TS politics

20:13 - August 13, 2018

హైదరాబాద్ : ఏఐసీసీ అధ్యక్షుడు రాహుల్ గాంధీపై తెలంగాణ రాష్ట్ర ముఖ్యమంత్రి కేసీఆర్ పలు విమర్శలు గుప్పించారు. సోమవారం టీఆర్ఎస్ కార్యవర్గ సమావేశం జరిగింది. సమావేశం ముగిసిన అనంతరం ఆయన సమావేశ వివరాలు వెల్లడించారు. ఈ సందర్భంగా రాహుల్ పర్యటనపై ఆయన స్పందించారు. రాహుల్ కొంత మెచ్యూర్టీ పెంచుకొంటే మంచిదని, తెలంగాణ రాష్ట్రంలో కాంగ్రెస్ ప్రభుత్వం ఎక్కడ ? అని ప్రశ్నించారు. 2.60 వేల డబుల్ బెడ్ రూం నివాసాలు కడుతామని చెప్పడం జరిగిందని, అలాగే చేస్తున్నామని..ఈ విషయంలో రాహుల్ తప్పుడు ఆరోపణలు చేశారన్నారు.

లక్ష ఉద్యోగాల విషయంలో ఇప్పటికే ముందుకొచ్చామని పేర్కొన్నారు. ఢిల్లీ కుటుంబ పాలన కంటే తమ కుటుంబ పాలన బెటర్ అని, బానిస రాజకీయాలను తెలుగు ప్రజలు పటాపంచలు చేశారన్నారు. రాహుల్ వస్తే భయపడుతున్నారని..అంటున్నారు..ఇక్కడ ఎవరూ భయపడరన్నారు.

ఆరు..ఏడు సర్వేలు నిర్వహించడం జరిగిందని...నూటొక్క శాతం వంద పైచిలుకు పైగా స్థానాల్లో విజయం సాధిస్తామన్నారు. నిరుద్యోగ భృతిపై ప్రకటనలు చేస్తున్నారని, కాంగ్రెస్ దీనిపై సరియైన విధి విధానాలున్నాయా ? అని సూటిగా ప్రశ్నించారు. మరింత సమాచారం కోసం వీడియో క్లిక్ చేయండి. 

20:10 - August 13, 2018

హైదరాబాద్ : తెలంగాణ రాష్ట్ర సమితి పార్టీ అధ్యక్షుడు, సీఎం కేసీఆర్ కీలక ప్రకటనలు చేశారు. సోమవారం టీఆర్ఎస్ కార్యవర్గ సమావేశం జరిగింది. సమావేశం ముగిసిన అనంతరం ఆయన సమావేశ వివరాలు వెల్లడించారు. టీఆర్ఎస్ కార్యవర్గంలో 9 తీర్మానాలు ఆమోదించినట్లు ఆ పార్టీ అధ్యక్షుడు, సీఎం కేసీఆర్ వెల్లడించారు. విభజన చట్టంలోని ఇచ్చిన హామీలను అమలు చేయాలని, విలీన ప్రక్రియ సంపూర్ణం చేయాలని, వరి, మొక్క జొన్నకు రూ. 2 వేల చొప్పున మద్దతు ధర ఇవ్వాలని పేర్కొనడం జరిగిందన్నారు. కాళేశ్వరం ప్రాజెక్టుకు రూ. 20వేల కోట్లు ప్రకటించాలని...ముస్లిం వర్గాలకు రిజర్వేషన్ పెంచుతూ శాసనసభ తీర్మానం చేయడం జరిగిందని కేంద్రం దీనిని తాత్సారం చేస్తోందని, ఎస్సీ వర్గీకరణలో కూడా ఇదే విధంగా చేస్తోందన్నారు. ఏపీ రాష్ట్రంలో లెక్కించినప్పుడు ఎస్సీలు పలచబడ్డారని..ఒక రాష్ట్రానికి ఒక నీతి..మరొక రాష్ట్రానికి మరొక నీతి మంచిది కాదన్నారు.

9వ షెడ్యూల్ లో తమిళనాడు రాష్ట్రానికి ఏ విధంగా చేశారో తెలంగాణకు కూడా అదే విధంగా చేయాలని తీర్మానం చేయడం జరిగిందన్నారు. బీసీలకు మహిళలకు చట్ట సభల్లో రిజర్వేషన్లు కల్పించాలని మరోసారి తీర్మానం చేసినట్లు, ఎప్పటి నుండో ఉన్న ఈ డిమాండ్ ను కేంద్రం పరిశీలించాలని తీర్మానం చేయడం జరిగిందన్నారు. నీతి ఆయోగ్ లో ఉన్నది పేరు గొప్ప ఊరు దిబ్బ అనే చందంగా ఉందన్నారు. ఒక్క దానిపై సమీక్షించడం లేదని గతంలో తాను పాల్గొన్న సమావేశంలో కుండబద్ధలు కొట్టారని, పార్లమెంట్ స్థానాలు పెంచాలని తీర్మానాలు చేయడం జరిగిందన్నారు.

టీఆర్ఎస్ పార్టీ ప్రభుత్వ పని తీరు..దేశం..రాష్ట్రంలో వివిధ పరిస్థితులపై చర్చించడం జరిగిందన్నారు. వివిధ పత్రికల్లో పలు కథనాలు వస్తున్నాయని దీనిపై వివరణనిచ్చే అవసరం ఉందన్నారు. వచ్చే ఎన్నికల్లో టీఆర్ఎస్ ఒంటిరిగా పోటీ చేస్తుందని..ఏ పార్టీతో పొత్తు ఉండదని ప్రకటిస్తున్నట్లు తెలిపారు. సెప్టెంబర్ 2వ తేదీన హైదరాబాద్ లో టీఆర్ ఎస్ భారీ బహిరంగసభ నిర్వహిస్తామన్నారు. 'ప్రగతి సభ' పేరిట ఈ బహిరంగసభ ఉంటుందన్నారు. సెప్టెంబర్ నుండి దశల వారీగా టీఆర్ఎస్ అభ్యర్థులను ప్రకటిస్తామన్నారు. ఎన్నికల అభ్యర్థుల నియామకం అధ్యక్షుడు పూర్తి బాధ్యతలు అప్పచెబుతూ రాష్ట్ర కార్యవర్గం నిర్ణయం తీసుకుందన్నారు. 

17:57 - August 13, 2018

హైదరాబాద్ : తెలంగాణ భవన్‌లో టీఆర్‌ఎస్‌ రాష్ట్రకార్యవర్గ సమావేశం కొనసాగుతోంది. పార్టీ అధినేత, ముఖ్యమంత్రి కేసీఆర్‌ అధ్యక్షతన ఈ సమావేశం జరుగుతోంది. పార్టీ నిర్వహించిన సర్వే ఫలితాల ఆధారంగా ప్రజాప్రతినిధులను అప్రమత్తం చేయడంతో పాటు పార్టీ ప్రతిష్ఠాత్మక కార్యక్రమాల నిర్వహణ, విస్తృత స్థాయి ప్రచారం లక్ష్యంగా ఈ సమావేశాన్ని నిర్వహిస్తున్నారు. ఎన్నికలెప్పుడొచ్చినా సిద్ధంగా ఉండాలని పార్టీ నేతలకు దిశా నిర్దేశం చేయనున్నారు. రెండు రోజుల పర్యటనకు హైదరాబాద్‌ వచ్చిన రాహుల్‌కు ఎన్నికల సవాలు విసిరే అవకాశం ఉన్నట్లు తెలుస్తోంది. రాత్రి ఏడు గంటలకు సమావేశం వివరాలు ముఖ్యమంత్రి కేసీఆర్‌ మీడియాకు వివరించనున్నారు.

 

12:16 - August 12, 2018

హైదరాబాద్ : గులాబీ పార్టీ సార్వత్రిక ఎన్నికలకు సిద్ధమవుతోంది. ఎన్నికల ఏర్పాట్లకు ఆ పార్టీ శ్రీకారం చుడుతోంది. ప్రతిపక్ష పార్టీలు ఎన్నికలకు సిద్ధం అయ్యేలోపే.... పార్టీ ప్రచార వ్యూహాలకు కేసీఆర్‌ పదును పెడుతున్నారు. ప్రచార సామాగ్రిని సిద్ధం చేసే పనిలో గులాబీపార్టీ దృష్టి సారించింది.
ఎన్నికలకు సిద్ధమవుతున్న గులాబీ పార్టీ
తెలంగాణ రాష్ట్ర సమితి సార్వత్రిక సమరానికి సన్నద్ధమవుతోంది. ఎన్నికలు ఎప్పుడువచ్చినా ఎదుర్కొనేందుకు సిద్ధం అవుతోంది. సాధారణ ఎన్నికలను ఎదుర్కొనేందుకు ఇంకా 8 నెలల సమయం ఉన్నా... ఈ ఏడాది చివరినాటికి లేదంటే కొత్త ఏడాది మొదట్లోనే ఎన్నికలు వచ్చే అవకాశం ఉందని ఆపార్టీ నేతలు అంచనా వేస్తున్నారు. జమిలి ఎన్నికల కంటే శాసనసభ ఎన్నికలను ముందుగానే ఎదుర్కోవాలనే యోచనలో గులాబీ బాస్‌ ఉన్నట్టు తెలుస్తోంది.
టీఆర్‌ఎస్‌ ద్విముఖ వ్యూహం
ఎన్నికల్లో విజయం అందుకోవడానికి ఓ వైపు ప్రభుత్వ కార్యక్రమాలు... మరోవైపు పార్టీ కార్యక్రమాలను ముమ్మరం చేసేలా వ్యూహం రచించారు.  ఇప్పటికే రైతు బంధు పథకంతో మొదటి విడత చెక్కులు పంపిణీ చేయగా... ఈ నెలలో మరో మూడు ముఖ్యమైన పథకాలకు ప్రభుత్వం శ్రీకారం చుడుతోంది. రైతులందరికీ బీమాతోపాటు కంటివెలుగు, మిషన్‌ భగీరథను మొదలు పెట్టాలని నిర్ణయించింది.  ఇక కాళేశ్వరం ప్రాజెక్టు పనులను యుద్ధప్రాతిపదికన పూర్తిచేసి కొన్ని ప్రాంతాలకైనా సాగునీటిని అందించే విధంగా చర్యలు తీసుకుంటోంది.  ఎమ్మెల్యేలు ఎప్పటికప్పుడు క్షేత్రస్థాయిలో ఉండేలా గులాబీ బాస్‌ చర్యలు తీసుకుంటున్నారు.  ఎన్నికల ప్రచార సామాగ్రిని  కూడా త్వరలో సిద్ధం చేయనున్నట్టు తెలుస్తోంది. ప్రభుత్వ పరంగా మొదలుపెట్టిన పనులను ప్రజల్లోకి తీసుకెళ్లేందుకు పాటలను సైతం రూపొందించింది. ప్రతిపక్ష్ష పార్టీలు ఎన్నికలకు సిద్ధం అయ్యేలోపు  అన్ని హంగులతో ఎన్నికల ప్రచారానికి తెరలేపేందుకు గులాబి బాస్  ఇప్పటి నుంచే ప్రణాళికలను అమలు చేయాలని నిర్ణయించినట్లు సమాచారం. గెలుపే లక్ష్యంగా వ్యూహరచనలు చేస్తున్నారు. 
-----------

20:09 - August 3, 2018

హైదరాబాద్ : సీతారామ ప్రాజెక్ట్‌ టెండర్ల ప్రక్రియలో అవినీతి జరిగిందని ఆరోపించారు కాంగ్రెస్‌ నేత రేవంత్‌రెడ్డి. కేసీఆర్‌ కుటుంబం అధికారంలోకి వచ్చిన తర్వాత ధనిక రాష్ట్రం దివాల తీసిందన్నారు. రాష్ట్రం రాకముందు పది పైసలకు విలువలేని కేసీఆర్‌ కుటుంబం.. రాష్ట్రం వచ్చిన తర్వాత వేల కోట్ల రూపాయల ఆస్తులను కూడ బెట్టుకుందని ఆరోపించారు. కేసీఆర్‌ కుటుంబంపై ఆరోపణలు చేస్తున్నందుకు తనపై ఎదురుదాడికి దిగిందని తెలిపారు. నీళ్ల సెంటిమెంట్‌ను అడ్డం పెట్టుకుని ధన దోపిడికి పాల్పడుతున్నారని రేవంత్‌రెడ్డి ఆరోపించారు. 

 

19:01 - August 3, 2018

హైదరాబాద్ : ప్రభుత్వ అవినీతిపై ప్రశ్నిస్తుంటే.. టీఆర్ ఎస్ నేతలు చిల్లర మాటలు మాట్లాడుతున్నారని కాంగ్రెస్ నేత రేవంత్ రెడ్డి అన్నారు. సమస్యలపై నిలదీస్తుంటే అడ్డగోలుగా దాడి చేస్తున్నారని మండిపడ్డారు. చర్చల ద్వారా ప్రజలకు సమాధానం చెప్పాలమని అడిగితే ఎదురుదాడి చేస్తూ తప్పించుకునేందుకు ప్రయత్నం చేస్తున్నారని విమర్శించారు. సీతారామ ప్రాజెక్టుకు 2500 కోట్ల రుపాయలు అంచనాలు పెంచారని.. ధన దాహం తీర్చుకునేందుకు, దోచుకోవడం కోసమే ప్రాజెక్టు నిర్మాణం అంచనాలు పెంచుతున్నారా..? అని ప్రశ్నించారు.  

 

12:32 - July 29, 2018

హైదరాబాద్ : చెరువుల్లో మురునీరు కలుస్తుండడం వల్ల మురుగునీరు..దోమల సమస్యతో తీవ్ర ఇబ్బందులు పడుతున్నామని..గత కొన్ని ఏళ్లుగా ఎదుర్కొంటున్న ఈ సమస్యను పరిష్కరించాలని కాలనీ వాసులు ముక్తకంఠంతో కోరుతున్నారు. ఈ సమస్య పరిష్కారమయితే లక్షలాది మంది జీవితాలను కాపాడిన వారవుతారని తెలియచేస్తున్నారు. మీర్ పేటలో ఏకంగా 15 కాలనీల వారు స్వచ్చందంగా పోరాటానికి సిద్ధమౌతున్నారు. గత కొన్ని రోజులుగా మురుగునీరు, విపరీతమైన దోమలతో అల్లాడుతున్న వీరంతా పోరాటం చేయాలని నడుం బిగించారు. మీర్ పేట, జిల్లెలగూడల్లో మూడు చెరువులున్నాయి. ఈ చెరువుల్లో మురుగునీరు కలుస్తుండడం వల్ల దోమలు వృద్ధి చెందడం..అనారోగ్య సమస్యలు ఏర్పడుతున్నాయి. గత కొన్ని ఏళ్లుగా ఉన్న ఈ సమస్యను పరిష్కరించుకోవడానికి రాజకీయాలకతీతంగా కాలనీ వాసులు దీక్షలు చేపట్టారు. సాయంత్రం వరకు ప్రభుత్వం స్పందించాలని కోరతున్నారు.

స్థానిక ఎమ్మెల్యే కూడా పట్టించుకోవడం లేదని సీపీఎం నేత చెరుపల్లి పేర్కొన్నారు. ప్రజలు ఆర్థికంగా..ఆరోగ్య రీత్యా..అన్ని రకాలుగా బాధ పడుతున్నారని..వెంటనే సమస్యను పరిష్కరించాలని కోరారు. మరింత సమాచారం కోసం వీడియో క్లిక్ చేయండి. 

10:26 - July 29, 2018

హైదరాబాద్ : 'తమ సమస్య పరిష్కరించాలి...చెరువుల్లోని మురుగునీటిని తొలగించాలి..ఎన్నో ఏళ్లుగా ఎదుర్కొంటున్న సమస్యకు విముక్తి కల్పించాలి...డబుల్ బెడ్ రూం ఇళ్లు అడగడం లేదు...కేవలం ఒక ట్రంక్ లైన్ ఏర్పాటు చేయాలని అడుగుతున్నాం..తెలంగాణ ఆడబిడ్డలమైన తాము పిల్లలతో ఆదివారం దీక్ష చేస్తున్నాం..ప్రభుత్వం కనికరించాలి' అంటూ కాలనీ వాసులు ముక్తకంఠంతో నినదిస్తున్నారు. మీర్ పేటలో ఏకంగా 15 కాలనీల వారు స్వచ్చందంగా పోరాటానికి సిద్ధమౌతున్నారు. గత కొన్ని రోజులుగా మురుగునీరు, విపరీతమైన దోమలతో అల్లాడుతున్న వీరంతా పోరాటం చేయాలని నడుం బిగించారు. మీర్ పేట, జిల్లెలగూడల్లో మూడు చెరువులున్నాయి. ఈ చెరువుల్లోకి మురుగునీరు వచ్చి చేరుతోంది. ఈ సమస్యను పరిష్కరించాలంటూ 20వేల మంది ఒక రోజు దీక్ష చేపట్టారు. ఈసందర్భంగా టెన్ టివి వారితో మాట్లాడింది.

అన్ని వసతులు కల్పిస్తామని చెప్పారని...కానీ డ్రైనేజీ సిస్టంలో నిర్లక్ష్యం వహించారన్నారు. ఎఫ్ టిఎల్ లో ఇళ్లు కట్టుకున్నారని చెబుతున్నారని..మేము ఎందుకు కట్టుకుంటామని ప్రశ్నించారు. ఇలా ఐదేళ్లుగా సమస్యను ఎదుర్కొంటున్నామని చెప్పారు. చెరువుకు ఇవాంక ట్రంప్ పేరు పెట్టడం జరిగిందని, ఆమె గతంలో హైదరాబాద్ లో పర్యటించిన సమయంలో రోడ్లను అభివృద్ధి చేయడం..కోట్లు ఖర్చు పెట్టారని కానీ చెరువులను మాత్రం బాగు చేయడం లేదని విమర్శించారు. వర్షాలు పడితే వలసలు వెళ్లాల్సి వస్తోందని ఆవేదన వ్యక్తం చేశారు. మంచినీటి చెరువులు మురుగు చెరువులు మారిపోవడం వల్ల దోమలతో విపరీతమైన ఇబ్బందులు పడుతున్నామన్నారు. రూ. 18 కోట్లు మంజూరు చేశామని..పనులు చేస్తున్నామని చెబుతున్నారే కానీ ఎలాంటి పనులు చేయడం లేదన్నారు. వెంటనే తమ సమస్య పరిష్కరించాలని కోరుతున్నారు. 

09:26 - July 29, 2018

హైదరాబాద్ : ఎవరైనా చెరువుల్లోకి మురుగునీటి పైపులైన్లు వేస్తారా ? మురుగునీరు పంపుతారా ? అని మాజీ ఎమ్మెల్సీ, ప్రొ.నాగేశ్వర్ ప్రశ్నించారు. మూడు చెరువుల్లో ఉన్న మురుగునీరు, గుర్రపు డెక్క తొలగించాలని డిమాండ్ చేస్తూ 15 కాలనీ వాసులు ఒక రోజు దీక్ష చేపట్టారు. ఈ దీక్షలో ప్రొ.నాగేశ్వర్ పాల్గొన్నారు. గత కొన్ని రోజులుగా చెరువుల అభివృద్ధికి నాగేశ్వర్ నడుం బిగించిన సంగతి తెలిసిందే. అందులో భాగంగా కాలనీ వాసులు చేపడుతున్న దీక్షలో పాల్గొని సంఘీభావం ప్రకటించారు. ఈ సందర్భంగా టెన్ టివితో నాగేశ్వర్ మాట్లాడారు. జిల్లెలగూడ, మీర్ పేట, మంత్రాల చెరువు, సరూర్ నగర్ చెరువుల్లో పెద్ద ఎత్తున మురుగునీరు చేరుతోందన్నారు. ఇక్కడ 105 కాలనీలున్నాయని..లే అవుట్ చేసిన పెద్ద మనుషులు...అధికారులు ఒక్క నిమిషం కూడా ఆలోచించలేదన్నారు. చెరువుల్లోకి మురుగునీటి పైపులు పంపుతారా ? అని ప్రశ్నించారు. ఇది దుర్మార్గమని..స్వచ్ఛమైన భూగర్భజలాలు అందించే చెరువులు మురుగునీటి చెరువులుగా మారిపోయాయన్నారు. ఐదారేండ్ల కిందట ఈ చెరువులపై ప్రశ్నించడం జరిగిందని..స్పందన లేదన్నారు. ప్రస్తుతం పౌరసమాజం కదులుతోందని..చెరువుల అభివృద్ధికి పోరాటానికి దిగుతుండడం అభినందనీయమన్నారు. చెరువుల్లోకి మురుగునీరు రాకుండా చేయాలని..గుర్రపు డెక్క తొలగించాలని కోరుతున్నారని పేర్కొన్నారు. 

09:19 - July 29, 2018

హైదరాబాద్ : తెలంగాణ రాష్ట్రంలో ఇక ప్రజలు కదులుతున్నారా ? స్థానికంగా ఉన్న సమస్యలపై నిర్లక్ష్యం వహిస్తుండడంపై స్థానికులు పోరాటానికి సిద్ధమౌతున్నారా ? రాజకీయాలకతీతంగా ఉద్యమానికి సిద్ధమౌతున్నారా ? అంటే దీనిని చూస్తే అవననిపిస్తోంది. మీర్ పేటలో ఏకంగా 15 కాలనీల వారు స్వచ్చందంగా పోరాటానికి సిద్ధమౌతున్నారు. గత కొన్ని రోజులుగా మురుగునీరు, విపరీతమైన దోమలతో అల్లాడుతున్న వీరంతా పోరాటం చేయాలని నడుం బిగించారు. మీర్ పేట, జిల్లెలగూడల్లో మూడు చెరువులున్నాయి. ఈ చెరువుల్లోకి మురుగునీరు వచ్చి చేరుతోంది. దీని ఫలితంగా విపరీతమైన దుర్వాసన..దోమల సమస్యలతో స్థానికులు అల్లాడుతున్నారు. వెంటనే సమస్యను పరిష్కరించాలని 15 కాలనీ వాసుల వారు దీక్షకు పూనుకున్నారు. దీనిపై మరిన్ని విషయాలు తెలుసుకొనేందుకు టెన్ టివి ప్రయత్నించింది.

ఈ సమస్యను ప్రభుత్వం దృష్టికి..మంత్రికి..స్థానిక ప్రజాప్రతినిధులు..అధికారులకు తెలియచేసినా స్పందన లేదని పేర్కొన్నారు. మూడు చెరువుల్లోకి మురుగునీరు చేరకుండా ఆపాలని డిమాండ్ చేస్తున్నారు. మిషన్ కాకతీయ ద్వారా చెరువులను శుద్ధి చేస్తున్న ప్రభుత్వం నగరంలో ఉన్న చెరువులను పట్టించుకోవడం లేదని వాపోయారు. మరి ప్రభుత్వం..ప్రజాప్రతినిధులు స్పందిస్తుందా ? లేదా చూడాలి. మరింత సమాచారం కోసం వీడియో క్లిక్ చేయండి. 

Pages

Don't Miss

Subscribe to RSS - TS politics