Ys Jagan Praja Sankalpa Yatra

20:38 - August 18, 2018

విశాఖ : చంద్రబాబునాయుడు, అయ్యన్నపాత్రుడులు నర్సీపట్నం నియోజకవర్గ అభివృద్ధికి ఇచ్చిన హామీలు అమలు చేయడంలో విఫలమయ్యారని వైఎస్‌ జగన్‌ అన్నారు. విశాఖ జిల్లా నర్సీపట్నంలో ప్రజాసంకల్ప యాత్ర చేస్తున్న జగన్‌... చంద్రబాబు నాలుగేళ్ల పాలనలో ప్రజలకు ఏమీ చేయకపోయినా... భూములను దోచుకుంటున్నారని ఆగ్రహం వ్యక్తం చేశారు. నీరు-చెట్టు పేరుతో చెరువుల్లో తవ్వకాలు జరిపి మట్టితో పాటు... ప్రభుత్వ ధనాన్ని దోచుకుంటున్నారంటున్నారు. ప్రభుత్వం చేస్తున్న అన్యాయంతో గిరిజనులు అనేక ఇబ్బందులు ఎదుర్కొంటున్నారని.. చంద్రబాబు పాలన అంతా మోసం, అవినీతి, అన్యాయమే అన్నారు. 

 

18:50 - August 18, 2018

విశాఖ : వైసీపీ అధినేత వైస్ ఎస్ జగన్ సీఎం చంద్రబాబుపై తీవ్రస్థాయిలో మండిపట్టారు. చంద్రబాబు నాలుగేళ్ల పాలనంతా మోసం, అబద్ధాలు, అవినీతిమయమని విమర్శించారు. లంచాలు తీసుకునేది చంద్రబాబేనని ఆరోపించారు. జగన్ ప్రజా సంకల్పయాత్ర 239 రోజుకు చేరింది. నర్సీపట్నంలో ప్రజా సంకల్పయాత్ర సందర్భంగా ఏర్పాటు చేసిన సభలో ఆయన మాట్లాడారు. మూడులక్షలు విలువ ఉన్న ప్లాట్ ను పేదవాడికి 6లక్షలకు అమ్ముతున్నాడని పేర్కొన్నారు. 20 సం.రాలు నెలకు మూడు వేల రూపాయల చొప్పున పేదవాడు కట్టాలని సీఎం చంద్రబాబు చెప్పారని తెలిపారు. ఎన్నికలు వస్తున్నాయి...కనుక అపార్ట్ మెంట్లు ఇస్తాని చంద్రబాబు అంటున్నారని...ప్లాట్లు ఇస్తే తీసుకోండన్నారు. తాము అధికారంలోకి వస్తే.. ప్లాట్ కు కట్టాల్సిన మూడు లక్షల రూపాయలను మాఫీ చేస్తామని హామీ ఇచ్చారు. 
మధ్యాహ్నం భోజన కార్మికుల తొలగింపు
ఐదు నెలల నుంచి మిడ్ డే మీల్స్ కు చంద్రబాబు డబ్బులు ఇవ్వడం లేదన్నారు. మధ్యాహ్నం భోజన పథకంలో పనిచేస్తున్న వెయ్యి మందిని తీసేశారని తెలిపారు. ఈ పథకాన్ని ప్రయివేట్ వ్యక్తులకు కాంట్రాక్టుకు ఇచ్చేందుకు ప్రయత్నిస్తున్నారని పేర్కొన్నారు. జాబు రావలంటే.. బాబు రావాలన్నారు.. బాబు వచ్చాడు.. కానీ జాబు రాలేదని ఎద్దేవా చేశారు. నర్సీపట్నం నియోజకవర్గంతోపాటు రాష్ట్రంలో అన్యాయ పాలన సాగుతుందన్నారు. బాబు నాలుగేళ్ల పాలనలో మోసం, అబద్ధాలు, అవినీతి జరిగిందని విమర్శించారు. 'అబద్ధాలు చేప్పేవాడు మీకు నాయకుడు కావాలా?' 'మోసం చేసేవాడు మీకు నాయకుడు కావాలా?'.. 'మీకు ఎలాంటి నాయకుడు కావాలో ఆలోచించుకోవాలి' అని అన్నారు. చెడిపోయిన రాజకీయాల్లోకి నిజాయితీ, విశ్వసనీయత రావాలన్నారు. తనకు అందరి ఆశీస్సులు కావాలని కోరారు.

 

21:13 - August 1, 2018

అనంతపురం : అభివృద్ధి నిరోధక వైసీపీ, జనసేన, బీజేపీకి వచ్చే ఎన్నికల్లో బుద్ధి చెప్పాలని ముఖ్యమంత్రి చంద్రబాబు ప్రజలకు పిలుపు ఇచ్చారు. ఈ మూడు పార్టీల నేతలు అభివృద్ధిని అడ్డుకుంటున్నారని ముఖ్యమంత్రి మండిపడ్డారు. సహాయ నిరాకరణతో ప్రధాని మోదీ ఏపీకి అన్యాయం చేస్తుంటే... కేసులతో వైసీపీ ప్రగతికి అవరోధంగా మారిందని విమర్శించారు. అసత్య ఆరోపణలతో జనసేన ప్రజలను రెచ్చగొడుతోందని అనంతపురం జిల్లా పేరూరు గ్రామదర్శిని సభలో చంద్రబాబు ఆగ్రహం వ్యక్తం చేశారు. 

ముఖ్యమంత్రి చంద్రబాబు అనంతపురం జిల్లా రాప్తాడు నియోజకవర్గంలో పర్యటించారు. రామగిరి మండలం పేరూరులో జరిగిన గ్రామదర్శిని కార్యక్రమంలో పాల్గొన్నారు. పేరూరు ప్రాజెక్టుకు నీరు తరలించే కాల్వ నిర్మాణానికి భూమి పూజ చేసిన చంద్రబాబు.. గ్రామంలో చేపట్టిన అభివృద్ధి కార్యక్రమాలను పరిశీలించారు. చంద్రన్న బీమా పథకం కింద చెక్‌లు అందచేశారు. వివిధ పథకాల కింది  లబ్ధిదారులకు ఆస్తులను పంపిణీ చేశారు. 

పేరూరు గ్రామదర్శిని సభలో ప్రసంగించిన చంద్రబాబు... ప్రధాని మోదీ, వైసీపీ అధినేత జగన్‌పై విరుచుకుపడ్డారు. అవినీతిపరుల ఆస్తులు జప్తు చేస్తానని గత ఎన్నికల్లో హామీ ఇచ్చిన ప్రధాని... ఇప్పుడు వైసీపీ వంటి అవినీతి పార్టీలకు అండగా నిలుస్తున్నారని విరుచుకుపడ్డారు. 

విభజనతో నష్టపోయిన ఏపీని అన్ని విధాల ఆదుకుంటానని హామీ ఇచ్చిన మోదీ... ఇప్పుడు అడ్డం తిరిగడంపై చంద్రబాబు ఆగ్రహం వ్యక్తం చేశారు. ప్రధాని మోదీ పాలనలో దేశంలో మహిళలు, మైనారిటీలు సహా ఏ వర్గానికి రక్షణ లేకుండా పోయిందని చంద్రబాబు ఆందోళన వ్యక్తం చేశారు.
రాజకీయ లబ్ధి కోసమే అసోంలో జాతీయ పౌర రిజిస్టర్‌ నుంచి 40 లక్షల మంది పేర్లు తొలగించారని విమర్శించారు. 

రాష్ట్ర ప్రయోజనాలు కాపాడమని అడిగితే ప్రధాని మోదీ బెదిరింపులకు దిగుతున్నారని చంద్రబాబు విమర్శించారు. హుందాగా ప్రవర్తించాల్సిన మోదీ... స్థాయి మరిచి వ్యవహరిస్తున్నారని ఆగ్రహం వ్యక్తం చేశారు. స్త్రీ, శిశు సంక్షేమ శాఖ మంత్రి పరిటాల సునీత ప్రాతినిధ్యం వహిస్తున్న రాప్తాడు నియోజకవర్గంలో పలు గ్రామాలకు రోడ్లు, ఎన్టీఆర్‌ ఇళ్లు చంద్రబాబు మంజూరు చేశారు. 

 

19:33 - August 1, 2018

ఢిల్లీ : విభజన హామీలు.. ముఖ్యంగా కడప ఉక్కు కర్మాగారం ఏర్పాటు కోసం.. తెలుగుదేశం నేతలు కేంద్రంపై ఒత్తిడి పెంచుతున్నారు. పార్లమెంటు లోపలా, బయటా ఆందోళనలు సాగిస్తూనే.. రాష్ట్రపతి దృష్టికీ ఈ అంశాన్ని తీసుకు వెళ్లారు. ఇంకోవైపు.. తృణమూల్‌ కాంగ్రెస్‌ అధినేత్రి మమతాబెనర్జీతోనూ టీడీపీ నేతలు భేటీ అయి.. తమ డిమాండ్‌కు మద్దతును సమీకరించారు. 

విభజన హామీల సాధన దిశగా.. తెలుగుదేశం పార్టీ దూకుడు పెంచింది. ఇప్పటివరకు పార్లమెంటు ప్రాంగణంతో పాటు ఉభయసభల్లో ఆందోళన కొనసాగిస్తున్న ఆ పార్టీ ఎంపీలు తాజాగా రాష్ట్రపతి రామ్‌నాథ్‌ కోవింద్‌ను కలిశారు. సుజనాచౌదరి నేతృత్వంలోని బృందం.. రాష్ట్రపతిని కలిసి.. కడప ఉక్కు కర్మాగారం ఏర్పాటుకు కేంద్రం చర్యలు తీసుకునేలా ఆదేశించాలని విజ్ఞప్తి చేశారు. ఉక్కు కర్మాగారం ఆంధ్రుల మనోభావాలకు చెందిన అంశం కాబట్టి ఆ హామీ నెరవేరేలా చర్యలు తీసుకోవాలని కోరారు.

మధ్యాహ్నం రెండున్నర గంటల ప్రాంతంలో.. టీడీపీ ఎంపీలు.. కేంద్ర ఉక్కు శాఖమంత్రి చౌదరి బీరేంద్రసింగ్‌నూ కలిశారు. కడప జిల్లా నాయకులతో కలిసి.. టీడీపీ ఎంపీలు.. కేంద్ర మంత్రిని కలిశౄరు. కడపలో ఉక్కు కర్మాగారం ఏర్పాటు చేయాలని విజ్ఞప్తి చేశారు. 

అటు పార్లమెంటు ప్రాంగణంలో.. బుధవారం కూడా టీడీపీ ఎంపీలు ఆందోళనను కొనసాగించారు. పార్లమెంటు గాంధీ విగ్రహం దగ్గర ఏపీకి న్యాయం చేయాలంటూ ప్లకార్డులు ప్రదర్శిస్తూ నినాదాలు చేశారు. మరోవైపు.. చిత్తూరు ఎంపీ శివప్రసాద్‌ ప్రజాకవి వేషధారణలో మోదీ వైఖరిపై మండిపడ్డారు. మాటలగారడీ.. వినయం పేరడీతో మోదీ ప్రజలను మోసగిస్తున్నారని విమర్శించారు. ఇంకోవైపు.. తృణమూల్‌ కాంగ్రెస్‌ అధినేత్రి మమతాబెనర్జీతోనూ.. టీడపీ ఎంపీలు సుజనాచౌదరి, కేశినేని నాని భేటీ అయ్యారు. పార్లమెంటులో ఆమెను కలిసి.. తమ ఆందోళనకు మద్దతును కోరారు. 

17:39 - August 1, 2018

అనంతపురం : కేంద్ర ప్రభుత్వాన్ని మార్చి హక్కులు కాపాడుకోవాలని సీఎం చంద్రబాబు పిలుపిచ్చారు. బీజేపీ పాలనలో దేశంలో ఎస్సీ, ఎస్టీ, ఆడపిల్లలు, మైనారిటీలకు భద్రత లేదన్నారు. స్వాతంత్ర్యం పోరాటం సమయంలో బ్రిటీష్ వారికి సహకరించి...పోరాటానికి ద్రోహం చేసిన వారు.. ఇప్పుడు ప్రజలకు అన్యాయం చేస్తున్నారని పేర్కొన్నారు. పార్లమెంట్ లో టీడీపీ ఎంపీలను ప్రధాని మోడీ బెదిరించారని అన్నారు. ఎన్నికల మందు మోడీ బాగా మాటలు చెప్పారని తెలిపారు. ప్రతి ఒక్కరి అకౌంట్ లో డబ్బులు వేస్తానని... విదేశాల్లోని నల్లధనం వెనక్కి తెస్తానన్నారు. కానీ అవేమీ జరగలేదని విమర్శించారు. బ్యాంకులు, ఏటీఎంలలో డబ్బులు లేకు జనం తీవ్ర ఇబ్బందులు పడుతున్నారని తెలిపారు. రాష్ట్ర ప్రయోజనాలు కాపాడుకోవడం మన లక్ష్యం అన్నారు. కేంద్రంపై పోరాడి హక్కులు సాధించుకుంటామని చెప్పారు.  

 

17:24 - August 1, 2018

అనంతపురం : 'నాది రైట్ టర్న్... మీది యూటర్న్' అని సీఎం చంద్రబాబు అన్నారు. వైసీపీ ట్రాప్ లో తాను పడలేదని...వైసీపీ అవినీతి కుడితిలో బీజేపీ, ఎన్ డీఏ ప్రభుత్వం పడిందన్నారు. తనకు మెచూరిటీ లేదని మోడీ అంటున్నారు..ఆయనకు మెచ్యూరిటీ ఉన్నట్లు అని అన్నారు. ఉందాతనం కోల్పోతున్నారని అసహనం వ్యక్తం చేశారు. అందరికంటే ముందుగా తాను ముఖ్యమంత్రి అయ్యానని.. తనకు రాజకీయాలు నేర్పిస్తున్నారని పేర్కొన్నారు. అనంతపురం జిల్లాలో గ్రామదర్శిని కార్యక్రమంలో సీఎం పాల్గొని, మాట్లాడారు. నీటిని సమర్థవంతంగా వినియోగించుకోవాలన్నారు. బిందు, తుంపర సేద్యానికి ప్రాధాన్యత ఇవ్వాలన్నారు. కమ్యూనిటీ డ్రిప్ ఇరిగేషన్ కు ప్రాధాన్యత ఇచ్చామని చెప్పారు. ప్రపంచంలోని ఐదు అగ్రనగరాల్లో ఒక నగరంగా అమరావతిని అభివృద్ధి చేస్తానని తెలిపారు. అనంతపురం వెనుకబడిన జిల్లా అని.. జిల్లాలో అందరూ పేదవారు ఉన్నారని పేర్కొన్నారు. టీడీపీకి అనంతపురం ప్రజలు మొదటి నుంచి బ్రహ్మరథం పడుతున్నారని కొనియాడారు. జిల్లాను అన్ని విధాలా అభివృద్ధి చేసే బాధ్యత తీసుకున్నానని అన్నారు. 87 శాతం మైక్రో ఇరిగేషన్ చేశామని.. ఈ సం. 100 శాతానికి చేరాలన్నారు. జిల్లాకు సెంట్రల్, ఎనర్జీ యూనివర్సిటీలను ఇచ్చామని తెలిపారు. ఆరు నెలల్లో గొల్లపల్లికి నీరు తీసుకొచ్చామని తెలిపారు. రెండు వేల మందికి ఉద్యోగాలు కల్పించామని చెప్పారు. పరిటాల రవీంద్ర కాలువగా నామకరణం చేశామని తెలిపారు. అనంతపురం జిల్లాకు కేంద్రీయ విశ్వవిద్యాలయం వస్తుందన్నారు. జిల్లాలో మరో ఎయిర్ పోర్టును ఏర్పాటు చేసేందుకు సిద్ధంగా ఉన్నామని తెలిపారు.
వైసీపీ కేసులు మీకు కనపడడం లేదా..? 
'వైసీపీ కేసులు మీకు కనపడడం లేదా..'? అని ప్రధాని మోడీని చంద్రబాబు నిలదీశారు. 'ఏ1, ఏ2 లను మీ ఆఫీస్ లో కూర్చోపెట్టుకుని.. అవినీతిని ఏ విధంగా కంట్రోల్ చేస్తారు' అని ప్రశ్నించారు. 'వారికి రాజకీయం కావాలి...మనకు ప్రజా హితం కావాలి' అని పేర్కొన్నారు. కొంతమంది ఢిల్లీకి ఊడిగం చేస్తున్నారని విమర్శించారు. కేసులు, జైలు భయంతోని వైసీపీ కేంద్రానికి ఊడిగం చేస్తున్నారని ఎద్దేవా చేశారు. హోదా, విభజన హామీలపై పార్లమెంట్ లో టీడీపీ ఎంపీలు నిలదీస్తుంటే వైసీపీ, జనసేన అడ్రస్ లేదని విమర్శించారు. ఏ నిర్ణయం ఎప్పుడు తీసుకోవాలో తనకు తెలుసు...సరైన సమయంలో సరైన నిర్ణయం తీసుకుంటానని అన్నారు. రాజ్యసభలో ఒక్క బీజేపీ తప్ప అందరూ కేంద్రాన్ని నిలదీశారని చెప్పారు. బీజేపీ అధికారం, మంద బలం ఉందని ముందుకెళ్తోందన్నారు. మెజారిటీ కంటే మొరాలిటీయే గెలుస్తుందన్నారు. అంతిమ విజయం టీడీపీదేనని ధీమా వ్యక్తం చేశారు. ప్రత్యేకహోదా సాధిస్తామని చెప్పారు.  

 

 

16:38 - August 1, 2018
21:57 - July 31, 2018

తూర్పుగోదావరి : రిజర్వేషన్లపై కాపులను ముఖ్యమంత్రి చంద్రబాబు మోసం చేశారని వైసీపీ అధినేత జగన్‌ ఆరోపించారు. తూర్పుగోదావరి జిల్లా పిఠాపురం ప్రజాసంకల్ప యాత్ర బహిరంగ సభలో ప్రసంగించిన జగన్‌... కాపు రిజర్వేషన్లపై వైసీపీ వైఖరి అప్పుడు  ఇప్పుడే ఒక్కటేనన్నారు.

21:34 - July 31, 2018

విశాఖ : ఏపీకి నమ్మక ద్రోహం చేసిన బీజేపీకి వచ్చే ఎన్నికల్లో గుణపాఠం తప్పదని ముఖ్యమంత్రి చంద్రబాబు హెచ్చరించారు. కమలనాథులకు వంతపాడుతూ రాష్ట్రానికి అన్యాయం చేస్తున్న వైసీపీ, జనసేన పార్టీలను ఎండగట్టాలని ప్రజలకు పిలుపు ఇచ్చారు. నీతిమాలిన రాజకీయాలు చేస్తున్న జగన్‌, పవన్‌ కల్యాణ్‌ను నిలదీయాలని కోరారు. ప్రత్యేక  హోదా, విభజన హామీల అమలు కోసం కేంద్ర ప్రభుత్వంతో చేస్తున్న ధర్మపోరాటంలో అంతిమ విజయం తమదేని విశాఖ జిల్లా గుడివాడలో జరిగిన గ్రామదర్శిని సభలో చంద్రబాబు చెప్పారు. 

ముఖ్యమంత్రి చంద్రబాబు విశాఖ జిల్లా పాయకరావుపేట నియోజకవర్గంలో పర్యటించారు. ఎస్‌.రాయవరం మండలం గుడివాడలో జరిగిన గ్రామదర్శిని కార్యక్రమంలో పాల్గొన్నారు. గ్రామంలో పర్యటించిన ఎన్టీఆర్‌ ఇళ్లు, సిమెంటు రోడ్లను పరిశీలించారు. గుడివాడలో నిర్వహించిన గ్రామసభలో సమస్యలు అడిగి తెలుసుకుని పరిష్కరిస్తానని హామీ ఇచ్చారు. అనంతరం  నిర్వహించిన బహిరంగ సభలో  వివిధ పథకాల కింద లబ్ధిదారులకు ఇన్నోవా కార్లు, ఆటోలు, ట్రాక్టర్లు పంపిణీ చేశారు. చంద్రన్న బీమా పథకం  చెక్‌లు అందచేశారు. యాభై ఏళ్ల వయసు దాటిన మత్స్యకారులకు పెన్షన్లు పంపిణీ చేశారు. 

గుడివాడ బహిరంగ సభలో ప్రసంగించిన చంద్రబాబు... విభజన హామీల అమల్లో విఫలమైన  బీజేపీకి వచ్చే ఎన్నికల్లో గుణపాఠం తప్పదని హెచ్చరించారు. ప్రధాని మోదీ నేతృత్వంలోని ఎన్డీయే ప్రభుత్వం నమ్మకద్రోహం చేసిందని ఆగ్రహం వ్యక్తం చేశారు. వైసీపీ దివాలాకోరు రాజకీయాలతో రాష్ట్రానికి నష్టం జరుగుతోందని చంద్రబాబు.. మండిపడ్డారు. విభజన హామీలు నెరవేరుస్తారని 2014 ఎన్నికల్లో బీజేపీతో పొత్తు పెట్టుకుంటే.. చివరికి ప్రధాని మోదీ మొండిచేయి చూపించారని చంద్రబాబు దుయ్యబట్టారు. 

కాపు రిజర్వేషన్లు సాధ్యం కాదంటూ వైసీపీ అధినేత జగన్‌ చేసిన ప్రకటనపై చంద్రబాబు మండిపడ్డారు. ఇది కాపులను మోసం చేయడమే అవుందన్నారు. బీసీలకు అన్యాయం చేయకుండా కాపులకు రిజర్వేషన్లు కల్పించేందుకు టీడీపీ కట్టుబడి ఉందని మరోసారి చెప్పారు. 

టీడీపీ ఎమ్మెల్యే వంగలపూడి అనిత ప్రాతినిధ్యం వహిస్తున్న పాయకరావుపేట నియోజకవర్గానికి ముఖ్యమంత్రి చంద్రబాబు పలు పథకాలు మంజూరు చేశారు.  సంఘ సంస్కర్త గుడివాడ అప్పారావు జన్మించిన ఎస్‌.రాయవరంలోని ఆయన నివాసం అభివృద్ధికి 75 లక్షల రూపాయలు మంజూరు చేశారు. రేవుపోలవరంలో బీచ్‌ని అభివృద్ధి చేసి, పర్యాటక ప్రాంతంగా తీర్చిదిద్దుతామని హామీ ఇచ్చారు. పైడిఉప్పాణంలో వరాహనదిపై వంతెన నిర్మాణానికి నిధులు ఇస్తామన్నారు. పాయకరావుపేట నియోజకవర్గానికి ప్రభుత్వ డిగ్రీ కాలేజీ ఇస్తామన్న చంద్రబాబు.. నక్కపల్లిలోని 30 పడకల సామాజిక ఆరోగ్య కేంద్రాన్ని 50 పడకల ఆస్పత్రిగా మార్పు చేస్తామని హామీ ఇచ్చారు. 

18:40 - July 31, 2018

విశాఖపట్నం : కాపు రిజర్వేషన్లు సాధ్యం కాదంటూ వైసీపీ అధినేత జగన్‌ చెప్పడంపై ముఖ్యమంత్రి చంద్రబాబు మండిపడ్డారు. ఇది కాపులను మోసం చేయడమేని ఆగ్రహం వ్యక్తం చేశారు. బీసీలకు అన్యాయం జరుగుకుండా కాపులకు రిజర్వేషన్లు కల్పిస్తామని విశాఖపట్నం జిల్లా ఎస్‌.రాయవరం మండలం గుడివాడలో జరిగిన గ్రామదర్శిన సభలో చంద్రబాబు చెప్పారు.
కేంద్రంపై రాజీలేని పోరాటం : బాబు
ఏపీకి ప్రత్యేక హోదా ఇవ్వకుండా, విభజన హామీలు అమలుచేయని కేంద్ర ప్రభుత్వంపై రాజీలేని పోరాటం చేస్తామని ముఖ్యమంత్రి చంద్రబాబు చెప్పారు. విశాఖపట్నం జిల్లా ఎస్‌.రాయవరం మండలం గుడివాడలో జరిగిన గ్రామదర్శిని కార్యక్రమంలో చంద్రబాబు పాల్గొన్నారు. లబ్ధిదారులకు ఆటోలు, ట్రాక్టర్లు, రైతు రథాలు పంపిణీ చేశారు. చంద్రన్న బీమా పథకం కింద బీమా సొమ్ము చెక్‌లు అందచేశారు. మత్స్యకారులకు పెన్షన్లు పంపిణీ చేశారు. ఈసందర్భంగా జరిగిన సభలో చంద్రబాబు ప్రసంగిస్తూ ప్రధాని మోదీ ప్రభుత్వంపై విరుచుకుపడ్డారు.
అశాస్త్రీయంగా రాష్ట్ర విభజన : బాబు 
రాష్ట్రాన్ని అశాస్త్రీయంగా విభజించారని ముఖ్యమంత్రి చంద్రబాబు విమర్శించారు. ఆస్తులు తెలంగాణకు, అప్పులు ఏపీకి వచ్చే విధంగా విభజించారని మండిపడ్డారు. విశాఖ జిల్లా ఎస్‌.రాయవరం మండలం గుడివాడలో జరిగిన గ్రామదర్శిని సభలో ప్రసంగించిన చంద్రబాబు... విభజనతో ఎదురైన సమస్యలను ఏకరవు పెట్టారు. రెవెన్యూ లోటు భర్తీ చేయకుండా కేంద్రం మోసం చేసిందని విమర్శించారు. 

 

Pages

Don't Miss

Subscribe to RSS - Ys Jagan Praja Sankalpa Yatra