wedding

12:47 - October 11, 2017

ఢిల్లీ : భారతదేశ అత్యున్నత న్యాయస్థానం సుప్రీం కోర్టు కీలక తీర్పు వెలువరించింది. పెళ్లైన 18 ఏళ్ల భార్యతో కాపురం చేసినా అది రేప్ గానే పరిగణించాలని నిర్ణయించింది. భార్య మైనర్ అయితే  ఆమె అంగీకారం ఉన్న అత్యాచారంగానే భావించాలని కోర్టు అభ్రియపడింది. బాల్యవివాహాల నేపథ్యంలో సుప్రీం ఈ కీలక తీర్పు ఇచ్చినట్టు తెలుస్తోంది. బారత శిక్షాస్మృతి సెక్షన్ 375పై సుప్రీం వివరణతో తీర్పు వెలువరించింది. మరింత సమాచారం కోసం వీడియో చూడండి.

13:43 - October 6, 2017

విజయనగరం : పెళ్లి సమయానికి వరుడు పరారైన ఘటన విజయనగరం జిల్లా గరుగుబిల్లి మండలం దళాయివలసలో చోటు చేసుకుంది. మూడేళ్లుగా ప్రేమించిన యువతిని పెళ్లి చేసుకునేందుకు నిరాకరించిన యువకుడు... ఎట్టకేలకు పెద్దల సమక్షంలో పెళ్లికి అంగీకరించాడు. అయితే...కాసేపట్లో పెళ్లి జరగాల్సి ఉండగా... శంకర్‌రావు కనిపించకుండాపోయాడు. దీంతో వధువు బంధువులు లబోదిబోమంటున్నారు. 

14:55 - June 20, 2017

2 వేల మంది కూతుళ్లు ఏంటీ ? వారికి వివాహం చేయడం ఏంటీ ? అని ఆశ్చర్యపోతున్నారు. ఇతర అర్థాలు మాత్రం తీసుకోకండి. ఓ తండ్రి నిజంగానే కూతుళ్లు కాని కూతుర్లకు వివాహం చేశాడు. దీని వెనుక ఓ విషాదం దాగి ఉంది. ఈ ఘటన గుజరాత్ రాష్ట్రంలో చోటు చేసుకుంది. గుజరాత్ రాష్ట్రంలో వజ్రాల వ్యాపారం చేసే మహేష్ సవానికి ఇద్దరు కుమారులున్నారు. కానీ కూతుర్లు లేరు. 2008లో ఆయన సోదరుడు ఈశ్వర్ కూతుళ్ల వివాహం సందర్భంగా నగలు కొనేందుకు ఓ దుకాణానికి వెళ్లాడు. కానీ ఆ నగలకు మొత్తం ఒకేసారి డబ్బు ఇవ్వాలని చెప్పడంతో ఈశ్వర్ గుండెపోటుతో అక్కడికక్కడనే మృతి చెందాడంట. తాను ఎంతగానే ప్రేమించే సోదరుడు ఈశ్వర్ మృతితో మహేష్ తీవ్ర దిగ్ర్భాంతికి లోనయ్యారంట. ఆయన కుమార్తెల వివాహ బాధ్యతలను భుజాన వేసుకున్నాడు. అంతేగాకుండా వివాహం జరగకుండా నిస్సహాయ స్థితిలో ఉన్న యువతులకు వివాహం చేయాలని నిర్ణయం తీసుకున్నాడు. అంతే 2వేల మంది యువతులకు సర్వం తానై వివాహలు జరిపించారు. ఒక్కో యువతి వివాహానికి సుమారుగా రూ. 4 లక్షళ చొప్పున వెచ్చిస్తున్నట్లు తెలుస్తోంది. బాలికల కోసం ప్రత్యేకంగా పాఠశాల కూడా నడుపుతున్నారు. ఇప్పటి వరకు ఆయన పాఠశాలల్లో 8,400 మంది, కళాశాలల్లో 392 మంది విద్యార్థినీల చదువులకు సాయం చేశారు. తనను 'నాన్న' అని పిలిస్తే ఎంతో ఆనందంగా ఉంటుందని మహేశ్ సగర్వంగా చెబుతున్నాడు.

10:48 - May 18, 2017

‘కంగ్రాట్స్ కోడలా' అంటూ 'సమంత'ను టాలీవుడ్ మన్మథుడు అక్కినేని నాగార్జున అభినందించారు. నాగార్జున తనయుడు 'నాగ చైతన్య'..’సమంత'లు త్వరలో ఒక్కటి కాబోతున్న సంగతి తెలిసిందే. ఇటీవలే వీరి ఎంగేజ్ మెంట్ జరిగింది. అనంతరం ఇరువురు పలు చిత్రాల్లో నటిస్తూ బిజీగా మారారు. నాగ చైతన్య, రకూల్ ప్రీత్ సింగ్ జంటగా నటిస్తున్న 'రారండోయ్ వేడుక చూద్దాం' అనే సినిమా రూపొందుతోంది. ఈ సినిమా సాంగ్స్ ను యూ ట్యూబ్ లో విడుదల చేస్తున్నారు. ఈ సినిమాకు సంబంధించి నాగార్జున..సమంతల మధ్య ఫోన్ లో చాటింగ్ జరిగింది. ఈ చాటింగ్ జరిగిన తీరును నాగార్జున సోషల్ మీడియాలో పోస్టు చేశారు. 'కంగ్రాట్స్‌ కోడలా..' అని నాగార్జున పేర్కొంటే, 'లవ్‌ మామా' అని సమంత మెసేజ్‌ చేసింది. 'రారండోయ్‌ వేడుక చూద్దాం' సినిమాలో అక్కినేని నాగచైతన్య చాలా బాగున్నాడనీ, 'ఎవ్రిథింగ్‌ వర్క్స్‌' అని సమంత చెప్పుకొచ్చింది.

21:23 - May 17, 2017

యూపీ : పెళ్లి మండపం నుంచి వధువును కిడ్నాప్‌ చేయడం లాంటి ఘటనలు సినిమాల్లోనే కాదు...నిజ జీవితంలోనూ చూస్తూ ఉంటాం. ఇందుకు విరుద్ధంగా ఓ యువతి పెళ్లి మండపం నుంచి వరుడిని కిడ్నాప్‌ చేసిన ఘటన ఉత్తరప్రదేశ్‌లో హల్‌చల్‌ సృష్టించింది. హమీర్‌పూర్‌ జిల్లాలో ఓ ఆసుపత్రిలో కంపౌండర్‌గా పనిచేస్తున్న అశోక్‌ అక్కడే పనిచేస్తున్న అమ్మాయితో ప్రేమలో పడ్డాడు. జీవితాంతం కలిసి ఉండాలని వారు ప్రమాణం కూడా చేశారు. ఇంతలోనే అశోక్‌కు భవానీపూర్‌ గ్రామానికి చెందిన అమ్మాయితో పెద్దలు పెళ్లి కుదిర్చారు. ఈ విషయం తెలుసుకున్న ప్రేమికురాలు సుమోలో ఇద్దరు వ్యక్తులతో కలిసి పెళ్లి మండపానికి వచ్చింది. ఇతడు తన ప్రేమించాడని...వేరే అమ్మాయితో పెళ్లిజరగనివ్వనని వరుడి తలకు తుపాకి గురిపెట్టి కిడ్నాప్‌ చేసింది. ఈ ఘటనతో షాక్‌కు గురైన బంధువులు పోలీసులకు ఫిర్యాదు చేశారు. అబ్బాయిని కిడ్నాప్‌ చేసిన యువతి ధైర్యానికి మెచ్చుకున్న ఓ పోలీస్ అధికారి ఆమెను ఓ రివాల్వర్‌ రాణిగా పేర్కొన్నారు. పెళ్లి ఆగిపోవడంతో వధువు తీవ్ర ఆవేదనకు లోనైంది.

11:42 - April 22, 2017

లక్ష్యం...ఆ లక్ష్యం చేరుకున్న అనంతరం పెళ్లి చేసుకుంటానని కొంతమంది నిర్ణయం తీసుకుంటుంటారు. మంచి ఉద్యోగం..మంచి జీతం..స్థిరపడిన అనంతరం వివాహం చేసుకోవాలని యువకులు అనుకుంటుంటారు. కానీ ఓ యువకుడు మాత్రం ఇవేమీ కాదనుకున్నాడు. అందరికీ 'మరుగుదొడ్లు' నిర్మాణం అయిన తరువాతే పెళ్లి చేసుకోవాలని అనుకున్నాడు. అనుకున్న లక్ష్యం నెరవేరిన తరువాత పెళ్లి చేసుకున్నాడు...ఏక్కడ..అనేది తెలుసుకోవాలంటే చదవండి...

మహారాష్ట్ర రాష్ట్రంలోని లాతూర్ జిల్లాలోని సంగం గ్రామంలోని హేవరి ప్రాంతంలో కిశోర్ విభూతే నివాసం ఉంటున్నాడు. గ్రామానికి సేవకుడిగా పనిచేస్తున్నాడు. గ్రామంలో మరుగుదొడ్డి లేని ఇళ్లు ఉండకూడదని భావించారు. 2014 సంవత్సరంలో 351 ఇళ్లకు గాను 174 ఇళ్లలో మాత్రమే మరుగుదొడ్లున్నాయని గ్రహించాడు. మిగతా 177 ఇళ్లలో కూడా మరుగుదొడ్లు నిర్మించాకే పెళ్లి చేసుకుంటానని నాసిక్ లో జరిగిన ఓ సమావేశంలో కిశోర్ శపథం చేశాడు. అందుకు తగిన కార్యచరణ ప్రారంభమైంది. ఏడాది క్రితమే నిర్మాణాలు పూర్తయ్యాయి. నాసిక్ జిల్లా యంత్రాంగం గురువారం తనిఖీలు చేసి అధికారికంగా గుర్తింపునిచ్చింది. దీనితో లక్ష్యం పూర్తి కావడంతో పెళ్లి పీటలెక్కాడు...

12:47 - December 10, 2016

'అక్కినేని నాగార్జున' ఇంట్లో త్వరలోనే పెళ్లి భాజాలు మోగనున్నాయి. ఆయన తనయుళ్లు ఇద్దరూ ప్రేమలో మునిగిపోయారని, త్వరలో వివాహం చేసుకుంటారనే వార్తలు వస్తున్న సంగతి తెలిసిందే. అందులో భాగంగా నిన్న 'నాగార్జున' తనయుడు 'అఖిల్' నిశ్చితార్థ వేడుక ప్రముఖ వ్యాపార వేత్త జీవీ కృష్ణారెడ్డి మనువరాలు 'శ్రియా భూపాల్'తో ఘనంగా జరిగింది. జీవీకే స్వగృహంలో జరిగిన ఈ వేడుకలో కుటుంబ సభ్యులు, అత్యంత సన్నిహితులు పాల్గొన్నారు. వివాహ వేడుకకు 'సమంత' కూడా వచ్చింది. ‘నాగ చైతన్య' - ‘సమంత' మధ్య ఉన్న ప్రేమ పెళ్లికి దారి తీస్తోందని, త్వరలోనే వీరి వివాహం జరగబోతోందని ప్రచారం జరుగుతోంది. వీరిపై సోషల్ మాధ్యమాల్లో తెగ వార్తలు వెలువడుతున్నాయి. ‘అఖిల్’ వివాహం తర్వాత జరిగే రిసెప్షన్‌ను గ్రాండ్‌ లెవల్‌లో చేసేందుకు 'అక్కినేని' ఫ్యామిలీ ప్లాన్‌ చేస్తున్నట్లు తెలుస్తోంది. రిసెప్షన్‌కు అందదరినీ ఆహ్వానించబోతున్నట్లు సమాచారం. వీరి పెళ్లి ఎప్పుడు జరగనుందో ? ఎక్కడ జరగనుందో తదితర వివరాలు త్వరలోనే తెలియనున్నాయి. 

14:04 - November 26, 2016

ఢిల్లీ : పెద్దనోట్ల రద్దు సామాన్యులకే కాదు సెలబ్రెటీలకు సైతం ఇబ్బందులు తెచ్చిపెడుతున్నాయి. పలువురు ఇప్పటికే సెలబ్రెటీలు సమస్యలను ఎదుర్కొన్న సంగతి తెలిసిందే. తాజాగా ఈ జాబితలోప్రముఖ క్రికేటర్ యువరాజ్ సింగ్ కూడా చేరాడు. ఆయన త్వరలో వివాహం చేసుకోబోతున్న సంగతి తెలిసిందే. వచ్చే వారంలో ఇతడి వివాహం జరగనుంది. పెళ్లి ఖర్చుల కోసం రిజర్వ్య్ బ్యాంక్ ఆఫ్ ఇండియా రూ. 2.5 లక్షలు మాత్రమే డ్రా చేసుకొనే అవకాశం యువరాజ్ కు ఇచ్చింది. పెళ్లికి ఏర్పాట్లు జరుగుతున్నాయని, ఖర్చుల విషయంలో ఇబ్బందులు ఎదుర్కొంటున్నట్లు..బ్లాక్ మనీకి భారతీయులు సహకరించాలని మీడియాతో యువరాజ్ పేర్కొన్నాడు. 

13:21 - June 27, 2016

కర్నాటక : మైసూరు మహారాజు యధువీర్‌ కృష్ణదత్త చామరాజ ఒడెయరు వివాహ వేడుక అంగరంగ వైభవంగా జరుగుతోంది. మూడు రోజులుగా వివిధ ధార్మిక కార్యక్రమాలతో రాజప్రాసాదం సందడిగా మారింది. ఇవాళ ఉదయం 9 గంటల 5 నిమిషాల నుంచి 9 గంటల 35 నిమిషాల మధ్య కర్కాటక లగ్నంలో యధువీర్‌, త్రిషికా కుమారిసింగ్‌ల వివాహం జరిగింది. శనివారం రాత్రే రాజప్రాసాదంలోకి త్రిషికా అడుగుపెట్టారు. అల్లుడికి దుంగార్‌పూర్‌ యువరాజు హర్షవర్ధన్‌సింగ్‌, మహేశ్వరికుమారి వస్త్రాల్ని సమర్పించారు. సాయంత్రం కాశీయాత్రను నిర్వహించారు. దత్తతండ్రి శ్రీకంఠదత్త నరసింహరాజ ఒడెయరు చిత్రపటానికి పూజ చేశారు. రాజమాత ప్రమోదాదేవి ఆశీర్వచనం తీసుకున్నారు. ధార్మిక కార్యకలాపాల్లో యధువీర్‌కు రాజమాత ప్రమోదాదేవి చేయూతనిచ్చారు.

 

12:53 - April 9, 2016

బిపాసా బసు, కరణ్‌ సింగ్‌ గ్రోవెర్‌లు చాలా కాలం నుంచి వివాహం చేసుకుంటారని వస్తున్న రూమర్స్‌ నిజమయ్యాయి. ఒకటి కానున్నట్టు వీరిద్దరూ సంయుక్తంగా ప్రకటన చేశారు. ఈనెల 30న వివాహం చేసుకుంటున్నట్టు స్పష్టం చేశారు. ఈ సందర్భంగా ప్రియాంక చోప్రా వీరికి ముందుగా అభినందనలు చెబుతూ ట్వీట్‌ కూడా చేసింది. ''ప్రతి ఒక్కరితోనూ ఈ విషయాన్ని పంచుకోవడంతో చాలా సంతోషంగా ఉన్నాం. ఈనెల 30న మాకు పెద్ద పండుగ రోజు. మా కుటుంబ సభ్యులకు, స్నేహితులకు, అభిమానులకు, శ్రేయోభిలాషులకు కృతజ్ఞతలు చెప్పకుండా ఉండలేకపోతున్నాం. మీరంతా మా ప్రేమ విషయంలో మద్దతు తెలిపినందుకు ఎంత కృతజ్ఞత చెప్పినా తక్కువే. జీవితాంతం మాపై మీ ఆశీర్వాదాలు ఉంటాయని ఆశిస్తున్నాం'' అని పేర్కొన్నారు. హరర్‌ చిత్రం 'ఎలోన్‌' ప్రారంభం నుంచి బిపాసా, కరణ్‌ ప్రేమాయణం మొదలైంది. ఇప్పుడు పెళ్లి చేసుకుంటున్నారు. కరణ్‌కు ఇది మూడో వివాహం. మొదట టివి నటి శ్రద్ధా నిగమ్‌ను, రెండో సారి జెన్నీఫర్‌ విన్‌గెట్‌ను పెళ్లాడాడు. ఇప్పుడు బిపాసాను వివాహం చేసుకోనున్నాడు.

Pages

Don't Miss

Subscribe to RSS - wedding