vijay devarakonda

13:25 - November 20, 2018

విజయ్ దేవరకొండ, ప్రియాంక జవాల్కర్, మాళవికా నాయర్ మెయిన్ లీడ్స్‌గా, రాహుల్ డైరెక్షన్‌లో రూపొందిన  టాక్సీవాలా మొన్న 17న రిలీజ్ అయిన సంగతి తెలిసిందే.  ఫస్ట్‌డే, మార్నింగ్ షో నుండే, మౌత్ టాక్‌తో, హౌస్‌ఫుల్ కలెక్షన్‌లతో దుమ్ము దులుపుతుంది. ఫస్ట్‌డే, వరల్డ్‌వైడ్‌గా, రూ. 10.5 కోట్ల గ్రాస్ వసూలు చేసి, బ్రేక్ ఈవెన్‌కు వచ్చేసింది. ఎన్నోసార్లు రిలీజ్ పోస్ట్‌పోన్ అయిన సినిమా, రిలీజ్‌కి ముందే పైరసీ బారిన పడ్డ సినిమాతో, ఇంత సెన్షేషన్ క్రియేట్ చెయ్యడం అంటే మామూలు విషయం కాదు. గీత గోవిందం లాంటి బ్లాక్ బస్టర్ తర్వాత వచ్చిన నోటా డిజాస్టర్ అవడంతో, ఇక విజయ్ పని అయిపోయింది అన్న వాళ్ళకి, టాక్సీవాలాతో సాలిడ్‌గా సమాధానం చెప్పాడు.
అమర్ అక్బర్ ఆంటొని కారణంగా, ఒకరోజు ఆలస్యంగా విడుదలైన టాక్సీవాలాకి శని, ఆది‌వారాలు మాత్రమే వీకెండ్ కాగా, వీక్‌డేస్‌లోనూ, హౌస్‌ఫుల్ అవడం విశేషం. ఇప్పటికే.. నిర్మాత, డిస్ట్రిబ్యూటర్స్, ఎగ్జిబిటర్స్ లాభాల బాట పట్టారు. ఓవర్సీస్‌లోనూ హాఫ్ మిలియన్ మార్క్ దాటి, వన్ మిలియన్ వైపు దూసుకెళ్తుంది. ఈ సినిమా.. ఫస్ట్‌వీక్‌లో, దాదాపు.. రూ. 20 కోట్ల షేర్ వసూలు చేసే చాన్స్‌ ఉందంటున్నారు ట్రేడ్ పండితులు..

10:12 - November 19, 2018

విజయ్ దేవరకొండ, ప్రియాంక జవాల్కర్, మాళవికా నాయర్ మెయిన్ లీడ్స్‌గా, రాహుల్ సంక్రిత్యాన్‌ని డైరెక్టర్‌గా ఇంట్రడ్యూస్ చేస్తూ, ఎస్.కె.ఎన్ నిర్మించిన కామెడీ థ్రిల్లర్.. టాక్సీవాలా... ఎన్నో అవాంతరాలను దాటుకుని, ఈరోజు రిలీజైన టాక్సీవాలా రైడ్ ఎలా ఉందో చూద్దాం.

కథ :

అయిదేళ్ళు కష్టపడి డిగ్రీ పూర్తి చేసిన శివ (విజయ్ దేవరకొండ) జాబ్ కోసం హైదరాబాద్ వస్తాడు. ఫ్రెండ్ హెల్ప్‌తో పిజ్జా డెలివరీ బాయ్‌గా జాయిన్ అవుతాడు. కొద్ది రోజుల్లోనే ఆ జాబ్‌‌పై ఇంట్రెస్ట్ పోతుంది. ప్రస్తుతం హైదరాబాద్‌‌లో క్యాబ్ డ్రైవర్లు నెలకు లక్ష రూపాయల వరకూ సంపాదిస్తున్నారని తెలుసుకుని, అన్నా, వదినల సహాయంతో తన బడ్జెట్‌లో, ఒక ఓల్డ్ కార్ కొని రిపేర్లవీ చేయించి, రైడ్స్‌స్టార్ట్ చేస్తాడు. ఫస్ట్‌రైడ్‌లోనే అను(ప్రియాంక జవాల్కర్) తో లవ్‌లో పడతాడు. అంతా సాఫీగా జరిగిపోతుండగా, ఓ శుభ ముహుర్తాన ఆ కార్‌లో దెయ్యం ఉందని తెలుస్తుంది. ఆ సంగతి ఎవరికి చెప్పినా నమ్మరు. ఇంతలో కార్ యాక్సిడెంట్ చేసి, ఒక ప్రాణాన్ని బలిగొంటుంది. ఇక అప్పటినుండి మనోడికి కొత్త కష్టాలు మొదలవుతాయి. ఆ పరిస్ధితుల్లో శివ ఏంచేసాడు, ఎలా ఆ ప్రాబ్లమ్స్ నుండి బయటపడ్డాడు, శిశిర(మాళవికా నాయర్)‌కూ, శివకూ సంబంధం ఏంటి, అనేదే టాక్సీవాలా కథ 

 

నటీనటులు & సాంకేతిక నిపుణులు : 

విజయ్ దేవరకొండ ఎప్పటిలానే తన న్యాచురల్ పర్ఫారెన్స్‌‌‌తో, మంచి కామెడీ టైమింగ్‌తో, తన స్టైల్.. డైలాగ్ డెలివరీతో ఆడియన్స్‌ని ఎంటర్‌టైన్ చేసాడు, టాక్సీవాలాగా క్యారెక్టర్‌లో ఇన్‌వాల్వ్ అయిన తీరు ఆకట్టుకుంటుంది. ముఖ్యంగా యూత్‌కి అతని స్టైలింగ్ అదీ కూడా నచ్చుతుంది. ప్రియాంక జవాల్కర్ లుక్స్‌వైజ్ బాగుంది. నటన పరంగా అద్భుతం అని చెప్పలేం, అలా అని తీసిపారెయ్యలేం. ఉన్నంతలో బాగానే చేసింది. మాళవికా నాయర్ రోల్ చిన్నదే అయినా, ఉన్నంతవరకూ తన ప్రత్యేకత చాటుకుంది. హీరో ఫ్రెండ్స్‌గా మధుతో పాటు, కొత్త కుర్రాడు విష్ణు చితక్కొట్టేసారు. విలన్‌గా సీనియర్ నటుడు సిజ్జు పర్వాలేదనిపిస్తే, రవివర్మ, రవి ప్రకాష్, ఉత్తేజ్, యమున, కళ్యాణిలవి చిన్న క్యారెక్టర్లే అయినా, ఉన్నంతలో చాలా బాగా చేసారు. జేక్స్‌బిజోయ్ మ్యూజిక్ సినిమాకి ప్లస్ అయింది. మాటే వినదుగా తర్వాత ఆ రేంజ్ లో గుర్తు పెట్టుకునే సాంగ్ ఇంకోటి కనిపించదు. బ్యాక్‌గ్రౌండ్‌స్కోర్ బాగా ఇచ్చాడు. సుజీత్ సారంగ్ ఫోటోగ్రఫీ సినిమా స్ధాయిని పెంచింది. మిగతా టెక్నికల్ టీమ్ అంతా మంచి ఎఫర్ట్ పెట్టారు. డైరెక్టర్ విషయానికొస్తే, మనోళ్ళకి ఎప్పుడో మెహం మెత్తేసిన హారర్ కామెడీని తన స్టైల్‌లో చెప్పడానికి సిద్ధపడ్డాడు. కానీ, తనేం చెప్పదల్చుకున్నాడో క్లారిటీగా చెప్పడంలో కాస్త తడబడ్డాడు. రైటర్ సాయికుమార్ రెడ్డి టైట్ స్క్రీన్‌ప్లే‌తో, సిచ్చుయేషన్‌కి తగ్గ సంభాషణలతో, తన పెన్ పవర్ చూపించాడు. ప్రొడక్షన్ వాల్యూస్ బాగున్నాయి.
మిగతా సినిమాలతో కంపేర్ చేస్తే, ఎంటర్‌టైన్‌మెంట్ కోరుకునే ప్రేక్షకులకు టాక్సీవాలా రైట్ చాయిస్ అని చెప్పొచ్చు...

 

తారాగణం : విజయ్ దేవరకొండ, ప్రియాంక జవాల్కర్, మాళవికా నాయర్, మధు, విష్ణు, రవివర్మ, రవి ప్రకాష్, ఉత్తేజ్, యమున, కళ్యాణి తదితరులు 

 

 కెమెరా    :   సుజీత్ సారంగ్

 

 సంగీతం :   జేక్స్‌బిజోయ్

స్క్రీన్‌ప్లే, మాటలు :   సాయికుమార్ రెడ్డి 

 

నిర్మాత    :                    ఎస్.కె.ఎన్

కథ, దర్శకత్వం :       రాహుల్ సంక్రిత్యాన్


రేటింగ్     :    2.5/5

మూవీ రివ్యూ - 5 స్టార్ రేటింగ్‌ విధానం...
3.5 స్టార్ - ఉత్తమ చిత్రం
3 స్టార్స్  - చాలా బావుంది! తప్పక చూడాల్సిన సినిమా
2.75 స్టార్స్  - ఉన్నంతలో బావుంది
2.5 స్టార్స్ - సినిమా చూడొచ్చు 
2.25 స్టార్స్ - ఇంకొంచెం శ్రద్ధపెట్టాల్సి ఉంది 
2 స్టార్స్ - చాలా మెరుగుపర్చుకోవాలి

 

 

 

12:59 - November 15, 2018

విజయ్ దేవరకొండ నటించిన టాక్సీవాలా, గీత గోవిందం కంటే ముందే రిలీజ్  కావాల్సింది కానీ, గ్రాఫిక్ వర్క్ లేటవడం వల్ల ఆలస్యమైంది. ఇంతలో సినిమా పైరసీకి గురైంది. ఈలోపు గీత గోవిందం రిలీజవడం, సూపర్ డూపర్ హిట్ అవడం జరిగిపోయింది.. వెంటనే నోటా కూడా రిలీజైంది. ఎట్టకేలకు టాక్సీవాలా నవంబర్ 17న థియేటర్లలోకి రాబోతుంది. నవంబర్ 16న యూఎస్‌లో ప్రీమియర్స్ పడనున్నాయి. హైదరాబాద్‌లో కూడా బుకింగ్స్ స్టార్ట్ అయ్యాయి. తక్కువ టైమ్‌లోనే టికెట్స్ అన్నీ హాట్‌కేకుల్లా బుక్కయిపోతున్నాయి. కూకట్‌పల్లి ఏరియాలో, ఆల్‌మోస్ట్ అన్ని స్క్రీన్స్‌లో, అన్ని షోలు ఫుల్ అయిపోవడం విశేషం. ఆర్టీసీ క్రాస్‌రోడ్‌లోనూ.. 98శాతం టికెట్స్ బుక్ అయిపోయాయి. నిర్మాత ఎస్‌కె‌‌ఎన్ ట్విట్టర్ ద్వారా ఈ వివరాలు తెలియచేసాడు. గత చిత్రం నోటా నిరాశ పరచినా, ఈ రేంజ్‌లో టికెట్లు బుక్ అవడం చూస్తే, విజయ్ క్రేజ్ ఎలాంటిదో అర్థం చేసుకోవచ్చు..

13:57 - October 29, 2018

హైదరాబాద్ : టాలీవుడ్‌‌లో యంగ్ సెన్సేషన్ హీరో విజయ్ దేవరకొండ తాజా చిత్రంపై ఉత్కంఠ నెలకొంది. అర్జున్ రెడ్డి, గీతా గోవిందం చిత్రాలతో విజయ్‌కు ఊహించని క్రేజ్ ఏర్పడింది. అర్జన్ రెడ్డి...గీతా గోవిందంలో పోషించిన పాత్రలకు విజయ్ దేవరకొండ పూర్తి న్యాయం చేశాడు. దీనితో అభిమానుల్లో క్రేజ్ ఏర్పడింది. ఈ సినిమా అనంతరం వచ్చిన ‘నోటా’ అంతగా ఆడకపోయేసరికి విజయ్ అభిమానులు నిరుత్సాహానికి గురయ్యారు. అంతకముందే రిలీజ్ కావాల్సిన ‘ట్యాక్సీవాల’ చిత్రం నవంబర్ 16న రిలీజ్ కాబోతోంది. కానీ ఈ చిత్రంపై కూడా అభిమానులు తెగ టెన్షన్ పడుతున్నారు. 
Image result for Vijay Devarakonda vs Ravi Tejaఎందుకంటే అదే రోజు పలు సినిమాలు విడుదల కానున్నాయి. అందులో రవితేజ చిత్రం కూడా ఉండడం గమనార్హం. మైత్రీ మేకర్స్ మూవీస్ బ్యానర్‌పై శ్రీనువైట్ల దర్శకత్వంలో రూపొందిన అమర్ అక్బర్ అంటోనీ చిత్రం నవంబర్ 16న రిలీజ్ చేసేందుకు చిత్ర యూనిట్ సన్నాహాలు చేసేస్తోంది. టాలీవుడ్‌లో మాస్ మహరాజాగా పేరొందిన నటుడు రవితేజ హీరోగా నటించడం...అందాల ముద్దుగుమ్మ ఇలియానా హీరోయిన్‌గా నటించడంతో అభిమానుల ఉత్కంఠకు కారణమని తెలుస్తోంది. ఈ సినిమానే కాకుండా చిన్న సినిమాలుగా రూపొందిన ‘24 కిస్సెస్’, ‘బ్లఫ్ మాస్టర్’ చిత్రాలు కూడా రిలీజ్ కానున్నాయి. మరి ‘టాక్సీవాలా’ దూసుకపోతాడా ? లేదా ? అనేది చూడాలి. 

17:58 - October 27, 2018

విజయ్ దేవరకొండ నటించిన నోటా ఈ నెల 5న విడుదలైంది. తెలుగుతో పాటు తమిళ్‌లోనూ ఫ్లాప్‌టాక్ తెచ్చుకుంది.. ఫస్ట్‌డే టాక్‌తో సంబంధం లేకుండా, అడ్వాన్స్ బుకింగ్‌తో పాటు, ఓపెనింగ్స్ కూడా బాగానే వచ్చే సరికి, డిస్ట్రిబ్యూటర్స్ సేఫ్ అయ్యే చాన్స్ ఉంది అనుకున్నారు. కట్ చేస్తే, నోటా క్లోజింగ్ కలెక్షన్స్ మాత్రం ఊహించని షాక్ ఇచ్చాయి.. 23 కోట్లకి థియేట్రికల్ రైట్స్ అమ్మితే, ఫుల్‌రన్‌లో పది కోట్లు కూడా రాబట్టలేక పోయింది.. నోటా ఓవరాల్ డిస్ట్రిబ్యూటర్ షేర్ లెక్కలు ఇలా ఉన్నాయి..
నైజాం: 3.42 కోట్లు, సీడెడ్: 1.05 కోట్లు, నెల్లూరు:‌ 0.32 కోట్లు, కృష్ణ: 0.53 కోట్లు, గుంటూరు: 0.60 కోట్లు, తూర్పుగోదావరి: 0.58 కోట్లు, పశ్చిమగోదావరి: 0.37 కోట్లు, ఉత్తరాంధ్ర: 0.82 కోట్లు... టోటల్, ఏపీ+తెలంగాణ షేర్ 7.69 కోట్లు. మిగతా ఏరియాలు 0.83 కోట్లు. ఓవర్సీస్ 1.30 కోట్లు. టోటల్ వరల్డ్ వైడ్ షేర్  9.82 కోట్లు. ఈ లెక్కన నోటా డిస్ట్రిబ్యూటర్‌లకు 55 శాతానికి పైగా నష్టాలు వచ్చాయి..

 

16:39 - October 20, 2018

విజయ్ దేవరకొండ నటించిన టాక్సీవాలా గీత గోవిందం కంటే ముందే రిలీజ్  కావాల్సింది కానీ, ఏవో కారణాల వల్ల కుదరలేదు.. మధ్యలో సినిమా పైరసీకి గురైన సంగతి తెలిసిందే.. ఈలోపు గీత గోవిందం రిలీజవడం, సూపర్ డూపర్ హిట్ అవడం జరిగిపోయింది.. ఎట్టకేలకు టాక్సీవాలా రిలీజ్‌కి లైన్ క్లియర్ అయింది.. యువి క్రియేషన్స్, జిఎ2 పిక్చర్స్ సంయుక్తంగా, ఎస్‌కెఎన్ నిర్మాణంలో, రాహుల్ డైరెక్ట్ చేస్తున్న టాక్సీవాలా మూవీ నవంబర్ 16న విడుదల కాబోతోంది.. ఈ విషయాన్ని విజయ్ దేవరకొండ ట్విట్టర్ ద్వారా తెలియచేసాడు..
ప్రియాంక, మాళవికా నాయర్ హీరోయిన్స్ కాగా, ఉత్తేజ్, రవిప్రకాష్ ఇతర పాత్రలు చేస్తున్నారు.. టాక్సీవాలా నవంబర్ 16న వరల్డ్ వైడ్ గ్రాండ్‌గా రిలీజ్ అవుతోంది..

 

10:26 - October 6, 2018
హైదరాబాద్ : టాలీవుడ్ లో తనదైన స్టైల్..నటనతో అలరిస్తున్న విజయ్ దేవరకొండకు బ్యాడ్ టైం ప్రారంభం అయ్యిందా ? వరుసగా విజయవంతమైన చిత్రాలు చేస్తూ దూసుకపోతున్న విజయ్ కు బ్రేక్ పడినట్లు ప్రచారం జరుగుతోంది. ఆయన తాజా చిత్రం ‘నోటా’పై బిన్నాభిప్రాయాలు వినిపిస్తున్నాయి. కె.ఇ.జానవేల్ రాజా నిర్మాణంలో ఈ చిత్రం రూపొందింది. విజయ్ దేవరకొండ సరసన మెహరీన్ నటించగా నాజర్, సత్యరాజ్ లు కీలక పాత్ర పోషించారు. 

పెళ్లి చూపులు సినిమాతో ఆకట్టుకున్న ఈ నటుడు అర్జున్ రెడ్డితో యూత్ లో ఒక ఐకాన్ గా మారిపోయాడు. అనంతరం వచ్చిన గీత‌ గోవిందంతో అందరి వాడిగా మారిపోయాడు. ఇలా ఏ సినిమా చేసినా వైవిధ్యం కనబరుస్తూ అలరిస్తున్నాడు. ఇతర సినిమాల్లో కూడా నటిస్తున్నాడు. ట్యాక్సీవాలా, డియర్ కామ్రేడ్ చిత్రాల్లో విజయ్ నటిస్తున్నాడు. ఈ నేపథ్యంలో విజయ్ దేవరకొండ నటించిన నోటా శుక్రవారం రిలీజైంది. తెలుగు, తమిళ భాషల్లో చిత్రం రూపొందింది. 

చిత్రం విడుదల కాకముందు భారీ అంచనాలు నెలకొన్నాయి. సినిమా రాజకీయ నేపథ్యంలో రూపొందడంతో అభిమానుల్లో ఉత్కంఠ నెలకొంది. కానీ సినిమా రిలీజైన అనంతరం భిన్నమైన టాక్్స వినిపిస్తున్నాయి. చిత్రానికి ఎదురుగాలి వీస్తోందని ప్రచారం జరుగుతోంది. అసలు ఈ సినిమాకు ఆ టైటిల్ ఎందుకు పెట్టారు ? పెడితే దానికి సంబంధించిన అంశం ఉండాలి కదా అని ప్రేక్ష‌కులు అంటున్నారని తెలుస్తోంది. మొత్తానికి విజయ్ కు ఇప్పటి నుండి అసలైన టైం ప్రారంభమైందని అభిప్రాయాలు వినిపిస్తున్నాయి. మరి విజయ్ నటించిన నోటా చిత్రంపై రానున్న రోజుల్లో మరిన్ని స్పష్టమైన విషయాలు తెలిసే అవకాశం ఉంది...
15:57 - October 5, 2018

తమిళ స్టార్ హీరో సూర్య, టాలీవుడ్ యంగ్ సెన్షేషన్ విజయ్ దేవరకొండ కాంబినేషన్లో ఒక మల్టీస్టారర్ మూవీ రూపొందబోతోంది అనే వార్త ఇప్పుడు ఫిలింనగర్లో హాట్ టాపిక్‌గా మారింది..
తమిళ్, హిందీ పరశ్రమలో గుర్తింపు తెచ్చుకున్న తెలుగు దర్శకురాలు సుధ కొంగర, సూర్య కాంబోలో మూవీ ఉండబోతోందని గతకొద్ది రోజులుగా ఫిలింవర్గాల్లో చర్చ జరుగుతోంది.. హిందీలో సాలా ఖడూస్‌గా రూపొంది, తమిళ్‌లో ఇరుది సుట్రుగా డబ్ అయి, తెలుగులో గురుగా రీమేక్ అయిన చిత్రాలకి ఆమే డైరెక్టర్... సూర్య, సుధల కాంబోలో రాబోయే మూవీలో ఒక ఇంపార్టెంట్ రోల్ కోసం  విజయ్ దేవరకొండని సెలెక్ట్ చేసారు.. అది సెకండ్ హీరో టైప్ క్యారెక్టర్ అని అంటున్నారు.. గీత గోవిందంతో తమిళనాట మంచి గుర్తింపు తెచ్చుకున్నాడు విజయ్.. అక్కడ విడుదలవుతున్న నోటా మూవీకి పాజిటివ్ టాక్ వస్తే మనోడి క్రేజ్ మామూలుగా ఉండదు...  చూద్దాం మరి... ఏం జరుగుతుందో....

10:46 - October 4, 2018

హైదరాబాద్ : టాలీవుడ్ లో ప్రస్తుతం బయోపిక్ ల హావా కొనసాగుతోంది. కానీ అందరి చూపు మాత్రం ఒక చిత్రంపైనే ఉంది. ఆ చిత్రమే నందమూరి తారకరావు బయోపిక్ పై. ఆయన తనయుడు, ఎమ్మెల్యే నందమూరి బాలకృష్ణ టైటిల్ రోల్ పాత్రలో కనిపించనున్నారు. ఈ చిత్రానికి క్రిష్ దర్శకత్వం వహిస్తున్నారు. ఈ సినిమాకు సంబంధించిన పలు ఫొటోలు విడుదలై అందర్నీ ఆకర్షించాయి. మిగతా పాత్రల్లో పలువురు నటులు కనిపిస్తుండడం విశేషం. ఇప్పటికే ఏఎన్ఆర్ పాత్రలో సుమంత్, చంద్రబాబునాయుడు పాత్రలో రానాలు కనిపించనున్నారు.

దీనిపై పలు వార్తలు సామాజిక మాధ్యమాల్లో వైరల్ అవుతున్నాయి. తాజాగా ఓ యువహీరో కూడా ఈ సినిమాలో నటిస్తున్నారని ప్రచారం జరుగుతోంది. టాలీవుడ్ లో యువ హీరోల్లో ఒకరైన విజయ్ దేవరకొండ కూడా సినిమాలో ముఖ్యపాత్ర పోషించనున్నారని టాక్. తెలంగాణ రాష్ట్ర అపద్ధర్మ ముఖ్యమంత్రి కెసిఆర్ పాత్ర కోసం విజయ్ దేవరకొండ చిత్ర యూనిట్ సంప్రదింపులు జరుపుతున్నట్లు తెలుస్తోంది. స్వతహాగా కేసీఆర్ ఎన్టీఆర్ అభిమాని అయిన సంగతి తెలిసిందే. సినిమాలో ఎన్టీఆర్, కేసీఆర్ ల మధ్య కొన్ని కీలక సన్నివేశాలు ఉంటాయని సమాచారం. 

ఇక ఇదిలా ఉంటే సినిమా షూటింగ్ శరవేగంగా కొనసాగుతోంది. దివిసీమలోని హంసదీవీ, కొడూరులో షూటింగ్ కు చిత్ర యూనిట్ ఏర్పాట్లు చేస్తోంది. షూటింగ్‌లో బాలకృష్ణ, సుమంత్, రానా దగ్గుబాటి తదితరులు పాల్గొంటున్నారని సమాచారం. 

15:51 - October 3, 2018

మన టాలీవుడ్‌లో ఒకప్పుడు హిట్ సినిమాలు అంటే, వందరోజులు, నూటయాభై రోజులు, నూటడెబ్భై అయిదు రోజులు ఆడేవి.. ఇప్పుడు పరిస్ధితి‌ అలాలేదు... ఒక సినిమా నాలుగు వారాలపాటు ధియేటర్‌లో ఉంటే హిట్ కింద లెక్క.. చాలాకాలం తర్వాత నందమూరి బాలకృష్ణ లెజెండ్ చిత్రం రాయలసీమలోని ఒక ఏరియాలో పదకొండు వందల రోజులకుపైగా ఆడి, రికార్డ్ నెలకొల్పింది... ఈ సంవత్సరం జైసింహా, రంగస్ధలం, భరత్ అనే నేను సినిమాలకు యాభై మరియు వందరోజుల పోస్టర్స్ పడ్డాయి.. ఆగష్టు 15వతేదీన చిన్న సినిమాగా విడుదలై విజయఢంఖా మ్రోగించిన గీతగోవిందం మూవీ ఇవాళ్టితో (అక్టోబర్3వ తేది) విజయవంతంగా యాభై రోజులు పూర్తిచేసుకుంది..
జిఎ2 పిక్చర్స్ బ్యానర్‌పై, మెగాప్రొడ్యూసర్ అల్లు అరవింద్ సమర్పణలో, విజయ్ దేవరకొండ, రష్మికా జంటగా, పరశురామ్ డైరెక్షన్‌లో బన్నీవాసు నిర్మించిన గీత గోవిందం తమిళ్‌లోనూ బాగా ఆడింది... అంతేకాక, రిలీజ్ అయిన కొద్దిరోజుల్లోనే వందకోట్ల క్లబ్‌లోకి ఎంటరై మరో అద్భుతమైన ఘనతని సొంతం‌ చేసుకుంది..
విజయ్,  రష్మికల నటన, గోపీసుందర్ సంగీతం, పరశురామ్ దర్శకత్వ ప్రతిభ కలిసి ఈ చిత్రాన్ని నెక్స్ట్ లెవల్‌కి తీసుకెళ్ళాయి... యూత్‌కి విపరీతంగా నచ్చేసిన గీత గోవిందం మూవీ నేటితో 59 సెంటర్స్‌లో 50 రోజులు పూర్తిచేసుకుని, 100 రోజుల దిశగా పరుగులు పెడుతుంది..

Pages

Don't Miss

Subscribe to RSS - vijay devarakonda