visakhapatnam

21:00 - September 22, 2017

విశాఖ : విశాఖ ఏజెన్సీలో మావోయిస్టు ఆవిర్భావ వారోత్సవాలు నిర్వహిస్తున్నారు. విశాఖ ఏజెన్సీలో మావోయిస్టుల ఉనికి లేదని ఓ వైపు పోలీసులు చెబుతున్నా మావోయిస్టులు మాత్రం తమ కార్యక్రమాలు జరుపుతూనే ఉన్నారు. ఇటీవలే జీ మడుగుల మండలంలో 10 రోజుల కిందట మావోయిస్టులు ప్రొక్రెయిన్లను ధ్వంసం చేశారు. కొయ్యూరు ప్రాంతంలో పోస్టర్లు కూడా విడుదల చేశారు. అయితే ఎవోబీలో యాక్షన్‌ టీమ్‌లు తిరుగుతున్నాయన్న సమాచారం పోలీసులకు ఉంది. ఇప్పటికే మావోయిస్టులు మారుమూల జీ మడుగుల పరిధిలో సభను కూడా నిర్వహించారు. దీంతో పోలీసు యంత్రాంగం అప్రమత్తమయింది. ఎలాంటి పరిస్థితులనైనా ఎదుర్కునేందుకు పోలీసు శాఖ సిద్ధంగా ఉంది. ఈ క్రమంలోనే తనిఖీలను ముమ్మరం చేసింది. అనుమానం ఉన్న ప్రాంతాల్లో తనిఖీలతో పాటుగా భద్రతను కూడా పెంచారు. అధికారులు, ప్రజాప్రతినిధులు మావోయిస్టుల వారోత్సవాలు పూర్తయ్యేవరకు ఎక్కడికి వెళ్లినా తమకు సమాచారం ఇవ్వాలని పోలీసులు సూచించారు. మావోయిస్టుల మూలంగా అమాయకులైన గిరిజన ప్రాంతీయులకు ఎలాంటి ప్రమాదం జరగకుండా పోలీసులు చర్యలు చేపడుతున్నారు.

విధ్వంసం జరుపుతారని పోలీసులు అనుమానం
గతంతో పోలిస్తే విశాఖ ఏజెన్సీలో మావోయిస్టుల రాకపోకలు పెరిగిపోయాయి. ఆంధ్ర-ఒరిశా బార్డర్‌ను ఆనుకొని ఉండటంతో తరచుగా ఒడిశా, చత్తీస్‌ఘర్ లాంటి ప్రాంతాల నుండి మావోయిస్టులు రాకపోకలు సాగిస్తున్నారు. బయట ప్రాంతాల నుండి వచ్చి ఏదైనా విధ్వంసం జరుపుతారని పోలీసులు అనుమానం వ్యక్తం చేస్తున్నారు. దీంతో విశాఖ ఏజెన్సీలో పోలీసులు పటిష్ఠ భద్రతను ఏర్పాటు చేస్తున్నారు. 

20:01 - September 21, 2017

విశాఖ : పోలవరం కాఫర్ డ్యాం డిజైన్ ఫైనల్ కాకుండానే 2018 కల్లా డ్యాం పూర్తవుతుందని సీఎం చంద్రబాబు ఎలా చెబుతారని సీపీఎం నేత నరసింగరావు ప్రశ్నించారు. విశాఖపట్నంలో జరిగిన మీడియా సమావేశంలో నరసింగరావుతో పాటు రిటైర్డ్ చీఫ్‌ ఇంజినీర్ సత్యనారాయణ, బ్రహ్మయ్య పాల్గొన్నారు. డ్యాంను 41 మీటర్ల ఎత్తుకు పెంచి ప్రాజెక్టు నుంచి కుడి, ఎడమ కాల్వలకు నీరు ఇవ్వాలనే ప్రభుత్వ ప్రతిపాదన మంచిది కాదన్నారు రిటైర్డ్ చీఫ్ ఇంజినీర్ సత్యనారాయణ. ముందుగా మెయిన్ రాక్‌ ఫిల్‌ డ్యాం నిర్మించిన తరువాత కాపర్ డ్యాం నిర్మాణం గురించి ఆలోచించడం మంచిదని సత్యానారాయణ సూచించారు. 

19:36 - September 20, 2017

విశాఖ : పట్టపగలే దోపిడీ దొంగలు బీభత్సం సృష్టించారు. ఇంట్లో మహిళ ఒంటరిగా ఉన్న విషయం గమనించి దోపిడికి ప్రయత్నించారు. అక్కయ్య పాలెం లలితా నగర్‌లో ఇంట్లో ఉన్న మహిళను అడ్రస్ కోసమని ఇద్దరు అగంతకులు బయటకు పిలిచారు. మహిళతో మాట్లాడుతున్నట్లుగా నటించి అకస్మాత్తుగా ఆమెపై దాడి చేశారు.. వెంటనే ఆమె కేకలు వేయడంతో స్థానికులు అప్రమత్తమయ్యారు... అగంతకులలో ఒకరిని పట్టుకుని పోలీసులకు అప్పగించారు. ఈ పెనుగులాటలోమహిళ చేతికి స్వల్పగాయాలయ్యాయి. 

08:15 - September 18, 2017

 

విశాఖ : జిల్లా కేంద్రంలో జరిగిన ప్రాంతీయ పర్యావరణ సదస్సు ముగిసింది. ఘన వ్యర్థాల నిర్వహణ, పర్యావరణ పరిక్షణ, కాలుష్య నియంత్రణ, పారిశ్రామిక వ్యర్థాలు నదుల్లో కలవకుండా చూడ్డానికి తీసుకోవాల్సిన చర్యలు.. వంటి అంశాలపై ఈ సదస్సులో చర్చించారు. చర్చల వివరాలతో నివేదిక రూపొందించి అమలు కోసం కేంద్ర, రాష్ట్రాలకు పంపాలని నిర్ణయించారు. ఏపీలో పర్యావరణ పరిరక్షణకు అత్యుత్తమ ప్రమాణాలు పాటిస్తున్నామని ముగింపు కార్యక్రమానికి హాజరైన ముఖ్యమంత్రి చంద్రబాబు చెప్పారు. రాష్ట్రంలో ఘన వ్యర్థాల నిర్వహణకు ప్రాధాన్యత ఇస్తున్న విషయాన్ని సదస్సు దృష్టికి తెచ్చారు.

జాతీయ హరిత న్యాయస్థానం
పర్యావరణ పరిరక్షణను ప్రతి ఒక్కరూ బాధ్యతగా తీసుకోవాలని కార్యక్రమంలో పాల్గొన్న జాతీయ హరిత న్యాయస్థానం చైర్మన్‌ జస్టిస్‌ స్వతంత్ర కుమార్‌ కోరారు. మానవ జీవితం పర్యావరణతో ముడివడి ఉందని, దీని పరిరక్షణ ఆవశ్యకతను ప్రతి ఒక్కరు బాధ్యతగా గుర్తించాలని కార్యక్రమానికి హాజరైన సుప్రీంకోర్టు న్యాయమూర్తి జస్టిస్‌ ఆర్కే అగర్వాల్‌ కోరారు. పర్యావరణ పరిరక్షణపై ప్రజల్లో అవగాహన పెంచేందుకు ప్రభుత్వాలు చర్యలు తీసుకోవాలని సూచించారు. 

20:51 - September 17, 2017
15:19 - September 17, 2017

విశాఖ : పర్యావరణ పరిరక్షణ ప్రతి ఒక్కరి బాధ్యత అన్నారని సీఎం చంద్రబాబు నాయుడు అన్నారు. ఆంధ్ర ప్రదేశ్‌లో పచ్చదనాన్ని పెంచేందుకు కృషి చేస్తున్నామని చెప్పారు.. వేస్ట్‌ మేనేజ్‌మెంట్‌కు ప్రాధాన్యం ఇస్తున్నామని స్పష్టం చేశారు.. పర్యావరణహిత ఇంధనానికి ప్రాధాన్యత ఇస్తున్నామని ప్రకటించారు.. పర్యావరణ పరిరక్షణపై విశాఖలో ఏర్పాటు చేసిన ప్రాంతీయ సదస్సుకు చంద్రబాబు హాజరయ్యారు.. ఈ కార్యక్రమంలో సుప్రీంకోర్టు న్యాయమూర్తి రమేశ్‌ రంగనాథన్‌ హాజరయ్యారు.

 

13:58 - September 17, 2017
16:45 - September 12, 2017

విశాఖ : విశాఖపట్టణం, పెందుర్తిలో మంత్రి నారా లోకేశ్‌ పర్యటించారు. పర్యటనలో భాగంగా సమాఖ్య భవనం, షాపింగ్‌ కాంప్లెక్స్‌ను మంత్రి ప్రారంభించారు. అనంతరం డ్వాక్రా మహిళలతో సమావేశమయ్యారు. అప్పులు ఒక రాష్ట్రానికి, ఆస్తులు ఒక రాష్ట్రానికి ఇచ్చారని మంత్రి లోకేశ్‌ అన్నారు. 16 వేల కోట్ల లోటు బడ్జెట్ ఉన్నా.. సీఎం ప్రజలకు లోటు లేకుండా పరిపాలన చేస్తున్నారన్నారు. డ్వాక్రా సంఘాలను మరింత మలోపేతం చేసి మహిళల కాలికి మట్టి అంటకుండా.. అన్ని గ్రామాల్లో సిమెంట్‌ రోడ్లు నిర్మిస్తున్నామని లోకేశ్ తెలిపారు. 

 

07:34 - September 12, 2017

విశాఖ : కాపులుప్పాడ ఐటీ లేఔట్‌ను మంత్రి నారా లోకేష్‌ పరిశీలించారు. వచ్చే 2 నెలల్లో ఐటీ అభివృద్ధిపై కీలకమైన ప్రకటన చేస్తామన్నారు. 2018 మార్చి నాటికి 30 వేల ఉద్యోగాలు కల్పిస్తామని చెప్పారు. అక్టోబర్‌ నాటికి కాపులుప్పాడ ఐటీ లేఔట్‌ను అందుబాటులోకి తెస్తామన్నారు.  

12:13 - September 11, 2017

విశాఖ : ఏజెన్సీలో మళ్లీ ఆంత్రాక్స్ విజృంభిస్తోంది. డుంబ్రిగూడ మండలం, కండ్రూం, సరాయి గ్రామాల్లో పదిహేనుకు పైగా ఆంత్రాక్స్‌ కేసులు నమోదయ్యాయి. ఇద్దరు ఆంత్రాక్స్ వ్యాధి గ్రస్తులను అరకు లోయ ఆస్పత్రికి తరలించి చికిత్స అందిస్తున్నారు. 

 

Pages

Don't Miss

Subscribe to RSS - visakhapatnam