Weather Updates

13:17 - November 5, 2017

తమిళనాడు : భారీవర్షాలు చెన్నైని అతలాకుతలం చేస్తున్నాయి. చెన్నై శివారు ప్రాంతాలు జలదిగ్బంధంలో చిక్కుకోవడంతో జనజీవనం స్తంభించింది. లోతట్టు ప్రాంతాల ప్రజలను పునరావాస కేంద్రాలకు తరలించారు. రానున్న 24 గంటల్లో భారీ వర్షాలు కురియనున్నాయని వాతావరణ శాఖ హెచ్చరించడంతో ప్రభుత్వం అప్రమత్తమైంది.
చెన్నైలో స్తంభించింన జనజీవనం 
ఈశాన్య రుతుపవనాల కారణంగా గత కొన్ని రోజులుగా కురుస్తున్న భారీ వర్షాలతో తమిళనాడు రాజధాని చెన్నైలో జనజీవనం స్తంభించింది. రోడ్లపై నీరు నిలిచిపోవడంతో నగరంలోని పలు కాలనీలు చెరువులను తలపిస్తున్నాయి. ఇళ్లలోకి వర్షపు నీరు చేరడంతో ప్రజలు ఇబ్బందులకు గురయ్యారు.
జలదిగ్బంధంలో చెన్నై శివారు ప్రాంతాలు 
చెన్నై శివారు ప్రాంతాలు పూర్తిగా జలదిగ్బంధంలో చిక్కుకున్నాయి. కాంచీపురం, తిరువళ్లూరు జిల్లాలోని పలు కాలనీల్లో వరదనీరు ముంచెత్తడంతో ప్రజలు బిక్కు బిక్కుమంటూ కాలం గడుపుతున్నారు. కాంచిపురం జిల్లాలోని  పళ్లికరణై, నామంగళం, ఊరపాక్కం, కొండగియూర్, మణిమంగళం, మేడవాక్కం, తిరువళ్లూరు జిల్లాలోని ఆవడి, పూందమల్లిలోని పలు కాలనీలు నీట మునిగాయి. భారీ వర్షాల కారణంగా చెన్నయ్‌లో స్కూళ్లు, కళాశాలలు, ఐటి సంస్థలు, దుకాణాలు మూతపడ్డాయి. కొన్ని ప్రాంతాల్లో విద్యుత్‌ సరఫరాను నిలిపివేశారు.
ప్రభుత్వం అప్రమత్తం 
2015లో వరద తుఫాను నుండి గుణపాఠం నేర్చుకున్న ప్రభుత్వం అప్రమత్తమైంది. వరద ప్రాంతాల్లో సహాయక చర్యలు ముమ్మరం చేసింది. రహదారుల్లో... గృహాల్లోకి చేరుకున్న వర్షపునీటిని కార్పోరేషన్ సిబ్బంది ఎప్పటికప్పుడు తొలగించటంతో పెను ప్రమాదం తప్పింది. ముఖ్యమంత్రి పళనిస్వామి, ఇతర మంత్రులు వరద ప్రాంతాలను సందర్శించి పరిస్థితిని సమీక్షించారు. 
పునరావాస కేంద్రాలకు తరలింపు 
అధికారులు 10 వేల మంది లోతట్టు ప్రాంత ప్రజలను పునరావాస కేంద్రాలకు తరలించారు. వరద బాధితుల కోసం ప్రభుత్వం 122 ప్రత్యేక శిబిరాలు చేసింది. వారికి ఆహారం, మంచినీరు, దుప్పట్లు, అందజేస్తోంది. పునరావాస కేంద్రాన్ని సందర్శించిన సిఎం వరదబాధితులకు ఆహారాన్ని అందించారు. రానున్న 24 గంటల్లో అతి భారీ వర్షాలు కురుస్తుందని చెన్నైలోని ప్రాంతీయ వాతావరణ కేంద్రం హెచ్చరించటంతో ప్రజలను ప్రభుత్వం అప్రమత్తం చేసింది. 2015లో చెన్నైలో భారీ వర్షాల కారణంగా వరదలు సంభవించిన విషయం తెలిసిందే. అప్పట్లో 150 మందికి పైగా ప్రాణాలు కోల్పోయారు.

13:15 - November 5, 2017

విశాఖ : శ్రీలంక, తమిళనాడుకు ఆనుకుని నైరుతి బంగాళాఖాతంలో ఏర్పడిన అల్పపీడనం బలహీనపడి అల్పపీడనద్రోణిగా మారింది. శనివారం నాటికి ఇది దక్షిణ కోస్తా, తమిళనాడుకు ఆనుకుని పశ్చిమ మధ్య, నైరుతి బంగాళాఖాతంలో కొనసాగుతోంది. దీని ప్రభావంతో రాయలసీమ, దక్షిణ కోస్తాల్లో అక్కడక్కడా వర్షాలు కురిశాయి. రానున్న ఇరవై నాలుగు గంటల్లో తమిళనాడుతో పాటు రాయలసీమలో ఎక్కువచోట్ల, కోస్తాలో పలుచోట్ల ఉరుములతో కూడిన వర్షాలు కురుస్తాయని వాతావరణ శాఖ తెలిపింది. 

20:42 - October 13, 2017

హైదరాబాద్‌ : నగరంలో మళ్లీ వర్షం దంచి కొడుతుంది. దీంతో పలు ప్రాంతాలు జలమయమయ్యాయి. రోడ్లపై భారీగా నీళ్లు నిలవడంతో వాహనదారులు ఇబ్బందులు పడుతున్నారు. మాదాపూర్‌ నుంచి మియాపూర్ వరకు, ఉప్పల్‌ నుంచి ఎల్బీనగర్‌ వరకు ట్రాఫిక్‌ స్తంభించింది. 

 

11:35 - October 13, 2017

 

హైదరాబాద్ : భారీ వర్షానికి హైదరాబాద్‌ మరోసారి తడిసి ముద్దైంది. గురువారం సాయంత్రం వరకు ప్రశాంతంగానే ఉన్న వాతావరణం ఒక్కసారిగా మారిపోయింది. కారుమబ్బులు కమ్ముకుని.. ఉరుములు, మెరుపులతో కుండపోతగా వర్షం కురిసింది. జోరు వానకు సిటీ జనం ఉక్కిరిబిక్కిరి అయ్యారు. గంటసేపు కురిసిన కుంభవృష్టితో లోతట్టు ప్రాంతాలు జలమయం అయ్యాయి. రోడ్లన్నీ చెరువుల్లా మారిపోయాయి.

గంటలో 6.4 సెంటీమీటర్ల వర్షం
పంజాగుట్ట శ్రీనగర్‌కాలనీలో అత్యధికంగా గంటలో 6.4 సెంటీమీటర్ల వర్షం కురిసింది. మౌలాలిలో 4.9 సెం.మీ., అంబర్‌పేటలో 3.9 సెం.మీ., కాప్రాలో 3.5 సెంటీమీటర్ల వర్షపాతం నమోదయింది. అటు మియాపూర్‌, కూకట్‌పల్లి, ఎస్సార్‌నగర్‌, అమీర్‌పేట, పంజాగుట్ట, ఖైరతాబాద్‌ సహా ప్రధాన ప్రాంతాల్లో ఎక్కడికక్కడ ట్రాఫిక్‌ ఆగిపోయి వాహనదారులు నరకయాతన పడ్డారు. ట్రాఫిక్‌ పోలీసులు, జీహెచ్‌ఎంసీ అధికారులు, సిబ్బంది, అత్యవసర బృందాలు రంగంలోకి దిగినా పరిస్థితిని చక్కదిద్దలేక చేతులెత్తేశారు. రాత్రి 11 గంటల వరకు ట్రాఫిక్‌లోనే చిక్కుకున్న వాహనదారులు నానా అవస్థలు పడి ఇళ్లకు చేరుకున్నారు.

మరో 4 రోజుల పాటు తెలంగాణ వ్యాప్తంగా వర్షాలు
నాంపల్లి తాజ్‌ ఐల్యాండ్‌, అఫ్జల్‌గంజ్‌ నుంచి కేంద్ర గ్రంథాలయం వరకూ 3 అడుగల మేర నీళ్లు నిండిపోవడంతో ఆర్టీసీ బస్సులు, సిటీబస్సులు రెండువైపులా భారీగా నిలిచిపోయాయి. సికింద్రాబాద్‌లోని బాంబే హోటల్‌, లక్కీ టర్నింగ్‌ వద్ద ద్విచక్రవాహనదారులు తీవ్రంగా ఇబ్బందులు పడ్డారు. గంటవ్యవధిలోనే కుండపోత వర్షానికి సిటీలో దాదాపు 200లకు పైగా కాలనీలను వర్షపునీరు ముంచెత్తింది. మలక్‌పేట, సంతోష్‌నగర్‌, సైదాబాద్‌ ప్రాంతాల్లో వరదనీరు లోతట్టు ప్రాంతాల్లోని ఇళ్లల్లోకి చేరింది. పాతబస్తీలో కొన్నిచోట్ల మూడడుగుల ఎత్తు నీరు ప్రవహించింది. మీరాలం మండిని వరద ముంచెత్తింది. సోమాజీగూడ యశోద ఆస్పత్రి ఏరియా, నారాయణగూడ, సికింద్రాబాద్‌లలో నాలాలకు సమీపంలోని ఇళ్లల్లోకి నీరు వెళ్లడంతో ప్రజలు భయాందోళనలకు లోనయ్యారు. ఇదిలావుంటే మరో 4 రోజుల పాటు తెలంగాణ వ్యాప్తంగా ఉరుములతో కూడిన వర్షాలు పడతాయని హైదరాబాద్‌లోని వాతావరణ శాఖ తెలిపింది. నైరుతి రుతుపవనాల తిరోగమనానికి తోడు విదర్భ, కొంకణ్‌, మధ్య మహారాష్ట్ర, మరాట్వాడా మీదుగా ఏర్పడిన ఉపరితల ద్రోణి కారణంగా పలుచోట్ల భారీవర్షాలు కురుస్తున్నాయి.

11:16 - October 13, 2017

 

హైదరాబాద్ : నగరంలోని మైత్రీవనంలో మృతదేహం కలకలం సృష్టించింది. మైత్రీవనంలోని బీఎస్ఎన్ఎల్ ఆఫీస్ వద్ద నాలాలో గుర్తు తెలియని వ్యక్తి మృతదేహం కొట్టుకు వచ్చింది. కేసు నమోదు చేసిన పోలీసులు దర్యాప్తు చేస్తున్నారు. మరింత సమాచాం కోసం వీడియో చూడండి.

07:07 - October 13, 2017

హైదరాబాద్ : నగరం మరోసారి తడిసి ముద్దయింది. అమీర్‌పేట్‌, ఖైరతాబాద్‌, సోమాజీగూడ, సనత్‌నగర్‌, కూకట్‌పల్లి, మియాపూర్‌, దిల్‌సుఖ్‌నగర్‌, ఎల్బీనగర్‌, సికింద్రాబాద్‌, రామాంతపూర్‌, ఉప్పల్‌, బేగంపేట్‌, బోయిన్‌పల్లి తదితర ప్రాంతాల్లో భారీ వర్షం కురిసింది. ఎక్కడికక్కడ నాలాలు పొంగడంతో వాననీరు రహదారులపై నిలిచిపోయింది. దీంతో వాహనదారుల తీవ్ర ఇబ్బందులు పడ్డారు. కొన్నిచోట్ల ట్రాఫిక్‌ నిలిచిపోవడంతో జనం అష్టకష్టాలు పడ్డారు. వాన దంచికొట్టడంతో లోతట్టు ప్రాంతాలు జలమయం అయ్యాయి. రోడ్లు చిన్నపాటి చెరువులను తలపించాయి.  

21:45 - October 12, 2017
19:53 - October 12, 2017

అనంతపురం : భారీ వర్షాలతో రాయలసీమ ప్రజలు అవస్థలు పడుతున్నారు. అనంతపురం, కర్నూలు జిల్లాల్లో కుండపోతగా వర్షాలు పడుతున్నాయి. పలు ప్రాంతాల్లో వాగులు, వంకలు పొంగిపొర్లుతున్నాయి. కర్నూలుజిల్లాలో   'చిన్నకుహుంతి వంక' పొంగడంతో పత్తికొండ ఆస్పరి మధ్య రాకపోకలు నిలిచిపోయాయి. అటు అనంతపురం జిల్లా గుత్తిలో రాత్రి కురిసిన వర్షంతో పట్టణంలో రోడ్లన్నీ జలమయం అయ్యాయి. ఇళ్లలోకి నీరుచేరడంతో జనం నానా అవస్థలు పడుతున్నారు. 

 

19:51 - October 12, 2017

అనంతపురం : జిల్లాలో కురుస్తున్న వర్షాల దాటికి ప్రజలు తీవ్ర ఇబ్బందులు పడుతున్నారు. పామిడి మండలంలోని అనుంపల్లి చెరువు పొంగిపొర్లు తుండటంతో పట్టణంలోకి  నీరు చేరుకుంది. దీంతో కాలనీలు నీట మునిగాయి. ఇళ్లలోకి నీరు చేరుకోవడంతో నిత్యవసర సరుకులు పూర్తిగా తడిసిముద్దయ్యాయి. సంఘటనా స్థలానికి జిల్లా జాయింట్‌ కలెక్టర్‌ రమణీమణి చేరుకుని బాధితులకు సహాయ చర్యలు పర్యవేక్షించారు. పామిడి పోలీసు సిబ్బంది సహాయ చర్యలకు ప్రత్యక్షంగా రంగంలోకి దిగారు. లోతట్టు ప్రాంతాలన్నీ జలమయం అవ్వటంతో పామిడి పట్టణంలో రాకపోకలకు తీవ్ర అంతరాయం ఏర్పడింది.

 

07:29 - October 12, 2017

మహబుబ్ నగర్ : ప్రస్తుత సీజన్‌ చివరిలో భారీ వర్షాలు పాలమూరు జిల్లాను ముంచెత్తాయి. వర్షాలపై కొందరు రైతులు హర్షం వ్యక్తం చేస్తుంటే, పంట నష్టపోయిన మరికొందరు ఆందోళనకు గురవుతున్నారు. ఈసారి జిల్లాలో రికార్డు స్థాయిలో వర్షపాతం నమోదైంది. రికార్డు స్థాయిలో 33.5 మిల్లీ మీటర్ల వర్షం కురిసింది. కోయిలకొండ మండలంలో అత్యధికంగా 13.3 సెంటీమీర్ల వర్షపాతం నమోదైంది. వాగులు, వంకలు, చెరువులు పొంగిపొర్లుతున్నాయి. ప్రాజెక్టుల్లోకి పూర్తి స్థాయిలో నీరు చేరింది. దీంతో జూరాల, కోయిల్‌సాగర్‌ ప్రాజెక్టుల గేట్లు ఎత్తి, నీరు దిగువకు విడుదల చేస్తున్నారు. ఈ వర్షాలు రైతులకు చేటు తెచ్చాయి. వరి పంటనీట మునిగింది. చేతికొచ్చిన పంట నోటికి అందకుగా పోయిందని రైతులు ఆందోళన వ్యక్తం చేస్తున్నారు.

23,486 హెక్టార్లలో దెబ్బతిన్న పంటలు
వర్షాలకు జిల్లా వ్యాప్తంగా 23,486 హెక్టార్లలో పంటలు దెబ్బతిన్నాయి. పత్తికి అధిక నష్టం వాటిల్లింది. పంటదెబ్బతిన పత్తి చేలను గద్వాల ఎమ్మెల్యే డీకే అరుణ పరిశీలించారు. ఎకరం పత్తిసాగుకు 28 వేల రూపాయాలు ఖర్చు చేశామని, వర్షాలతో పంట దెబ్బతినడంతో చేసిన వ్యయం తిరిగివచ్చే అవకాశంలేదని ఎమ్మెల్యే ముందు రైతులు ఆందోళన వ్యక్తం చేశారు. పత్తి రైతులను ప్రభుత్వ ఆదుకోవాలని ఎమ్మెల్యే డీకే అరుణ ప్రభుత్వాన్ని కోరారు. ప్రస్తుత వర్షాలకు ప్రాజెక్టులు నిండటంతో రబీ సాగుకు నీరు విడుదల చేయాలని రైతులు ప్రభుత్వాన్ని కోరుతున్నారు. ఖరీఫ్‌ నష్టాన్ని రబీతో పూడ్చుకుంటామని అంటున్నారు. 

Pages

Don't Miss

Subscribe to RSS - Weather Updates