Vijayawada

08:16 - December 15, 2017

విజయవాడ : ప్రైవేటు బస్సు ప్రమాదాలు అక్కడకక్కడ జరుగుతూనే ఉన్నాయి. నిర్లక్ష్యంగా నడుపుతూ ప్రమాదాలకు ప్రైవేటు బస్సు డ్రైవర్లు కారణమౌతున్నారు. నగరంలో కాళేశ్వరీ ట్రావెల్స్ కు చెందిన ప్రైవేటు బస్సు రోడ్డుపై బోల్తా కొట్టింది. ఈ ఘటనలో నలుగురికి తీవ్ర గాయాలయ్యాయి.

విశాఖపట్టణం నుండి హైదరాబాద్ కు కాళేశ్వరీ బస్సు వెళుతోంది. బస్సులో మొత్తం 40 మంది ప్రయాణీకులున్నారు. దుర్గగుడి ఫ్లై ఓవర్ నిర్మాణం కారణంగా వేరే రోడ్డు గుండా డ్రైవర్ బస్సును నడిపాడు. కానీ పైడూరు పాడు దగ్గరకు రాగానే బస్సు పల్టీ కొట్టింది. గాయాలైన నలుగురిని గొల్లపూడిలోని ప్రైవేటు ఆసుపత్రికి తరలించి చికిత్స అందిస్తున్నారు. త్వరగా వెళ్లడానికి ఇతర మార్గం ఎంచుకోవడం...డ్రైవర్ నిద్ర మత్తులో ఉండడమే ప్రమాదానికి గల కారణమని తెలుస్తోంది.

18:59 - December 14, 2017

కృష్ణా : పేద చిన్నారులకు ఉచితంగా గుండె ఆపరేషన్లకు ఆంధ్రా ఆస్పత్రి నడుంబిగించింది. ఆంధ్రా క్రికెట్‌ అసోసియేషన్‌, ఆంధ్రా హాస్పిటల్స్‌ సంయుక్త ఆధ్వర్యంలో ఇకనుంచి గుండెకు సంబంధించిన చికిత్సలు ఉచితంగా నిర్వహిస్తామని.. BCCI సెలక్షన్‌ కమిటీ చైర్మన్‌ ఎమ్మెస్కే ప్రసాద్‌, ప్రముఖ వైద్య నిపుణులు రామారావు తెలిపారు. విజయవాడలోని ఆంధ్రా హాస్పిటల్‌ ఆధ్వర్యంలో గత రెండేళ్ల నుంచి 215 మంది చిన్నారులకు ఉచితంగా గుండె ఆపరేషన్లను విజయవంతం చేశామన్నారు. రాబోయే రోజుల్లో ఏపీలో గుండెజబ్బులున్న చిన్నారులను గుర్తించి ఉచితంగా చికిత్సలు చేస్తామని తెలిపారు. ఆంధ్రా క్రికెట్ అసోసియేషన్ ద్వారా ఎక్కువమంది పిల్లలకు గుండె వైద్యాన్ని అందించనున్నట్లు చెప్పారు.

13:40 - December 14, 2017
06:38 - December 14, 2017

విజయవాడ : టూరిజం అభివృద్ధి వైపు ఏపీ ప్రభుత్వం వేగంగా అడుగులు వేస్తోంది.. ముఖ్యంగా రాష్ట్ర వ్యాప్తంగా ఉన్న పలు జలాశయాల్లో పర్యాటక రంగానికి ఊపు తెచ్చేందుకు.. ఏకంగా సీ ప్లేన్‌లను తీసుకొస్తోంది. విజయవాడలో ప్రయోగాత్మకంగా రైడ్‌లో సీప్లేన్‌ రైడ్‌లో సీఎం చంద్రబాబు విహరించారు. అలా అలా కృష్ణమ్మ అలలపై రెక్కవిప్పిన జల విహంగం.. చూపరులకు కనువిందు చేసింది. నీటిలో దూసుకుపోయే జల విహంగాలు మనకూ వచ్చేస్తున్నాయి.. అలల్ని తాకుతూ.. రివ్వున గాల్లోకి దూసుకుపోయే సీప్లేన్లు ఇక మన టూరిజరంలో ఆహ్లాదాన్ని రెట్టిపు చేయనున్నాయి. మొన్న గుజరాత్‌లో ప్రధాని మోదీ, తాజాగా విజయవాడలో చంద్రబాబు.. సీప్లేన్లలో ప్రయాణించి భవిష్యత్‌ టూరిజం రూపురేఖలను కళ్లకు కట్టారు. టూరిజం అభివృద్ధిలో భాగంగా విజయవాడ కృష్టా బ్యారేజిలో జరిగిన ప్రయోగాత్మక రన్‌లో సీఎం చంద్రబాబు విహరించారు.

ఈ సీప్లేన్‌లు పర్యాటక రంగానికే కాదు భవిష్యత్తులో ప్రయాణానికి సరికొత్త నిర్వచనం చెప్పబోతున్నాయి. దీనిలో మొత్తం 10 నుంచి 12 సీట్లు ఉంటాయి. ఇది ఎగరడానికి కేవలం 300 మీటర్ల రన్‌వే చాలు. రయ్ మంటూ గాల్లోకి దూసుకుపోతాయి. అన్నట్టు ఈ జలవిహంగానికి మరో స్పెషల్ ప్యూచర్ ఉంది. ఇటు నీటిలోనూ, అటు నేలపై ల్యాండ్ అవడం దీని ప్రత్యేకత. నీటిలో ల్యాండ్‌ అయ్యేందుకు కేవలం మూడుఅడుగుల లోతు ఉంటే చాలు అంటున్నారు ఏవీయేషన్‌ అధికారులు. దేశంలోని ప్రధాన రిజర్వాయర్లు, నదులు, సరస్సుల్లో ఈ సీ ప్లేనులు అనుకూలంగా ఉండడంతో కేంద్ర ప్రభుత్వం వీటిపై ప్రత్యేక దృష్టి సారించింది. భవిష్యత్తులో ప్రత్యామ్నామ ప్రయాణ మార్గంగా దీన్ని తీర్చి దిద్దేందుకు ఏపీ సర్కార్‌ ఇప్పటికే కసరత్తు ప్రారంభించింది. రాష్ట్రంలో ఉన్న దాదాపు వెయ్యి కిలోమీటర్ల సముద్ర తీరాన్ని టూరిజం హబ్‌గా మార్చేందుకు .. ఈ సీ ప్లేన్‌లు బాగా ఉపకరిస్తాయని ప్రభుత్వం అంచానా వేస్తోంది. దీంతో రాష్ట్రంలో యువతకు భారీ ఎత్తున ఉపాధి అవకాశాలు కలుగుతాయంటున్నారు కేంద్ర మంత్రి అశోక గజపతిరాజు.

ఇప్పటికే గుజరాత్‌, ఏపీలో విజయవంతంగా టెస్ట్‌ రన్‌ పూర్తి చేసుకున్న ఈ సీప్లేన్‌ను దేశవ్యాప్తంగా నదులు, జలాశయాల్లో ప్రజలకు అందుబాటులోకి తీసుకున్నారు. దీన్లో భాగంగా దేశంలో 106 వాటర్ వేల్స్‌ను రూపొందించేందుకు కేంద్రప్రభుత్వం ప్రయత్నాలు ప్రారంభించింది. మొత్తానికి రాబోయే రోజుల్లో తెలుగు రాష్ట్రాల టూరిజంలో ఈ జలవిహంగాలే కనువిందు చేయనుండటం ఆసక్తిని రేకెత్తిస్తోంది.

12:52 - December 13, 2017

గుంటూరు : నేడు సమాచార కమిషనర్ల ఎంపికపై త్రిసభ్య కమిటీ భేటీ కానుంది. ఈ కమిటీలో సభ్యులుగా సీఎం చంద్రబాబు, జగన్, యనమల రామృకృష్ణుడు ఉన్నారు. సమావేశానికి హాజరు కాలేనని జగన్ ప్రభుత్వానికి సమచారం అందించారు. తన తరపున ప్రతినిధి వస్తారని ప్రభుత్వానికి జగన్ తెలిపారు. నిబంధనల ప్రకారం వేరే వ్యక్తులకు అవకాశం లేదని ప్రభుత్వం వెల్లడించించింది. సమాచార కమిషనర్ల ఎంపికకు సమయం లేదని న్యాయనిపుణులు అంటున్నారు. భేటీ వాయిదా కుదరదని న్యాయ నిపుణులు తెలిపారు. మరిన్ని వివరాలను వీడియోలో చూద్దాం...

19:22 - December 12, 2017

కృష్ణా : ఏపీ దేవాదాయ అదనపు కమిషనర్‌ చంద్రశేఖర్‌ ఆజాద్‌ ఇంటిపై ఏసీబీ దాడులు చేసింది. ఏకకాలంలో హైదరాబాద్‌, కదిరి, విజయవాడ, రాజమండ్రితో సహా 18 ప్రాంతాల్లో 21 బృందాలు సోదాలు నిర్వహించారు. చంద్రశేఖర్‌ కుటుంబ సభ్యులు, బంధువుల ఇళ్లల్లోనూ తనిఖీలు చేశారు. దాడులో భారీ ఎత్తున కూడబెట్టిన అక్రమ ఆస్తులు వెలుగుచూశాయి. విజయవాడ పటమటలో కోట్ల విలువ చేసే ఐదంతస్తుల భవనం,.. గొల్లపూడిలో కోటిన్నర రూపాయల విలువ చేసే భవనం, అనంతపురం జిల్లా కదిరిలో కుటుంబ సభ్యుల పేరున 32 ఎకరాల స్థలంలో సోలార్‌ ప్లాంట్‌ ఉన్నట్లు అధికారులు గుర్తించారు. ఇంకా సోదాలు కొనసాగుతున్నట్లు అధికారులు తెలిపారు. 

11:19 - December 12, 2017

గుంటూరు : ఏపీ డీఎస్పీల బదిలీల ఉత్తర్వుల జారీలో అధికారుల నిర్వాకం బయటపడింది. మృతి చెందిన ఓ అధికారికి బదిలీ ఉత్తర్వులు జారీ చేశారు. బదిలీ జీవోలో మృతి చెందిన తిరుమల ఎస్బీ డీఎస్పీ రామాంజనేయులు పేరు ఉంది. 6 నెలల క్రితం రామాంజనేయులు మరణించారు. రామాంజనేయులు హెడ్ క్వార్టర్స్ లో రిపోర్ట్ చేయాలంటూ అధికారులు ఆదేశాలు జారీ చేశారు. మరిన్ని వివరాలను వీడియోలో చూద్దాం....

07:38 - December 12, 2017

విజయవాడ : వింతంతు పింఛన్‌కు ఆమె అన్ని  విధాలా అర్హురాలు... ఐనా పింఛన్‌ అందడంలేదు..  తన బాధను ముఖ్యమంత్రికి చెప్పుకునేందుకు వెళితే... పోలీసులు అడ్డుకున్నారు... ఇక సీఎంను కలవడం అసాధ్యమని తెలుసుకున్న ఆమె వినూత్నపద్ధతిలో విన్నవించుకుంది... అదెలాగో  చూడండి.. 
అర్హతలున్నా .. అందని వితంతు పింఛన్‌
ఈమె పేరు కాంతమ్మ .. విజయనగరం జిల్లా బుచెం చెరువు గ్రామస్తురాలు . ఇటీవలే కొడుకును కోల్పోయింది . తనకు వితంతు పింఛన్‌ తీసుకునేందుకు అన్ని అర్హతలూ ఉన్నా... స్థానిక నేతలు అడ్డుపడుతున్నారని ఆమె సిఎంకు ఫిర్యాదు చెయ్యడానికి విజయవాడకు వచ్చింది. గతంలో విశాఖ పట్నం లో సీఎంను కలవవడానికి ప్రయత్నిస్తే  పోలీసులు తోసేశారని వాపోయింది . ఇక విజయవాడలోనూ ఇంచుమించు ఇదే పరిస్థితి ఎదురైంది. దీంతో  ఏం చెయ్యాలో దిక్కుతోచని స్థితిలో... ఇక సీసీ టీవీ నే నమ్ముకుంది . విజయవాడలోని సీఎం క్యాంపు కార్యాలయం ముందున్న సీసీ టీవీ వద్ద నిలబడి .. సిఎంకు దానిద్వారానే తన బాధ విన్నవించే ప్రయత్నం చేసింది .  
అనర్హులకే  ప్రభుత్వ పథకాలు
అడ్డదారుల్లో అనర్హులెందరో ప్రభుత్వ పథకాలను అనుభవిస్తుంటే.. ఈమెలాంటి అసలైన అర్హులు ఆదుకునే నాథుడు లేక అభాగ్యులుగా మిగిలిపోతున్నారు... తనతో పాటు అనాథలైన తన కొడుకు పిల్లలకూ ఆధారం లేదనీ .. దయచేసి తనకు పింఛన్‌ను ఇప్పించాలంటూ ఆమె సీసీ కెమెరా ముందు ప్రాధేయపడింది... ఈ దృశ్యం  చూసిన వాళ్ల మనసు చలించిపోయింది.  రియల్ టైమ్‌ గవర్నెన్స్ అంటూ...  తన ఆఫీసు నుంచే లైవ్ లో..  ప్రజల సమస్యలను పరిష్కరిస్తా అంటున్న సీఎ చంద్రబాబు  ఇంతకూ ఈ ధీన మహిళ వ్యధను ఈ విధంగానైనా వినే ఉంటారో..?  లేదో.... సామాన్యులకు అందుబాటులోకి రాని హైటెక్‌ సీఎం... కనీసం ఈ సీసీ కెమెరా ద్వారానైనా   కాంతమ్మ తెలుసుకుని.. న్యాయం చేయాలని ప్రజలు కోరుతున్నారు...

 

15:25 - December 10, 2017

విజయవాడ : భవానీ దీక్షల విరమణతో ఇంద్రకీలాద్రిపై సందడి నెలకొంది. దీక్షా విరమణల సందర్భంగా తొలిరోజు అమ్మవారి దర్శనం కోసం భవానీలు వేలాదిగా తరలివస్తున్నారు.  కాలినడకన అమ్మవారిని దర్శించుకొని ప్రత్యేక పూజలు నిర్వహిస్తున్నారు.  మాల విరమణ గావిస్తూ తమ వెంటతెచ్చుకున్న నేతి కొబ్బరికాయలను హోమగుండంలో వేసి మొక్కులు తీర్చుకుంటున్నారు. ఇంద్రకీలాద్రిపై భవానీల రద్దీపై మరింత సమాచారాన్ని వీడియోలో చూద్దాం....

 

15:23 - December 10, 2017

కృష్ణా : బెజవాడ ఇంద్రకీలాద్రిపై భవానీ దీక్షా విరమణలు అత్యంత వైభోవోపేతంగా‌ ప్రారంభమయ్యాయి. దుర్గగుడి ఈవో సూర్యకుమారి హోమ గుండం వద్ద పూజా కార్యక్రమాలను నిర్వహించి దీక్షా విరమణలను ప్రారంభించారు. తొలి రోజు అమ్మవారి దర్శనం కోసం భవానీలు వేలాదిగా తరలివచ్చారు. 

 

Pages

Don't Miss

Subscribe to RSS - Vijayawada