YS jagan

12:53 - September 3, 2018

విశాఖపట్టణం : వైసీపీ అధినేత వైయస్ జగన్మోహన్‌రెడ్డి శ్రీకృష్ణాష్టమి వేడుకల్లో పాల్గొన్నారు. విశాఖపట్నం జిల్లాలోని కొత్తపెంట జరిగిన ఉట్ల ఉత్సవంలో చిన్నారులతో కలిసి జగన్‌ సందడి చేశారు. జగన్‌ పాదయాత్ర మాడుగుల నియోజకవర్గం చేరుకోవటంతో 3 వేల కిలోమీటర్స్ పాదయాత్ర పూర్తి అయింది.

కృష్ణా ష్టమిని పురస్కరించుకుని హైదరాబాద్‌లోని వైష్ణవాలయాలు భక్తులతో కిటకిటలాడుతున్నాయి. నగరంలోని కృష్ణుడి దేవాలయాలు సర్వంగసుందరంగ ముస్తాబయ్యాయి. కాచిగూడలోని శ్యామ్‌ సేవా మందిర్‌లో కృష్ణాష్టమి వేడుకలు ఘనంగా జరుగుతున్నాయి. దీనికి సంబంధించిన మరింత సమాచారం కోసం వీడియో క్లిక్ చేయండి. 

10:40 - September 3, 2018

హైదరాబాద్ : నేడు కృష్ణాష్టమి. దేశ వ్యాప్తంగా శ్రీ కృష్ణుడి ఆలయాల్లో ప్రత్యేక పూజలు నిర్వహిస్తున్నారు. వైష్ణవ ఆలయాలకు భక్తులు పోటెత్తుతున్నారు. ఈ సందర్భంగా ఆలయాలను అందంగా అలంకరించారు. ఆబిడ్స్ లోని ఇస్కాన్ టెంపుల్ లో భక్తులతో కిటకిటలాడుతోంది. ఈ సందర్భంగా ఆలయ నిర్వాహకులు పలు ఏర్పాట్లు చేశారు. సాయంత్రం ఉట్లోత్సవం జరుగనుంది. పలువురు చిన్నారులు శ్రీ కృష్ణుడి వేషధారణలో అలరించారు.
ఈ సందర్భంగా ఆలయ పూజారీతో టెన్ టివి ముచ్చటించింది. శ్రీ కృష్ణుడి పుట్టిన రోజు అని నీరు కూడా తీసుకోకుండా ఉపవాసం చేస్తుంటారని పేర్కొన్నారు. భక్తులు తయారు చేసిన ప్రసాదాలను వేలం వేయడం జరుగుతోందని, మంగళవారం వ్యాసపూజ ఉంటుందని ఆలయంలో నిర్వహించే కార్యక్రమాల్లో భక్తులు అధిక సంఖ్యలో పాల్గొనాలని పేర్కొన్నారు. సోమ, మంగళవారాల్లో మొత్తంగా 50-60వేల మంది భక్తులు దర్శించుకొనే అవకాశం ఉందన్నారు.

కరీంనగర్ లోని పలు ఆలయాల్లో ప్రత్యేక పూజలు నిర్వహిస్తున్నారు. మహిళలు పెద్ద సంఖ్యలో ఆలయాలకు తరలివెళుతున్నారు. అటుకులు..పాయసాలను నైవేద్యం సమర్పించారు. యాదవులు ప్రత్యేక కార్యక్రమాలు నిర్వహిస్తున్నారు. వేములవాడలో ఆలయంలో ప్రత్యేక పూజలు నిర్వహించారు. 

 

06:44 - August 29, 2018

నెల్లూరు : మాజీ మంత్రి ఆనం రామనారాయణరెడ్డి ఎట్టకేలకు వైసీపీలో చేరుతున్నట్లు ప్రకటించారు. భవిష్యత్ రాజకీయాలను దృష్టిలో పెట్టుకుని కార్యకర్తల అభీష్టం మేరకు వైసీపీలో చేరుతున్నట్లు స్పష్టం చేశారు. సెప్టెంబర్ 2న విశాఖ జిల్లా అనకాపల్లి నియోజకవర్గం చోడవరంలో జగన్ సమక్షంలో వైసీపీలో చేరి జగన్ నాయకత్వాన్ని బలపరుస్తామన్నారు. వచ్చే ఎన్నికల్లో వైసీపీ అధిష్టానం సూచించిన చోటు నుంచే పోటీ చేస్తానన్నారు ఆనం రామనారాయణ రెడ్డి.

ఇప్పటికే మాజీ ఎంపీ మేకపాటి రాజమోహన్ రెడ్డితో భేటీ అయిన ఆనం.. వైసీపీలో చేరికపై చర్చించారు. నెల్లూరు సిటీ ఎమ్మెల్యే అనీల్ కుమార్ యాదవ్, రూరల్ ఎమ్మెల్యే కోటంరెడ్డి శ్రీధర్ రెడ్డి, సర్వేపల్లి ఎమ్మెల్యే కాకాణి గోవర్ధన్ రెడ్డిలతో చర్చించి.. తనతో ఎవరెవరు వచ్చేది వివరించారు. కాగా.. ఆనంతో .. ఎవరెవరు వెళ్తారన్నది ఆసక్తిగా మారింది. తన అన్న కుమారులు ఆనం రంగమయూర్ రెడ్డి, ఏసీ సుబ్బారెడ్డి ఆనం రాంనారాయణరెడ్డితో వెళ్లే పరిస్థితి కనిపించడం లేదు. ఏసీ సుబ్బా రెడ్డి జనసేన వైపు చూస్తున్నట్టు సమాచారం. అలాగే రాంనారాయణరెడ్డి తమ్ముడు ఆనం విజయకుమార్ రెడ్డి ఇప్పటికే వైసీపిలో ఉండగా.. మరో సోదరుడు ఆనం జయకుమార్ రెడ్డి టీడీపీలో ఉన్నారు. అటు టీడీపీ జిల్లా అధిష్ఠానం కూడా ఆనం వెంట వెళ్లే వారిని అడ్డుకుంటోంది.

దివంగత సీఎం వైఎస్ రాజశేఖర్‌ రెడ్డి జయంతి రోజున ఆనం వైసీపీలో చేరతారన్న ప్రచారం గతంలో జరిగింది. కానీ ఆనం వైసీపీ అధినేత ముందుంచిన డిమాండ్ల వల్లే ఆలస్యం అయినట్లు తెలుస్తోంది. ఆత్మకూరు నియోజకవర్గ టికెట్‌, మంత్రి పదవితోపాటు.. నెల్లూరు మేయర్ అభ్యర్థి ఎంపికలో కూడా తన ప్రాధాన్యం ఉండాలన్న డిమాండ్లు పెట్టినట్లు సమాచారం. దీనికి వైఎస్‌ జగన్‌ స్పష్టమైన హామీ ఇవ్వలేదని తెలుస్తోంది. కాగా.. ఇటీవల హైదరాబాద్‌లోని లోటస్ పాండ్‌లో వైసీపీ నేతలు బాలినేని, సజ్జల రామ కృష్ణారెడ్డితో కలిసి ఆనం సుమారు గంటసేపు జగన్‌తో చర్చించాకే ఆనం చేరికపై స్పష్టత వచ్చింది. క్యాడర్‌తోపాటు.. అనుచరగణంతో వైసీపీలో చేరేందుకు సన్నద్ధమవుతున్నారు ఆనం. వచ్చే ఎన్నికల్లో వెంకటగిరి లేదా.. ఆత్మకూరు నుంచి పోటీ చేసే అవకాశం ఉన్నట్లు తెలుస్తోంది . మొత్తానికి ఆనం రాకతో జిల్లాలో వైసీపీ మరింత బలం పుంజుకుంటుందని రాజకీయ వర్గాలు భావిస్తున్నాయి. 

21:01 - August 25, 2018

హైదరాబాద్ : వైసీపీ అధినేత వైఎస్‌ జగన్‌ను మాజీ డీజీపీ సాంబశివరావు కలిశారు. రాంబిల్లి మండలం హరిపురంలో జగన్‌ను సాంబశివరావు కలిశారు. సాంబశివరావు పార్టీలో చేరుతున్నట్లు వైసీపీ నేత విజయసాయిరెడ్డి ప్రకటించారు. సాంబశివరావు చేరికతో వైసీపీకి అదనపు బలం వచ్చిందని చెప్పారు.గతంలో సాంబశివరావు ఏపీ డీజీపీగా..ఏపీఎస్‌ ఆర్టీసీ చైర్మన్‌గా పనిచేశారు. విజయసాయిరెడ్డి వ్యాఖ్యలను సాంబశివరావు ఖండించారు. ఈమేరకు ఆయన టెన్ టివితో ఫోన్ లో మాట్లాడారు. రాజకీయాల్లోకి రావడం లేదని స్పష్టం చేశారు.  

 

20:49 - August 25, 2018

విశాఖ : వైసీపీ అధినేత వైఎస్‌ జగన్‌ను మాజీ డీజీపీ సాంబశివరావు కలిశారు. సాంబశివరావు పార్టీలో చేరుతున్నట్లు వైసీపీ నేత విజయసాయిరెడ్డి ప్రకటించారు. సాంబశివరావు చేరికతో వైసీపీకి అదనపు బలం వచ్చిందని చెప్పారు. రాంబిల్లి మండలం హరిపురంలో జగన్‌ను సాంబశివరావు కలిశారు. గతంలో సాంబశివరావు ఏపీ డీజీపీగా..ఏపీఎస్‌ ఆర్టీసీ చైర్మన్‌గా పనిచేశారు. 

 

19:42 - August 23, 2018

2019 ఎన్నికల వేడి రాజుకుంది. రాష్ట్ర విభజన నేపథ్యంలో విభజన హామీల అమలు..రాష్ట్ర అభివృద్ధిని దృష్టిలో పెట్టుకున్న టీడీపీ పార్టీ బీజేపీతో పొత్తు పెట్టుకుంది. కానీ ఏపీ విషయంలో బీజేపీ అవలంభించిన తీరును సవాల్ చేస్తు ఎన్డీయే ప్రభుత్వం నుండి టీడీపీ విడిపోయింది. ఈ క్రమంలో కాంగ్రెస్ పార్టీయే రాష్ట్ర విభజనకు కారణం కాబట్టి ఏపీని అభివృద్ధి చేసేందుకు..విభజన హామీలు కాంగ్రెస్ తోనే సాధ్యం అని కాంగ్రెస్ మరోసారి అధికారంలోకి వచ్చేందుకు..రాష్ట్ర విభజన తరువాత ఏపీలోనే కాక దేశ వ్యాప్తంగా కాంగ్రెస్ ఘోర పరాజయం పాలయిన విషయం తెలిసిందే. ఈ నేపథ్యంలో ఏపీలో మళ్లీ తిరిగి పార్టీని నిలబెట్టేందుకు కాంగ్రెస్ అధికారంలోకి వస్తే ఏపీకి ప్రత్యేక హోదాతో పాటు విభజన హామీలన్నీ నెరవేరుస్తామని పదే పదే కాంగ్రెస్ చెబుతోంది. అలాగే ఎన్డీయే ప్రభుత్వంపై టీడీపీ ప్రవేశ పెట్టిన అవిశ్వాసానాకి కాంగ్రెస్ మద్ధతునిచ్చింది. ఈ నేపథ్యంలో టీడీపీ కాంగ్రెస్ తో 2019 ఎన్నికల్లో పొత్తు పెట్టుకుంటుందనే వార్తలు ఇటీవల హల్ చల్ చేస్తున్నాయి. కానీ ఆయా పార్టీల అధిష్టానం మాత్రం ఎటువంటి స్పష్టతా ఇవ్వలేదు. మరి ఈ నేపథ్యంలో 2019 ఎన్నికల్లో ఏ పార్టీ ఏ పార్టీతో పొత్తు పెట్టుకుంటుంది? ఎవరి దారెటు? అనే అంశంపై 10టీవీ చర్చా కార్యక్రమం. ఈ చర్చలో ప్రముఖ రాజకీయ విశ్లేషకులు తెలకపల్లి రవి, బీజేపీ ఏపీ ఉపాధ్యక్షులు రఘునాథ బాబు, టీడీపీ శాసన సభ్యులు రామకృష్ణ, జీవీ రెడ్డి పాల్గొన్నారు. 

17:03 - August 22, 2018

అమరావతి : వైసీపీ అధ్యక్షుడు జగన్మోహన్‌ రెడ్డిపై మంత్రి సోమిరెడ్డి చంద్రమోహన్‌ రెడ్డి విరుచుకుపడ్డారు. జగన్‌కు సిద్ధాంతాలు తెలియవని...స్వార్థ ప్రయోజనాలే ఆయనకు ముఖ్యమని ఆగ్రహం వ్యక్తం చేశారు. ప్రధాని మోదీతో అంతరంగికంగా ఎం చర్చలు జరిపారో జగన్‌ వివరించాలన్నారు. జగన్‌ ఇప్పటికైనా పెళ్లిళ్ల మాట పక్కన పెట్టి రాష్ట్ర ప్రయోజనాల గురించి ఆలోచించాలన్నారు. జగన్ పెళ్లిళ్ల మాట పక్కన పెట్టి ప్రధాని మోదీతో నీ అక్రమ సంబంధం మాటేమిటో చెప్పాలని డిమాండ్ చేశారు. జగన్ కు తన స్వార్థ ప్రయోజనాలే తప్ప రాష్ట్ర ప్రయోజనాలు పట్టవని మంత్రి సోమిరెడ్డి ఎద్దేవా చేశారు. కాగా గత కొద్ది రోజుల క్రితం జగన్ మాట్లాడుతు..సీఎం చంద్రబాబు నాయుడు బీజేపీతో పెళ్లి చేసుకుని విడాకులిచ్చేసాడనీ..తరువాత జవన్ కళ్యాణ్ తో పెళ్లి చేసుకుని విడాకులిచ్చేశాడని పలు పార్టీలతో పెళ్లిళ్లు చేసుకోవటం విడాకులిచ్చేయటం చంద్రబాబుకు అలవాటేనని ఎద్దేవా చేశారు. ఈ నేపథ్యంతో మంత్రి సోమిరెడ్డి మాట్లాడుతు..జగన్ పెళ్లిళ్ల మాట పక్కన పెట్టి ప్రధాని మోదీతో నీ అక్రమ సంబంధం మాటేమిటో చెప్పాలని డిమాండ్ చేశారు.

 

07:01 - August 14, 2018

విశాఖపట్నం : వైసీపీ అధినేత వైఎస్‌ జగన్‌మోహన్‌రెడ్డి చేపట్టిన ప్రజాసంకల్ప పాదయాత్ర నేడు విశాఖ జిల్లాలోకి ప్రవేశించనుంది. దాదాపు 50 రోజులపాటు విశాఖ జిల్లాలో జగన్‌ పాదయాత్ర నిర్వహించనున్నారు. 400 కిలోమీటర్ల మేర జగన్‌ జిల్లాలో నడువనున్నారు.జగన్‌ పాదయాత్రకు సంబంధించిన ఏర్పాట్లన్నీ జిల్లా పార్టీనేతలు పూర్తి చేశారు. వైసీపీ ఎంపీ విజయసాయిరెడ్డి ఏర్పాట్లను పర్యవేక్షించారు. నర్సీపట్నం నియోజకవర్గంలోని నాతవరం మండలం గన్నవరం మెట్టు దగ్గర జగన్‌ విశాఖ జిల్లాలోకి ప్రవేశించనున్నారు. జగన్‌కు ఘన స్వాగతం పలికేందుకు పార్టీ నేతలు భారీ ఏర్పాట్లు చేశారు. జిల్లాలోని ఏజెన్సీప్రాంతం మినహా మిగిలిన ప్రాంతాల్లో ఈ పాదయాత్ర కొనసాగుతుంది.

21:19 - August 12, 2018

విజయవాడ : కేసుల నుండి తప్పించుకునేందుకే జగన్‌ పాదయాత్రల పేరుతో జనం మధ్య తిరుగుతున్నారని మంత్రి ప్రత్తిపాటి పుల్లారావు ఆరోపించారు. జగన్‌పై ఈడీ కేసులు నమోదు చేస్తుంటే దానిని కూడా వైసీపీ రాజకీయం చేస్తుందన్నారు. విజయవాడ కృష్ణలంక పరిధిలోని నెహ్రూనగర్‌లో ఓ రేషన్‌ దుకాణాన్ని మంత్రి ఆకస్మికంగా తనిఖీ చేశారు. రేషన్‌ సరఫరాలో డీలర్లు నిర్లక్ష్యంగా వ్యవహరిస్తే చర్యలు తప్పవని హెచ్చరించారు.

 

18:08 - July 30, 2018

హైదరాబాద్ : కాపుల రిజర్వేషన్‌పై చంద్రబాబుకు సరైన అవగాహన లేదని వైసీపీ నేత అంబటి రాంబాబు అన్నారు. జగన్‌ వ్యాఖ్యలను వక్రీకరించి రాజకీయ లబ్ధిపొందాలని చూస్తున్నారని మండిపడ్డారు. కాపులకు అన్యాయం చేయాలనుకున్న వారే జగన్‌ను కాపు వ్యతిరేకింగా ప్రచారం చేస్తున్నారని ఆగ్రహం వ్యక్తం చేశారు. కాపులకు అన్యాయం చేస్తుంది చంద్రబాబు నాయుడేనని అంబటి రాంబాబు ఆరోపించారు.

Pages

Don't Miss

Subscribe to RSS - YS jagan