tsrtc

06:52 - October 19, 2017

హైదరాబాద్: ఉద్యోగాలు ఇస్తున్నట్టు కాల్‌ లెటర్లు పంపారు.. వచ్చిన వారికి నాలుగు నెలల పాటు ట్రైనింగ్ ఇచ్చారు. శిక్షణ పూర్తి చేసుకున్న వారికి పోస్టింగులు ఇవ్వడం మరిచారు. ఘనత వహించిన తెలంగాణ ఆర్టీసీలో డ్రైవర్‌ ఉద్యోగాలకు ఎంపికైన వారికి తీరని అన్యాయం జరుగుతోంది. పోస్టింగ్‌ల కోసం ఏళ్ల తరబడి వేచి చూస్తూ నానా ఇబ్బందులు పడుతున్నారు . టీఎస్‌ ఆర్టీసీలో సంవత్సరాలుగా సాగుతున్న రిక్రూట్ మెంట్ పై టెన్ టీవీ స్పెషల్ స్టోరీ.

డ్రైవర్ పోస్టులకు 9 వేల మంది దరఖాస్తు

హైదరాబాద్‌ జోన్ పరిధిలోని జిల్లాల్లో ఉన్న ఖాళీగా ఉన్న డ్రైవర్ పోస్టులను భర్తీ చేసేందుకు అభ్యర్థులను ఎంపిక చేశారు. దాదాపు 9 వేల మంది అభ్యర్థులు ధరఖాస్తు చేసుకోగా 387 మందిని సెలక్ట్‌ చేశారు. ఎంపికైన వారిలో 170 మందికి వెంటనే పోస్టింగులు ఇచ్చారు. మిగిలిన 217 మందికి శిక్షణ ఇచ్చారు. ఆ తర్వాత మరో సారి డ్రైవర్ కమ్‌ కండక్టర్‌ ట్రైనింగ్‌ కూడా ఇప్పించారు. శిక్షణ పూర్తై దాదాపు నాలుగేళ్లు గడిచిపోయినా పోస్టింగులు మాత్రం ఇవ్వలేదు. శిక్షణ పూర్తి చేసుకున్న అభ్యర్థులు అధికారుల చుట్టూ తిరుగుతున్నప్పటికీ ఫలితం లేకుండా పోయింది. కొంత మందికి ఉద్యోగాలు ఇచ్చి మరికొందరికి నియామక పత్రాలు ఇవ్వకపోవడం పట్ల ఆందోళన వ్యక్తమవుతోంది. వీరంతా ఎన్నోసార్లు ఆర్టీసీ ఉన్నతాధికారులను కలిసినా... ఖాళీలు ఏర్పడిన తర్వాత పోస్టింగ్‌ ఇస్తామన్న హామీతోనే సరిపెట్టారని ఆవేదన వ్యక్తం చేస్తున్నారు. తమతో పాటు ఎంపికైన వారు నాలుగేళ్ల సర్వీస్ పూర్తి చేసుకున్న విషయాన్ని గుర్తు చేస్తున్నారు. తమకు ఇంకా ఉద్యోగాలే రాలేదని ఆందోళన చెందుతున్నారు.ఖాళీలు లేకుండా డ్రైవర్ల నియామకానికి నోటిఫికేషన్‌ జారీచేసి, ఎలా ఎంపిక చేశారన్నది ప్రశ్న. ఆర్టీసీ అధికారుల అనాలోచిత విధానానికి ఎంపికై, పోస్టింగ్‌ కోసం ఎదురు చూస్తున్న డ్రైవర్లే నిదర్శనమని కార్మిక నేతలు విమర్శిస్తున్నారు.

19:40 - October 13, 2017

హైదరాబాద్ : ప్రభుత్వ, ప్రభుత్వ రంగ సంస్థల్లో పనిచేస్తున్న ఉద్యోగులు ఒక శాఖ నుంచి మరో శాఖకు డిప్యుటేషన్‌పై వెళ్లడం సాధారణ విషయం.  ఇలా వెళ్లే ఉద్యోగులు తమ మాతృసంస్థలో చేస్తున్న పనితో పాటు పొందుతున్న సౌకర్యాలు కూడా దాదాపు ఒకేలా ఉండేలా చూసుకుంటారు. కానీ ఆర్టీసీ నుంచి అగ్నిమాపక శాఖకు  డిప్యూటేషన్‌పై వెళ్లిన కార్మికుల పరిస్థితి మాత్రం ఇందుకు భిన్నంగా ఉంది. అగ్ని మాపక శాఖలో ఆర్టీసీ డ్రైవర్లు పడుతున్న అష్టకష్టాలపై 10 టివి ప్రత్యేక కథనం... 
అగ్ని మాపక శాఖలో డ్రైవర్ల కొరత 
అగ్ని మాపక శాఖలో డ్రైవర్ల కొరత తీవ్రంగా ఉంది. దీంతో ఈ శాఖ అధికారుల రాత పూర్వక విన్నపం మేరకు ఆర్టీసీ నుంచి అగ్నిమాపక శాఖకు డిప్యుటేషన్‌పై వెళ్లిన డ్రైవర్లు ఇక్కడ ఇమడలేకపోతున్నారు. ఫైర్‌ సర్వీసెస్‌లో పరిస్థితులు  దారుణంగా ఉన్నాయని బాధపడుతున్నారు. 
డిప్యుటేషన్‌పై వెళ్లిన 76 మంది ఆర్టీసీ డ్రైవర్లు 
ఆర్టీసీ నుంచి అగ్నిమాపక శాఖకు డిప్యుటేషన్‌పై వెళ్లేందుకు సంసిద్ధత వ్యక్తం చేసిన   95 మంది డ్రైవర్లలో  76 మంది గత ఏడాది మే నుంచి అగ్నిమాపక శాఖలో విధులు నిర్వహిస్తున్నారు. అయితే  అగ్నిమాపక శాఖ తమను రెండో తరగతి పౌరులుగా చూస్తోందని ఆవేదన వ్యక్తం చేస్తున్న ఆర్టీసీ డ్రైవర్లు తిరిగి సొంత శాఖలోకి తీసుకోవాలని యాజమాన్యాన్ని కోరుతున్నారు.  ఆర్టీసీలో ప్రతినెల 5వ తేదీకల్లా జీతాలు పొందిన డ్రైవర్లకు అగ్నిమాపక శాఖలో మాత్రం అవస్థలు తప్పడంలేదు.
భత్యాల చెల్లింపులో కూడా వ్యత్యాసం 
ఆర్టీసీ నుంచి అగ్నిమాపక శాఖకు డిప్యుటేషన్‌పై వెళ్లిన డ్రైవర్లకు జీతాల సమస్యే కాదు.. భత్యాల చెల్లింపులో  కూడా వ్యత్యాసం, వివక్ష చూపుతున్నారని వీరు ఆవేదన వ్యక్తం చేస్తున్నారు. ఆర్టీసీతో డిప్యుటేషన్‌ ఒప్పందం కుదుర్చుకున్న సమయంలో అగ్నిమాపక శాఖ ఇచ్చిన హామీలు అమలు కావడంలేదు. సౌకర్యాలు కల్పించడంలేదని సొంత సంస్థకు మొరపెట్టుకుంటున్నారు. 
బస్సులు నడపలేక అధికారులు సతమతం 
డ్రైవర్ల కొరతతో  బస్సులు నడపలేక సంస్థ అధికారులు  సతమతమవుతున్నారు. నిత్యం సర్వీసులు రద్దు చేయాల్సి వస్తోందని ఆవేదన వ్యక్తం చేస్తున్నారు. ఇలాంటి పరిస్థితుల్లో అగ్నిమాపక శాఖకు డిప్యుటేషన్‌పై  ఆర్టీసీ డ్రైవర్లను పంపిన సంస్థ ఉన్నతాధికారుల చర్యను కార్మిక సంఘాలు తప్పుపడుతున్నాయి. అగ్నిమాపక శాఖకు పంపిన  ఆర్టీసీ  డ్రైవర్లను వెంటనే వెనక్కి రపించాలని నాయకులు డిమాండ్‌ చేస్తున్నారు. 

 

08:00 - September 29, 2017

హైదరాబాద్ : తెలంగాణ ఉద్యమ చరిత్రలో సకలజనుల సమ్మెకు ఓ ప్రత్యేకత ఉంది. ఆ పోరాటంలో ఆర్టీసీ కార్మికుల పాత్ర వెలకట్టలేనిది. అయితే తెలంగాణ రాష్ట్రం వచ్చినా... ఆర్టీసీ కార్మికులకు మాత్రం నేటికీ న్యాయం జరగలేదు. ఉద్యమంలో ప్రత్యక్షంగా పాల్గొనని ఇతర శాఖల ఉద్యోగులు సకల జనుల సమ్మె కాలానికి వేతనంతో కూడిన సెలవును పొందారు. పోరును ముందుండి నడిపిన ఆర్టీసీ కార్మికులకు ఆ భాగ్యం దక్కలేదు.

మిగతా వారికి సమ్మె కాలానికి వేతనాలు దక్కాయి
ప్రభుత్వ, సింగరేణి, విద్యుత్‌ ఉద్యోగులకు సకల జనుల సమ్మె కాలానికి వేతనాలు దక్కాయి. రోజుకు రెండు వందల చొప్పున కన్సాలిడేటెడ్ పే పేరుతో వేతనం ఇచ్చారు. అయితే సమ్మెలో ప్రత్యక్షంగా పాల్గొని అనేక ఇబ్బందులు ఎదుర్కొన్న ఆర్టీసీ కార్మికులను మాత్రం ప్రభుత్వం విస్మరించింది. సకల జనుల సమ్మె కాలంలో ఆర్టీసీ కార్మికులు కోల్పోయిన వేతనాన్ని.. సెలవులను తిరిగి ఇస్తామని సీఎం కేసీఆర్‌ గతంలో హామీ ఇచ్చారు. ఆర్టీసీ గుర్తింపు సంఘాల ఎన్నికల సమయంలోనూ ఇదే విషయాన్ని అధికార పార్టీ నేతలు చెప్పారు. ఎన్నికలు ముగిసి ఏడాదిన్నర కావస్తున్నప్పటికీ సమ్మెకాల వేతనంపై ఏ రకమైన స్పష్టత రాలేదు. దీంతో ఆర్టీసీ కార్మికులు ప్రభుత్వ వైఖరిపై ఆగ్రహం వ్యక్తం చేస్తున్నారు. సకల జనుల సమ్మె కాల వేతనమే కాదు.. ప్రస్తుతం ఇస్తున్న తెలంగాణ ఇంక్రిమెంట్ విషయంలోనూ మార్పులు చేయాలని కార్మికులు కోరుతున్నారు. 

07:38 - September 28, 2017

ఆర్టీసీ అత్యంత ప్రజోపయోగ రవాణ సంస్థ. ఈ సంస్థకు ఆయువుపట్టు సంస్థ కార్మికులే. మరి ఆ కార్మికుల సంక్షేమం పట్ల యాజమాన్యానికి, ప్రభుత్వానికి ఉన్న చిత్తశుద్ధి ఎంత ? అసలు ఆర్టీసీ పట్ల ప్రభుత్వానికి ఉన్న విధానం ఏంటి ? తెలంగాణ సాధనకై ఎన్నో ఉద్యమాలు చేశామని, మూడున్నర ఎళ్లలో ఒక్క ఆర్టీసీ ఉద్యోగం ఇవ్వడంలేదని, సకలజనుల సమ్మెలో పాల్గొన్న సింగరేణి కార్మికులకు, ప్రభుత్వ ఉద్యోగులకు జీతాలు ఇచ్చారని, కానీ ఆర్టీసీ కార్మికులను సీఎం విస్మరించడం జరిగిందని ఆర్టీసీ ఎంప్లాయిస్ యూనియన్ నాయకులు రాజిరెడ్డి అన్నారు. ఆర్టీసీ ఎదుర్కొంటున్న ప్రధాన సమస్య పని భారమని, ప్రభుత్వ విధానంలో భాగంగా 2017 కార్మికులకు రావాల్సింది ఒక నెల ముందుగానే ఇస్తామని సీఎం అన్నారని ఎస్ డబ్ల్యూఎఫ్ నేత విఎస్ రావు అన్నారు. పూర్తి వివరాలకు వీడియో చూడండి.

10:45 - September 24, 2017

విశాఖ : ధనుంజయ ట్రావెల్స్‌ బస్సు యాజమాన్యంపై ప్రయాణికులు ఆగ్రహం వ్యక్తం చేశారు. విశాఖ నుండి హైదరాబాద్‌ వెళ్లేందుకు 50 మంది ప్రయాణికులు.. ఆన్‌లైన్‌లో టికెట్‌లు బుక్‌ చేసుకున్నారు. తీరా బస్సు ఎక్కే సరికి చిరిగిన సీట్లు, పని చేయని టీవీ, ఏసీ, పుష్‌ బ్యాక్‌లతో ప్రయాణికులు షాకయ్యారు. నేరుగా బస్సును తీసుకొని విశాఖ పోర్త్‌ టౌన్ స్టేషన్ తీసుకువచ్చి ఆందోళన చేశారు. కంప్లైంట్‌ ఇచ్చి చర్యలు తీసుకోవాలని కోరారు. తమకు న్యాయం జరిగే వరకు బస్సు కదిలేది లేదన్నారు. బస్సు తరపున వచ్చినవారు తాగి ప్రయాణికులతో అతిగా మాట్లాడటంతో గొడవ పెద్దగా మారింది. దీంతో సీఐ రాంబాబు రంగంలోకి దిగారు. బస్సుపై కంప్లైంట్ తీసుకొని ప్రయాణికులకు నచ్చజెప్పారు. కొంతమంది ఎఫ్‌ఐఆర్‌ నమోదు చేస్తే కానీ బస్సు ఎక్కమన్నారు. దీంతో కంప్లైంట్‌ తీసుకొని రిసిప్ట్‌ అందజేశారు. 

18:20 - September 23, 2017

హైదరాబాద్ : దసరా పండుగ వచ్చిందంటే చాలు బస్సులన్నీ ఫుల్‌ అవుతాయి. ప్రతి ఏడాది కూడా ఆర్టీసీ... ప్రయాణికులకు ప్రత్యేక బస్సులను ఏర్పాటు చేస్తోంది. అదేవిధంగా ఈ ఏడాది కూడా నగరం నుండి ఊర్లకు వెళ్లే రద్దీని దృష్టిలో పెట్టుకుని తెలంగాణ ఆర్టీసీ ప్రయాణికులకు ప్రత్యేక ఏర్పాట్లు చేస్త్తోంది. పండుగ సందర్భంగా రాష్ట్రంలోని వివిధ ప్రాంతాలకు 3,600 ప్రత్యేక బస్సులను నడిపేలా ప్రణాళికలు సిద్దం చేశారు. ఈ బస్సుల రద్దీని, ట్రాఫిక్‌ను దృష్టిలో ఉంచుకుని నగరంలోని వివిధ ప్రాంతాల్లో తాత్కాలిక బస్సు బస్టాప్‌లు ఏర్పాటు చేసి అక్కడినుండే బస్సులను నడపనున్నారు. విజయవాడ వైపు వెళ్లే బస్సులను ఎల్బీనగర్‌ నుండి,.. వరంగల్‌ వైపు వెళ్లే బస్సులు ఉప్పల్‌ నుండి,... కరీంనగర్‌, నిజామాబాద్‌ వైపు వెళ్లే బస్సులు జేబీఎస్‌ నుండి... ఇలా నగరంలో ఆరాంఘర్‌, సాగర్‌ రింగ్‌రోడ్డు, తదితర చోట్ల నుండి ప్రత్యేక బస్సులు నడిపేందుకు అధికారులు ఏర్పాట్లు చేశారు. ఈ పాయింట్లలో 300 మంది ప్రత్యేక సిబ్బందిని ఆర్టీసీ కేటాయించింది. అయితే... షెడ్యూల్‌ బస్సులు మినహా స్పెషల్‌ బస్సులలో ఒకటిన్నర రెట్లు చార్జీ వసూలు చేయనున్నారు. తిరుగు ప్రయాణంలో వచ్చే నష్టాన్ని పూడ్చుకునేందుకు ఈ చార్జీలు తప్పడం లేదని యాజమాన్యం అంటుండగా... పండుగ పేరుతో ఈ దోపిడీ ఏంటని ప్రయాణికులు ప్రశ్నిస్తున్నారు. 

11:38 - September 23, 2017

హైదరాబాద్ : దసరా పండుగ రద్దీ సందర్భంగా ప్రయాణికులకు ఎటువంటి అసౌకర్యం కలగకుండా ఏర్పాట్లు చేశామన్నారు టీఎస్ఆర్టీసి ఉన్నతాధికారులు. నగరం నుండి రాష్ట్రంలోని వివిధ ప్రాంతాలకు ప్రత్యేక బస్సులను నడుపుతున్నామన్నారు. ప్రయాణికుల తిరగు ప్రయాణానికి కూడా... ఏర్పాట్లు చేశామన్నారు. గత అనుభవాలను దృష్టిలో ఉంచుకుని ఈసారి అన్ని రకాల ప్రత్యేక బస్సులను ఏర్పాటు చేసింది ఆర్టీసీ. 
దసరా వచ్చిందంటే బస్సులన్నీ ఫుల్‌ 
దసరా పండుగ వచ్చిందంటే చాలు బస్సులన్నీ ఫుల్‌ అవుతాయి. ప్రతి ఏడాది కూడా ఆర్టీసీ... ప్రయాణికులకు ప్రత్యేక బస్సులను ఏర్పాటు చేస్తోంది. అదేవిధంగా ఈ ఏడాది కూడా నగరం నుండి ఊర్లకు వెళ్లే రద్దీని దృష్టిలో పెట్టుకుని తెలంగాణ ఆర్టీసీ ప్రయాణికులకు ప్రత్యేక ఏర్పాట్లు చేస్తోంది. 
3,600 ప్రత్యేక బస్సులు 
పండుగ సందర్భంగా రాష్ట్రంలోని వివిధ ప్రాంతాలకు 3,600 ప్రత్యేక బస్సులను నడిపేలా ప్రణాళికలు సిద్ధం చేశారు. ఈ బస్సుల రద్దీని, ట్రాఫిక్‌ను దృష్టిలో ఉంచుకుని నగరంలోని వివిధ ప్రాంతాల్లో తాత్కాలిక బస్సు బస్టాప్‌లు ఏర్పాటు చేసి అక్కడినుండే బస్సులను నడపనున్నారు. విజయవాడ వైపు వెళ్లే బస్సులను ఎల్బీనగర్‌ నుండి,.. వరంగల్‌ వైపు వెళ్లే బస్సులు ఉప్పల్‌ నుండి,... కరీంనగర్‌, నిజామాబాద్‌ వైపు వెళ్లే బస్సులు జేబీఎస్‌ నుండి... ఇలా నగరంలో ఆరాంఘర్‌, సాగర్‌ రింగ్‌రోడ్డు, తదితర చోట్ల నుండి ప్రత్యేక బస్సులు నడిపేందుకు అధికారులు ఏర్పాట్లు చేశారు. ఈ పాయింట్లలో 300 మంది ప్రత్యేక సిబ్బందిని ఆర్టీసీ కేటాయించింది.
స్పెషల్‌ బస్సులలో ఒకటిన్నర రెట్లు చార్జీ వసూలు  
అయితే... షెడ్యూల్‌ బస్సులు మినహా స్పెషల్‌ బస్సులలో ఒకటిన్నర రెట్లు చార్జీ వసూలు చేయనున్నారు. తిరుగు ప్రయాణంలో వచ్చే నష్టాన్ని పూడ్చుకునేందుకు ఈ చార్జీలు తప్పడం లేదని యాజమాన్యం అంటుండగా... పండుగ పేరుతో ఈ దోపిడీ ఏంటని ప్రయాణికులు ప్రశ్నిస్తున్నారు. 

 

16:08 - September 15, 2017

హైదరాబాద్ : రెండు రాష్ట్రాల ఆర్టీసీ అధికారుల చర్చలు విఫలం దిశగా ముగిశాయి. ఆస్తుల పంపకాలపై ఏకాభిప్రాయం కుదరలేదు. ఉమ్మడిగా ఉన్న 14 ఆస్తుల్లో వాటా ఇవ్వాలని ఏపీ అడుగుతుండగా.. ఒక్క బస్‌భవన్‌లో మాత్రమే వాటా ఇస్తామని తెలంగాణ తేల్చి చెప్పింది. రెండు రాష్ట్రాల అభిప్రాయాలను ఎక్స్‌పోర్ట్‌ కమిటీకి ఉమ్మడి పాలక మండలి నివేదించనుంది. దీనిపై కేంద్రం వేసిన ఎక్స్‌పోర్ట్‌ కమిటీ తుది నిర్ణయం తీసుకోనుంది. మరిన్ని వివరాలను వీడియోలో చూద్దాం...

08:00 - September 15, 2017

హైదరాబాద్ : ఏపీ, తెలంగాణ విడిపోయి మూడేళ్లు గడచిపోయింది. ఆర్టీసీ సిబ్బంది విభజన జరిగినా.. ఇంకా సంస్థ ఆస్తుల విభజన కొలిక్కిరాలేదు. దీనిపై ఢిల్లీ నుంచి రాష్ట్ర స్థాయి వరకు భేటీలు జరిగినా సమస్యల పరిష్కారం కాలేదు. ఎక్కడ ఆస్తులు అక్కడే అన్న విషయంలో సూత్రపాయ అంగీకారానికి వచ్చినా, ఆర్టీసీలోని కొన్ని ఆస్తులను ఉమ్మడి జాబితాలో చేర్చారు. దీంతో బస్‌ భవన్‌తో పాటు మరికొన్ని ఆస్తుల విభజనకు ఆటంకం ఏర్పడింది. ఇప్పుడు ఈ సమస్యను సామరస్యంగా పరిష్కరించుకోవాలని ఏపీ, తెలంగాణ నిర్ణయించాయి. ఆర్టీసీ ఆస్తుల పంపకాలపై ఇవాళ విజయవాడంలో రెండు రాష్ట్రాల ఉన్నతాధికారులు సమావేశం కానున్నారు. దీనిపై ముఖ్యమంత్రి కేసీఆర్‌ ఉన్నత స్థాయి సమీక్షా సమావేశం నిర్వహించారు. భేటీలో చర్చించాల్సిన అంశాలపై అధికారులకు దిశా, నిర్దేశం చేశారు. రాష్ట్ర విభజన జరిగిన విధంగానే ఆర్టీసీ ఆస్తుల పంపకాలు చేసుకోవాల్సి ఉందని సూచించారు. రాష్ట్ర విభజన నిబంధనలే ఆర్టీసీ ఆస్తుల పంపకానికి కూడా వర్తిస్తాయన్న విషయాన్ని అధికారుల దృష్టికి తెచ్చారు. విజయవాడలో జరిగే సమావేశంలో ఇదే అంశాన్ని ప్రస్తావించాలని సూచించారు.

పొరుగు రాష్ట్రాలతో స్నేహపూర్వక సంబంధాలు
ఇరుగు పొరుగు రాష్ట్రాలతో స్నేహపూర్వక సంబంధాలు కొనసాగించాలన్నది తెలంగాణ మౌలిక విధానమని కేసీఆర్‌ గుర్తు చేశారు. దీనికి అనుగుణంగానే విభజన సమస్యలను విజ్ఞతతో పరిష్కరించుకోవాలని సూచించారు. దేశంలో ఇతర రాష్ట్రాలు విడిపోయిన సమయంలో అమలు చేసిన నిబంధనలే ఏపీ విభజనకు కూడా పాటించిన అంశాన్ని సమీక్షలో కేసీఆర్‌ ప్రస్తావించారు. సమస్యలు తలెత్తితే రెండు రాష్ట్రాలు పరస్పర అంగీకారంతో పరిష్కరించుకోవాలని సూచించారు. అలా సాధ్యంకాని పక్షంలో కేంద్రం జోక్యం చేసుకునే అవకాశాన్ని తోసిపుచ్చలేమన్న అధికారుల దృష్టికి తెచ్చారు. కేంద్ర స్థాయిలో కూడా పరిష్కారం కాకపోతే ఏంచేయాలన్న అంశంపై సుప్రీంకోర్టు ఇచ్చిన మార్గదర్శకాలను అనుసరించాల్సి ఉంటుందన్న అంశాన్ని ప్రస్తావించారు. ఉన్నత విద్యా మండలి ఆస్తుల పంపిణీ విషయంలో సుప్రీంకోర్టు ఇచ్చిన మార్గదర్శకాలు స్పష్టంగా ఉన్న విషయాన్ని కేసీఆర్‌ ప్రస్తావించారు. పార్లమెంటు చట్టానికి లోబడి పంపకాలు చేసుకోవాలని, ఇందులో ఆర్టీసీ బోర్డులకు ఎలాంటి అధికారం ఉండదని అధికారుల దృష్టికి తెచ్చారు. విజయవాడలో జరిగే సమావేశంలో ఇదే వైఖరి అనుసరించాలని సూచించారు. 

07:40 - September 15, 2017

ఇది ప్రభుత్వాల వైఫల్యమని కేంద్రం దీంట్లో జోక్యం చేసుకోలేదని, రాష్ట్ర ప్రభుత్వాలు కూడా చేయించుకోలేకపోయిందని,అటు టీడీపీ బీజేపీతో పొత్తులో ఉంది, ఇటు టీఆర్ఎస్ కూడా బీజేపీకి దగ్గరగా ఉందని, రేపు స్వర్ధ రాజకీయాలు చేయడానికి ఇవి ఇరురాష్ట్రాలకు ఉపయోగపడతాయని, ఎన్నికలప్పడు ప్రజల్లో భవోద్వేగాలు పెంచి లబ్ధిపొందడానికి వారు యత్నిస్తున్నారని నవ తెలంగాణ ఎడిటర్ వీరయ్య అన్నారు. ఎంతో పోరాటం చేసి రాష్ట్రం తెచ్చుకున్నామని, అటువైపు చంద్రబాబు నుంచి సానుకూల నిర్ణయం రావడంలేదని, వారు హైకోర్టు విభజన ఒప్పుకోకపోవడం, మా గౌరవ ముఖ్యమంత్రి గారు సమరస్యంగా పరిష్కరించుకుందామని చెప్పిన, వారు రాష్ట్ర విభజనను ఇంక మానసికంగా ఒప్పుకోవడంలేదని టీఆర్ఎస్ నేత రాజమోహన్ అన్నారు. ఈ రోజు అందరు అంగీరించేది విభజన అశాస్త్రీయంగా జరిగిందని, దీనిపై కేంద్రాన్ని కూడా అడగడం జరిగిందని, కేంద్రం రాష్ట్రలు సమరస్యంగా పరిష్కరించుకోవాలని, అవసరమైతే గవర్నర్ సహాయం తీసుకోవాలని అంటున్నారని టీడీపీ నేత రామకృష్ణ ప్రసాద్ అన్నారు. పూర్తి వివరాలకు వీడియో చూడండి.  

Pages

Don't Miss

Subscribe to RSS - tsrtc