v hanumantha rao

21:16 - July 16, 2017

వీహెచ్..వి.హనుమంతరావు..కాంగ్రెస్ లో సీనియర్ నేత. తెలంగాణ కాంగ్రెస్ తరపున రాజ్యసభకు ప్రాతినిథ్యం వహిస్తున్న నేత. రాజకీయాల్లో ఎన్నో సంవత్సరాల నుండి కొనసాగుతున్నారు. నేతలపై ఆయన తనదైన స్టైల్ లో విమర్శలు గుప్పిస్తుంటారు. వీహెచ్ తో టెన్ టివి ముచ్చటించింది. ఈ సందర్భంగా ఆయన పలు సంచలనాత్మక విషయాలు వెల్లడించారు. ఆయన వెల్లడించిన విషయాలు తెలియాలంటే వీడియో క్లిక్ చేయండి.

17:22 - July 16, 2017

హైదరాబాద్ : కాంగ్రెస్ సీనియర్ నేత వీహెచ్ సంచలన వ్యాఖ్యలు చేశారు. అదే పార్టీకి చెందిన రాజ్యసభ సభ్యుడు, దివంగత వైఎస్ రాజశేఖరరెడ్డి సన్నిహితుడు కేవీపై ఈ వ్యాఖ్యలు చేశారు. టెన్ టివి నిర్వహించిన ఫేస్ టు ఫేస్ కార్యక్రమంలో ఆయన పలు విషయాలను వెల్లడించారు. జగన్ తో పాటు కేసీఆర్ తో కేవీపీ అంటకాగుతూ...కాంగ్రెస్ నేతలను ఆయా పార్టీల్లోకి పంపిస్తున్నాడంటూ తీవ్ర ఆరోపణలు గుప్పించారు. తనలాటి ఎంతో మంది నేతలను వైఎస్ కు దూరం చేశాడని..తనకు కూడా మంత్రి పదవి రాకుండా కేవీపీ అడ్డుకున్నాడంటూ విమర్శలు గుప్పించారు. తాజాగా కేవీపీ సూచన మేరకు వైసీలో చేరిన మల్లాది విష్ణు కూడా వైసీపీలో చేరారని వీహెచ్ పేర్కొన్నారు. ఇంకా ఆయన ఎలాంటి విషయాలు వెల్లడించారో తెలుసుకోవాలంటే ఆదివారం రాత్రి ప్రసారమయ్యే కార్యక్రమంలో చూడండి..

17:52 - July 15, 2017

హైదరాబాద్ : తెలుగు రాష్ట్రాల్లో నియంత పాలన కొనసాగుతోందని ఆరోపించారు కాంగ్రెస్ సీనియర్ నేత వీ.హనుమంతరావు. ఇచ్చిన వాగ్దానాలు నెరవేర్చడంలో రెండు రాష్ట్రాల ముఖ్యమంత్రులు విఫలమయ్యారని మండిపడ్డారు. తెలంగాణ సీఎం కేసీఆర్ ప్రజలు ఇంటికి వెళ్తే కలవరని.. ధర్నా చౌక్‌లు తీసేస్తారని ఆరోపించారు. అటు ఏపీలో కాపు నేత ముద్రగడ పద్మనాభం ఈనెల 26 న చేపట్టనున్న పాదయాత్రకు చంద్రబాబు ప్రభుత్వం ఎటువంటి అవాంతరాలు కలిగించినా టీడీపీ పతనం తప్పదని వీహెచ్ అన్నారు.

17:46 - July 13, 2017

హైదరాబాద్ : గ్రామీణ ప్రాంతాల్లోని బ్యాంకుల్లో నగదు కొరత తీర్చాలంటూ కాంగ్రెస్‌ సీనియర్‌ నేత వీహెచ్‌ ఆర్‌బీఐ రీజినల్‌ డైరెక్టర్‌కు వినతిపత్రం సమర్పించారు. నగదు కొరతతో వర్షాలు పడుతున్నా రైతులు పంటసాగు చేయలేకపోతున్నారని ఆవేదన వ్యక్తం చేశారు. ఇవాళ ఆర్‌బీఐ నుంచి 2 వేల కోట్లు రాష్ట్రానికి వస్తున్నట్లు అధికారులు చెప్పారని.. వచ్చే వారంలో మరో 2 వేల కోట్లు విడుదల చేయాలని కోరినట్లు చెప్పారు. 

20:28 - July 6, 2017

హైదరాబాద్ : సోనియాగాంధీపై వైసీపీ నేత భూమన కరుణాకర్‌రెడ్డి చేసిన వ్యాఖ్యలను కాంగ్రెస్‌ సీనియర్ నేత వీహెచ్‌ తీవ్రంగా ఖండించారు. భూమన వ్యాఖ్యలను జగన్‌ ఖండించి.. సోనియాకు బహిరంగ క్షమాపణ చెప్పాలని వీహెచ్‌ డిమాండ్‌ చేశారు. జగన్‌పై సీబీఐ ఎంక్వయిరీ వేయాల్సిన అవసరం సోనియాగాంధీకి ఏమి అవసరమని వీహెచ్‌ ప్రశ్నించారు. 

 

19:24 - July 4, 2017

హైదరాబాద్ : తెలంగాణ సంస్కృతిని ముఖ్యమంత్రి కేసీఆర్‌ కాలరాశాడని.. రాష్ట్రపతి అభ్యర్థి, దళిత మహిళా నేత మీరా కుమార్‌ ఫోన్‌ చేస్తే కనీసం రెస్పాండ్‌ కాకపోవడం దారుణమని మాజీ ఎంపీ, కాంగ్రెస్‌ సీనియర్‌ నాయకుడు వి. హనుమంతరావు మండిపడ్డారు. కేసీఆర్‌..రాష్ట్రాన్ని బంగారు తెలంగాణ కాదు బిచ్చగాళ్ల తెంగాణాగా మారుస్తున్నాడని ఆరోపించారు. కేసీఆర్‌ సహాయం చేసే వారికి మొండి చేయి ఇచ్చే రకమని విమర్శించారు. 

 

13:51 - June 16, 2017

సంగారెడ్డి : కాంగ్రెస్‌ నేత జగ్గారెడ్డి బ్రాస్‌లెట్‌ 20 లక్షల రూపాయలు పలికింది. రాహుల్‌ పర్యటన సందర్భంగా జగ్గారెడ్డికి వీహెచ్‌ తన బ్రాస్‌లెట్‌ను గిఫ్ట్‌గా ఇచ్చాడు. రాహుల్‌ సూచనతో వీహెచ్‌ జగ్గారెడ్డికి ఈ బ్రాస్‌లెట్‌ను ఇచ్చాడు. అయితే.. బ్రాస్‌లెట్‌ను వేలం వేసి.. వచ్చిన డబ్బును మిర్చి రైతులకు ఇస్తానని అప్పుడు జగ్గారెడ్డి ప్రకటించాడు. దీంతో ఈరోజు బ్రాస్‌లెట్‌కు వేలం నిర్వహించారు. దీనిని కృషి డెవలపర్స్‌ 20 లక్షల రూపాయలకు కొనుగోలు చేసింది. బ్రాస్‌లెట్‌ను కొనుగోలు చేసిన కృషి డెవలపర్స్‌కు జగ్గారెడ్డి కృతజ్ఞతలు తెలిపారు. ఈ నగదును ఖమ్మం, వరంగల్‌ మిర్చి రైతులకు.. పీసీసీ చీఫ్‌ ఉత్తమ్‌కుమార్‌రెడ్డి ద్వారా అందజేస్తామని జగ్గారెడ్డి తెలిపారు. 

12:20 - June 16, 2017
21:22 - May 4, 2017

హైదరాబాద్: ఏపీ , తెలంగాణలో మిర్చిఘాటు రోజురోజుకీ పెరుగుతూనే ఉంది. మార్కెట్లలో రైతన్నల పరిస్థితి దయనీయంగా మారింది. ఖమ్మం మార్కెట్‌ యార్డులో.. మిర్చిని కొనేవాళ్లు లేక... పెట్టుబడిలో సగమైనా తిరిగిరాక రైతులు నరకయాతన అనుభవిస్తున్నారు.. రెండు రోజుల నుంచి మార్కెట్‌లోనే ఉంటున్నారు.. దొరికిందేదో తింటూ మార్కెట్‌లోనే పడుకుంటున్నారు.. మిర్చికి తగిన ధర రావడం లేదంటూ రైతులు మండిపడుతున్నారు.

వరంగల్‌ మార్కెట్‌లో మిర్చి ధర మరింత పడిపోయింది..

వరంగల్‌ మార్కెట్‌లో మిర్చి ధర మరింత పడిపోయింది.. క్వింటాలుకు కేవలం 500మాత్రమే ధర పలుకుతోందని రైతులు ఆవేదన వ్యక్తం చేస్తున్నారు.. మార్కెట్‌లోనే తమ పంటకు నిప్పంటించి తగలబెట్టేస్తామని.. 500లకుమాత్రం అమ్మబోమని రైతులు నిరసన వ్యక్తం చేస్తున్నారు..

మిర్చి పంట ధరల పతనంతో ఏపీ రైతులు ఆందోళన బాటప...

మిర్చి పంట ధరల పతనంతో ఏపీ రైతులు ఆందోళన బాటపట్టారు... గుంటూరు మార్కెట్‌ యార్డులో ధర్నాకు దిగారు.. అడ్డుకునేందుకు ప్రయత్నించిన పోలీసులతో వాగ్వాదానికి దిగారు.. రాష్ట్ర ప్రభుత్వం 1500 రూపాయల సబ్సిడీ ఇచ్చినా.. కేంద్రం 5వేల రూపాయల మద్దతు ధర ప్రకటించినా ఇవేవీ అమలు కావడంలేదని ఆరోపించారు.. ప్రభుత్వాల ప్రకటనల తర్వాత ధర మరింత తగ్గించారని రైతులు చెబుతున్నారు..

బీజేపీ, టీఆర్‌ఎస్‌ల వాగ్వాదం..

మరోవైపు, మిర్చికి కేంద్రం ప్రకటించిన మద్దతు ధర.. బీజేపీ, టీఆర్‌ఎస్‌ల వాగ్వాదాన్ని పెంచింది. కేంద్రం ప్రకటన ఒక మిలీనియం జోక్‌ అని మంత్రి హరీశ్ రావు విమర్శించారు.. కేంద్రం చర్యలు కంటితుడుపుగా ఉన్నాయని ఆరోపించారు.. క్వింటాల్‌ మిర్చిని 7వేల రూపాయలకు కొనాలంటూ కేంద్రానికి లేఖ రాస్తానని తెలిపారు.. దీనికి ప్రతిగా బీజేపీ ఘాటుగానే స్పందించింది.. మిర్చి రైతులకు టీఆర్‌ఎస్‌ ప్రభుత్వం ఏంచేసిందో ముందు చెప్పాలని కిషన్‌ రెడ్డి డిమాండ్ చేశారు..

అటు మిర్చి రైతుల అవస్థలపై ప్రతిపక్షాలు విమర్శలు...

అటు మిర్చి రైతుల అవస్థలపై ప్రతిపక్షాలు విమర్శల వాడిని మరింత పెంచాయి.. సీఎం కేసీఆర్‌ సహా మంత్రులు ఢిల్లీకి వెళుతూనేఉంటారని.. అప్పుడు మిర్చి సమస్య చెప్పకుండా... హరీశ్ రావు ఇప్పుడు కేంద్రానికి లేఖ రాయడం విడ్డూరంగా ఉందని వీహెచ్‌ ఫైర్ అయ్యారు.. మొత్తానికి మిర్చి కొనుగోలు వ్యవహారం, రైతుల్లో ఆందోళనను, రాజకీయ నాయకుల్లో వాగ్వాదాన్ని పెంచుతోంది.

20:04 - May 4, 2017

హైదరాబాద్: చెత్తలేని నగరాలల్లో హైదరాబాద్ అదుర్స్.. దరిద్రానికి దండేసినట్లే ఉందంటున్న పబ్లిక్, ఉరితాడునే నమ్ముకున్న రైతులు....తీరుస్తదా ఈ సర్కార్ వారి వెతలు, దుబాయ్, బొంబాయ్, బొగ్గుబాయ్ కథ...రాసి చూస్తే ఉన్నది రామాయణమంతా, గోలివాడ కాడ సురువైన ప్రాజెక్టు కథ...సర్కార్ మెడకు మల్లొక పంచాయతీ, సూసైడ్ అటెంప్ట్ చేసిన చిరుత పులి...అచ్చంపేట అడవిలో బాయిలో భాగోతం, రోడ్డు మీద కూలిపోయిన విమానం...జర్రంతలో తప్పిపోయిన అపాయం అటూ ఈ రోజు మల్లన్న మన ముందుకు మల్లన్న ముచ్చట్లు కార్యక్రమంలో వచ్చారు. పూర్తి వివరాల కోసం ఈ వీడియోను క్లిక్ చేయండి..

Pages

Don't Miss

Subscribe to RSS - v hanumantha rao