ఫిలింనగర్ కు 600కిలోల లడ్డూ...

09:33 - September 13, 2018

హైదరాబాద్ : వినాయక చవితి రాగానే వినాయకుడి విగ్రహాలతో పాటు లడ్డూకు అత్యంత ప్రాముఖ్యత ఉంటుంది. ఆయా మంటపాల్లో భారీ లడ్డూలను ఏర్పాటు చేస్తుంటారు. భారీ లడ్డూలు ఏర్పాటు చేయడంలో ‘తాపేశ్వరం’ వారికి వారే సాటి. ఎందుకంటే అత్యంత భారీ లడ్డూలు తయారు చేస్తూ వార్తల్లో నిలుస్తున్నారు. తాజాగా 600 కిలోల భారీ లడ్డూను తయారు చేశారు. 
తాపేశ్వరానికి చెందిన మల్లిబాబు లడ్డూను విరాళంగా అందిస్తున్న సంగతి తెలిసిందే. లడ్డూను అత్యంత భక్తి...నిష్టలతో తయారు చేస్తుంటారు. ఈసారి ఫిలింనగర్ దైవసన్నిధానానికి 600కిలోల లడ్డూను విరాళంగా అందించారు. ఈ భారీ లడ్డూ హైదరాబాద్ కు చేరనుంది. 220 కిలోల పంచదార, 145 కిలోల నెయ్యి, 175 కిలోల పచ్చిపప్పు, 25కిలోల జీడిపప్పు, 13 కిలోల బాదం, మూడు కిలోల యాలకులు, కిలో పచ్చ కర్పూరం కలిపి మహాప్రసాదం తయారు చేశారంట. 

 

Don't Miss