warangal

16:11 - July 21, 2018

భూపాలపల్లి : కాళేశ్వరం దేవస్థానంలోని పార్వతి అమ్మవారి పట్టుచీర మాయమైంది. పాలక మండలి ఛైర్మన్‌ వెంకటేశం గుర్తించి.... ఆరా తీయగా  ఆలయ అధికారి వరంగల్‌కు వెళ్లి అదే చీరను పోలి ఉన్న మరో చీరను తెచ్చి చూపాడు. దీంతో ఘటనపై విచారణ జరిపితే అసలు బాగోతం బయటపడుతుందని స్థానికులు అంటున్నారు. ఈ విషయంపై పూర్తి విచారణ జరుపుతామని కార్యనిర్వాహణాధికారి మారుతీ అన్నారు. 2016 మే 02న సీఎం కేసీఆర్‌ సతీసమేతంగా అమ్మవారికి ఈ పట్టుచీరను సమర్పించారు.

 

08:37 - July 16, 2018

వరంగల్ : జిల్లా రాయపర్తిలోని బంధనపల్లి శివారులోని మారుమూల తండాకు చెందిన గూగులోతు రాజేందర్ అనే యువకుడు వ్యవసాయంలో రాణిస్తున్నాడు. తన పొలంలో సిరులు కురిపించే శ్రీ గంధం చెట్లు సాగు చేస్తూ అందరికి ఆదర్శంగా నిలుస్తున్నాడు. అంతేకాదు...  అంతర్ పంటగా సేంద్రీయ పద్ధతిలో దోస, బీర వంటి కూరగాయలను సాగు చేస్తున్న యువ రైతు పై 10 టీవీ  ప్రత్యేక కథనం..
ప్రపంచలో కేవలం 6,7 దేశాలలోనే శ్రీ గంధం చెట్ల సాగు 
వరంగల్ రూరల్ జిల్లా రాయపర్తి మండలంలోని బంధనపల్లి గ్రామ శివారులోని మారుమూల తండాకు చెందిన గూగులోతు రాజేందర్  బీఎడ్  చదివాడు.  ఏనాటికైనా ఉపాధ్యాయ  వృత్తి లో రాణించాలని అనుకున్నాడు, కానీ అనుకున్న విధంగా ఉద్యోగుల నోటిఫికేషన్ రాకపోవడంతో ,తన తల్లిదండ్రుల ప్రోత్సాహంతో తనకున్న 30 గుంటల పొలంలో శ్రీ గంధం చెట్లను పెట్టి సాగు చేస్తున్నాడు. అయితే ఈ శ్రీ గంధం చెట్ల గురించి 2 సంవత్సరాలు పూర్తిగా తెలుసుకొని,..ఇవి ఎటువంటి నేలలో సాగు చేయడానికి అనుకూలంగా ఉంటాయని సంబంధించిన అధికారులతో భూసార పరీక్షలు చేయించి 380 శ్రీ గందo  చెట్లను అనుకూలంగా ఉన్నా నెలలో నాటాడు . ప్రపంచ దేశాల్లోనే కేవలం 6,7 దేశాలలోనే శ్రీ గంధం చెట్లను సాగు చేస్తున్నారు. మనదేశంలో దక్షిణాది రాష్ట్రాల్లో, తెలుగు రాష్ట్రాలలో కూడా వీటి సాగు చేస్తున్నారు. 
శ్రీ గంధం చెట్టు ఎంత పెరిగితే అంత డబ్బే 
శ్రీ గంధం చెట్టు ఎంత పెరిగితే అంత డబ్బే. అందులో అంతర్ పంటగా సేంద్రియ పద్దతుల్లో దోస సాగు చేస్తున్నాడు యువ రైతు. శ్రీ గంధం సాగులో తీగ జాతీ కూరగాయలు సాగు చేస్తే వాటికి అనుకూలంగా ఉంటుందని అధికారులు సూచించడంతో వారి సలహా మేరకు తీగ జాతి పంటను వేసి,జీవా అమృతం, ఆవు పేడ, వేప గింజలు,ఆకులు, వాటిని15 రోజులు నానాపెట్టి....ఆతర్వాత15రోజులు ఒక్కసారి పిచికారి చేయాలి. దీంతో పాటు వెస్ట్ కంపోజర్ ను పిచికారి చేయ్యడం వల్ల భూమి లో  బ్యాక్టీరియలు పెరిగి పంటకు ఉపయోగపడతాయి అంటున్న యువ రైతు.
సేంద్రీయ పద్ధతిలో పండే పంటలు తింటే ఆరోగ్యం 
అయితే సేంద్రీయ పద్ధతిలో పండే పంటలు తింటే ఆరోగ్యంగా ఉంటారని...సేంద్రీయ పద్ధతి లో సాగు చేయడం వల్ల పెట్టుబడి వ్యయం కూడా చాలా తక్కువని యువ రైతు వివరించాడు, తాను 10వేల పెట్టుబడి పెడితే 30 వేల రూపాయలు లాభం వస్తుందన్నారు.... అయితే  సేంద్రీయ వ్యవసాయo చేస్తే కొంతమందినైనా  రోగాల బారి నుండి కాపాడవచ్చుని చెబుతున్నాడు.  తనను  చూసి చుట్టు పక్కల రైతులు సేంద్రీయ వ్యవసాయo చెయ్యాలని ముందుకు వస్తున్నారు. అయితే చాలా మంది యవకులు రైతులుగా మారి వ్యవసాయ రంగంలో రాణించి నేటితరానికి ఆదర్శంగా నిలవడానికి కృషి చేయాలన్నారు. వ్యవసాయంలో వినూత్న పద్దతిలో రాణిస్తున్న ఈ యువరైతు అందరికీ ఆదర్శం.  అతని బాటలోనే మరికొంత మంది వ్యవసాయం సాగుచేయడానికి ముందుకు వస్తారని ఆశిద్దాం... 

 

11:27 - July 5, 2018

వరంగల్ : అక్కను పొగొట్టుకున్న చెల్లి..తల్లిని పొగొట్టుకున్న కొడుకు..తమ్ముడిని పొగొట్టుకున్న ఓ చెల్లి...ఇలా ఒక్కరు కాదు..ఇద్దరు కాదు...12 మంది కుటుంబాల్లో తీవ్ర విషాదం నెలకొంది. భద్రకాళి ఫైర్ వర్క్స్ లో జరిగిన భారీ అగ్నిప్రమాదంలో 12 మంది మృతి చెందడం తీవ్ర విషాదాన్ని నింపింది. కానీ 15 మంది మృతి చెందినట్లు తెలుస్తోంది. మృతి చెందిన వారికి ఎంజీఎం ఆసుపత్రికి తరలించి పోస్టుమాస్టం నిర్వహిస్తున్నారు. దీనితో తమ వారిని పొగొట్టుకున్న కుటుంబ సభ్యుల ఆర్తనాదాలతో మిన్నంటిపోయింది. పలువురు ఆసుపత్రిలో ప్రాణాలతో కొట్టుమిట్టాడుతున్నట్లు సమాచారం. ఎంజీఎం వద్ద పరిస్థితిని తెలుసుకొనేందుకు టెన్ టివి ప్రయత్నించింది. ఈ సందర్భంగా పలువురితో మాట్లాడింది. వారంతా కన్నీటి పర్యంతమయ్యారు. కన్నీళ్లు తెప్పించే ఈ ఘటనపై మరింత సమాచారం కోసం వీడియో క్లిక్ చేయండి. 

16:36 - July 4, 2018

 వరంగల్‌ అర్బన్‌ : కోటిలింగాలలోని భద్రకాళి బాణాసంచా తయారీ కర్మాగారంలో భారీ పేలుడు సంభవించింది. బాణాసంచా తయారు చేస్తుండగా  ఒక్కసారిగా ప్రమాదం జరగడంతో మంటలు ఎగిసిపడ్డాయి. ఈ ఘటనలో 15 మంది కార్మికులు ప్రాణాలు కోల్పోయారు. పేలుడు ధాటికి మృతదేహాలు తునాతునకలయ్యాయి.  మృతుల సంఖ్య ఇంకా పెరిగే అవకాశం ఉంది. క్షతగాత్రులను ఆస్పత్రికి తరలించారు. ఘటనా స్థలానికి చేరుకున్న అగ్నిమాపక సిబ్బంది మంటలను అదుపు చేస్తున్నారు.  

 

12:12 - July 4, 2018

వరంగల్ : జిల్లాలోని బాణసంచా కర్మాగారంలో భారీ అగ్నిప్రమాదం చోటు చేసుకుంది. ఈ ఘటనలో ముగ్గురు కార్మికులు సజీవదహనమయ్యారు. మృతుల సంఖ్య పెరిగే అవకాశం ఉందని తెలుస్తోంది. ఎస్ ఆర్ నగర్ లో భద్రకాళి ఫైర్ వర్క్స్ కర్మాగారం ఉంది. బుధవారం ఉదయం బాణాసంచా తయారు చేస్తుండగా భారీగా మంటలు చెలరేగాయి. భారీగా టపాసులు తగలబడ్డాయి. దీనితో ముగ్గురు కార్మికులు సజీవదహనం కాగా మరికొంతమంది కార్మికులకు గాయాలయ్యాయి. వీరిని ఆసుపత్రికి తరలించారు. 12 మంది కార్మికులు పనులు చేస్తున్నట్లు సమాచారం. మృతుల సంఖ్య పెరిగే అవకాశం ఉంది. సమాచారం అందుకున్న అగ్నిమాపక సిబ్బంది మంటలను ఆర్పుతున్నారు. 

 

14:28 - June 27, 2018

వరంగల్ : జిల్లాలో హృదయ విదారక ఘటన చోటు చేసుకుంది. ఓ లారీ ద్విచక్రవాహనాన్ని ఢీ కొంది. దీనితో ప్రమాదవశాత్తు వెంకన్న అనే యువకుడు లారీ కింద మట్టిదిబ్బలో కూరుకపోయాడు. సుమారు నాలుగు గంటల పాటు నరకయాతన అనుభవించాడు. వెంటనే స్థానికులు అధికారులకు సమాచారం అందించారు. రెస్క్యూటీం వచ్చే వరకు స్థానికులు అతనికి సహాయక చర్యలు చేపట్టారు. వెంకన్నకు లారీ కిందే ఆక్సిజన్, సైలైన్ లను వైద్య సిబ్బంది అందించారు. రెండు క్రేన్ ల సహాయంతో లారీని రెస్క్యూ టీం పక్కకు లాగారు. వెంకన్నతో సహా మరో క్షతగాత్రుడిని ఆసుపత్రికి తరలించారు. 

19:14 - June 19, 2018

వరంగల్ : ప్రముఖ మిమిక్రీ కళాకారుడు, పద్మశ్రీ నేరెళ్ల వేణుమాధవ్‌ కన్నుమూశారు. కొంతకాలంగా అనారోగ్యంతో బాధపడుతున్నారు. వరంగల్‌లోని స్వగృహంలో ఇవాళ ఉదయం తుదిశ్వాస విడిచారు. 1932, డిసెంబర్‌ 28న వరంగల్‌లో వేణుమాధవ్‌ జన్మించారు. 1947లో తన 16 ఏటనే మిమిక్రీ కెరీర్‌ను ప్రారంభించిన ఆయన దేశవిదేశాల్లో తెలుగు, హిందీ, ఉర్దూ, తమిళ భాషల్లో అనేక ప్రదర్శనలు ఇచ్చారు. భారత మాజీ రాష్ట్రపతులు సర్వేపల్లి రాధాకృష్ణన్, వి.వి.గిరి, జైల్ సింగ్, ఫక్రుద్దీన్ అలీ అహ్మద్, నీలం సంజీవరెడ్డి, మాజీ ప్రధాని పీవీ నరసింహరావు ఎందరో ప్రముఖులు ఆయన ప్రదర్శనలు వీక్షించారు. ప్రసిద్ధులైన వ్యక్తులను, నాయకులను అనుకరించడంలో వేణుమాధవ్‌ దిట్ట. 2001లో భారత ప్రభుత్వం ఆయనకు పద్మశ్రీ పురస్కారం ప్రదానం చేసింది. 1978లో ఆంధ్రా యూనివర్శిటీ ఆయనకు కళాప్రపూర్ణ బిరుదు ఇచ్చింది. ఏయూ, కేయూ, ఇగ్నో నుంచి గౌరవ డాక్టరేట్లను అందుకున్నారు.

15:47 - June 19, 2018

వరంగల్ అర్బన్ : కాజీపేటలో మరో విద్యాకుసుమం రాలిపోయింది. ప్రతిష్టాత్మక ఎన్ఐటీలో ఆత్మహత్యల పరంపర కొనసాగుతోంది. కాలేజ్ లో ఎలాక్ట్రానిక్ ఇంజనీరింగ్ ఫస్ట్ ఇయర్ చదివే అమిత్ అనే విద్యార్థి ఆత్మహత్యకు పాల్పడ్డాడు. తను వుంటున్న హాస్టల్ రూమ్ లో అమిత్ ఫ్యాన్ కు ఉరివేసుకుని ఆత్మహత్యకు పాల్పడ్డాడు. గత మూడు సంవత్సరాల క్రితం మానసిక ఒత్తిడితో ఓ విద్యార్ధి ఆత్మహత్య చేసుకున్న ఘటన మరచిపోకముందే ఇదే కాలేజ్ లో మరో విద్యార్థి ఆత్మహత్య చేసుకోవటంతో నిట్ లో విషాద ఛాయలు అలుముకున్నాయి. బీహార్ కు చెందిన అమిత్ ఆత్మహత్యకు పాల్పడినట్లుగా తెలుసుకున్న నిట్ నిర్వాహకులు వెంటనే సంఘనాస్థలికి చేరుకుని తక్షణం వరంగల్ లోని అల్ట్రా మెడా ఆసుపత్రికి తరలించారు. కానీ అప్పటికే అమిత్ మృతి చెందినట్లుగా వైద్యులు తెలిపారు. కాగా అమిత్ ఆత్మహత్యకు మానసిక ఒత్తిడే కారణమని ప్రాథమికంగా తెలిసింది. 

13:37 - June 19, 2018

వరంగల్ : మిమిక్రీ మాంత్రికుడు నేరెళ్ల వేణుమాధవ్ కన్నుమూశారు. ఇవాళ ఉదయం వరంగల్ లో కన్నుమూశారు. కొంతకాలంగా అనార్యోగంతో వేణుమాధవ్ బాధపడుతున్నారు. 1932 డిసెంబర్ 28న వరంగల్ లో ఆయన జన్మించారు. 1947లో తన 16వ ఏటనే తొలి ప్రదర్శన ఇచ్చారు. దేశ, విదేశాల్లో తెలుగు, హిందీ, ఉర్దూ, తమిళ భాషల్లో అనేక ప్రదర్శనలు ఇచ్చారు. ప్రసిద్ధులైన వ్యక్తులను, నాయకులను అనుకరించడంలో వేణమాధవ్ దిట్ట.
1978లో ఆంధ్రా యూనివర్సిటీ అయనకు కళాప్రపూర్ణ బిరుదు ఇచ్చింది. భారత ప్రభుత్వం 2001లో ఆయనకు పద్మశ్రీ పురస్కారం ప్రదానం చేసింది. కేయూ, ఈయూ నుంచి ఆయన గౌరవ డాక్టరేట్లను అందుకున్నారు. నేరెళ్ల వేణుమాధవ్ మృతిపై పలువురు దిగ్ర్భాంతి వ్యక్తం చేశారు. మిమిక్రీ ఆర్టిస్టు, నటుడు శివారెడ్డి, కమెడియన్ వేణుమాధవ్ సంతాపం తెలిపారు.
మిమిక్రీ ఆర్టిస్టు, నటుడు శివారెడ్డి
'నేరెళ్ల వేణుమాధవ్ మృతి బాధాకరం. తీరని లోటు. ఆయన మిమిక్రీని చూసి మిమిక్రీ కళ ఉందని నేను తెలుసుకున్నాను.  
ఆయనకు నేను ఏకలవ్య శిశ్యున్ని. ఆయనను ఆదర్శంగా తీసుకుని నేను కూడా మిమిక్రీ ఆర్టిస్టు అయ్యాను. మంచి మనిషి ఉన్న గొప్ప వ్యక్తి.
కమెడియన్ వేణుమాధవ్...
ఆయనకు పద్మశ్రీ, 3 డాక్లరేట్లు వచ్చాయి. ఆయనకు నేను ఏకలవ్య శిశ్యున్ని. ప్రపంచాన్ని చుట్టివచ్చిన మహానుభావుడు. ఆయన గురించి మాట్లాడే అర్హత నాకు లేదు' అని అన్నారు. 

 

13:11 - June 19, 2018

వరంగల్ : మిమిక్రీ మాంత్రికుడు నేరెళ్ల వేణుమాధవ్ కన్నుమూశారు. ఇవాళ ఉదయం వరంగల్ లో కన్నుమూశారు. కొంతకాలంగా అనార్యోగంతో వేణుమాధవ్ బాధపడుతున్నారు. 1932 డిసెంబర్ 28న వరంగల్ లో ఆయన జన్మించారు. 1947లో తన 16వ ఏటనే తొలి ప్రదర్శన ఇచ్చారు. దేశ, విదేశాల్లో తెలుగు, హిందీ, ఉర్దూ, తమిళ భాషల్లో అనేక ప్రదర్శనలు ఇచ్చారు. ప్రసిద్ధులైన వ్యక్తులను, నాయకులను అనుకరించడంలో వేణమాధవ్ దిట్ట.
1978లో ఆంధ్రా యూనివర్సిటీ అయనకు కళాప్రపూర్ణ బిరుదు ఇచ్చింది. కేంద్రప్రభుత్వం 2001లో ఆయనకు పద్మశ్రీ పురస్కారం ప్రదానం చేసింది. 

 

Pages

Don't Miss

Subscribe to RSS - warangal