up

21:54 - August 19, 2017

యూపీ : ఉత్తరప్రదేశ్‌లో రైలు ప్రమాదం జరిగింది. పూరి నుంచి హరిద్వార్‌ వెళ్తున్న కళింగ ఉత్కల్‌ ఎక్స్‌ప్రెస్‌ ముజఫర్‌నగర్‌లోని ఖతౌలీ వద్ద  రైలు పట్టాలు తప్పింది. సాయంత్రం 5 గంటల 45 నిమిషాలకు జరిగిన ఈ ఘటనలో 6 బోగీలు పట్టాలు తప్పాయి. ఈ ప్రమాదంలో 20 మంది చనిపోయినట్టు  తెలుస్తోంది. మరో 60 మంది గాయపడ్డారు. మృతుల సంఖ్య పెరిగే అవకాశం ఉంది.  పోలీసులు, రైల్వే అధికారులు ప్రమాద స్థలానికి చేరుకుని సహాయక చర్యలు చేపట్టారు. ఎన్డీఆర్‌ఎఫ్‌ బృందాలు కూడా ప్రమాద స్థలికి చేరుకుని రెస్క్యూ ఆపరేషన్‌ చేపట్టాయి. తీవ్రంగా గాయపడ్డవారిని సమీప ఆసుపత్రికి తరలిస్తున్నారు. రైలు దుర్ఘటనపై రైల్వేమంత్రి సురేష్‌ ప్రభు విచారణకు ఆదేశించారు.

 

20:58 - August 19, 2017

యూపీ : ఉత్తరప్రదేశ్‌లో రైలు ప్రమాదం జరిగింది. పూరి నుంచి హరిద్వార్‌ వెళ్తున్న కళింగ ఉత్కల్‌ ఎక్స్‌ప్రెస్‌ ముజఫర్‌నగర్‌లోని ఖతౌలీ వద్ద  రైలు పట్టాలు తప్పింది. సాయంత్రం 5 గంటల 45 నిమిషాలకు జరిగిన ఈ ఘటనలో 6 బోగీలు పట్టాలు తప్పాయి. ఈ ప్రమాదంలో 20 మంది గాయపడ్డారు. పలువురికి తీవ్ర గాయాలైనట్లు సమాచారం. పోలీసులు, రైల్వే అధికారులు ప్రమాద స్థలానికి చేరుకుని సహాయక చర్యలు చేపట్టారు. గాయపడ్డవారిని సమీప ఆసుపత్రికి తరలిస్తున్నారు. 

 

12:39 - August 12, 2017

హైదరాబాద్: యూపీలో చిన్నారుల మృత్యుఘోష ఆగడంలేదు. ఘోరక్‌పూర్‌లోని బాబా రాందాస్‌ ఆస్పత్రిలో ఆరు రోజుల్లో 63 మంది చిన్నారులు మృతిచెందారు. చిన్నారుల మృతిపై సీఎం యోగి ఆదిత్యనాథ్‌ సీరియస్‌ అయ్యారు. అధికారులతో అత్యవసరభేటీ నిర్వహించారు. మిరికొద్ద సేపట్లో ఆర్యోగ్యశాఖా మంత్రితో కలిసి సీఎం ఆదిత్యనాథ్‌ ఆస్పత్రిని సందర్శిస్తారు. అటు కాంగ్రెస్‌ నేతలు కూడా ఆస్పత్రిని సందర్శించారు. చిన్నారుల తల్లిదండ్రులతో మాట్లాడారు. మందులు సమయానికి అందక పోవడంతోనే పిల్లలు చనిపోతున్నట్టు తల్లిదండ్రులు ఆవేదన వ్యక్తం చేస్తున్నారు.అయితే ఆక్సిజ‌న్ స‌ర‌ఫ‌రా చేసే కంపెనీకి బాకీలు చెల్లించ‌క‌పోవ‌డం వ‌ల్లే స‌దురు కంపెనీ ఆక్సిజ‌న్ స‌ర‌ఫ‌రాను నిలిపివేసిన‌ట్లు తెలుస్తున్న‌ది. బాబా రాఘ‌వ దాస్ మెడిక‌ల్ కాలేజీకి పుష్పా కంపెనీ ఆక్సిజ‌న్ స‌ర‌ఫ‌రా చేస్తోంది. అయితే బాకీలు చెల్లించ‌కుంటే స‌ర‌ఫ‌రాను నిలిపివేస్తామ‌ని గ‌తంలో ఆ కంపెనీ హాస్ప‌ట‌ల్‌కు వార్నింగ్ కూడా ఇచ్చింది. ఆగ‌స్టు ఒక‌ట‌వ తేదీన ఆ కంపెనీ ఈ అంశంపై లేఖ కూడా రాసింది. పాత బిల్లులు చెల్లించ‌ని కార‌ణంగానే హాస్ప‌ట‌ల్‌కు ఆక్సిజ‌న్ అంద‌లేదా అన్న అనుమానాలు కూడా వ్య‌క్తం అవుతున్నాయి. బిల్లుల గురించి తెలిసిన ఆ కాలేజీ ప్రిన్సిపాల్ ఢిల్లీకి వెళ్లిపోయిన‌ట్లు తెలుస్తున్న‌ది. ఈ ఘ‌ట‌న ప‌ట్ల స‌మ‌గ్ర విచార‌ణ చేప‌ట్టి త‌గిన చ‌ర్య‌లు తీసుకోవాల‌ని సీఎం ఆదిత్య‌నాథ్ ఆరోగ్య శాఖ అధికారుల‌కు ఆదేశించారు. 

16:42 - May 30, 2017

లక్నో : బాబ్రీ మసీదు విధ్వంసం కేసులో బీజేపీ అగ్రనేతలకు ఊరట కలిగింది. ఎల్‌కే అద్వానీ, మురళీ మనోహర్‌ జోషి, ఉమాభారతి సహా 12 మందికి సిబిఐ ప్రత్యేక కోర్టు బెయిలు మంజూరు చేసింది. 20 వేల వ్యక్తిగత పూచి కింద వీరికి బెయిలు మంజూరు అయింది. ఈ కేసులో అభియోగాల నమోదుకు నిందితుల నుంచి సంతకాలు తీసుకున్నారు. ఈ కేసు విచారణ సందర్భంగా కోర్టు వద్ద కట్టుదిట్టమైన భద్రతా ఏర్పాట్లు చేశారు. బాబ్రీ మసీదు కూల్చివేత కేసులో అద్వాని సహా బిజెపి అగ్రనేతలపై కేసును పునరుద్ధరించాలన్న సిబిఐ వాదనను సుప్రీంకోర్టు అంగీకరించిన విషయం తెలిసిందే. దీంతో పాటు లక్నో కోర్టులోనూ రోజువారీ విచారణ చేపట్టాలని కోర్టు ఆదేశించింది. ఇందులో భాగంగా సిబిఐ ప్రత్యేక కోర్టు అద్వాని సహా సీనియర్‌ నేతలపై విచారణ జరిపింది. 

21:55 - May 24, 2017

లక్నో : ఉత్తరప్రదేశ్‌ సహరాన్‌పూర్‌ జిల్లాలో ఠాకూర్లు, దళితుల మధ్య ఘర్షణలు తీవ్ర రూపం దాల్చడంతో ఉద్రిక్త పరిస్థితులు నెలకొన్నాయి. మతపరంగా సున్నితమైన ఈ జిల్లాలో పలుచోట్ల ఘర్షణలు చోటుచేసుకున్నాయి. బుధవారం ఉదయం సహారాన్‌పూర్‌లోని జనక్‌పురిలో ఓ వ్యక్తిని కాల్చిచంపారు. మంగళవారం నాటి ఘర్షణల్లో ఓ వ్యక్తి మృతి చెందగా...20 మంది గాయపడ్డారు.

మాయావతి పర్యటన సందర్భంగా
మంగళవారం బిఎస్పీ అధినేత్రి మాయావతి షబ్బీర్‌పూర్‌లో పర్యటన సందర్భంగా గుర్తు తెలియని దుండగులు ఇళ్లపై దాడులు చేసి తగలబెట్టారు. మాయావతి సభ ముగింపు తర్వాత తిరిగి వెళ్తున్న దళితులను చంద్‌పురా వద్ద ఠాకూర్లు అడ్డుకుని తుపాకులు, కత్తులతో దాడులు చేశారు. తుపాకులతో కాల్పులు జరపడంతో 24 ఏళ్ల ఆశిష్‌ మృతి చెందాడు. మరో ఆరుగురు గాయపడ్డారు. తాజా హింసాత్మక ఘటనలకు మాయావతియే కారణమని బిజెపి ఆరోపించింది.దళితులపై అగ్రవర్ణ దాడులను సిపిఎం తీవ్రంగా ఖండించింది. ఠాకూర్లకు మద్దతుగా హిందూ యువవాహిని కార్యకర్తలు దాడి చేశారని ఆరోపించింది. దళితులపై దాడికి పాల్పడ్డ ప్రతిఒక్కరిపై చర్యలు తీసుకోవాలని డిమాండ్‌ చేసింది. బాధిత కుటుంబాలకు ప్రభుత్వం రక్షణ కల్పించి, వారికి ఆర్థిక సహాయం అందించాలని సిపిఎం పేర్కొంది. దళిత నేతలపై పెట్టిన తప్పుడు కేసులను ప్రభుత్వం వెంటనే ఉపసంహించుకోవాలని స్పష్టం చేసింది.

సహరాన్‌పూర్‌కు ప్రత్యేక అధికార బృందం
ఈ ఘటనలో ఇప్పటివరకు 24 మందిని అరెస్ట్‌ చేసినట్లు అధికారులు చెప్పారు. శాంతిభద్రతలు కాపాడేందుకు యోగి ప్రభుత్వం సహరాన్‌పూర్‌కు ప్రత్యేక అధికార బృందాన్ని పంపింది. మృతి చెందిన ఆశిష్‌ కుటుంబానికి 15 లక్షలు, గాయపడ్డవారికి 50 వేల చొప్పున ఎక్స్‌గ్రేషియా ప్రకటించింది.ఈ నెల 5న రాజ్‌పుత్‌ వంశస్తుడైన మహారాణా ప్రతాప్‌ జయంతి సందర్భంగా ఠాకూర్లు షబ్బీర్‌పూర్‌లో నిర్వహించిన ఊరేగింపు పట్ల ఓ దళితుల సంఘం అభ్యంతరం వ్యక్తం చేసింది. దీంతో ఇరు వర్గాల మధ్య ఘర్షణలకు దారితీసింది. దళితులు, అగ్రవర్ణ ఠాకూర్‌లకు మధ్య గత మూడు వారాల్లో నాలుగుసార్లు ఘర్షణలు చోటుచేసుకున్నాయి.


 

16:18 - May 24, 2017

లక్నో : ముఖ్యమంత్రి యోగి ఆదిత్యనాథ్‌ ఎన్ని కఠిన చర్యలు చేపట్టినప్పటికీ ఉత్తరప్రదేశ్‌ పోలీసుల్లో మాత్రం మార్పు రావడం లేదు. తాజాగా బదయూ జిల్లా సదర్‌ పోలీస్‌ స్టేషన్‌లో ఎస్పీ నేతను చితకబాదిన వీడియో ఒకటి సోషల్‌ మీడియాలో వైరల్‌ అయింది. స్టేషన్‌ ఇన్‌స్పెక్టర్‌ ఆధ్వర్యంలో ములాయం సింగ్‌ యువమోర్చా అధ్యక్షుడు స్వాలే చౌదరిని వంగబెట్టి లాఠీలతో చితకబాదారు. బయట జరిగిన ఓ గొడవను పరిష్కరించేందుకు పోలీస్‌ స్టేషన్‌కు వెళ్లిన స్వాలేను పోలీసులు కొట్టడమే కాకుండా కేసు నమోదు చేశారని బాధితుడి తండ్రి ఆరోపించారు. ఈ ఘటనపై బాధితులు సిఎం యోగికి ఫిర్యాదు చేయగా...అధికారులు సదరు ఇన్‌స్పెక్టర్‌ను తొలగించారు.

16:11 - May 11, 2017

ఉత్తర ప్రదేశ్ : రాష్ట్రంలో పలు ఘటనలు చోటు చేసుకుంటున్నాయి. మనుషుల్లో మానవత్వం చచ్చిపోతుందనే ఘటనలు నిరూపిస్తున్నాయి. తాజాగా పోలీసులు మానవత్వం మరిచి ఓ 70 ఏళ్ల వృద్ధురాలిని ఇంట్లో నుండి ఈడ్చుకెళ్లిన ఘటన సంచలనం సృష్టిస్తోంది. ఈ ఘటన తాలూకు వీడియో బయటకు పొక్కడంతో పోలీసుల చర్యలపై విమర్శలు వెల్లువెత్తుతున్నాయి. యూపీలోని అమ్రోహాలో వృద్ధురాలు సైరా బానో తన కుమారుడితో కలిసి నివాసం ఉంటున్నారు. గత 15 ఏళ్లుగా ఈమె ఇంటిని ఖాళీ చేయించాలంటూ సుధీర్ సింఘాల్ కోర్టులో పిటిషన్ వేశాడు. కోర్టు ఆదేశాల మేరకు పోలీసులు ఆ ఇంటిని ఖాళీ చేయించేందుకు మహిళా సిబ్బందిని తీసుకుని వచ్చారు. తాము ఎప్పటినుంచో అదే ఇంట్లో నివసిస్తున్నామనీ... ఖాళీ చేయమని సైరా బానో స్పష్టం చేశారు. వెంటనే ఆమె కాళ్లు..చేతులు పట్టుకుని ఇంట్లో నుండి బయటకు లాక్కొచ్చారు. ఈడ్చుకుంటూ పోలీసు వాహనంలో పడేశారు. అక్కడనే ఉన్న వారందరూ ఈ ఘటనను చూస్తూ తమ చరవాణిలో బంధించే ప్రయత్నం చేశారనే విమర్శలు వినిపిస్తున్నాయి. అడ్డువచ్చిన చిన్న పిల్లల్ని సైతం పోలీసులు అవతలికి నెడుతున్నట్టు వీడియోలో కనిపించింది. తాము కోర్టు ఆదేశాల ప్రకారమే వారిని ఖాళీ చేయించామని స్థానిక పోలీసులు పేర్కొంటున్నట్లు తెలుస్తోంది. కానీ తీసుకెళ్లిన విధానం మాత్రం సరైంది కాదని, ఘటనపై విచారణ జరిపిస్తామని స్థానిక పోలీసు అధికారి సంతోష్ కుమార్ మిశ్రా పేర్కొన్నారు.

08:28 - March 11, 2017

ఢిల్లీ : ఐదు రాష్ట్రాల్లో ఎవరు పాగా వేస్తారు ? అధికారం నిలబెట్టుకుంటారా ? ప్రతిపక్షం మళ్లీ వికసిస్తుందా ? వీటన్నింటికీ కొన్ని గంటల్లో సమాధానం రాబోతోంది. ఇటీవలే పలు దఫాలుగా ఐదు రాష్ట్రాల ఎన్నికలు జరిగిన సంగతి తెలిసిందే. కాసేపటి క్రితం భారీ బందోబస్తు మధ్య కౌంటింగ్ ప్రారంభమైంది. ఒకసారి ఆయా రాష్ట్రాల ఎన్నికల సరళి..ఓ లుక్...

పంజాబ్ : మొత్తం స్థానాలు 117
కావాల్సిన మెజార్టీ 59
ప్రస్తుతం అధికారంలో ఉన్నది శిరోమణి అకాళీదళ్ - బీజేపీ కూటమి.
అధికారం కోసం కాంగ్రెస్, ఆప్ మధ్య తీవ్రస్థాయిలో పోటీ జరగనుంది.
మణిపూర్ : మొత్తం స్థానాలు 60
కావాల్సిన మెజార్టీ 31
ఈ రాష్ట్రంలో పోటా పోటీ నెలకొంది. ఇక్కడ పాగా వేయాలని బీజేపీ యోచిస్తోంది. అధికార కాంగ్రెస్ పార్టీ కూడా అంతేస్థాయిలో వ్యూహాలు రచించింది. రెండు పార్టీలు మెజార్టీ స్థానాలను పొందకపోతే స్వతంత్రులతో పాటు, ఇతరులు కీలక పాత్ర పోషించే అవకాశం ఉంది.
ఉత్తరాఖండ్ : మొత్తం స్థానాలు 70
కావాల్సిన మెజార్టీ 36
ఇక్కడ బీజేపీ అధికారం చేపట్టనుంది ఎగ్జిట్ పోల్స్ అంచనా వేశాయి...
గోవా : మొత్తం స్థానాలు 40
కావాల్సిన మెజార్టీ 21
పాలకపక్షంగా ఉన్న బీజేపీ మరోసారి అధికారాన్ని సాధిస్తుందని మెజార్టీ సర్వే సంస్థలు పేర్కొన్నాయి. కానీ కాంగ్రెస్ కూడా గణనీయమైన ప్రభావం చూపనుందని విశ్లేషకులు అంచనా వేస్తున్నారు. మొట్టమొదటిసారి పోటీ చేసిన ఆప్ ప్రభుత్వ వ్యతిరేక ఓట్లను అధికంగా చీల్చే అవకాశాలున్నాయి.
ఉత్తర్ ప్రదేశ్ : మొత్తం స్థానాలు : 403
కావాల్సిన మెజార్టీ : 202
ఈ రాష్ట్రంలో కొత్త సమీకరణాలకు దారి తీస్తుందని ఎగ్జిట్ పోల్స్ అంచనా వేస్తున్నాయి. మ్యాజిక్ మార్క్ చేరుకోవడానికి బీజేపీ ఆమడదూరంలో ఉంటుందని విశ్లేషకులు పేర్కొంటున్నారు.
మరి ఎవరు అధికారంలోకి వస్తారు ? ఎవరు ప్రతిపక్షంలో కూర్చొంటారనే ప్రశ్నకు కాసేపట్లో సమాధానం రానుంది.

21:30 - March 6, 2017

హైదరాబాద్: ఉత్తరప్రదేశ్ అసెంబ్లీ చివరి విడత ఎన్నికల ప్రచారం నేటితో ముగిసింది. ఏడు జిల్లాల్లోని 40 అసెంబ్లీ స్థానాలకు మార్చి 8న పోలింగ్‌ జరగనుంది. మొత్తం 535 మంది అభ్యర్థులు తమ అదృష్టాన్ని పరీక్షించుకోనున్నారు. కోటి 40 లక్షల మంది ఓటర్లు తమ ఓటుహక్కు వినియోగించుకోనున్నారు. ఇందుకో 14 వేల 458 పోలింగ్‌ కేంద్రాలు ఏర్పాటు చేస్తారు. ప్రధాని మోది నియోజకవర్గం వారణాసితో పాటు గాజీపూర్‌, జౌన్‌పూర్, చందౌలీ, మిర్జాపూర్, భదోహి, సోన్‌భద్ర్‌ జిల్లాల్లో ఎన్నికలు జరగనున్నాయి. 2012 అసెంబ్లీ ఎన్నికల్లో 40 స్థానాలకు గాను ఎస్పీ 23, బిఎస్పీ 5, బిజెపి 4, కాంగ్రెస్‌ 3 స్థానాలు దక్కించుకున్నాయి. మణిపూర్‌ రెండో విడత అసెంబ్లీ ఎన్నికల్లో 22 సీట్లకు గాను మార్చి 8న పోలింగ్‌ జరగనుంది. మార్చి 11న ఎన్నికల ఫలితాలు వెలువడనున్నాయి.

20:42 - March 6, 2017

హైదరాబాద్: ఒకప్పుడు స్పీచ్ లు దంచేవారు, హామీలు ఇచ్చేవారు. ఆ తరువాత విమర్శలు... ఎదురు దాడులు చేసే కాలం ఒకటొచ్చింది. ఇప్పుడు సీన్ మారింది. సమస్యలన్నీ పక్కకు పోయాయి... ప్రజల బాధలు మాటవరసకు కూడా రాలేదు. గాడిదలకు ప్రచారం చేయొద్దని ఒకరు, మీది ఈ రాష్ట్రం కాదంటే అస్సలు మీది ఈ దేశమే కాదంటూ మరొకరు కౌంటర్లు. ముస్లిం రాకపై ఆంక్షలు విధించాలని మరో నేతాశ్రీ ఇలా దూషణల పర్వంలో లెక్కా పత్రం లేకుండా విపక్షాలను నిందించే పర్వంలో ప్రచారం యావత్తు సాగింది. ముగిసిన ఎన్నికల ప్రచారంలో ఓటర్లు ఎవరి స్పీచ్ లకు పట్టకట్టబోతున్నారు. చివరి అంకానికి చేరిన మినీ ఎలక్షన్లు ఏమి తేల్చనున్నాయి. ఇదే అంశంపై నేటి వైడాంగిల్ విశ్లేషణ చేశారు. పూర్తి వివరాల కోసం ఈ వీడియోను క్లిక్ చేయండి.

Pages

Don't Miss

Subscribe to RSS - up