YCP MPs

16:52 - August 3, 2018

ఢిల్లీ : వైసీపీ అధినేత జగన్‌మోహన్‌ రెడ్డితోనే ఏపీకి ప్రత్యేకహోదా సాధ్యమవుతుందని వైసీపీ మాజీ ఎంపీ వరప్రసాద్‌ అన్నారు. తాము ఎంపీలుగా రాజీనామా చేసినప్పటికీ ప్రజలతో కలిసి రాష్ట్ర హక్కుల కోసం పోరాడుతున్నామన్నారు. ఈ మేరకు కేంద్ర మంత్రులను, అధికారులను కలిశామన్నారు.

 

12:27 - August 3, 2018

ఢిల్లీ : విభజన హామీలు..ప్రత్యేక హోదా..ఇతరత్రా సాధించుకోవడానికి కేంద్రంపై టిడిపి ఎలాంటి వత్తిడి పెట్టడం లేదని వైసీపీ మాజీ ఎంపీ వర ప్రసాద్ పేర్కొన్నారు. శుక్రవారం ఆయన ఢిల్లీలో విలేకరులతో మాట్లాడారు. కేవలం వైసీపీ మాత్రమే వత్తిడి తెచ్చే విధంగా ప్రయత్నిస్తోందని, మొత్తం 13 సార్లు అవిశ్వాస తీర్మానం పెట్టడం జరిగిందన్నారు. ఇందుకు టిడిపి సపోర్టు ఇవ్వలేదన్నారు. గతంలో అవిశ్వాస తీర్మానం పెట్టిన సమయంలో టిడిపి సపోర్టు ఇస్తుందని స్వయంగా సీఎం చంద్రబాబు నాయుడు పేర్కొని చివరకు మొండి చేయి చూపించారని తెలిపారు. అనంతరం పార్టీ ఎంపీలందరూ రాజీనామా చేసి నిరహార దీక్షకు పూనుకోవడం జరిగిందన్నారు.

తిరుపతి పార్లమెంట్ నియోజకవర్గానికి సంబంధించిన అభివృద్ధి కోసం పలువురిని కలవడం జరగుతోందన్నారు. ఓఎన్జీసీ అధికారులను కలవడం జరిగిందని, వాటర్ ప్లాంట్లు ఇవ్వాలని కోరడం జరిగిందన్నారు. నాలుగు గ్రామాలకు ప్లాంట్లు ఇవ్వడానికి సిద్ధ పడిందని, రోడ్ల కోసం కోటి రూపాయలు ఇవ్వడానికి సిద్ధంగా ఉన్నామన్నారు. ఆరోగ్య శాఖ మంత్రి నడ్డాను కలిసి స్విమ్స్, రుయా ఆసుపత్రులకు నిధులు కేటాయించాలని కోరినట్లు, నిధులు లేకపోవడం వల్ల అభివృద్ధి చెందడం లేదని తెలియచేసినట్లు తెలిపారు. ఒక్కో ఆసుపత్రికి రూ. 50 కోట్లు ఇవ్వాలని కోరడం జరిగిందన్నారు. తాను తిరుపతికి వెళ్లిన అనంతరం ప్రభుత్వం తరపున ఒక నివేదిక..తన నివేదికలను అందించడం జరుగుతుందన్నారు. 

10:13 - July 19, 2018

ఢిల్లీ : అవిశ్వాస తీర్మానంపై మద్దతు కూడగట్టేందుకు టీడీపీ ఎంపీలు విపక్ష సభ్యులతో వరుసగా భేటీ అవుతున్నారు. ఈ నేపథ్యంలో ఆప్ అధ్యక్షుడు , ఢిల్లీ సీఎం కేజ్రీవాల్ తో టీడీపీ ఎంపీలు భేటీ అయ్యారు. ఈరోజు ఉదయం 9గంటలకు సీఎం అరవింద్ కేజ్రీవాల్ తో భేటీ అయ్యారు. లోక్ సభలో ఏపీ అంశాన్ని ప్రస్తావించేలా ఆప్ ఎంపీలకు సూచించాలని కేజ్రీవాల్ ను ఎంపీలు కోరారు. కేంద్ర ప్రభుత్వం ఏపీకి చేసిన అన్యాయయాన్ని..సీఎం చంద్రబాబు రాసిన లేఖ సారాంసాన్ని పుస్తక రూపంలో పొందు పరిచిన పుస్తకాన్ని కేజ్రీవాల్ కు ఎంపీలు అందజేశారు. గా ఇప్పటికే పలు భాషల్లో ఈ పుస్తకాన్ని ఆయా రాష్ట్రాల భాషల్లో టీడీపీ ప్రింట్ చేయించిన విషయం తెలిసిందే. క్రమంలోనే హిందీలో ప్రింట్ చేయించిన బుక్ ను కేజ్రీవాల్ కు అందించనున్నారు. కాగా మరోపక్క కాంగ్రెస్ పార్టీ నుండి టీడీపీలోకి వచ్చిన ఎంపీ జేసీ దివాకర్ రెడ్డి టీడీపీకి తలనొప్పిగా తయారయ్యారు. అవిశ్వాస తీర్మానం నేపథ్యంలో అందరు పార్లమెంట్ సభలకు హాజరుకావాలని టీడీపీ విప్ జారీని కూడా లెక్క చేయకుండా అనంతపురం ఎంపీ జేపీ దివాకర్ రెడ్డి పార్లమెంట్ సమావేవాలకు హాజరుకానని స్ఫష్టం చేయటంపై టీడీపి అసంతృప్తి వ్యక్తంచేస్తోంది. పైగా అవిశ్వాస తీర్మానంతో ఏమీ సాధించేది లేదని వ్యాఖ్యానిస్తుండంతో సదరు నేతలంతా విస్మయాన్ని వ్యక్తంచేస్తున్నారు. 

19:20 - July 17, 2018

ఢిల్లీ : పార్లమెంటు వర్షాకాల సమావేశాలు రేపటి నుంచి ప్రారంభం కానున్నాయి. ఈ సందర్భంగా లోక్‌సభ స్పీకర్‌ నిర్వహించిన అఖిలపక్ష సమావేశానికి వైసీపీ లోక్‌సభాపక్షం తరుపున బుట్టా రేణుకను ఆహ్వానించారు. అఖిపక్ష భేటీకి హాజరైన వైసీపీ రాజ్యసభ ఎంపీ విజయసాయిరెడ్డి దీనిపై తీవ్ర అభ్యంతరం వ్యక్తం చేశారు. ఇలాంటి నిర్ణయాలతో రాజ్యంగ స్ఫూర్తి దెబ్బతింటోందంటున్న వైసీపీ ఎంపీ విజయసాయిరెడ్డితో టెన్ టివి ఫేస్‌ టూ ఫేస్‌ నిర్వహించారు. పార్టీ ఫిరాయించిన ఎంపీని అఖిలపక్షాలనికి ఆహ్వానించడం రాజ్యాంగ స్ఫూర్తికి విరుద్ధమన్నారు. మరన్ని వివరాలను వీడియోలో చూద్దాం.. 

 

18:02 - July 17, 2018

ఢిల్లీ : అఖిలపక్ష సమావేశంలో బీజేపీ తీరును వైఎస్సార్‌సీపీ ఎంపీ విజయసాయిరెడ్డి నిలదీశారు. ఫిరాయింపు ఎంపీ బుట్టా రేణుకను అఖిలపక్షానికి ఆహ్వానించడంపై ఆయన మండిపడ్డారు. తమ పార్టీ నుంచి అధీకృత లేఖ లేకుండా బుట్టా రేణుకను ఎలా పిలుస్తారని ఆయన ప్రశ్నించారు. ఎంపీపై అనర్హత పిటిషన్‌ పెండింగ్‌లో ఉండగా పార్టీ తరఫున ఎలా పిలుస్తారని కేంద్రమంత్రి అనంతకుమార్‌ను నిలదీశారు. చంద్రబాబుకు ఇంగ్లీష్‌ రాదు.. లోకేష్‌కు కనీసం తెలుగు రాదని ఎద్దేవా చేశారు. ఎంపీ విజయసాయిరెడ్డి వాదనకు విపక్షాలు కూడా మద్దతు తెలిపాయి. 

 

17:39 - July 17, 2018

ఢిల్లీ : పార్లమెంటు వర్షాకాల సమావేశాలు రేపటి నుంచి ప్రారంభం కానున్నాయి. ఈ సందర్భంగా లోక్‌సభ స్పీకర్‌ నిర్వహించిన అఖిలపక్ష సమావేశానికి వైసీపీ లోక్‌సభాపక్షం తరుపున బుట్టా రేణుకను ఆహ్వానించారు. అఖిపక్ష భేటీకి హాజరైన వైసీపీ రాజ్యసభ ఎంపీ విజయసాయిరెడ్డి దీనిపై తీవ్ర అభ్యంతరం వ్యక్తం చేశారు. ఇలాంటి నిర్ణయాలతో రాజ్యంగ స్ఫూర్తి దెబ్బతింటోందంటున్న వైసీపీ ఎంపీ విజయసాయిరెడ్డితో టెన్ టివి ఫేస్‌ టూ ఫేస్‌ నిర్వహించారు. పార్టీ ఫిరాయించిన ఎంపీని అఖిలపక్షాలనికి ఆహ్వానించడం రాజ్యాంగ స్ఫూర్తికి విరుద్ధమన్నారు. మరన్ని వివరాలను వీడియోలో చూద్దాం.. 

 

12:18 - June 22, 2018

నెల్లూరు : తాము రాజీనామాలు చేసిన స్థానాల్లో ఉప ఎన్నికలు వచ్చే అవకాశం లేదని వైసీపీ నేత మేకపాటి రాజమోహన్ రెడ్డి పేర్కొన్నారు. ప్రత్యేక హోదా..రాష్ట్ర విభజన కోరుతూ వైసీపీ ఎంపీలు రాజీనామాలు చేసిన సంగతి తెలిసిందే. చాలా రోజుల పాటు పెండింగ్ లో ఉంచి గురువారం లోక్ సభ కార్యాలయంలో ఆమోద ముద్ర వేసింది. ఈ సందర్భంగా మేకపాటితో టెన్ టివి ముచ్చటించింది. ప్రత్యేక హోదా కోసం వైసీపీ చిత్తశుద్ధితో పనిచేస్తోందన్నారు. ఒకవేళ ఉప ఎన్నికలు వచ్చినా సీఎం చంద్రబాబు నాయుడు తమపై అభ్యర్థులను నిలబెట్టలేరని తెలిపారు. మరింత సమాచారం కోసం వీడియో క్లిక్ చేయండి. 

12:13 - May 29, 2018

ఢిల్లీ : ఇవాళ లోక్‌సభ స్పీకర్‌ సుమిత్రా మహాజన్‌తో వైసీపీ ఎంపీలు  సమావేశం అవుతున్నారు. ఏపీకి ప్రత్యేక హోదా కోరుతూ ఏప్రిల్‌6న వైసీపీ ఎంపీలు రాజీనా చేశారు. స్పీకర్‌ఫార్మాట్‌లో రాజీనామా చేసిన వైసీపీ ఎంపీలను వివరణ ఇవ్వాల్సిందిగా స్పీకర్‌ లేఖరాశారు. సాయంత్రం 5 గంటలకు స్పీకర్‌ చాంబర్‌లో ఎంపీలు మేకపాటి రాజమోహన్‌రెడ్డి, వైవీసుబ్బారెడ్డి, వరప్రసాద్‌, మిథున్‌రెడ్డి, అవినాశ్‌రెడ్డిఎంపీల  వివరణ అనంతరం రాజీనామాలపై స్పీకర్‌ సుమిత్రా మహాజన్‌ నిర్ణయం తీసుకోనున్నారు. 

 

11:42 - April 30, 2018

విశాఖపట్నం : ఏపీ ముఖ్యమంత్రి చంద్రబాబుపై వైసీపీ ఎమ్మెల్యే రోజా తీవ్రస్థాయిలో మండిపడ్డారు. ఎన్నికల కోసం చంద్రబాబు దీక్షల పేరుతో కొత్త డ్రామాకు తెరలేపారని విమర్శించారు. నాలుగేళ్లుగా చంద్రబాబు ప్రత్యేకహోదాపై ఎందుకు మాట్లాడలేదని ఆమె ప్రశ్నించారు. టీడీపీ ఎంపీలతో రాజీనామా చేస్తే కేంద్రం ప్రత్యేకహోదా ఇస్తుందని చెప్పారు. చంద్రబాబుకు ఏమాత్రం చిత్తశుద్ది ఉన్నా వెంటనే తమ ఎంపీలతో రాజీనామా చేయించాలని ఆమె డిమాండ్‌ చేశారు. విశాఖలో వైసీపీ చేపట్టిన వంచన వ్యతిరేక దీక్షలో ఆమె పాల్గొన్నారు.

09:23 - April 30, 2018

విశాఖ : టీడీపీ అధినేత, సీఎం చంద్రబాబు నాయుడుపై వైసీపీ నేతలు తీవ్ర విమర్శలు చేశారు. ప్రత్యేక హోదా రాకుండా పోవటానికి మొదటి ముద్దాయి సీఎం చంద్రబాబు అని రెండవ ముద్దాయి ప్రధాని నరేంద్ర మోదీ అని విశాఖలో వంచన వ్యతిరేక దీక్షలో పాల్గొన్న వైసీపీ నేత భూమా కరుణాకర్ రెడ్డి ఆరోపించారు. ప్రత్యేక హోదా కోసం వైసీపీ పోరాడుతునే వుందనీ..పోరాటంలో భాగంగా ఆందోళన కార్యక్రమాలను టీడీపీ ప్రభుత్వం అడ్డుకుందనీ గుర్తు చేశారు. అలాగే ఇప్పుడు ప్రత్యేక హోదా క్రెడిట్ జగన్మోన్ రెడ్డికి వస్తుందని ప్రజల్లో జగన్ కు అభిమానం ఏర్పడుతున్నందుకే చంద్రబాబు తాను కూడా దీక్ష చేపట్టారని ఎద్దేవా చేశారు. ఏపీకి ప్రత్యేక హోదా ఇస్తానన్న కేంద్రం ప్రత్యేక ప్యాకేజీతో సరిపెట్టిన సందర్భంగా సీఎం చంద్రబాబు ఒప్పుకుని ఏపీ ప్రజలను మోసం చేసారని వైసీపీ నేత భూమా విమర్శించారు. నాలుగేళ్ళ నుండి ప్రత్యేక హోదా గురించి మాట్లాడని సీఎం చంద్రబాబు ఇప్పుడు ధర్మపోరాట దీక్ష చేపట్టటం రాజకీయ లబ్డి కోసమేనన్నారు. అంబటి రాంబాబు మాట్లాడుతు..బీజేపీ ఒక సిద్ధాంత పరమైనదని కానీ ఇప్పుడు పచ్చి అబద్దాల కోరుగా బీజేపీ వ్యవహరిస్తోందని అంబటి రాంబాబు విమర్శించారు. 

Pages

Don't Miss

Subscribe to RSS - YCP MPs