west godavari

14:17 - November 16, 2018

పశ్చిమగోదావరి : జిల్లాలోని ఏలూరు మొండికోడులో ఉద్రికత్త నెలకొంది. కొల్లేరు భూ వివాదంలో రెండు వర్గాల మధ్య ఘర్షణ వాతావరణం చోటుచేసుకుంది. ఈ ఘటనలో ఇద్దరు పురుగుల మందు తాగి ఆత్మహత్యాయత్నానికి పాల్పడ్డారు. పరిస్థితి విషమించడంతో వారిని ప్రభుత్వ ఆస్పత్రికి తరలించి, చికిత్స అందిస్తున్నారు. ఘర్షణలో పలువురు గాయపడ్డారు. వీరిలో కొంతమందికి తలలు పగిలాయి. దీంతో అక్కడ ఉద్రిక్తత నెలకొంది.    

 

12:15 - November 4, 2018

పశ్చిమ గోదావరి : పోలవరం ప్రాజెక్టు దగ్గర భూమిపై పగుళ్లు ఆగడం లేదు. నిన్నటి నుంచి రోడ్డు పైకి లేస్తోంది. భూమిపై పెద్ద పెద్ద పగుళ్లు ఏర్పడుతున్నాయి. 25 అడుగులు పైగా భూమి పైకిలేసింది. దీంతో కరెంటు స్తంభాలు కూలిపోతున్నాయి. ప్రొక్లైన్లు మట్టిలో కూరుకుపోతున్నాయి. పగుళ్లు ఏర్పడటం, భూమి పైకి లేవడంతో స్థానికులు ఆందోళన చెందుతున్నారు. అసలేం జరుగుతుందో అర్థం కాక టెన్షన్ పడుతున్నారు. కాగా, పోలవరం ప్రాజెక్టులోని మట్టిని తీసుకొచ్చి ఇక్కడ డంపింగ్ చేయడంతోనే పగుళ్లు వస్తున్నాయని గ్రామస్తులు అంటున్నారు.

 

 

14:37 - October 18, 2018

పశ్చిమగోదావరి : 2019 అసెంబ్లీ ఎన్నికలకు దాదాపు అన్ని పార్టీలు సమాయత్తవం అవుతున్నాయి. కానీ ఇప్పటివరకూ జనసేన పార్టీ జిల్లా కమిటీలను ఏర్పాటు చేయలేదు. ఈ నేపథ్యంలో  ఎన్నికలు సమీపిస్తున్న వేళ జనసేన అధినేత పవన్ కల్యాణ్ పార్టీలో కీలక నియామకాలు చేపడుతున్నారు. తాజాగా పశ్చిమగోదావరి జిల్లా జనసేన లీగల్ సెల్ అధ్యక్షుడిగా న్యాయవాది ఉండపల్లి రమేశ్ నాయుడును నియమిస్తూ పార్టీ అధిష్ఠానం ఉత్తర్వులు జారీచేసింది. రమేశ్ నాయుడు స్వస్థలం భీమవరం. రమేశ్ తో పాటు మరో 11 జిల్లాలకు లీగల్ సెల్ అధ్యక్షులను నియమిస్తూ ప్రకటన విడుదల చేసింది. కాగా రమేశ్ నాయుడు ప్రస్తుతం చిరుపవన్‌తేజం వ్యవస్థాపక అధ్యక్షుడిగా, మెగాఫ్యాన్స్‌ జిల్లా అధ్యక్షుడిగా, కాపు యువసేన జిల్లా అధ్యక్షుడిగా కొనసాగుతున్నారు. 2009లో ప్రజారాజ్యంలో చేరిన రమేశ్ యువరాజ్యం జిల్లా అధ్యక్షుడిగా కూడా వ్యవహరించారు. అప్పటి నుంచి రాజకీయాలలో కొనసాగుతున్నారు. జనసేన పార్టీ ప్రారంభించాక ఆ పార్టీ అనుచరుడిగా విధులు నిర్వహిస్తున్నారు. 

 

19:15 - October 15, 2018

పశ్చిమగోదావరి : పాములు, జెర్రులు, తేళ్లు వంటి చైనీయులు బహు ఇష్టంగా తింటారు. కొన్ని చేపలు పాముల వలె వుంటాయి. కానీ వీటిని కూడా చేపల ప్రియులు బహు ఇష్టంగా తింటారు. వీటిలో ప్రథమస్థానం మలుగు పాముదే. టేస్ట్ లో కూడా చేపలకు ఏమాత్రం తీసుపోదు అంటారు ఈ పాము కూరను తిన్నవారు. గ్రామీణ ప్రాంతాలలో ఈ పాములు ఎంత రుచి గురించి కథలు కథలుగా చెబుతారు. కేవలం చిన్న వెన్నెముక మాత్రమే ఉండి పాము అంతా మాంసంతో మెత్తగా  ఉండే ఈ రకం చేప పాముకు మాంసాహారుల్లో  మంచి గిరాకీ ఉంది. అదే మలుగు పాము. ఓమేగా-3, ప్రొటీన్‌ ఉండే ఈపాము చాలా రుచిగా ఉంటుంది. పలు విధాలుగా వండుకునే ఈ పాముకు ప్రస్తుతం మార్కెట్‌లో దీనికి చాలా డిమాండ్‌ ఉంది. డెల్టాలో బురద నేలలోను, కొల్లేరులోను ఇవి లభ్యమవుతాయి. ఆదివారం నాడు పట్టణంలోని హోల్‌సేల్‌ మార్కెట్‌లో ఇవి విక్రయించారు. కిలో రూ.300 నుంచి 400 పలికింది. ఇవి పాము సైజ్‌ను బట్టి రేటు పలుకుతు మాంసాహార ప్రియుల్ని ఆకట్టుకుంటున్నాయి. కాగా మటన్ కూడా ఒకో సందర్భంలో కాస్త తగ్గుతుంటుంది. కానీ మలుగు పాము రేట్లు మాత్రం పెరిగిపోతుంటాయనీ..ఎందుకంటే ఇవి అన్ని ప్రాంతాలలోను లభించవు కాబట్టి మటన్ అయితే ఎక్కడైనా దొరుగుతుందని అందుకే మలుగు పాము రేటు మటన్ కంటే కాస్త ఎక్కువే వుంటుందంటున్నారు వ్యాపారులు. 
 

08:57 - October 9, 2018

ఏలూరు: పోరాట‌యాత్ర‌లో భాగంగా ప‌శ్చిమగోదావ‌రి జిల్లాలో ప‌ర్య‌టిస్తున్న జ‌న‌సేన అధినేత ప‌వ‌న్ క‌ళ్యాణ్.. ఏపీ మంత్రి నారా లోకేష్ పై విమ‌ర్శ‌లు చేశారు. లోకేష్ కెపాసిటీ ఏంటో ప‌వ‌న్ వివ‌రించారు. లోకేష్ కనీసం సర్పంచ్‌గా కూడా గెలవలేడ‌ని , ఆయ‌న‌కు అంత స‌త్తా లేద‌ని ప‌వ‌న్ తేల్చేశారు.జనసేనకు భయపడే ప్రభుత్వం పంచాయతీ ఎన్నికలు నిర్వహించడం లేదని ప‌వ‌న్ విమర్శించారు. పంచాయితీ ఎన్నికలు నిర్వహిస్తే.. ఎక్కడ జనసేన క్షేత్రస్థాయిలో బలంగా పాతుకుపోతుందోనని చంద్రబాబు భయపడుతున్నారని ప‌వ‌న్ వ్యాఖ్యానించారు.

ప‌శ్చిమ‌గోదావ‌రి జిల్లా కొయ్య‌ల‌గూడెంలో ప‌వ‌న్ మాట్లాడారు. రాష్ట్రంలో ప్రాజెక్టుల నిర్వాసితులకు సరైన న్యాయం జరగలేదని ప‌వ‌న్ వాపోయారు. పోలవరం నిర్వాసితులకు న్యాయం జరిగేవరకు పోరాటం చేస్తామని  చెప్పారు. జనసేన అధికారంలోకి వస్తే కౌలు రైతులకు అండగా ఉంటామని, ప్రత్యేక మంత్రిత్వ శాఖను ఏర్పాటు చేస్తామని ప‌వ‌న్ భరోసా ఇచ్చారు. వచ్చే ఎన్నికల్లో ప్రతీ గ్రామంలో జనసేన జెండా ఎగురుతుందని, గ్రామాలకు నిస్వార్థంగా సేవ చేసే సర్పంచ్‌ల అవసరం ఉందని స్పష్టం చేశారు. 

ఇక దెందలూరు ఎమ్మెల్యే చింతమనేని గురించి ప్రస్తావిస్తూ.. ఆయన్ను విప్ పదవి నుంచి తొలగిస్తారా? లేక ఎస్సీ, ఎస్టీ కమిషన్‌కు లేఖ రాయమంటారా? అని సీఎం చంద్రబాబును ప‌వ‌న్ హెచ్చరించారు.

09:14 - October 8, 2018

ఏలూరు:  రాజ‌కీయాల్లో శాశ్వ‌త శ‌త్రువులు శాశ్వ‌త మిత్రులు ఉండ‌ర‌నే విషయం తెలిసిందే. ఆయా పార్టీల అవ‌స‌రాలు, ప్ర‌యోజ‌నాల కోసం ఎవ‌రితోనైనా చేతులు క‌లుపుతారు, పొత్తులు పెట్టుకుంటారు. తెలంగాణలో ఏం జ‌రిగిందో అంతా చూస్తున్నారు. కాంగ్రెస్ పార్టీకి వ్య‌తిరేకంగా పుట్టిన తెలుగుదేశం పార్టీ.. కాంగ్రెస్ తో పొత్తు పెట్టుకుని సంచ‌ల‌నానికి తెర‌తీసింది. తెలంగాణ ఎన్నికల నేపథ్యంలో కాంగ్రెస్, టీడీపీలు పొత్తు పెట్టుకుని ముందుకెళ్తున్నాయి. ఇదే ఫార్మాల‌ను జ‌న‌సేన అధినేత ప‌వ‌న్ క‌ళ్యాణ్ సైతం ఫాలో అవుతారా? అనే చ‌ర్చ జ‌రుగుతోంది. 2019 ఎన్నికల్లో  అధికారంలోకి వ‌చ్చేందుకు వ్యూహం ర‌చిస్తున్న ప‌వ‌న్...వైఎస్ఆర్ కాంగ్రెస్ పార్టీ చీఫ్ జగన్ మోహన్ రెడ్డితో పొత్తు పెట్టుకునే అవకాశం లేకపోలేదని రాజకీయ విశ్లేషకులు అంచనా వేస్తున్నారు.   

ఈ విశ్లేష‌ణ‌కు కార‌ణం జ‌న‌సేనాని ప‌వ‌న్ క‌ళ్యాణ్ చేసిన వ్యాఖ్య‌లే. జ‌గ‌న్ మోహ‌న్ రెడ్డి నాకు శత్రువు కాదు అని చెప్పి పవన్ క‌ళ్యాణ్ సంచ‌ల‌న సృష్టించారు. జగన్ నా శత్రువు కాదు.. అస‌లు నాకు శత్రువులెవరూ కూడా లేరు అని ప‌వ‌న్ క‌ళ్యాణ్ అన్నారు. పశ్చిమ గోదావరి జిల్లా పర్యటనలో భాగంగా పవన్ మీడియాతో మాట్లాడుతూ ఈ వ్యాఖ్య‌లు చేశారు. అంతేకాదు రాజకీయాల్లో గెలుపు ఓటములు సహజమ‌న్నారు. నేను పార్టీ ఏర్పాటు చేసిన సమయంలో ఎన్టీఆర్ మాదిరిగా ఉప్పెన లేదు.. నా సోదరుడు చిరంజీవి పార్టీ పెట్టిన సమయంలో అభిమానుల ప్రవాహం లేదు అని పవన్ కళ్యాణ్ చెప్పారు. రాష్ట్రంలో మంచి పాలన అందిస్తారనే ఉద్దేశ్యంతోనే తాను 2014లో టీడీపీకి మద్ద‌తిచ్చినట్టు ప‌వ‌న్ పేర్కొన్నారు. మోసాలు చేస్తే  చూస్తూ ఊరుకోనని హెచ్చ‌రించారు.
 
అయితే జగన్ శత్రువు కాదంటూ పవన్ చేసిన వ్యాఖ్యలపై ప్రస్తుతం రాజ‌కీయ‌వ‌ర్గాల్లో చర్చ ప్రారంభమైంది. వచ్చే ఎన్నికల్లో పవన్ జగన్‌తో పొత్తు పెట్టుకుంటారా? అనే దాని గురించి చర్చించుకుంటున్నారు. అయితే గతంలో పవన్‌పై జగన్ వ్యక్తిగత విమర్శలు చేయ‌డం, ఆ విమర్శలకు పవన్ కళ్యాణ్ కూడా ఘాటుగానే స్పందించడం తెలిసిందే. కాబట్టి జ‌గ‌న్ తో పొత్తు ఉండ‌క‌పోవ‌చ్చని కొందరు అభిప్రాయం వ్యక్తం చేస్తున్నారు. రాజ‌కీయాల్లో ఎప్పుడు ఏం జ‌రుగుతుందో ఎవ‌రూ ఊహించ‌లేరు. ఎప్పుడైనా ఏమైనా జ‌ర‌గొచ్చు.

14:20 - October 4, 2018

పశ్చిమగోదావరి : జనసేన అధినేత పవన్‌ కళ్యాణ్ మరోయాత్రకు సిద్ధమవుతున్నారు. ఇప్పటికే పశ్చిమ గోదావరి జిల్లాలో ప్రజా పోరుయాత్ర  నిర్వహిస్తున్న ఆయన.. ఈనెల 5 నుంచి పోలవరం యాత్ర చేపట్టబోతున్నారు. దీంతో పవన్‌ పోలవరం యాత్రపై ఉత్కంఠ నెలకొంది. పవన్‌ కల్యాణ్‌ పశ్చిమ గోదావరి జిల్లాలో ప్రజా పోరాటయాత్ర పేరుతో ప్రజల్లోకి వెళ్తున్నారు. ఎన్నికలు సమీపిస్తున్న సమయంలో ఆయన తన యాత్రలో విమర్శల దాడి పెంచారు. టీడీపీ ప్రభుత్వాన్ని టార్గెట్‌ చేశారు. సీఎంపైనా.... మంత్రులు, ఎమ్మెల్యేల్లో ఎవరినీ ఆయన వదల్లేదు. అందరిపైనా సందర్భానుసారం విమర్శలు గుప్పిస్తున్నారు. పవన్‌ ఇంతకుముందు కూడా యాత్ర చేశారు. కానీ అప్పుడు అధికారపార్టీపై ఇంత ధాటిగా విమర్శలు గుప్పించిలేదు. అధికారపక్షంపై ఇప్పుడు ఆయన ఒంటి కాలిమీద లేస్తున్నారు.  సీఎంతోపాటు ఆ పార్టీ నాయకుల మీద పదునైన విమర్శలు చేస్తూ... జనసేనపై ఒక్కసారిగా అంచనాలు పెంచారు. 
 
పశ్చిమ యాత్రలో పవన్‌ కల్యాణ్‌ ప్రధానంగా పోలవరంపై ప్రభుత్వాన్ని టార్గెట్‌ చేశారు. తరచూ పోలవరం ప్రాజెక్ట్‌,  పోలవరం నిర్వాసితులపై ప్రభుత్వాన్ని ప్రశ్నిస్తున్నారు. పోలవరం ముంపు గ్రామాల ప్రజల సమస్యలు తెలుసుకున్న ఆయన.. ప్రభుత్వ తీరుపై మండిపడ్డారు. పోలవరం నిర్వాసితుల సమస్యను పరిష్కరించాలని డిమాండ్‌ చేశారు. ముంపు గ్రామాల ప్రజలకు న్యాయం చేయకుండా 2019 నాటికి పోలవరం ప్రాజెక్ట్‌ను ఎలా పూర్తి చేస్తారని ప్రశ్నించారు.

పోలవరంపై ప్రభుత్వాన్ని ప్రశ్నించడమే కాదు... పోలవరం సందర్శించి అక్కడి సమస్యలు తెలుసుకునేందుకు కూడా పవన్‌ సిద్ధమయ్యారు. ఈనెల 5న ఆయన పోలవరం నుంచి తన పర్యటన కొనసాగించనున్నారు. పోలవరం ప్రాజెక్ట్‌లో పర్యటించి పనులను పరిశీలించనున్నారు. కొన్ని నెలల క్రితం టీడీపీతో కలిసి ఉన్నప్పుడు పోలవరం ప్రాజెక్ట్‌లో పవన్‌ పర్యటించి .. పోలవరం ప్రాజెక్ట్‌పై శ్వేతపత్రం విడుదల చేయాలని ప్రభుత్వాన్ని కోరారు. మళ్లీ ఇప్పుడు పవన్‌ పోలవరంలో పర్యటించనున్న నేపథ్యంలో ఎలా స్పందిస్తారన్న ఉత్కంఠ సర్వత్రా నెలకొంది. తన రెండు రోజుల పోలవరం పర్యటనలో ఏయే అంశాలు తెరపైకి తీసుకొస్తారో చూడాలి. 

11:12 - October 3, 2018

పశ్చిమ గోదావరి : జనసేన అధినేత పవన్‌ కళ్యాణ్‌ స్వరం మారుతుందా..? ప్రజా పోరాటయాత్ర మొదటి, రెండు విడతల్లో పవన్‌ స్వరానికి మూడవ విడత స్వరానికి మార్పు కనిపిస్తోందా...? అంటే అవుననే సమాధానం వినిపిస్తోంది. మొదటి, రెండు విడతల పోరాట యాత్రల్లో అధికారపార్టీ, ప్రతిపక్ష పార్టీ అని తేడాలేకుండా ఇద్దరి మీదా విరుచుకుపడ్డ పవన్‌.. ఇప్పుడు కేవలం అధికారపార్టీనే టార్గెట్‌ చేశారు. అంతేకాదు.. ప్రతిపక్ష వైసీపీకి సానుకూల వ్యాఖ్యలు కూడా చేస్తున్నారు. వైసీపీ పట్ల పవన్‌ కల్యాణ్‌ చేస్తున్న వ్యాఖ్యలు ఇప్పుడు రాజకీయ వర్గాల్లో చర్చనీయాంశమైంది..

జనసేనాని తన స్వరం మార్చుకున్నారు. నిన్నమొన్నటి వరకు టీడీపీ, వైసీపీలను కలిపి ఏకిపారేసిన పవన్‌... ఇప్పుడు టీడీపీనే టార్గెట్‌ చేశారు. చంద్రబాబు, లోకేష్‌ దగ్గర నుంచి మంత్రులు, ఎమ్మెల్యేల వరకు ఎవరినీ వదలకుండా తనదైన శైలిలో విరుచుకుపడుతున్నారు. ముఖ్యంగా టీడీపీ ప్రభుత్వంలో అవినీతి పెరిగిందంటూ తీవ్రస్థాయిలో విమర్శిస్తున్నారు. దీంతో పవన్‌ స్వరంలో స్పష్టమైన మార్పు వచ్చిందని రాజకీయ విశ్లేషకులు అభిప్రాయపడుతున్నారు.
 
ప్రస్తుతం పశ్చిమ గోదావరి జిల్లాలో జనసేనాని ప్రజా పోరాట యాత్ర కొనసాగుతోంది.  పవన్‌ తన యాత్రలో చేస్తున్న వ్యాఖ్యలు.. రాజకీయ సర్కిల్‌లో చర్చకు తెరలేపాయి. గత రెండు విడతల్లో అధికార, ప్రతిపక్ష పార్టీపైనా తీవ్రస్థాయిలో విమర్శలు చేసిన పవన్‌.. మూడవ విడతలో టీడీపీపైనే  ఫోకస్‌ పెట్టారు. ప్రతిపక్ష పార్టీని పూర్తిగా టచ్‌ చేయడం లేదు. గత సభల్లో వైసీపీపైనా , అధినేత జగన్‌పైనా తీవ్రస్థాయిలో విమర్శలు చేశారు. ఇక ఇప్పుడు జరుగుతున్న యాత్రలో పవన్‌... వైసీపీ అధినేతపై అనుకూల కామెంట్స్‌ చేస్తున్నారు. చంద్రబాబుకు జగన్‌ అంటే భయమని, 2014 ఎన్నికల్లో జగన్ గెలిచేఅవకాశముందని చంద్రబాబు తనతో చెప్పారని పవన్‌ అన్నారు. అంతేకాదు.. జగన్‌ను ఓడించాలంటే తన ఒక్కడి వల్ల కాదని.. నా సహకారం ఉండాలని చంద్రబాబు కోరినట్టు వివరించారు. 

జగన్‌కు అనుకూలంగా పవన్‌ చేసిన వ్యాఖ్యలపై ఆ పార్టీలో చర్చ జరుగుతోంది. జగన్‌కు చంద్రబాబు భయపడుతున్నారన్న వ్యాఖ్యలను వైసీపీ నేతలు ప్రమోట్‌ చేసుకుంటున్నారు. ఎన్నికలు దగ్గరపడుతున్న నేపథ్యంలో పవన్‌ అలాంటి కామెంట్స్‌ చేయడం తమకు ఉపయోగమనే భావనలో వైసీపీ నేతలు ఉన్నారు.

18:55 - September 29, 2018

పశ్చిమగోదావరి : రాష్ట్రానికి తీరని అన్యాయం చేసిన ఇప్పటికీ చేస్తున్న బీజేపీని శాశ్వతంగా పూడ్చిపెడతామని సీఎం చంద్రబాబు పేర్కొన్నారు. తెలుగుదేశం పార్టీకి పశ్చిమగోదావరి జిల్లా కంచుకోట అని ముఖ్యమంత్రి చంద్రబాబు అన్నారు. పోలవరం ప్రాజెక్టు ద్వారా పశ్చిమగోదావరి జిల్లాలో రెండు పంటలకు నీరు ఇస్తామని తెలిపారు. వచ్చే మే నెలలో గ్రావిటీ ద్వారా నీరు ఇస్తామని అన్నారు. కేంద్రం సహకారం అందించకపోయినా రాష్ట్రాన్ని అభివృద్ధి పథంలో ముందుకు తీసుకెళ్తున్నామని చెప్పారు. నదులను అనుసంధానం చేసిన ఘనత టీడీపీదేనని తెలిపారు. ముంబై మెట్రోకు కేంద్రం రూ. 52,000 కోట్లు ఇచ్చిందని... అమరావతి నిర్మాణానికి మాత్రం కేవలం రూ. 1500 కోట్లు మాత్రమే ఇచ్చిందని మండిపడ్డారు. కేంద్రం సహకరించపోయినా అమరావతిని కట్టుకుంటామని చెప్పారు. అమరావతి బాండ్లకు వెళితే గంటలో రూ. 2వేల కోట్లు వచ్చాయని చెప్పారు. తాడేపల్లిగూడెంలో జరిగిన ధర్మపోరాట దీక్షలో మాట్లాడుతూ, చంద్రబాబు పైవ్యాఖ్యలు చేశారు.
హక్కులను సాధించుకునేందుకే కేంద్రంతో విభేదించామని... దీంతో, రాష్ట్రానికి రావాల్సిన నిధులను కూడా ఆపుతున్నారని చంద్రబాబు మండిపడ్డారు. పోలవరం ప్రాజెక్టుకు అడ్డుపడుతున్నారని... సవరించిన అంచనాలను ఇంకా ఆమోదించలేదని చెప్పారు. కడప ఉక్కు కర్మాగారాన్ని విస్మరించారని మండిపడ్డారు. విజయవాడ, విశాఖపట్నంలకు మెట్రో రైలు ఇవ్వడం లేదని చంద్రబాబు దుయ్యబట్టారు. దుగరాజపట్నం ఓడరేవును, విజయవాడ అంతర్జాతీయ విమానాశ్రయాన్ని అడ్డుకుంటున్నారని విమర్శించారు. 

 

21:20 - September 28, 2018

పశ్చిమగోదావరి : కొల్లేరు సరస్సు సమస్యపై జనసేన అధినేత పవన్ కళ్యాణ్ స్పందించారు. సాంప్రదాయ మత్స్యకారులు కాకుండా బయటి వారు రావడం వల్ల సమస్య వచ్చిందన్నారు. జిల్లాలోని కొల్లేరు సరస్సు ప్రాంతంలో ఆయన పర్యటించి, పరిశీలించారు. ఈమేరకు ఆయన మీడియాతో మాట్లాడారు. 2004 నుంచి కొల్లేరు సరస్సు సమస్య తనకు తెలుసునని అన్నారు. రాజశేఖర్‌రెడ్డి హయాంలో కొల్లేరును బద్దలు కొట్టినట్లు తన దృష్టిలో ఉందన్నారు. కొల్లేరు సమస్యను అర్థం చేసుకోవాలంటే చరిత్రను అర్థం చేసుకోవాలని పేర్కొన్నారు. ఇక్కడి మూలవాసులు ఎవరు ? ఇక్కడే ఎందుకున్నారు? అనే అంశాలను తెలుసకోవాలని చె్ప్పారు. లంగ గ్రామాల నుంచి ఇక్కడికి వలస వచ్చిన ప్రజలు చేపల వేట మీద జీవనాధారం సాగించారని తెలిపారు. ఆ తర్వాత చిత్తడి భూముల్లో కొద్దిపాటి వ్యవసాయం చేయడానికి ప్రయత్నించి..అది కూడా సరిగ్గా చేయలేకపోయారని చెప్పారు. పంటలు బాగా పండక.. పండిన పంటను కాస్త అమ్మితే ఆ డబ్బులను బ్యాంకులు తీసుకెళ్తే.. సంపాదించిన ధాన్యాన్ని తిరిగి వాళ్లే దొంగతనం చేసే స్థితి దాపురించిందని వివరించారు. ప్రజలు ఆ స్థతిలో ఉన్నప్పుడు అప్పటి ముఖ్యమంత్రి జలగలం వెంగళ్‌రావు 1970లో ఎకరం, ఎకరన్నర ఎకరాల్లో చేపల చెరువులు వేయించారని.. వాటన్నింటికి పట్టాలు ఇచ్చారని గుర్తు చేశారు. అయితే సాంప్రదాయ మత్స్యకారులు కాకుండా బయటి వారు రావడం వల్ల సమస్య వచ్చిందన్నారు. ’మనల్ని ఒకరు మీటింగ్ పెట్టనివ్వడం లేదంటే దానర్థం మనం బలపడుతున్నాం, మనల్ని చూసి వారు భయపడుతున్నారు’ అని అన్నారు.  

 

Pages

Don't Miss

Subscribe to RSS - west godavari