women

20:43 - July 19, 2017

శ్రీకాకుళం : పొంటపొలాల్లో కలిసి కట్టుగా, విశ్రాంతి లేకుండా పనిచేస్తారు. ఉత్సాహంగా పాటలు పాడుతూ తాము పడుతున్న శ్రమను మర్చిపోతారు. వరిపైర్లను లక్ష్మీదేవితో సమానంగా కొలుస్తారు. పంటలు బాగా పండాలని, తమ యజమానికి లాభాలు చేకూరాలని పాటల ద్వారా వేడుకుంటారు. ఇదంతా శ్రీకాకుళం జిల్లాలోని వరినాట్లు వేసే రైతుల స్టైల్‌ఆఫ్‌ వర్కింగ్‌.
నాట్లు వేసే సమయంలో పాటలు
శ్రీకాకుళం జిల్లాలో వరినాట్ల సీజన్‌ మరికొద్ది రోజుల్లో పూర్తి కానుంది. వర్షాలు విరివిగా కురుస్తుండటంతో పదిహేను రోజుల నుండి ఊబలు వేయడం ప్రారంభించారు. వరినాట్లు వేసేందుకు ఉదయం నుండి సాయంత్రం వరకు నిరంతరాయంగా పనిచేయాల్సి ఉంటుంది. మహిళలే ఈ పని చేయడానికి ఎక్కువశాతం ఆసక్తి చూపుతారు. నాట్లు వేసే సమయంలో అలసట తెలీకుండా ఉల్లాసంగా పనిచేయడానికి పాటలు పాడటం ఆనవాయితీగా వస్తోంది. 
మత్య్సకారుల కూలీలు అధికం 
శ్రీకాకుళం జిల్లా వ్యాప్తంగా ముప్పై ఎనమిది మండలాలున్నాయి. కవిటి నుండి గార వరకు గల తీర ప్రాంతంలో ఎక్కువ  శాతం కూళీలు మత్య్సకారులె. వీళ్లందరూ పాటలు పాడుతూ, సరదాగా పనిచేయడం వారసత్వంగా వస్తుంది. మహిళలు అందరూ నోటితో ఊళలు వేస్తూ ఒకేసారి లక్ష్మీదేవిని కొలుస్తూ పాటలు పాడుతుంటారు. ఆడుతూ పాడుతూ  పనిచేసే వీళ్ల పనితీరు.. చూసే వారికి చాలా సరదాగా కనిపిస్తుంటుంది. ఖరీఫ్‌, రబీ సీజన్లలో, వరినాట్ల సమయంలో ఈ తరహా స్వరాలు ఎక్కువగా వినిపిస్తుంటాయి. ఉద్దాన ప్రాంతంలోని పంటపొలాలలో ఈ తరహా సాంప్రదాయం కొనసాగుతోంది. ఉదయం పొలాల్లో అడుగు పెట్టినప్పడినుండి సాయంత్రం పనిలో నిమగ్నమయ్యే కూళీలంతా చెప్పులు వేసుకోకుండానే పొలాల్లో అడుగుపెడతారు. పూజలు, పాటలతో లక్ష్మీదేవిని కొలుస్తూ పనులు చేసుకోవడం దశాబ్దాలుగా కొనసాగుతున్న ఆనవాయితీ అని కూళీలు చెబుతున్నారు.

 

20:32 - July 18, 2017

 ప్రకాశం :  జిల్లాలో మద్యం షాపుల ఏర్పాటుకు నిరసనగా మహిళలు కనిగిరి ఎక్సైజ్‌ కార్యాలయాన్ని ముట్టడించి ధర్నా నిర్వహించారు. కనిగిరి మండల పరిషత్‌ ఉపాధ్యక్షులు పాలూరి రమణారెడ్డి ఆధ్వర్యంలో తాళ్లూరు, గడిపడు, ఎనిమరెడ్డిపల్లి గ్రామాలకు చెందిన మహిళలు పెద్ద ఎత్తున హాజరై మద్యం షాపులకు వ్యతిరేకంగా నినాదాలు చేశారు. ఈ మేరకు ఎక్సైజ్‌ సీఐ వెంకటరావుకు వినతి పత్రం అందించారు. షాపులను తొలగించకుంటే ఆందోళన తీవ్రతరం చేస్తామని మహిళలు హెచ్చరించారు.

07:44 - July 6, 2017

30 వేల మంది ఒక బార్ షాపు ఏర్పాటు తో విజయవాడలో 85 షాపులకు అనుమతి ఇచ్చారని. సుప్రీం ఆదేశాలకు వ్యతిరేకంగా జనవాసల్లో మద్యం షాపులు ఉండకూడదని, టీడీపీ హామీల్లో బెల్ట్ షాపులు నిషేధిస్తామని చెప్పిన చంద్రబాబు హామీ మరిచారని, గత నెల 29మ సామూహిక దీక్ష చేసామని ఏపీ ఐద్వా రాష్ట్ర కార్యదర్శి రమాదేవి అన్నారు. పూర్తి వివరాలకు వీడియో చూడండి.

19:15 - July 5, 2017

నెల్లూరు : జిల్లాలో మహిళలు మద్యం దుకాణంపై విరుచుకుపడ్డారు. శెట్టిగుంట రోడ్డులో కొత్తగా ఏర్పాటు చేస్తున్న మద్యం షాపుని మహిళలు ధ్వంసం చేశారు. ఐద్వా ఆధ్వర్యంలో షాపు గోడలను, బోర్డును నేలకూల్చారు. ఈ షాపు సమీపంలో ప్రభుత్వ పాఠశాల, ఆలయం కూడా ఉండడంతో నిబంధనలకు విరుద్ధంగా షాపుని ఏర్పాటు చేయడం సరైంది కాదని మహిళలు మండిపడ్డారు. 

 

13:39 - July 5, 2017

తూర్పుగోదావరి : ఏపీలో మద్యం దుకాణాలపై మహిళలు సమరం లేవనెత్తారు. జనవాసాల్లో ఉన్న మద్యం దుకాణాలపై ఆయా జిల్లాల్లో మహిళలు ధర్నాలు..నిరసనలు లేవనెత్తుతున్నారు. రాజమండ్రిలోని ఓ ప్రాంతంలో జనావాసాల మధ్య మద్యం దుకాణం ఏర్పాటు చేయడం పట్ల మహిళలు తీవ్ర అభ్యంతరం వ్యక్తం చేస్తున్నారు. మద్యం దుకాణం వల్ల మందుబాబులు తాగుతూ వీరంగం సృష్టిస్తున్నారని, దీనివల్ల తాము నిత్యం నరకం అనుభవిస్తున్నామన్నారు. ఇళ్లు ముందు తిరుగుతూ నానా బీభత్సం సృష్టిస్తున్నారని, పోలీసులకు ఎన్నిసార్లు చెప్పినా పట్టించుకోవడం లేదన్నారు. మద్యం షాపులు తొలగించకపోతే ఆందోళన ఉధృతం చేస్తామన్నారు.

13:30 - July 5, 2017

విశాఖ : జాతీయ, రాష్ట్ర రహదారుల వెంబడి 500 మీటర్ల పరిధిలో మద్యం దుకాణాలు, బార్లు ఉండరాదన్న సుప్రీంకోర్టు తీర్పు ఈనెల 1 నుంచి అమల్లోకి వచ్చింది. ఈ నేపథ్యంలో వైన్‌ షాపుల వైన్‌ షాపుల యజమానలకు ఇబ్బంది లేకుండా చూసేందుకు రాష్ట్ర రహదారులను జిల్లా ప్రధాన రహదారులుగా మార్పు చేయాలని ప్రభుత్వం నిర్ణయించడంతో వీరికి ఊరట లభించింది. అయితే జాతీయ రహదారులు వెంబటి ఉన్న బార్లు, వైన్‌ షాపులను జనావాసాల్లోకి తరలిస్తున్నారు. ఇప్పుడు ఇది పెద్ద సమస్యగా మారి మద్య వ్యతిరేక ఉద్యమానికి దారితీస్తోంది. దీనికి తోడు రాష్ట్ర ప్రభుత్వం తీసుకొచ్చిన కొత్త ఎక్సైజ్‌ విధానంలో కొత్త మద్యం దుకాణాలకు అనమతి ఇవ్వడంతో ఎక్కపడితే అక్కడే వెలస్తున్నాయి. విశాఖ జిల్లాలో 124 బార్లు, 401 వైన్‌ షాపులు ఉన్నాయి. మద్యం దుకాణాలకు అనుంబంధంగా సిటింగ్‌ రూములు, బెల్టు షాపులు ఉన్నాయి.

ఎక్కడైనా వైన్‌ షాపు
కొత్త మద్యం విధానంలో భాగంగా గ్రేటర్‌ విశాఖ పరిధిలోని అనకాపల్లి నుంచి ఆనందపురం జంక్షన్‌ వరకు ఎక్కడైనా వైన్‌ షాపు ఏర్పాటు చేసుకోవచ్చు. అలాగే జాతీయ రహదారి వెంబడి ఉన్న వైన్‌ షాపులను ఎక్సైజ్‌, పోలీసు శాఖ అధికారులు అనుమతితో జనావాసాల్లోకి తరలిస్తున్నారు. వీటికి వ్యతిరేకంగా మహిళలు పోరాడుతున్నారు. ఆయా ప్రాంతాలకు చెందిన ప్రజాప్రతినిధులను అడ్డుకుంటున్నారు. ప్రభుత్వ విధానాన్ని తప్పుపడుతున్నారు. మద్యానికి వ్యతిరేకంగా మహిళలు చేస్తున్న ఉద్యమం ఆయా ప్రాంతాల ప్రజా ప్రతినిధులకు తలనొప్పిగా మారింది. జాతీయ రహదారుల వెంబడి ఉన్న మద్యం దుకాణాలను జనావాసాల్లోకి తరలించుకునేందుకు వీలు కల్పించిన ప్రభుత్వ విధానాన్ని విశాఖ బీజేపీ శాసనసభ్యుడు విష్ణుకుమార్‌ రాజు తప్పుపడుతున్నారు. గుడి, బడికి వంద మీటర్ల పరిధిలో వైన్‌ షాపులు, బార్లు ఉండరాదన్న నిబంధన ఉంది. అయితే ఇది ప్రభుత్వ గుర్తింపు పొందిన పాఠశాలు, దేవాదాయ శాఖలో నమోదైన దేవాలయాలకు మాత్రమే వర్తిస్తుంది. చాలా గుళ్లు, బడులకు గుర్తింపు లేదు. దీంతో చట్టంలోని ఈ లొలుగును ఆధారంగా చేసుకుని జాతీయ రహదారుల వెంబడి ఉన్న వైన్‌ షాపులను జనావాసాల్లోకి తరలిస్తున్నారు. జనావాసాల మధ్యకు మద్యం దుకాణాల తరలించడం నిలిపివేయకపోతే ఉద్యమాన్ని ఉద్ధృతం చేస్తామని మహిళా సంఘాలు హెచరిస్తున్నాయి. 

17:34 - July 1, 2017

విజయనగరం : జిల్లాలో ఏర్పాటు చేస్తున్న మద్యం షాపులకు వ్యతిరేకంగా మహిళలు నిరసన చేపట్టారు. మహిళా సంఘాల అధ్వర్యంలో జిల్లాలో పలుచోట్ల మహిళలు పెద్ద ఎత్తున ఆందోళనలు నిర్వహించారు. సీతానగరం మండలం అంటిపేట వద్ద కొత్తగా ఏర్పాటు చేస్తున్న మద్యం షాపుపై మహిళలు దాడి చేసి ఫర్నిచర్‌ ధ్వంసం చేశారు. ఆందోళన చేస్తున్న మహిళలను, పోలీసులు అదుపులోకి తీసుకున్నారు. అయితే మహిళలపై మేల్ కానిస్టేబుల్స్ దురుసుగా ప్రవర్తించడం వివాదాస్పదంగా మారింది. 

13:43 - June 30, 2017

మహిళా వార్తల సమాహారం మానవి న్యూస్ కు స్వాగతం...దేశ వ్యాప్తంగా ఉన్న మహిళా వార్తలను వీడియోలో చూద్దాం....

16:05 - June 26, 2017

హైదరాబాద్ : బాలిక కిడ్నాప్‌ కేసును హైదరాబాద్‌ పోలీసులు ఛేదించారు. టపాచబుత్ర పిఎస్‌ పరిధిలో ఈనెల 17న అదృశ్యమైన బాలికకు విముక్తి కల్పించారు. సీసీ కెమెరాల్లో రికార్డైన విజువల్స్‌ ను విశ్లేషించిన పోలీసులు బెంగళూరులో ఉన్న నిందితులను పట్టుకున్నారు. నిందితులు బాలిక కుటుంబానికి పరిచయం ఉన్నవారేనని పోలీసులు తెలిపారు. 10నెలల బాబును చూసుకునేందుకే బాలికను నిందితులు తీసుకెళ్లినట్టు పోలీసులు తెలిపారు. 

 

15:29 - June 25, 2017

వరంగల్ : వరకట్న దాహానికి ఓ వివాహిత బలైంది. వరంగల్ జిల్లా హన్మకొండలో ఓ వివాహిత అనుమానాస్పదంగా మృతి చెందడం తీవ్ర విషాదాన్ని నింపింది. మహబూబాబాద్ జిల్లా వడ్డెరకొత్తపల్లికి చెందిన యాకయ్య అదే గ్రామానికి చెందిన రాధికను ప్రేమించి పెళ్లి చేసుకున్నాడు. హన్మకొండలోని పోలీస్ హెడ్ క్వార్టర్స్‌లో ఏఆర్ కానిస్టేబుల్‌గా పని చేస్తున్న యాకయ్య..నిత్యం భార్యను వేధించేవాడని బంధువులు చెప్తున్నారు. బంధువులు, భర్త, అత్తామామల వేధింపుల వల్లే రాధిక మృతి చెందిందని మృతురాలి తల్లిదండ్రులు, బంధువులు ఆరోపిస్తున్నారు. వారిపై చర్యలు తీసుకోవాలంటూ వరంగల్ ఎంజీఎం మార్చురీ ఎదుట ఆందోళనకు దిగారు. పెళ్లి అయిన నాటి నుంచి అదనపు కట్నం తీసుకురావాంటూ కుటుంబసభ్యులు వేధించేవారని ఆరోపించారు. బాధితుల ఫిర్యాదు మేరకు పోలీసులు కేసు నమోదు చేసి విచారణ చేపట్టారు.

Pages

Don't Miss

Subscribe to RSS - women