యపు కాటుకు బలవుతోంది. హైదరాబాద్‌కు దగ్గరగా ఉండటం, మంచి రవాణా సదుపాయాలు ఉండడంతో మెతుకుసీమలో అనేక పారిశ్రామిక వాడలు వెలిశాయి. జిల్లాలో చిన్నా పెద్దవి కలిపి దాదాపు 450పైగా పరిశ్రమలు నెలకొల్పబడ్డాయి. అంతర్జాతీయ స్థాయిలో ఇక్కడి పరిశ్రమ ఉత్పత్తులు నిత్యం ఎగుమతి అవుతున్నాయి. ఉత్పత్తి, ఎగుమతి లాభాలనే చూస్తున్న పరిశ్రమల అధిపతులు... అవి వెదజల్లే కాలుష్యాన్ని పెద్దగా పట్టించుకోవడం లేదు. ఇది చాలదన్నట్టు ఇప్పుడు అనేక పరిశ్రమలు విస్తరణ దిశగా అడుగులేస్తున్నాయి. పరిశ్రమల ఏర్పాటుకో, విస్తరణకో స్థానిక ప్రజలు అడ్డుచెప్పడం లేదు. మొక్కుబడిగా ప్రజాభిప్రాయసేకరణ చేసి ఇష్టారాజ్యంగా పరిశ్రమలను నడిపిస్తాం అంటేనే ఊరుకొనేది లేదని స్థానికులు తెగేసి చెబుతున్నారు.
పాశమైలారంలో పారిశ్రామిక వ్యర్థ జలాల శుద్దిప్లాంట్‌
ఇటీవల సంగారెడ్డి జిల్లా పాశమైలారం పారిశ్రామికవాడలో 104 కోట్ల రూపాయలతో ఏర్పాటు చేయనున్న పారిశ్రామిక వ్యర్థ జలాల శుద్దిప్లాంట్‌కు మంత్రి కేటీఆర్‌ శంకుస్థాపన చేశారు. ఈ సందర్భంగా ఆయన తెలంగాణ ప్రభుత్వం పారిశ్రామిక విధానాన్ని మరో మారు స్పష్టం చేశారు. కాలుష్యకారక పరిశ్రమలను మూసివేయడానికి ప్రభుత్వం ఎట్టి పరిస్థితుల్లోనూ వెనుకంజవేయబోదని స్పష్టం చేశారు. కాలుష్య రహితంగానే పరిశ్రమలు ఏర్పాటు కావాలన్నారు.
కేటీఆర్‌ ప్రకటనను పట్టించుకోని పరిశ్రమల అధిపతులు
మంత్రి కేటీఆర్‌ ఇంత స్పష్టంగా ఒక విధాన ప్రకటన చేసినా.. పరిశ్రమల యజమానుల్లో మాత్రం మార్పు కనిపించడం లేదు. ఇటీవల ఆరూర్‌లో ఎవరెస్ట్‌ ఆర్గానిక్స్‌ పరిశ్రమ విస్తరణ కొరకు ఏర్పాటు చేసిన ప్రజాభిప్రాయసేకరణలో.. ప్రజలు ఆ పరిశ్రమ సృష్టిస్తున్న కాలుష్య విధ్వంసాన్ని జిల్లా అధికారులు సాక్షిగా ఎత్తిచూపారు. కంపెనీ విస్తరణకు ఎట్టి పరిస్థితుల్లోనూ ఒప్పుకోబోమని స్పష్టం చేశారు. అయితే స్థానికుల నిరసన మధ్యే అధికారులు ప్రజాభిప్రాయ సేకరణ తంతు ముగించారు.
మొక్కుబడి తంతుగా సాగుతోన్న ప్రజాభిప్రాయ సేకరణ
పరిశ్రమల ఏర్పాటు, విస్తరణ కోసం అధికారులు చేపడుతున్న ప్రజాభిప్రాయ సేకరణ ఓ మొక్కుబడి తంతుగా సాగుతోంది. దీన్ని ప్రజలు తీవ్రంగా వ్యతిరేకిస్తున్నారు. కనీసం ముందస్తు సమాచారం ఇవ్వకుండా హడావిడిగా ప్రజాభిప్రాయసేకరణ చేపట్టడాన్ని నిరసిస్తున్నారు. ఎవరెస్ట్‌ ఆర్గానిక్స్‌ పరిశ్రమ విస్తరణకు సమీపంలో 52 గ్రామాలు ఉంటే... అధికారులు కేవలం ఒక గ్రామానికి మాత్రమే సమాచారం ఇచ్చారు. దీన్ని పీసీబీ అధికారే ఒప్పుకున్నారు.
అనారోగ్యం బారిన పడుతున్న స్థానికులు
పరిశ్రమల రాకతో తమ బతుకులు మారుతాయని...కలలుగంటున్న స్థానిక ప్రజలు ఇప్పుడు అనారోగ్యం బారిన పడుతున్నారు. పంట పొలాలను కోల్పోతున్నారు. జల, వాయు, శబ్ద కాలుష్యాలతో వారి బతుకే ప్రశ్నార్థకంగా మారింది. దీంతో ప్రభుత్వం పరిశ్రమలకు అడ్డగోలుగా అనుమతులు ఇవ్వవద్దని వారు వేడుకుంటున్నారు.
పరిశ్రమల ఏర్పాటుపై కన్నెర్ర జేస్తున్న స్థానికులు
పరిశ్రమల ఏర్పాటుకు ప్రభుత్వం మాత్రం ఎర్ర తివాచీ పరుస్తోంది. కాలుష్యంతో పరిశ్రమలను నడుపుతామంటే ఊరుకొనేది లేదని కన్నెర్రజేస్తోంది. మరో వైపు అధికారుల తీరుమాత్రం ఇందుకు విరుద్దంగా ఉంటోంది. భారీ స్థాయిలో కాలుష్యాన్ని వెదజల్లే పరిశ్రమలకూ అనుమతులు ఇస్తూ పోతున్నారు. పరిశ్రమల అధిపతులు ఇచ్చే అమ్యామ్యాలకు దాసోహమైపోతున్నారు. దీంతో ప్రజల బతుకులు ప్రశ్నార్థకంగా మారుతున్నాయి. 

Pages

Don't Miss

Subscribe to RSS - ts government