women empowerment

21:14 - July 18, 2018

ఎప్పటినుంచో మహిళా రిజర్వేషన్ బిల్లు పెండింగ్ లో ఉంది. ఈ పార్లమెంట్ సమావేశాల్లోనైనా మహిళా బిల్లును తీసుకురావాలని మహిళ, ప్రజా సంఘాలు డిమాండ్ చేస్తున్నాయి. 'మహిళ రిజర్వేషన్ బిల్లుకు మోక్షం దొరికేనా ?' అనే అంశంపై నిర్వహించిన ప్రత్యేక కార్యక్రమంలో ఐద్వా ఏపీ నాయకురాలు రమాదేవి పాల్గొని, మాట్లాడారు. ఆమె తెలిపిన  వివరాలను వీడియోలో చూద్దాం... 

17:46 - July 4, 2018

విడాకులు తీసుకునే వారికి సంఖ్య రోజురోజుకు ఎక్కువ అవుతుంది. ఎందుకు విడాకులు తీసుకోవాలనుకుంటున్నారు ? ఇదే నిర్వహించిన మానవి మైరైట్ కార్యక్రమంలో లాయర్ పార్వతి పాల్గొని, మాట్లాడారు. ఈ సందర్భంగా ఆమె మాట్లాడుతూ భార్యభర్తలకు ఈగో ప్రాబ్లమ్స్, అసహనం, అనుభవ రాహిత్యం, వైవాహికేతర సంబంధాలు, భర్త భార్యను, కుటుంబాన్ని నిర్లక్ష్యం చేయడం, వరకట్న వేధింపులు, అదనపు వరకట్నం వేధింపులతో విడాకులు తీసుకుంటున్నారు. ఆమె తెలిపిన మరిన్ని వివరాలను వీడియోలో చూద్దాం... 

16:59 - June 28, 2018

ఢిల్లీ : స్త్రీ సాధికారత కోసం ఎన్నో చేస్తామని పాలకులు, నేతలు ఎప్పటికప్పుడు గప్పాలు పలుకుతుంటారు. కానీ స్త్రీ సాధికారత కోసం స్త్రీలు పోరాటాలతోనే సాధించుకుంటున్నారు. కానీ రక్షణ విషయంలో మాత్రం భారత సమాజం మహిళలపై హింస కొనసాగుతునే వుంది. రోజు రోజుకీ చులకన భావం,హింస,అణచివేత, ఆంక్షలు పెరుగుతున్నాయి.

భారత మహిళల కన్నీటి వెతలకు అంతం లేదా?
భారతదేశంలో చాలామంది మహిళలను కదిలిస్తే వారి కన్నీటిగాధలు, వెతలు, వేదనలు ఎన్నో, ఎన్నెన్నో. కటుంబం కోసం, బిడ్డల భవిష్యత్తు కోసం అహోరాత్రులు కష్టపడే మహిళల స్థితిగతులు భారత్ లో వున్న పరిస్థితులు తవ్వినకొద్దీ వెలుగులోకి వస్తున్న హింసా భారతాలు లెక్కలేనన్నిగా వుంటాయి. ఉబికి వస్తున్న కన్నీంటి సముద్రాలను కనురెప్ప దాటనీయకుండా లోలోపలే అణిచివేసుకుంటు ముందుకు సాగేందుకు మహిళలు పోరాడుతునే వున్నారు. తమ శక్తిని, యుక్తిని నిరూపించుకుంటు, హింసలను తట్టుకుంటు..అవమానాలను అనుభవాలుగా తీర్చిదిద్దుకుంటు సాధికారత కోసం కొట్లాడుతున్నారు. తమతో తామే ధైర్యాన్ని కూడగట్టుకుని ఎదరవుతున్న పరిస్థితులను తట్టుకుని జారిపోతున్న గుండె ధైర్యాన్ని ఆత్మస్థైర్యంగా చేసుకుని ఆత్మవిశ్వాసన ఆయుధంతో హింసా భారతంలో తమ శక్తి యుక్తులకు పదును పెట్టుకుంటు..నిరూపించుకుంటు ముందుకు విజయదరహాసంతో సాగిపోతున్న మహిళా శక్తికి ఈ భారతదేశం ఏమిచ్చినా రుణం తీర్చుకోలేదు.
థామన్స్ రాయిటర్స్ ఫౌండేషన్ నిర్వహించిన ఓ సర్వే..
భారతదేశంలో ప్రస్తుతం మహిళల రక్షణ అంశం తీవ్ర భయాందోళనను రేకిత్తిస్తుంది. థామన్స్ రాయిటర్స్ ఫౌండేషన్ నిర్వహించిన ఓ సర్వేలో మహిళా రక్షణ విషయంలో ప్రపంచంలోనే అత్యంత భయంకరమైన దేశంగా భారత్ మొదటిస్థానంలో నిలిచింది. ప్రభుత్వ లెక్కల ప్రకారమే 2007-2016 మధ్య కాలంలో దేశంలో మహిళలపై హింస 80 శాతం పెరిగింది. కానీ అనధికారిక లెక్కలు చూస్తే ఆశ్చర్యపోవాల్సిందే. ఇక ఫిర్యాదు చేసేందుకు కూడా బైటకు రాని హింసలకు లెక్కేలేదు. ఇంచుమించు ప్రతి ఐదుగురు మహిళల్లో ఇద్దరు హింసల బారిన పడుతునే వున్నారు. అది కుటుంబ హింస కావచ్చు. సామాజిక హింస కావచ్చు. అది మానసికంగా కావచ్చు. శారీరకంగా కావచ్చు. హింస అనేది మాత్రం మహిళ జీవితంలో ఒక భాగంగా మారిపోయింది.

మహిళకు రక్షణ లేని దేశరాజధాని ఢిల్లీ
ఢిల్లీలోని ఓ యువతి ముఖానికి స్కార్ప్, మొబైల్ ఫోన్‌లో సేఫ్టీ యాప్స్, హ్యాండ్ బ్యాగులో పెప్పర్ స్ప్రే ఇవి లేనిదే ఇంటి నుంచి బయటకు అడుగుపెట్టదు. ఇటువంటి ఎంతోమంది విద్యార్థినుల, యువతుల, మహిళల దుస్థితి నేడు దేశ రాజధాని నగరం ఢిల్లీలో. దేశం మొత్తం మీద ఇంచుమించుగా ఇటువంటి స్థితిగతులే నెలకొన్నాయి. ఇది అత్యంత సిగ్గుపడాల్సిన పరిస్థితి.
గంటకు మహిళలపై 40 నేరాలు..
అధికారిక లెక్కల ప్రకారం దేశంలో మహిళలపై హింస వివిధ రూపాల్లో ప్రతి గంటకు 40 నేరాలు నమోదు అవుతున్నాయి. వీధుల్లో నడిచేటప్పుడు, బస్సుల్లో, మెట్రోల్లో ప్రయాణించేటప్పుడు ఎదుర్కొనే లైంగిక వేధింపులను తట్టుకుని ఆఫీసులకు చేరుకుంటే అక్కడా సహ ఉద్యోగులతోనూ, బాస్‌లతోనూ ఇదే పరిస్థితులను ఎదుర్కొంటున్నట్లు మార్కెటింగ్ ప్రొఫెషనల్‌గా పనిచేసే జోహ్రీ అనే 28 సంవత్సరాల మహిళ తన ఎదుర్కొన్న భయంకర అనుభవాలను పంచుకుంది. వీటన్నింటితో విసిగి వేసారి తట్టుకోలేక చివరికి ఆమె ఉద్యోగం మానేసింది.

యుద్ధదేశాల్లో దిగజారిన స్థితిగతులు..
యుద్ధాలతో చితికిపోయిన దేశాల్లో మహిళల పరిస్థితి దయనీయంగా మారింది. ప్రపంచంలోనే మహిళలకు అపాయకరమైన దేశంగా రెండవస్థానంలో ఆప్ఘనిస్థాన్ నిలిచింది. ఏడేండ్లుగా అంతర్యుద్ధంలో నలుగుతున్న సిరియా కూడా ఈ జాబితాలో మూడోదేశంగా నిలిచింది. ఇక రెండు దశాబ్దాలుగా యుద్ధానికి ఛిన్నాభిన్నమైన సోమాలియా మహిళలకు సురక్షితంకాని దేశాల జాబితాలో నాలుగో స్థానంలో నిలిచింది. ఐదో స్థానంలో నిలిచిన సౌదీ అరేబియాలో ఇటీవలికాలంలో మంచి పురోగామిచర్యలు కనిపిస్తున్నాయి.

టాప్ 10లో కొన్ని దేశాలు..
యెమెన్, నైజీరియా, పాకిస్థాన్ దేశాలు కూడా టాప్-10 జాబితాలో ఉన్నాయి. మహిళలకు సురక్షితం కాని టాప్-10 దేశాల జాబితాలో అగ్రరాజ్యం అమెరికా కూడా ఉంది.మీటూ ఉద్యమం కారణంగా మహిళలు స్వచ్ఛందంగా తమపై జరిగిన లైంగిక వేధింపులను వెల్లడించడంతో అమెరికా ఈ జాబితాలో చేరినట్లు నిపుణులు చెబుతున్నారు.

బయటకు వెళ్లాలంటేనే భయమేస్తోంది..
ఇంటినుంచి బయటకు అడుగుపెట్టాలంటేనే భయపడే పరిస్థితి నెలకొందని ఢిల్లీకి చెందిన కనిక జోహ్రా చెప్పారు. అత్యాచారాల రాజధానిగా మారిన ఢిల్లీలో.. ముఖానికి స్కార్ఫ్, బ్యాగులో పెప్పర్ స్ప్రే, మొబైల్‌లో సేఫ్టీ యాప్స్‌తో ఇంటినుంచి బయల్దేరుతుంది. సగటున ప్రతీ గంటకు మహిళలపై 40 నేరాలు రికార్డవుతున్న దేశంలో ఇవన్నీ తప్పనిసరి అంటున్నారు 28 ఏండ్ల జోహ్రి. మార్కెటింగ్ ఉద్యోగిగా పనిచేసే ఆమె సర్వే నిర్వహించిన థామ్సన్ రాయిటర్స్ ఫౌండేషన్‌తో తన అనుభవాలను, ఆవేదనను పంచుకున్నారు. మీరు సిటీ బస్సులో వెళ్తుంటే ఎవరో వెనకనుంచి తోస్తారు. పక్కనుంచి మరొకరు పైపైకి వస్తారు. మీరేమైనా అంటే, అక్కడున్నవారంతా మిమ్మల్నే దోషిగా చూస్తారు. అకస్మాత్తుగా ఓ చేయి మీ భుజం మీదో, తొడమీదో పడుతుంది. ఏడేండ్లలో అలా కన్నీళ్లు కార్చిన రోజులెన్నో ఉన్నాయి అని ఆమె తెలిపారు.
హింసలేని మహిళా భారతం కోసం..
ప్రపంచ దేశాలలో భారత మహిళలు ఎగురవేస్తున్న విజయబావుటాలను చూసైనా ఈ భారతం మహిళలపై వున్న దృక్పథాన్ని మార్చుకోవాల్సిన అవుసరం వుంది. ఆరోజులు త్వరలో రావాలని కోరుకుందాం..భారతదేశం అంటే మహిళలపై హింస సాగిస్తున్న భారతం అనే మాటను తుడిపెట్టి మహిళా విజయభారతి అని చాటిచెప్పే నవయుగ భారతం రావాలని కోరుకుందాం!!

15:04 - May 2, 2018
22:01 - April 28, 2018

హైదరాబాద్ : శిక్షల తీవ్రత పెంచినంత మాత్రాన అత్యాచార నేరాలు తగ్గవని జస్టిస్‌ మంగరీ రాజేంద్రన్‌ అభిప్రాయపడ్డారు. విచారణాధికారులు, కోర్టులు నిక్కచ్చిగా వ్యవహరిస్తేనే ఈ తరహా నేరాలు అదుపులోకి వస్తాయని అన్నారు.

తెలంగాణ, సూర్యాపేట, మార్కెట్ యార్డ్, రైతులు, ఆందోళన, చర్చ
హైదరాబాద్‌ సుందరయ్య విజ్ఞాన కేంద్రంలో "వర్కింగ్ ఆఫ్ వుమెన్ లాస్, డెత్ ఫెనాల్టీ రెమీడీస్" అన్న అంశంపై.. చర్చాగోష్ఠి జరిగింది. పొత్తూరి భారతి ఫౌండేషన్‌, ఏపీ పౌరహక్కుల సంఘం సంయుక్త నిర్వహణలో జరిగిన ఈ కార్యక్రమంలో పలువురు న్యాయవాదులు, మహిళా, శిశు సంక్షేమ అధికారులు, పాత్రికేయులు పాల్గొన్నారు. చిన్నా పెద్దా తేడా లేకుండా మహిళలపై జరుగుతున్న అత్యాచారాలు.. వాటి నియంత్రణకు ఉన్న చట్టాలు.. వాటి ఫలితాలు అన్న అంశంపై ఈ గోష్ఠిలో చర్చించారు. అత్యాచార నిందితులకు ఉరిశిక్ష విధించే ఆర్డినెన్స్‌పైనా సమావేశంలో చర్చించారు.

అత్యాచార నిరోధానికి ఎన్నో మార్పులు తేవాలని సూచనలు..
ప్రస్తుత న్యాయ వ్యవస్థలో.. శిక్షలకు, నేరాలకు సంబంధం లేకుండా ఉందని... అందుకే, శిక్షలు విధించడం.. వాటిని అమలు చేయడంలో జాప్యం జరగకుండా చట్టాలు ఉండాలని పలువురు వక్తలు అభిప్రాయపడ్డారు. అత్యాచార నిరోధానికి ఎన్నో మార్పులు తేవాలని సూచించారు. దేశంలో ఎస్సీ, ఎస్టీ కేసులు మాత్రమే కాదు.. అన్ని చట్టాలూ దుర్వినియోగం అవుతున్నాయని గోష్ఠిలో పాల్గొన్న జస్టిస్‌ రాజేంద్రన్‌ అన్నారు. జస్టిస్‌ లోయా మృతి కేసు.. న్యాయవ్యవస్థ స్వతంత్రంగా పనిచేయడం లేదని నిరూపిస్తోందన్నారు. శిక్షలు పెంచితే నేరాలు తగ్గవని, పకడ్బందీ విచారణ, కోర్టుల సత్వర తీర్పులు నేరాలను అదుపులోకి తెస్తాయని జస్టిస్‌ రాజేంద్రన్‌ అభిప్రాయపడ్డారు.

చిన్నారులపై అత్యాచారాలు విపరీతంగా పెరిగిపోయాయి : లక్ష్మీకుమారి
దేశంలో చిన్నారులపై అత్యాచారాలు విపరీతంగా పెరిగిపోయాయని, కార్యక్రమంలో పాల్గొన్న మహిళా శిశు సంక్షేమ అధికారి లక్ష్మీకుమారి ఆందోళన వ్యక్తం చేశారు. ఈ తరహా నేరాలను అదుపు చేయడంలో... చట్టాలు దుర్వినియోగం అవుతున్నాయని ఆమె ఆవేదన వ్యక్తం చేశారు. నేరగాళ్లకు జరిమానాలు మాత్రమే విధించడం, మరణశిక్షల్లో జాప్యం వంటి కారణాల వల్ల.. నేరస్థులు యథేచ్ఛగా తప్పించుకుంటున్నారని ఆమె అన్నారు. నగరంలో ఇటీవల బాల్యవివాహాలూ పెరుగుతున్నాయని, ప్రభుత్వం భరోసా కేంద్రాలు, షీ-టీమ్‌లను మరిన్ని ఏర్పాటు చేయాలని కోరారు. కార్యక్రమంలో మరిందరు వక్తలు ప్రసంగించారు. నేరగాళ్లకు సత్వరమే శిక్ష పడేలా చట్టాలు ఉండాలని, న్యాయవ్యవస్థ కూడా తీర్పులు సత్వరం అమలయ్యేలా చూడాలని వారు సూచించారు.

 

10:39 - April 19, 2018

మహిళలు, బాలికలపై అత్యాచారాలు, హత్యలు దుర్మార్గమని వక్తలు అన్నారు. ఇదే అంశంపై నిర్వహించిన చర్చా కార్యక్రమంలో మాజీ ఎమ్మెల్యే, సీపీఎం రాష్ట్రకార్యదర్శివర్గ సభ్యులు జూలకంటి రంగారెడ్డి, బీజేపీ అధికార ప్రతినిధి ప్రకాశ్ రెడ్డి, కాంగ్రెస్ నేత క్రిషాన్ పాల్గొని, మాట్లాడారు. బీజేపీ పాలిత రాష్ట్రాల్లో అత్యాచారాలు, హత్యలు పెరిగాయని అన్నారు. రేపిస్టులకు మద్దతుగా బీజేపీ కార్యకర్తలు ర్యాలీలు నిర్వహిస్తున్నారని పేర్కొన్నారు. మరిన్ని వివరాలను వీడియోలో చూద్దాం... 

21:15 - April 10, 2018

నేటికీ బాల్య వివాహాలు కొనసాగుతున్నాయి. వీటిని చట్టాలు ఆపలేకపోతున్నాయి. ఈ సమస్య లోతుల్లోకి వెళ్లి చర్చించి ప్రయత్నిస్తే తప్పా బాల్య వివాహాలు ఆగవని నివేదికలు చెబుతున్నాయి. ఇదే అంశంపై మానవి నిర్వహించిన చర్చా కార్యక్రమంలో పీవోడబ్ల్యు నాయకురాలు సంధ్య పాల్గొని, మాట్లాడారు. ఆమె తెలిపిన వివరాలను వీడియోలో చూద్దాం... 

15:24 - April 4, 2018

భార్యభర్తలు..గొడవలు...డైవోర్స్.. డైవోర్స్ తీసుకోవడానకి ప్రాసెస్ ఏంటి? అనే అంశంపై మానవి మైరైట్ నిర్వహించిన లాయర్ పార్వతి పాల్గొని, మాట్లాడారు. ఆ వివరాలను ఆమె మాటల్లోనే... మానసిక.. శారీరక హింస, వరకట్న వేధింపులు వచ్చినప్పుడు ఇక కలిసి ఉండలేమనుకున్నప్పుడు సామరస్యపూర్వకంగా విడిపోవడానికి నిర్ణయించుకున్నప్పుడు విడాకులు తీసుకుంటున్నారు. భార్య విడాకులు కావాలంటే భర్త ఒప్పుకోడు..ఒక వేల భర్త విడాకులు కావాలంటే భార్య ఒప్పుకోదు. కోర్టులో విడాకుల పిటిషన్ వేసుకుంటారు. ఆమె తెలిపిన మరిన్ని వివరాలను వీడియోలో చూద్దాం.. 

 

16:16 - April 2, 2018

ఆయేషా మీరా హత్య కేసుకు నేటికి పదేళ్లు.. వాకాపల్లి దళిత మహిళ హత్య..ఈనేపథ్యంలో మహిళలకు ఉన్న రక్షణ ఎంత ? అంశంపై మానవి నిర్వహించిన ప్రత్యేక కార్యక్రమంలో సామాజిక కార్యకర్త దేవి పాల్గొని, మాట్లాడారు.
ఆ వివరాలను ఆమె మాటల్లోనే..
'మహిళలపై అత్యాచారాలు 83 శాతం పెరిగాయి. శిక్షలు పడడం తగ్గుతుంది. తెలంగాణ రాష్ట్రంలోని పోలీసుల్లో 4 శాతం మాత్రమే మహిళలు ఉన్నారు. మరిన్ని వివరాలను వీడియోలో చూద్దాం... 

21:00 - March 30, 2018

హైదరాబాద్ నడిబొడ్డున మైనర్ బాలిక ప్రేమోన్మాదానికి బలైంది... ఈ ఒక్క సంఘటనేకాదు ఈమధ్య కాలంలో భాగ్యనగరంలో ఇలాంటి సంఘటనలు అనేకం జరుగుతున్నాయి. చుట్టూ పోలీసుల పహారా, రక్షణకు షీటీమ్స్ ఉన్నా... రాజధానిలో మహిళలపై దాడులు జరుగుతున్నాయంటే ప్రేమోన్మాదం ఎంత సృతిమించుతుందో అర్థం చేసుకోవచ్చు... ప్రస్తుతం ఈ ఘటన స్త్రీకి ఉన్న రక్షణ ఎంత అని పాలకులను ప్రశ్నిస్తుంది. ఇదే అంశంపై టెన్ టివి ప్రత్యేక చర్చను చేపట్టింది. ప్రేమోన్మాదుల దాడులపై నిర్వహించిన చర్చా కార్యక్రమంలో సామాజిక కార్యకర్త దేవి పాల్గొని, మాట్లాడారు. సమగ్రమైన యూత్ పాలసీ కావాలని సామాజిక కార్యకర్త దేవి అన్నారు. చట్టాన్ని సక్రమంగా అమలు చేయాల్సిన బాధ్యత ప్రభుత్వానిదేనని అన్నారు. బాధితులకు సత్వరమే న్యాయం చేయాలని చెప్పారు.
ఆ వివరాలను ఆమె మాటల్లోనే...
బాలికలకు భ్రదత కల్పించడమంటే ఇంటికో కానిస్టేబుల్ ను ఏర్పాటు చేయడం కాదు. చట్టం చేయడం కాదు.. వాటిని అమలు చేసి చూపించాలి. బాల్య వివాహాల చట్టాన్ని అమలు చేయడంలో ప్రభుత్వం విఫలం అవుతుంది. స్త్రీలకు సబంధించిన ఏ ఒక్క చట్టాన్ని అమలు చేయడం లేదు. సత్వరంగా జరగని న్యాయం... న్యాయం కాకుండా పోతుంది. ప్రతిస్థాయిలో రాజకీయ జోక్యం ఉంటుంది. పోలీసు స్టేషన్ లో రాజకీయ దళారులు కూర్చుంటారు. చట్టం దాదాపు పనిచేయకుండా ఉంటుంది. చట్టం గురించి జనం పట్టించుకోవడం లేదు. నేరస్తుడు, బాదితుడు చట్టాలను నమ్మడం లేదు. నీతిబోధల వల్ల సమాజం మారదు. మరిన్ని వివరాలను వీడియోలో చూద్దాం.. 

 

Pages

Don't Miss

Subscribe to RSS - women empowerment