Ys Jagan Padayatra

21:26 - June 12, 2018

తూర్పుగోదావరి : ముఖ్యమంత్రి చంద్రబాబు నేతృత్వంలో రాష్ట్రంలో అవినీతి, అధర్మపాలన సాగుతోందని వైసీపీ అధినేత జగన్‌ ఆరోపించారు. చంద్రబాబు పాలనకు చరమగీతం పాడకపోతే రాష్ట్రం అన్ని రంగాల్లో మరింత వెనుకుబడిపోయే ప్రమాదం ఉందని జగన్‌ ఆందోళన వ్యక్తం చేశారు. వచ్చే ఎన్నికల్లో వైసీపీ అధికారంలోకి వస్తే నీతి, నిజాయితీ పాలన అందిస్తుందని హామీ ఇచ్చారు. రాష్ట్రంలో ఇసుక మాఫియా రాజ్యమేలుతోందని, పెదబాబు, చినబాబు సహా ఎమ్మెల్యేలు, ఎంపీలు, చివరకు అధికారులు కూడా దోచుకుతింటున్నారని తూర్పుగోదావరి ప్రజాసంకల్ప యాత్రలో జగన్‌ ఆరోపించారు.

తూర్పుగోదావరికి జగన్ యాత్ర..
వైసీపీ అధినేత జగన్‌ ప్రజాసంకల్ప యాత్ర తూర్పుగోదావరి జిల్లాలో ప్రవేశించింది. పశ్చిమగోదావరి జిల్లా కొవ్వూరులో యాత్ర పూర్తి చేసుకుని రైల్‌ కమ్‌ రోడ్‌ బ్రిడ్జి మీదుగా చారిత్రక రాజమహేంద్రవరంలోకి ప్రవేశించారు. తూర్పుగోదావరి జిల్లాలో ప్రవేశిస్తున్న జగన్‌కు వైసీపీ శ్రేణులు భారీ స్వాగతం పలికాయి. గోదావరి నదిలో కూడా పడవలతో జగన్‌కు స్వాగతం ప్రజలు పలికారు. 2003లో వైఎస్‌ఆర్‌ పాదయాత్రను తలపించే రీతిలో వంతెన పొడవునా ప్రజలు, పార్టీ శ్రేణులు బారులు తీరారు. రైల్‌ కమ్‌ రోడ్‌ బ్రిడ్జి పొడవునా వైసీపీ జెండాలు రెపరెపలాడాయి. గుమ్మడికాయ హారతులతో మహిళలు, వేదపండితులు జగన్‌కు స్వాగతం పలికారు.

మాఫియా రాజ్యమేలుతోంది : జగన్
రాజమండ్రి కోటిపల్లి బస్టాండ్‌ వద్ద జరిగిన బహిరంగ సభలో ప్రసంగించిన జగన్‌... ముఖ్యమంత్రి చంద్రబాబు పాలనపై దుమ్మెత్తిపోశారు. రాష్ట్రంలో ఇసుక మాఫియా రాజ్యమేలుతోందని ఆరోపించారు. దీనిలో పెదబాబు, చినబాబుకు వాటాలున్నాయన్నారు. రాజమండ్రి రూరల్‌ ఎమ్మెల్యే బుచ్చయ్యచౌదరి, ఎంపీ ముళీమోహన్‌...ఇసుకు మాఫియాగామారి పెదబాబు, చినబాబుకు ముడుపులు చెల్లిస్తున్నారని జగన్‌ ఆరోపించారు. చంద్రబాబు రాక్షస, దుర్మార్గ పాలన సాగిస్తున్నారని ఆరోపించిన జగన్‌.. వచ్చే ఎన్నికల్లో టీడీపీకి బుద్ధి చెప్పాలని ఓటర్లకు పిలుపు ఇచ్చారు. 2019 ఎన్నికల్లో వైసీపీ అధికారంలోకి వస్తే మూడు లక్షల రూపాయల వరకు గృహ రుణాలు మాఫీ చేస్తుందని జగన్‌ హామీ ఇచ్చారు. 

17:36 - June 12, 2018

తూర్పుగోదావరి : పశ్చిమగోదావరి, తూర్పుగోదావరి జిల్లాలను కలిపే గోదావరి రోడ్ కమ్ రైల్వే బ్రిడ్జి మీదుగా జగన్ పాదయాత్ర తూర్పుగోదావరి జిల్లాలోకి ప్రవేశించింది. ఈ క్రమంలో కోటిపల్లి బస్టాండ్ వద్ద భారీ బహిరంగసభలో జగన్ మాట్లాడుతు..సీఎం చంద్రబాబు నాయుడు పాలనపై తీవ్రస్థాయిలో విరుచుకుపడ్డారు. చంద్రబాబు నాయుడు ప్రభుత్వం పూర్తిగా అవినీతిలో కూరుకుపోయందని ఆరోపించారు. దివంగనేత రాజశేఖర్ రెడ్డి పాలన వున్న సమయంలో పోలవరం ప్రాజెక్టు 70 శాతం పూర్తయిందనీ..కానీ సీఎం చంద్రబాబు పోలవరం ప్రాజెక్టుకు సంబంధించి అంచనాలను పెంచుకుంటు పోతున్నారని జగన్ విమర్శించారు. ఇప్పటి వరకూ రూ.13,500 కోట్లు దివంగత నేత రాజశేఖర్ రెడ్డి హయాంలో ఖర్చు పెట్టారన్నారు. పోలవరం పనులు నత్తనడకన నడుస్తున్నాయని..పునాదులు కూడా దాటని పరిస్థితిలో పోలవరం ప్రాజెక్టు వుందని జగన్ ఆరోపించారు. గోదావరి పుష్కరాల పేరుతో చంద్రబాబు రూ.2వేల కోట్ల రూపాయలను దుర్వినియోగం చేశారని ఆరోపించారు. వడ్డి వీరభద్రరావు గుండు గీయించుకుని నిరసన తెలిపారని జగన్ గుర్తు చేశారు. ప్రభుత్వం కట్టి ఇచ్చే ఇళ్లను తీసుకోమని ప్రజలకు సూచించారు. వచ్చే ఎన్నికల్లో వైసీపీ అధికారంలోకి వచ్చిన తరువాత ఆ రుణాన్ని పూర్తిగా మాఫీ చేస్తానని జగన్ హామీ ఇచ్చారు. 

09:33 - April 25, 2018

విజయవాడ : బీజేపీకి రాజీనామా చేసిన వైసీపీలో చేరాలని భావించిన కన్నా లక్ష్మీ నారాయణ అస్వస్థతకు గురయ్యారు. హై బీపీతో బాధ పడుతున్న ఆయన్ను ప్రైవేటు ఆసుపత్రికి తరలించి చికిత్స అందిస్తున్నారు. రెండు రోజుల పాటు విశ్రాంతి తీసుకోవాలని వైద్యులు సూచించారు. దీనితో వైసీపీలో చేరిక తాత్కాలికంగా బ్రేక్ పడింది. కొంతకాలంగా బీజేపీ కోర్ కమిటీగా పనిచేశారు. బీజేపీలో ప్రాధాన్యత లేదని భావిస్తూ ఆయన వైసీపీలో చేరాలని భావించినట్లు తెలుస్తోంది. 

07:43 - April 25, 2018

విజయవాడ : వైసీపీలోకి వలసల జోష్‌ పెరిగింది. సామాజిక వర్గాల వారీగా పేరున్న నేతలు... వైసీపీ వైపు చూస్తున్నారు. మరోవైపు ఎన్నికల సమయానికి పార్టీని బలోపేతం చేసుకోవాలని వైసీపీ అధినేత జగన్‌ భావిస్తున్నారు. రానున్న రోజుల్లో బలమైన నాయకులకు రెడ్‌కార్పెట్‌ పరచాలని వైసీపీ డిసైడ్‌ అయ్యింది. రానున్న రోజుల్లో వైసీపీలోకి నేతలు భారీగా వలస వెళ్లే పరిస్థితులు కనిపిస్తున్నాయి. ఇతర పార్టీల్లోని పలువురు కీలక నేతలు వైసీపీ వైపు చూస్తున్నారు. కృష్ణా జిల్లాలో జగన్‌ పాదయాత్ర ముసిగేలోగా... వైసీపీ కండువా కప్పుకోవాలని యోచిస్తున్నారు. గుంటూరు జిల్లాలో బలమైన నేత కన్నా లక్ష్మీనారాయణ. ప్రస్తుతం ఆయన బీజేపీలో కొనసాగుతున్నారు. గతంలో కాంగ్రెస్‌లో మంత్రిగా కూడా పనిచేశారు. బీజేపీలో రాష్ట్ర అధ్యక్షపదవి వస్తుందని కన్నా ఆశలు పెట్టుకున్నారు. కానీ ఆయనకు ఆ పదవి దక్కే అవకాశాలు కనిపించడం లేదు. బీజేపీలో ఆయనకు నిరాశ ఎదురుకావడంతో వైసీపీలో చేరాలన్న నిర్ణయానికి వచ్చారు. ఇవాళ గుడివాడలో జగన్‌ సమక్షంలో ఆయన వైసీపీ చేరనున్నారు. ఇందుకు సంబంధించిన ఏర్పాట్లన్నీ పూర్తయ్యాయి.

కర్నూలు జిల్లాకు చెందిన కాటసాని రాంభూపాల్‌రెడ్డి కూడా వైసీపీలో చేరేందుకు సిద్ధమయ్యారు. ఆయన ప్రస్తుతం బీజేపీలో కొనసాగుతున్నారు. గతంలో పాణ్యం ఎమ్మెల్యేగా కూడా పనిచేశారు. అయితే బీజేపీ నేతలు తమను కలుపుకుపోవడం లేదని కాటసాని కొన్నాళ్లుగా నాయకత్వంపై అసంతృప్తితో ఉన్నారు. అధిష్టానంలో ఎలాంటి మార్పు లేకపోవడంతో ఆయన బీజేపీకి గుడ్‌బై చెప్పాలని డిసైడ్‌ అయ్యారు. ఈనెల 29న జగన్‌ను కలిసి వైసీపీలో చేరాలని నిర్ణయం తీసుకున్నారు. అయితే వైసీపీలో ఆయన ఎక్కడి నుంచి పోటీ చేస్తారన్నదానిపై స్పష్టత రాలేదు. ఇక మాజీమంత్రి వసంత నాగేశ్వరరావు కుమారుడు వసంత కృష్ణ ప్రసాద్‌ కూడా వైసీపీలో చేరేందుకు రంగం సిద్ధం చేసుకున్నారు. ఈనెల 27న గుడివాడలో జగన్‌ సమక్షంలో వైసీపీ కండువా కప్పుకోనున్నారు. కృష్ణ ప్రసాద్‌కు వైసీపీ అధినేత జగన్‌... మైలవరం సీటు ఖరారు చేసినట్టు తెలుస్తోంది. గుంటూరు జిల్లాలోని టీడీపీ కీలక నేత ఒకరు త్వరలో వైసీపీలో చేరనున్నట్టు తెలుస్తోంది. వైసీపీలోని సీనియర్లు ఆయనతో చర్చలు జరుపుతున్నట్టు తెలుస్తోంది. వీళ్లేకాదు... రానున్న రోజుల్లో మరికొంతమంది వైసీపీలో చేరే అవకాశాలు కనిపిస్తున్నాయి.

07:32 - April 13, 2018

ఏపీ రాష్ట్రంలో ప్రత్యేక హోదా ఇంకా సెగలు పుట్టిస్తోంది. హోదా ఇవ్వాల్సిందేనంటూ రాజకీయ పార్టీలు ఆందోళనలో పాల్గొంటున్నాయి. కానీ కేంద్ర ప్రభుత్వం మాత్రం ఎలాంటి స్పందన వ్యక్తం చేయడం లేదు. ఏపీ ప్రభుత్వం కేంద్రంపై పలు విమర్శలు గుప్పిస్తోంది. ఏపీ రాష్ట్రంలో జరుగుతున్న రాజకీయ పరిణామాలపై టెన్ టివి ప్రత్యేక చర్చను చేపట్టింది. ఈ చర్చలో ప్రముఖ రాజకీయ విశ్లేషకులు ప్రొ.నాగేశ్వర్ పాల్గొని అభిప్రాయాలు వ్యక్తం చేశారు.

అధికారం కావాలనే కాంక్ష అక్కడి పార్టీల్లో ఉందని..ప్రజలను ఏదీ ఆకర్షిస్తుంది ? తదితర విషయాలపై రాజకీయ పార్టీలు ఆలోచిస్తున్నాయన్నారు. తెలంగాణ సెంటిమెంట్ ను బలంగా ఉపయోగపడుతుందని అనుకున్న పార్టీలు ఆ దిశగా వ్యూహాలు రచించాయన్నారు. ప్రస్తుతం హోదాపై మాట్లాడుతున్న పార్టీలు నాలుగేళ్లు ఎందుకు మాట్లాడలేదు ? అని ప్రశ్నించారు. ఇక్కడ వైసీపీ..టిడిపి రెండు పార్టీలు బీజేపీతో మితృత్వం మెంటేన్ చేశాయని, రాష్ట్రపతి, ఉప రాష్ట్రపతి ఎన్నికల్లో మద్దతు కూడా ఇచ్చాయని గుర్తు చేశారు. ప్రత్యేక హోదా ఇవ్వమని చెప్పిన తరువాత కూడా మద్దతినిచ్చారని పేర్కొన్నారు. ఇప్పుడు ప్రత్యేక ప్యాకేజీ వద్దు..హోదా ఇవ్వాలని డిమాండ్ చేస్తున్నారని తెలిపారు.

హోదా అన్న వారిపై ఏపీ ప్రభుత్వం కేసులు పెట్టిందని, కానీ ఇదే ప్రభుత్వం హోదా కావాలంటూ ప్రజాప్రతినిధులు రోడ్లపైకి వస్తున్నారన్నారు. టిడిపికి కోరిక కలిగినప్పుడే అందరికీ కోరిక కలగాలనే విధంగా వ్యవహరిస్తోందన్నారు. హోదా ముగిసిన అధ్యాయం..అంతకన్నా గొప్పది ప్యాకేజీ అంటూ టిడిపి సవాలక్ష మాటలు చెప్పిందని గుర్తు చేశారు. వామపక్షాలిచ్చిన బంద్ విజయవంతం కాగానే టర్న్ తీసుకుందని తెలిపారు.

ఇందులో జనసేన అధ్యక్షుడు పవన్ కళ్యాణ్ కూడా స్పందిస్తున్నారని కానీ నరేంద్ర మోడీ దుర్మార్గం..అన్యాయం..నమ్మక ద్రోహం చేశాడని అనడం లేదన్నారు. కేంద్రం..బిజెపి అంటూ విమర్శలు గుప్పిస్తారని..ఎక్కడో ఒకసారి మోడీ అంటారని తెలిపారు. కానీ ఇక్కడ గుర్తుంచుకోవాల్సింది....ప్రామీస్ చేసింది మోడీ అని తెలిపారు. ఎక్కడైనా నరేంద్ర మోడీ ద్రోహం చేశాడని పవన్ కళ్యాణ్ అన్నాడా ? అని ప్రశ్నించారు.

కర్నాటకలో ఎన్నికల్లో బీజేపీకి వ్యతిరేకంగా ఓటు వేయాలని జగన్ ఎందుకు పిలుపు ఇవ్వడని సూటిగా ప్రశ్నించారు. వైసీపీకి చంద్రబాబు నాయుడు మాత్రమే శత్రువు..బీజేపీ మాత్రం శత్రువు కాదన్నారు. స్వాతంత్రం ఇవ్వనని బ్రిటీష్...తెలంగాణ ఇవ్వదని కాంగ్రెస్...చెప్పిందని మరి ఎందుకు పోరాడారు ? ఏం చేస్తే హోదా వస్తుందో చెప్పాలని సూచించారు. ప్రజాస్వామ్యంలో ఒత్తిడి పెడుతుంటే సాధ్యమయ్యే అవకాశం ఉంటుందన్నారు. ప్రభుత్వం అధికారంలోకి రాకపోయినా వచ్చే ప్రభుత్వమైనా ఇవ్వాల్సి ఉంటుందని,

కర్నాటక రాష్ట్రంలో హంగ్ ఏర్పడితే మాత్రం జనతాదళ్ సెక్యూలర్ కాంగ్రెస్...బీజేపీతో కలిసే అవకాశం ఉంటుందని..ఇక్కడ కేసీఆర్ ఆశించింది జరగదు కదా ? అని తెలిపారు. ఆంధ్రా జేఏసీగా ఎందుకు ఏర్పాటు కాదు ? అని తెలిపారు. ఇంకా మరింత విశ్లేషణ కోసం తెలుసుకోవాలంటే వీడియో క్లిక్ చేయండి. 

06:38 - April 11, 2018

గుంటూరు : ఏపీ ముఖ్యమంత్రి చంద్రబాబు... చేనేత కార్మికులను నిలువునా ముంచారని వైసీపీ అధినేత జగన్‌ విమర్శించారు. నేతన్నలకు ఇచ్చిన ఏ ఒక్క హామీని చంద్రబాబు అమలు చేయలేదన్నారు. చేనేతలకు బ్యాంకులు రుణాలు ఇవ్వకపోవడంతో ఆత్మహత్యలకు పాల్పడుతున్నారని ఆవేదన వ్యక్తం చేశారు. తాము అధికారంలోకి వస్తే చేనేత కార్మికులను అన్నివిధాలా ఆదుకుంటామన్నారు. నేతన్నలకు రెండువేల రూపాయల పెన్షన్‌ ఇస్తామన్నారు. అందరికీ ఇళ్లు కట్టిస్తామని హామీనిచ్చారు.

 

21:48 - April 10, 2018
21:46 - April 10, 2018

ఢిల్లీ : హస్తినలో వైసీపీ ఎంపీల ఆమరణ నిరహార దీక్ష ఐదోరోజూ కొనసాగుతోంది. మిథున్‌రెడ్డి, అవినాశ్‌ రెడ్డిని పరీక్షించిన డాక్టర్లు షుగర్‌ లెవల్స్‌ పడిపోతున్నాయని .. వెంటనే దీక్ష విరమించుకోవాలని సూచించారు. దీక్ష చేస్తున్న ఎంపీలను వైఎస్‌ జగన్‌ వీడియో కాన్ఫరెన్స్‌ ద్వారా పరామర్శించారు. మరోవైపు ఎంపీలు ప్రాణాలకు తెగించి దీక్ష చేస్తున్నా.. కేంద్రప్రభుత్వానికి చీమకుట్టినట్లైనా లేదని వైసీపీ నేతలు మండిపడ్డారు. కేంద్రం తీరును నిరసిస్తూ.. రేపు ఆంధ్రప్రదేశ్‌ వ్యాప్తంగా రైల్‌ రోకోలు నిర్వహించాలని పిలుపునిచ్చారు. 

ఏపీకి ప్రత్యేక హోదా ఇవ్వాలంటూ ఢిల్లీలో వైసీపీ ఎంపీలు చేపట్టిన ఆమరణ నిరహార దీక్ష మంగళవారం ఐదోరోజుకు చేరింది. ఐదు రోజులుగా దీక్షలో ఉండటంతో ఎంపీలు మిథున్‌రెడ్డి, అవినాశ్‌రెడ్డి బాగా నీరసించిపోయారు. దీంతో వారికి డాక్టర్లు వైద్య పరీక్షలు నిర్వహించారు. బ్లడ్‌ షుగర్‌ లెవల్స్‌ పడిపోతుండటం ఆందోళన కలిగిస్తోంది. అవినాశ్‌రెడ్డి బ్లడ్‌ షుగర్‌ లెవల్స్‌ 78కి పడిపోయింది. మిథున్‌రెడ్డి శరీరంలోనూ బ్లడ్‌ షుగర్‌ లెవల్స్‌ 80కి పడిపోయాయి. ఇద్దరు ఎంపీలూ నీరసంగా ఉన్నారని దీక్ష విరమించుకోవాలని డాక్టర్లు సూచించారు. 

నిరాహార దీక్ష చేస్తున్న ఎంపీలకు సర్వత్రా మద్దతు వెల్లువెత్తుతోంది. ఆమరణ దీక్షలో ఉన్న ఎంపీలను వైసీపీ అధ్యక్షుడు వైఎస్‌ జగన్‌ వీడియో కాన్ఫరెన్స్ ద్వారా పరామర్శించారు. మిథున్ రెడ్డి, అవినాష్ రెడ్డి ఆరోగ్య పరిస్థితులను అడిగి తెలుసుకున్నారు. ఆంధ్ర రాష్ట్రం వైసీపీ ఎంపీల దీక్షను చూసి గర్వపడుతుందని ఎంపీలను జగన్‌ అభినందించారు. 

వైసీపీ ఎంపీలు ప్రాణాలకు తెగించి దీక్ష చేస్తున్నా.. కేంద్రప్రభుత్వానికి చీమకుట్టినట్లైనా లేదని ఆ పార్టీ సీనియర్‌ నేత బొత్స సత్యనారాయణ అన్నారు. ఏపీ భారతదేశంలో అంతర్భాంగం కాదా అని ఆయన ప్రశ్నించారు. బీజేపీ, టీడీపీ ప్రభుత్వాలకు రోజులు దగ్గరపడ్డాయని ఆయన మండిపడ్డారు.     

కేంద్రం అనుసరిస్తున్న తీరును నిరసిస్తూ బుధవారం ఏపీ వ్యాప్తంగా రైలు రోకోలు నిర్వహించాలని వైసీపీ పిలుపునిచ్చింది. మరోవైపు.. వైసీపీ ఎంపీల దీక్షను టీడీపీ నేతలు అవహేళన చేయడంపై మాజీ ఎంపీ అనంత వెంకటరామిరెడ్డి ఆగ్రహం వ్యక్తం చేశారు. కేంద్ర ప్రభుత్వంపై 13సార్లు అవిశ్వాస తీర్మానం పెట్టినా లోక్‌సభలో చర్చకు రాలేదని.. ఇప్పటికైనా టీడీపీ ఎంపీలు రాజీనామా చేసి తమతో కలిసి రావాలని, అందరూ కలిసికట్టుగా పోరాడితే కేంద్రం దిగివస్తుందని వైసీపీ నేతలు అంటున్నారు. 

21:31 - April 10, 2018

గుంటూరు : ఈనెల 16వ తేదీ నుంచి నెలాఖరు వరకు రాష్ట్ర వ్యాప్తంగా సైకిల్ ర్యాలీలకు టీడీపీ నిర్ణయించింది. ఈనెల 30న తిరుపతి బహిరంగసభ తర్వాత జిల్లాల వారీ సభలకు టీడీపీ సమాయత్తం అవుతుంది. పార్టీ ముఖ్య నేతలు, అధికార ప్రతినిధులతో సీఎం చంద్రబాబు భేటీ అయ్యారు. మంత్రులు, ఎమ్మెల్యేలు, ఎమ్మెల్సీలు సహా పార్టీ నేతలు, కేడర్ అంతా ఉద్యమంలోకి దిగాలని చంద్రబాబు అన్నారు. మంత్రులు, ప్రజా ప్రతినిధులు, సీనియర్లంతా సైకిల్ ర్యాలీల్లో పాల్గొనాలని చంద్రబాబు ఆదేశించారు. ఉద్యమం చేస్తూనే రాష్ట్ర ప్రభుత్వం చేపట్టిన అభివృద్ధి..సంక్షేమ కార్యక్రమాలనూ ప్రజల్లోకి తీసుకెళ్లాలన్నారు. సీరియస్ వ్యవహారాల్లో కూడా కొందరు సీనియర్లు పట్టనట్టు వ్యవహరిస్తున్నారంటూ ఆగ్రహం వ్యక్తం చేశారు. ఇకపై నేతల పనితీరుపై రోజువారీ సమీక్షలుంటాయని చంద్రబాబు హెచ్చరించారు.

 

21:07 - April 10, 2018

రాష్ట్రానికి ప్రత్యేకహోదా, విభజన చట్టంలోని అంశాలకు సంబంధి అన్ని పార్టీలు పోరాటబాట పట్టాయి. ముఖ్యంగా ఉన్నటువంటి ప్రత్యేకహోదా సాధించాలనే కాంక్ష బలంగా ఉండటం పార్టీలన్నీ గుర్తించాయి. ఈ పరిస్థితుల్లో ఢిల్లీ కేంద్రంగా అటు టీడీపీ, ఇటు వైసీపీలు చేసేటటువంటి పోరాటం, రాష్ట్ర ప్రయోజనాలా, రాజకీయ ప్రయోజనాలా, ప్రత్యేకహోదా ఇవ్వాల్సిన కేంద్ర ప్రభుత్వాన్ని పన్నెత్తిమాట అనుకుండా ఉద్యమం చేస్తున్న పార్టీలను రాష్ట్ర ప్రజలు ఏవిధంగా అర్థం చేసుకుంటారు. రాబోయే ఎన్నికలకు ఎజెండాగా చేసుకుని ఆయా పార్టీలు పోరాటబాట పడుతున్నాయా? దీంట్లో అంతరార్థమేమిటీ ? 'ఎవరి ఎజెండా...వారిదే' అనే అంశంపై సీనియర్ జర్నలిస్టు ఎస్.వెంకట్రావ్ విశ్లేషణ చేశారు. ఈ సందర్భంగా ఆయన మాట్టాడుతూ ప్రజలు రాష్ట్ర ప్రయోజనాలు కావాలని కోరుకుంటున్నారని చెప్పారు. వామపక్షాలు ఇచ్చిన బంద్ పలుపు ప్రతిఫలించిందన్నారు. ప్రజలు స్వచ్ఛందంగా పాల్గొన్నారు. టీడీపీ, వైసీపీ రెండు పార్టీల వైఖరులు చూస్తే రాష్ట్ర ప్రయోజనాలకంటే, రాజకీయ ప్రయోజనాలకే అధిక ప్రాధాన్యత ఇచ్చినట్లు కనిపిస్తోందన్నారు. ఎన్నికలను దృష్టిలో పెట్టుకుని వైసీపీ, టీడీపీ హోదాపై ఆందోళన చేస్తున్నాయని విమర్శించారు. ఆలిండియా లెవల్ లో మోడీ గ్రాఫ్ పడిపోతుందన్నారు. మరిన్ని వివరాలను వీడియోలో చూద్దాం... 

 

Pages

Don't Miss

Subscribe to RSS - Ys Jagan Padayatra