Venkaiah Naidu

15:37 - March 30, 2018

హైదరాబాద్ : ఉన్నత విద్యతోనే మహిళా సాధికారత సాధ్యమవుతుందన్నారు ఉపరాష్ట్రపతి వెంకయ్యనాయుడు. మహిళా విద్యాతోనే సమాజంలో మార్పు సాధ్యమవుతుందన్నారు. ప్రాచీన కాలంలో కూడా మహిళలకు అధిక ప్రాధాన్యత ఇచ్చేవారని గుర్తు చేశారు. ఈ మేరకు హైదరాబాద్‌లో జరిగిన మహిళా దక్షత సమితి సిల్వర్‌ జూబ్లీ వేడుకల్లో వెంకయ్యనాయుడు పాల్గొన్నారు. మహిళ విద్యతోనే దేశం అభివృద్ధి చెందుతుందని తెలిపారు. 

 

14:43 - March 19, 2018

హైదరాబాద్ : కేంద్రంపై తెదేపా, వైకాపా ప్రవేశపెట్టిన అవిశ్వాస తీర్మానాలను లోక్‌సభ స్పీకర్‌ సుమిత్రా మహాజన్‌ తిరస్కరించారు. సభ సజావుగా సాగనందువల్లే నోటీసులు తిరస్కరిస్తున్నట్లు స్పీకర్‌ స్పష్టం చేశారు. సభ నిర్వహణ సక్రమంగా సాగకపోతే నోటీసులు స్వీకరించలేమన్నారు. టీడీపీ, వైసీపీ ఇచ్చిన అవిశ్వాస తీర్మానాలపై దేశవ్యాప్తంగా ఆసక్తి నెలకొనడంతో ఇవాళ దీనిపై లోక్‌సభలో చర్చ జరుగుతుందని అనుకున్నారు. కానీ ఉదయం 11 గంటలకు లోక్‌సభ ప్రారంభం కాగానే టీఆర్‌ఎస్‌, అన్నాడీఎంకే సభ్యులు ఆందోళన చేయడంతో సభ 12 గంటల వరకు వాయిదా పడింది. గంట తర్వాత సభ ప్రారంభమయ్యాక కూడా అదే పరిస్థితి నెలకొంది. కావేరీ బోర్డు ఏర్పాటు చేయాలని అన్నాడీఎంకే, రిజర్వేషన్ల పెంపు అంశంపై తెరాస సభ్యులు స్పీకర్‌ వెల్‌లోకి ప్రవేశించి నినాదాలు చేశారు. వారి ఆందోళన మధ్యే స్పీకర్‌ కాసేపు ప్రశ్నోత్తరాలు నిర్వహించారు. అయినా ఎంపీలు బిగ్గరగా నినాదాలు చేయడంతో సభలో గందరగోళం నెలకొంది. సభ సజావుగా సాగేందుకు సభ్యులు సహకరించాలని.. అవిశ్వాస తీర్మానంపై ఓటింగ్‌ నిర్వహించేందుకు సభ్యులు వీలు కల్పించాలని స్పీకర్‌ కోరినా వారు వినిపించుకోలేదు. దీంతో సభను రేపటికి వాయిదా వేస్తున్నట్లు స్పీకర్‌ సుమిత్రా మహాజన్‌ ప్రకటించారు. ప్రభుత్వం అన్ని అంశాలపై చర్చకు సిద్ధంగా ఉందని కేంద్ర హోం మంత్రి రాజ్‌నాథ్‌ లోక్‌సభలో స్పష్టం చేశారు. విపక్ష సభ్యులు ఆందోళన విరమించి సభ సక్రమంగా జరిగేందుకు సహకరించాలని కోరారు.

12:58 - March 19, 2018
07:21 - January 11, 2018

చెన్నై : తిరుమల తిరుపతి దేవస్థానంపై డీఎంకే కనిమొళి సంచలన వ్యాఖ్యలు చేశారు. తన హుండీనే కాపాడుకోలేని దేవుడు పేదవాడిని ఏం కాపాడుతాడన్నారు. తిరుచ్చిలో జరిగిన డీఎంకే సమావేశంలో ఆమె ముఖ్యఅతిథిగా హాజరయ్యారు. తనను ఒకసారి వెంకయ్యనాయుడు తిరుమల తీసుకువెళ్లారని, ప్రపంచంలోనే ఒక గొప్ప కార్యనిర్వాహణ జరిగే సంస్థ తిరుమల అన్నారు. ఇక్కడ దేవుడి వద్ద అందరూ ఒకటే అన్నది పచ్చి అబద్ధమని, డబ్బుంటే ప్రత్యేక దర్శనం లేదంటే రెండు రోజులు లైన్లో నిలబడాలన్నారు. అసలు దేవుడు లేడనేది నా నమ్మకమన్న ఆమె పేదవాడి కష్టాన్ని తీర్చేవాడే నిజమైన దేవుడన్నారు. 

13:58 - November 6, 2017

తూ.గో : జిల్లాలోని రాజమహేంద్రవరంలో ఉపరాష్ట్రపతి వెంకయ్యనాయుడు ఆదికవి నన్నయ విశ్వవిద్యాలయంలో పలు అభివృద్ధి కార్యక్రమాలను  ప్రారంభించారు. ఎన్టీఆర్ కన్వెన్షన్ సెంటర్‌ను ప్రారంభించి.. బొటానికల్ గార్డెన్‌కు శంకుస్థాపన చేశారు. యూనివర్సిటీలో ఎమనిటీస్ సెంటర్‌ను గవర్నర్ నరసింహన్ ప్రారంభించారు. యూనివర్సిటీ ప్రాంగణంలో ఆర్ట్స్ కళాశాల నిర్మాణానికి సీఎం చంద్రబాబు శంకుస్థాపన చేశారు. మొత్తం 45 కోట్ల 25లక్షల రూపాయలతో అభివృద్ధి కార్యక్రమాలు చేస్తున్నామని .. రాష్ట్రానికే తలమానికంగా నన్నయ్య యూనివర్సిటీ ఉండబోతుందన్నారు చంద్రబాబు. 

 

13:02 - November 6, 2017
12:39 - November 6, 2017

తూ. గో : నన్నయ యూనివర్సిటీకి చాలా భవిష్యత్ ఉందని సీఎం చంద్రబాబు అన్నారు. నన్నయ్య యూనివర్సిటీలో ఎన్ టీఆర్ కన్వెన్షన్ సెంటర్ ప్రారంభించారు. ప్రారంభోత్సవానికి ఉపరాష్ట్రపతి వెంకయ్యనాయుడు, గవర్నర్ నరసింహన్, సీఎం చంద్రబాబు హాజరయ్యారు. ఈ సందర్భంగా సీఎం మాట్లాడుతూ 1857లో ఆర్ట్స్ కాలేజీ ఏర్పాటు చేశారని... ఆ తర్వాతే ఏయూ యూనివర్సీటీ స్థాపించారని చెప్పారు. ఈ యూనివర్సీటీ నుంచే అడవి బాపిరాజు వచ్చారని, సర్వేపల్లి రాధకృష్ణన్ అధ్యాపకులుగా పని చేశారని గుర్తు చేశారు. రాష్ట్రంలో 17 జాతీయ విద్యా సంస్థలు ఉన్నాయన్నారు. విద్యార్థులు ప్రతిభకు మారుపేరని..క్రియేటివ్ తో ముందుకుపోతున్నారని అభినందించారు.  

 

14:58 - August 26, 2017

అమరావతి: ఉపరాష్ట్రపతి పదవి ఔన్నత్యాన్ని పెంచే విధంగా.. నిజాయితీగా బాధ్యతలను నిర్వర్తిస్తాననని ఉప రాష్ట్రపతి వెంకయ్యనాయుడు అన్నారు. అమరావతిలో ఆయనకు ఏపీ ప్రభుత్వం ఘనంగా సన్మానించింది. ఈ సందర్భంగా చట్ట ప్రజాస్వామ్య వ్యవస్థలో చట్ట సభల పాత్ర చాలా ప్రధానమైనదని.. చట్ట సభలు ఘర్షణలకు వేదిక కాకూడదని ఆయన అన్నారు. చట్ట సభల్లో అర్థవంతమైన చర్చలు జరిగేలా ప్రతి ఒక్కరూ ప్రయత్నించాలని వెంకయ్యనాయుడు అన్నారు.

14:55 - August 26, 2017

అమరావతి: తెలుగువారి చరిత్రలో చిరస్థాయిగా నిలిచిపోయే వ్యక్తి వెంకయ్యనాయుడు అని సీఎం చంద్రబాబునాయుడు అన్నారు. అమరావతిలో ఉపరాష్ట్రపతి వెంకయ్యనాయుడును... సీఎం చంద్రబాబునాయుడును ఘనంగా సన్మానించారు. ఈ సందర్భంగా 40 ఏళ్లపాటు అవిశ్రాంతంగా పనిచేసి... ఎన్నో త్యాగాలు చేసిన వ్యక్తి వెంకయ్యనాయుడు అని చంద్రబాబునాయుడు అన్నారు. నమ్ముకున్న విలువలతో ముందుకు వెళ్లారని... ఎంతోమంది విశ్వసనీయతను పొందారని ప్రశసించారు. అలాంటి వ్యక్తి అందరికీ ఆదర్శప్రాయుడు అని అన్నారు.

09:23 - August 22, 2017

Pages

Don't Miss

Subscribe to RSS - Venkaiah Naidu